Ekki annað sinn, ljóð 3. október 2017.

Ekki annað sinn,

ef sú hefur lifað nóg.

Grimmd er gjarnan mark,

að geta ei fundið samúð, nokkurn vott.

Að því stefna allir,

einnig þeir sem veita ró.

Góðum gefa spark,

gjammar rakkinn, hæðið sigurglott.

Fengu friðarhallir,

fór svo einnig möguleiki þinn.

 

Vítisveg hef þrætt;

veit nóg, engu gleymi í bráð.

Senda sögur heim

seggir, þannig lokast dyrnar Týs.

Atvik eyða hvata,

allt var það í bækur skráð.

Fylgja fantar þeim,

ferleg ógn í vonarhúsi rís.

Aldrei aftur rata,

allt það fyrir verður því ei bætt.

 

Visnar virðing, ást,

var öll ferðin til þess eins.

Eyðist verðmætt allt;

öll sú vinna fánýt, læra má.

Helzt vill halda á staðinn,

hefur ekki dugað borgun teins.

Líka losna skalt,

loksins tap og sneypu finnur sá.

Skil að magnast skaðinn,

skerðu niður, annars muntu þjást.

Að stöðva aðstreymi púkanna til okkar með hjálp trúarbragðanna

Svo góður var pistillinn "Undir borginni" í dag að ég vil aðeins leggja út af honum, en þar er fjallað um vandamálin í bandarísku samfélagi og okkar samfélagi um leið.

Eitt af því sem stendur nútímanum fyrir þrifum og kirkjunni hér á okkar landi og víðar á Vesturlöndum er að prestar eru heftir af tízkubylgjum nútímans og mega helzt ekki nota þann orðaforða sem lýsa veruleika kristninnar bezt, sem sagt að tala um Djöfullinn, Helvíti, Himnaríki, engla, púka, andsetningar og annað slíkt, en heimsmynd kristninnar er þannig, og jafnvel þótt sumt af þessu sé ómótað eða lítt mótað í Biblíunni var búið að koma þessum hugtökum í þann farveg að börnin lærðu aga og kristilegan kærleika fyrr á öldum og fram á miðja tuttugustu öldina, aga sem nú er horfinn á braut mjög víða.

Ég hlýt að samþykkja að vopnaeign eykur hættuna á að vopn séu notuð.

En ástæðurnar fyrir "dauðastefnu óvinarins" eins og Rúnar nefnir þetta eru vísast til erfiðar viðfangs.

Ég verð að endurtaka hér athugasemd Guðmundar Arnar Ragnarssonar við pistli mínum frá 23. apríl síðastliðnum, þegar ég einmitt fjallaði um svona mál. Athugasemd hans er á skjön við pólitíska rétthugsun vinstriöfgaliðsins sem stjórnar næstum öllu í samfélaginu, og einmitt þessvegna er hún mikilvæg og kennir okkur sitthvað sem ungt fólk vill gleyma en eldri kynslóðir vissu.

"13. Spara eigi aga við sveininn, því ekki deyr hann þótt þú sláir hann með vendinum.

14. Þú slær hann að sönnu með vendinum, en frelsar líf hans frá Helju.

15. Son minn, þegar hjarta þitt verður viturt, þá gleðst ég líka í hjarta mínu." Úr Biblíunni, Orðskviðirnir, 23.

Afmælisrit Vigdísar Finnbogadóttur kom út 1990, Yrkja, þegar hún varð sextug. Þar eru margvíslegar greinar um mörg málefni.

Þar á einum stað er ritað um uppeldi mjög fróðlega og þeirri firru er andmælt að börn eigi aldrei að mæta aga á heimili sínu.

Þar er fjallað um niðurstöður rannsókna á hverskonar uppeldi skilar af sér beztu börnunum.

1) Börn frá heimilum sem hvorki fengu aga né ástúð leiddust flest útí afbrot og dópneyzlu.

2) Börn frá heimilum sem fengu líkamlegar refsingar eða voru beitt ofbeldi en fengu þó ákveðna ástúð stundum þar á milli leiddust færri útí dópneyzlu og afbrot en þau sem komu frá agalausu heimilunum þar sem foreldrum var sama um börn sín og látið var undan öllum dillum og duttlungum.

3) Þau börn sýndu mestar framfarir og stóðu sig bezt sem fengu skýrar reglur, harðan aga og nóg að vinna, en fengu þó að tjá sig.

 

Þessi rannsókn er svo merkileg að hún ætti að vera á minnismiðum á ísskápum á heimilum eða samskonar speki.

Þessi niðurstaða á uppeldi barna til dæmis setur þá kenningu í uppnám að rétt sé að láta eftir öllum hinseginduttlungum. Einnig sýnir hún að reglur Biblíunnar gætu verið hollari börnum en agaleysi og að afsaka allt með mannúð og mannréttindum.

Allt sem gert er í samfélaginu gefur skilaboð til allra. Þannig er það nú að þegar húðflúr er leyft, götun og ísetning aukahluta til skrauts eða annars, þá er heilagleiki mannslíkamans fyrir bí, sem "musteri heilags anda", eins og góðir kristnir menn nefna þetta og ég held að standi í Biblíunni.

Þannig finnst mér augljóst að í samfélagi þar sem húðflúr er ekki bannað með lögum þá myndast öðruvísi hópefli og öðruvísi andi í samfélaginu en þar sem það er bannað.

Andi mannsins er syndugur. Aðstreymi púkanna sem koma frá Helvíti er stöðugt, og einungis með því að fylgja Biblíunni eða öðrum heilögum trúarritum eins og Snorra Eddu eða Sæmundar Eddu er hægt að stöðva þetta aðstreymi púkanna til okkar mannanna.

Það er mjög brýnt að farið sé eftir reglum sem virkuðu og að samfélagið sé eins og það var áður, til dæmis um 1950, en ekki einsog það er nú.

Frankfurt skólinn og samfélagsverkfræði kommúnista og jafnaðarmanna, femínista og annarra öfgahópa er allt komið frá Helvíti og Satan. Af ávöxtunum skulið þér þekkja þá, upplausninni og sársaukanum, sjálfsmorðunum og óhamingjunni.

Ég tek undir mannbætandi boðskap Rúnars, en ég vil bæta því við að nauðsynlegt er að fara dýpra en í byssueign, Hollywoodmenningu, ofbeldiskvikmyndir og slíkt. Það þarf að endurvekja hefðir, siði og gildi frá 1950, en losa sig við ósómann frá femínistum og öðrum öfgaöflum. Það þýðir að færa kirkjuna aftur í hefðbundinn búning líka.

 

Raunveruleg stefnubreyting hjá Svíum loksins

Það var fyrirsjáanlegt að Svíar myndu herða reglur sínar í innflytjendamálum. Hér á Íslandi eru margir sem hafa talað fyrir þannig stefnu og verið kallaðir rasistar, eins og það sé eitthvað til að skammast sín fyrir. Það orð þýðir jafn margt og þeir sem nota það um sig eða aðra. Að stimpla aðra fyrir skoðanir er svipað og að stimpla útaf útliti. Að vilja vernda menningu eins og Miðflokkurinn vill gera, það vilja líka íslenzk stjórnvöld, Framsókn, Vinstri grænir og Sjálfstæðismenn. Þetta mál er flókið en ekki einfalt.

Bandaríkin eiga lengsta sögu í þessum málum. Það þjóðfélag samanstendur af mörgum þjóðabrotum. Evrópa var langt fram á 20. öldina með fremur einsleitar þjóðir miðað við fjölmenningarsamfélag eins og Bandaríkin. Nú keppast allir eða flestir við að herma eftir Bandaríkjunum. Á yfirborðinu að minnsta kosti, en almenningur er ýmiskonar og ekki þar allir á sömu skoðun.

Rúnar Kristjánsson er einn af þeim bloggurum sem hafa sýnt hina hliðina á Bandaríkjunum, skuggahliðina. Þeir pistlar eru mjög fróðlegir og sannir og ættu allir að kynna sér þá.

Það er skemmst frá því að segja án þess að fjölyrða mikið um þetta að sambúð ólíkra hópa í Bandaríkjunum gengur ennþá brösuglega. Hversvegna ættu þá Evrópuþjóðirnar að sækjast eftir slíku með misviturri stefnu ESB? Af hverju ættu þjóðirnar ekki að leyfa sér að vera rasískar, en reyna þó að vera í samvinnu og samfloti við aðrar þjóðir eins og hægt er?

Hver segir að No Borders stefna George Sorosar eða annarra sé hin eina rétta?

Svíþjóðardemókratar voru aldrei öfgaflokkur, heldur sannur miðjuflokkur í ólgusjó hræðilegra vinstriöfgaflokka, sem ennþá ráða of miklu í Svíþjóð, og jafnaðaröfgaflokka, ég held því fram að þeir séu til.

Kapítalistar, jafnaðarmenn, græningjar og kommúnistar, píratar, húmanistar eða aðrir eru enn jafn þrjózkir og áður. Að Svíþjóðardemókratar skuli vera teknir í hópinn og samskonar stjórnmálamenn í öðrum löndum er ekki vegna þess að þrjózka hinna hafi minnkað, heldur vegna þess að það er nauðsynlegt, vegna þess að Svíþjóðardemókratar segja sannleikann, og önnur skoðanasystkini þeirra útum allan heim.

 

Svíar herða reglur um ríkisborgararétt

Fáránleikinn magnast

Engir gamanþættir á RÚV koma í staðinn fyrir Spaugstofuna sem er hætt. Í staðinn er maður farinn að skellihlæja yfir falsfréttum, en þær eru orðnar eiginlega allsráðandi. Það sem á að teljast satt og rétt og það sem maður á að vera alvarlegur yfir, það segir rökhyggjan manni að sé grófur brandari búinn til af jafnaðarfasistum sem stjórna Vesturlöndum.

Þó hættir maður að hlæja eða maður bara brosir eða tárast yfir fréttunum um Vesturlönd sem eru að eyðileggja sig.

Selenskí er leikari og hans starf er að vera alvarlegur á meðan hann leikur hlutverk. Hann er í stærsta hlutverki lífs síns og eins og Helga Vala Helgadóttir veit þá fær hann aðeins laun ef hann er fullkomlega siðblindur og samvizkulaus. Þannig er Samfylkingin, og allir flokkar á Íslandi, líka þeir litlu, nema örfáir sem eru í þeim kannski. Allt eða ekkert. Að gera árásir á sannleikann og gera alla ótrúverðuga sem nálgast hann, það er málið.

Ólafur biskup vissi þetta sama. Nú eru annarskonar lygar og blekkingar vinsælastar innan kirkjunnar en þær sem höfðu vinninginn um 1996 eða á öldunum þar áður.

Kirkjan, stjórnmálaflokkar, þetta eru samt sömu ormagryfjur og áður. Önnur jakkaföt, það er allt og sumt.

Hversvegna leyfa Rússar korni að fara frá Úkraínu ef þeir vilja sigra Vesturlönd? Gera þeir næst drónaárás á Selenskí eða Joe Biden? Verður eitthvað slíkt reynt?

Eða vilja Rússar ekki beita fullum styrk og stöðva kornútflutning frá Úkraínu því þeir vilja komast inní spillta heimsþorpið í Vestrinu þrátt fyrir allt að lokum, eða gegna spilltu hlutverki undir borðinu?

Fólk verður sjálft að sjá hverskonar circus við tilheyrum, og að þróa með sér hæfileikana til að greina þarna á milli. Það er hægt og verður auðvelt með tímanum. Samt er erfitt að hafa kjark til að kjósa rétta flokka, ef maður verður hallærislegur fyrir vikið. Eins og ef maður kýs Frjálslynda lýðræðisflokkinn hans Guðmundar Franklíns, Íslenzku þjóðfylkinguna, Frelsisflokkinn, Flokk fólksins eða Miðflokkinn.

 

Bandaríkjamenn neita aðild að drónaárás á Kreml

Bóluefni vantar gegn faröldrum fortíðarinnar, sannarlega sem virka, áhugaverð frétt í gær á Rúv

Það vakti athygli mína í sjónvarpskvöldfréttum Rúv í gær að börn í grunnskólum á Íslandi hafa ekki fengið venjuleg bóluefni gegn kíghósta og fleiri hættulegum sjúkdómum á undanförnum tveimur árum eftir að kófið byrjaði, vegna þess að næstum öll afkastageta bóluefnaframleiðenda á heimsvísu hefur FARIÐ Í AÐ FRAMLEIÐA COVID-19 BÓLUEFNI - gagnlaus að vísu!!!

Hvað er í gangi? spyr maður sig bara. Venjulega er það svo að landlæknir eða sóttvarnarlæknir er tekinn tali eða einhver annar mjög háttsettur er tekinn tali þegar svona stórar fréttir eru fluttar um heilbrigðisvá.

Án þess að ég sé að benda á neinar samsæriskenningar eða minnast á þær einu orði, en nóg er til af þeim, og margir sem segja að þær hafi sannazt sem réttar í kófinu, þá er þetta forkastanlegt á allan hátt.

Ísland breytist í Þriðjaheimsríki (eins og fátæk lönd voru kölluð hér áður) ef hér fer að brjótast út sjúkdómafaraldur sem áður var búið að ráða niðurlögum með barnabólusetningum.

Önnur brýn spurning vaknar: Er það sama að gerast í öllum öðrum vestrænum "lýðræðisríkjum", vantar þeim hefðbundin bóluefni sem sannað er að virka vegna þess að ofuráherzla var á að framleiða bóluefni gegn Covid-19 sem ekki gera gagn?

Það er ekki hægt að láta forsætisráðherra landsins og aðra komast upp með að láta eins og ekkert sé í þessum málum. 

Mistök er orð sem sumir nota, voru þau gerð viljandi eða óviljandi?

 

Framfaraskref ef DV og Heimildin teygja sig meira til hægri í pólitík

Grein Þorsteins Siglaugssonar er prýðileg í DV, Sapere aude!, og ekki er síður gott að lesendur DV eru henni sammála og hún fær góðar viðtökur. Mér finnst svo margt merkilegt við þetta, að hér er fjölmiðill á vinstrikantinum að birta svona boðskap sem lengi var reynt að þegja um, og svo er eins og DV sé að fá breiðari skírskotun með grein frá Þorsteini, sem er virkur hér á Moggablogginu og því hægrisinnaður.

Blómaskeið Sjálfstæðisflokksins var á þeim tíma þegar Morgunblaðið fékk mikinn lestur og var langstærst og var talið nokkuð hlutlaust, eða svo mikið lesið að jafnvel þeir vinstrisinnuðu tóku mark á því og úr öðrum flokkum almennt. Þá var DV talið æsifréttablað, og Þjóðviljinn átti sinn fylgishóp. Síðan kom Fréttablaðið til sögunnar og um það leyti urðu vinstriöfgarnar áberandi líka á netinu og Gunnar Smári Helgason og fleiri fóru mikinn í reiðilestri sínum um nýfrjálshyggjuna.

Vönduð fréttamennska blómstrar þegar fólk sýnir hvert öðru virðingu almennt, jafnvel þótt deilur geti verið persónulegar og harðar stundum. Kannski var það hin mesta blessun og til framdráttar minni togstreitu að Fréttablaðið skyldi hætta að koma út.

Heimildin finnst mér mildari og betri en Stundin var og Kjarninn.

Í því sambandi finnst mér nauðsynlegt að rifja upp það sem Arnar Sverrison skrifaði um það þegar Þórður Snær á Stundinni synjaði pistlum eftir hann og afsakaði sig með því að hann óttaðist að umfjöllun blaðsins yrði of einhæf eða eitthvað slíkt. Þó hefðu pistlar eftir Arnar einmitt gert Stundina miklu fjölbreyttari, vissulega.

Ég er algjörlega sammála því sem Hallur Hallsson og fleiri hafa fjallað um í pistlum og á Útvarpi Sögu, að RÚV var hlutlausari stöð áður, og það er nú af sem áður var.

 

Þetta bankahrun er farið að minna óþægilega mikið á bankahrunið 2008. Geta flokkar á Íslandi boðið uppá annað en vestrænt sýndarlýðræði?

Ýmsir atburðir sem hafa verið að gerast að minnsta kosti í áratug virðast staðfesta að Endurræsingin mikla er í gangi og er ekki samsæriskenning. Bækur hafa verið skrifaðar um fyrirbærið, og opinberlega af WEF, en það er einatt bezta ráðið til að fela misgjörðir, að viðurkenna þær opinberlega og setja á þær löglegan stimpil eða viðurkenningu frá þeim sem valdið hafa, eins og WEF.

ESB og Nató kunna vel að vera hluti af Endurræsingunni miklu, sé litið til áhrifanna af þeirra samþjappaða valdi og tilraun til að yfirtaka Úkraínu með stríðinu þar, en menningarleg yfirtaka þess þjóðfélags er fyrir löngu orðin staðreynt, og hægt er að leita áratugi aftur í tímann til að finna orsakir þess.

Þótt einungis eftir kófið hafi hugtakið Endurræsingin mikla orðið þekktara má búast við að þær áætlanir hafi verið til löngu fyrr. Samsæriskenningar um slíkt hafa vissulega verið lengur til, og kallaðar Nýja heimsskipanin líka. Formáli eftir Klaus Schwab að skýrslu WEF frá 2010 kemur víst eitthvað inná þetta líka.

Umræðan og áróðurinn um kosti rafmynta kemur einmitt inní þetta til að undirstrika að kommúnisminn á bakvið Endurræsinguna miklu er alger, að svipta fólk peningum og að það eigi að sætta sig við eignaleysi og skort á sjálfstæði, að fólk verði eins og tala á blaði en ekki manneskjur lengur. Hversu miklar öfgar getur jafnaðarhugsjónin gengið útí, sem í þessum tilfellum verður fullkomin dystópía, eða myrkraheimsmartröð, en ekki útópía, betraheimssvon?

Getur fólk ekki séð að mannlausir kassar í búðum og sjálfsafgreiðsla er allt hluti af sama dæminu, að gera fólk að vélum, að taka í burtu mennskuna, að setja hálfvélræna varahluti í fólk, sprauta með varasömum efnum eða nanóeindum, og eitthvað slíkt?

Endurræsingin mikla er löngu, löngu komin í framkvæmd og við lifum í þannig umbreytingaheimi. Þetta eru ekki lengur samsæriskenningar heldur veruleiki. Vísbendingarnar eru of margar, sljóleiki fólks of mikill, sinnuleysið of mikið, þetta er kerfisbundin kúgun af örfáum einstaklingum sem stjórna í krafti ofurauðæva, og eru færir um að gera almenning sífellt fátækari og valdaminni. Þetta gengur lengra en nokkur kapítalismi. Þetta er samþætting kapítalisma og kommúnisma í einn viðbjóðsgraut kúgunar örfárra einræðisauðróna. Okkar er ábyrgðin að krefjast sjálfstæðis, að útskýra, skilgreina og frelsast undan hryllingnum og kúguninni sem því fylgir. Seinni tíma kynslóðir gætu orðið of kúgaðar og lyfjaðar og umbreyttar að þeim verði það ómögulegt.

Gleymum því ekki að fyrir Hrunið 2008 komu fram spekingar sem sögðu ekkert að óttast, hámenntaðir fjármálasnillingar með prófgráður virðulegar, sem reyndust allir hafa rangt fyrir sér, konur og karlar í virðulegum stöðum.

Bankahrunið hafi ekki bein áhrif á Ísland

Öfgafemínismi í vanda

Það er gott að Áslaug Arna er komin á réttari brautir í nálgun á brotthvarfsvandamálinu. Einnig eru tök hennar á íslenzku máli að batna og rétt notkun orðtaka er til fyrirmyndar. Þegar fólki er hent inní háar stöður er það ekki vant því að tala virðulegt mál oft og slettur fylgja þá með eða málvillur. Slíkt lærist flestum, að bæta málfarið.

Í Silfrinu tók hún sterkar til orða held ég, að strákar væru ekki vandamálið, heldur kerfið. Réttar til tekið eru það eitraðar hugmyndir femínismans og eitruð kvennamenning, eitraður kvenleiki en ekki eitruð karlmennska sem veldur skaðanum.

En þegar skilningurinn byrjar að vakna eins og hjá henni er hægt að gera gagn og vonandi það verði. Raunar er ég á því að allt skólakerfið eigi að vera karllægt og aðeins fyrir drengi, en við eigum langt í land með það, úr því að á þessu landi hefur öllu verið snúið á hvolf.

Strákarnir ekki alltaf vandamálið

Goðsagnir skapa tungumál en tungumál skapa ekki goðsagnir, frekar en menn. Goðsagnir eru lifandi frásagnir um raunverulega atburði í fortíðinni, afbakaðar að vísu.

Oft finnst mér gott það sem kempan Björn Bjarnason skrifar, sem hefur haft áhrif í þjóðfélaginu lengi. Pistill hans um spjallmennin (29. apríl 2023) er vissulega ágætur, en það eru þarna alþekktir frasar sem hann notar sem mig langar aðeins að mótmæla, en fleiri en hann nota þá frasa að vísu.

Frasinn er á þá leið að tungumálin skapi menninguna, að tungumálin skapi goðsagnirnar, lög, guði, peninga, listir, vísindi, vináttu og þjóðir, eins og upptalningin er hjá honum hjá honum, en örlítið umorðuð hér.

Ég hef nú lengi haft áhuga á goðsögnum, og ég er bara algjörlega ósammála því að tungumálið skapi goðsagnir eða þá að menn skapi guði og gyðjur, ekki frekar en guð Biblíunnar eða Kóransins.

Ég hef einnig haft áhuga á málvísindum lengi, og þótt ég kunni ekkert í þeim til hlítar veit ég sumt.

Til dæmis er merkilegt að indóevrópsk tungumál þróuðust frá frumtungumáli, sem einna flestir telja að hafi sprottið upp nálægt því svæði þar sem nú er hvað mest barizt í, Svarthafið, Úkraína, en kenningarnar um það upprunaland eru margar og ná yfir mikið landsvæði.

Ég tel þvert á móti að goðsagnir skapi tungumál, að íslenzkan sé tungumál guðanna í Valhöll, sem eru íbúar annarra hnatta, og að indóevrópska tungumálið hafi komið hingað til jarðarinnar með þeim, ásamt forfeðrum okkar og formæðrum fyrir langa löngu.

Ég tel að guðaheiti sem nú eru týnd geymist í tungumálinu, sérstaklega nöfn yfir dýr og jurtir og náttúrufyrirbæri, þar sem vitað er að náttúrufyrirbæri, fossar, fjöll, tré, dýr og jurtir voru tignuð sem guðir, gyðjur eða vættir.

Að öllum líkindum voru það heiti yfir Vani og Vanynjur, sem tengdust þannig dýrkun.

En umræðan um hættuna af gervigreind svo annað mál, og tek ég undir það hjá Birni og fleirum að sú hætta er vissulega til staðar, og ókannaður frumskógur þar á ferðinni og eiginlega óþekkt furðuland eins og sérfræðingar eru sammála um. Ég er einnig sammála því að tungumál okkar tengist sjálfstæði okkar órjúfanlegum böndum og þarf að vernda það með öllum ráðum. Það mun móta okkar menningu og framtíð hvernig það tekst.

Mjög mikið afrek er það að koma íslenzkunni inní tölvur og snjalltæki.

 

Opinber afneitun á sannleikanum?

Ósigur fyrir lýðræðið, sigur kosningavélanna frá Dominion. Nú er hart sótt að Donald Trump fyrir smáatriði, vegna þess að hann ógnar spilaborg sem gæti hrunið. Þöggunartilburðir gegn trumpistum, virka þeir traustvekjandi fyrir bidenista?

Það verður nú ekki þaggað svo auðveldlega niður í vinsælum fjölmiðlamanni eins og Tucker Carlsson. Hann sagðist hata Trump af ástríðu, en það dugði bara ekki til, það sem hann sagði áður um að Trump hefði sigrað en ekki Biden ógnaði valdhöfum samt. Pétur afneitaði líka Kristi þrisvar, og þó útnefndi Kristur hann sem steininn sem kirkjuna skyldi byggja á, og kaþólskan miðar við páfadóminn. Jafnvel hinir stærstu menn trúarinnar snúast gegn henni stundum og eru þó steinar sem byggt er á.

Brottrekstur Tucker Carlsson virkar fyrir suma eins og staðfesting á því að hann hafi sagt sannleikann, að Donald Trump hafi unnið síðustu forsetakosningar, en stafrænt misferli hafi látið líta út fyrir að Joe Biden hefði sigrað. Kosningafyrirtækið Dominion Voting Systems hefur væntanlega á bakvið sig moldríka menn eins og Bill Gates. Samkvæmt orðabók Sverris Stormsker merkir moldríkur sá sem er dauður og sem orðinn er að mold. Já, og ef við heimfærum þetta uppá kristna trú má segja að allt hold sé mold, og sá sem eigi milljónir sé of tengdur því jarðneska.

Hvernig er það hægt spyrja einhverjir. Jú, heiminum er stjórnað af örfáum einstaklingum sem eru moldríkir, og með peningum er hægt að stjórna heiminum, bæði hvaða skoðanir þú hefur og hvernig þú hegðar þér, hvað þú telur rangt, hvað þú telur rétt, og svo framvegis. Hjörðin fylgir valdinu og valdið er skapað af billjónum, og billjónerum, sem eru fáir.

Fox sjónvarpsstöðin hefur þurft að greiða 787 milljónir að auki sem bótagreiðslur til Dominion kosningavélanna, vegna meiðyrðamálsins sem Dominion sigraði en Fox tapaði.

Enn einu sinni þarf almenningur að spyrja sig hvort hann eigi að trúa því sem opinberlega er sagt.

Bloggarinn Inga Halldórsdóttir skrifaði nýlega um það í pistli að Bill Gates ætti um það bil helming allra jarða í Bandaríkjunum!!! Hann vinnur að fólksfækkunaráætlun ásamt mörgum öðrum. Bill Gates og George Soros hafa keypt tugmilljónir eignasafna þrotabúa banka, og Bill Gates á Open Border Society, Rauði krossinn alþjóðlegi þar undir, þrýstihópasamtök glóbalista og flóttamannaiðnaðar, Evrópusambandið, fréttaveitur, menntastofnanir, útlendingastefnur, og fleira.

Halda menn virkilega að svona réttarhöld gegn Fox, sem hefur oft staðið með Trump og komið með annan vinkil en Reuters/Rúv dæmið hafi komið úr lausu lofti og að pólitík óréttlætisins komi þar ekkert við sögu, pólitík valdanna gegn sannleikanum?

Reynt er að láta fólk trúa yfirlýsingum sem hafa kostað milljónir á milljónir ofan í réttarsölum. Hafa menn heyrt um hugtakið að trúa keyptum sannleika? Hversu dýr var þessi "sannleikur?"

Sættir í máli Fox News og Dominion