Þetta bankahrun er farið að minna óþægilega mikið á bankahrunið 2008. Geta flokkar á Íslandi boðið uppá annað en vestrænt sýndarlýðræði?

Ýmsir atburðir sem hafa verið að gerast að minnsta kosti í áratug virðast staðfesta að Endurræsingin mikla er í gangi og er ekki samsæriskenning. Bækur hafa verið skrifaðar um fyrirbærið, og opinberlega af WEF, en það er einatt bezta ráðið til að fela misgjörðir, að viðurkenna þær opinberlega og setja á þær löglegan stimpil eða viðurkenningu frá þeim sem valdið hafa, eins og WEF.

ESB og Nató kunna vel að vera hluti af Endurræsingunni miklu, sé litið til áhrifanna af þeirra samþjappaða valdi og tilraun til að yfirtaka Úkraínu með stríðinu þar, en menningarleg yfirtaka þess þjóðfélags er fyrir löngu orðin staðreynt, og hægt er að leita áratugi aftur í tímann til að finna orsakir þess.

Þótt einungis eftir kófið hafi hugtakið Endurræsingin mikla orðið þekktara má búast við að þær áætlanir hafi verið til löngu fyrr. Samsæriskenningar um slíkt hafa vissulega verið lengur til, og kallaðar Nýja heimsskipanin líka. Formáli eftir Klaus Schwab að skýrslu WEF frá 2010 kemur víst eitthvað inná þetta líka.

Umræðan og áróðurinn um kosti rafmynta kemur einmitt inní þetta til að undirstrika að kommúnisminn á bakvið Endurræsinguna miklu er alger, að svipta fólk peningum og að það eigi að sætta sig við eignaleysi og skort á sjálfstæði, að fólk verði eins og tala á blaði en ekki manneskjur lengur. Hversu miklar öfgar getur jafnaðarhugsjónin gengið útí, sem í þessum tilfellum verður fullkomin dystópía, eða myrkraheimsmartröð, en ekki útópía, betraheimssvon?

Getur fólk ekki séð að mannlausir kassar í búðum og sjálfsafgreiðsla er allt hluti af sama dæminu, að gera fólk að vélum, að taka í burtu mennskuna, að setja hálfvélræna varahluti í fólk, sprauta með varasömum efnum eða nanóeindum, og eitthvað slíkt?

Endurræsingin mikla er löngu, löngu komin í framkvæmd og við lifum í þannig umbreytingaheimi. Þetta eru ekki lengur samsæriskenningar heldur veruleiki. Vísbendingarnar eru of margar, sljóleiki fólks of mikill, sinnuleysið of mikið, þetta er kerfisbundin kúgun af örfáum einstaklingum sem stjórna í krafti ofurauðæva, og eru færir um að gera almenning sífellt fátækari og valdaminni. Þetta gengur lengra en nokkur kapítalismi. Þetta er samþætting kapítalisma og kommúnisma í einn viðbjóðsgraut kúgunar örfárra einræðisauðróna. Okkar er ábyrgðin að krefjast sjálfstæðis, að útskýra, skilgreina og frelsast undan hryllingnum og kúguninni sem því fylgir. Seinni tíma kynslóðir gætu orðið of kúgaðar og lyfjaðar og umbreyttar að þeim verði það ómögulegt.

Gleymum því ekki að fyrir Hrunið 2008 komu fram spekingar sem sögðu ekkert að óttast, hámenntaðir fjármálasnillingar með prófgráður virðulegar, sem reyndust allir hafa rangt fyrir sér, konur og karlar í virðulegum stöðum.

Bankahrunið hafi ekki bein áhrif á Ísland

Athugasemdir

[Haukur Árnason, 2.5.2023 kl. 21:38]

"Gleymum því ekki að fyrir Hrunið 2008 komu fram spekingar sem sögðu ekkert að óttast, hámenntaðir fjármálasnillingar með prófgráður virðulegar, sem reyndust allir hafa rangt fyrir sér, konur og karlar í virðulegum stöðum."

Því miður er þetta rétt hjá þér. Góður pistill, takk.

Ég á vísnakver eftir Hrein Guðvarðsson frá Minni-Reykjum í Fljótum. Hann kallaði það Sýndar alvöru. Þar eru mörg gullkorn. Um hrunið 2008 segir hann:

Þau sögðust sko vita um vandann
og vera með einvalalið.
Svo drógu þau djúpt að sér andann
og duttu á rassgatið.

[Ingólfur Sigurðsson, 2.5.2023 kl. 23:17]

Þakka þér, mjög góð vísa, alveg eins og þetta var.