Hver skyldar fólk til að fylgja tízkunni eða eltast við tæknina?

Í gær lágu nokkrir risanetfjölmiðlar niðri. Varla undrunarefni því öll tæki bila fyrr eða síðar eins og sagt er. Það kom mér á óvart eftir áhorf á Kastljós í gær að sumt fólk er farið að nota Fésbókina til að eiga samskipti sín á milli innan heimilisins! Heimilisfaðir lýsti því að eftir þögn Fésbókar í klukkutíma vissi hann ekki hvaða verkefnum hann ætti að sinna fyrir eiginkonuna, fara með börnin hvert, og svo framvegis.

Ja, sem betur fer kom fram þarna þetta sem framsýnir menn hafa sagt fyrir löngu, að við erum varan á Fésbókinni, og það kemur sérlega vel í ljós þegar varan er orðin svona vélræn að hún kann ekki að eiga samskipti öðruvísi en með tækninni.

"Z-kynslóðin fær þvottaaðstoð með iPhone - "við erum dauðadæmd!"", er svo DV frétt sem einnig kemur inná það sama, að yngri kynslóðir eru svo háðar tækninni að það er orðið vandamál.

Z-kynslóðin, fólk fætt frá 1997 til 2012, það mun fá alla sína vizku úr Netinu eða þar um bil, símum og slíkum gersemum.

Minnisleysi þessa unga fólks er mikið, og skilningsleysi á til dæmis tákn á þvottavélum. Þá má spyrja sig um námshæfileika, nú þegar nemendur fá lélega útkomu úr PISA, eru í símum og þekkja hvorki eigið tungumál vel né önnur, nema enskuna.

Annar langafi minn lærði allar Íslendingasögurnar utanað, hann hafði þannig sjónminni að hann mundi orðrétt það sem hann las. Þó var hann sjóndapur og varð blindur á gamalsaldri. En það sem hann lærði og las sem ungur maður, það mundi hann alltaf.

Þetta var víst ekki óþekktur hæfileiki í gamla daga.

Amma mín Sigríður fór með setningar úr Biblíunni sem hún lærði í kirkjum eða hjá foreldrum sínum eða öðrum. Hún og afi fóru líka með kvæði og sálma utanað einsog ekkert væri.

Minnið er eins og vöðvi. Ef honum er ekki haldið við, eins og í nútímaþjóðfélagi ofurtækninnar, þá fer honum aftur.

En látum orð spekingsins af Z-kynslóðinni verða lokaorðin, hann var með þetta:"Við erum dauðadæmd!"

Facebook liggur niðri

Leitt að Rokksafni Íslands verði lokað

Ég harma það að loka eigi Rokksafni Íslands. Meiriháttar framtak að sýna popptónlist þessa virðingu í þessu húsi. Bæði sem tónleikastaður og safn er þetta gott húsnæði, hljómurinn þarna góður, og safnið allt mjög skemmtilega uppsett.

En kannski er Ísland of lítið? Þetta virkar í Bandaríkjunum. Þar er til dæmis Bob Dylan safn, og fleiri poppsöfn.

Eða er popptónlist aftur farin að dala? Er það rétt að hátindurinn hafi verið 1960 til 1980?

Mér hefur fundizt sem tónlistarbransinn og grúpppíubransinn hafi klofnað í frumeindir sínar með Netinu og niðurhali tónlistar á Netinu, á síðastliðnum 30 árum eða svo, en segja má að Alnetið hafi byrjað að sprengja af sér fjötrana árið 1994, eða á þeim árum að minnsta kosti. Fyrst bárust litlar hljóðskrár manna á milli í fámennum hópum, vinur til vins, frá einum notanda til annars, en nú er þetta orðið allsherjar smitun á tónlist, en stóru listamennirnir fá auðvitað langmesta spilun og kynningu. Allir þessir litlu listamenn sem sjá um öll sín mál sjálfir eru komnir í stað risastóru, landsfrægu listamannanna áður.

Ég var 15 ára þegar ég kom fyrst fram, í Digranesskóla, á Litlu jólunum, í desember 1985. Ég vakti firnamikla athygli og hrifningu, enda sagði Skafti kennari að enginn nemandi hefði áður verið með trúbadoratriði af þessu tagi í skólanum. Ég var stoltur af því að vera slíkur brautryðjandi.

Ég kom fram með eigið lag og texta. Ég var langt á undan minni samtíð, því núna fyrst þessi allra síðustu ár er þetta orðið algengt að allskonar keppnir séu í framhaldsskólunum, að börn og unglingar syngi og semji lög og texta, og leggi drög að tónlistarferli sínum strax á unga aldri, viti hvað þau vilji.

Eins og lesa má um í fréttinni verða allir þessir gripir varðveittir og kannski húsnæðið stækkað síðar og því er safnið ekki liðið undir lok heldur í hléi, ef svo má segja.

Reykjanesbær hefur sýnt frábært framtak. Þannig söfn ættu að vera í öðrum sveitafélögum. Merkilegir bæjarlistamenn ættu að fá að njóta sín meira og betur út um allt land.

Popptónlist og það sem henni tengist er sveiflum háð. Þannig er um niðurhalið á tónlistinni sem nú um stundir tekur tekjurnar af plötusölu og einnig má segja að tónleikahald sé í lægð, miðað við það sem mest var, á tímum stórra, landsfrægra tónlistarmanna og hljómsveita, á rokktímanum, og sveitaballanna skemmtilegu.

Ég veit að til eru stórar poppstjörnur á Íslandi núna, eins og Bríet og fleiri, en plötusala er brot af því sem hún var 1980, og tónleikahaldið mest um jólin, þannig að þessi poppbransi er í ákveðinni lægð.

Ef þjóðfélagið breytist aftur gæti rokkmenningin aftur náð fyrri hæðum í vinsældum. Þá þarf niðurhalið að hverfa eða verða óvinsælla.

Rokksafni Íslands verður lokað

Vinstri grænir er flokkur fámenns öfgaliðs og það kemur loksins í ljós í könnun Gallups, 4,7% fylgi. Hvenær verða vond og hrikaleg verk Vinstri grænna afturkölluð til hagsbóta fyrir allan landslýð?

Vinstri grænir myndu ekki ná inná þing núna og eru með 4,7% fylgi núna samkvæmt skoðanakönnun Gallup, hafa sennilega aldrei verið með minna fylgi en Miðflokkurinn bætir við sig.

Það er mikil hægrisveifla í gangi núna. Miðflokkurinn með rúmlega 12%, Sósíalistar 3,5%, ná ekki inná þing frekar en áður, Sjálfstæðisflokkurinn 19,9%, aðeins meira en áður, og Samfylkingin dalar svolítið, með 28,2%.

Hrein hægristjórn er í kortunum núna. Ættu þá ekki Sjálfstæðismenn að slíta stjórnina og mynda hreina hægristjórn?

Hvernig flokkur er Vinstri grænir? Öfgaflokkur sem er dottinn úr tízku? Flokkur stefnumála sem kjósendur forðast og flýja frá? Flokkur öfgafemínisma og umhverfisverndar, sem jafnvel er ekki staðið við þegar forsætisráðherra landsins er í Vinstri grænum?

Úr því að Sjálfstæðisflokkurinn er undir forsætisráðuneyti flokks sem myndi ekki ná inná þing núna, flokki sem er með eins ólíka stefnu Sjálfstæðisflokknum og hægt er að ímynda sér, væri þá ekki sniðugra fyrir Bjarna Benediktsson og aðra Sjálfstæðisflokksmenn að mynda stjórn með Frelsisflokknum til dæmis, eða Íslenzku þjóðfylkingunni, Flokki fólksins eða Miðflokknum, úr því að þannig fólk myndi vinna MIKLU betur saman?

Hverskonar sjálfseyðingarför var það að mynda þessa stjórn yfirleitt?

4,7% fylgi Vinstri grænna er merkilegt, í ljósi þess að Katrín Jakobsdóttir var langvinsælasti stjórnmálamaðurinn lengi, og enn má búast við að hún auki fylgi flokksins þrátt fyrir allt.

Þannig að samkvæmt því má alveg búast við því að Vinstri grænir eigi ekki lengur erindi, og ætti að leysast upp, enda flokkurinn sem kom þeim ófyrirgefanlegu afglöpum í gegn að rýmka fóstureyðingalöggjöfina, og mörgu öðru sem miðar aðeins að fækkun Íslendinga af germönskum uppruna, má þar minnast á leyfi til ófrjósemiaðgerða, transaðgerðir og fleira. Maður getur haft skoðun á að allt sé til að vinna fyrir svonefnd mannréttindi, en þau mál hafa fleiri hliðar þó, og nauðsynlegt að ræða frá ýmsum hliðum.

En hver er dómur kjósenda? Eru þeir að þakka Vinstri grænum fyrir þessi mál? Nei, það virðist ekki vera.

En að fréttinni sem tengd er við þetta blogg. Ef forsetaembættið er staður fyrir afdankaða stjórnmálamenn sem mega muna sinn fífil fegurri, þá já, ætti Katrín að reyna að verða forseti, en annars endurtek ég það enn sem ég hef skrifað, hún gæti sennilega átt ágætan feril sem glæpasagnahöfundur. Ætti að einbeita sér að því, eða að verða heimavinnandi húsmóðir, sem er bezt fyrir konur.

Þorgerður styður Katrínu í forsetaembættið

Eru Íslendingar orðnir svo miklir rasistar, ólíkt því sem var fyrir 10 árum, að Bashar Murad sigraði ekki?

Það kom mér á óvart að Bashar Murad sigraði ekki. Hann hefði sigrað fyrir 10 árum, kannski jafnvel í fyrra, ef atriðið hefði þá komið fram. Þetta er í rökréttu framhaldi af mikilli fylgisaukningu Miðflokksins og algjöru fylgishruni Vinstri grænna. Vinstri grænir hafa verið einir helztu stuðningsmenn Palestínu, Gazabúanna og No Borders yfirleitt. Það að þessir andstæðu flokkar séu í ríkisstjórn veldur þessum gífurlegu innbyrðis átökum, Vinstri grænir og Sjálfstæðisflokkurinn.

Íslenzkur rasismi sigraði og íslenzkur femínismi, - samtakamáttur kvenna. Hafa ekki Íslendingar alltaf verið smámenni og vilja þeir ekki vera það frekar en að sigra í Júróvisjón? Smekkur á tónlist er misjafn, en hann mótast af pólitík, og uppgangur rasismans á Íslandi er augljós á okkar tímum, og í heiminum öllum, sennilega, þótt við séum enn nokkur ljósár frá þeim mikla rasisma sem einkenndi fyrri hluta 20. aldarinnar, en við mjökumst þangað samt hægt og rólega.

Ég gaf út hljómdiskinn "Ísland skal aría griðland" árið 2009 og mér var slaufað af ýmsum þá, þar sem ég mærði Hitler þar í einu lagi, bara með því að syngja nafnið hans og "aðeins eitt/tvö orð er(u) til, aðeins eitt/tvö nafn/nöfn er(u) til", eins og gert er í kristilegum lofsöngvum (sem reyndar var útúrsnúningur á kristilegu lagi eftir sjálfan mig frá sama ári, 2001), og titillagið var tileinkað Jónasi frá Hriflu, Fjölnismönnum og þjóðernisrómantíkinni sem gaf okkur frelsið og sjálfstæðið. (Sú tileinkun kom þó hvergi fram, nema sumir föttuðu hana samt í samhengi við textaboðskapinn). Já, Íslendingar hafa eitthvað breyzt og samt er sterkur kjarni sem er enn mjög hlynntur Gaza og Palestínumönnum, eða bara mannúð.

Ég gaf einnig út hljómdiskinn "Ísland fyrir útlendinga" árið 2010, því mér finnst skemmtilegra að skoða þessi mál í samhengi og fjalla um þau þannig. Þetta eru söguleg fyrirbæri sem enn eru lifandi í fólki, þjóðerniskennd og alþjóðahyggja. Átökin halda endalaust áfram.

Hvað er það sem stjórnar íslenzku almenningsáliti? Eru unglingarnir orðnir rasískir einsog foreldrarnir? Eða var Hera Björk bara með betra lag? Hún er búin að vera viðloðandi þessa keppni lengi, komizt í úrslit án þess að sigra í mörg herrans ár. Hún minnir á taparann Joe Biden sem hafði lengi þvælzt og hangið í pólitík - þar til Elítan loks ákvað að nota hann sem peð og handbendi sitt. Augljóst er að Hera Björk þráði að sigra, og það var ljúft að sjá hana upplifa drauminn sinn út af fyrir sig, en ég efast mjög stórlega um að hún sigri aðalkeppnina úti eða nái eins langt og Bashar Murad hefði mögulega náð, samkvæmt fyrstu spám þegar fréttist að hann myndi keppa fyrir Íslands hönd, jafnvel áður en að lagið heyrðist.

Ætli hún lendi ekki í 16. sæti? Er það ekki þjóðarsætið íslenzka?

Af hverju sendum við ekki þau skilaboð til umheimsins með okkar söngatriði í Júróvisjón að sýnum Gazabúum samúð öll sem eitt? Hvernig ætti Hera Björk að gera það betur en Bashar Murad?

Misstum við ekki þarna af stærsta tækifæri okkar til að sigra erlendu keppnina í Júróvisjón? Kom ekki þarna í ljós að Íslendingar eru laumurasistar í raun?

Hera Björk er sigurvegari Söngvakeppninnar

Hættu nú að hafna þeim, ljóð frá 26. febrúar 1992. (Söngtexti einnig).

Bara góð við brotinn dreng,

bergvatnið lindanna flæðir.

Vaknar þar í vondum þveng,

vindurinn ólmast og næðir.

Hann í efa hikar,

hún er raunar ljúf.

Annar eiturbikar?

Ekki var svo hrjúf.

Tókst þér vel að syngja á Myrkramessu?

Maður, vertu undir þeirra pressu!

Herdís, fortíð, fattaðu allt betra,

fjandinn má annað letra!

 

Mín ég hefni er meira kvelst,

meyjunum hafna enn í skóla.

Ekki rétt það raunar telst,

rolan þín, hættu enn að dóla!

Áttu að treysta telpum?

Tekst það, viltu þær?

Strákar enn með stelpum?

Stundum ekki vær.

Hættu nú að halda að allt sé glatað!

Holdið fríða var ei raunar gatað!

Hættu að kveina kvartandi núna,

konan vill réttu brúna.

 

Hættu nú að hafna þeim,

hamingjan bíður svo víða.

Eiga þær nú ástarseim,

einskis þarf maður að kvíða.

Hræðist kynið hinna?

Hún er ágætt grey!

Viltu minna og minna?

Munúð býður fley!

Manstu klappið, blístrið, brjóstin góðu,

bústin andlit líka þeirra rjóðu?

Rífðu þig úr þunglyndi strákur,

þú verður betri fákur!

Svíþjóð var eitt friðsælasta land í heimi. Misvitrir stjórnmálamenn og almenningur eiga sök á helstefnuþróun hjá þeim

Það að Danir skuli breyta pólitíkinni hjá sér er aðeins viðbragð við veruleikanum. Norðmenn eru líka að breyta pólitíkinni hjá sér, hægt og rólega, þótt þrjózkir séu eins og Svíar. Maður missir trúna á mannkyninu þegar maður sér að ekki er hægt að verjast svona þjóðfélagsbreytingum út af barnalegu lýðskrumi þegar vítin til að varast er hægt að fá frá öðrum löndum.

Ástandið á jörðinni fer versnandi, stríðsógnin er víða að aukast.

14.000 virkir í sænskum gengjum

Trúarbrögð og eftirlögmál (þýðing á metafýsík).

Trúarbrögðin eru fyrir marga að minnsta kosti mannbætandi - svona til að byrja með - en síðan þegar betur er að gáð eru í þeim atriði sem hægt er að gagnrýna.

Það er ekki hægt að mæla með trúarlausum og guðlausum nútímanum endilega umfram annað. Sumt er nefnilega ágætt sem fylgir trúarbrögðunum, eins og ýmiskonar siðfræði sem hjálpar fólki.

Ég mæli með því að fólk kynni sér hugmyndir Guðjóns Hreinberg um trúarbrögð, þó sérstaklega Zíonisma, mjög góður pistill um hvað Zíonisti er nýlegur frá honum.

Hugtakið sem skiptir máli er "frumspekilegur skilningur" á trúarbrögðunum. Það þýðir, ekki bókstaflegur skilningur, ekki taka Biblíuna sem landaafsal eða sagnfræði, það getur leitt til stríða og haturs. Gildafræði, takmarkanafræði, (epistemology), heimsmyndunarfræði, (cosmology), tengslafræði, (ontology), þetta eru nokkur svið sem koma við sögu frumspekinnar.

Metaphysic mun komið úr grísku, "meta ta physika", sem þýðir eftir lögmálum náttúrunnar, ekki hrá túlkun, heldur heimspekileg. Mat á efninu, það er einnig útskýring sem nær grískunni.

Dr. Helgi Pjeturss hefur verið af sumum kallaður frumspekingur en af öðrum heimspekingur. Vegna þess að hann hugsaði grundvöll vísindanna uppá nýtt er kannski réttara að kalla hann frumspeking, eða grundvallarheimspeking.

Hann hafði það sem yfirskrift fyrstu bókar sinnar:"Handan trúarbragðanna, og yfir þau hafin, ekki gegn þeim", og þetta skrifaði hann á grísku, því hann hafði mörg tungumál á valdi sínu, sá snillingur.

Vandamálin byrja oft þegar bókstafstrúin byrjar, deilan um keisarans skegg. Þó er það svo að nútíminn með sinn skort á nákvæmni og bókstafstrú er algjör afneitun á gildum trúarbragðanna, og það er varla rétt heldur. Þar með glatast gildin og upplausn fer að ríkja.

Fólk er hrætt við Elítuna. Þessvegna þorir margir ekki að efast um einu stefnuna. Það má vera að okkar þjóðfélag sé í skárri kantinum, en ég held samt fast við þá skilgreiningu mína að jafnaðarstefnan sem keyrð er áfram sé jafnaðarfasismi.

Nýlegar breytingar og byltingar í íslenzkri pólitík virðast viðurkenning á þessari túlkun minni, ég er að vitna í að flestir flokkar eru komnir nær Miðflokknum og Íslenzku þjóðfylkingunni en áður gerðist. Í því er fólgin viðurkenning á göllunum á hefðbundinni jafnaðarstefnu, þegar hún verður að jafnaðarfasisma.

Í orðinu jafnaðarfasismi felst það að notaðar eru aðferðir fasista Ítalíu á tímum Mússólínis (og Hitlers á Þýzkalandi, Stalíns í Sovétríkjunum og annarra) til að hefta tjáningu, skoðanir, holdafar og hegðun landsmanna, og heimsbyggðarinnar.

Þótt það sé fullt af góðu og vel menntuðu fólki á þessu landi er eins og spilltir einstaklingar komist alltaf til valda, og spillist sífellt meira eftir því sem lengra inní báknið er farið.

Gott þjóðfélag er þar sem fólk er ekki hrætt, þar sem fólk er kærleiksríkt. Ég vil bæta því við, þar sem líkamleg einkenni fá að blómstra, sem tilheyra kynþættinum, en eru ekki kæfð í fjölmenningu. Þetta og miklu fleira á ekki lengur við um vestræn samfélög, sem eru orðin samfélög óttans og kúgunarinnar æ meira, þótt sú kúgun sé misvel falin og lögleidd.

Mér finnst það kostur hjá sjálfum mér að ég reyni að hafa samúð og skilning með sjónarmiðum bæði til hægri og vinstri. Mér finnst það ekki hræsni, því ég tel að sannleikurinn, (eða sannleikur Guðs), sé handan slíkra takmarkana og skilgreininga.

Eftirlögmál er ágætt nýyrði yfir metafýsík, í stað frumspeki. Það orð nær upprunalegu grískunni eiginlega betur. Íslenzka nýyrðið mitt, eftirlögmál, það lýsir því að búa til skilning eftirá, að heimspekinga þurfi til þess.

Erfitt er að sjá á milli hvort klikkaðra sé meginstraumsfólk eða samsærisnördar - setningar sem hægt er að sýna fram á að eru rangar

"Það var ekkert kóvid því sóttvarnir virkuðu", er hluti af þeirri vitleysu sem Ómar Geirsson lætur frá sér fara á síðu Geirs Ágústssonar. Þar sakar hann þá um heimsku og klikkun sem eru ósammála sér ("þetta skilur allt heilbrigt fólk)", ("en forheimskan skilur það ekki)", en vel mætti kalla hann fullan af ranghugmyndum.

Er þessi setning rétt hjá honum: "Það var ekkert kóvid því sóttvarnir virkuðu?"

Fólki var haldið inni og á meðan svaf ónæmiskerfið, það voru ekki sóttvarnir heldur innilokun.

Hvað með umframdauðsföllin eftir sprautur og síendurteknar kóvítsýkingar? ("Það var ekkert kóvid því sóttvarnir virkuðu)"???

Alma landlæknir og fleiri töluðu um miklar kóvítbylgjur eftir sprautuherferðirnar!!!

Svo það sé á hreinu er þessi pistill ekkert sérstakt skot á hann. En þegar hann í svari sínu til Geirs auglýsir allskonar vitleysu sem hann skrifar er sjálfsagt að fjalla um það.

Frekar: Þessi pistill er skot á fólk sem hreykir sér af því að vera geðheilbrigðara en annað því það sé hluti af meginstraumnum.

Eru það rök fyrir því að maður sé betri en aðrir og ekki klikkaður að maður sé sammála fjöldanum?

Það þarf bara ekkert að fara saman. Það eru gamlir fordómar að halda að þeir sem viðra skrýtnar skoðanir sem eru ekki hluti af meginstraumnum, séu klikkaðir.

Hitt atriðið sem ég er gjörsamlega ósammála í svari hans til Geirs er í þessari setningu:"Sá faktur skýrir viðbrögð vesturvelda, allt sem gerðist áður er aukaatriði í því samhengi."

Hann vill nú kannski saka mig um að taka þetta úr samhengi, en samhengið var árás Rússa á Úkraínu.

Ég tel hinsvegar - og það er talið mikilvægt í dómsmálum - að það að kanna forsögu og málavöxtu skipti einmitt gríðarlega miklu máli.

Þeir sem skjóta fyrst og spyrja svo haga sér eins og hann. Líka þeir sem hengja án dóms og laga.

Ég vona að hann fyrirgefi mér harða gagnrýni á sig. Hann hefur tjáð sig um að hann vilji ekki lognmollu eða jámenn í kringum sig, og ég er líka meira fyrir hreinskilni en að tjá sig ekki.

Undir lokin í þessum pistli ætla ég að benda á það sem fréttin fjallar um sem ég tengi við.

Þessi frétt fyrir neðan er enn ein sönnunin fyrir því að fullyrðingar um "það var ekkert kóvid" eru alrangar. Hvort sem dauðsföllin voru út af sprautunum eða veirunni margstökkbreyttu og hennar afbrigðum, þá er það staðreynd að fleiri dóu út af "Covid-19" en báðum heimsstyrjöldunum til samans, það kom í fréttum um allan heim fyrir einum eða tveimur árum, og síðan hefur þeim dauðsföllum bara fjölgað, og langvarandi kóvid og allt það bæzt við, sem fréttin fjallar um hér fyrir neðan sem vitnað er í.

Sóttvarnirnar gerðu lítið sem ekkert, þær frestuðu bara sýkingum og gerðu þjóðfélögin fátækari. Ástæðan er sú að þetta var allt öðruvísi veira en til dæmis Spænska veikin, sem dó út þegar hýslarnir dóu.

Einn vinur minn á Fésbókinni sagði 2020 að "allir fengju kóvid fyrr eða síðar", þegar hann kom sýktur frá útlöndum - og það reyndist alveg rétt hjá honum. Covid-19 er umbreytt kvefveira sem auðvitað margsýkir heimsbyggðina aftur og aftur. Sóttvarnir voru gjörsamlega til einskis. Þær voru bara dýrar.

Covid-19 var ekki drepsótt, heldur skæð kvefpest og er enn, því hún sýkir fólk ennþá, og margir eru með langtíma-kóvid. Enda á veiran margt skylt við eyðniveiruna, sem er eitt af mörgu sem gerir það að verkum að líklegra er að hún sé samsett veira af mannavöldum en úr náttúrunnar ríki.

Ekki ætla ég að hafa þennan pistil lengri.

En það er sama hver það er, þegar einhver heldur fram:"þetta skilur allt heilbrigt fólk", en heldur samt fram einhverju sem augljóslega er rangt og hægt er að mótmæla eins og hér, þá þarf að mótmæla því.

Lyf við langvarandi covid rannsakað

Kúgaðu allar konur, umfjöllun um ljóð mitt og söngtexta frá 1996.

Eitt sinn skammaðist ég mín fyrir að hafa búið til svona "ljót" ljóð eða kvæði eða söngtexta og gefið út, en það geri ég ekki lengur. Ég er sérlega stoltur af öllu þessu sem er öðruvísi, eitthvað sem krafðist meira kjarks. Eitthvað sem Megas kenndi mér og Sverrir Stormsker.

Þegar ég var unglingur og barn leit ég stundum frekar jákvæðum augum á kvenréttindi og femínisma - en þó ekki alveg, því ljóðið "Misskilin mær" frá 1984 er einnig fullt af háði, en samúð í bland að vísu. Ég hafði einfaldlega ekki þroska eða reynslu. Síðan komu tímapunktar þegar ég fékk nóg. Í bland útaf persónulegri reynslu af stelpum og kvenfólki og þegar samskiptin ganga misvel. Einnig útaf ofstæki femínismans, alhæfingum sem fóru yfir strikið.

Þegar maður er alveg kominn uppí kok og að því kominn að æla útaf femínisma í fjölmiðlum, þá býr maður til svona ljóð, eins og "Kúgaðu allar konur". Þegar alhæfingar og sannfæring fer saman um einhverja svona þvælu fær maður nóg.

Þegar ég gaf út jafnréttishljómdiskana mína frá 2001 til 2003, "Jafnréttið er eina svarið", 2001, "Við viljum jafnrétti", 2002, og "Jafnréttið er framtíðin", 2003, þá voru þeir mjög margt í einu.

Þeir voru til dæmis með fyrirmynd, Stuðmannakvikmyndin "Með allt á hreinu", þar sem Grýlur og Stuðmenn börðust.

Ég gaf út svona lög eins og "Kúgaðu allar konur", þarna. Ég bætti við sérsaumuðum lögum fullum af hræsni og sýndarmennsku, a la tíðarandann. Ég trúi ekki á femínisma karlmanna, og jafnvel ekki femínisma kvenna, en ég trúi 100% á hræsni og helgislepju, sýndarmennsku, gervimennsku, heimsku og allt þetta.

Titillag plötunnar "Við viljum jafnrétti" er gott dæmi um þetta.

Upphaflega gleðiríkur og háðskur blús sem var saminn 1997, snemma árs. Fyrirmyndin voru blúsar Megasar á "Í góðri trú" frá 1986 sem ég hafði hneykslazt á upphaflega, en skildi svo djókinn með tímanum, og skildi hann betur og betur, og skil hann enn betur og betur, Megas er alltaf ljósár á undan tímanum, ekki sízt þegar hann er mest misskilinn.

Fyrstu blúsarnir af þessu tagi voru frá 1996, og jafnvel enn fyrr. En í febrúar 1997 komu margir svona jafnréttisblúsar, jafnvel spunnir á staðnum fyrir framan hljóðnemann án þess að neitt væri samið fyrirfram, hvorki lög né textar. Þeir gátu orðið 50 erindi og 20 mínútur þeir lengstu.

Síðan breytti ég textunum og teygði þá út og suður til að ná áhrifum, sem ég leitaði að, en vissi ekki hvað ég vildi. Ég var farinn að skipuleggja þessar plötur, en vissi ekki hvað ég vildi samt með þeim.

Það endaði með því að ég skar niður þessa texta, og eftir stóðu aðeins örfáar setningar, sem voru hreinar og tærar klisjur, eins og "Við trúum á jafnréttið".

Þetta gerði ég vegna þess að klisjurnar í karlrembuáttina voru komnar í lögum eins og "Aldrei skaltu elska hana", "Allar konur elska ofbeldi", og fleiri slíkum. Ég vildi fá fullkomið mótvægi, til að sýna andstæður.

Ég var að glugga í bókina "Bylting Bítlanna" eftir nafna minn, Ingólf Margeirsson. Þar kemur fram að John Lennon beitti þessu stílbragði margsinnis, einsog í laginu "I Feel Fine", sem er blúslag í grunninn, en fjallar þó um gleði og hamingju. John Lennon skildi mikilvægi andstæðnanna.

Ég er auðvitað uppi á kolröngum tíma og kolröngu landi. List nútímans snýst um pólitík og sýndarmennsku. Sú lest er farin sem snérist um raunverulega list.

Ég bjó til lag árið 2022 sem hét "Rússar mega ráðast hingað inn". Pælingin var sú að við erum þegar hernumin af Bandaríkjunum, og Rússar skapa aðeins hlutleysi, eða annarskonar yfirgang.

Svona til að sýna að ég elska ennþá að vera uppreisnarunglingur þótt æskuárin séu löngu liðin.

Ég samdi þetta lag og nokkur fleiri einmitt af sömu ástæðu og "Kúgaðu allar konur".

Þegar 99% í kringum mann af fólki segir það sama, þá veit maður að það er rangt.

En þegar Pútín lét drepa Navalný fékk ég nóg.

Maður getur haft ógeð á femínisma Vesturlanda, en það gerir ekki ruglaða einræðisherra að englum. Það gerir þá ekki skárri.

Semsé, eftir því sem Pútín hegðar sér verr fær maður meira ógeð á honum. Og, Vesturlönd eru kannski ennþá skást, þrátt fyrir gallana.

Til að elska konur þarf einnig að tjá kvenhatur, finnst mér. Án þess ríkir fasismi.

Að hneyksla er leið til að minnka alvarleika og helgislepju.

Þetta eru myrkir, kolsvartir tímar í mannkynssögunni

Þegar einræðisherrar drepa pólitíska andstæðinga í eigin landi er farið að styttast í endalok ríkja þeirra. Þó má vera að Pútín verði talsvert lengur við völd, ekkert er útilokað í því efni. Þótt uppreisn verði gerð gegn honum er ekki sjálfkrafa víst að hún takist.

Síðan er hitt að ef honum verður steypt af stóli með byltingu innanlands og borgarastyrjöld, þarf ekki betra að taka við. Það er ekki hægt að firra Vesturlönd ábyrgðinni á því að hafa klúðrað sambandinu við Rússa á löngum tíma. Ekki er heldur hægt að segja að Vesturlönd séu í blússandi siglingu uppgangs og velmektar, öðru nær.

Sennilegast er að Úkraínustríðið dragist á langinn, því miður, með óþörfu mannfalli. Í RÚV er sýnt fram á mannslífin sem hafa tapazt í Úkraínu. Því er haldið fram að Pútín sé einn sekur. Þar er sýnt myndskeið af úkraínskum hermönnum sem segja að líf þeirra sé gjaldið fyrir frið í Evrópu???

Friður í Evrópu myndi ríkja ef Pútín hefði náð Úkraínu strax, það er 100% víst, því hann er ekki slíkur vitfirringur að ráðast á Evrópulönd og Natóríki, þótt örvæntingarfullur einræðisherra einsog hann sem hefur verið espaður með mótspyrnunni sé miklu líklegri til þess, hræddur um að missa eigin völd. Nató og Vesturlönd hafa gert mikil mistök með þessu stríði sem er á þeirra ábyrgð, framlenging á óþörfu stríði, eyðileggingu á landsvæði, stigmögnun á stríði sem eykur hættu á gereyðingarstríði, og hrikalegt mannfall í báðum herjum, til einskis.

Friður í Evrópu er EKKI tryggður með stríði í Úkraínu. Það er sjálfsblekking.

Þvert á móti er þar verið að tryggja STRÍÐ í Evrópu, og auka hættuna á heimsstyrjöld, OG það er búið að magna átökin á Gazasvæðinu, og Joe Biden er sekur um það og Stoltenberg og allir þessir brjáluðu og snarklikkuðu stríðshaukar og fjöldamorðingjar, sem Bob Dylan söng um í Masters of War, að væru ekki merkilegir pappírar.

Það hefur ALDREI verið ávísun á frið að ÆSA upp brjálaða einræðisherra. Rökin fyrir innlimun Úkraínu í Rússland eru sögulegs eðlis, en árás á Svíþjóð eða Natólönd, það er allt annað og langsótt mál, sem helzt er verið að æsa Rússa uppí núna, því heimsvaldastefnan er ekki síðri hjá Vesturlöndum.

Segja Navalní hafa verið á leið í fangaskipti