Stefnuvirkni drepsótta

Það er mjög merkilegt að þessi faraldur skuli leggjast verst á þá hópa sem eru dýrir fyrir samfélagið, það vekur grun um að þetta hafi verið búið til í tilraunastofum. Er ekki mögulegt að dýr séu notuð sem geymslur fyrir svona veirur, sem síðan gripið er til síðar? Þegar vísindamenn segja að ekki finnist merki um að veiran hafi verið búin til á tilraunastofum finnst mér það einmitt grunsamlegt. Það er alveg vitað að langflestir vísindamenn fá ekki vinnu eða laun nema þeir segi það sem valdaelítunni í heiminum hentar að þeir segi. Svo mikið er nú frelsi vísindamannanna í raun. Þessir örfáu sem fara gegn ríkjandi skoðunum eiga oft í mesta basli með að koma sínum niðurstöðum á framfæri, eða fá stuðning yfirleitt. Þessvegna er rétt að gjalda varhug við því sem vísindamenn segja opinberlega. Þó má segja að þríeykið okkar standi sig bærilega, miðað við að hafa ekki lokað Keflavíkurflugvelli í upphafi og takmarkað smitið þar.

Einfaldara líf í ljósi breyttra aðstæðna

• Stjörnufræðingurinn Chandra Wickramasinghe hefur haldið því fram að kórónuvírusfaraldurinn sem herjar á heimsbyggðina eigi sér ójarðneskan uppruna. Þann 11. október 2019 sást á lofti meint stjörnuhrap á norðaustursvæði Kína. Ekki fannst brak á jörðu niðri og vísindamenn hafa útilokað loftsteinadrífu, og telja helst að þarna hafi geimrusl fallið til jarðar úr gervitunglum, en eru ekki vissir um það. Aðrir vísindamenn hafa yfirleitt mótmælt kenningu Chandra vegna þess að þeir telja lítil líkindi til þess að veirur geti lifað af ferðalagið um geiminn, auk þess sem leifar hafi ekki fundist af þessum meintu loftsteinum. Þó telja þeir þetta ekki útilokað.

Áhugamenn um fljúgandi furðuhluti hafa um árabil haldið því fram að tilkynningar og fregnir um stjörnuhröp eða loftsteinadrífur væru í raun komur fljúgandi diska eða ferðalög þeirra.

Það er vel þekkt að þegar vesturlandabúar hófu landvinninga sína í Suður Ameríku og víðar fluttu þeir með sér sjúkdóma sem lögðu marga innfædda indíána þar að velli.

Þversögn Fermis er vísindaleg staðhæfing þess efnis að miðað við þekktar reikistjörnur og áætlaðan fjölda reikistjarna sem ættu að hýsa líf ættu geimverur að hafa heimsótt jörðina eða vera mitt á meðal okkar.

Það er þess vegna vísindalegt að giska á að sumt sem flokkað er með náttúrufyrirbærum geti verið vitsmunaverur frá öðrum hnöttum á ferli á jörðinni eða í kringum hana. Einnig ber þess að geta að þær kunna að vera svo háþróaðar að þær geti gert sig ósýnilegar, stjórnað tímanum eða skynjun mannsins á þann hátt sem við getum ekki ennþá gert okkur grein fyrir.

Á okkar tímum eru sumar veirur notaðar til að koma öðru erfðaefni inní líkamana, jafnvel í lækningaskyni. Dreifing á allskonar erfðaefni getur því haft margvíslegan tilgang, neikvæðan eða jákvæðan. Með rannsóknum í erfðafræði er hægt að búa til stefnuvirkar örverur, sem leggjast harðar á suma hópa en aðra. Bill Gates hefur lagt mikla fjármuni í svona rannsóknir, og ýmislegt í sambandi við hann er umdeilt í þessum efnum. Erfitt er að sjá hvað er rétt og hvað ekki, opinberlega eða óopinberlega.

Það sama er hægt að segja um G5 símakerfið og áhrif þess á heilsuna, en þessi faraldur kom fyrst fram þar sem slík kerfi hafa verið sett upp. Ekki er rétt að útiloka neikvæð áhrif svona bylgna á ónæmiskerfið eða heilsuna yfirleitt. Þrýstingur stórfyrirtækjanna á að selja sinn varning er svo gríðarlegur að sagan segir að oft hafi sannleikurinn verið látinn víkja í þeim efnum, rétt eins og með reykingar, en stórfyrirtækin gerðu tóbakið vinsælt þrátt fyrir að vitað væri um skaðsemi þess fyrir löngu.

Við vitum að iðnvæðingin fer illa með jörðina, og að mannkynið verður að breyta um stefnu til að lifa af. Þess vegna er mögulegt að vitsmunaverur utan jarðarinnar séu að neyða mannkynið til að hverfa aftur til náttúrunnar og einfaldari lifnaðarhátta. Þetta eru auðvitað bara getgátur, en þetta er nokkuð sem er samt mögulegt. Sjáum muninn á meðvitund og þroska nautgripa og manna. Af hverju ættu ekki að vera til lífverur miklu háþróaðri en maðurinn, sem einnig geta falið sig að vild fyrir okkur jafnvel?

Mér finnst að fólk staldri of lítið við og efist um allt sem er að gerast í kringum það. Það er hægt að segja nei þegar kemur að tækniþróun, Gréta Túnberg er eitt besta dæmið um það. Hennar málflutningur gefur nauðsyn á afturhvarfi til náttúrunnar í skyn.

Margt af þessu sem fjallað er um hér er á sviði þess sem tæplega verður sannað. Samt er eitt viðurkennt, og það er að óunninn matur, hreyfing og líf í sveitunum, fjarri hátækninni er heilsusamlegra en það sem felur í sér að vera sífellt háður tækninni.