Endurskoðun á mörgum sviðum

Við erum komin inní um það bil 200 ára virknitímabil á Reykjanesinu. Byggð hefur aldrei verið eins þétt á þessu svæði þegar það hefur gerzt áður. Hvorki geta jarðvísindamenn eða byggingafræðingar fullyrt að útilokað sé að mannskæður jarðskjálfti verði hér þar sem byggðin er þéttust, eða að gos verði mjög nálægt þéttbýli og eiturgufur bani fólki.

Frjósemin var gífurleg á heiðna tímanum og fram eftir öldum, þegar drepsóttir og hungur hjuggu skörð í mannfjöldann einnig. Þá þótti þetta eins og hvert annað bögg, eitt af mörgum, og fleiri nýfædd kríli myndu fylla í skörðin. Nú fæðast ekki nógu mörg börn til að viðhalda mannfjöldanum, því femínistar hafa drepið gredduna og bannað samskipti nema á sínum eitruðu, helvízku forsendum. Nú er svo komið að náttúran er í hópi færri skaðvalda en áður. Það eina í stöðunni er að flytja sig burt af þéttbýlustu svæðunum þar sem gosvirkni og skjálftavirkni er mest.

Vissulega eru húsin sterk, en lagnir geta sprungið og hrynjandi munir geta orðið fólkinu að aldurtila eða brennheitt vatn, lokaðar hurðir og brennandi hús vegna rafmagnsbilana.

Svo er það með eldgosin. Úr því að Grindavík hefur lent í þessu má fullvíst telja að fleiri byggð ból séu í hættu.

Yfir 100 látnir eftir jarðskjálfta í Kína

Um "Stoltsfótinn" (Foot of Pride) eftir Bob Dylan frá 1983 og almennt um spádómskvæði, hvort mögulegt sé að þau séu rituð á löngum tíma og leiðrétt oft, eins og Bob Dylan gerði við þetta ljóð, þennan söngtexta sinn.

Í fylgiritinu með Bootleg series 1-3 sem kom út 1991 stendur að "Foot of Pride" eftir Bob Dylan frá 1983 sé eitt áhrifamesta heimsendakvæðið hans, byggt á Opinberunarbókinni og öðrum spádómsritum, bæði úr Biblíunni og öðrum áttum. Vissulega er þetta kvæði Dylans áhrifaríkt og meistaraverk, enda ætlaði ég að gera því góð skil í pistlaröð fyrir nokkrum árum, á sama tíma og ég fjallaði um sum önnur kvæði hans, en ég man ekki hvort úr því varð eða ég eigi það eftir.

Sú spurning vaknaði hjá mér eftir að hafa lesið talsvert í bókinni sem ég fjallaði um í síðasta pistli hvort ég hefði gert mistök að telja kvæðið stórmerkilegt spádómskvæði um hina hinztu tíma, og hugsanlega nútímann, okkar tíma, þennan spillta nútíma okkar.

Þessi spurning vaknaði þegar ég kynnti mér það á hversu löngum tíma Bob Dylan samdi þetta kvæði, þennan stórmerkilega söngtexta. Því yfirleitt finnst fólki að spádómsrit séu innblásin og komi eins og leiðslubókmenntir, séu samin eins og í gegnum miðil, en ekki eins og meitluð og mótuð af skáldi á löngum tíma, kannski mörgum árum.

Ég er enn þeirrar skoðunar að "Foot of Pride" sé leiðslukvæði og spádómsrit, en þetta þarf að útskýra betur.

Þessi bók sem ég fjallaði um í gær er mjög vönduð og vel unnin. Það kemur fram í formálanum að höfundurinn hafði hana lengi í smíðum áður en Tulsa safnið opnaði, sem gerði honum kleift að leggjast í svo ítarlega rannsóknarvinnu að hann gat lokið verkinu á fullnægjandi og sómasamlegan hátt, sem betur fór fyrir aðdáendur Bobs Dylans, sem eru fjölmargir, ég meðal þeirra.

Nú er það svo að sennilega byrjaði Bob Dylan á þessu kvæði árið 1980, um sama leyti og "Angelina" og "Caribbean Wind". Þannig að þetta hefur verið í smíðum í 3 ár ef sú kenning er rétt.

Þeir sem rannsakað hafa þessi snilldarverk hans af hvað mestri nákvæmni fullyrða að haustið 1980 hafi hann orðið fyrir spámannlegum vitrunum sem hafi leitt hann á þessa braut og burt frá hefðbundninni kristilegri túlkun, og þó án þess að missa trúna beinlínis, heldur hafi efinn farið að sækja á hann að nýju, hvort ekki þurfi að taka mark á öðru en Biblíunni og þeim sem voru í sértrúarsöfnuðinum sem hann varð fyrir áhrifum af á þessum árum, 1979 - 1981. Söfnuðurinn heitir Vineyard Fellowship og er til ennþá.

Allavega lét Bob Dylan þau orð falla í viðtali eitt sinn að hann hafi samið fjölda laga á siglingu á skipinu sínu í Karíbahafinu, og að "Jokerman" og "I and I" hafi verið meðal þeirra eins og "Caribbean Wind". Vitað er um upptöku af "Caribbean Wind" frá haustinu 1980, en ekki er vitað um hljóðritanir af lögunum "Jokerman" eða "I and I" svo snemma sem 1980. Það bendir til þess að þau lög hafi ekki verið tilbúin þá, 1980, að í raun hafi Bob Dylan aðeins verið með ótilbúna texta eða ljóðabrot eða þá brot úr laglínum við og ekki fullbúin verk þá.

Það passar við upplýsingarnar sem koma fram í bókinni.

Eins og ég fjallaði um í pistlaröð minni um mörg kvæði eða söngtexta Bobs Dylans tel ég þau lýsa Harmageddon, eða síðustu dögum eða árum mannkynsins á þessari jörð, en hvort þeir tímar séu núna er ekki alveg víst eða ljóst, þótt margt geti svo sem bent til þess.

En er "Foot of Pride" raunverulegt leiðslukvæði og spádómsljóð eða er það einungis haganlega samsett kvæði eða söngtexti sem líkist spádómsljóði og er því kannski ofmetið af aðdáendum Bobs Dylans?

Það er kannski erfitt að svara þessu, en ég tel að þetta sé spádómskvæði eins og ég hélt fram í pistlaröð minni um ýmis ljóð Bobs Dylans. Margt bendir nefnilega til þess, og þannig má vissulega túlka það.

Dr. Helgi Pjeturss hélt því fram að andi eða öllu heldur einstaklingur á öðrum hnetti hjálpaði þeim að skilja sem fá vitranir. Raunar hafa vitranir verið úskýrðar á margvíslegan hátt og margir eru trúaðir á þær en þó ekki allir, og það er talið að þeir séu spámenn sem fá þær, þótt til sé einnig að fordómafullur nútíminn kalli allt slíkt sturlun og ímyndun, ekkert annað. Það er þó einföldun á flóknum veruleika og vantvirðing við andlega heiminn, svo sannarlega.

Að öllum líkindum geta leiðslukvæði og spádómsrit verið samin á löngum tíma. Ef gert er ráð fyrir því að einstaklingurinn á öðrum hnetti, eða einstaklingarnir á öðrum hnöttum sem valda innblæstrinum séu til staðar og komi aftur þegar miðillinn eða skáldið er tilbúið er ekkert því til fyrirstöðu að slík spádómsrit séu samin á löngum tíma, eins og til dæmis bækur eða smárit Biblíunnar, en orðið Biblía þýðir orðrétt smárit, mörg rit, eitthvað slíkt, enda er hún samsett úr mörgum ritum frá nokkuð löngum tíma og mörgum höfundum, eins og kennt er í Guðfræðideildinni.

Þannig að svarið er já, við spurninginni sem hreyft er við hér í titli þessa pistils. Spádómsrit geta verið samin á löngum tíma og leiðrétt eins og Bob Dylan gerði við kvæðið eða söngtextann "Foot of Pride" frá 1983.

Bók sem varpar ljósi á plötuna "Infidels" eftir Bob Dylan frá 1983.

Um Bob Dylan hafa komið út margar bækur. "Surviving in a ruthless world", er ein slík bók, frá 2020. Hún fjallar um plötuna "Infidels" frá 1983.

Mér þykir vænt um að hún upplýsir að nokkru hvenær lögin á þeirri plötu voru samin. Dylanfræðingar vita að hann gaf ekki út hljómplötu árið 1982.

Höfundur bókarinnar er ekki mikið fyrir fullyrðingar. Hann hefur kannað Tulsa arkívið, eða Tulsa safnið, í Oklahoma, sem er eins og Rokksafn Íslands í Reykjanesbæ, nema aðeins helgað safngripum og dóti sem Dylan sankaði að sér og skrifaði, og seldi svo. Það er öfundsvert hlutskipti fyrir mann sem haldinn er söfnunaráráttu að geta selt safngripina fyrir morð fjár eins og Dylan gerði, en þetta eru hlunnindi þess manns sem er heimsfrægur eins og Bob Dylan.

Bókin umrædda gefur þó vísbendingar sem svara spurningum hvenær ákveðin lög voru samin.

"Jokerman", fyrsta lag plötunnar var að öllum líkindum samið 1982 eða jafnvel enn fyrr, og svo umritað 1983 alveg þangað til lokaútgáfan var hljóðrituð.

Það kemur fram í þessari bók að Bob Dylan spilaði 10 lög eða fleiri fyrir vini sína og kunningja árið 1982, sem voru grunnurinn að því sem kom út 1983 sem Infidels. Þó munu einhver lög hafa verið skilin eftir og önnur komið í staðinn.

"Sweetheart Like You" virðist hafa verið samið í hljóðverinu 1983, en samt eru línur í stílabók frá janúar 1983 sem gefa til kynna að hann hafi verið byrjaður að pæla í þessu lagi talsvert fyrr.

"Neighborhood Bully" er að finna í stílabókum Dylans frá 1982 og 1983, eða uppkast að því með breytingum á textanum. Því er ljóst að þarna var viðfangsefni sem var honum mikilvægt á þessum tíma, og alveg frá því hann afkristnaðist 1981 og gaf út "Shot of Love".

Því má ljóst vera að hann var byrjaður að berja saman þetta lag árið 1982, þegar engin hljómplata kom út með honum.

Sumir segja að Dylan hafi gefizt Satan á vald á þeim tíma, en það eru bara ágizkanir og túlkanir þeirra bókstafstrúuðu sem túlka þannig hvernig hann hætti að vera "frelsaður", eins og það er kallað.

"License to Kill" var hljóðritað í einni töku. Pár og uppkast að textanum í Tulsa safninu benda til að hann hafi byrjað á þessu 1982 eða fyrr.

Enn fremur má álykta að lag sem var tilbúið í hljóðverinu og þurfti aðeins eina upptöku hafi verið samið talsvert fyrr. Þess má geta að áður en upptökur hófust 11. apríl 1983 höfðu hljóðfæraleikararnir æft einhver lög sem Dylan kenndi þeim, og þetta hefur sennilega verið eitt þeirra laga, úr því að upptakan gekk svo vel.

"Man of Peace" var einnig hljóðritað hratt og í fáum tökum. Það bendir líka til að það hafi verið samið 1982 og spilað nokkrum sinnum og hljóðfæraleikararnir hafi þekkt það vel þegar það loks var hljóðritað 1983.

Einnig þetta lag virðist hafa verið tilbúið áður en það var hljóðritað, og þá sennilega samið 1982, meðal laganna sem Dylan spilaði fyrir vini og kunningja, og hann hefur þekkt vel þegar upptökur fóru fram. Til eru brot út textanum í Tulsa safninu, og því líklegt að þau drög hafi verið samin talsvert áður en lagið var endanlega hljóðritað.

"I and I" er Caribbean lag, eins og Dylan lýsti því. Það er umlukið sömu dulúð og "Caribbean Wind" frá 1981. Bob Dylan keypti sér bát og sigldi víða, en um Karíbahafið kannski mest á þessum árum.

Þetta lag á sér rætur frá árunum 1981 og 1982, en var endanlega unnið 1983.

"Don't fall apart on me tonight", var síðasta lagið á Infidels. Safngripir í Tulsa gefa til kynna að Dylan hafi byrjað á því snemma, allavega 1982 og kannski enn fyrr.

Lagið lýsir sjálfskoðun og innri leit í kjölfar afneitunar á þeirri kristni sem hann aðhylltist 1979 til 1981. Það lýsir kannski betur en önnur lög efanum, sem tók við af trúarvissunni hjá honum.

Þannig að einungis "Sweetheart Like You" er næstum pottþétt samið 1983 og varla fyrr. Hin lögin eru sennilega frá 1982, þó textarnir hafi breyzt og jafnvel laglínurnar eitthvað, gripin og slíkt.

Ég verð nú að segja að vinnubrögð Dylans koma mér á óvart. Mér hefur aldrei fundizt þessi plata fullkláruð, frekar eins og á henni séu demó, þókt hljómurinn sé fínn.

Þannig eru margar plötur Dylans og kannski flestar.

"Blonde on Blonde" frá 1966 virkar þó fullkláruð, kannski af því að hún var næstum öll samin í hljóðverinu.

Fávísi lýðurinn sem er kúgaður og elítan sem stjórnar í krafti ofurauðs og fræðikenninga

Að Abraham Lincoln hafi verið marxisti finnst mér stórsnjallt og rétt, hjá snöllum bloggara hér, enda hafi Karl Marx hrósað honum. Að tengja saman marxismann víða um lönd er ný söguskýring sem ætti að skoða betur.

Að viðurkenna að nýfrjálshyggjan sé af sama meiði er einnig áhugavert, og margt í bandarísku þjóðlífi. Að flokka allan fasisma sem marxisma og vinstristefnu opnar nýjar dyr skilnings og túlkunar.

Truman og Roosevelt báru ábyrgð á kjarnorkunni og innleiðingu félagsmarxismans, annar að minnsta kosti, og hinn líka fyrst hann afnam hann ekki.

Lýðstjórnun er glæpsamleg í eðli sínu því hún tekur burt frelsi mannsins til að ráða yfir eigin lífi og taka sjálfstæðar ákvarðanir. Lýðstjórnun Frankfurt skólans er hluti af menntakerfi okkar, sem er í rústum núna eins og þekkt er orðið. Sumt sem við tökum sem sjálfsagðan hlut er nokkuð sem er forkastanlegt og óþolandi.

Það ætti að leggja áherzlu á það að kenna börnum sjálfstæði, og þannig að fordómalaust séu kynntar fyrir þeim hugmyndir 19. aldarinnar um rómantík og þjóðerniskennd, til móts við kúgun elítunnar í dag í gegnum alþjóðastofnanir og embættisfólk.

Ég vil hvetja fólk til að lesa grein Guðjóns Hreinbergs, ég vitna hér í hann mikið í þessum pistli, enda grein hans mjög góð frá miðvikudeginum, sem heitir:"Sosum ekkert að frétta." Yfirlætislausir titlar geta geymt snilld engu að síður.

Spyrjum okkur að þessu:

Hvers vegna taldi sig enginn vera trans fyrir 100 árum? Hvernig er hægt að fullyrða að fólki og börnum hafi ekki verið innrætt það að telja kyn sitt rangt? Eru marxistar ekki færir um ýmislegt?

Marxistar leika sér að okkur eins og tilraunadýrum í búrum. Það er glæpsamlegt í eðli sínu og miklu frekar en það sem fram fór í seinni heimsstyrjöldinni, einfaldlega vegna þess að við, fórnarlömb vinstriöfganna erum miklu fleiri, og okkur fækkar svo mjög að við erum að deyja út.

Þeir sem leika sér að okkur einsog músum í búrum eru 1000 sinnum verri en vísindamenn Þriðja Ríkisins, sem lögðu þó grunninn að ýmsum framförum í vísindum. Lúmsk drottnun og kúgun er verri en sú sem augljós er og sem auðvelt er að benda á og berjast gegn og sanna, og fordæma með öllum ráðum.

Fólk sem hefur engan áttavita í lífi sínu vegvillist skiljanlega, og sérstaklega ef það er ungt, því ungt fólk og börn er áhrifagjarnara og ómótaðra en þeir sem eldri eru og rosknari.

Kannanir sýna að fólk flýr úr Þjóðkirkjunni. Kaþólikkum fjölgar, og það er hægt að útskýra með innflutningi fólks frá löndum kaþólikka.

Hinsvegar fjölgar einnig þeim sem standa utan trúfélaga. Það eru aumingja Íslendingarnir sem eru ráðvilltir og vegvilltir.

Trú fólks er áttaviti. Trúlaust fólk sem lætur kerfið stjórna sér hefur valið sér þann sem freistaði Jesú og vildi gefa honum heiminn ef hann fylgdi sér.

 

Yfirvöldin hafa með samþykki meðvirks almennings grafið okkar allra gröf

Hermenn eða hryðjuverkamenn ganga æ lengra í grimmd sinni til að vekja ótta andstæðinga sinna og samherja. Grimmd Hamasliða, eða annarra sem ætla með ýktu ofbeldi að sigra kemur því ekki á óvart.

Ef Vesturlönd væru ekki troðfull af drengjum og körlum sem fá hunzun, hatur og slaufun frá næstum öllu samfélaginu, sem femínistar eru sekir um, því þær eru forystusauðirnir í þeirri óhæfu, þá kannski hataði ég ekki vestræna menningu svo mjög.

Vesturlönd hafa sturtað sér niður um allar klósettskálar með því að liggja hundflöt fyrir aumustu tegund af öfgafemínisma sem er til. Til að kóróna allt eru óhæfar konur í öllum valdastöðum, tröllríða (ó)menningunni, sitja í dómstólum, lögregluembættum og jú neim it.

Núverandi stjórnvöld eru svo fullkomlega óhæf að Katrín forsætisráðherra sem var vinsælasti stjórnmálamaðurinn áður en hún komst til valda situr nú í flokki með 5% stuðning, og er alveg við það að detta af þingi næst.

Nei, RÚV spyr hana ekki einu sinni að því hvort þetta sé vegna mistaka í stjórnarsamstarfinu. Ekki heldur Stöð 2 eða aðrir fjölmiðlar, því allir sjá það augljósa, Nýju fötin keisarans, þetta er endanleg sönnun þess að femínistabullið allt var aldrei annað en fullkomin klikkun og draumórar til að róa sjúkar sálir á heimilum. Femínistabullinu var aldrei ætlað að ná til háskólanna eða að vera tekið alvarlega.

Núverandi stjórnvöld eru svo fullkomlega óhæf, að Sjálfstæðisflokkurinn, sem elztu og reyndustu menn töldu aldrei verða smáflokk gæti vissulega orðið smáflokkur eftir að Bjarni og annað forystufólk hefur daðrað við jafnaðarstefnu og vinstristefnu árum og áratugum saman. Hvílíkur árangur hjá þessari ríkisstjórn!

Þegar jafnvel hinn kristilegi náungakærleikur er ekki kenndur börnunum, hvað þá orðaforði íslenzkur eða beygingar, þá er lítið orðið eftir af þessari fjandans vestrænu eða íslenzku menningu!

Bæði pistill Páls Vilhjálmssonar um Múslima og innflutning glæpa og svo pistill Ómars Geirssonar um Hræsni sem tryggi ekki syndaaflausn gáfu mér innblástur til að skrifa þennan pistil, en einnig stórmerkilegar athugasemdir og gott að þær komu ekki allar úr sömu áttinni, því jámennirnir þyrla ekki upp storminum sem gæti kennt manni eitthvað.

Eins og ég hef oft skrifað um þá vekja sumir múslimar ógn hjá mér og ég er ekkert frábrugðinn öðrum með það. Ég er alveg sammála þeim í Íslenzku þjóðfylkingunni að ömurlegt hefur þetta verið lengi, eins og hér væri okkur fjarstýrt frá erlendum aðilum og hefðum ekkert sjálfstæði!!

Ég hef kynnst mörgum í sértrúarsöfnuðum og allskonar trúfélögum og það hefur vonandi gert mig að fróðari og betri manni.

Alveg frá barnæsku var mér kennt að Satan kemur í ljósengilsmynd ekkert síður en í ljótri mynd skrímslis eða morðingja. Þetta þýðir að maður á ekki bara að dæma verkin heldur afleiðingar verkanna.

Þessi frétt sem vitnað er í sýnir og sannar að þetta mál er flóknara en svo að aðeins Hamasliðar séu gerendur. Fyrst meira en 70% Palestínumanna styðja þá verður að líta öðruvísi á það mál.

Sum óhæfuverk eru framin í pólitískum tilgangi en önnur ekki. Þessi óhæfuverk eru framin í pólitískum tilgangi, tilgangurinn helgar meðalið að þeirra mati.

Það er sama hvernig kristið fólk hneykslast og reiðist útí Hamasliðana, á meðan fólk eins og Katrín stjórnar landinu.

Sannleikurinn er sá að öfgarnar læddust inní landið okkar fyrir löngu, og þær eru í öllum stjórnmálaflokkum núna og í hverjum einasta manni. Það er kannski helzt flokkar eins og Frelsisflokkurinn og Íslenzka þjóðfylkingin sem geta kennt okkur eitthvað, eða Miðflokkurinn, fært okkur aftur til fortíðar sem var eðlilegri.

Yfir 70% Palestínumanna styðja hryðjuverkin

Afsláttur af trúnni

Ég var að hlusta á viðtal við Dagbjörtu Rúriksdóttur tónlistarkonu á Fókus. Hún hefur gefið út kristilegt rapp sem hefur vakið talsverða athygli. Sérstaklega er áhugavert í viðtalinu hvernig hún setur sig upp á móti þeirri útbreiddu skoðun kristinna einstaklinga að samkynhneigð sé synd.  Enda er fyrirsögn fréttarinnar að hún telji marga innan kirkjunnar muni fordæma sig fyrir þetta (frjálslyndi).

Orðið fordómar er mikið notað í nútímanum og oftast ranglega. Til dæmis eru þau "frjálslyndu" með fordóma gegn öllu því fólki sem það slaufar, útskúfar, hættir að hafa samskipti við, útilokar frá vinnu, osfv. Það kynnir sér ekki málflutning annarra, dæmir fyrirfram til að vera í tízku og efst í fæðupíramídanum, vinsældarlega séð, glamúrliðið, glysfólkið.

Tal hennar um narsisista er einnig tízkutal. Hverjir eru narsisistar (ofursjálfhverflar) ef ekki liðið sem hún vill tilheyra? Er það ekki glamúrliðið aðallega, glysfólkið?

Eins og Gunnar í Krossinum sagði og margir innan kristninnar: "Hatið syndina en elskið syndarann."

Eru það fordómar að telja ákveðið líferni rangt sem fordæmt er í Biblíunni? Á hún ekki að heita Guðs orð?

Rétt er það hjá henni að Jesús bannaði ekki persónulega hinseginleikann, en hann sagði samt að aldrei félli stafkrókur úr Lögmálinu úr gildi (Tórunni) á meðan himinn og jörð væru til. Í Gamla testamentinu eru jú kaflarnir sem banna húðflúr og samkynhneigð og fyrst Jesús sagði að þeir myndu aldrei falla úr gildi er ekki hægt að segja að hann hafi verið að andmæla þeim boðskap. Hann talaði samt um mildi og kærleika, að sjá útfyrir reglurnar og að fyrirgefa þrátt fyrir reglur, boð og bönn.

Við erum öll syndug en bætum lítið með því að ráðast sífellt á náungann, - eða ekkert. 

Eða eins og Bob Dylan söng um á plötunni "Slow Train Coming", trúin felst ekki síður í að læra um Lögmálið.

Milljón í jólaglaðning, en ekki fyrir þá sem ná vart endum saman

Vinstrimenn og jafnaðarmenn yrðu ánægðir ef þeir lægstlaunuðu á Íslandi fengju milljón í jólabónus.

Allt starfsfólkið fær milljón krónur í jólaglaðning

Þessi eina er farin útí lönd, ljóð frá 15. marz 2013.

Ef þau finna það hjá sér,

er eins og það skipti máli.

Blómin eru annars svo misjöfn,

og hvort hún er mín  týpa...

við skulum athuga það

þegar aðrir hafna sér

að safnhaugurinn er ekki endilega þróin.

 

Þessi eina er farin útí lönd,

eða ekki með mér að minnsta kosti,

og það er ömurlegt.

 

Var aldrei nógu fínt hjá mér fyrir hana,

eða var hún of ung?

Var ég of feiminn?

Þetta gerist ekki í fyrsta kastinu endilega...

stundum ráða tilviljanirnar öllu,

eða er það ekki?

 

En maður verður of gamall fyrir allt

að lokum.

Ekkert gengur upp.

Með sinnuleysi, viljandi upplýsingaleysi og lítilsvirðingu er fólk látið farast á þessu landi

Það er þekkt staðreynd að eftir kóf og sprautur urðu umframdauðsföll á Íslandi mun fleiri en áður. Enn er mikið um veikindi, og grunur leikur á að sprauturnar hafi skaðað ónæmiskerfið í fólki. Æpandi og skerandi þögn er um þetta, og í stað nákvæmra upplýsinga eru villandi upplýsingar og almennar sem ekkert segja. Rangar sjúkdómsgreiningar, almennar og ónákvæmar, í stað Covid-19 - eða sprautuskaða, og verri Covid-19 veikinda af bóluefnunum.

Viljandi gefa læknar loðnar og almennar upplýsingar um hættuleg veikindi, sem væri hægt að rekja til breytinga á heilsufari eftir sprautur, eða Covid-19 sýkingar.

Augljóst er að opinberri línu er fylgt, að blekkja fólk með ónákvæmum upplýsingum, svo sannleikurinn komi ekki í ljós, svo reiðin vakni ekki meðal almennings, hin réttláta reiði.

Fyrrum hraust fólk verður alvarlegar veikt á öllum aldri, og læknar gefa ekki upp sjúkdómsorsakir, "veira" en ekki tekið fram hvaða veira. Það er meira en grunsamlegt. Í ljósi afneitunarstefnu landlæknis og sóttvarnarlæknis á sprautuskaða og afneitunar flestra annarra í kerfinu má ljóst vera að Covid-19 grasserar sem aldrei fyrr og gengur í sífellt svæsnari bylgjum jafnvel, og ekki síður meðal bólusettra.

Þögnin er sönnun. Reynt er að fela sekt og mistök.

Hér á landi ættu að vera stofnuð baráttusamtök sem þrýstu á að upplýsingar liggi fyrir, ekki bara "einhver veira", heldur hvenær Covid-19 er á ferðinni, og veldur jafnvel stórskaða, og bólusetningar gagnslausar eða skaðlegar.

Niðurstöðurnar gætu komið á óvart. Þær gætu staðfest það sem andstæðingar bólusetninga héldu fram alveg frá upphafi.

Aðstandendur þeirra sem deyja vegna vímuefna ættu líka að reiðast meira. Að selja banvæn verkjalyf sem götudóp er afbrot. Það drepur fólk á bezta aldri sem ætti lífið framundan annars.

Samsæriskenningar ekki lengur, heldur blákaldur veruleiki. Lyf sem áttu að hjálpa eru nú orðin söluvarningur og drápstól.

Eins og ég hef sagt, hægt er að útrýma þjóðum á fleiri vegu en gert var í WW2. Að afskræma söguna með því að skrímslavæða suma en ekki aðra er gert í pólitískum tilgangi.

Hægrimenn þurfa að rísa upp og mótmæla, ekki bara vinstrimenn.

Sýndarmennskuráðstefna enn einu sinni.

COP28 er umdeild. Flestir eru sammála um að ráðstefnan sé sýndarmennska. Að ekki skuli stórþjóðirnar neyddar til að minnka losun er skandall. Hrossakaup og spilling í algleymi.

Ólafur Ragnar vill þó ekki viðurkenna slíkt, því hann hefur verið þátttakandi í þessu lengi.

Mannkynið hefur gjörsamlega brugðizt að þessu leyti. Það er ekki hægt að leggja áherzlu á umhverfisvernd og hagvöxt í senn, eða varla.

Einfaldari lífskjör og menning, að afneita tæknibyltingum liðinna áratuga að mestu, að hverfa aftur í faðm náttúrunnar - þetta og aðeins þetta virkar sem allsherjarlausn fyrir allar þjóðir.

Mengunarþoka umlykur Dúbaí