Ekki hægt að réttlæta það sem gerist á Gaza

Hvað er tilfinningaklám? Er það þegar tilfinningar eru notaðar sem vopn gegn fólki? Tilfinningahernaður? Þannig hafa fréttir RÚV verið um áraraðir.

En fréttir RÚV í gærkvöldi af særðum palestínskum börnum á Gaza náði til mín. Mér blöskrar að gerðar séu slíkar árásir.

Ísraelsstjórn ætlar sér að útrýma Hamassamtökunum, en það hlýtur að kosta skelfilegt mannfall á Gaza, og svo óhóflegt að heimsbyggðin sætti sig ekki við það.

Alveg eins og með Úkraínustríðið, af hverju er ekki reynt að leita lausna við samningaborðið, eins og að finna Palestínumönnum annað land, tveggjaríkjalausn eins og Bandaríkjamenn vilja?

Þvermóðskan ríkir, heift og hatur.

Það eru voldug öfl sem stjórnast af trú, og þar er engin skynsemi, engin mannúð, aðeins blind hernaðarhyggja. Þau öfl eru víða.

Íslendingar bera ábyrgð á stofnun Ísraelsríkis að nokkru leyti, við sem þjóð berum meðal annars ábyrgð á því að Ísraelar eru í mun sterkari stöðu en fólkið sem var þarna fyrir, Palestínumennirnir. 

Úr því að gyðingar fengu þarna sitt landsvæði ættu Palestínumenn að fá landsvæði sem þeir geta sætt sig við. Vesturlönd hljóta að finna betri lausnir. Þessar þjáningar og stöðuga blóðbað er óréttlætanlegt.

„Hættulegasta svæði í veröldinni“

Menningin á í vök að verjast, og innlend fyrirtæki.

Lilja Alfreðsdóttir hefur lofað að gera sitt bezta til að hjálpa fjölmiðlum á Íslandi, og bæta samkeppnisstöðu þeirra sem ekki eru ríkisreknir. Inní því áttu kannski að vera einhverskonar sektargreiðslur erlendra fjölmiðlarisa og fyrirtækja á Alnetinu sem hirða auglýsingatekjur útum allan heim. Þetta mun vera erfitt og þungt í vöfum, og því hefur árangurinn verið takmarkaður.

Fjölmiðlum hefur fækkað á Íslandi. Fréttablaðið var kannski ekki öllum harmadauði, en fleiri dæmi mætti nefna.

Eitt verður að athuga í þessu sem hlýtur að vekja upp spurningar og furðu: Þessi síðastliðnu ár eru ár alþjóðavæðingar og fjölmenningar, en ekki efnahagskreppa eða hruns, fyrir utan Covid-19 faraldurinn sem nýverið reið heimsbyggðinni á slig, og svo eru áhrifin af Úkraínustríðinu og Gazavoðaverkunum margvísleg, vopnaframleiðendur græða á meðan einhverjir tapa, og fjölmargir lífinu, því miður.

Sjálfstæð þjóð hlýtur að gera þá kröfu að innlendir fjölmiðlar lifi góðu lífi, og samkeppnin sé til staðar. Það er eitthvað að ef fjölmiðlar deyja út í stórum stíl og aðeins ríkið verður eftir, einokun og svo erlend samkeppni tröllvaxinna fyrirtækja sem eru útum allan heim.

Stöð 2 hefur barizt fyrir lífi sínu og átt erfitt á mörgum tímaskeiðum. Ýmsir aðrir fjölmiðlar líka. Útvarp Saga hefur rýrnað af fátækt, og er það þó einn bezti fjölmiðillinn á Klakanum.

Öllum Íslendingum ætti að vera það ljóst að við lifum ekki á uppgangstímum, heldur annaðhvort stöðnunartímum menningarinnar eða niðursveiflu hennar. Það er óþolandi að alþjóðahyggjan og fjölmenningin hafa tært og rýrt menningarsamfélög útum allan heim. Facebook hefur einfaldað heiminn, en drepið líka margt niður og gert fólk forheimskara og einfaldara, trúrra málstað rugludalla, meirihlutans sem lætur mata sig, þannig að fólk hefur minna orðið það sjálft og orðið meiri hópsálir, sem ekki var nú þörf á, nema síður væri.

Það er býsna hart ef menntamálaráðherra, hvort sem það er Lilja Alfreðsdóttir eða eftirmenn hennar verða að beita hörkulegum aðferðum eins og Kínverjar til að verja innlenda menningu og innlend fyrirtæki.

Gróðahyggjan virðir sífellt færri takmörk og landamæri. Gegn henni verður að sporna mun ákveðnar. Hluti af þessari þróun er harka í undirheimunum sem vex.

Eða vilja Íslendingar breytast í sljóa sauði sem verða með símana ígrædda í sjálfa sig og þurfa ekkert annað en ígrædda snjallsíma í skrokkum sínum, sem sjá fyrir dópi og öðrum boðefnum, jafnvel gervimat?

Sýn sendir frá sér afkomuviðvörun

Pistlar Guðbjörns Guðbjörnsonar á Facebook vekja mikla athygli

Pistlar Guðbjörns Guðbjörnssonar á Facebook, en hann er fastur gestur á Útvarpi Sögu, hafa vakið mikla athygli, og hefur hann verið sakaður um rasisma en hann hefur einnig fengið mikla öldu fylgjenda, þannig að það má með sanni segja að þarna sé kominn fram maður sem ætti mikla möguleika í stjórnmálaflokki að láta vel til sín taka. 

DV fjallar um þennan mæta mann og þjóðleg skrif hans, og eins og venjulega skiptast lesendurnir í tvo hópa, með og á móti.

Allt þetta er þekkt, að hægrafólk og vinstafólk rífst og skammast hvert útí annað. Nema hvað, að sú athugasemd sem hefur fengið flesta þumla (læk), er hægrisinnuð, (55 stykki þegar þessi pistill er skrifaður).

Hann segir að loka eigi landinu fyrir ÖLLUM innflytjendum í 5 ár vegna neyðarástands út af náttúruhamförum. FÓLK TEKUR UNDIR ÞETTA.

Þeir sem eru sammála Guðbirni Guðbjörnssyni um mikilvægi þjóðerniskenndarinnar eru fleiri en þeir sem eru ósammála honum, miðað við virka í athugasemdum á DV. Það gæti verið merki um að tími svona stjórnmálaflokks sé upp runninn núna. Kannski, kannski ekki.

Eitt sinn þótti þetta mjög rasískt, að vilja hafa Ísland fyrir (norræna) Íslendinga, en það er þó inntakið í hans athugasemd, sem fær FLESTA ÞUMLA, (LÆK). Tveir aðrir sem taka undir með honum fá einnir áberandi mikinn stuðning lesenda DV.

Nú ætla ég að spyrja: Er þetta rétti tíminn fyrir Íslenzku þjóðfylkinguna, Miðflokkinn, Frelsisflokkinn, Flokk fólksins og Sjálfstæðisflokkinn, í mesta öfgahægrigírnum sem hann getur verið í? Allir vita að Sjálfstæðisflokkurinn sveiflast í margar áttir eftir því hvaða vindar blása, það er eitt af því sem hefur gert hann að stærsta flokki landsins um langt árabil (hvað sem kannanir sýna núna, að Samfylkingin sé stærri).

En mér finnst þetta heldur betur fréttaefni og tíðindi, vegna þess að ef þetta er rétt, að almenningur sé sammála þessu, þá hefur RÚV fullkomlega mistekizt að innræta þjóðinni alþjóðahyggju og fjölmenningu, eins og hefur verið þeirra keppikefli lengi.

Litlir flokkar hafa leitað án árangurs að andliti útávið sem getur verið boðberi þjóðernishyggju. Maðurinn er fundinn, og sá maður heitir Guðbjörn Guðbjörnsson, ef marka má þá athygli sem hann fær.

Ég hef hlustað á hann á Útvarpi Sögu, og ég held að lykillinn að velgengni hans sé að hann er bæði mælskur og hóflegur, en á sama tíma fylginn sér og ákveðinn. Hann hefur ríka þjóðerniskennd, en rökstyður það sem hann segir vel, og er frekar hóflegur miðað við suma sem ganga miklu lengra en hann.

Þetta sýnir ennfremur að það getur verið eins áhrifaríkt að skrifa pistla á Facebook og í tímarit eða dagblöð.

Þessi leið er þrautum stráð, ljóð frá 9. október 2017.

Þessi leið er þrautum stráð,

þótt ég myndi reyna,

ekki fyndi annað ráð,

aðeins hvað hún vildi meina.

 

Þókt ég hitti hana á bar,

höfum glatað vonum.

Tölum ekki um þrána þar,

þú ert jafnvel bundin honum.

 

Ekki bara unglingsgrey,

efast, vil ei girnast.

Segi jafnvel núna nei,

nóttin þarf í burtu að spyrnast.

 

Horfir út en ekki á sig,

ást sér varla mína.

Talar hann við trén og þig,

tímarúnu hélt þó fína.

 

Ránfugl kemur, kvenkyns mjög,

klærnar ennþá brýnir.

Varla lengur duga drög,

drósin góðum þokka týnir.

 

Taranis er styrkur stór,

stendur, falla hinir.

Ekki gleymdur, eða hór,

áfram fæðast slíkir synir.

 

Meðan fellur veröld víð,

verða hinir stærri,

þjóta inní þessi stríð,

því er Tonor mikli nærri.

 

Mistök allt og mennskan slík,

meyjar, engin gæfa.

Kemur upp að túnum tík,

tök þeim varla nokkur hæfa.

Hagvöxtur í Bandaríkjunum fyrir forsetakosningarnar er það sem kemur ekki á óvart. 1% sem á 99% ræður því. Klassísk hagfræði heyrir sögunni til. Elítan sér um að láta Joe Biden líta vel út.

Það er staðreynd að örfáir einstaklingar eiga 99% af öllum peningum mannkynsins. Ekki hafa allir áttað sig á hvað það þýðir.

Það getur ekki þýtt annað en að þessir einstaklingar sem eiga nær allt eru ofmetnir svo svakalega að þetta séu 99% loftbólupeningar sem þeir hafa ekki unnið fyrir heldur rænt með "löglegum" hætti. Sem sé, verðbólgufé, matadorpeningar og ofurþenslugróði. Sem þýðir að allar aðstæður fyrri efnahagskreppa eru þráfaldlega ýktar núna, en einnig hæfileikinn til að regúlatora, stýra efnahagskerfi heimsins.

Raunhagkerfið er því dverghagkerfi en elítuhagkerfið gnæfir yfir allt og dælir fé í það sem snýr að pólitík, í það sem kemur elítunni vel.

Einnig hlýtur þetta að þýða að allar venjulegar hagfræðikenningar hljóta að vera óvirkar.

Hagvöxtur í Bandaríkjunum fyrir forsetakosningarnar 2024 þýðir ekki endilega raunverulegur hagvöxtur á þessu ári, heldur sennilega peningainnstreymi frá elítunni sem eiga 99% alls fjármagns sem er til. Jú, Joe Biden styður elítuna og elítan styður Joe Biden. Á sama tíma býr elítan til uppdiktaðar sakir á Donald Trump og fær hann dæmdan sekan um risafjárhæðir, með hjálp spillts embættismannakerfis. Allt liggur þetta svo í augum uppi að öðruvísi getur þetta ekki verið. Aðeins ein staðreynd útskýrir þetta allt, að 1% mannkynsins á 99% allra peninga sem eru til. Það gerir þetta mögulegt og ekki neina samsæriskenningu.

Þetta er nákvæmlega það sama og í barnabókinni "Palli var einn í heiminum". Elítan hefur ýtt öllum ógnum í burtu. Þeir ofurríku hafa rænt svo af alþýðunni að hún skiptir engu máli lengur, þeir ofurríku komast upp með allt, engin lög stjórna þeim, því þeir búa til lögin, eða réttara sagt, láta lögfræðinga á sínum vegum gera það, Evrópusambandið og viðurkenndar stofnanir, því næstum allir stjórnast af peningum.

Þannig er femínisminn tilbúningur og klikkun, borgað úr vasa elítunnar, til að skekkja raunveruleikann og veikla feðraveldið, sem ógnar þeim, þar sem siðferðislögmál fylgja því úr fortíðinni, Biblíunni og Frímúrurum og allskonar leynifélögum og trúarhópum.

Það er aðeins eitt sem ógnar Elítunni. Náttúruhamfarir eða byltingar sem ekki verður ráðið við. Þó er búið að dópa fólk niður og þjóðfélagsverkfræðin nær að bæla börn og unglinga eins og fullorðna.

Það er í raun merkilegt að maður eins og Donald Trump skuli hafa einusinni verið kosinn. Það þýðir að gríðarlegur fjöldi fólks hefur fengið meira en nóg af þessu og veit af þessu fullkomlega.

Miðað við snilld elítunnar er alveg eins líklegt að Joe Biden verði endurkjörinn. Kerfisbundið er búið að vera að útrýma stuðningsfólki Trumps, kristnu fólki af germönskum uppruna. Stöðugt innflæði af mexíkönum og há fæðingartíðni hjá þessum hópum er að fjölga kjósendum demókrata en fækka kjósendum repúblikana.

Þó gerist eitt merkilegt, og það er að svartir, asískir, mexíkóskir og aðrir innflytjendur fá nóg af elítunni og kjósa frekar Donald Trump, því þetta er svo augljóst og mun aldrei enda vel.

Þannig að kosningarnar verða bæði tvísýnar og spennandi, eða kannski. Maður veit það ekki. Elítan er svo snjöll að ráðskast með fólk, lýðstjórnun er þeirra sérfag og klækjabrögð. Þannig að allt eins líklegt er að Joe Biden verði endurkjörinn.

Trump nýtur ekki friðhelgi

Andstæðar fylkingar sem berjast andlegri og félagslegri valdabaráttu. Samúð er vopnið sem notað er.

Palestína á sér marga stuðningsmenn á Íslandi eins og sjá má á þessum mótmælum. Það er ískyggilegt að á þessu landi þurfi að myndast svona andvígar fylkingar, því ég veit að hér á landi er einnig mjög stór hópur sem styður Ísraelsmenn, eins og til dæmis margir höfundar blogggreina hér vitna um.

Þetta er upptaktur að uppþotum á milli ólíkra hópa eins og gerist í útlöndum, þar sem ofbeldi er beitt í mótmælum andstæðra fylkinga. Þar er algengt að rasistar og andrasistar berji hverjir á öðrum, eins og í evrópskum borgum.

Það eru tugir eða hundruðir atvinnumótmælenda sem hafa samúð með fólki af erlendum uppruna, en hversvegna er lélegri orkustefnu ekki mótmælt fyrir framan atvinnuhúsnæði embættismanna sem standa sig afleitlega í störfum sínum?

Hvað er það annað en léleg orkustefna hér á Íslandi að hafa ekki undirbúið það betur sem hefur verið að gerast að undanförnu? Margir góðir menn og fróðir hafa bent á að orkustefnan hefur verið í molum lengi, þörf á viðhaldi og nýjum virkjunum fyrir almenning en ekki stórnotendur, eða öllu heldur áherzlu á heimili í stað stórnotendur orkunnar. Enda er víst framleitt meira en nóg af orku, en hún fer að langmestu leyti í stórnotendur.

Þessu mætti gjarnan mótmæla og það ættu hundruðir einstaklingar að gera fyrir framan atvinnuhúsnæði embættisfólksins og ráðuneytin, þar sem ráðherrar og ráðfrýr vinna við að stjórna þessu.

Í raun er ástæða til að mótmæla fjölmörgu, einsog lélegum kjörum ellilífeyrisþega og annarra undirmálshópa, eða verðbólgu og dýrtíð í landinu, og mörgu öðru.

Þetta eru hinsvegar skipulögð "mannúðarmótmæli" að erlendri fyrirmynd. Woke-liðið erlendis er með erindreka sína hérlendis. Það fer inní skólana og er þar með áróður sinn. Kennarar vinstrisinnaðir taka þátt og fleiri, Píratar, til dæmis.

Stór mótmæli fyrir utan lögreglustöðina við Hlemm

Hvað má læra af eldgosi sem kom á versta tíma - í miðju kuldakasti vetrarins - og á afleitum stað - yfir Grindavíkurveg?

Verið er að vinna hættumat fyrir Reykjavík og nágrenni varðandi jarðskjálfta og eldgos í framtíðinni. Þetta má lesa um í Morgunblaðinu í gær.

Nokkur atriði eru augljós og blasa við.

1) Í fyrsta lagi geta atburðir orðið miklu verri en menn gera ráð fyrir. Þeir geta komið á óheppilegum tíma og óheppilegum stað.

2) Atburðir geta orðið stærri en talið er. Þeir geta einnig orðið minni að sjálfsögðu.

3) Það er ekki hægt að vera viss um að hraun renni ekki yfir lagnir eða önnur mikilvæg svæði enn nær þéttri byggð, á stór Reykjavíkursvæðinu.

4) Hraun getur runnið mjög hratt og komið upp á skömmum tíma. Það getur komið upp þar sem ekki eru taldar mestar líkur á að það komi upp.

5) Vísindamenn hafa talað um að virknin færist nær Reykjavík eftir því sem önnur kerfi virkjast þar í þessu ferli sem getur tekið 200 - 300 ár. Ekki er hægt að vita með vissu hvar virknin verður næst, og hvaða byggð sleppur og hvaða byggð ekki svo vel. Sumt er líklegra en annað, en óvissan er býsna mikil því frávikin eru mikil og stór. Eitt er þó víst, að til eru miklu fleiri svæði á landinu sem eru laus við svona virkni, eins og norðarlega og austarlega til dæmis.

6) Enginn bjóst við að Grindavík fengi svona hörmulegan skell og þar yrði erfitt eða ekki hægt að búa um ófyrirsjáanlega framtíð. Ef þessi reynsla úr Grindavík er heimfærð uppá jarðskjálftamatið fyrir Reykjavík og nágrenni kemur í ljós að það sem vísindamenn segja um stærð eða fjölda skjálfta þarf ekki að vera fullkomlega nákvæmt. Vel má vera að nokkrir býsna stórir skjálftar verði í nágrenni Reykjavíkur, milli 5 og 6, og síðan jafnvel einhverjir kannski stærri en það, því eins og ljóst er, frávik verða í náttúrunni og fullkomnar og ferkantaðar reglur eða fyrirsjáanleiki nokkuð sem sjaldgæft er. Sama gildir um eldgos í næsta nágrenni Reykjavíkur, þau gætu orðið margvísleg, en sennilega litlar líkur mjög nálægt þéttri byggð, án þess að það sé fullvíst, því nú er allt þetta svæði orðið mun þéttbýlla en áður. Hvernig er þá hægt að vita með vissu að öll svæði sleppi vel undan eldgosum? Það er ekki hægt að telja að það sé fullvíst.

7) Innviðir geta laskazt með fjölbreytilegri hætti en almennt er talið og á verri tíma, þegar kaldast er á landinu. Þetta þýðir að varaorkulagnir eru meira en æskilegar, þær eru nauðsynlegar í ljósi þessara atburða í gær og síðastliðna mánuði, og þessi fáeinu ár síðan ósköpin byrjuðu á þessu svæði.

8) Fjárhagslegt tjón af þessum atburðum er orðið miklu meira en flestir bjuggust við þegar spennandi túristagos fóru að láta á sér kræla í fyrra og hittifyrra.

9) Öll byggð á þessu stóra svæði hlýtur að vera í uppnámi, þrátt fyrir að fólk hafi flykkzt á suðvesturhornið og til Reykjavíkur frá sveitunum. Ekki er hægt að afneita þessari lexíu og að við erum í atburðarás sem er réttsvo nýbyrjuð en langt frá því að vera hætt.

10) Á sama tíma og þessi svæði eru gjöful uppá heitt og kalt vatn ásamt rafmagni gæti verið skynsamlegra að fólk búi annarsstaðar. Einhvernveginn þarf að finna hugvitssamlegar lausnir á því að leiða orkuna til annarra svæða landsins sem eru tryggari fyrir búsetu. Einnig þarf að gera ráð fyrir því að lagnir skemmist og finna því lausnir til að svona atvik komi helzt sem sjaldnast fyrir, að fólk verði án orkunnar og þegar mestur er kuldinn.

11) Við eigum uppfinningamenn, hönnuði og skipuleggjendur. Þetta hlýtur að verða verkefni framtíðarinnar.

 

Annað má læra. Í svona atburðarás er hentugast að margar fjölskyldur búi saman, og ylji sér. Þá þarf að láta feimni og viðkvæmni lönd og leið. Náungakærleikurinn fær tækifæri til að koma í öllu sínu veldi, neyðin veldur því.

Betra er að kynda fáein hús vel og að hafa þar marga en öll hús sæmilega eða illa og láta verða rafmagnslaust fyrir vikið.

Þetta rifjar upp gamla tíma þegar þörfin var mikil fyrir náungakærleikann, að hjálpa fólki sem ekki voru ættingjar eða vinir, nágrönnum og öðrum, bara vegna þess að ástandið er ekki gott.

Þessir atburðir sýna eiginlega hið raunverulega Ísland, ekki glansmyndina. Þetta er hið harðbýla land sem kallaði fram það bezta í þjóðinni í gegnum aldirnar, því það var nauðsynlegt að fólk hjálpaðist að, til að lifa af.

Hraun flæðir yfir Grindavíkurveg

ESB hefur mistekizt að halda friði í Evrópu, og hefðbundin stjórnmál eru í krísu

Vopnavæðingartal í Norðurlöndunum er mjög á skjön við sögu Norðurlandanna. Norðurlöndin voru mestu friðarþjóðirnar frá því ég var barn.

Hnignun ríkir á Norðurlöndum eins og Vesturlöndum, menningarhnignun, efnahagshnignun, siðferðishnignun, trúarhnignun.

Leiðtogar sem halda að lausnin við öllum vandamálum sé stríðsæsingur, að efla og stækka innlenda heri og búa þá undir stríð eru að koma manni á óvart, þar um er að ræða konur við völd og það á Norðurlöndum, sem talin voru mestu friðarríkin!

Sumir hæðast að þeim hugmyndum að Rússar geri hernaðarlega árás á Norðurlöndin og telja að slíkt muni tæplega eiga sér stað.

Arnar Loftsson hefur skrifað góða pistla um frið við Rússa. Fleiri hafa bent á að Vesturlönd eru að stigmagna stríðið við Rússa og nota Úkraínumenn til þess, pistlar Rúnars Kristjánssonar eru fræðandi um það.

Eins og kemur fram í þessari frétt er Kína talið ógn við Danmörku og Vesturlönd ekki síður en Rússland.

Mette Frederiksen dettur aldrei í hug að eitthvað sé til í því sem Gunnar Rögnvaldsson og fleiri hafa fjallað um, að efnahagsvandi Evrópu stafi af of miklu regluverki og ESB skrifræði, kommúnisma og slíku.

Ótti Mette Frederiksen snýst kannski um annað, að femínisminn sem hún trúir á sé að hrynja til grunna, og rússneska þjóðfélagsgerðin gæti sigrað á Vesturlöndum aftur, kristni, íhaldsöm gildi, feðraveldi og annað slíkt, sem fólk fer kannski að þrá aftur.

En eins og ég hef skrifað um og aðrir, það er erfitt að snúa við breytingum með vopnavaldi.

Ef almenningur kýs aftur hin gömlu gildi en ekki femínismann, þá mun það jafnvel ekki duga að sigra Rússa í hernaði, því almenningur í löndunum mun kjósa flokka sem bjóða upp á annan valkost en Mette Frederiksen býður uppá og þannig pólitíkusar miðjunnar, sósíalismans.

Danir segja Rússland verulega ógn við öryggi sitt

Helvíti á jörðu verður þar sem náttúran er hvorki virt né tignuð

Þegar heimsmyndinni er ógnað neita sumir að fallast á ýmislegt sem er henni andsnúið. Vinstrimönnum er það fjarlægt að viðurkenna að hamla verði mannúðarhjálp í garð útlendinga, flóttamanna og annarra og hægrimönnum er það fjarlægt að viðurkenna að hamfarahlýnun geti verið staðreynd eða manngert veðurfar.

Veðrið á Íslandi er kannski enn innan marka þess sem maður á að venjast, en þó er miklu meira um storma allan ársins hring, eða ég man ekki eftir þessum stöðugu stormum hér þegar maður var að alast upp. Þá komu jú einstaka sinnum mikil hvassviðri, en þau eru orðin býsna algeng núorðið. Því er haldið fram að það sé vegna loftslagsbreytinga af mannavöldum.

Ég held að fullyrða megi að skógareldar erlendis eru orðnir miklu algengari og sömuleiðis hryllilegar hitabylgjur og meiri öfgar í veðurfari.

Það skelfilega við þetta er að kannski er mannkynið komið fram yfir þann punkt þegar mögulegt var að snúa til baka frá helstefnu til lífstefnu og bjarga mannkyninu og jörðinni allri.

Mannkynið er ekki nema hluti af lífkerfi jarðarinnar. Húmanisminn er viðurstyggilegt fyrirbæri, að meta mannslífin bara mikils, en ekki líf dýra og plantna og vistkerfisins í heild, sem er nauðsynlegt.

Ég hef lesið suma bloggara hæðast að trú heiðinna manna á goðmögn náttúrunnar, en sú trú á sér samt röklegri og skynsamlegri grundvöll heldur en trúin á Krist eða Jahve, vegna þess að sú trú er gagnvirk, náttúran er raunveruleiki en erfiðara er að sanna að máttur Guðs sé raunveruleiki, eða frelsaranna sem trúað er á, eða annarra vætta eða máttur heilagra manna, eða hvað það nú er sem fólk vill trúa á.

Núna síðast í gær skrifaði Geir Ágústsson pistil þar sem hann talar um loftslagskirkjuna og loftslagstrúarbrögðin. Slíkt orðalag er reyndar ekki nýtt.

Júlíus Valsson bloggari skrifar þar athugasemd þar sem hann lýsir loftslagstrúnni sem torskiljanlegri og að fólk ætti nóg með kristnina. Hvernig væri þá að sleppa kristninni og fara aftur að tigna goðmögn náttúrunnar?

Málið er það, að heiðnin er að koma aftur og sigra mannkynið því hún er nauðsynleg. Kristnin reyndist byggð á sandi.

Virðing mín fyrir Keltum og drúíðum er mikil, og mannfórnir þeirra gegndu því hlutverki að halda mannkyninu í skefjum.

Ég hef áhuga á að gefa út bók eftir mig um Kelta og drúíða. Eitt er þó víst: Ég er alveg hættur að gefa eitthvað út sjálfur, plötur eða bækur. Aðeins ef aðrir gefa út og helzt á vegum stórra forlaga er ég til í slíkt. Það er þó undir því komið að fólk sýni því máli áhuga og vilji kaupa hana. Ég held að slík bók yrði bara mjög fróðleg fyrir fólk á okkar tímum.

Veit fólk að drúíðar bjuggu yfir meiri þekkingu og vizku en við nútímamenn á mörgum sviðum?

„Þetta var helvíti“

Útlendingar á Íslandi gefa almenningssamgöngum Dags B. Eggertssonar falleinkun eins og sjá má í DV

Í DV er nú grein um það sem útlendingum á Íslandi finnst megi bæta hér á landi.

Íslendingar sjálfir geta tekið undir þetta og á upptalningin erindi til margra:

 

1) Góð póstþjónusta á viðráðanlegu verði.

2) Vantar varahluti í bíla, tekur langan tíma að panta, verðið of hátt.

3) Vantar úrval franskra osta og þeir íslenzku eru rándýrir og með plastbragði vegna umbúða sem smita plastmengun.

4) Vantar banka sem bjóða lán á viðráðanlegum vöxtum. Vaxtaokrið íslenzka er "besta löglega svindl sögunnar".

5) Beikon, pylsur og asískur matur í takmörkuðu úrvali í búðum.

6) Lélegra kebab en í Þýzkalandi og Danmörku.

7) Ömurlegar almenningssamgöngur, of dýrt fargjald, öpp sem ekki virka alltaf, hægfara vagnar, léleg eða engin strætóskýli, Hlemmur notaður fyrir mathöll svo farþegar þurfa að norpa úti í kuldanum.

 

DV er kommúnistasnepill, þar tjá sig vinstrisinnaðir mikið í athugasemdum og blaðamenn reyna að draga fram þá hlið.

Þessvegna er skondið númer 7, að Dagur B. Eggertsson sem hefur verið lengi við völd í Reykjavík og er nú nýhættur skuli ekki hafa bætt strætisvagnakerfið. Reykjavík er leiðandi í strætóferðum einsog öðru, og ef gallar eru á reykvíska strætókerfinu dregur það hin sveitafélögin niður í gæðum, eða hefur tilhneigingu til þess.

Þetta eru semsagt EKKI meðmæli með Degi B. Eggertssyni og hans stjórn á Reykjavík.

Númer 1, póstþjónustan, það er til skammar að hún skuli ekki vera ódýrari og fleiri útibú opin eins og var áður, persónuleg þjónusta í stað boxa.

Við lifum á tímum þegar fólk nýtir sér erlendar vefsíður æ meira og því þarf þetta að vera hraðvirkt og sem ódýrast.

Númer 2 finnst mér sérlega skemmtilegt.

Afi minn, Jón Agnarsson, sem var með verkstæði að Digranesheiði 92, í brekkunni sem lá upp að Digranesskóla, hann kunni ráð við þessu. Í stað þess að vera alltaf að panta frá útlöndum varahluti sérsmíðaði hann varahlutina sem vantaði, með rennibekknum og allskonar verkfærum.

Að vísu skal það tekið fram að þetta var auðveldara frá 1950-1980, áður en bílar urðu tölvuvæddir og hlutirnir úr plasti með. Hann varð að hætta þessu að mestu síðustu árin þegar bílar voru orðnir tölvuvæddir og varahlutirnir enn sértækari en áður. En gömlu varahlutirnir úr frekar einföldum eða flóknum málmhlutum, mjög oft gat hann sérsmíðað það sjálfur, enda laghentur frá náttúrunnar hendi og með góða menntun í vélsmíði frá Guðmundi J. Sigurðssyni á Þingeyri sem hann lauk við á stríðsárunum.

Númer 3, frönsku ostarnir, ég tek undir það. Íslenzk ostagerð er frumstæð og mætti vera fjölbreyttari og betri. Einokunarstaða Mjólkursamsölunnar er afleit.

Númer 4, bankaþjónusta varð öll miklu lélegri eftir hrunið. Færri útibú, lengri biðraðir, og móðir mín til dæmis á erfitt með að tileinka sér að nota heimabankaþjónustuna, svo eldra fólk getur ekki allt tileinkað sér nýjungar og breytingar.

Það vita allir að matvara er rándýr á Íslandi og úrvalið lélegt miðað við víða erlendis. Sjálfstæðisflokkurinn hefur ekki lagað þetta, þrátt fyrir að vera flokkur samkeppni og sem fjölbreyttastra viðskiptahátta án hafta og reglna. Tek þó fram að stuðningur við bændur kann að vera nauðsynlegur, en mögulegt er að hann þurfi ekki að koma fram í verði, ef verð er niðurgreitt. Sterkt ríkisvald getur það auðveldlega, eins og að hjálpa flóttamönnum og eyða stórum fjárhæðum í það.