Ein aðferð við að stöðva Donald Trump felst í að gera hann gjaldþrota með lögsóknum, pólitískar ofsóknir.

Allt er gert til að stöðva Donald Trump og framboð hans, meðal annars er reynt að gera hann gjaldþrota með svona gígantískum dómsmálum og fjársektum.

Vel má vera að Trump hafi reynt við E. Jean Carroll og jafnvel mjög ósæmilega og ruddalega eins og gerist.

En rúmlega 11 milljarðar fyrir þetta, fyrr má nú aldeilis fyrrvera, eins og Halli og Laddi sungu um fyrir mörgum árum.

Það er fjölmargt fólk sem á mjög bágt og getur varla hreyft sig eða farið útúr húsi vegna sjúkdóma, ellihrumleika, fötlunar eða allskyns krankleika. Þessi kona stendur þó upprétt og virðist fílhraust þrátt fyrir ærumeiðingar, meiðyrði og kynferðislega áreitni Donalds Trump. Hún er því ekki jafn mikill öryrki og vesalingur og þeir fjölmörgu sem eru með langtímakovid-19, kannski af völdum Demókrata og Evrópusambandsins. Ekki er hún heldur í hópi þeirra sem dóu eða bækluðust af sprautum Elítunnar. Það er fullkomin firring að halda að þessi E. Jean Carroll eigi svona mikið bágt að hún eigi að fá 11 MILLJARÐA fyrir viðreynslu af hendi Donalds Trump fyrir næstum 30 árum, og meiðyrði svo síðar og ærumeiðingar.

Femínazistar, það orð passar 100% við andstæðinga Trumps útum víða veröld. Jafnaðarfasisminn er hryllingur. Hann hefur kostað milljónir mannslífa og enn fleiri mannslíf en nazismi Hitlers, því öll þau börn sem aldrei fæðast vegna haturs kvenna á körlum og haturs karla á konum, þau eru margfalt fleiri en fólkið sem drepið var af nazistunum. Svo eru það þjáningarnar. Það er sagt að ekki sé hægt að mæla þjáningar.

Þjáningar þess sem deyja og eru sviptir lífi jafnvel við ömurlegar aðstæður taka enda.

Þjáningar þess sem lifa í hatri á hinu kyninu taka aldrei enda. Lífsgæði viðkomandi rýrna óendanlega, og ónæmiskerfið veikist sem hefur í för með sér runu af sjúkdómum og dauða fyrir aldur fram. Þetta eru ekki nazistar Hitlers sekir um, þetta eru femínistar sekir um, jafnaðarfasistar, femínazistar réttnefndir, en það orð lærði ég á Útvarpi Sögu fyrir meira en 5 árum af einhverjum innhringjanda þar. Það passar mjög vel.

Til að hefja Nurembergsréttarhöld yfir femínistum, femínazistum og jafnaðarfasistum þarf að skilgreina glæpi femínisma gegn mannkyninu og dæma samkvæmt því.

Þetta er allt mælanlegt. Við lifum á tímum þegar andlegt og félagslegt ofbeldi er algengara en kynferðislegt eða líkamlegt ofbeldi. Verum ekki fífl. Verum ekki gamaldags. Flestir hafa lært eitthvað í sálfræði og félagsfræði og vita að þesskonar kenningar stjórna samfélögum okkar og lífi okkar. Verum virk, ekki þolendur í lífi okkar.

Munum það að réttlæti á jörðinni er aldrei guðdómlegt réttlæti.

Í Bandaríkjunum berjast í dómsölunum demókratar og repúblikanar. Þeir endurspegla þjóðina, woke-fólkið og kristna fólkið.

Ég er ekki fullkomlega hrifinn af sögu kristninnar og voðaverkanna sem voru framin í nafni kristninnar í gegnum aldirnar. En woke-liðið hegðar sér ekki skár.

Trump dæmdur til að greiða rúma 11 milljarða

Frægðin fer að nálgast, ljóð frá 8. október 2007.

Úr moldum skríða myrkurlátir synir,

hin mikla trú þig veiddi á hverri jörð.

Hvort valdi líf af villu sem og hinir?

Einn vegur þokast, firrukenning hörð.

Skólalaus og skyldum firrtur,

skil þó enn að sé ég virtur,

Sem og syng í þögn,

sífellt berast gögn.

Kallar á mig hetjan harða þín,

heiminn verð að kanna enn,

Segja þær að geri gagn

nær geta ekki þagnað rangir menn.

Finndu meira magn,

unz máninn rétti skín.

 

Á skjánum röfla skjátur þrútnar, betri,

og skyndilega fyllir ástin mann.

Er lausnin þín í lostafullum vetri?

Æ leigður þræll er verri, ei það kann...

Vinskap þarf í veröld kaldri,

verð ei þekktur enn af galdri,

eina fyndi enn,

ætíð vakna menn...

Einhver stúlka opnar sínar dyr,

æpir:"Þar er breyting hans!"

Aðeins hetjan getur gert

góðverk slík í fjarlægð reglumanns...

Holdið blítt og bert,

bara skildi ei fyr...

 

Þá heyrast raddir: "Frægðin fer að nálgast..."

æ finndu mál og gefðu það svo út!

En draumar gamlir sér í lagi sálgast,

ef sinnir fjöldinn ekki að væta klút...

Ó Fjóla, þú ert fremst í huga

fyrst þú veittir lof þá smuga

honum þókti hörð,

á hatursfullri jörð.

Ástúð þarf, ei frekar hennar fýsn,

fjalla þær um græðgi og kvöl...

Messíasinn meiri ert þú,

mundu að allir þurfa sanna völ...

Ekki aftur trú,

alheimskenning, býsn...

Erlendir makar íslenzkra forseta - heiðin venja - hieros gamos - heilagt hjónaband og Friggjarblótið á næstunni - og svo kristileg venja, Halldóra og Kristján Eldjárn, til dæmis.

Hieros gamos þýðir heilagt hjónaband, oftast í tengslum við heiðna helgisiði, frjósemiathafnir og slíkt. Hieros þýddi upphaflega "hetjulegur", eitthvað tengt guðunum og gyðjunum, og síðan fór orðið að merkja "yfirnáttúrulegur", "heilagur", "upphafinn", "undir guðlegri vernd", osfv. Íslenzkan er fornmál og greinilegt er að orðið hieros er sama orð og hetja eða hero á ensku, eða her og hermaður á íslenzku, eða jafnvel herra og hersir, slík orð voru notuð um Óðin til dæmis, Herrjan, Herrann, sá hinn guðdómlegi, verndaði, heilagi, upphafni.

Gamos, hjónaband, er sama orð og gaman á forníslenzku og nútímaíslenzku, en upphafleg merking orðsins gaman mun vera samfarir eða kynlíf, og óskráð og eldri merking hjónaband, eins og gamos á forngrísku.

Þessvegna eigum við Íslendingar auðvelt með að skilja hieros gamos á okkar íslenzku, "hetjugaman" eða "Herrjansgaman" eða "Herragaman", það er bein þýðing, eða heilagt kynlíf guðanna eða þjóðhöfðingjanna, og hjónabönd þeirra.

Afi minn og amma voru sannkristin, þar sem ég ólst upp á Digranesheiði 8, Digranesvegi 92 þá, og þau höfðu skoðanir á Vigdísi forseta og að hún skyldi ekki búa með manni, og það fannst þeim mjög ókristilegt og ekki hæfa þjóðhöfðingja. Ég man einnig eftir því hversu lofsamlegum orðum amma fór um Halldóru forsetafrú, og þótt ég myndi ekki eftir henni, í tíð Kristjáns Eldjárns, var of ungur til þess.

Þegar slúðurtímaritið "Séð og heyrt" sló því eitt sinn upp að Ástþór Magnússon ætti rússneskættaða eiginkonu, Natalíu, þá man ég hversu merkilegt mér þótti það að verðandi forsetar ættu líka útlendar eiginkonur, en þá var Ólafur Ragnar kominn með hana Dorrit sína. Þessi trú mín á hieros gamos, sem samkvæmt heiðinni siðvenju var oft hjónaband við konu af ættbálki óvinarins, og þannig hjónabandið friðarsáttmáli um leið, styrktist enn þegar Guðni sýndi sig með sinni Elízu, hinni kanadískættuðu eiginkonu sinni.

En ég man hneykslun ömmu þegar Vigdís var kosin forseti. Það var eins og þjóðarsorg og ekki talað um forsetakosningarnar í nokkrar vikur, svo mikil var gremjan. Sjálfsagt þótti að Albert Guðmundsson yrði forseti, því hann var í Sjálfstæðisflokknum, en Guðlaugur Þorvaldsson þótti einnig frambærilegur, en afleitt að fá konu sem forseta, sem auk þess var einhleyp, það þótti ekki hæfa, og augljóslega vélabrögð Djöfulsins og vinstri manna í landinu.

Prestar og þingmenn Sjálfstæðisflokksins þóttu mjög efnileg forsetaefni á þeim tíma, en engum datt í hug að konur gætu gengt þessu embætti þá, það bara þótti ómögulegt, eins og ef kona vildi verða prestur.

Orðið hieros er einnig notað í Biblíunni grísku og þó ættað úr heiðninni.

Friggjarblótið er mikil kviða, yfir 1000 erindi í Eddukvæðastíl og lýsir æsku Friggjar unz hún giftist Óðni og hið eiginlega blómaskeið hefst, en allt er eilíf hringrás samkvæmt þessum trúarbrögðum, og blótin og fórnirnar skylda mannanna til að viðhalda jafnvægi náttúrunnar, endurnýjun og frjósemi á allan hátt, mannlegri og líffræðilegri í dýraríkinu. Því er ábyrgðin talin mannsins og konunnar, hvers einasta einstaklings hins heiðna samfélags og enginn má skorast undan henni, og litið á dýrafórnir og aðrar fórnir sem óhjákvæmilegar og jafnvel upphefð.

Ungfrigg er ekki sama og Frigg hin fullþroskaða, kona Óðins. Ungfrigg er sú sama og Eva Biblíunnar, en Eva Biblíunnar er syndin og jafn slæm og Satan, en María mey er samsömuð við Frigg, fullþroskaða eiginkonu Óðins sem fæðir honum og mannkyninu fjölmörg börn í hjónabandinu heilaga.

Því er kaþólskan brú á milli Ásatrúar og Lútherskunnar, mótmælendatrúarinnar sem hefur úrkynjazt mjög að margra áliti með tilkomu kvennaguðfræði og frjálslyndrar guðfræði almennt.

Friggjarblótið hefur margvíslegar merkingar. Til dæmis er það sigurinn á hinni villtu náttúru, einnig sigur siðmenningarinnar á villimennskunni, og sigur feðraveldisins á mæðraveldinu, en á landnámsöld, um 800, var feðraveldið einkenni Ásatrúarinnar eins og kristninnar.

Frigg er í upphafi tröllskessa og úr aðalóvinaríki guðanna. Með því að taka hana fyrir eiginkonu leggur Óðinn tröllin endanlega að velli um sinn. Þegar hún fréttir af brúðkaupinu og að hún hafi verið gefin Óðni fer hún út á eigin spýtur og verður femínísk hetja um langt skeið, sem kostar næstum heimsendi.

Hún yfirgefur heimili sitt í tröllaheimum og hyggst leggja undir sig veröldina á eigin spýtur, og henni tekst það, þar til undir lok kvæðisins, er hún gefst Óðni á vald og hjónaband þeirra á sér stað.

Þetta er mikil ástarsaga en hryllileg, og kannski fyrirmynd allra ástarsagna sem síðar voru sagðar, og sápuópera eða leikrita, jafnvel þeirra forngrísku, sem komu síðar. Þessi saga varðveittist ekki, en kom aftur fram þegar ég skrifaði hana frá 2010 til 2013, með hjálp æðri mannkynja á öðrum hnetti.

Friggjarblótið er því allt nokkurskonar skírn í kristnum sið. Því er ætlað að hreinsa jörðina af synd og hrímþursanna valdi, og hjálpa Baldri að rísa aftur á himninum, sólarguðinum mikla.

Friggjarblótið er haldið snemma í febrúar eða seint í janúar.

Brigid, Brigit eða Bríg eru allt nöfn yfir heiðnar gyðjur í keltneskri trú og drúízkri, gaulverskri og írskri. Dagur Heilagrar Birgittu er 1. febrúar. Að fórna þjóðhöfðingja eða heilagri konu eða dóttir auðugs manns innan heiðinna samfélagi þekktist einnig á heiðnum tíma meðal Kelta og drúíða og var algengt víða og um langt skeið. Það var hluti af mannblótahefðinni, sem var mjög rík og útbreidd fyrir Krists burð í heiðinni Evrópu og Evrópumenningunni heiðnu sem enn á sér djúpar rætur.

Ekki leikur vafi á því að Brigid er sama gyðja og Frigg, þó er það rangtúlkun Þorvaldar Friðrikssonar og annarra af hans tagi að Frigg sé eftiröpun á Brigid eða að keltnesk menning hafi verið eina fyrirmyndin. Miklu réttara er að skýra þetta þannig út að bæði hin keltneska Brigid og hin norræna Frigg eru hluti af sama ævaforna menningararfinum, það þótti eðlilegt á heiðnum tíma að mismunandi þjóðir tignuðu sömu guði og gyðjur, eða nauðalík goðmögn sem gegndu keimlíku hlutverki varðveizlu manna og náttúru.

Bríg merkir "hin hátt upp hafna", "hin heilaga". Hún tengist vizku, ljóðlist, lækningum, vernd, járnsmíðum, málsmíði, og tamningu húsdýra.

Fleira merkilegt er í þessu sambandi vert að fjalla um. Brigid er tengd dýrkun á Cernunnosi, sem var fyrirmynd að myndum Satans fyrr á öldum ásamt Pan, en hann er hyrndur guð skógarins og villtra dýra.

Lugh gæti verið Loki, en einnig gæti hann verið tengdur við Þór.

Snemma í Friggjarblótinu, sem tekur nokkra daga, og kannsi viku eða lengri tíma, gerist sá atburður að tröllskessan unga, Frigg, eða Ungfrigg, heggur getnaðarliminn af frjósemiguðinum Frey, og hætta þá árstíðir að virka og blóm að vaxa og börn að fæðast. Þetta gerir hún til að ná völdum og stöðva samstarf Vana og Ása, sem sjá um að vernda mannkynið og sköpunarverkið.

Þess í stað krefst hún skatta af mönnum og dýrum. Allir skulu fórna henni dýrum og mönnum og henda fram í sjóinn, en hún var talin eiga búsetu í sjónum sem tröllskessan Frigg, Ungfrigg. Sumar útgáfur goðsagnanna gera þó ráð fyrir að hræjum dýra sé hent fyrir björg, eða jafnvel í fórnarlundi og svo síðar við heimkynni höfðingjanna, sem stjórnuðu fólkinu og höfðu mest völd.

Ekki að undra að hún verður hötuð og hennar stjórn eftir því sem líður á kvæðið, en styrkur hennar er slíkur að hún er ósigrandi þegar rúmlega 900 erindi kvæðisins eru búin. Aðeins á lokametrunum gefst hún Óðni á vald og þeirra hjónaband er haldið, hieros gamos, herragaman, hetjugaman, og mannkyninu er boðið með.

Mun galdur Óðins felast í því að koma ábyrgðinni fyrir þar sem hún á heima, meðal trölla, jötna og þursa. Mun sú yfirfærsla ábyrgðar fela í sér hörmungar fyrir suma en ekki aðra.

Segja má að Ungfrigg flýi hið sökkvandi skip eins og rottur gera, og verður hún Frigg hin þroskaða eiginkona í kjölfarið.

Þess er getið að Freyr fær aftur getnaðarliminn að þessu loknu og aðrar skaðabætur eru greiddar, allt kemst í upprunalegt og rétt horf.

Það sem er merkilegt við þetta er að vestræn menning fylgir þessum heiðnu helgisiðum í hvívetna, og erum við þar komin í kvæðinu þar sem skaðinn af stefnu Ungfriggjar, Evu, er að koma æ betur í ljós og fólk jarðarinnar að snúast gegn slíku.

Friggjarblótið mun hafa verið aflagt býsna snemma á tímum landnáms og Íslandsbyggðar, því það þótti og ljótt og gróft, of forneskjulegt, því mannblót og mannfórnir tengdust því ævinlega. Þótt landið hafi verið að mestu heiðið til ársins 1000 þá hafði kristileg mildi talsverð áhrif, þannig að þær helgiathafnir sem grófastar voru hurfu í skuggann og frekar fáar fjölskyldur héldu þeim lifandi.

Friggjarblótið er ættað alveg frá Keltum og drúíðum frá því fyrir Krists burð, og raunar er það miklu eldra. Þing voru þó haldin meðal næstum allra germanskra þjóða. Þannig var það ákveðið á þingum hverjum skyldu fórna og hversvegna.

Baldursblótið er hliðstæða við jólin. Það á sér stað í nóvember eða desember. Þá fer Baldur til Heljar og sigrar hana. Samkvæmt öðrum útgáfum goðsagnarinnar fæðist Baldur á þessum tíma, og því er talið að Jesúbarnið hafi átt að vera fætt í desember, til að heiðnu þjóðirnar tækju kristni og samþykktu þetta sem sama siðinn, eða svipaðan, en slíkt var algengt, að skyldur heiðinn siður yfirtók þann sem fyrir var, þannig að breytingin þótti hinum trúuðu heiðnu mönnum smávægileg. Þetta nýttu sér kirkjunnar menn í upphafi og löguðu kristnina eftir þessu.

Friggjarblótið tekur því við af Baldursblótinu. Í Suður Evrópu, þar sem Frakkland er nú, var þekkt að ungum konum væri fórnað í hinum drúízka sið, keltneskunni, gaulverskri trú. Til árs og friðar, að sjálfsögðu.

Á þessum árstíma þótti mannkynið verst statt, um hávetur. Þá þótti mest ástæða til að blíðka guðina og gefa þeim eitthvað til baka svo þeir yrðu miskunnsamir.

Ekki er mér fullkomlega ljóst hversvegna tröllskessan Frigg var tengd við mannfólkið, en sú var túlkunin samt. Einhver sektarkennd yfir uppruna hennar olli þessu líka.

Að þessu loknu kemur vorið, og Sunnublótið kemur um vorið og Sólarblótið, en það eru algóðar gyðjur vorkomunnar og sumarsins.

Blót Loka kemur um haustið, þar sem myrkari öfl eigingirni og galla safnast saman, en komast upp með það, allt fram að Friggjarblótinu.

Þó er Loki talinn guð Biblíunnar, þannig að þetta er flókið, en ekki verður fjallað um þetta allt að sinni.

En það fylgir þessu öllu að fólk sem vantrækir blótin, það ferst. Sú hringrás blóta sem er rofin kostar heimsendi, Ragnarök.

Eða með öðrum orðum: Allt það sem er til á jörðinni, allt það sem er skapað, það er einskisvert í hinu stóra samhengi náttúrunnar. Brot gegn lögum náttúrunnar kostar heimsendi samkvæmt þessum fornu siðum og trúarbrögðum.

Armageddon Biblíunnar og laun syndarinnar sem er dauðinn, það er svipað í kristinni trú, þannig að það er sama hvaða trúarbrögð maður skoðar, boðskapurinn er svipaður að mörgu leyti.

Allir vilja egó sýna, ljóð frá 16. september 2017.

Tilgangslaust, hefði varla vanda breytt...

veiðimenn slást um þær lendur.

Aftur kemur arga sálin þreytt,

einkagróðar skipta um hendur.

Ekki sama sinnis,

sjáðu þá píratann vakna.

Aðeins allt til minnis,

Einskis vil ég sakna.

Allra guð er egó Satans,

ertu í heimi snauða ratans?

 

Einangrast kynin, básar blasa við,

baulandi húðflýrur gegna.

Ekki um hana aftur frekar bið,

aðeins þekki skessu fegna.

Ólík, aðeins masar,

áhuginn varla til staðar.

Krukkan krefst margs, þrasar,

konur voru glaðar.

Þú ert nóg, og þetta segja,

þannig viljann niður beygja.

 

Samskiptin alveg horfin, hatur eitt,

Hugmyndafræðin er lokuð.

Gæfan fólki getur ekki breytt.

gamla brekkan nýtist mokuð.

Sig ei mótar sorgin,

samskiptin léleg sem áður.

Hefur her séð borgin,

hennar missir skráður.

Allir vilja egó sýna,

eða grimmdarviljann brýna.

Eru virkilega aðilar innan Sameinuðu þjóðanna sekir um aðild að svona árásum? Það virðist vera.

Sameinuðu þjóðirnar eru ekki saklaus engill og flekklaus samkvæmt þessu. Reyndar vissi ég það.

Þessi frétt staðfestir sögusagnir og samsæriskenningar sem eru skotnar niður sem uppspuni af mörgum.

Hér er að vísu talað um grun um tengsl við Hamas, en hann er þó greinilega svo vel rökstuddur að ýmsum starfsmönnum Sameinuðu þjóðanna hefur verið sagt um vegna hans.

Þetta er stórfrétt, vel að merkja. Þetta sýnir fram á það hvernig heimspressan sem styður Palestínu, Gazabúa jafnvel frekar en Ísrael og Gyðinga, og þó ekki Hamas opinberlega hefur tengsl við öfgasamtök og þetta styður enn frekar samsæriskenningar um rammpólitíska meginstraumsfjölmiðla sem lítið eða ekkert mark sé á takandi.

Nú hafa margir hér á þessu bloggsvæði skrifað mikið um árásirnar 7. október sem hrintu af stað hrottalegum árásum Ísraelsmanna sem heimsbyggðin fordæmir.

Hér eru málin komin í alveg nýtt ljós. Ástæðan fyrir stríðinu kemur frá elítunni kannski, frá háttsettum embættismönnum jafnvel, eins og ástæðan fyrir Úkraínustríðinu, samkvæmt því sem ýmsir halda fram.

Þetta gerir konur og karla sem ráðast á Donald Trump og hans framboð með lögsóknum og haturstali ótrúverðugri, því Donald Trump hefur vissulega verið að gagnrýna svona alþjóðastofnanir sem fara með mikið vald. Er þeim mútað til þess og hver er pólitísk afstaða þeirra? Eru andstæðingar hans allt femínistar og aðrir Satanistar?

Það er kannski of snemmt að vera viss um að þetta sé alveg óvéfengjanlegt, en það má gera ráð fyrir því að þetta hefði verið þaggað niður ef ekki væru heimildirnar fyrir þessu býsna traustar.

Já, spillingin nær inní æðstu stofnanir, og það er mikilvægasta lexían í þessu.

 

Starfsmenn SÞ grunaðir um aðild að árás Hamas

Reyndar bara sama, ljóð frá 16. desember 2023.

Allt það horfið er í skraut

einsog horgrind skilur.

Loka lýðnum stjórnar,

líka öllum fórnar.

Horfin einnig hún á braut,

en hann þó margs enn dylur.

 

Reiði getur ríkt um sinn,

en reyndar bara sama.

Sérhver dagur, syndin,

síðan hryggðarmyndin.

Varla breytist bragur þinn,

bara tíðzkudama.

 

Einsog rennur, elskar hann,

yfir hatur kvenna.

Boltaleikir byrja,

brunnar ekki hyrja.

meyjavalið, margvíst bann,

mun í vítum brenna.

 

Stikar spýtan stríðið í,

strákar Vítum gegna.

Jafnan lögin leggjast

lágt og ekki steggjast.

Að komast inní fremdafrí

framar vilja ei megna.

 

Þetta andhverft, þegar stríð

þér mun alveg breyta.

Hreykist um, en hrokinn

hrynur eins og lokin.

Gegnum slíka grimmdartíð

gumar réttinn þreyta.

 

Hótar öllum Heljarbarn,

hefur falið trúna.

Þykist einsog þessi,

þó ei málin pressi.

Var hann áður viljagjarn,

vart mun leita núna.

 

Ekki þangað inn hann fór,

unga meyjan pirruð.

Ef grip um hennar hendur

hefði unniðzt lendur.

Viljamýkst þó Vanahór,

Verður síðan irruð.

 

Fylgist með þeim fréttum enn,

fátt mun slíka undra.

Gamlir guðir þegja,

gjarnan sig því beygja.

Þókt nú falli flestir menn,

fór sinn heim að kundra.

 

Orðskýringar:

Steggjast: Mótast eftir feðraveldinu.

Brunnur: Líkami eða andi kvenna.

Hyrja: Brenna, grilla.

Víta: Vond og grimm kona sem lýtur Helju eða Loku.

Fremdafrí: Betri heimur framandmannkynja.

Irraður: Villtur viljandi, komið af error, ensku og latínu, irra.

Kundra, so: Koma af stað fjarlægu lífi.

Júróvisjón (Evrusýnarkeppnin) snýst ekkert um tónlist lengur, bara um pólitík.

Þetta var bezta auglýsingin fyrir Íslendinga í Evrusýnarkeppninni, bæði að fólk vill draga okkur úr keppninni og að hafa Palestínumanninn Bashar Murad í forkeppninni, gengur fullkomlega í þá sem stjórna keppninni og pólitíska rétthugsunina sem keppnin stjórnast af. Hann er sigurstranglegur.

Fyndið er að Ágústa Eva var sögð klikkuð af sumum lesendum DV, en hún held ég að fyrst hafi komið með uppástunguna um að senda palestínskan keppanda fyrir landið okkar. Hún veit bara hvað virkar sem vinningsframlag, það snýst ekkert um tónlist og allt um pólitík, rétt þjóðerni sem vekur samúð nútímans.

Mér þykir þetta sérlega skemmtilegt að því leytinu til að þetta sannfærir mig og aðra um að hæfileikar skipta engu máli í listum lengur, heldur skiptir pólitíkin öllu máli, að vera í samræmi við pólitíska rétthugsun. Verið minnug þess sem ég skrifaði um í vetur, að list nútímans er kerfislist, stalínsk.

Bara það eitt að Palestínumaðurinn verður einn af keppendum kemur okkur meðal efstu þjóðanna í veðbönkum, ekki neitt lag sem búið er að frumflytja og kynna. Þetta segir alla söguna, að listin skiptir engu, pólitíkin öllu, pólitísk rétthugsun/ranghugsun, í nútímanum.

Ég spái því hér með að Bashar Murad sé sigurstranglegastur, ekki vegna tónlistarhæfileika heldur þjóðernis og uppruna.

Ég var efins um að þjóð okkar ætti að taka þátt núna, en þátttaka þessa manns sannfærir mig um að við ættum að senda slíkt framlag út og vinna loksins, eða eiga miklu meiri möguleika á því en nokkrusinni fyrr.

Þetta sannar ennfremur að lögin okkar hafa oft verið miklu betri en draslið sem hefur unnið. Þetta sannar fullkomlega að þessi Júróvisjonkeppni hefur alltaf gengið útá pólitík og ekkert annað, pólitíska rétthugsun.

Evrusýnarkeppnin verður æ fáránlegri og menningin vestræna öll. Ég mun skemmta mér eins og venjulega yfir henni, en þetta þarf að verða til þess að fólk fari að endurmeta hvort listin eigi að skipta máli eða pólitíkin ein og skrumið, umbúðirnar.

Ekkert lát á flugi Íslands

Um þversagnir í stríðshrjáðum heimi og erfiðleikana, ef ekki ómöguleikann að standa með einum eða neinum

Tjaldreisendur og mótmælendur á Austurvelli fordæma árásir Ísraelsmanna og kristnir menn fordæma árásir Hamasfólksins. Næstum allir, hvort sem það eru Rússar, Úkraínumenn, Ísraelsmenn, Palestínumenn eða vestrænungar líkja óvinum sínum við nazista og foringjunum við Hitler, en á sama tíma og stríðsæsingurinn magnast er verið að færast nær því sem gerðist í annarri heimsstyrjöldinni, með fordæmingu, stríðsæsingu og reiði.

Eða svo þetta sé orðað á annan hátt: Þú breytist í það sem þú hatar og sakar óvin þinn um að vera, því þú veizt ekki um þau andlegu áhrif sem stjórna þér.

Stokkhólmsheilkennið má færa yfir á trúarbrögðin og kristna menn og aðra sem kyssa á vöndinn. Útrýming á gyðingum tryggði að þeir fengu land eftir stríðið, og villumenningin eftir 1945 hefur byggzt á rangfærslum og pólitískri innrætingu sem byggist á fréttamyndum til að byggja upp hatur á aríum og feðraveldinu, kirkjunni eins og hún var í gegnum aldirnar og þeim valdastrúktúr.

Ýmislegt í málflutningi foringja islamskra ríkja minnir á Þriðja Ríkið. Því má segja að hrifningin á því sé mikil, og allur áróðurinn gegn því á Vesturlöndum sé aðdáun og dýrkun, lítt dulin undir því sem virðist hreint hatur á þeim sem þar stjórnuðu.

En andstæðingar þeirra, zíonistarnir beita hörku svo þeim hefur ekki sjaldan verið líkt við nazista, og að hlutskipti Palestínumanna á Gaza minni á hlutskipti gyðinga í gettóunum í Þýzkalandi fyrir stríðið og útrýmingarnar miklu á þeim í annarri heimsstyrjöldinni.

Þetta sýnir hræsnina, að allir keppast við að líkjast Hitler og nazistunum í hegðun á meðan keppzt er við að fordæma þá í orðum. Já, rétt eins og þegar við krakkarnir í æsku minni sögðum:"Djöfullinn" þegar við reiddumst, sagði amma að nú værum við að ákalla hann til að fá hann nær okkur. Hún meinti að slík blótsyrði og hatur í garð Djöfulsins væru aðeins til þess ætluð að magna hann og hans veldi.

"Ekki veit ég hvort er meiri synd að fordæma eða fylgja kristnidómnum, alla vega forðast hvort tveggja", skrifaði meistari Sverrir Stormsker á plötuumslag plötu sinnar: "Stormskersguðspjöll", sem mér finnst enn stórgóð eins og þegar hún kom út 1987.

Hrottalegt er það sem gerist á Gaza, ekki sízt atferli Hamashrottanna, rétt er það hjá Ómari Geirssyni og fleirum.

"Lærdómurinn af seinna stríði orðinn að engu", skrifar hann.

En er ekki mannfólkið orðið dofið fyrir ofbeldi og glæpum gegn því sjálfu? Er þetta ekki afleiðing af sjónvarpsglápi þar sem ofbeldi er tignað sem afþreying? Virðist nú mörgum sem skilin milli frétta og ofbeldiskvikmynda séu gufuð upp?

Ég er hræddur um að við stöðvum ekki hrottaskapinn með fordæmingu.

Ég tel að fyrir Hamasliðum vaki að ná betri stöðu með hrottaskapnum.

Það er gömul regla í galdri að með því að brjóta reglur og gera það svo yfirgengilega sé verið að færa leikinn uppá annað borð og skrifa nýjar reglur, reglur sigurvegaranna.

Múslimar fjölga sér meira en kristnir menn. Það sem fyrir Hamas vakir er að skapa ógn og að fá völd með óttanum og hryllingnum. Það er gamalþekkt aðferð í stríði.

Vestræn menning er úrkynjuð og okkar vestrænu samfélög.

Ísraelsmenn ráða yfir gereyðingarvopnum og Bandaríkjamenn, helztu stuðningsaðilar þeirra eru eigendur fleiri og stærri vopna en allir aðrir.

Engu að síður síga Rússar og múslimar á, hægt og bítandi, fá meiri athygli í heimspressunni sem er jákvæð frekar en neikvæð, þeir fá frekar samúð en hatur og reiði. Kristilegir og gyðinglegir pistlahöfundar eins og á þessu bloggsvæði sem eru algengir eru í minnihluta ef marka má fréttirnar á RÚV, því múslimaheimurinn er fjölmennur og nokkuð samheldinn í hatri á vestrænum lifnaðarháttum, og þar að auki er æskufólkið talsvert mikið inni á þessari línu mótmælendanna á Austurvelli. Ef marka má viðtölin sem tekin eru við almenning og sýnd á RÚV eða Stöð 2 er þar meiri stuðningur við Palestínumenn en Ísraelsmenn, og sést það greinilega á því hversu margir vilja að Ísland dragi sig útúr Júróvisjón til að mótmæla stríðinu, og þátttöku Ísraelsmanna í keppninni.

Þessvegna má vel segja að voðaverk Hamas skili þeim árangri. Vond athygli er skárri en engin athygli er orðið að málshætti með speki, sannleika sem margsinnis sannar sig.

En hvað sem því líður færist mannkynið nær hengifluginu sem er Þriðja heimsstyrjöldin. Vestræn vígatól eru mörg og hershöfðingjarnir þar vilja ráðast á Rússa og múslimaheiminn. Þar er ekki mikill skilningur á friði eða sigri við samningaborðið og með friðsamlegum leiðum.

En boðskapur þessi pistill er einfaldur. Steinrunnið vald molnar með tímanum. Kjarnorkuvopnin eru merki um veikleika en mannfórnir Rússa og Palestínumanna er merki um æsku og styrkleika. Sú þjóð sem fórnar eigin fólki hefur sjálfstraust og trú að því að hún rísi úr rústunum. Þær þjóðir sem skýla veikleikum sínum með kjarnorkuvopnum og öðrum gereyðingarvopnum eru komnar að fótum fram og minna á Rómverja sem sigruðu á vígvellinum en úrkynjuðust og urðu sigraðar af æskufólkinu, Gotum og öðrum germönskum þjóðum að lokum.

Þessvegna verð ég að segja að ég hef meiri trú á endanlegum sigri Rússa og múslima en sigri kristinna manna og okkar vestrænna manna.

Sagan kennir þetta bara. Það eru ekki vopnin sem sigra. Þau eru veikleikamerki hins tapaða, þótt hinn tapaði geti valdið heimsendi og valdi kannski heimsendi að lokum. Það er þversögnin í þessu, en þær eru margar.

 

Tyrkir samþykkja aðild Svía að NATO

"Það kemur Dagur eftir þennan Dag", sagði Dagur B. Eggertsson við Heimi Má Pétursson fréttamann á Stöð 2 þegar hann hætti. Skyldi sá Dagur vera Einar Þorsteinsson? Litli Dagur og Stóri Dagur?

Það má samfagna Framsóknarmönnum að þeir fengu sinn fyrsta borgarstjóra núna nýlega. Óánægjuraddirnar yfir því að hann skyldi gerast hjálparmaður Dags gleymast þó ekki, hann var bókstaflega kallaður svikari, því góð kosning hans og Framsóknar hafi verið ákall um að Sjálfstæðisflokkurinn kæmist aftur til valda í borginni.

Nú kemur það í ljós hvort stefna hans sé ný eða gömul. Hann talaði um breytingar, en á eftir að sýna þær í verki sem borgarstjóri.

Dagur hefur talað um starf sitt sem köllun, en ég veit um ódýrari leið til að losna við benzínbíla, banna þá alveg. Ég hef aldrei tekið bílpróf og hef aldrei átt bíl, og hef gengið eða tekið strætó. Þjónusta Strætó er samt orðin ömurleg, hærri fargjöld og appið þeirra erfitt, auðveldara var að kaupa miða eða kort í sjoppum. Aldrei hefði átt að hætta með það.

Það sem Dagur borgarstjóri stefndi á var að banna einkabílinn, loka benzínstöðvum og banna jarðefnaeldsneyti, nema hann reyndi að gera það í áföngum.

Ég hef oft lýst því hvernig ég varð ákafur umhverfisverndarsinni í Digranesskóla þegar ég fann þarna tilgang í lífinu í mínum skorti á félagsfærni, þurfti verðugan málstað til að berjast fyrir.

Þannig að ég er sammála áherzlum Dags og Samfylkingarinnar um að metnaðarfullt sé að draga úr losum gróðurhúsalofttegunda.

En hef ég ekki verið að gagnrýna Dag líka eins og margir aðrir? Jú.

Í fyrsta lagi er Reykjavík orðin túristaborg, túristabær.

Í öðru lagi hafði ég fullkomna samúð með kaupmönnum sem fluttu úr Reykjavík og kvörtuðu yfir framkvæmdum hans og endalausum götuviðgerðum, afi minn lenti í því sama 1993 - 1994 og það var mikið fjárhagstap.

Í þriðja lagi var Braggamálið spillingarmál og mörg önnur slík.

Í fjórða lagi beitti meirihlutinn Vigdísi Hauksdóttur andlegt og félagslegt ofbeldi og bolaði henni burtu því hún stóð sig betur en þau öll til samans. Það sama gerðist fyrir Sveinbjörgu Birnu Sveinbjörnsdóttur, hún stóð sig firnavel og ætti erindi sem formaður Sjálfstæðisflokksins, alvöru kvenskörungur, en hún fékk á sig þvílíkan mótbyr, einmitt fyrir að standa sig vel.

Ég spyr mig, hversvegna ættu puntudúkkur og Davosdúkkur að verða formenn Sjálfstæðisflokksins þegar til eru svona alvöru kvenskörungar? Ég missti alla trú á réttlæti meirihlutans þegar þetta gerðist í tvígang, og var hún raunar alveg horfin fyrir, dreggjarnar gufuðu upp með þessu.

Í fimmta lagi er Borgarlínan draumóra/martraðaverkefni sem Bjarni Benediktsson hefur sýnt fram á að gangi ekki upp, nema með miklum fórnarkostnaði sem svarar varla kostnaði, svo margt annað þarf að líða fyrir vikið og sitja á hakanum, að réttast væri að hætta slíkum framkvæmdum fullkomlega.

Í sjötta lagi hefur Dagur komið sér til valda aftur og aftur með klækjum og með því að fá hækjur eins og Þórdísi Lóu Þórhallsdóttur og Einar Þorsteinsson með sér, og sumir segja spillt fyrir þeirra pólitíska ferli þannig.

Fleira mætti telja til og aðrir munu gera það vafalaust.

Þetta allt sýnir að þó maður sé hlynntur grænum áherzlum Dags og finnist jafnvel margt glæsilegt í Reykjavík núna þegar hann er farinn frá, þá má svo sannarlega gagnrýna hann og það sem gert var á tímabilinu.

 

Dagur kvaddur með þremur stórveislum

Friðryk - hljómplata frá 1981 með samnefndri hljómsveit, miklu betri hljómplata en margir halda og með friðarboðskap.

Eitt af því sem ég gerði áður en verkstæðið hans afa að Digranesheiði 8 var rifið 2021 var að reyna að gera við segulbandstækin sem ég á. Langt er síðan ég komst uppá lag með það að sameina tvö eða fleiri segulbandstæki í eitt. Það gerði ég af eftirfarandi ástæðum: Fyrir meira en 20 árum lenti ég í því að segulbandstæki sem tóku vel upp voru orðin svo léleg að ekki var hægt að gera við þau, því gangverkið var ekki hægt að laga.

Þetta þarf að útskýra betur.

Þeir sem þekkja það hvernig er að lagfæra hljómtæki vita að þau samanstanda af gangverki annarsvegar og svo rafeindahlutum hinsvegar.

Gangverk hljómtækja eru til dæmis reim í plötuspilara, mótor sem drífur plötuspilara áfram, stilliviðnám í útvarpstæki, gúmmíhjól í segulbandstæki sem nemur við driföxulinn, gormur í segulbandstæki sem þarf að vera rétt stilltur svo spólurnar hvorki krumpist né slitni af of miklu álagi, og þannig mætti lengi telja, því smáhlutirnir sem gangverkin samanstanda af eru fjölmargir, allt niður í stakar skrúfur og smáplaststykki eða málmstykki.

Rafeindahlutir hljómtækja eru staðsettir á svonefndum prentplötum, og þeir samanstanda af mögnurum og viðtækjum og ýmsu fleiru. Rafeindahlutirnir og hvernig þeir eru stilltir og samansettir ákvarðar hversu góðan hljóm maður fær úr hljómtækjunum. Þannig er hægt að breyta magnara í hljómtæki með því að fjarlægja viðnám og setja annað í staðinn. Þannig breytist tíðnin og tónjafnarinn breytist, sem stundum er breytanlegur með tökkum á tækjunum líka.

Snemma eignaðist ég Pioneer CT 760 segulbandstæki. Þetta voru tæki sem seldust ótrúlega mikið frá 1985 - 1988, enda voru þau ódýr og góð.

Þessi tæki hljóma mjög vel þegar þau eru ný, en það er galli í gangverkinu sem snemma kemur í ljós. Gallinn veldur því að næstum öll svona tæki nú til dags þurfa yfirleitt viðgerð.

Það er einkenni á Pioneer segulbandstækjum að þau eru með verri gangverk en rafeindahluti. Þessi sami galli er í þeim mörgum. Gallinn er þessi:

Spennuhjólið hægra megin er stillt á of mikinn þrýsting sem veldur því að snældurnar flækjast með tímanum.

Í einföldu snældutæki er einn driföxull og bandið fer frá vinstri til hægri. Til eru tæki sem snúa við snældum sjálfkrafa, en það eru óþarfar kennsluleiðbeiningar hér að fara líka að lýsa þeim í smáatriðum.

Þegar spóla er sett í þessi algengustu tæki og tónhausarnir vísa uppávið eiga þessar leiðbeiningar við.

Þá er einn útþurrkunartónhaus vinstramegin sem snertir snælduna, einn aflesturs og upptökuhaus í miðjunni og síðan hægra megin pláss fyrir gúmmíhjól og driföxul sem knýja bandið áfram mestmegnis.

Til að hjálpa til við að drífa bandið áfram er snuðandi afli beitt á hægra griphjólið, sem vindur uppá sig, á meðan hitt vindur af sér bandið.

Örlítinn gormsþrýstingur er hafður á vinstra griphjólinu til þess að losna við slaka í bandinu.

Framleiðendur segulbandstækja voru með sínar tiktúrur. Þannig voru sumir framleiðendur með meiri þrýsting á hægra hjólinu en aðrir.

Með tímanum verður gúmmíhjólið sem snertir driföxulinn mettað af járndíoxíði sem er í segulböndunum jafnan. Þetta veldur því að gúmmíhjólin skila tilgangi sínum verr. Það getur birzt í tvennskonar algengum bilunum. Í fyrsta lagi geta spólur orðið falskar eins og sagt er, þegar bandið fer að ganga á ójöfnum hraða, því mengunin á gúmmíhjólunum sem litar þau brún veldur því að togkrafturinn minnkar, því eiginleikar gúmmísins hætta að njóta sín í þessari mengun.

Önnur og algengari bilun er að þrýstingurinn frá snuðhjólinu hægra megin veldur því að bandið leitar til hliðanna. Gúmmí á stáli sem er nýtt heldur tónbandinu vel kyrru án þess að það leiti til og frá. Gúmmí mettað af smáögnum gerir það síður. Þrýstingurinn á bandið lætur það flakka rétt eins og bíl í hálku, sem ökumaðurinn missir stjórn á.

Ef þrýstingurinn er minnkaður með því að setja slakari gorm undir hægra hjólið, snuðhjólið, þá lagast þetta sjálfkrafa og böndin hætta að flækjast og krumpast.

Langalgengast var þó að keypt væru ný gúmmíhjól, það var gert á opinberu verkstæðunum á meðan hægt var að kaupa slík hjól, og það er enn hægt, þau eru framleidd af sjálfstæðum þjónustuaðilum, Kínverjar framleiða mikið af svona hlutum í japönsk tæki fyrri tíma.

En sem sagt, þessi Pioneer CT 760 tæki fóru að flækja oft spólur þegar þau voru orðin 5-10 ára, og ef maður kaupir svona notuð tæki getur maður lent á þannig bilun.

Annað vandamál er með gangverkin í þessum tækjum. Tannhjól eru notuð í stað gúmmíhjóla í griphjólunum hægramegin. Það veldur því að tónninn verður falskur og óhreinn, því þau eru ekki á ská heldur eru þau beintennt. Skátennt hjól eru lausnin, til að komast hjá urgi, sem einnig skapar annað vandamál, urgið hefur áhrif á tóngæðin og minnkar þau, því urginu fylgir titringum.

Að vísu er þetta ekki algilt að urg og titringur komi í svona beintennt tannhjól. Það gerist þó undir vissum kringumstæðum. Það gerist þegar plastið er af sérstakri tegund eins og í þessum tækjum og þrýstingurinn mikill.

Ég stillti það tæki sem ég átti þannig að ég fengi tæra upptöku, en tók eftir því að víbringurinn bjó til felskju. Við þetta varð ekki unað.

Í fyrsta sinn sem ég notaði gangverk úr einu tæki í annað var þegar ég lagaði Samsung boomboxið mitt með Akai gangverki frá tæki sem hafði verið framleitt um 1974. Það gerði ég 1988, fyrst, ef ég man rétt. Samsung boomboxið eignaðist ég 1985 þannig að þetta passar.

Það kann að hafa verið í kringum 1995 þegar ég bjó til eitt tæki úr tveimur með þessum hætti. Þá átti ég Lux segulbandstæki sem ég hafði keypt í Sportmarkaðnum, en mér fannst upptakan ekki góð í því tæki. Þessvegna fjarlægði ég prentborðið og rafeindahlutina og setti innvolsið úr Pioneer tækinu inní það.

Vel að merkja var afi minn meistari í öllu sem var svona, Jón Agnarsson vélvirki, og ég lærði bara af honum með því að sjá að hann gat breytt bílum að vild og næstum hverju sem var.

Hann átti teina með skrúfgangi og plaströr sem ég gat notað til þess að festa prentborðin. Það þýddi að ég varð að bora fyrir skrúfunum og bora svo fyrir tökkunum líka, og það gekk misvel að koma þessu öllu fyrir.

Næstum alltaf hefur mér tekizt þetta þannig að ég hef fengið tæki sem virka á eftir, en eitt vandamál situr maður oft uppi með, en það er að upptökutakkinn hættir að virka og tækið er annaðhvort fast á upptöku eða afspilun.

Ástæðurnar fyrir því eru þessar: Ákveðinn sleði er notaður eða skiptir, og vír eða gormur sem togar í sleðann til að skipta yfir í upptöku eða afspilun. Öll afstaða breytist þegar komið er nýtt prentborð í tækið. Stundum þarf að fjarlægja tengistykki og því verður upptökurofinn óvirkur. En aðeins þarf að fjarlægja einn gorm innanúr sleðanum til að festa tækið varanlega í upptöku eða afspilun, hvort heldur sem maður notar meira í viðkomandi tæki.

En til að gera langa sögu stutta þá náði ég miklu meiri leikni í þessu með tímanum, og átti auðvelt með þetta áður en verkstæðið hans afa var rifið 2021. Þannig var að ég notaði Akai CS 703D gangverk og Pioneer CT 760 rafeindaborð.

Ég fann eitt slíkt tæki hjá mér fyrir nokkrum dögum og athugaði hvort það virkaði vel. Jú, það virkaði, en var örlítið falskt. Með því að setja í það aftur upprunalega tónhausinn tókst mér að koma því í fullkomið lag. Of mikið viðnám var í þeim nýja sem ég hafði sett í það. Tónhausar hafa mismikið þrýstiviðnám eftir því sem bandið leikur um þá og eru sumir hærra stilltir en aðrir, ganga lengra inní snælduna.

En allt þetta er formáli að meginmáli þessa pistils.

Mér finnst skemmtilegast að hlusta á tónlist af segulbandstækjum, því ég hef breytt þeim og fengið þann óskahljóm úr þeim sem ég kýs.

Að þessu sinni fann ég hljómplötu sem ég hafði ekki hlustað á lengi, og sú hljómplata átti að vera aðalumfjöllunarefni þessa pistils.

Þetta er hljómplatan Friðryk með samnefndri hljómsveit frá 1981. Þessi hljómplata kom út árið 1981 hjá SG hljómplötum. Mér þykir svolítið vænt um þessa hljómplötu því hún er meðal þeirra fyrstu sem ég eignaðist.

Ég eignaðist fyrstu Crown græjurnar mínar í apríl 1984 þegar ég fékk þær í fermingargjöf. Með þeim var auðvelt að spila hljómplötur og ég fékk áhuga á að eignast þær.

SG hjómplötur voru með útsölur stundum á þessum árum í Ármúlanum, held ég, og þar var maður gapandi af undrun að sjá söngkonuna Elly Vilhjálms við afgreiðslu þarna með honum, seinna komst ég að því að hún var konan hans.

En ég er nokkuð viss um að ég keypti þessa hljómplötu þarna hjá SG hljómplötum sennilega sama ár og ég fermdist, 1984, enda mun hann hafa hætt með fyrirtækið þetta ár og ekki getur þetta því verið seinna.

Þessa hljómplötu átti ég án þess að spila hana í gegnum árin því mér fannst hún ekki áhugaverð. Lögin fannst mér ekki grípandi.

En eftir að hafa lagað þetta Pioneer hljómtæki og tekið hana uppá spólu nýlega fór ég að endurmeta þessa hljómplötu og kunna vel við hana.

Maður þarf aukinn þroska til að hlusta á sumar hljómplötur og meta þær að verðleikum.

Eins og nafnið gefur til kynna þá fjallar þessi hljómplata um frið. Textarnir eru margir eftir Kristján Hreinsmög, sem einnig var Kópavogsbúi eins og ég lengi.

Tónlistin er flókin og vandflokkuð. Hún er jazzskotið rokk sem á köflum breytist í nokkurskonar þungarokk eða þungarokkspönkblending nokkurskonar. Einnig eru fáeinar ballöður á plötunni í ljúfari kantinum og eitt lag eftir Sigurð Karlsson trummuleikara sem er synfónískt trommutónverk í örfáar mínútur, eitt samfellt og áheyrilegt trommusóló eftir hann.

Núna nýlega skildist mér að þessir piltar hefðu mátt fá talsvert mikið af þeirri athygli og vinsældum sem Bubbi Morthens hefur fengið, því hann hefur verið að semja sama lagið 1000 sinnum alla sína ævi, sem var gott fyrst, en er það ekki lengur.

Þessir ungu menn sem sömdu þessa tónlist notuðu fleiri hljóma en Bubbi Morthens gerði og uppbygging laga þeirra var flóknari. Það má segja að allir meðlimir Friðryks hafi verið hæfileikamenn. Nafnið Friðryk merkir annars friðar-ryk en er ekki mannsnafn þótt það minni á Friðrik, þetta er orðaleikur úr smiðju Kristjáns Hreinsmagar).

Ég hygg að hljómsveitarnafnið Friðryk sé einnig ádeila á geislavirkt úrfelli eftir gjöreyðingarstríðið sem allir hræddust í Kalda stríðinu. Teiknimyndasögur hafa verið samdar um duft sem gerir fólk friðsamt, býst ég við, og vísindaskáldsögur og kvikmyndir af því tagi einnig.

Uppáhaldslagið mitt á þessari plötu er lagið Myrkur, sem er tónsmíð trommuleikarans Ásgeirs Óskarssonar við ljóð Steins Steinarrs. Þetta er sannarlega snilldarleg tónsmíð sem tekur yfir nokkrar áttundir, og Pálmi Gunnarsson sýnir þarna að hann er afburðagóður söngvari eins og oft áður.

Þeir Ómar Óskarsson og Ásgeir Óskarsson eru víst ekki bræður, en störfuðu mikið saman, og Ómar Óskarsson er einnig einn af mínum uppáhaldstónlistarmaður, aðeins vegna þess að hann er höfundur plötunnar "Middle Class Man" frá 1974 sem mér finnst alveg í sérflokki.

En aftur að plötunni Friðryk frá 1981. Það sem ég held að trufli marga sem hlusta fyrst á hana er að tónlistin er þungarokksskotin, en í þungarokki er oft notazt við flókin grip og það voru fáir Íslendingar sem höfðu smekk fyrir þungarokki 1981. Þó minna sum lög á það sem EGO (hljómsveit sem Bubbi Morthens söng með), gerði, og jafnvel nokkur grípandi lög, eins og frægasta lagið, "Í kirkju", sem er eitt fárra laga sem Pálmi Gunnarsson hefur samið, eða orðið fræg eftir hann að minnsta kosti.

Eitt af því sem er skrýtið við plötuna Friðryk er að tónlistin er hörð en textarnir mjúkir. Erlendis syngja þungarokkarar oft um djöfladýrkun, Satan, pyntingar, ofbeldi og slíka myrka hluti, en hér eru skáldlegar pælingar um frið og kærleiksríkar.

Á þessum tímum Úkraínustríðsins og Gazavoðaverkanna verður þessi hljómplata enn meira við hæfi en oft áður.

Lagið Myrkur ber þó af. Ég hef sjálfur fengiðzt eitthvað við svona flóknar tónsmíðar, en varla eða ekki þar sem tónsviðið er svona vítt, því maður þarf upp í algera falsettu í hæstu tónunum.

Þegar maður verður þreyttur á hefðbundnum tónsmíðum verða svona lög kærkomin. Þessvegna hef ég fengið meiri áhuga á jazzi með tímanum, þar sem tónskrattinn er víða, diabolus í musica.

Þar eru ekki hefðbundnar leiðir.

Lagið Póker er sennilega frá þeim tíma þegar einhverjir hljómsveitarmeðlimir voru í þeirri hljómsveit.

Það sem einkennir þessa hljómplötu er líka að á henni eru lög eftir Tryggva og Pétur, sem minna eru þekktir sem lagasmiðir en undirleikarar og hljómsveitarmeðlimir.

Bubbi Morthens gleypti marga tónlistarmenn þegar hann varð frægur. Hann tók svo mikið pláss og svo mikla athygli að margir tónlistarmenn hættu að geta lifað af list sinni. Þannig voru eyðileggjandi áhrif pönksins og Bubba Morthens.

Þegar kóngar eins og Bubbi Morthens komst til valda hættir lýðræðið að virka og færri verða frægir, einvaldurinn og kóngurinn gleypir alla frægð þeirra.

Þessi hljómplata verður víst seint talin grípandi, en hún ætti skilið að fá virðingu sem vönduð hljómplata sem eldist vel eins og gamalt vín.