Eru Íslendingar of smásálarlegir til að gera Ástþór Magnússon að forseta landsins?

Á fyrri hluta 20. aldarinnar skrifaði dr. Helgi Pjeturss um að framvindustefnurnar væru tvær, helstefna og lífstefna, og að hann væri eini frelsarinn sem byði uppá lífstefnuna. Þetta virðist hafa ræzt hjá honum.

Rétt eins og Ástþór Magnússon talaði hann um frið og að hann vildi sameina mannkynið. Dr. Helgi skrifaði um það að mannkynið þyrfti sameiginlegt áhugamál til að sameinast um til að vilja frið, og að það sameiginlega áhugamál væri sambandið við aðrar stjörnur.

Hann stakk upp á því að fyrsta stjörnusambandsstöðin yrði reist í Öskjuhlíðinni. Hægt væri að breyta Perlunni í slíka stjörnusambandsstöð, ef íslenzka þjóðin fengi áhuga á þessu máli.

Mér hefur oft litizt vel á framboð Ástþórs, það minnir mig á framúrstefnulegan boðskap dr. Helga Pjeturss, sem ég hef virt lengi.

Dr. Helgi Pjeturss var einn sá fyrsti sem leit svona stórt á íslenzku þjóðina, að hún hefði hlutverki að gegna í heimsmálunum.

Dr. Helgi Pjeturss ritaði og talaði um það að Ísland yrði heimsótt af ferðamönnum ef slík stjörnusambandsstöð yrði reist á Íslandi. Fyrst myndu þar starfa miðlar en með tímanum kæmu þar fram líkamningar framliðinna þegar samstilling mannkynsins yrði meiri og líforkan.

Dr. Helgi Pjeturss vildi stöðva seinni heimsstyrjöldina og talaði um að styrjaldir væru eins og sóttkveikjur í líkama jarðarinnar.

Í DV er vitnað í Nostradamus í dag og hann er talinn hafa spáð því að á Íslandi yrði til leiðtogi heimsins, "ljósið frá Íslandi", og eitthvað slíkt, og Píramídaspádómar tengjast þessu líka.

Adam Rutherford var kristinn maður og spáði því að frá Íslandi kæmi leiðtogi heimsins.

Skyldi Ástþór Magnússon vera þessi "leiðtogi frá Íslandi"? Það mun varla koma í ljós nema hann verði kosinn.

Ástþór Magnússon býður sig fram á ný

Hinseginleikinn var til meðal Kelta og Gaulverja til forna, um Krists burð, eins og í Grikklandi til forna

Hægt er að horfa á Youtuberásir allan daginn og ekkert læra af þeim. Allavega, í gær voru girnilegar krásir í boði um Drúíða, sem reyndust svo innantómar eftir áhorfið, og ég vissi meira en sá sem um fjallaði, sem rakti allt sem fannst á netinu, en dró úr og efaðist þannig að úr varð varla neitt. Sögurás hvað?

Af málblæ þess sem las upp textann og var þulur á tveggja tíma rásinni skildist mér að hann væri andsnúinn drúízku, kristinn maður kannski, því andúð þeirra á heiðni er vel þekkt.

Það var mjög margt sem ekki kom fram á þessari Youtuberás sem ég hef lært af bókum. Þarna var vitnað í allskonar heimildir, en öðrum heimildum sleppt, og ekki reynt að draga fram sem jákvæðasta mynd af Gaulverjum heldur sem neikvæðasta, áherzlan á mannfórnir var mikil, en það er án efa einn skuggalegasti þátturinn í menningu þeirra.

En í þessum pistli ætla ég að fjalla um einn þátt keltnesku menningarinnar, sem er meint samkynhneigð sem sumir telja að hafi verið allviðurkennd, ekki ósvipað og í okkar nútíma - sem margir kalla siðspilltan, af svipuðum ástæðum.

Í einhverju bókasafni fyrir um 20 árum, það hefur verið 2005 eða um það leyti, fann ég bók um Gaulverja, Kelta og drúíða, sem fjallaði um þetta sem ég ætla að útskýra hér, en ég rannsakaði allar heimildir sem ég komst í. Þetta er ennþá meira spennandi viðfangsefni vegna þess að heimildirnar eru af skornum skemmti og drúíðarnir skildu ekkert eftir sig sem þeir sjálfir rituðu, allar heimildir eru frá öðrum sem skrifuðu um þá.

Fyrir þá sem ekkert vita um þetta þá voru drúíðarnir "keltneskir, heiðnir prestar", eins og þetta var oft útskýrt í mannkynssögubókum þegar ég lærði um þetta í menntaskóla, en það voru oft bara fáeinar setningar í þeim kennslubókum.

Betri útskýring á drúíðum er að líkja þeim við seiðmennina fornu, og galdramennina íslenzku í heiðnum sið, eða nara og valva, vittka, barða.

Allavega voru útskýringar Einars Pálssonar, sem fjallaði um rætur íslenzkrar menningar í bókum sínum, mjög góðar líka.

Hann hélt fram því rétta, að heiðnin hafi verið samfelld og margt líkt með heiðnum, norrænum og germönskum samfélögum í gegnum 2000 - 4000 ára sögu hennar.

Það var tilvitnun í fornrómverskan sagnaritara í bók um Kelta sem ég las, og umfjöllun um þessa tilvitnun. Þessi sagnaritari fyrir um það bil 2000 árum skrifaði um það að hann hefði orðið vitni að samkynhneigð meðal gaulverskra hermanna, og hann skrifaði um það fullur af hneykslun að Gaulverjum þætti samkynhneigðin eðlileg og ekkert til að skammast sín fyrir. Þetta latneska rit var skrifað áður en kristni varð að ríkistrú í rómverska heimsveldinu, en bar merki um hneykslun og viðhorf sem síðar áttu eftir að verða allsráðandi á Vesturlöndum, byggð á Biblíunni, það er að segja fullkomna fordæmingu á svona kynhneigð.

Þetta er svo sem merkilegt út af fyrir sig, því Rómverjar hafa verið taldir úrkynjaðir af mörgum síðar, og aðallega þeir sem uppi voru eftir Krists burð og fram að hruni Rómaveldis, sem heldur er ekki samstaða um hvenær varð sagnfræðilega.

En í þessari bók um Kelta las ég einnig hvernig samkynhneigð þekktist einnig meðal Forngrikkja og jafnvel að viðurkennt væri að kennarar hefðu kynferðislegt samneyti við unga nemendur sína, sem langoftast voru drengir á unglings- eða - barnsaldri. Já, menningin er margskonar, margt var í fortíðinni öðruvísi en það er nú.

Engin bannhelgi hvíldi á þessu meðal Forngrikkja, þetta var viðurkennt og talið eðlilegt.

En úr því að þetta er vitað um þjóðir sem áttu sér ritmál má spyrja sig hversu algengt og útbreitt þetta hafi verið meðal annarra þjóða og ættbálka til forna? Sennilegt er að þetta hafi verið með fjölbreyttum hætti, þannig að eitt algilt hafi ekki ríkt, sumsstaðar hafi samkynhneigð verið fordæmd en annarsstaðar ekki. Jafnvel má búast við að heiðnir menn hafi verið umburðarlyndari gagnvart samkynhneigð en þeir kristnu, því við vitum að þetta er bannað samkvæmt Tórunni, Gamla testamentinu, trúarriti gyðinga.

En ég hef velt því talsvert mikið fyrir mér hvort þetta hafi átt þátt í ósigri Gaulverja í frelsisbaráttu þeirra við Rómverja. Samkvæmt sagnfræðingum og bókum um sagnfræði var her Rómverja miklu betur skipulagður en herir Gaulverja og Kelta almennt, en hugtakið Keltar og Keltalönd nær yfir stærra landsvæði, Bretland var hluti af þeirra heimi til forna samkvæmt heimsmynd Rómverja.

Ástríksbækurnar fjalla um þetta, en Sjóðríkur seiðkarl er drúíði. Fornfranskir Gaulverjar voru næstu nágrannar Rómverja.

Ef maður sekkur sér ofaní heimildir um þetta þá gerir maður sér það ljóst að Keltar og Gaulverjar voru með sama lundarfar og einkennir nútímamenn, það er að segja losaralegt siðferði, og samkynhneigð, eða jafnvel fjölkynhneigð hluti af því.

Ég er ekki að segja að ég afsaki eða réttlæti allt sem tilheyrir hinseginsamfélaginu, því ég viðurkenni að hlutverk einstaklinganna mennsku sé að fjölga sér.

Það má bara velta því fyrir sér hversu djúpt þetta er í mannskepnunni, gagnkynhneigðin og svo fjölkynhneigðin hinsvegar, sem er allt hitt, hluti af hinseginleikanum.

En rómverskir og forngrískir höfundar lýstu Keltum einnig þannig að víða í samfélögum þeirra hafi ekki verið vitneskja um það hvernig börn yrðu til. Þessvegna var kynlíf með konum stundað eins og líkamsæfing og talið að börnin yrðu til fyrir yfirskilvitlega hjálp guðanna.

En eftir því sem maður rannsakar heimildirnar betur sér maður að þetta var ekki algilt. Keltnesk samfélög voru gríðarlega mörg og fjölmenn, sem tóku yfir stórt landsvæði á mjög löngum tíma.

Þetta er svipað og að dæma alla vestræna menningu út frá einhverjum litlum hópi sem lifir þesskonar lífi.

Höfundur bókarinnar sem ég las hélt því þó fram að þetta hafi verið einkenni á fornum og heiðnum samfélögum í Evrópu um Krists burð, fjölbreytileg kynlífshegðun.

Enn má spyrja sig hvort það hafi valdið falli keltneska heimsveldisins og keltnesku menningarinnar. Þeir misstu öll tungumál sín og alla menningu, urðu þrælar og ambáttir Rómverja, urðu að greiða þeim skatt og taka upp þeirra siði og tungumál.

Keltnesku tungumálin voru fjölmörg, evrópsku forntungumálin, en aðeins latínan lifir, í grófum dráttum, tungumál sigurvegarana, sem kölluðu Keltana heiðingja eða skrælingja, bændadurga á sínu máli.

Raunar ætlaði ég að skrifa pistil sem átti að fjalla um fjársjóði Kelta sem voru bræddir og brenndir af sigurvegurum þeirra, en miklir voru fjársjóðir þeirra.

Það er bara svo margt áhugavert í þessu söguefni.

Morð á 6 ára barni er ekki bara sorglegt, heldur eitthvað sem ekki ætti að gerast

Hryllingur er það almennt talið þegar móðir drepur barn sitt sem orðið er 6 ára, það þykir sjálfsagt meðal femínista og margra vinstrisinna að hún drepi ófædd börn sín.

Það verður að setja þetta í samhengi. Innfædd kona sem drepur 6 ára barn sitt er annaðhvort talin geðveik eða mjög svo vond kona. Að afsaka konu af erlendu bergi gengur þó ekki, en fjölskyldan er flóttamannafjölskylda frá Írak samkvæmt frétt frá DV.

Enn er það áberandi að þögninni er beitt með lærðum hætti sérfræðinga og hvernig upplýsingar eru skammtaðar í fjölmiðla í pínulitlum skömmtum til að sjokkera ekki almenning á þessu landi, allt til að vekja ekki upp rasisma hjá fjöldanum. Er það réttlætanlegt að stjórna svona viðbrögðum almennings? Hvernig er verið að fara með Vesturlönd?

Annað mál þessu tengt. Þegar ég fór inná Fésbókina nýlega hafði vinkona mín sett inn færslu þar sem hún lýsti því að árásin á framhaldsskólann FB (sem ekki er gott að vita um því mótsagnakenndar eru fréttirnar) sem Guðrún Hrefna skólastjóri segir hreinan skáldskap hafi verið skipulögð af fólki af erlendu bergi brotið.

Um þetta veit ég ekkert meira, orð gegn orði.

Ég veit þó sitthvað um fólk í valdastöðum á Íslandi í dag, sérstaklega konur. Þær vilja oft ekki viðurkenna raunveruleikann, það er sama syndróm og í Svíþjóð og víðar, pólitískar skoðanir til vinstri leiða af sér slíka afneitun. Auk þess eru sérfræðingar sem innprenta fólki í valdastöðum að afneita, búa til nýjar sögur og róa almenning með yfirvarpi.

Ég skrifaði um það í gær að langflest fólk er gott sem kemur að utan. Þó eru þær sögusagnir lífseigar að glæpatíðnin hækki með fjölbreyttu mannlífi.

Þegar kjaftasögur vakna í kjölfar frétta sem eru hálfþaggaðar niður og síðan er opinberað um þjóðerni þeirra sem fréttirnar fjalla um þá er ekki skrýtið að fólk myndi sér skoðanir sem eru kallaðar rasískar. En ef veruleikinn er rasískur er það ekki skrýtið svosem.

Það sem er óeðlilegt er að almenningur fái ekki að verjast slíkri ógn.

Málið er það að Katrín forsætisráðherra með haturslöggjöfinni sinni er búin að hræða og kúga þá fáu sem hafa hátt um þetta að Ísland virðist eitt rasismalausasta land í heimi.

Ríkið á ekki að hamla frelsi fólksins eða löngun til að verja sig.

Svona mál snerta Íslendinga beint, síður stríð úti í löndum.

Grunuð um að hafa ráðið barni sínu bana

Vestræn menning er búin að vera á meðan hún er kristileg

Sýnir ekki stríðið á milli Ísraelsmanna og Palestínumanna að þeirra guð er ekki góður? Eru ekki margir sem halda því fram að Allah og Jahve, Jehóva öðru nafni, sé sami guðinn?

Af hverju er aldrei friðvænlegt á þessu svæði sem er upprunaland allra þessara eingyðistrúarbragða?

Hvað er sameiginlegt með Úkraínustríðinu og hryllingnum á Gaza? Pútín styður sig við kirkjuna rússnesku og þannig má segja að sami guðinn stjórni þessum stríðum öllum, Jahve.

Á meðan RÚV og Stöð 2 standa með Gazabúum og Palestínumönnum dynur á manni stöðugur áróður þeirra sem styðja Ísraelsmenn hér á þessu bloggsvæði. Hlutleysi og rökvísi ekki til staðar, heldur pólitískur, trúarlegur áróður, sem á sér rætur í kristinni trú þeirra sem skrifa, þetta stendur í Biblíunni og þá hlýtur það að vera satt, hvað sem veruleikinn segir eða atburðir dagsins og liðins tíma.

Menn mér ósammála segja gjarnan: Bara Palestínumenn vilja útrýma gyðingum, Ísraelsmönnum, þar ríkir hatur en Ísraelsmenn eru bara að verja sig, það er allt og sumt, þetta er ekki stríð heldur sjálfsvörn.

Vel að merkja notaði Hitler sömu rökin gegn gyðingum þegar Helförin átti sér stað. Hann hélt því fram að gyðingar væru að kæfa evrópska menningu og þá þýzku sérstaklega.

Því var haldið fram að gyðingar væru árásaraðilinn sem væri að útrýma þýzkri og evrópskri menningu með lúmskum hætti.

Valdimar H. Jóhannesson skrifaði grein nýlega þar sem hann notar fleira en tilfinningar máli sínu til stuðnings. Þar segir hann frá því að í moskum í Íran er hrópað að "eyða litla Satan"(Ísrael) og "eyða stóra Satan" (Vesturlöndum).

Pistill Valdimars er bitastæður og fróðlegur á meðan flest annað sem maður les um þetta er tilfinningaútrás nær eingöngu.

Já margt er líkt með múslimum og nazistum, báðir kalla eftir útrýmingu gyðinga. En samt held ég að hinn venjulegi múslimi sé ekki daglega að hugsa um hatur á gyðingum eða útrýmingu þeirra heldur að elska guð sinn og náungann, eins og hjá kristnum mönnum, enda er fjallað um kærleikann nær eingöngu í Kóraninum. Ég á Kóraninn en hef þó hvorki nennt að lesa hann til né Biblíuna, en þarna eru merkilegar setningar samt, og maður fær tilfinningu fyrir trúarbrögðunum með því að kynna sér þetta. Að vísu segja sumir að túlkunin á Kóraninum skipti jafnvel meira máli núna fyrir múslima.

Þegar maður hittir múslimakonur með slæður í búðum hér á Íslandi, en þær eru margar, þá eru þær iðulega og næstum alltaf með mörg börn, og maður finnur fyrir kærleika og fjölskyldugildum en ekki hatri og ógn.

Vestrænar konur eru hinsvegar allar að sýkjast af femínisma, en fjölskyldugildi hefðbundin hata þær og vilja rífa sem mest niður og fylla allt af hatri.

Ég hef ekki tekið múslimatrú og það stendur ekki til, en utanfrá séð virðist mér að vestræn menning sé mölbrotin og í tætlum, og að múslimar séu einungis að greiða náðarhöggið ónýtri og úrkynjaðri menningu okkar vestrænni. Ég er heiðingi og því get ég litið á þetta svona.

Samt get ég tekið undir að það bætir ekki okkar þjóðfélag að flytja inn útlendinga sem ekki samlagast og sízt í það stórum hópum að átök hefjist eins og í Svíþjóð.

Þannig að ég hef oft tekið undir með Ómari Geirssyni, Jóni Magnússyni og öllum hinum, svona upp að vissu marki. En með fullri virðingu, allir geta skrifað og talað útúr rassgatinu á sér þegar tilfinningarnar ná yfirhöndinni, og ég líka.

En aftur og aftur koma stuðningsmenn öfgastjórnar Ísraels og Netanyahús með sömu rökin sem hann notar, að þetta sé allt gert í sjálfsvörn.

Það var RÚV sem kenndi mér að skrifa og tala um öfgastjórn Netanyahús. Fréttamenn þar hafa verið duglegir að koma með fréttir þar sem almenningur mótmælir Netanyahu og hans stjórn og því sem gerist í Ísrael. Sú stjórn er umdeild. Þeir sem styðja hana neita að horfast í augu við það að mjög stór hluti ísraelsku þjóðarinnar er andvígur henni, um það bil helmingur, þótt hann hafi komizt til valda með lýðræðislegum hætti rétt eins og Hitler gerði á sínum tíma.

Ómar Geirsson sem er frábær þegar hann er í essinu sínu eins og gegn Icesave notar ákveðna möntru mikið í nýlegum pistlum um þetta, "glæp gegn mannkyni".

Þessi frasi er orðinn mantra margra sem réttlæta stuðning við stjórn Netanyahus. Ég hef gagnrýnt þennan frasa, því hvaða mannkyn er verið að tala um?

Hnignun mannkynsins hófst með kristninni fyrir 2000 árum, og Rómverjum sem voru studdir af Jahve.

En raunverulegt fall beint niðurávið hófst þó 1945.

Dr. Helgi Pjeturss skrifaði um mörg mannkyn, að hver kynþáttur væri eitt mannkyn. Með þeim rökum er hægt að samþykkja orðalag af þessu tagi, að árás á menningarsamfélag eða kynþátt sé glæpur gegn mannkyni. Þó finnst mér það rangt og ónákvæmt orðalag.

En svo eru margir sem segja að gyðingar séu ekki kynþáttur heldur trúfélag eða menningarsamfélag og því ekki eitt lítið mannkyn, og þá öll mannkynin felld undir heildarmannkynið, sem yfirleitt er átt við þegar talað er um mannkynið allt.

Glæpur gegn mannkyni er aðeins eitthvað eins og eitursprauturnar, og að dreifa Covid-19 um alla heimsbyggðina, sem sennilega var skipulagt af Elítunni, valdhöfum innan Evrópusambandsins, demókrataflokksins og jafnvel einhverjum innan repúblikanaflokksins í Bandaríkjunum. Elítan er fjölþjóðleg plága sem stjórnar meginstraumsklósettfjölmiðlunum.

Glæpur gegn þjóðum og þjóðabrotum er það og varla annað.

En alveg eins og Páll Vilhjálmsson skrifar um þá er stuðningur við Hamas og Palestínu mikill á Vesturlöndum.

Hvernig væri að fólk færi að átta sig á því að Jahve, Allah og Jehóva eru allt sami trixterinn, Loki Laufeyjarson, og allt sem miður fer er honum að kenna?

Að snúa frá kristni, islam og gyðingatrú og öðrum skyldum fyrirbærum er lausnin. Þá verður mannkynið friðsamlegra.

 

 

 

„Gasa á þessari stundu er óbyggilegt“

Ís er talinn vera á Mars, styður kenninguna um Marsbúa og líf á Mars, í fyrndinni að minnsta kosti

Á Vísi skrifaði Samúel Karl Ólason 19. janúar síðastliðinn:"Gífurlegt magn af ís undir yfirborði Mars".

Einnig kemur fram að verði ísinn bræddur gæti hann þakið reikistjörnuna með allt að 2,7 metra djúpu hafi. Eins og menn vita er vatn undirstaða lífs eins og við þekkjum það. Þetta þýðir á einföldu mannamáli að Mars gæti hýst líf, eða sem líklegra er, hýsti líf í fortíðinni.

Kenningin um ofurhitnun af mannavöldum fær nýtt líf þegar við fylgjumst með plánetunni Mars og fjöllum um hana. Jafnvel á 20. öldinni vissu menn að gróðurhúsaáhrif gífurleg höfðu breytt plánetunni í gegnumgrillaða eyðimörk. Inferno, eða víti, var orðið sem haft var um þessa vesælu plánetu, sem hlaut þessu örlög.

Marsbúar, líf á Mars, allt verður þetta trúlegra í þessu ljósi. Kannski voru þær sögur á rökum byggðar, eða löngu gleymdum mýtum, sem voru sannleikur. Kannski var þarna einu sinni líf. Kannski voru Marsbúarnir bara á undan okkur að slátra sér og plánetu sinni með hamfarahlýnun. Vísindaleg gögn styðja þá tilgátu frekar en annað. Andlega þenkjandi gúrúar, sjáendur og miðlar og aðrir spekingar hafa haldið því fram lengi að á Mars hafi verið líf, og að þaðan hafi jafnvel lífið borizt hingað. "Frá stjörnunum berst lífið", eins og ég söng um 1999 á tónleikum.

Ein aðferð við að stöðva Donald Trump felst í að gera hann gjaldþrota með lögsóknum, pólitískar ofsóknir.

Allt er gert til að stöðva Donald Trump og framboð hans, meðal annars er reynt að gera hann gjaldþrota með svona gígantískum dómsmálum og fjársektum.

Vel má vera að Trump hafi reynt við E. Jean Carroll og jafnvel mjög ósæmilega og ruddalega eins og gerist.

En rúmlega 11 milljarðar fyrir þetta, fyrr má nú aldeilis fyrrvera, eins og Halli og Laddi sungu um fyrir mörgum árum.

Það er fjölmargt fólk sem á mjög bágt og getur varla hreyft sig eða farið útúr húsi vegna sjúkdóma, ellihrumleika, fötlunar eða allskyns krankleika. Þessi kona stendur þó upprétt og virðist fílhraust þrátt fyrir ærumeiðingar, meiðyrði og kynferðislega áreitni Donalds Trump. Hún er því ekki jafn mikill öryrki og vesalingur og þeir fjölmörgu sem eru með langtímakovid-19, kannski af völdum Demókrata og Evrópusambandsins. Ekki er hún heldur í hópi þeirra sem dóu eða bækluðust af sprautum Elítunnar. Það er fullkomin firring að halda að þessi E. Jean Carroll eigi svona mikið bágt að hún eigi að fá 11 MILLJARÐA fyrir viðreynslu af hendi Donalds Trump fyrir næstum 30 árum, og meiðyrði svo síðar og ærumeiðingar.

Femínazistar, það orð passar 100% við andstæðinga Trumps útum víða veröld. Jafnaðarfasisminn er hryllingur. Hann hefur kostað milljónir mannslífa og enn fleiri mannslíf en nazismi Hitlers, því öll þau börn sem aldrei fæðast vegna haturs kvenna á körlum og haturs karla á konum, þau eru margfalt fleiri en fólkið sem drepið var af nazistunum. Svo eru það þjáningarnar. Það er sagt að ekki sé hægt að mæla þjáningar.

Þjáningar þess sem deyja og eru sviptir lífi jafnvel við ömurlegar aðstæður taka enda.

Þjáningar þess sem lifa í hatri á hinu kyninu taka aldrei enda. Lífsgæði viðkomandi rýrna óendanlega, og ónæmiskerfið veikist sem hefur í för með sér runu af sjúkdómum og dauða fyrir aldur fram. Þetta eru ekki nazistar Hitlers sekir um, þetta eru femínistar sekir um, jafnaðarfasistar, femínazistar réttnefndir, en það orð lærði ég á Útvarpi Sögu fyrir meira en 5 árum af einhverjum innhringjanda þar. Það passar mjög vel.

Til að hefja Nurembergsréttarhöld yfir femínistum, femínazistum og jafnaðarfasistum þarf að skilgreina glæpi femínisma gegn mannkyninu og dæma samkvæmt því.

Þetta er allt mælanlegt. Við lifum á tímum þegar andlegt og félagslegt ofbeldi er algengara en kynferðislegt eða líkamlegt ofbeldi. Verum ekki fífl. Verum ekki gamaldags. Flestir hafa lært eitthvað í sálfræði og félagsfræði og vita að þesskonar kenningar stjórna samfélögum okkar og lífi okkar. Verum virk, ekki þolendur í lífi okkar.

Munum það að réttlæti á jörðinni er aldrei guðdómlegt réttlæti.

Í Bandaríkjunum berjast í dómsölunum demókratar og repúblikanar. Þeir endurspegla þjóðina, woke-fólkið og kristna fólkið.

Ég er ekki fullkomlega hrifinn af sögu kristninnar og voðaverkanna sem voru framin í nafni kristninnar í gegnum aldirnar. En woke-liðið hegðar sér ekki skár.

Trump dæmdur til að greiða rúma 11 milljarða

Frægðin fer að nálgast, ljóð frá 8. október 2007.

Úr moldum skríða myrkurlátir synir,

hin mikla trú þig veiddi á hverri jörð.

Hvort valdi líf af villu sem og hinir?

Einn vegur þokast, firrukenning hörð.

Skólalaus og skyldum firrtur,

skil þó enn að sé ég virtur,

Sem og syng í þögn,

sífellt berast gögn.

Kallar á mig hetjan harða þín,

heiminn verð að kanna enn,

Segja þær að geri gagn

nær geta ekki þagnað rangir menn.

Finndu meira magn,

unz máninn rétti skín.

 

Á skjánum röfla skjátur þrútnar, betri,

og skyndilega fyllir ástin mann.

Er lausnin þín í lostafullum vetri?

Æ leigður þræll er verri, ei það kann...

Vinskap þarf í veröld kaldri,

verð ei þekktur enn af galdri,

eina fyndi enn,

ætíð vakna menn...

Einhver stúlka opnar sínar dyr,

æpir:"Þar er breyting hans!"

Aðeins hetjan getur gert

góðverk slík í fjarlægð reglumanns...

Holdið blítt og bert,

bara skildi ei fyr...

 

Þá heyrast raddir: "Frægðin fer að nálgast..."

æ finndu mál og gefðu það svo út!

En draumar gamlir sér í lagi sálgast,

ef sinnir fjöldinn ekki að væta klút...

Ó Fjóla, þú ert fremst í huga

fyrst þú veittir lof þá smuga

honum þókti hörð,

á hatursfullri jörð.

Ástúð þarf, ei frekar hennar fýsn,

fjalla þær um græðgi og kvöl...

Messíasinn meiri ert þú,

mundu að allir þurfa sanna völ...

Ekki aftur trú,

alheimskenning, býsn...

Erlendir makar íslenzkra forseta - heiðin venja - hieros gamos - heilagt hjónaband og Friggjarblótið á næstunni - og svo kristileg venja, Halldóra og Kristján Eldjárn, til dæmis.

Hieros gamos þýðir heilagt hjónaband, oftast í tengslum við heiðna helgisiði, frjósemiathafnir og slíkt. Hieros þýddi upphaflega "hetjulegur", eitthvað tengt guðunum og gyðjunum, og síðan fór orðið að merkja "yfirnáttúrulegur", "heilagur", "upphafinn", "undir guðlegri vernd", osfv. Íslenzkan er fornmál og greinilegt er að orðið hieros er sama orð og hetja eða hero á ensku, eða her og hermaður á íslenzku, eða jafnvel herra og hersir, slík orð voru notuð um Óðin til dæmis, Herrjan, Herrann, sá hinn guðdómlegi, verndaði, heilagi, upphafni.

Gamos, hjónaband, er sama orð og gaman á forníslenzku og nútímaíslenzku, en upphafleg merking orðsins gaman mun vera samfarir eða kynlíf, og óskráð og eldri merking hjónaband, eins og gamos á forngrísku.

Þessvegna eigum við Íslendingar auðvelt með að skilja hieros gamos á okkar íslenzku, "hetjugaman" eða "Herrjansgaman" eða "Herragaman", það er bein þýðing, eða heilagt kynlíf guðanna eða þjóðhöfðingjanna, og hjónabönd þeirra.

Afi minn og amma voru sannkristin, þar sem ég ólst upp á Digranesheiði 8, Digranesvegi 92 þá, og þau höfðu skoðanir á Vigdísi forseta og að hún skyldi ekki búa með manni, og það fannst þeim mjög ókristilegt og ekki hæfa þjóðhöfðingja. Ég man einnig eftir því hversu lofsamlegum orðum amma fór um Halldóru forsetafrú, og þótt ég myndi ekki eftir henni, í tíð Kristjáns Eldjárns, var of ungur til þess.

Þegar slúðurtímaritið "Séð og heyrt" sló því eitt sinn upp að Ástþór Magnússon ætti rússneskættaða eiginkonu, Natalíu, þá man ég hversu merkilegt mér þótti það að verðandi forsetar ættu líka útlendar eiginkonur, en þá var Ólafur Ragnar kominn með hana Dorrit sína. Þessi trú mín á hieros gamos, sem samkvæmt heiðinni siðvenju var oft hjónaband við konu af ættbálki óvinarins, og þannig hjónabandið friðarsáttmáli um leið, styrktist enn þegar Guðni sýndi sig með sinni Elízu, hinni kanadískættuðu eiginkonu sinni.

En ég man hneykslun ömmu þegar Vigdís var kosin forseti. Það var eins og þjóðarsorg og ekki talað um forsetakosningarnar í nokkrar vikur, svo mikil var gremjan. Sjálfsagt þótti að Albert Guðmundsson yrði forseti, því hann var í Sjálfstæðisflokknum, en Guðlaugur Þorvaldsson þótti einnig frambærilegur, en afleitt að fá konu sem forseta, sem auk þess var einhleyp, það þótti ekki hæfa, og augljóslega vélabrögð Djöfulsins og vinstri manna í landinu.

Prestar og þingmenn Sjálfstæðisflokksins þóttu mjög efnileg forsetaefni á þeim tíma, en engum datt í hug að konur gætu gengt þessu embætti þá, það bara þótti ómögulegt, eins og ef kona vildi verða prestur.

Orðið hieros er einnig notað í Biblíunni grísku og þó ættað úr heiðninni.

Friggjarblótið er mikil kviða, yfir 1000 erindi í Eddukvæðastíl og lýsir æsku Friggjar unz hún giftist Óðni og hið eiginlega blómaskeið hefst, en allt er eilíf hringrás samkvæmt þessum trúarbrögðum, og blótin og fórnirnar skylda mannanna til að viðhalda jafnvægi náttúrunnar, endurnýjun og frjósemi á allan hátt, mannlegri og líffræðilegri í dýraríkinu. Því er ábyrgðin talin mannsins og konunnar, hvers einasta einstaklings hins heiðna samfélags og enginn má skorast undan henni, og litið á dýrafórnir og aðrar fórnir sem óhjákvæmilegar og jafnvel upphefð.

Ungfrigg er ekki sama og Frigg hin fullþroskaða, kona Óðins. Ungfrigg er sú sama og Eva Biblíunnar, en Eva Biblíunnar er syndin og jafn slæm og Satan, en María mey er samsömuð við Frigg, fullþroskaða eiginkonu Óðins sem fæðir honum og mannkyninu fjölmörg börn í hjónabandinu heilaga.

Því er kaþólskan brú á milli Ásatrúar og Lútherskunnar, mótmælendatrúarinnar sem hefur úrkynjazt mjög að margra áliti með tilkomu kvennaguðfræði og frjálslyndrar guðfræði almennt.

Friggjarblótið hefur margvíslegar merkingar. Til dæmis er það sigurinn á hinni villtu náttúru, einnig sigur siðmenningarinnar á villimennskunni, og sigur feðraveldisins á mæðraveldinu, en á landnámsöld, um 800, var feðraveldið einkenni Ásatrúarinnar eins og kristninnar.

Frigg er í upphafi tröllskessa og úr aðalóvinaríki guðanna. Með því að taka hana fyrir eiginkonu leggur Óðinn tröllin endanlega að velli um sinn. Þegar hún fréttir af brúðkaupinu og að hún hafi verið gefin Óðni fer hún út á eigin spýtur og verður femínísk hetja um langt skeið, sem kostar næstum heimsendi.

Hún yfirgefur heimili sitt í tröllaheimum og hyggst leggja undir sig veröldina á eigin spýtur, og henni tekst það, þar til undir lok kvæðisins, er hún gefst Óðni á vald og hjónaband þeirra á sér stað.

Þetta er mikil ástarsaga en hryllileg, og kannski fyrirmynd allra ástarsagna sem síðar voru sagðar, og sápuópera eða leikrita, jafnvel þeirra forngrísku, sem komu síðar. Þessi saga varðveittist ekki, en kom aftur fram þegar ég skrifaði hana frá 2010 til 2013, með hjálp æðri mannkynja á öðrum hnetti.

Friggjarblótið er því allt nokkurskonar skírn í kristnum sið. Því er ætlað að hreinsa jörðina af synd og hrímþursanna valdi, og hjálpa Baldri að rísa aftur á himninum, sólarguðinum mikla.

Friggjarblótið er haldið snemma í febrúar eða seint í janúar.

Brigid, Brigit eða Bríg eru allt nöfn yfir heiðnar gyðjur í keltneskri trú og drúízkri, gaulverskri og írskri. Dagur Heilagrar Birgittu er 1. febrúar. Að fórna þjóðhöfðingja eða heilagri konu eða dóttir auðugs manns innan heiðinna samfélagi þekktist einnig á heiðnum tíma meðal Kelta og drúíða og var algengt víða og um langt skeið. Það var hluti af mannblótahefðinni, sem var mjög rík og útbreidd fyrir Krists burð í heiðinni Evrópu og Evrópumenningunni heiðnu sem enn á sér djúpar rætur.

Ekki leikur vafi á því að Brigid er sama gyðja og Frigg, þó er það rangtúlkun Þorvaldar Friðrikssonar og annarra af hans tagi að Frigg sé eftiröpun á Brigid eða að keltnesk menning hafi verið eina fyrirmyndin. Miklu réttara er að skýra þetta þannig út að bæði hin keltneska Brigid og hin norræna Frigg eru hluti af sama ævaforna menningararfinum, það þótti eðlilegt á heiðnum tíma að mismunandi þjóðir tignuðu sömu guði og gyðjur, eða nauðalík goðmögn sem gegndu keimlíku hlutverki varðveizlu manna og náttúru.

Bríg merkir "hin hátt upp hafna", "hin heilaga". Hún tengist vizku, ljóðlist, lækningum, vernd, járnsmíðum, málsmíði, og tamningu húsdýra.

Fleira merkilegt er í þessu sambandi vert að fjalla um. Brigid er tengd dýrkun á Cernunnosi, sem var fyrirmynd að myndum Satans fyrr á öldum ásamt Pan, en hann er hyrndur guð skógarins og villtra dýra.

Lugh gæti verið Loki, en einnig gæti hann verið tengdur við Þór.

Snemma í Friggjarblótinu, sem tekur nokkra daga, og kannsi viku eða lengri tíma, gerist sá atburður að tröllskessan unga, Frigg, eða Ungfrigg, heggur getnaðarliminn af frjósemiguðinum Frey, og hætta þá árstíðir að virka og blóm að vaxa og börn að fæðast. Þetta gerir hún til að ná völdum og stöðva samstarf Vana og Ása, sem sjá um að vernda mannkynið og sköpunarverkið.

Þess í stað krefst hún skatta af mönnum og dýrum. Allir skulu fórna henni dýrum og mönnum og henda fram í sjóinn, en hún var talin eiga búsetu í sjónum sem tröllskessan Frigg, Ungfrigg. Sumar útgáfur goðsagnanna gera þó ráð fyrir að hræjum dýra sé hent fyrir björg, eða jafnvel í fórnarlundi og svo síðar við heimkynni höfðingjanna, sem stjórnuðu fólkinu og höfðu mest völd.

Ekki að undra að hún verður hötuð og hennar stjórn eftir því sem líður á kvæðið, en styrkur hennar er slíkur að hún er ósigrandi þegar rúmlega 900 erindi kvæðisins eru búin. Aðeins á lokametrunum gefst hún Óðni á vald og þeirra hjónaband er haldið, hieros gamos, herragaman, hetjugaman, og mannkyninu er boðið með.

Mun galdur Óðins felast í því að koma ábyrgðinni fyrir þar sem hún á heima, meðal trölla, jötna og þursa. Mun sú yfirfærsla ábyrgðar fela í sér hörmungar fyrir suma en ekki aðra.

Segja má að Ungfrigg flýi hið sökkvandi skip eins og rottur gera, og verður hún Frigg hin þroskaða eiginkona í kjölfarið.

Þess er getið að Freyr fær aftur getnaðarliminn að þessu loknu og aðrar skaðabætur eru greiddar, allt kemst í upprunalegt og rétt horf.

Það sem er merkilegt við þetta er að vestræn menning fylgir þessum heiðnu helgisiðum í hvívetna, og erum við þar komin í kvæðinu þar sem skaðinn af stefnu Ungfriggjar, Evu, er að koma æ betur í ljós og fólk jarðarinnar að snúast gegn slíku.

Friggjarblótið mun hafa verið aflagt býsna snemma á tímum landnáms og Íslandsbyggðar, því það þótti og ljótt og gróft, of forneskjulegt, því mannblót og mannfórnir tengdust því ævinlega. Þótt landið hafi verið að mestu heiðið til ársins 1000 þá hafði kristileg mildi talsverð áhrif, þannig að þær helgiathafnir sem grófastar voru hurfu í skuggann og frekar fáar fjölskyldur héldu þeim lifandi.

Friggjarblótið er ættað alveg frá Keltum og drúíðum frá því fyrir Krists burð, og raunar er það miklu eldra. Þing voru þó haldin meðal næstum allra germanskra þjóða. Þannig var það ákveðið á þingum hverjum skyldu fórna og hversvegna.

Baldursblótið er hliðstæða við jólin. Það á sér stað í nóvember eða desember. Þá fer Baldur til Heljar og sigrar hana. Samkvæmt öðrum útgáfum goðsagnarinnar fæðist Baldur á þessum tíma, og því er talið að Jesúbarnið hafi átt að vera fætt í desember, til að heiðnu þjóðirnar tækju kristni og samþykktu þetta sem sama siðinn, eða svipaðan, en slíkt var algengt, að skyldur heiðinn siður yfirtók þann sem fyrir var, þannig að breytingin þótti hinum trúuðu heiðnu mönnum smávægileg. Þetta nýttu sér kirkjunnar menn í upphafi og löguðu kristnina eftir þessu.

Friggjarblótið tekur því við af Baldursblótinu. Í Suður Evrópu, þar sem Frakkland er nú, var þekkt að ungum konum væri fórnað í hinum drúízka sið, keltneskunni, gaulverskri trú. Til árs og friðar, að sjálfsögðu.

Á þessum árstíma þótti mannkynið verst statt, um hávetur. Þá þótti mest ástæða til að blíðka guðina og gefa þeim eitthvað til baka svo þeir yrðu miskunnsamir.

Ekki er mér fullkomlega ljóst hversvegna tröllskessan Frigg var tengd við mannfólkið, en sú var túlkunin samt. Einhver sektarkennd yfir uppruna hennar olli þessu líka.

Að þessu loknu kemur vorið, og Sunnublótið kemur um vorið og Sólarblótið, en það eru algóðar gyðjur vorkomunnar og sumarsins.

Blót Loka kemur um haustið, þar sem myrkari öfl eigingirni og galla safnast saman, en komast upp með það, allt fram að Friggjarblótinu.

Þó er Loki talinn guð Biblíunnar, þannig að þetta er flókið, en ekki verður fjallað um þetta allt að sinni.

En það fylgir þessu öllu að fólk sem vantrækir blótin, það ferst. Sú hringrás blóta sem er rofin kostar heimsendi, Ragnarök.

Eða með öðrum orðum: Allt það sem er til á jörðinni, allt það sem er skapað, það er einskisvert í hinu stóra samhengi náttúrunnar. Brot gegn lögum náttúrunnar kostar heimsendi samkvæmt þessum fornu siðum og trúarbrögðum.

Armageddon Biblíunnar og laun syndarinnar sem er dauðinn, það er svipað í kristinni trú, þannig að það er sama hvaða trúarbrögð maður skoðar, boðskapurinn er svipaður að mörgu leyti.

Allir vilja egó sýna, ljóð frá 16. september 2017.

Tilgangslaust, hefði varla vanda breytt...

veiðimenn slást um þær lendur.

Aftur kemur arga sálin þreytt,

einkagróðar skipta um hendur.

Ekki sama sinnis,

sjáðu þá píratann vakna.

Aðeins allt til minnis,

Einskis vil ég sakna.

Allra guð er egó Satans,

ertu í heimi snauða ratans?

 

Einangrast kynin, básar blasa við,

baulandi húðflýrur gegna.

Ekki um hana aftur frekar bið,

aðeins þekki skessu fegna.

Ólík, aðeins masar,

áhuginn varla til staðar.

Krukkan krefst margs, þrasar,

konur voru glaðar.

Þú ert nóg, og þetta segja,

þannig viljann niður beygja.

 

Samskiptin alveg horfin, hatur eitt,

Hugmyndafræðin er lokuð.

Gæfan fólki getur ekki breytt.

gamla brekkan nýtist mokuð.

Sig ei mótar sorgin,

samskiptin léleg sem áður.

Hefur her séð borgin,

hennar missir skráður.

Allir vilja egó sýna,

eða grimmdarviljann brýna.

Eru virkilega aðilar innan Sameinuðu þjóðanna sekir um aðild að svona árásum? Það virðist vera.

Sameinuðu þjóðirnar eru ekki saklaus engill og flekklaus samkvæmt þessu. Reyndar vissi ég það.

Þessi frétt staðfestir sögusagnir og samsæriskenningar sem eru skotnar niður sem uppspuni af mörgum.

Hér er að vísu talað um grun um tengsl við Hamas, en hann er þó greinilega svo vel rökstuddur að ýmsum starfsmönnum Sameinuðu þjóðanna hefur verið sagt um vegna hans.

Þetta er stórfrétt, vel að merkja. Þetta sýnir fram á það hvernig heimspressan sem styður Palestínu, Gazabúa jafnvel frekar en Ísrael og Gyðinga, og þó ekki Hamas opinberlega hefur tengsl við öfgasamtök og þetta styður enn frekar samsæriskenningar um rammpólitíska meginstraumsfjölmiðla sem lítið eða ekkert mark sé á takandi.

Nú hafa margir hér á þessu bloggsvæði skrifað mikið um árásirnar 7. október sem hrintu af stað hrottalegum árásum Ísraelsmanna sem heimsbyggðin fordæmir.

Hér eru málin komin í alveg nýtt ljós. Ástæðan fyrir stríðinu kemur frá elítunni kannski, frá háttsettum embættismönnum jafnvel, eins og ástæðan fyrir Úkraínustríðinu, samkvæmt því sem ýmsir halda fram.

Þetta gerir konur og karla sem ráðast á Donald Trump og hans framboð með lögsóknum og haturstali ótrúverðugri, því Donald Trump hefur vissulega verið að gagnrýna svona alþjóðastofnanir sem fara með mikið vald. Er þeim mútað til þess og hver er pólitísk afstaða þeirra? Eru andstæðingar hans allt femínistar og aðrir Satanistar?

Það er kannski of snemmt að vera viss um að þetta sé alveg óvéfengjanlegt, en það má gera ráð fyrir því að þetta hefði verið þaggað niður ef ekki væru heimildirnar fyrir þessu býsna traustar.

Já, spillingin nær inní æðstu stofnanir, og það er mikilvægasta lexían í þessu.

 

Starfsmenn SÞ grunaðir um aðild að árás Hamas