Ekki í anda nútímans að draga saman þjónustu við ungmenni hjá Degi í Reykjavík

Margt er undarlegt við stjórnsýslu Dags B. Eggertssonar. Borgarlínan er ekki það eina.  Ég hélt að áherzlan á unglingamenninguna væri að verða sífellt meiri í landinu, miðað við yngri þingmenn, þætti í sjónvarpinu sem minna á skólablöðin í menntaskólunum, yngra listafólk, og ungt fólk áberandi í næstum öllu sem gerist og margt þesslegt.

Síðan kemur þessi ákvörðun, að stytta opnunartíma félagsmiðstöðva sem er harðlega mótmælt. Ennþá ein birtingarmynd af sparnaðaraðgerðum í Reykjavík?

Vigdís Hauksdóttir var flæmd í burtu úr borgarstjórninni í Reykjavík því hún var lögð í einelti einmitt fyrir að gagnrýna óráðsíuna í borginni og skuldasöfnunina.

Hefði ekki verið betra að taka mark á Vigdísi í Miðflokknum og þeim sjálfstæðismönnum sem hafa talað á sama veg?

„Algjörlega óskiljanlegt“ hjá Reykjavíkurborg

Athugasemdir

[Jóhann Elíasson, 7.12.2022 kl. 09:53]

Það er alveg merkilegt þegar á að "spara", þá ganga ALLAR sparnaðartillögurnar út á að draga saman í ÞJÓNUSTU og þá helst í þjónustu við þá sem minnst mega sín en ALDREI KEMUR TIL ÞESS AÐ DRAGA EIGI SAMAN Í "BÁKNINU" EN ÞAR ERU MESTIR MÖGULEIKAR TIL SPARNAÐARAÐGERÐA.....

[Ingólfur Sigurðsson, 7.12.2022 kl. 14:26]

Nákvæmlega Jóhann. Millistjórnendur, og eitthvað starf sem var búið til í góðæri. Eins og venjulega bitnar þetta á þeim verst settu og láglaunuðu. Þó á Samfylkingin að heita talsmaður þess hóps, og Dagur segist gera sitt bezta. Kannski Reykvíkingar kjósi loks aðra borgarstjórn næst.