Þörf er á öðrum skólum en marxískum skólum á okkar landi

Þennan pistil ætla ég að byrja á tilvitnun í gott lag eftir Sverri Stormsker sem kom út árið 1989 og lýsir okkar nútíma vel:

 

"Þú lýtin skalt smækka en mikla þinn mátt

þá mun myrkrið sjálft

bera þér

hvað sem er

í heimi hér".

 

(Meistari Sverrir Stormsker árið 1989, af hljómplötu hans "Hinn nýi íslenzki þjóðsöngur" árið 1989, úr laginu "Í beztu súpum finnast flugur").

 

Þetta er sami boðskapur og kemur frá Satan sem freistar Krists í eyðimörkinni, eins og þekkt er orðið.

 

Jú, eftir þessu fara margir sem njóta hylli í heiminum. Konungar og drottningar hræsninnar gera þetta. Hræsni er frábært íslenzkt orð, sem upphaflega merkti oflof, eða að hrósa úr hófi fram. Meðvirkni er skyld hræsninni.

 

Fyrir þá sem vilja alvöru fræðslu er rétt að minna á að púkarnir sem mestu ráða í heiminum eru hræddir, annars væru þeir (og þær púkurnar) ekki svona örvæntingarfull. Á sama hátt og englar hafa ekki frjálst val heldur lúta Drottni í hvívetna þannig hafa púkar og púkur ekki frjálst val heldur lúta Djöflinum í hvívetna, en öfunda mennina fyrir að hafa frjálst val og reyna að ræna því af okkur.

 

Í þessu felst styrkur mannkynsins.

 

Marxistar fara inní sálarlíf barnanna í skólakerfinu og í menningunni marxísku, með innrætingu með barnabókum, barnaefni í sjónvarpi og útum allt. Marxisminn fylgir fólki til æviloka, og inní helvítin í framlífinu líka.

 

Full ástæða er því til að stofna skóla á grundvelli annarra gilda hér á Íslandi.

 

Jesús Kristur gat rekið út illa anda því þeir (og þær öndurnar) hræddust hann og þeir hræddust sannleikann. Um leið og þeir uppgötvast hypja þeir sig, nema bundizt hafi tilfinningalífi hýsilsins órjúfandi böndum, sem því miður er firna algengt, en mörg stig eru á slíkri heljarmögnun að vísu, og hægt að yfirvinna hana að vísu með margvíslegum hætti, en fyrir menningu sem lítið skilur í þessu er það erfitt.

 

Illir andar eru eins og sýking í heilbrigðu holdi og vita að þeir eiga ekki þar heima, nema í óviti hins ofsótta og helsýkta. Drottins andi og orð megna ýmislegt.

 

Ótti púkanna ætti ekki að gleymast, hversu hratt yfirtakan á að fara fram.

 

Blótin heiðnu fóru fram til að forhindra að nokkuð gerðist eins og það sem gerist í nútímanum, við dveljum í helvíti.

 

Það sem gerist þegar Friggjarblótið fer ekki fram er að heimurinn springur, heimsendir verður, en það er aðeins það sem við upplifum í nútímanum, og það er merkileg upplifun og lífsreynsla raunar. Hringurinn lokast alltaf aftur, það bara kostar fleiri fórnir þegar blótið fer ekki fram. Það erum við að upplifa á okkar tímum.