Skjálftavirkni sem gæti verið undanfari stórs suðurlandsskjálfta

Ef fólk er minnugt á orð jarðvísindamanna þá hafa þeir sagt að brotabeltið sé þykkara inn til landsins og þar von á stærri skjálftum. Þetta er eitt helzta áhyggjuefnið fyrir okkur á suðvesturhorninu. Að öllum líkindum er nokkur hundruð ára virkni hafin á þessum slóðum eins og okkur hefur verið tjáð. Uggvænlegt hvað atburðir geta gerzt hratt. Þetta nýlega gos er aðeins einn angi af þessari virkni.

Enn fremur ber að hafa það í huga að þessir skjálftar geta farið uppí 6.5 eða jafnvel meira, hver veit. Orkan sem þarna er hefur ekki brotizt út nema að litlu leyti árið 2000 og 2008.

Stór eru þau orð, en hvers vegna er ekki höfuðborgarsvæðið flutt austur eða norður, eða þangað sem jörðin er rólegri? Ekki hægt að gera það allt í einu, en rétt væri að stefna að því og hafa það framtíðarstefnu, það hlýtur að vera skynsamlegast fyrir landsmenn að búa þar sem friðvænlegast er í sambandi við svona stóratburði.

Yfir þrjú hundruð skjálftar á Mosfellsheiði