Þjóðfélag okkar er á vafasömum stað. Fasismi birtist ekki aðeins í einræðisríkjum.

Eins og svo oft er Útvarp Saga fyrst með fréttirnar. Allavega vissi ég ekki hvers eðlis þessi nýju "sóttvarnarlög" eru sem reynt verður að troða í gegn um þetta þing, kannski fyrir jólin. Arnþrúður ræddi við Guðmundur Karl sérfræðing í heimilislækningum og Kristínu Þormar bloggarara og þar kom margt merkilegt fram.

Það er aðallega eitt sem sló mig kaldan ef svo má segja, að hægt verði að neyða fólk í bólusetningu ef þessi "sóttvarnarlög" verða samþykkt. Það er augljóst að þetta eru ekki sóttvarnarlög heldur alræðisskipulag í sóttvarnarfelubúningi. Síðan eiga þarna að vera leyfi fyrir stjórnvöld til að setja fólk á geðveikrahæli eða aðra stofnun ef það ekki samþykkir að láta bólusetja sig!

Þetta er gróflegt brot á mannréttindum, nauðgun er svona, að taka yfir vilja annarra!!

Þetta er þegar 40 mínútur eru komnar inní viðtalið, og það er til á heimasíðunni hjá Sögu.

Það er eins og fjöldinn verði æ meira dáleiddur, múgsefjaður. Þetta er múgsefjun, og stór hluti Alþingis tekur þátt í henni, háir sem lágir! Skelfilegt!

Það má einnig taka undir það sem kom fram í þessum þætti, að þessi ríkisstjórn er ömurleg. Nauðsynlegt er að hafa þingmenn og ráðherra sem hafa sjálfstæðan vilja og skynsemi, en láta ekki bara leiða sig eins og lömb til slátrunar!

Þessar skelfilegu og fasísku aðgerðir og samhæfðu frá ríkustu mönnum jarðarinnar, þær miða allar meira og minna að því að tryggja völdin hjá þeim sem hafa þau og minnka völd og svigrúm almennings, þar til almenningur er í raun múlbundinn. "Akfeitur þræll með gljáandi hlekki", eins og Megas lýsti nútímamanninum í frábærum söngtexta einu sinni, nútímamannum sem hugsar ekki sjálfstætt og hlýðir yfirvöldunum fyrir framan sjónvarpið, frjálst val farið, en líkamlegum þörfum er sinnt.

Ég vil koma inná annað en skylt mál. Frábær pistill Ómars Geirssonar fjallar um aðra ógn sem steðjar að fólki, innflutningur fólks frá ólíkum menningarsamfélögum sem endar með átökum og glæpastarfsemi. Það þarf kjark til að skrifa slíkan pistil og gera það vel eins og hann gerir. Manni finnst næstum eins og hann sé að taka við af Jóni Magnússyni lögmanni sem hefur gert þetta vel um árabil.

En ég vil bæta því við um það málefni, að ef Vesturlandabúar ekki taka sig á munu þeir deyja út vegna fækkandi fæðinga. Það stefnir allt í að tvennskonar manngerðir erfi jörðina, annarsvegar múslimar og hinsvegar blökkumenn frá þeim ríkjum Afríku þar sem fæðingar eru tíðastar, og sem búa við karlrembumenningu þar sem réttindum kvenna er sízt sinnt.

Asía er að falla niður í lækkandi fæðingartíðni og einnig Vesturlönd. Ef sú þróun heldur áfram er afleiðingin aðeins á einn veg, útrýming þjóðanna innanfrá, og sú útrýming er pottþéttari og vísari en nokkur afleiðing af styrjöldum eða drepsóttum, því þegar meirihlutinn er kominn yfir miðjan aldur, og menningin hefur kennt unga fólkinu að vera hinsegin og hafa ekki áhuga á barneignum, þá er ekkert hægt að gera til að snúa þeirri þróun við, því það er unga fólkið sem er framtíðin, og ef menning unga fólksins er úrkynjuð, þá er þjóðin glötuð og dauðadæmd.

Ég er heillaður af ruddaskap og karlrembu múslimanna, en myndi ekki vilja snúa mér til Mekku daglega og biðja. Svipuð bænakrafa var þegar ég kynntist bahaíum á Íslandi, að þurfa að biðja daglega, og þótt mér líkaði vel við fólkið þar voru þær siðvenjur og trúarvenjur fjarri mínu uppeldi og eðli.

Áhugi minn á Ásatrú og heiðni er af svipuðum toga sprottinn. Það þarf grófleika til að þróttur mannfélagsins haldist. Því fer femínisminn gegn lífsorku og endurnýjunarmætti tegundanna.

Eins og meðfylgjandi frétt sýnir þá er eftirlitsþjóðfélagið komið inní Strætó líka, Stóribróðir fasistaleiðtogi úr "1984" eftir George Orwell.

Hversvegna geta Íslendingar gagnrýnt fasísk þjóðfélög erlendis en varla slíka tilburði innanlands?

Á meðan notast var við gamla kerfið, borga með klinki, seðlum eða miðum þurfti ekki svona eftirlitsmenn. Það sama á við um búðirnar. Fréttir frá útlöndum sýna stóraukinn þjófnað viðskiptavina úr búðunum eftir að sjálfsafgreiðslukerfið var innleitt á heimsvísu.

Sparnaðurinn sem átti að fást með því að borga færra fólki laun á kössum fer þá í að borga eftirlitsmönnum laun!!! Hvílík endemis vitleysa!!! Og verri þjónusta!!!

Af hverju er aldrei hægt að halda sig við það gamla og góða ef það virkar bezt og hefur staðið fyrir sínu?

Svartklæddir eftirlitsmenn í Strætó

Fyrir meira en 8200 árum var hlýrra á jörðinni en nú - ekki er vitað um bíla sem ollu kólnun þá. Röksemdir gegn því að maðurinn einn stjórni veðurfari jarðarinnar og baráttunni gegn hamfarahlýnun af mannavöldum.

Ég gleymdi að fjalla um margt í fyrri pistli mínum um þetta. Hér eru atriði sem gleðja fjölmarga efasemdamenn um hamfarahlýnun.

Rannsóknir á jarðvegi hafa leitt í ljós með óyggjandi hætti að flóðasögurnar gætu hafa verið byggðar á náttúruhamförum fyrir 8200 árum síðan þegar snögglega kólnaði á norðurslóðum og Golfstraumurinn stöðvaðist næstum alveg. Sagan um Nóaflóðið gæti verið mýta sem byggðist á þessum atburðum fyrir 8200 árum síðan.

Ástæðan er bráðnun norðurheimskautsins og þegar miklar stíflur vegna bráðnandi jökla brustu í Kanada um þetta leyti. Agassiz stöðuvatnið flæddi þá og breytti hafstraumum.

Atburðirnir áttu sér stað í Hudson flóa í Canada fyrir 8200 árum síðan, en fréttir um þetta komu árið 1999 þegar vísindamenn gerðu þessa uppgötvun.

Flóðið af köldu jöklavatni út í Atlantshafið á örskömmum tíma fyrir 8200 árum var 15 sinnum meira en allur straumurinn í Amazonfljótinu, sem þó er gríðarlega mikill. Þetta olli skyndibreytingu á hafstraumum, Golfstraumurinn dó næstum því alveg, en þó ekki alveg að því er vísindamenn telja.

En rúsínan í pylsuendanum í þessu til að gleðja efasemdamenn um hamfarahlýnun er þessi: Áður en þessi ein fjölmargra smáísalda hófst fyrir 8200 árum vegna breytinga á Golfstraumnum þá var HLÝRRA Á JÖRÐINNI EN Í NÚTÍMANUM. Hamfarahlýnun af mannavöldum hvað?

Að minnsta kosti kom þetta fram í heimildamyndinni um "Fyrstu Svíana" á RÚV, í fyrri þættinum, og þar er stuðzt við vísindamenn sem ekki eru taldir fara með fleipur eða vitleysu af neinu tagi.

Á mjög skömmum tíma, kannski innan við 10 árum breyttist loftslagið úr því að vera hlýrra en í nútímanum yfir í að vera svipað og á "litlu ísöld", sem var um 1700. (Hvar voru þá útblástursrörin og mengandi jarðefnaeldsneytið?).

Þarna dóu margir út og lifnaðarhættir gjörbreyttust.

Þessi smáísöld stóð í um það bil 300 ár en síðan hlýnaði á ný allhressilega.

Það er fleira í þessu sem ég vil bæta við.

Ástæðan fyrir því að ísöldinni lauk fyrir 11.000 árum eða þar um bil tel ég vera komu guðanna til jarðarinnar einu sinn enn. Ekki veit ég hvernig þeir létu jörðina hlýna, en þeir gerðu það örugglega.

Sönnunin fyrir tilvist guðanna og gyðjanna er meðal annars í því fólgin að vísindaleg þekking er í Sæmundar Eddu og Snorra Eddu.

Svo segir í Völuspá: (18. erindi):

 

"Önd gaf Óðinn,

óð gaf Hænir,

lá gaf Lóður

og litu góða."

 

Vísindalega er þetta þannig útskýrt samkvæmt nútímavísindum:

 

Fyrir um það bil 10.000 árum - eða meira - komu guðirnir til jarðarinnar í geimskipum sem sköpuðu norræna menn, komu með þá til jarðarinnar. Fyrir þeim fór Lóður. "(Lá gaf Lóður og litu góða)."

Fyrir um það bil 300.000 árum komu guðir Biblíunnar til jarðarinnar í geimskipum og sköpuðu Adam og Evu, og aldingarðurinn Eden var í Afríku frekar en í Súmer. Fyrir þeim fór Hænir. "(Óð gaf Hænir)."

Fyrir um það bil 3.7 billjónum ára - eða meira komu guðir til jarðarinnar í geimskipum sem skópu fyrsta lífið. Það var frumstætt líf. Fyrir þeim fór Óðinn. "(Önd gaf Óðinn)."

Völuspá kemur með þetta í réttri röð, þróunarsögu lífsins á jörðinni og hverjir eru ábyrgir fyrir henni.

Athugum að orðin þýða þetta sem passar við þróunarsöguna eins og vísindamenn segja okkur hana í nútímanum.

"Önd gaf Óðinn", önd þýðir líf, lífsneisti, einfalt líf, ekki vitiborið líf. Það passar við þetta frumstæða líf sem er talið hafa orðið til á jörðinni fyrir 3.7 billjónum ára. Vísindin og Völuspá eru 100% sammála!!!!!

"Óð gaf Hænir", óður er talinn vera vitsmunir, í þessari merkingu í þessari gömlu íslenzku.

Þetta er 100% í samræmi við niðurstöður vísindamanna í dag. Homo Sapiens er talinn hafa þróazt í Afríku fyrir um það bil 300.000 árum síðan. Aldingarðurinn Eden?

Þarna varð apamaðurinn til, og fjölmörg afbrigði hans, en talið er að þessar manntegundir hafi verið dökkar yfirlitum.

"Lá gaf Lóðurr og litu góða", lá þýðir yfirleitt sjór, en talið þýða blóð eða öllu heldur kynstofn í þessari merkingu, göfug ætt manna, konunglegur ættleggur. Litu góða er góður hörundslitur, sem þýðir ljóst litarhaft að öllum líkindum, miðað við að vísindamenn hafa komizt að því að öll blá augu eru komin frá einni formóður, kannski fyrir 10.000 árum. Hver ætti það að hafa verið önnur en heiðin gyðja frá öðrum hnöttum sem gat af sér svo mörg afkvæmi?

Sem sagt, hvað er betri sönnun fyrir því að Völuspá sé "Guðs orð?" Hvað er betri sönnun fyrir því að Sæmundar Edda sé innblásið "Guðs orð?" en að þetta kemur heim og saman við nútímavísindin? Hvernig í ósköpunum áttu heiðnir fornmenn að geta vitað það sem nútímavísindamenn vita nú um þróun lífsins á jörðinni og mannkynsins um BILLJÓNIR ÁRA, hvorki meira né minna?

Og enn fremur: Er þetta ekki vísbending eða sönnun fyrir því að til voru tryllitæki fyrir 9000 árum síðan sem ollu hamfarahlýnun fyrir 8200 árum síðan? Hverjir komu fram með þessa mengandi bíla nema guðirnir í geimskipum, þegar Lóður kom með okkar fornmenn, fyrstu norrænu mennina og germönsku á jörðinni?

Völuspá er Guðs orð. Í henni koma fram vísindi og sannindi, nokkuð sem á eftir að uppgötva og útskýra vísindalega til fulls.

Fram munu koma fleiri svona heiðin kvæði sem munu hjálpa mannkyninu að þroskast og komast á rétta braut, þegar lífstefnan mun sigra, en ekki fyrr.

 

Það hefur að minnsta kosti verið trúað á þrumuguðinn Þór í 5000 ár, ef ekki lengur.

Þeir eru heillandi heimildaþættirnir sem RÚV endursýndi um fornleifafræði í Svíþjóð, "Fyrstu Svíarnir". Því miður eru þættirnir bara tveir. Í þessum þáttum koma fram allar nýjustu upplýsingar um fornleifarannsóknir í Svíþjóð og nýjar upplýsingar miðað við það sem áður var vitað. Þar með er ekki sagt að vísindamenn nútímans viti allt, heldur að fleiri púsluspil eru komin í myndina.

Farið er um það bil 11.000 ár aftur í tímann, og svo næstum fram að kristnitöku og víkingaöldinni.

Margt mjög merkilegt kemur þarna fram. Fyrir þann sem hefur áhuga á heiðni og Ásatrú eða telur sig heiðinn, eða mögulega, þá finnst manni eitt stórmerkilegt sem þarna er sagt frá.

Hægt er að tímasetja hvenær Ásatrú kom fram í sögunni og hvenær Vanatrú kom fram, svona með ákveðinni röksemdafærslu.

Fyrir 11.000 árum þegar ísöldin var byrjuð að hopa voru ekki margir menn sem bjuggu á norðurlöndum. Það voru helzt hirðingjar og safnarar, veiðimenn sem flökkuðu um.

Merkilegt er að vita að þessir hirðingjar voru ljósir á hörund en með brún og blá augu til jafns, og hárið brúnt eða svart en hvorki heiðgult né rautt samkvæmt fornleifarannsóknum.

Þetta ísaldarfólk hefur trúað á Hel sem hina miklu móður. Litið var á hana sem almáttuga gyðju.

Venus frá Willendorf er stytta sem var búin til fyrir um 30.000 árum. Hún fannst í Austurríki. Hún sýnir akfeita konu sem sennilega á að hafa táknað hina almáttugu móðurgyðju og kyntákn. Yfir andlitinu er net, en brjóst og magi þrútinn sem leggur áherzlu á aðalhlutverk konunnar, að eignast börn.

Þessi stytta er kannski bezta upplýsing sem mannkynið hefur um trúarbrögð kynþáttanna og mannflokkanna á ísöldunum. Þá var lífið erfitt, og óléttar konur nánast heilagar, því dýrmætt var hvert barn sem fæddist, þegar dauðinn af völdum kulda og hungurs var ætíð nálægur.

Snorra Edda er annars ein aðalheimild mannkynsins um trúarbrögðin fyrir kristni. Það er vegna þess að það er vísindalega sannað að við Norðurlandabúar og Evrópumenn, Germanir, höfum í okkur meira af genum úr ísaldarfólkinu en aðrir kynþættir. (Neanderdalsmannagen og Cromagnongen). Þessvegna er það rökrétt að okkar trúarbrögð geymi í sér menjar um trúarlíf fólksins á ísöldum, úr því að við erum erfðafræðilega skyldust ísaldarfólkinu. Merkilegt er að Covid-19 herji mest á okkur Vesturlandabúa, eins og það hafi verið búið til sérstaklega til að fækka okkur eða útrýma alveg.

Með þeim rökum að Djöfullinn í kristni geymi í sér eldri trúarhugmyndir sem reynt er að sigra, má segja að djöflan í Ásatrú, Helja, geri það sama, og tröllin. Trúarbragðarannsóknir og trúarbragðafræði eru skemmtileg fræði og mikilvæg.

Nú er það svo að fræðimenn hafa sumir sagt og jafnvel flestir að innan Ásatrúarinnar hafi ekki verið til neitt Helvíti sem slíkt, heldur hafi Helja verið staður þar sem mönnum leiddist.

Einnig hafa fræðimenn mjög deilt um það hvort Helja í Snorra Eddu sé einhverskonar tilbúningur Snorra Sturlusonar, til að herma eftir helvíti kristninnar, Gehennu, sem var ruslahaugar þar sem eilífur eldur brann.

Um þetta verður seint hægt að vita með 100% vissu. Þó er það almennt talið að Snorra Edda sé traust heimild en ekki skáldskapur. Með samanburði við önnur trúarbrögð Evrópu er hægt að finna samsvarandi mýtur sem styðja það sem þar kemur fram.

Því má fullyrða að Helja er ævaforn gyðja og frá ísöldinni eins og ég held fram. Hún var þessi almáttuga móðurgyðja sem styttan sýnir, Venus frá Willendorf.

Vanatrúin kom þar á eftir. Rétt eins og María mey yfirtók hlutverk Friggjar, eiginkonu Óðins með kristnitökunni, og Jesúbarnið yfirtók hlutverk Baldurs á armi Friggjar, þannig yfirtók Freyja frjósemigyðja hlutverk Heljar með sigri Vanatrúarinnar, fyrir um það bil 8000 árum eða jafnvel meira. Freyja hefur því sennilega verið talin akfeit gyðja og tákn um barnsfæðingar og síólétta konu.

Samfara sigri Vanatrúarinnar breyttust samfélögin og bændur komu fram.

Í þessum þáttum var fjallað um að þeir komu sumir í stórum hópum frá Tyrklandi, Mesópótamíu og Asíu, þar sem Tokkaríar bjuggu, germanskir menn í Asíu, sem dóu að lokum út, en sem áttu sér einnig stórmerkilega menningu fyrir margt löngu. Þessi bændasamfélög komu með Vanatrúna að einhverju leyti.

Síðan fyrir um 5000 árum komu Ásatrúarmenn frá Úkraínu, stríðsaxafólkið svonefnda, Yamnaya stríðsmennirnir, sem trúðu á Þór þrumuguð og önnur slík goð. Frá þeim koma um það bil 50 - 70% af genum norrænna og germanskra manna. (Það fer eftir svæðum og einstaklingum, en allsstaðar í hinum vestræna heimi eru þeirra gen í nokkrum meirihluta).

Þeir grófu sína dauðu, og í gröfunum hafa fundizt korn sem tengjast bjór og öldrykkju, framleiðslu á miði, en mjöður og hunang er hluti af Snorra Eddu, enda Óðinn sagður nærast á bjór og engu öðru.

Einnig hafa fundizt í þeirra gröfum stríðsaxir, sem heyra til trúartákni Ásatrúarmanna, Mjöllni, hamri Þórs. Þetta er svipað og að finna kristilega krossa í gröfum kristinna manna þegar allt kemur til alls.

Menning þessara Yamnaya stríðsmanna var herská, þeir komu með stéttaskiptingu og konungsvald í stórum stíl inní samfélögin, trúna á æðri guði og gyðjur, sem oftar en ekki voru stríðsguðir. Baldur er jafnvel talinn hafa verið slíkur stríðsguð á þeim tíma, eins og orðsifjafræðin kennir.

Í þessum heimildaþáttum koma þær upplýsingar sem breyta öllu í sambandi við víkingaöldina og hugmyndir okkar um hana. Þarna kemur fram að víkingaöldin er talin hafa byrjað miklu fyrr en áður var talið, samkvæmt nýjustu upplýsingum, eða fyrir 5000 árum jafnvel, með þessari Yamnaya stríðsmenningu, Ásatrúnni, sem sigraði Vanatrúna, bændasamfélögin og hirðingjasamfélögin fornu á Norðurlöndum.

Vissuð þið að Ásatrúin ríkti í 4000 ár á meðan kristnin hefur aðeins ríkt í 1000 ár á Íslandi og Norðurlöndunum? Þetta eru stórkoslegar upplýsingar og merkilegar.

Þegar ég las það í gömlu kennslubókunum um heiðna trú Íslendinga að margt benti til þess að þegar þetta var loksins skráð niður af Snorra Sturlusyni hafi lítið verið eftir, og jafnvel við kristnitökuna hafi Ásatrúin ekki verið nema leifar af því sem áður var, þá fannst mér það merkilegt, en þessi heimildamynd kemur með þær sömu upplýsingar. Sterk hefur verið trúin á þessi fornu og heiðnu goð úr því að svona mikið var eftir þegar Snorra Edda var skrifuð og þá landið alkristnað á yfirborðinu. Þó var landið heiðið í 200 ár, nokkuð ábyggilega, að langmestu leyti.

Margt annað stórmerkilegt kemur fram í þessum þáttum.

Takið eftir þessu: Eftir því sem fleiri fornleifarannsóknir eru gerðar kemur í ljós að menning Norðurlanda var miklu merkilegri til forna en talið var. Tinnuoddar flóknir og fíngerðir eru taldir hafa verið fundnir upp á Norðurlöndum og borizt til Mesópótamíu og víðar, frá Noregi, fyrir um það bil 7000 árum.

Þannig að ekki er lengur rétt að halda því fram að hámenning hafi aðeins verið í Egyptalandi og Súmer fyrir 6000 árum eða meira. Að vísu hafa hér ekki enn fundizt píramídar eða bókrollur eða meiriháttar hýróglýfur, en hverju var eytt viljandi?

Að minnsta kosti er bilið að smáminnka, og ljóst að þessi samfélög á Norðurlöndum voru skipulögð, og sennilega býsna góð miðað við tímana sem þá voru.

Enn fremur, þeir sem telja að við séum komnir af Hebreum, af ætt Benjamíns, að á einhverju tímaskeiði komu menn til Norðurlanda frá þessum landsvæðum, en erfðafræðilega erum við lítt skyldir þeim þó, eitthvað svolítið samt.

En Forn Íslendingar voru eins og Forn Hebrear, þeir gáfu mannkyninu trúarbrögð, Hebrear gáfu okkur Biblíuna en Íslendingar gáfu heimsbyggðinni Snorra Eddu. Báðar þjóðirnar eru mekka trúarbragða sem eru útbreidd um alla jörðina, þótt Abrahamstrúarbrögðin séu margfallt útbreiddari, svo sannarlega og skipulagðari en trúin á Þór.

Óttavekjandi fréttir

Þessi frétt minnir á fyrstu Covid-19 fréttirnar í ársbyrjun 2020. Til eru þeir sem trúa því að elítan sé með áætlun um áframhaldandi frelsisskerðingu af því tagi. Sjálfur er ég ekki alveg viss, en tel það ekki útilokað.

Ja, menningin er sturluð, svo mikið er víst, og Metoo er næg sönnun um það, 100% sönnun, og femínisminn. Síðan bætist þetta við sem mér finnst á jaðri þess mögulega og trúanlega, að svona samsæri lyfjarisanna sé mögulegt án þess að almenningur mótmæli eða sannfærist.

Svona vinsamlegar hvatningar WHO geta vel verið byrjunin á lengra ferli sem enda með því sama og gerðist í kófinu. Ef samsæriskenningarnar eru sannar vitum við ekki hvort einhverju er sleppt útí andrúmsloftið til að veikja fólk. Eða á maður að trúa því að allt sé þetta vegna skógarhöggs og mengunar? Er það ekki aðeins of smellpassandi skýring fyrir Davosfólkið?

Nei, ég verð að segja að ég er ekki viss. Um sumt er ég þó viss. Ég er alveg viss um það að almennt frelsi fólk á Vesturlöndum er rammlega skert, og það er gert með óttastjórnun, félagslegri kúgun og Stórabróðursaðgerðum, sjálfritskoðun í kommúnískum anda eins og lýst var í "1984" eftir mikinn sjáanda og skáld. Kannski er Sigríður Hagalín frænka mín með sömu hæfileika og hann hafði, að skrifa um það sem verður, eins og sumir telja víst.

Ríkisstjórn Katrínar Jakobsdóttur er Davosríkisstjórn, 100%. Firnamargir kusu Sjálfstæðisflokkinn og Vinstri græna til að losna við alþjóðavæðinguna, sem fólk hélt að ætti bara heima í Samfylkingunni og Viðreisn. Stór hluti af fylgistapi ríkisstjórnarinnar reiknast á davosíska hegðun Davosdúkkulísanna og Bjarna.

Núverandi ríkisstjórn er ekki að keyra með okkur inní sjálfstæðið heldur ósjálfstæðið. Maður hefði kosið Samfylkinguna hefði maður stefnt þangað.

Síðan er önnur leið að útskýra þessa frétt. Norður Kína greinir frá fjölgun í öndunarfærasýkingum miðað við þrjú árin á undan.

Guðmundur Karl Snæbjörnsson og fleiri eru alveg vissir um það að Covid-19 sprauturnar hafi skaðað ónæmiskerfið í fólki, valdi aukningu í Covid-19 tilfellum og auki líkur á öðrum sjúkdómum eða að þeir versni.

Ég er ekki viss um það, en það er eitthvað sem ætti að skoða frekar en að vísa því á bug eins og landlæknir gerir.

Arnar Þór Jónsson fær mikinn lestur á sína bloggpistla. Þeir eru líka mjög góðir. Hann skrifar mikið um frelsisskerðingar þess opinbera. Þessi frétt og þessi pistill minn passa vel inní þá umræðu.

Ég segi við fólk: Gefizt ekki upp þótt skoðun ykkar sé á skjön við það sem opinberlega er talið. Lýðræðið lifir ekki ef allir eru sammála og hræddir við yfirvaldið.

Hvatt til aðgerða vegna öndunarfærasjúkdóms í Kína

Raunir eigenda Epson Stylus Photo 1200 og erfiðleikar við að gera við þann grip

Ég skrifaði pistil á Facebook fyrir nokkrum árum þegar ég var virkari þar um Epson Stylus Photo 1200 prentarann minn og hvernig ég hélt honum við. Ég er nú búinn að læra miklu meira um þessa tegund sem virðist alveg orðin úrelt og næstum ómögulegt að fá neitt í hann.

Hann kom á markað í janúar 1999 og var í framleiðslu til 2001 eftir því sem hægt er að lesa um.

Í Sportmarkaðnum frekar en Góða hirðinum keypti ég þennan prentara notaðan. Sportmarkaðurinn var undanfari Góða hirðisins. Þá var hann í lagi og ég notaði hann í býsna mörg ár eftir það. Svo fór ég að gera við prentara fyrir sjálfan mig.

Ég mun sjá mikið eftir þessum prentara ef mér tekst ekki að laga hann. Mjög oft tekst mér að laga svona raftæki, en það fer auðvitað eftir því hvort maður fær alla varahlutina í þau eða ekki.

Ég hef lent í miklum vandræðum við viðgerðir á þessum prentara og skal ég lýsa þeim, því þetta kennir fólki ýmislegt um þetta módel af prentara og um prentaraviðgerðir yfirleitt held ég.

Þessir prentarar eru orðnir mjög sjaldgæfir, fólk hefur hent þeim flestum. Epson prentarar eru flestir með fasta prenthausa, sem merkir að ef þeir eru ekki notaðir í nokkrar vikur eiga þeir á hættu að verða ónýtir, nema skipt sé um prenthausa, en þeir eru vandfundnir. Epson fyrirtækið notar þessa aðferð til að græða sem mest, til að gamlir prentarar verði ónýtir og fólk kaupi ný módel, enda græða þeir vel og hafa framleitt ógrynni módela í gegnum árin.

Ég kunni lagið á því að halda mínum grip í notkun í meira en 15 ár. Síðan bilaði hann, vegna þess að hann datt í gólfið og brotnaði. Plastið í þessu er viðkvæmt og þolir ekki hvað sem er. Ég keypti annan að utan sem var með ónýtan prentahaus og gerði einn virkan úr þessum tveimur. Sá entist í nokkur ár.

Núna í ár bilaði svo þessi gripur.

Ég hafði ekki notað hann í tæpt ár, en hafði tæmt blekhylkin þannig að ég bjóst við að hann myndi virka. Þó átti ég skárri prenthaus sem ég setti í hann, en varð þá fyrir því óláni að rafbandið sem liggur í hann skemmdist, því ég hafði of oft skipt um prenthausa. Þá slitnar tengingin og verður óvirk. Nema hvað að það kom lykt af prentaranum eins og eftir brunnin viðnám. Já, þetta gerðist, og ég vissi ekki að þetta gæti komið fyrir útaf skemmdu rafbandi, en það er þó skiljanlegt.

Prenthausinn er hluti af rafkerfi prentarans. Þegar tengingu vantar á einn stað getur aukin spenna farið á aðra hluta, eða í sjálfa fjölliðuna sem stjórnar blekmagninu. Þetta hefur greinilega gerzt.

Það er sennilega ekki hægt að finna hvaða viðnám skemmdust. Þetta er eins og í tölvuborði, lóðað ofaná með þessum örfínu viðnámum. Til að mæla hvert viðnám þarf að losa þau frá og vita um stærð þeirra, sem kemur ekki fram í handbókum eða teikningum.

Það er fleira sem er óþægilegt við þetta. Ég gat keypt svona notaðan prentara að utan en þá kom í ljós að rafborðið er ekki af sömu gerð.

Það virðist vera sem að minnsta kosti tvær útgáfur af þessum prenturum hafi verið framleiddar sem litu alveg eins út og báru sama nafn.

Fyrri tegundin var á markaðnum fram til síðla árs 2000. Þá í örfáa mánuði var settur prentarinn á markað undir sama heiti og með sama útlit, en breyttur þó.

Fyrri útgáfa prentarans var með svipað rafkerfi og Epson Photo 700 en seinni útgáfan var líkari Photo 750. Prenthausar í báða litu eins út en voru ekki eins. Enn erfiðara er að fá útgáfuna í fyrri tegund prentarans.

Síðan til að auka á vandræði þeirra sem eiga þessa prentara þá er litablekhylkið mjög sjaldgæft og aðeins notað í þessa einu týpu!!! Því má segja að þessi prentari sé úreltari en margir aðrir, sem er skaði, því hann er góður þegar hann virkar.

Þeir eru að verða eins og síðustu geirfuglarnir þeir prentarar sem virka af þessari týpu, má því segja.

Þessi prentari var ívið dýrari en önnur módel frá sama tíma, og var mest notaður í fyrirtækjum. Enda er hann fyrir A3 pappír líka og er stór og mikill um sig. Hann er einnig frekar þungur.

Það má geta þess að Epson fyrirtækið lögsótti þá sem framleiddu blekhylki í vinsælu Epson prentarana sem seldust eins og heitar lummir rétt fyrir 2000. Þannig vildi til að eftir 2000 fór Epson fyrirtækið að setja örflögur í blekhylkin til að ekki væri hægt að sprauta bleki í þau aftur og endurnýta þannig og til að erfiðara væri fyrir þriðja aðila að selja og framleiða blek í prentarana þeirra. Þannig að fólkið sem átti þessa gömlu prentara vildi ekki henda þeim og elskaði þá, því blekhylkin í þá voru svo ódýr frá þriðja aðila, og þeir virkuðu eins vel og þeir nýju.

Fyrir ríflega tíu árum tókst svo Epson að fá lögbann á framleiðslu einhverra blekhylkja sem ekki komu frá þeirra eigin fyrirtæki.

Þetta er eins og með Apple fyrirtækið. Það er með einokun á mörgum sviðum. Kommúnisminn hefur mörg andlit, en hann er andstyggilegur, og blandast stundum kapítalismanum og verður þá miklu verri en ella. Þá kemur fram virkileg einokun sem er til að hækka verð og þjónar ekki neytendum heldur moldríkum eigendum stórfyrirtækja.

Villta vestrið og frelsið er þar sem boð og bönn eru sem fæst og margir aðilar geta þjónustað og framleitt vörur og varning. Það er einnig eðli frjálshyggjunnar að stefna að slíku. Það var nokkuð sem ég heillaðist af í stefnu Pírata þegar þeir voru að byrja. Nú fer lítið fyrir þeirri stefnu hjá þeim, og þeir minna á hefðbundinn vinstriflokk.

Óréttlæti heimsins og peningaskortur, fátækt

Ég er að mestu hættur að skrifa djúpa og heimspekilega pistla. Setjum dæmið upp svona: Þeir sem verða moldríkir græða á glæpum gegn mannkyninu. Ég er ekki án áhuga á að verða moldríkur og metnað hef ég alltaf haft. Ég geri ekki eitthvað fyrir ekkert. Svo mikið er víst. Ég geri ekki eitthvað fyrir ekkert.

Sérhver auðlegð, sérhver frægð er fengin með viðbjóðslegu athæfi. Auðrónar. Eigendur mannkynsins. Við þurfum ekki fleira en þessi örfáu orð. Þeir fáu sem fatta eitthvað vita hvað klukkan slær. Ég fer aðeins útí hálfkveðnar vísur á dögum ógnarstjórnanna.

Það var pistill frá Guðjóni Hreinberg sem vakti áhuga minn á því að fjalla eitthvað örlítið um djúp málefni sem skipta máli. Ég gerði svo sem uppkast að löngum pistlum um þetta en ákvað að birta þá ekki. Maður kastar ekki perlum fyrir svín. Eins og ég hef margsinnis sagt vil ég verða ríkur, en það verður ekki, og því reyni ég ekki.

Það þýðir ekki að reyna að ræða vísindi við vísindaleysingja í einræðisríkinu, jafnaðarfasisminn er þannig.

Þegar snillingar eru kallaðir geðsjúklingar þá er skít kastað þar til allt leggst í auðn og tóm. Mér er sama. Það eru peningar og völd sem skipta máli, og lífstefnan, að bjarga fólki. Ef það er ekki hægt þá er réttlátur nútíminn. Þegar mannkynfrelsarar eru krossfestir er nútíminn paradís og stjórnmálafólkið yndislegt í alla staði.

Ég hef stundum velt fyrir mér hvort fólk sé vont eða gott á þessari jörð. Eða svo þetta sé umorðað: Eru djöflarnir í Víti góðir eða vondir? Er í þeim einhver góður kjarni? Eiga þeir viðreisnarvon? Þetta er spurning um frelsun frá synd.

Það sem ég á við er kannski þetta frekar: Er til einhvers að reyna? Bjargast einhverjir frá syndinni? Eða: Er það fólki sjálfu að kenna hvernig komið er eða púkum, Satan sem freistar og dregur á tálar?

Ef réttlæti væri til þá myndu þeir verða ríkir og voldugir sem bjarga, hjálpa, sýna fórnfýsi og gera gagn. Þessu er þveröfugt farið. Niðurrifsöflin ná völdum.

Við erum búin að missa beztu sálirnar yfir móðuna miklu, þroskaða og kærleiksríka fólkið, fórnfúsa og upplýsta fólkið, sem hafði þekkingu, þroska og vit. Eftir stendur villimennska og menningarleysi.

Elítan náði að gera það fólk valdalaust sem átti að brúa bilið.

En ég vil svara þessari spurningu rétt, er þetta til einhvers, er hægt að bjarga fólk frá syndinni? Já, það er hægt.

Sannleikurinn er sá að það er tilviljanakennt hverjir dragast niður í helvítin. Okkar jörð er í hópi helvítanna, það er á hreinu. Engu að síður er það tilviljanakennt.

Ég trúi ekki á kenninguna um vondar og góðar sálir. Innsti kjarni einstaklingsins er tóm og myrkur sem dregur í sig allskonar fyrirbæri og einkennist af þeim. Fyrstu sálirnar voru eins og ljósbrot eða steindir.

Þannig að það er gefandi og lífsfyllandi að bjarga fólki frá syndinni, þótt ekki nema fáeinum.

Og vel að merkja þá er ég fullkomlega sáttur við að skrifa orðið synd með yfsiloni. Það meikar sens, finnst mér.

Gyðjan Syn er gyðja réttlætis. Hún gætir laga og réttar eins og Týr. Af nafni hennar er orðið synd dregið í öllum indóvevrópskum tungumálum. En eftirlifandi jarðarbúar eru eiginlega allir trúleysingjar og hafa týnt sínum arfi og eiga því erfitt með að skilja þetta og muna.

Sem sé, það er til guðlegt réttlæti. Eingyðistrúarbrögðin eru hjálp, en fólki hefur mjög hnignað eftir að það fattaði ekki leiðbeiningarnar frá ýmsum sem voru lausbundnir, fasttengdir eða óbundnir þeim fyrirbærum.

"Það er engin menningarleg samræða á landinu; allt dáið", þessi setning er dagsönn hjá Guðjóni Hreinberg, en orðið dagsannur hefur fengið neikvæða merkingu eftir að Dagur B. Eggertsson komst til valda, því miður.

Alltaf gaman að lesa eftir heimspeking eins og Guðjón, en hann segir í athugasemd að hann sé hættur að skilja upp eða niður.

Í fyrsta lagi lifðum við af heimsendi árið 2022, og það kostar annarskonar tap vegna alheimslögmála.

Ég er að mestu hættur að skrifa um djúp málefni því það er til einskis. Þú getur alveg eins reynt að tala við bjöllur og önnur skordýr, mannfólk skilur ekki meira en skordýr, svo mikið er víst.

Ef ég myndi skrifa af hreinskilni það sem ég veit um framtíðina, jarðskjálfta, aðrar náttúruhamfarir, stríð, drepsóttir, mannkyn sem breytist í geimverur, innrás úr geimnum, framtíðarstríð eða upplausn frekar á þessari jörð, þá myndi ég bara valda kvíða, eða fólk tæki enn minna mark á mér en áður.

Máttarvöld heimsins, eigendur þessa mannkyns hafa alveg geð í sér til að stroka alla Íslendinga af yfirborði jarðar og tök á því. Þó er ekki víst að það gerist.

Ákveðið meginlögmál gildir í þessu sem er það að ef Íslandi verður eytt með rosaskjálftum og slíku, þá mun svipað gerast fyrir ákveðin svæði innan Bandaríkjanna og víðar á þessari blessuðu jarðarkringlu. Undan því verður ekki alveg komizt, og þó er ekki hægt að segja að það sé heldur útilokað.

Íslandi var ætlað að leiða mannkynið útúr helstefnunni, en úr því að það gerist ekki er hér komin sjálfkrafa af stað atburðarás eyðileggingar, Ísland er framarlega í röð þeirra svæða sem eiga eyðileggingu á hættu, en svo eru fleiri svæði og loks öll. Þannig er helstefnan undir vissum kringumstæðum.

Ég er kominn á þá skoðun að sameiginlegur dauðdagi sé ekki neikvæður heldur jákvæður, hvort sem hann er afleiðing af drepsótt, náttúruhamförum eða kjarnorkustyrjöld, eða einhverju öðru. Menningin á jörðinni er þvílík viðurstyggð, femínismi og Metoo til dæmis, að stefnan er aðeins niðurávið.

Við taka svo endurhæfingarbúðir fyrir suma, refsing fyrir einhverja en umbun einnig fyrir einhverja.

Glæpirnir og syndirnir gegn náttúrunni eru svona eins og glæpirnir og syndirnir gegn mannskepnunni eða vættum landsins og jarðarinnar.

Það sem djöflamannkyn refsar fyrir í sínu réttarkerfi eru oft dyggðir og hetjuverk.

Rétt er það að vísindamenn vita ekki hvort jarðhræringarnar í Grindavík tengjast flekahreyfingum eða gosvirkni.

Það eru sæmilegar líkur á því að Grindavík verði látin í friði og ekki verði þar eldgos eða fleiri umbrot að ráði en enganveginn pottþétt. Þessi órói getur færzt annað og orðið þar minni eða meiri, jafnvel talsvert mikið meiri.

Íslendingar ættu að reyna að vera bjartsýnir og halda í einhverjar vonir. Órói sá sem er víða í heiminum, Hollandi, Bandaríkjunum, Írlandi og víðar í menningunni er til vitnis um að menningin er ekki alveg dauð, það er lífsmark með henni, en ekki meira raunar.

Fávitahátturinn gufar upp undir vissum kringumstæðum. Minnimáttarkenndin stjórnar enn flestum og þrælslundin. Það hefur þó sýnt sig eins og í Búsáhaldabyltingunni að þjóðin getur risið upp, og einnig á tíma Fjölnismanna.

 

Skjálftar tengjast líklega niðurdælingu

Heillar mig kannski mest Frjálslyndi flokkurinn, ljóð frá 12. maí 2007.

Þetta merkilega ljóð sýnir tíðarandann á þessum tíma. Takið sérstaklega eftir síðustu línunum, á þeim tíma stóð valið á milli Vinstri grænna og Frjálslynda flokksins oft hjá mér. Það sem hefur breyzt er að nú veit fólk að andstaðan við Nató er ekki mjög áberandi hluti af stefnu VG, til dæmis.

Fimmhundruðkallinn er vísun í formann Framsóknarflokksins á þeim tíma, Jón Sigurðsson.

"Fer kannski sólin að skína?" er ljóðræn spurning um hvort Samfylkingin fái völd, en Ingibjörg Sólrún Gísladóttir var formaður flokksins þá, og þetta er líkingamál í spurningu, og það gekk eftir, að Samfylkingin og Sjálfstæðisflokkurinn fóru að vinna saman og var það hrunstjórnin alræmda og fræga sem ég orti um seinna og er fræg í Íslandssögunni.

Einhverjir straumar í samfélaginu eru áberandi, eða þá Silfrið og umræður þar eða annarsstaðar, mikið var um þetta rætt og ritað.

 

 

Kanntu enn að kjósa betur?

Kannski gagnslaust sem þá?

Loksins búinn leiður vetur,

líka átök frá?

Fimmhundruðkallinn og Framsókn í tapinu?

Fer kannski sólin að skína?

Lendir svo ríkisstjórn líka í hrapinu?

Löngunin fer þá að dvína.

Nenni varla að nota rétt,

núna að kveða á, velja blett,

Er nú rétt að kjósa græna vinstrið, vernda jörð?

Veit ég það að annars verður glíman býsna hörð.

 

Nenni ég að kjósa karla

og konur enn eitt nú sinn?

Skárri taka við nú varla,

veiðar, svo gróðinn?

Góðærið frábæra, gleðjumst því samtaka,

gróðinn í bönkunum meiri.

Kvartar þó sífellt og kveinar þín ambaka,

komast samt álnir í fleiri.

Aldrei fá þeir vísu völd,

verður svart að ríkja kvöld.

Kannski er málið Vinstri grænir, verndum umhverfið,

verður allt þá betra, friðsamt, líka finnum grið.

 

Nú er hátíð fyrir fíkla

er fíla kosningaslag.

Þar er mikil söfnun sýkla

er syngja framboðsbrag.

Magga þá yfirgaf, megraði skrokkurinn,

mjög þeirra samskipti í gráu.

Heillar mig kannski mest Frjálslyndi flokkurinn,

fiskveiðar handa þeim smáu.

Íslandshreyfing? Ágætt spil?

aðeins gremja og valdafyl?

Frekar kýs ég Vinstri græna er vernda umhverfið,

veit að þeir svo hata Nató, elska stöðugt frið.

 

Ambaka: Sá eða sú sem bakar eða skapar ama, leiðindi.

 

Hversvegna eiga sumir erfitt með að skilja það að þjóðerniskennd er alvöru pólitík sem fólk vill og er pólitík framtíðarinnar og allra tíma?

Það er hægt að deila um það þartil menn bilast hvort Frelsisflokkur Wilders sé öfgaflokkur eða ekki. Menn geta líka spurt sig að ástæðunum fyrir feikilegu fylgi svona ágætra flokka. Sú kenning er að minnsta kosti mjög trúleg sem skýring að ástæðan fyrir glimrandi góðu fylgi "hægriöfgaflokka" (sem kannski eru bara hefðbundnir miðjuflokkar eða íhaldssamir frjálshyggjuflokkar, eða flokkar með kristileg gildi eins og sumir segja) að lélegt ástand vinstriflokkanna og miðjuflokkanna sé um að kenna, því það fólk er allt fallið ofaní Woke sturlun og móðursýki af einhverju tagi.

Af þessu má ennfremur sjá að sú vinsældarbylgja sem gerði Donald Trump að forseta, sem á yfirborðinu gæti líkzt einræðisherra, en er í raun vinalegur teiknimyndafígúrumaður eða ofurhetja úr myndasöguheiminum og notar þesskonar óheflað orðfæri, en er óspilltari en margir aðrir, hún er ekki duttlungur eða tilviljun heldur til marks um að pólitíkin á Vesturlöndum sé endanlega komin út í skurð og almenningur kalli eftir nýjungum og endurnýjun af þessu tagi.

Embættismenn sem hafa lært Davoslexíuna uppá 10 hafa verið að auka völd sín og áhrif á kostnað annarra. Eða með öðrum orðum: Ríkisbáknið blæs út og gleypir frjálsan rekstur, og reglugerðafargan sem er Fjandanum einum til fagnaðar blómstrar einsog rotnunarsveppur á þjóðfélögunum. Evrópusambandið breytist úr viðskiptaveldi yfir í Dýrabæ Orwells, með kommúnískan svip, sem gekk úr sér í Sovétríkjunum, hvers draugur ævinlega rís upp að nýju undir öðrum merkjum.

Úr því að Frelsisflokkurinn í Hollandi er björgunarleið fólks útúr ruglinu, hversvegna er ekki íslenzkur almenningur að kjósa Frelsisflokkinn okkar eða Íslenzku þjóðfylkinguna, svipaða flokka?

Eða erum við enn 20 árum á eftir meginlandi Evrópu? Munu þessir flokkar verða jafn stórir og Samfylkingin og Sjálfstæðisflokkurinn eftir 20 ár? Hvenær getur sumt fólk skilið að boðskapur svona flokka er sannleikurinn sem nýtur æ meiri vinsælda þegar á bjátar? Ekki vegna þess að um sé að ræða einfalt lýðskrum sem virkar vel í fólk, heldur vegna þess að boðskapur þeirra er sannleikurinn og annað en alvöru lýðskrumið í hinum flokkunum, loforðin um himnaríki á jörð, sem komi bara með því að trúa Satan og femínistum, með því að brjóta gegn hefðum, siðum og trúarritum eins og Biblíunni?

Fóstureyðingalýðskrum Katrínar Jakobsdóttur gengur út á það að trúa ekki Biblíunni að Guð refsi mannkyninu fyrir syndir. Hinir einu sönnu lýðskrumsflokkar eru Vinstri Grænir, Píratar, Samfylkingin, og jafnvel Sjálfstæðisflokkurinn, eins og hann er orðinn núna, hin nýja hækja Samfylkingarinnar og Viðreisnar.

Frelsisflokknum spáð sigri í Hollandi

Ríkisstjórnin rúin trausti þraukar, ljóð frá 14. janúar 2009.

Ýmislegt í nútímanum er farið að minna á Búsáhaldabyltinguna, eins og óvinsældir ríkisstjórnarinnar og versnandi kjör almennings. Því á svona ljóð enn vel við í dag sem var samið þá, lýsir ástandinu þá og margt á enn við og hefur ekki skánað, eða að sömu aðstæður eru komnar aftur, eða svipaðar.

 

Berja þau á potta og pönnur,

pöpull stendur hjá og sér.

Móse á þá mikla dóttur,

margt nú vill hún kenna þér

um Mammons klæki og mildu grundir.

Maður var að Austurvelli sóttur,

ljóst er nú að lýður tekur völdin.

luktir brotnar, fallnar könnur.

Almenningur þarf að greiða gjöldin,

grimmdin vex og eiginhyggjan, stöðugt minnkar þróttur.

Þú sem firrtur starfi stundir,

stríð er hafið landi þessu á, hvert varla fer.

 

Varð mér ljóst þá vissi um nöfnin:

Vinstraliðið sá um allt.

Ætla sér í einkastöður,

öðrum býðst því geðið kalt.

Sama öl í öðrum fötum,

angursfullar nálgast sviðið vöður.

Ríkisstjórnin rúin trausti þraukar,

raunir hennar fara á söfnin...

Auðsþræll samt við iðju gamla baukar,

aflandsfélög, tæmdir bankar, gróðahyggjulöður.

Ertu að hjálpa unga á götum?

Alveg tært að lán er stöðugt fráleitt, valt.

 

Ekki kappa eigum gamla,

aðeins lið er rænir fé.

Lýðskrum víða og lygaþvæla,

löngum ref á stjákli sé.

Eftir ránið annað svipað?

aðeins leyfa rétta sviðsins stæla.

Þó í anda mót því stöðugt mæli,

masið kann þó starfi að hamla.

Enn við hægriöfga mína gæli,

upp gefst þjóðin, hættir vafstri, þarf að kveina, skæla.

Niður þetta hef ég hripað,

hörmung, myrkur, varla læt hið rétta í té.

Ópíumstríðin í fortíðinni og OxyContinfjöldamorðin í nútímanum

Fjölmargir Kínverjar létust vegna ofneyzlu ópíums á 19. öldinni og græddu Bretar á þessum varningi. Yfirvöld í Kína reyndu að stöðva ófögnuðinn. Kom þetta af stað viðskiptastyrjöldum.

Núna á tuttugustu og fyrstu öldinni hefur þetta snúizt við. Fjölmörg dauðsföll meðal fólks á bezta aldri verða í Bandaríkjunum og víðar á Vesturlöndum vegna OxyContins, en flest framleiða Kínverjar nú til dags og það meðal annars. Saka því Bandaríkjamenn Kínverja um að slátra ungviðinu þannig með ópíóðafaraldrinum mikla sem fer eins og drepsóttarfaraldur yfir hinn vestræna heim. Hundruð þúsunda deyja í Bandaríkjunum árlega vegna þessa og á bezta aldri. Talandi um að lyfjafyrirtækin hafi komið af stað Covid-19 og séu því sek um fjöldamorð, lyfjafyrirtækin eru svo sannarlega ekki síður sek í þessu efni.

Sagan á það til að endurtaka sig, með breyttum gerendum og þolendum. Nútímafólk verður að gera sér grein fyrir því að sagan endurtekur sig alls ekki alltaf nákvæmlega eins. Nýir hópar verða ofsóttir og eiga á hættu að deyja út. Það er hinn vestræni maður sem er nú í útrýmingarhættu, en ekki fyrrverandi þriðjaheimsríki og einstaklingar innan þeirra, og það er staðreynd mælanleg samkvæmt mörgum mælikvörðum.

Munu Bandaríkin hefja stríð sambærileg við ópíumstríðin vegna þessa? Þetta eykur spennu í samskiptum ríkjanna, víst er það.

Með réttu ætti OxyContin að vera harðbannað nema á sjúkrahúsum undir eftirliti, og reglugerðir ættu að vera löngu komnar fram um það.

Sorgleg dæmi frá Íslandi styðja þetta líka.

Að framleiða og dreifa fíkniefnum sem drepa í stórum stíl jafngildir fjöldamorðum úr því að útkoman er á þá leið.

Það er svo skrýtið hvað yfirvöld landsins eru sljó og lengi að fatta hvað ógnar mest fólki.

Kínverjar fordæma ummæli Bidens