Stríðið við Rússa og Pútín getur kostað um 185.000 Evrópubúa lífið, samkvæmt tímaritinu Economist

Í frjálslynda og brezka tímaritinu The Economist sem er 179 ára gamalt og rótgróið og ekki æsifréttablað eða sorprit er því spáð að um 185.000 Evrópubúar geti týnt lífi í vetur fyrir aldur fram vegna efnahagsstríðsins við Rússa og skortinum á gasi og orku almennt.

Talað er um kalda veðurspá ofaná allt annað, og það þvert á loftslagsumræður um hamfarahlýnun.

Skuldinni er að sjálfsögðu skellt á Pútín eins og venjulega, hvað annað, eins og engir kostir séu í stöðunni nema að senda hergögn til Úkraínu og láta sem flesta týna lífi í þessu stríði.

Það er alveg með ólíkindum hversu mikil harkan er að berjast við Rússa og að líkja honum við Hitler, og kalla hann til dæmis Pútler. Sá samanburður finnst mér ekki nákvæmur.

Áætlun Pútíns um að ná aftur þeim svæðum sem töpuðust með hruni Sovétríkjanna er býsna gömul og segja má algert baráttumál fjölmargra Rússa og hluti af þeirra heimsmynd, hvorki meira né minna, sem urðu fyrir miklu áfalli með hruni Sovétríkjanna um 1990. Í þeim fræðum er ekki talað um að ráðast á Svíþjóð eða Finnland, eða ná heimsyfirráðum.

Úkraína er leiksoppur Bandaríkjanna og Rússa, heimsbyggðin leikur sér að því að þarna sé mannslífum fórnað miskunnarlaust, og sökin er ekki síður þeirra sem komu leppstjórn þarna á, með grínleikaranum Selenský, og svo koma leikbrúður til Íslands í áróðursleik til að afla málstaðnum fylgis.

Almenningur á Vesturlöndum verður að vakna til skilnings um að þetta er ekki einfalt eða svarthvít mynd. Almenningur ætti að krefjast friðar og að hætta að senda Selenský vopn, sem dregur þetta á langinn og eykur hættuna á notkun gereyðingarvopna.

Hvar eru núna æstu unglingarnir sem mótmæla því að hælisleitendur séu sendir úr landi? Eiga þeir ekki uppruna sinn í friðarhreyfingunni, sem spratt uppúr kommúnismanum? Þetta fólk ætti að mótmæla vopnasendingum vesturlanda til Úkraínu og óbeinni þátttöku í blóðsúthellingunum.

Það þarf að mótmæla því að Evrópumenn fremji þetta fjöldasjálfsmorð og séu ekki hlutlausir. Þegar allt kemur til alls er varla verra að vera undir kúgun Rússa en ESB og annarra femínista.

Þórdís Kolbrún fundaði með Selenskí

Sjálfsgagnrýni, sé maður að fást við listir

Ég held að ég gagnrýni mína eigin tónlist harðar en tónlist annarra. Ég reyni sífellt að finna nýrri og fleiri fleti á því af hverju þessir 14 hljómdiskar sem ég gaf út 1998 til 2010 seldust lítið, og sumir nánast ekkert, sérstaklega þeir síðustu, þar sem ég tókst á við málefni samtímans og kom með tvo kristilega hljómdiska 2010 og kom þar með bókstafstrúarlegar kristilegar hliðar sem fæstir höfðu áhuga á að kaupa, en sem betur fer nokkrir kristnir einstaklingar. Ég gaf út 4 hljómdiska 2010, alla í litlu upplagi til að sjá hverjir myndu seljast og hverjir ekki. Ég hef engan hljómdisk gefið út eftir 2010, aðallega vegna gremju vegna þess að þetta er tap fjárhagslegt ef þetta selst ekki sómasamlega.

Ég gaf út 2 hljómdiska 2009 og þeir seldust bærilega. Sérstaklega diskurinn "Ísland skal aría griðland." Hann var hljóðritaður það ár, 2009. Hinn diskurinn sem kom út 2009 heitir "Það og það", og hann var hljóðritaður árið á undan, 2008, og fjallaði um hrunið, útrásarvíkingana og það allt.

Ég tók mér hlé frá útgáfu frá 2003 til 2009. Ekkert kom út á þeim árum. Fyrstu þrír diskarnir seldust langbezt. Sá fyrsti var gefinn út 1998, með Dylan ábreiðum. Á þessum árum var hægt að leita til fyrirtækja sem fjölfölduðu CD diska í eins litlu upplagi og maður óskaði fyrir mjög lágt verð. Þannig byrjaði ég á 20 eintökum, og þau seldust upp á tveimur árum.

Næsti diskur var um Nýalsstefnuna, sá fyrsti með efni eftir mig, "Hið mikla samband", árið 1999, til heiðurs dr. Helga Pjeturss, og um hans fræði, og undir sama heiti og hans frægasta og lengsta ritgerð sem kom út í fyrsta Nýalnum hans sem kom út í þremur heftum á árunum 1919 til 1922.

Þessi diskur var með frægasta laginu eftir mig, "Hvenær mun hér á Íslandi rísa stjörnusambandsstöð?" Hann var einnig gefinn út í litlu upplagi fyrst, en hélt áfram að seljast jafnt og þétt næstu árin í Japis, Skífunni og víðar, þannig að nokkrum sinnum var hann gefinn út í litlu upplagi, sem nú er allt búið.

Árið 2000 kom út "Blóm, friður og ást,", með umhverfisverndarlögum og sýrutónlist, og hann hefur líka selzt ágætlega.

Eftir það komu út diskar sem minna hafa selzt. Þeir þóttu mjög ruglingslegir, með lögum um femínisma og karlrembu til jafns, þríleikur, "Jafnréttið er eina svarið", 2001, "Við viljum jafnrétti" 2002 og "Jafnfréttið er framtíðin" 2003.

Ég skil ekki alltaf hversvegna ég valdi ákveðnar útgáfur laganna og því síður hversvegna ég valdi ákveðin lög fram yfir önnur.

Eitt sinn var ég beðinn um að spila í afmæli, og einhver hringdi í mig sem vildi heyra ákveðið lag um Grillarann af kristilegri plötu frá 2010. Þá var ég búinn að steingleyma að ég gaf þetta ákveðna lag út, og ekki nóg með það, heldur hafði ég gleymt því að ég samdi það! Síðan hugsaði ég mig um í mínútu í símanum og þá rifjaðist það upp hvaða lag þetta var. Þetta var einn blús af mörgum sem var spunninn upp snemma árs 2001 um Grillarann, þegar ég var að reyna að finna einhver lög á plötuna "Jafnréttið er eina svarið".

Það er ekki mjög traustvekjandi að heyra mig syngja, því ég þarf alltaf að hafa textana fyrir framan mig, kann þá yfirleitt aldrei.

Einstaka sinnum hef ég tryllt lýðinn og fengið frábærar viðtökur á tónleikum, eins og á Myrkramessunni í MK árið 1991, þegar ég frumflutti rokklagið "Náttúran", og svo á Litlu jólunum í Digranesskóla 1985, þegar ég kom fyrst fram og söng ástarlagi dularfulla, "Myrkur á morgun eða ekki", eða þegar ég frumflutti lagið "Engar umbúðir" árið 1993 einnig á Myrkramessunni í MK.

Langoftast hef ég þó sungið of lágt og óskýrt, og alltof oft spilað á pöbbum þar sem fólk hvorki þekkir lögin né sýnir þeim áhuga og heyrir ekki orðaskil, því miður.

Ég hef ekkert komið fram opinberlega síðan 2015, þegar ég spilaði á síðasta "Melodica Accoustic Festival" sem Svavar Knútur trúbardor skipulagði með fleirum. Þó var það með skástu tónleikunum þar, vegna þess að þá kunni ég næstum alla textana utanbókar og söng skýrar og hærra en áður. Ég safna þessu á myndbönd og dæmi hvernig mér tekst til og hvað má betur fara.

Sérstaklega finnst mér ánægjulegt að ég rifjaði upp lögin "Myrkur á morgun eða ekki" frá 1985 og "Náttúran" frá 1988, en flutt fyrst 1991. Þó má segja að flutningurinn á þessum tónleikum 2015 sé frekar lélegur, en þetta eru þrusugóð lög sem þola það alveg að vera spiluð óendanlega oft.

Hinsvegar finnst mér leiðigjarnt að syngja sum önnur lög sem eru þekkt eftir mig. Þau voru mörg hver samin í flýti og ekkert sérlega vönduð, finnst mér. En ef fólki líkar við þau neyðist maður til að flytja þau.

Tónlist á að vera eins og góð myndlist, tónlist sem er á vinylplötum, eða á netinu eða útgefin með öðrum hætti. Málverkið Mona Lisa eftir Leonardo Da Vinci er fullkomnun listarinnar, og tónlistarmenn ættu að sækjast eftir því sama. Einfaldleika en dulúð í senn. Sumum tónlistarmönnum hefur tekizt þetta. Sum lög eftir mig finnst mér ná þessu, en ekki endilega þau sem ég hef gefið út, eða í þeim útgáfum.

 

Djúpar skilgreiningar á þremur alþekktum orðum, fyrirgefa, friður og afsaka

Fyrir meira en 10 árum las ég skilgreiningu á orðinu friður sem var snilldarleg og vísindaleg, á enskri víkingavefsíðu sem nú er löngu horfin, en þetta skrifaði ég niður og bætti við. Þá var ég að grúska í gömlum fræðum og skrifa með ósjálfráðri skrift ýmislegt merkilegt.

Orðið friður var samkvæmt þessu í fornmáli heiðinna manna notað þegar þremur skilyrðum er fullnægt:

 

1. Friður við guðina.

2. Friður við samvizkuna.

3. Friður við þjóðina (þá sem mæta á þingið að minnsta kosti).

 

Þetta þýðir á nútímamáli að vestrænn friður er ekki friður heldur svikalogn.

 

Ættbálkahöfðingi á heiðnum tíma varð að liggja undir feldi og ráðfæra sig við guðina hvort þeir væru sáttir við niðurstöður þinganna og vilja höfðingjanna. Aðeins eftir leiðslu og vímu eða miðilsdá eða sambandstengingu við guðina og jákvætt svar um frið var hægt að lýsa yfir friðir. Hræsnifriður var og er aldrei alvöru friður.

Af hreinskilni þurfti goðinn eða goðorðsmaðurinn að spyrja sál sína miskunnarlaust hvort nokkuð væri ótrúverðugt við málavöxtu. Ef svarið var neikvætt yrði að berjast um frið, lifa eða deyja, því að falla í orrustu var heiðvirt og kæmi fólkinu til Valhallar.

Ef nokkur ættbálksleiðtogi taldi brotið á sínu fólki vegna samninga yrði að berjast, þar sem ekki var hægt að ganga á bak vilja fólksins til forna. Rétturinn til að tjá sig og mótmæla var heilagur, og menn gátu varið sig með vopnum væri ekki tekið mark á þeim.

 

Í dag er aldrei friður við samvizkuna hjá nútímafólki, aldrei. Allt samfélagið byggist á lygum og blekkingum við glæpaöfl fjær og nær.

Allir stjórnmálamenn á okkar tímum eru að sama skapi meira og minna svikulir, samvizkulausir og ekki í þjónustu við fólkið, og hefðu verið settir af áður fyrr af undirmönnum sínum fyrir slíkt þegar allt var í lagi.

Nóg er að lesa Biblíuna til að vita að enn síður eru hinir heiðnu guðir sáttir við mannfólkið, því þeirra lög voru og eru sízt vægari en hin kristnu lög. Snorri Sturluson og aðrir á hans tíð skrifuðu enn ritstýrðari útgáfu af heiðinni trú en sú útgáfa Biblíunnar sem var ritskoðuð á Nikeuþinginu og öðrum slíkum þingum.

 

Að fyrirgefa þýðir að steli einhver frá þér lífi eða auðæfum þá sértu svo gjafmildur að hefna þín ekki í staðinn, að þú gefur önnur auðævi þín í skarðið og inní eigin missi, eða gefir misgjörðarfólkinu það sem það gerði á þinn hlut. Gjöf þýðir að þú sættir þig við það sem var gert á þinn hlut og verður meðvirkur, samsekur ef svo má segja. Þetta er aðferð sem gengur upp ef sá sem brotið er á er nógu ríkur til að þola slíkt, eða ef drepinn var einhver sem hægt var að fylla uppí skarðið með öðrum, - maður kemur í manns stað pælingin.

 

Að fyrirgefa þýðir að maður reiðist hvorki né telji missinn skaða mann að ráði.

 

Að afsaka þýðir í raun að viðurkenna að sök sem maður bar á einhvern er dregin til baka, að maður viðurkenni mistök sín að hafa ranglega talið eitthvað gert á manns hlut. Að draga sök í burtu er það sama og að afsaka. Það er jafnvel sterkara orð en að fyrirgefa.

 

Hægt er að bíða með hefnd, en hefndarskyldan er ófrávíkjanleg. Geri heilt þjóðfélag á þinn hlut verður þú persónulega að hefna þín á samfélaginu fyrir eða eftir dauðann, með eða án aðstoðar. Að beita sjálfan sig órétti og að sætta sig við misrétt sem maður er beittur það er jafn slæmt og að beita aðra órétti, eða verra.

Hefndarskyldan er því ófrávíkjanleg og óhjákvæmileg. Langflestir eða allir ljúga því til að þeir fyrirgefi. Nútíminn er troðfullur af reiði og hefnd sem þarf að fullnægja. 90% eða meira af öllum sjúkdómum sem drepa norrænt og germanskt fólk eru vegna ófullnægðrar hefndar, sem beinist að manni sjálfur nái maður ekki að hefna sín á öðrum. Þetta er staðreynd. Vélræn læknisfræði nútímans nær aldrei að breyta þessu, bara að ýta vandanum dýpra inní andaheimana, sem gerir vandamálin verri.

 

Það er réttlæti ríkjandi í alheiminum. Þau stjórnvöld sem andsetinn skríllinn kyssir í dag og krýpur fyrir eru minna en 1% af stjórnsýslu alheimsins. Þeir sem eru ofsóttir á okkar dögum fyrir glæpi gegn mannkyninu eru miklu frekar í samræmi við það sem á að vera og verða.

Það er ekki hægt að fyrirgefa það sem aðrir sjá ekki um að hefna fyrir mann. Það er hægt að fresta hefndinni.

Það er mikill misskilningur að fjöldinn ráði, eða sá fjöldi sem er í kringum mann. Það er nokkuð til sem heitir samvizka.

 

Það orð merkir fleira en einhverjir duttlungar sem maður trúir á sjálfur af tilviljun eða duttlungar djöflaríkisins sem maður tilheyrir.

 

Samvizkan er orðræðan við fortíðina, forfeður, formæður, ekki endilega fíflin og glæpahyskið sem maður neyðist til að þjóna.

 

Friður við samvizkuna merkir friður við þessa löngu gengnu spekinga, meðal annars, og friður við andaheiminn, fólkið framliðna á öðrum hnöttum og fleiri.

 

Samvizkan er sameiginleg vizka en ekki samsekt og samsæri. Bara af því að þau sem lemja þig og berja eru fleiri en þú og sterkari gefur það þeim ekki vizku, en hugsanlega þó er vizkan þeim megin, ef sektin er þín megin í raun og veru, sem getur verið líka.

Fall á rafmyntum núna sambærilegt við fjármálahrunið 2008

Þessi frétt, sem hefur fengið of litla umfjöllun, fjallar um hrun rafmynta nú um þessar mundir, sem er talið sambærilegt við hrunið 2008. Það eru ýmsar blikur á lofti og spurning hvort þetta sé forspá um það sem koma skuli á öðrum fjármálamörkuðum.

Nú þegar hefur orðið stórfelldur samdráttur á heimsvísu sem kemur ofan í stöðnun á mörkuðum í Evrópu og víðar. Eru spár erlendar á þá leið að samdrátturinn kunni að leiða til alvöru kreppu á næstum tveimur árum, þótt það sé óljóst hversu djúp hún verður.

Maður ársins ætti að vera Jóhannes Björn Lúðvíksson, sem því miður féll frá á þessu ári, en hann hafði varað við þessu áratugum saman. Hann skrifaði hina merkilegu bók, "Falið vald", eins og frægt er orðið.

Þetta hefur óheyrileg áhrif á almenning víða um lönd. Uppreisnir og mótmæli eru farin að láta á sér kræla en RÚV hunzar að sjálfsögðu þær fréttir, þar sem einhliða áróður fær að ríkja.

Sú alranga áherzla og undirmeðvitaða fréttaskýring er sett fram á RÚV að Bretar einir eigi í kröggum og að það sé vegna þess að þeir yfirgáfu hið almáttuga og algóða ESB samband, þar sem smjör drjúpi af hverji strái. Eða þetta eiga áhorfendur að fá á tilfinninguna þar sem fréttir um efnahagssamdrátt Breta eru fluttar en varla um hann annarsstaðar.

Endurræsingin mikla er ekki samsæriskenning eingöngu, heldur opinber stefna WEF, og bók hefur verið gefin út um þetta. Þeir sem fremja glæpi gegn mannkyninu vita það að bezta leiðin til að komast upp með þá er að hafa þá fyrir allra augum, lögleiða þá og auglýsa hreinlega, benda á jákvæðu þættina á bakvið þá, en gera sem minnst úr neikvæðum þáttum þeirra. Þetta mistókst Hitler á sínum tíma sem vildi stjórna heiminum eftir hernaðarsigur, en ekki þátttöku í alþjóðlegum samtökum og samsærum, og eftir að hafa eitrað heiminn með áróðri í áratugaraðir eða lengur.

Ég lít þannig á að hrun eins og það sem varð 1929 sé frelsunarleið fyrir mannkynið og uppvekingarhringing. Þjóðernishyggjuhreyfingarnar í upphafi 20. aldarinnar stuðluðu að frjósemi og heilbrigðu mannlífi. Þegar búið er að skilyrða viðbrögð fólks er búið að taka í burtu mennskuna, þá erum við tilraunadýr eins og rottur í búri, og það eru verri glæpir en fjöldamorð. Að drepa sálir mannanna er varla skárra en að drepa líkama þeirra.

Með fóstureyðingum, getnaðarvörnum, plastmengun, femínisma og öðrum aðferðum er búið að fremja stórfelldari fjöldamorð og þjóðernishreinsanir á Vesturlöndum en með helförinni í seinni heimsstyrjöldinni og Gúlaginu hans Stalíns í Sovétríkjunum. Bara dauðsföllin vegna Covid-19 eru fleiri en í báðum heimsstyrjöldunum samanlögðum, eins og kom fram í frétt.

Hluti af Endurræsingunni miklu er að láta fólk hætta að nota peninga. Þessvegna má búast við að eigendur mannkynsins séu að stýra þessu fjármálahruni sem er í vændum, þannig að mannréttindi séu tekin af fólki án þess að það verði við neitt ráðið, enda koma allar fyrirskipanir frá alþjóðastofnunum núorðið, og þar er allt réttlætt og fólk hætt að gera uppreisnir nema þær séu stýrðar frá þessum valdhöfum og alþjóðastofnunum. Allt tal um mannréttindabrot er því bara hlægilegt, því fólk hefur ekkert skynbragð lengur á veruleikann eða sjálfstæðan vilja, að því er virðist, eða fátt fólk.

En þeir sem hafa lesið til dæmis vefsíðu Guðrúnar Bergmann um Endurræsinguna miklu vita að ekki hafa allar áætlanir þar gengið í gegn samkvæmt áætlun. Guðrún Bergmann hefur ekki aðeins fjallað um hollt mataræði og heilbrigðan lífsstíl heldur Covid-19, Endurræsinguna miklu og fleira.

Stríðið í Úkraínu, sett af stað af þessum aðilum sem eiga mannkynið án efa, er aðeins eitt dæmi af mörgum um það að þessum kúgurum mannkynsins er ógnað, og sú framtíð sem reynt er að búa til af þeim er mögulega ekki að fara að verða að veruleika. Gríðarlegar árásir á Donald Trump eru annað merki, eða hvernig Boris Johnson var bolað frá völdum.

En til að líta á björtu hliðarnar má segja að forríkir menn hafi bjargað mannkyninu frá algjörri kreppu sem hefði átt að vera komin fyrir löngu, því fjölmörg lönd eru sennilega gjaldþrota, Evrópa öll, Bandaríkin, Kína, loftbóluhagkerfið gæti þarna verið að verki eins og á árunum fyrir hrunið 2008 eða 1929.

Hagkerfin byggjast á skuldum, og fer það sízt eftir verðleika starfanna hvort fólk hagnast eða hversu mikið fólk leggur á sig, eða hvort menntunin sé verðmæt. Braskarar hagnast mest. Löngu dauðir tónlistarmenn þéna óhóflega á stefgjöldum en pólitísk rétthugsun ræður því af hvaða stétt og stöðu eða kyni nýir tónlistarmenn eru sem ná árangri og vinsældum. Þetta er ógeðslegt þjóðfélag, eins og Styrmir Gunnarsson sagði.

Bill Gates er eins og risi sem gefur Afríkulöndum stórfé og sér ekki högg á vatni af sjóðum hans. Spurning er hvort þetta sé einmitt það sem eflir bezt hagvöxt í löndum sem hafa átt erfitt.

Í þessum heimi er trúað á hið óskeikula kerfi og orð eins og mannúð (kommúnísk mannúð). Trúarbrögð eru mýtur fortíðarinnar, barnasögur.

Búið er að ríkisvæða trúarbrögðin og gera þau að hlýðnum þrælum auðvaldsins alþjóðlega og alþjóðavædda. Ekkert pláss er fyrir andann eða sálina. Mannúð og miskunnsemd eru vélræn fyrirbæri, svörun samkvæmt áreitum.

Nú er tækifæri fyrir þá sem vilja aðra heimsmynd að láta í sér heyra, stofna flokka og samtök, gera fólk meðvitað. Þótt Bill Gates og aðrir milljarðamæringar hafi óheyrileg völd sýnir það sig að öll mannanna verk eru skeikul, fyrst hann gat þetta geta aðrir velt honum úr sessi.

Endurræsingin mikla mun ekki endilega verða eins og fyrirhugað er, tímasetningar hafa ekki staðizt eða allir atburðir, og það er hægt að fræðast um á vefsíðu Guðrúnar Bergmann. "6 áfangar Endurræsingarinnar miklu" heitir greinin sem ég er að vísa í og er þýdd, en birtist 18. nóvember 2021 fyrst.

Samkvæmt þessari merkilegu grein var planið þetta:

I. Skapa ógn og skelfingu. (Tímabil: Desember 2019 - marz 2020).

 

1. Koma af stað plandemic, (skipulögðum faraldri). Skaraldur gæti verið gott nýyrði fyrir plandemic, skipulagður faraldur.

2. Toppa faraldurinn í Kína.

3. Taka af lífi tugþúsundir aldraðra og veiklaðra með  rangri meðhöndlun eins og öndunarvélum, remdesvir, (lyfið er með neyðarleyfi og veldur nýrnabilun).

4. Fjölga skráðum tilfellum og dauðsföllum með því að skrá alla með Covid.

5. Benda á bólusetningu sem einu lausnina frá upphafi, útiloka aðrar.

6. Beina allri athygli í fjölmiðlum að Covid-19.

 

Niðurstaða: Næstum allsstaðar ótti.

 

II. Sá fræjum misskiptingar. (Marz 2020 - desember 2020).

 

1. Hrinda af stað óþörfum frelsissviptingum, brjóta varin stjórnarskrárréttindi, beita þvingunaraðgerðum.

2. Lama verzlunarstörf, veitingastörf, menningarlíf, ferðaþjónustu og efnahagslíf.

3. Fylgjast með undirgefni meirihlutans og andspyrnu minnihlutans.

4. Stimpla þá andvígu sem uppreisnarmenn og fá hina hlýðnu upp á móti þeim með neikvæðni, fordómum og reiði.

5. Ritskoða alla þá sem mótmæla aðgerðunum eða koma fram með sannleikann. Gera þá tortryggilega og sverta mannorð þeirra. Banna eða takmarka áhrif og völd þeirra á samfélagsmiðlum.

6. Refsa þeim sem mótmæla fyrir óhlýðni.

7. Alhæfa um ágæti PCR prófana, (sem hafa takmarkaða virkni í raun).

8. Skapa ringulreið og rugling í kringum fjölda tilfella, sýktra, veikra, hversu margir voru á sjúkrahúsum og hversu margir létust.

9. Banna allar árangursríkar meðferðir við Covid-19.

10. Hamra á að bóluefnin séu eina lausnin.

 

Niðurstaða: Ógn og skelfing, hlýðni, kúgun.

 

III: Koma með ókeypis og banvæna lausn. (Desember 2o20 - júní 2021).

 

1. Bjóða upp á "ókeypis" bóluefni fyrir alla. (Skattgreiðendur borga þó eins og alltaf í raun).

2. Segja að þau verndi og að allt komist í sama horf og áður.

3. Setja á fót markmið og orðræðu um hjarðónæmi og fjöldabólusetningar.

4. Gefa í skyn að hagkerfið sé að rétta úr kútnum.

5. Fela tölfræði um aukaverkanir og dauðsföll vegna bólusetningarherferðarinnar.

6. Útskýra aukaverkanir sem náttúruleg áhrif veirunnar og sjúkdómsins.

7. Útskýra ný afbrigði sem náttúrulega stökkbreytingu á vírusnum.

8. Rökstyðja áframhaldandi þvingunarúrræði og kúgun með því að það sé til að vernda aðra.

 

Niðurstaða: Kjarkleysi og uppgjöf meðal andstæðinga, efasemdir, ringulreið og tilfinningar um svik meðal bólusettra.

IV. Koma á aðskilnaðarstefu og QR-kóðanum. (Júní 2021 - október 2021).

 

1. Koma með staðhæfingar um skort á bóluefnum, þegar hann var ekki til staðar.

2. Virkja bólusetningarpassann (QR-kóðan) til að umbuna bólusettum, refsa hinum.

3. Búa til aðskilnaðarstefnu með forréttindahóp sem nýtur annarra réttinda en þeir sem vilja ekki láta sprauta sig með tilraunaefnum.

4. Afnema rétt óbólusettra til vinnu eða náms.

5. Afturkalla grunnþjónustu til óbólusettra.

6. Krefjast PCR prófa frá óbólusettum.

 

Niðurstaða: Fyrsta stig stafræns eftirlits og opinbers eineltis, samhliða því sem fátækt þeirra sem vilja ekki taka þátt í tilrauninni eykst.

 

V: Koma á glundroða og herlögum. (Nóvember 2021 - marz 2022).

 

1. Nýta skort á vörum og matvælum til að þvinga fólk til að láta sprauta sig.

2. Lama raunhagkerfið með lokun framleiðslufyrirtækja og verzlana.

3. Vinna að því að atvinnuleysi aukist.

4. Gefa þriðja skammtinn til þeirra sem eru tvísprautaðir (örvunarlyf).

5. Taka aftur upp morð á gömlu fólki með fleiri sprautugjöfum.

6. Taka upp skyldubólusetningu fyrir alla.

7. Magna upp söguna um afbrigðin, virkni bóluefnanna og ónæmi hjarðarinnar.

8. Svartmála hina óbólusettu og halda því fram að þeir beri ábyrgð á hinum látnu.

9. Handtaka leiðtoga þeirra sem eru með mótþróa.

10. Útbúa stafræn auðkenni á alla (QR-kóða), fæðingarvottorð, persónuskilríki, vegabréf, ökuskírteini, sjúkratryggingakort, ofl.

11. Setja herlög til að ganga frá andstöðunni.

 

Niðurstaða: Annað stig stafrænnar stjórnunar og kúgunar. Fangelsun eða brottrekstur andstæðinga "bólusetninga".

 

VI: Afnema skuldir og gera peninga verðlausa. (Marz 2022 - september 2022).

 

1. Stuðla að efnahagshruni, fjármálahruni og hlutabréfamarkshruni sem leiðir til almenns gjaldþrots og alþjóðlegs.

2. Bjarga tapi bankanna á kostnað viðskiptavinanna.

3. Virkja Endurræsinguna miklu. (The Great Reset).

4. Afnema peninga úr raunheimum.

5. Fella niður skuldir og lán.

6. Setja á laggirnar stafræn borgaralaun. (Social Credit System). Það þýðir að eftirlit er með hegðun og hægt að loka á peninganotkun ef reglum Alheimsstjórnarinnar er ekki hlýtt.

7. Gera eignir og lönd upptæk. Opinber yfirlýsing og auglýsing WEF sýnir að þetta er á rökum reist en ekki samsæriskenning ein:"Þú munt ekki eiga neitt og vera hamingjusamur". Eignaupptaka mun eiga við um alla bólusetta sem óbólusetta, nema Elítuna og fyrir þá sem vinna fyrir hana, hlýða miskunnarlaust eins og í einræðisríkjum. Þið munið að "Við erum öll í þessu saman", eins og þríeykið hefur hamrað á lengi.

8. Banna öll alþjóðleg lyf svo fólk geti dáið drottni sínum. Það er hluti af fólksfækkunarstefnunni, sem meðal annars var rædd á COP ráðstefnunni í Glasgow nýlega.

9. Koma á skyldubólusetningu einu sinni eða tvisvar á ári.

10. Gera kröfu um matarskammtanir og mataræði byggt á Codex Alimentarius.

11. Útvíkka aðgerðirnar til fleiri landa.

 

Niðurstaða: Þriðja stig stafrænnar stjórnunar. Útvíkka Endurræsinguna miklu til allra landa á jörðinni. Peningagjafir Bill Gates til Afríku kunna að vera hluti af þessu, því þar hefur áhuginn á þessum bólusetningum verið mjög lítill, og andstaðan mikil, enda lítil veikindi þar miðað við annarsstaðar, samkvæmt fréttum. Ótrúlega ómannúðlegt og grimmilegt, en því miður Planið sem Elítan hefur sett sér til að ná heimsyfirráðum!

 

Guðrún Bergmann þýddi þessa grein eftir Henri Makow, með upplýsingum frá Mike Yeadon, ekki hvern sem er, fyrrverandi vísindamann og varaforstjóra Pfizer, hvorki meira né minna.

 

Eins og sjá má af þessum lestri hefur þetta ekki allt gengið eftir, núna þegar sjötta áfanganum ætti að vera lokið, samkvæmt þessu. Ekki er ég þar með að segja að um hafi verið að ræða ómarktæka samsæriskenningu, enda hefur fjölmargt af þessu gengið eftir, og vel má vera að annað eigi eftir að rætast síðar, því miður.

 

Öll þessi grein er áminning um dystópíuna sem við tilheyrum og mikilvægi mótmæla og andstæðra stjórnmálaafla en þeirra sem eru við völd.

 

Sem betur fer minnir sumt á þessu aðeins á vísindaskáldsögur ennþá, en þetta er nauðsynlegt að rifja upp, vegna þess hversu margt af þessu varð að raunveruleika. Hvað er svo að gerast á bakvið tjöldin? Vitum við það?

 

Öll önnur mál verða smávægileg þegar þetta er lesið. Því er mikilvægt að þetta gleymist ekki, heldur sé skoðað reglulega og frelsiselskandi fólk og brautryðjendur stofni samtök til að gæta réttinda sem svona valdhafar brjóta, sem eru ríkari en þjóðirnar.

Sumt af þessu er pottþétt rétt, en í öðrum tilfellum er um vafaatriði að ræða.

Þetta setur árásirnar á Donald Trump í rétt ljós, og þetta setur Úkraínustríðið í rétt ljós, hversu mikið er í húfi, og hversu sterk öflin eru sem berjast í heiminum.

„Þetta eru bara áfallatímar“

Ýmislegt sem við höfum tekið hrátt uppúr bandarískri menningu okkur til skaða

Mannlegt eðli er þannig að ákveðin prósenta er alltaf líkleg til ofbeldisverka. Án þess værum við vélar en ekki verur sem hafa frjálsan vilja.

Gamla fólkið talaði um blessað stríðið, seinni heimsstyrjöldina, því þá kom Kaninn með alla peningana og gerði okkur rík. Já, á fyrri hluta tuttugustu aldarinnar var offjölgun í Reykjavík og í sveitunum, og fátæktin mikil og húsaskjól skorti og mat til að metta fólkið. Þegar afi og amma fluttu til Reykjavíkur um 1940 leigðu þau á Tjarnargötunni, en voru öll þau tíu ár næstum því sem þau bjuggu þarna að leyfa öðru fólki að búa hjá sér líka af náungakærleika og miskunnsemi, svona voru margir í Reykjavík á þessum tíma bláfátækir og áttu erfitt með að eiga fyrir mat og húsaskjóli.

Margir litu á Bandaríkjamenn sem frelsandi engla, og amma var eins og margar konur af hennar kynslóð dálítið skotin í dátunum á þessum tíma, en hún sagði margsinnis frá því stolt að hún stundaði ekki framhjáhald þótt freistingarnar hafi verið til staðar. Samkvæmt frásögnunum hennar var "ástandið" svonefnda ekki ýkt heldur staðreynd. Hún lifði þessa tíma sjálf.

Fastar og ákveðnar hendur íslenzkra ráðamanna fram eftir öllu voru þess valdandi að íslenzka samfélagið var saklaust og verndað mjög lengi. Það var feðraveldið og kirkjan, verndaröflin sem femínistar hafa linnulaust brotið niður með bölvuðum afleiðingum.

Það sem mannréttindafrömuðir skilja ekki er að ótti getur af sér ótta. Þannig að afleiðingin af því að sjá hatur í fólki sem er ekki til staðar skapar hatur í því sama fólki. Það er vegna þess að um leið og maður fer að vanttreysta fólki þá skapar maður óvild.

Þessir strákar sem hafa skapað ótta í miðbæ Reykjavíkur að undanförnu hafa án efa alizt upp við bandarískar kvikmyndir og sjónvarpsþætti, en Hollywoodmenningin gengur öll meira og minna útá ofbeldi og klám.

Hollywoodmenningin er skaðleg að stórum hluta og hana höfum við flutt inn, í gegnum kvikmyndahúsin og sjónvarpsefnið. Jafnvel sá siður að búa til glæpasögur á Íslandi er aðfluttur siður, sem spenntur var upp í Bandaríkjunum og gerður ýktur, en var orðinn nokkuð öflugur í Bretlandi og víðar, til dæmis með sögum Agöthu Christie.

Vímuefnanotkunin er einnig aðflutt, hörðu vímuefnin sem nú eru á götunum og leiða til dauðsfalla og hræðilegrar óhamingju. Drykkjumenningin íslenzka var viðráðanleg, sérstaklega þegar sterk urðu samtökin gegn henni, SÁÁ og fleiri.

Um leið og farið er að fórnarlambsvæða alla, sérstaklega konur, er verið að búa til skrímsli, sérstaklega úr körlum, en glæpir kvenna hafa þó einnig meira komizt í sviðsljósið uppá síðkastið, ekki sízt í DV pressunni þar sem allskonar viðbjóður vekur athygli lesenda.

Breytingar á mannréttindaköflum stjórnarskrárinnar tel ég sumar hafa verið óþarfar og gjörsamlega til skaða. Um leið og reynt er að þefa uppi eitthvað refsivert samkvæmt veruleikanum í Bandaríkjunum er verið að stilla íslenzk ungmenni inná að verða eins og gangsterarnir í Bandaríkjunum, því þetta er sýnt í bíómyndum og framhaldsþáttum á öllum sjónvarpsstöðvum. Áður voru foreldrarnir fyrirmynd, nú eru það bíómyndirnar.

Skiljum við fólk um tvítugt og þaðan af yngra, hvað því finnst flott og eftirsóknarvert? Skiljum við hversvegna þessir góðlyndu kommúnistar fyrri alda breyttust í tröllin á samfélagsmiðlunum sem hata sitt eigið þjóðerni og mannkynið í heild?

Í Bandaríkjunum eru allir samankomnir úr öllum heimshornum. Vegna þess að Bandaríkin eiga mesta vopnabúr í heimi, Hollywood sem fer inná hvert heimili, alþjóðatungumálið enskuna og forskot í viðskiptum má segja að bandaríska menningin sé eins og sú rómverska áður fyrr, hún er innflutt allsstaðar, einnig í Kína og Rússlandi, sem sýna andstöðu, misharkalega.

Hin geysiflókna og þversagnakennda og ruglingslega flóra af lögum og tilmælum sem kemur frá ESB hefur mótazt eftir bandarískum veruleika og einnig ýmsar lagagreinar íslenzkar.

Með því að brjóta niður þjóðríkin hefur margt gott verið brotið niður einnig. Við skiljum ekki hvað veldur því að nemendur eru drepnir í framhaldsskólum í Bandaríkjunum og jafnvel víðar. Einhver mjög svo grunnstæð óhamingja hlýtur að liggja þar til grundvallar. Sífelldar fréttir um aukinn kvíða hjá nemendum á Íslandi hlýtur að benda í þessa átt, að einhverjar slíkar árásir geti hafizt í skólum á Íslandi líka. Ég tel að þetta sem ég hef verið að telja upp í þessum pistli sé ekki tæmandi útlistum á ýmsum vandamálum sem við höfum tekið hrá upp frá Bandaríkjunum, en ég tel að fræðimenn og aðrir ættu að horfa í þessa átt til að vinda ofanaf því sem hefur færzt til verri vegar í okkar menningu.

Þetta er ekki einfalt og skyndilausnir ekki til, en margt í speki aldanna og fyrri kynslóða sem hlýtur að vera til aðstoðar.

Þótt ég sé ennþá í Þjóðkirkjunni hef ég einnig haft áhuga á öðrum trúarbrögðum. Góður vinur minn sem er guðfræðingur segir að það sé ekki til neinn dæmigerður kristinn maður og að efinn sé til marks um lifandi og eðlilega kristna trú.

 

Stóraukið eftirlit í miðbænum

Framþróun dægurtónlistar frá venjulegum dægurlögum með endurtekningum

Demóupptökur hef ég gert allt mitt líf frá 1983 þannig að aðeins fyrsta erindið er sungið, en hitt er rappað, eða talað. Mér er farið að líka betur við þessa aðferð en þessa hefðbundnu, að syngja öll erindin.

Upphaflega kom þetta þannig til að ég var með textann fyrir framan mig og mundi ekki lagið sem fylgdi fyrsta erindinu. Þetta er nokkuð sérkennilegur stíll sem segja má að ég hafi fundið upp.

Önnur pæling á bakvið þetta er að reyna að láta dægurtónlist líkjast synfóníum eða klassískri tónlist, með því að forðast endurtekningar, sem mér finnst pirrandi núorðið. Sérstaklega eftir að ég lét til leiðast og syngja alltaf sömu lögin á tónleikum um margra ára skeið, frá 1991 til 2002 umhverfisverndarlögin og svo frá 2009 til 2015 stjörnusambandslögin og ýmis önnur lög.

Sá sem kaupir hljómplötu ætti að fá í hendurnar grip sem hægt er að hlusta á sem oftast. Þessvegna verður þetta þannig ef ég endurútgef mín verk á vinyl, að þá verða þessar svonefndu demóupptökur notaðar, eða prufutökur, þar sem laglínan leikur meira frjáls. Með þeim hætti gefst hlustandanum aukið svigrúm til að skálda í eyðurnar.

Annað sem ég mun vilja endurútgefa eru lögin sem aldrei voru gefin út og voru spunnin á staðnum, án viðlags og án eiginlegrar laglínu eða undirspils, þar sem frjáls sóló eru frekar leikin. Með því að skreyta umrædd lög með flóknum og mörgum gripum eftirá og skrifa upp textann er hægt að búa til forskrift að mörgum lögum, allt eftir útsetningum.

Í dag kunna miklu fleiri á hljóðfæri en áður. Ég er farinn að njóta þess að hlusta á eigin tónlist eins og Bob Dylan eða annað, sérstaklega það sem er flóknara eftir mig, þar sem maður tekur eftir smáatriðum í textum og lagasmíðum eftir því sem oftar er hlustað.

Ég setti eitt slíkt lag á netið í sumar, "Kata rokkar", frá 2019, óútgefið að öðru leyti. Ég er mjög ánægður með þessa tónsmíð og textann. Þótt undirleikurinn sé hljómborð er þessi umrædda aðferð notuð þarna, aðeins fyrsta erindið er sungið, hitt er rappað, í takt við tímann.

Hin lögin á plötunni eru mörg hver enn pólitískari, en ég varð að setja þau saman til að lýsa mikilli óánægju minni með fóstureyðingalöggjöf Svandísar Svavarsdóttur þáverandi heilbrigðisráðherra, sem var gerð að lögum, því miður.

Mér finnst þessi tónlist vera sígild og eiga alltaf erindi við fólk, þótt ort sé út frá málefnum líðandi stundar er sú spurning alltaf brýn hvenær og hvort slíkt er við hæfi.

Tilgangur tónlistar og annarra lista er meðal annars að vera samvizka þjóðanna, að meitla það í stein, ef svo má segja, sem reynt er að breiða yfir og láta fólk gleyma, en gleymist aldrei í raun. Allra sízt ef það stendur í Biblíunni sem er mörgum dýrmæt enn, í upphaflegri mynd.

Sífelld sút, ljóð 5. september 2015.

Handverk hans,

heimur breytist.

Kína drottnar öllum yfir,

undir klafa það sem lifir.

Náunga innlendum ættum að hjálpa,

óþarfi svo fyrir björg sig að álpa.

Sérhver sál loks þreytist,

sorgar stígur dans.

 

Afi einn

allt nam laga.

Nú er kínversk næsta bifreið,

nöldur heyrist, kemur svifreið?

Vandamál fara ekki, vargstíminn líður,

verkstæðið merkilegt, upprisan bíður.

Ormar orku naga,

einhver verður seinn.

 

Sorgin sár,

sízt mun fara.

Mild var sál og hraustur hamur,

heyrðist víða starfsins glamur.

Treysti ég feðgunum, allt var svo augljóst,

auðlegðin fjarri en þó galdravænt, baugljóst.

Trúin... bara... bara...

burt nú flogin ár.

 

Örlag eitt

ýtir hjóli.

Dvergar smíða, veröld vernda,

víst án þeirra myndi enda.

Heilaga smiðjan og holdið svo jarðar,

hofið og Eden, þeir fyrrleiddu garðar.

Örþreytt, enn á róli,

engu verður breytt.

 

Minning mær

mun þó dvína.

Sál og líkið selja allir,

sífellt gleymast stærri hallir.

Draumlyndur var ég og vann alltof lítið,

vandamál kæfa þig, nægir ei býtið.

Sál þó vilji sýna,

sorgin færist nær.

 

Sífelld sút

sál nú tærir.

Hvert skal stefna? - Viljinn víkur!

Verst að ekki þú ert ríkur.

Tilgangslaus sífellt er tilveran harða,

turna þau rífa og minnisins varða.

Efinn manninn ærir,

ekki finnur bút.

 

 

Jafnvel þótt frumvarp Jóns Gunnarssonar verði samþykkt má búast við áframhaldandi deilum um þetta, og að sífelldar breytingar verði í málaflokknum

Jafnvel Píratar viðurkenna þörf á að endurskoða þennan málaflokk. Ég er sammála því að nú þykir mér líklegra að þetta verði samþykkt. En framtíðin er óneitanlega að verða enn dystópískari en hún hefur verið. Enn eykur þetta umsvif og stærð ríkisins, sem er andstætt grunnstefnu Sjálfstæðisflokksins.

En til eru þeir framsýnu stjórnmálamenn sem vöruðu við því að þróunin á Íslandi gæti orðið eins og í útlöndum. Ef Frjálslyndi flokkurinn hefði komizt inná þing fyrir hrunið 2008 er ég nokkuð viss um að skárra væri ástandið núna. Þeirra stefna var ekki rasismi heldur þjóðvernd.

Margt í þessu frumvarpi minnir því miður á skáldsöguna og hryllingssöguna 1984 eftir George Orwell. Einnig minnir þetta á það sem margir hafa fjallað um, að vesturlönd séu að færast nær Kína og kínverskum kommúnisma.

Fyrirbyggjandi aðgerðir hefðu verið áhrifaríkastar, ef Ísland hefði getað haldizt áfram saklausa sveitasamfélagið sem það var fyrir nokkrum áratugum. Enn er ekki of seint að fara í þá átt, ef samstaða næst um það.

Því miður eru of margir sem kjósa dystópíska framtíð, að fylgja alþjóðlegri þróun í staðinn fyrir að sérhanna aðstæður hér á landi.

Af hverju fá ekki flokkar eins og Miðflokkurinn, Flokkur fólksins, Íslenzka þjóðfylkingin og Frelsisflokkurinn að njóta þess í auknu fylgi að þar hefur verið varað við ýmsu sem síðar hefur komið á daginn?

Bjartsýnn á að frumvarpið verði samþykkt

Þorskastríðin

 

Ég rataði inná þáttinn Heima er bezt á Hringbraut óvart og sá þáttur var fróðlegri og betri en ég hélt. Af því að Sigurjón, bróðir Gunnars Smára sér um þáttinn hélt ég ranglega að þetta væri einhver áróðursþáttur eins og í RÚV, en þetta var raunar mjög góður þáttur, þar sem Guðni forseti fjallaði um þorskastríðin á lifandi og skemmtilegan hátt.

Ég var of ungur til að hafa áhuga á þessu öðruvísi en með frásögnum annarra, 5 ára 1975 þegar síðasta þorskastríðið var háð. Mig rámar örlítið í þetta í fréttunum, en man þó betur eftir því sem afi og amma sögðu og voru stolt af ráðherrunum að geta þetta.

Síðan myndaði ég mér skoðun á þessum afrekum í gegnum lagið sem Haukur Morthens söng, "Þau eru svo eftirsótt Íslandsmið", og ég söng þetta lag sjálfur á tónleikum 1995 ásamt lögum eftir sjálfan mig, Bob Dylan og Megas og fleiri, enda fann ég gamla bók með gítargripum á heimilinu, sem systir mömmu hafði skilið eftir sig eftir að hún fluttist að heiman, og þar lærði ég þetta lag og af plötu.

En Guðni forseti sagði frá þessu í þættinum og lýsti því hvernig þetta voru raunveruleg stríð, sjóorrustur eins og í gamla daga á tímum Karþagómanna og Rómverja, siglt á bátana og slitið stjórnmálasambandi.

Einnig var það fróðlegt að heyra að miklar deilur voru um þetta innanlands, en sannar hetjur hér á landi í pólitíkinni sem héldu þessu til streitu og komu í gegn.

Einnig var það sláandi að bæði stórveldin stóðu saman gegn okkur, Bandaríkin og Sovétríkin ásamt Bretum að sjálfsögðu, en þá voru það smáþjóðir víða um heim sem studdu kröfur okkar. Mjög merkileg saga.

En það er hægt að bera þetta saman við aðra landhelgisdeilu, sem er deilan um flóttamenn og opin landamæri sem lúta stjórn Evrópusambandsins, Pírata og vinstriflokkanna, eða landamæri sem lúta okkar stjórn, stjórnmálamanna sem vilja sjálfstæði.

Það kom fram í því sem Guðni forseti sagði í þessum sjónvarpsþætti að þegar samstaðan var þetta mikil hjá okkar þjóð fengum við alþjóðasamfélagið með okkur að miklu leyti, að þetta væri spurning um þjóðarhagsmuni og sjálfstæði.

Það hefur komið fram hjá til dæmis Sigríði Andersen að það er rangt sem margir vinstrimenn halda fram að ein lög gildi í öðrum löndum eða einar reglur í þessum málum. Sem þýðir að vilji Íslendingar móta harða stefnu og að taka vel á móti fáum og láta það nægja þá ætti það að vinnast eins og þorskastríðin.

Ég hvet alla til að horfa á þennan þátt á Hringbraut og fyllast af þjóðernisstolti yfir því hversu vel gekk í þorskastríðunum. Það ætti að vera hvatning til að halda áfram á sömu braut og móta skynsamlega stefnu í öðrum málum.

Gott hjá Zoë Kravitz.

Ef Helvíti kemur ekki til mín verð ég að fara til Helvítis eða draga það til mín. Í Biblíunni kemur það skýrt fram að húðflúr séu bönnuð.

Húðflúr er frá Helvíti er lag eftir mig frá 1996. Á kristilegu plötunum mínum fjalla ég um þetta og Grillarann og fleira.

Sumarið 1991 kallaði ég í ágústmánuði 1991 "Sumar í Helvíti", í samnefndu lagi. Ástæðurnar voru nokkrar. Í fyrsta lagi sat ég við skriftir í herberginu mínu kófsveittur í brennandi sólskininu, en sumarið var óvenju heitt og ég hafði ekki byrgt gluggana þá, sem ég gerði seinna. Í öðru lagi var ég í logandi sárri ástarsorg. Í þriðja lagi fékk ég taugaáfall útaf kvenmannsleysi og að erfiðlega gekk að kynnast náið manneskju sem ég var hrifinn af, hún var í þremur störfum þetta sumar og hafði lítinn tíma fyrir mig og ég hafði lítið þol fyrir að vera án hennar.

Afleiðingarnar af þessu urðu þær að ég þjáðist af svefnleysi og ofskynjunum nótt sem dag. Undarlegar myndasyrpur flössuðu í anda mínum og létu mér líða enn verr, og sífellt verr, á þessu var enginn endir. Ekki fyrren um haustið þegar ég byrjaði í skólanum, menntaskólanum, þá fór mér að líða skár, því að hafa samskipti við aðra gerðu lífið bærilegra og ég fékk áhuga á öðrum fegurðardísum.

En um sumarið sem ég kallaði "Sumar í Helvíti" sá ég margsinnis í ofskynjunum eða sýnum eða hvað sem á að kalla þetta húðflúrað fólk drepa og meiða annað slíkt fólk, og svo sá ég skrímsli, fugla sem rifu fólk í sig, einhverskonar ránfugla, brjálaða náttúru eins og eftir heimsstyrjöld, deyjandi fólk og þjáningar. Ég var samsála fólki í helvíti einhverskonar, eins og ég lærði að gæti gerzt. Paranoia eða hysteria kallaði dr. Helgi það.

Eftir þetta fékk ég óbeit á húðflúrum. Fannst mér að kannski gæti verið að 666 maðurinn Bubbi Morthens væri andkristur sjálfur, sá sem gerði þessa tízku vinsæla á Íslandi frekar en flestir aðrir. Á afmælisplötunni og DVD disknum frá árinu 2006 gerir Bubbi sjálfur grín að þessu með því að nefna verkið Bubbi 06 06 06. Kom diskurinn út 16. október 2006.

Þegar vinkona mín í Iðnskólanum haustið 1996 sagðist vilja fá sér tattú samdi ég þetta lag fyrir hana (Húðflúr er frá Helvíti sem kom út 2010 á disknum "Kristur kemur), til að vara hana við, það var allt gert í kærleika og ást. Nokkrum árum seinna varð ég frelsaður, eða það töldu kristnir vinir mínir, úr því að ég missti áhugann á heiðni um stundarsakir og fór að lesa Biblíuna og vera í kristilegum leshóp, og vinna í Miðbæjartrúboðinu um helgar með þessum vinum og kunningjum, þar sem Jóna Hrönn Bolladóttir var mikil framkvæmdastýra og fleiri komu að því auðvitað. Ég fór að semja haug af kristilegu efni meðfram því veraldlega árin 1999 til 2001. Þar á meðal voru nokkur lög gegn húðflúri, eins og "Húðflúr berast Helju frá", og "Húðflúr er bannað í Biblíunni", frá 2001, þar sem ritningarstaðurinn er sunginn í textanum.

Eitthvað af þessum lögum komu út á hljómdiskunum "Kristur kemur" og "Ég er laus undan losta og synd", báðir gefnir út 2010, annar hljóðritaður 1999 en hinn 2001.

Lagið "Kristur kemur" er annars samið 13. október 2000 og fleiri kristileg lög eru frá þeim degi, sem væri hægt að gefa út líka.

Ég er þeirrar skoðunar að minna væri um glæpi ef húðflúr væri bannað og lokkar. Ég er þeirrar skoðunar að banna ætti hvort tveggja til að skapa betra samfélag. Ég er þeirrar skoðunar að Helvíti séu margir hnettir sem smita frá sér hatri, ofbeldi og niðurrifi og að með því að forðast það sem tilheyrir Helvíti skapi maður betri heim. Biblían er ágætur leiðarvísir í þessu efni, ekki kannski fullkominn, en skárri en margt annað, og nauðsynleg til hliðsjónar.

Það er Kóraninn líka, enda múslimar á móti húðflúrum flestir, hefur mér skilizt, og þeir telja þetta hluta af siðspillingu Vesturlanda.

En annars er það rétt að allir syndga. En það vantar alla umræðu um það hvort fólk syndgi viljandi og hati Biblíuna og hvort þá sé ekki heiðarlegra að leggja niður Þjóðkirkjuna og allt það dæmi og gera bara Satanisma að ríkistrú eða einhver önnur trúarbrögð.

Lætur fjarlægja húðflúrin