Hamfarahlýnun á hlýskeiðum ísaldanna fyrir löngu ekki af mannavöldum, eða var til hátækni fyrir langa löngu?

Ég sótti ráðstefnu í dag í Þjóðarbókhlöðunni í tilefnini 150 ára afmælis dr. Helga Pjeturss og opnun sýningar sem stendur fram á haust og er öllum opin þar um ævi og störf þessa meistara. Varð mér hugsað til Ómars Ragnarssonar sem hefur áhuga á jarðfræði Íslands. Dr. Helgi Pjeturss var fyrsti íslenzki heimsspekingurinn og honum var þarna lýst sem fyrsta íslenzka jarðfræðingnum sem beitti nútímaaðferðum og gerði brautryðjendauppgötvanir á mörgum sviðum.

Menn vita að ég hef áhuga á umhverfisvernd og efast ekki um hamfarahlýnunina af mannavöldum, þótt ég efist um sumt annað sem boðað er á RÚV.

Það sem kom fram hjá þessum jarðfræðingum sem þarna töluðu á ráðstefnunni vakti þó efa minn um hamfarahlýnunina af mannavöldum, og þar sem ég veit að hér á blogginu eru margir efasemdarmenn um hamfarahlýnunina af mannavöldum finnst mér ástæða til að endurtaka nokkuð af því sem þarna kom fram.

Dr. Helgi Pjeturss var nefnilega brautryðjandi á því sviði að skilja að ísöldin var ekki samfelld hér á Íslandi eða annarsstaðar, og að hlýindaskeið komu inn á milli.

Jarðfræðingarnir sem þarna töluðu staðfestu rannsóknir hans og kenningar í jarðfræðinni, nema enn á eftir að sanna og staðfesta kenningar hans í sambandi við framlíf á öðrum plánetum eða draumakenningu hans algerlega.

Eitt það merkilegasta sem kom fram á þessari ágætu ráðstefnu var að vísindaleg gögn benda til þess að fyrir tugum þúsunda ára hafi verið miklu hlýrra á Íslandi en nú og á jörðinni allri og sjávarhæðin verið miklu hærri. Ekki voru þá neinir tæknivæddir menn uppi að því er talið er þannig að ekki gat mannkynið þá hafa valdið hamfarahlýnun, nema mannkynssagan verði tekin til gagngerrar endurskoðunar hvað forsögu mannkynsins varðar með nýjum uppgötvunum.

Það skiptast á hlýskeið og ísaldaskeið að því er virðist án aðkomu mannsins. Það vissi ég svo sem fyrir, en að sjávarstaðan hafi verið miklu hærri en nú hafði ég ekki alveg gert mér grein fyrir. Það merkir á einföldu mannamáli að eitthvað olli því áður að miklu heitara var á jörðinni. Ef við trúum ekki á tæknivædd ofurmannkyn í fortíðinni verðum við því að draga þá ályktun að hamfarahlýnun á jörðinni sé ekki bara af mannavöldum.

Carbfix semur við Eflu um förgunarstöð

Hugsjónir eru einskisverðar til hægri eða vinstri, eða leitin að sannleikanum

Hafi maður fengizt við tónlist getur maður átt sér mörg markmið. Til dæmis að læra meira í tónlist og verða betri, að ná prófum í tónlistarskóla, eða þóknast foreldrum sínum.

Fyrir stráka af minni kynslóð og þar á undan var talið fínt að komast í hljómsveit og vaða í kvenkyninu. Ég held að oft hafi metnaðurinn ekki verið meira en sá.

Örfáir höfðu þó metnað til að bjarga heiminum, og þótt Bob Dylan hafi ekki fundið upp þá listgrein alveg sjálfur var hann einn helzti trúboði hennar með laginu "Blowing In The Wind" og er ennþá, sem táknmynd um þá stefnu, hvað sem honum finnst sjálfum um að vera slík helgimynd. Hann segist sjálfur vilja vera frjáls listamaður en ekki niðurnjörvaður sem kommaleiðtogi af því tagi.

Ég er búinn að ganga í gegnum allskonar svona skeið.

Það getur annars verið fullgilt markmið sé maður í tónlist að græða peninga. Það hefur mér ekki tekizt ennþá, en ég hef áhuga á því. Hugsjónir fortíðarinnar til hægri og vinstri eru eins og álegg, eitthvað sem er ekki nauðsynlegt. Það er alveg eins hægt að syngja um eitthvað marklaust, því fólki er alveg sama. Það lærir aldrei af textum, ekki lengur.

Þegar Bob Dylan sló í gegn með "Blowing In The Wind" árið 1963 var það sem andsvar við McCarthyismanum, og valdeflingarbylting blökkumanna, femínista og annarra minnihlutahópa stóð sem hæst, sem endurspeglaðist í pólitíkinni, Víetnamstríðinu og svo stúdentaóeirðunum nokkrum árum seinna, 68-kynslóðinni.

Bob Dylan hefði sem sagt ekki orðið svona frægur hefðu kringumstæðurnar verið aðrar. Honum var hampað fyrir að segja það sem allir hugsuðu, en hann orðaði betur en aðrir.

Svipað er það með Bubba Morthens. Hann er holdgervingur slor-femínismans og slor-verkalýðsins um 1980. Hann varð frægur sama ár og Vigdís forseti náði völdum, engin tilviljun. Kvennalistinn og Bubbi Morthens, sami hluturinn.

Núna er Bubbi orðinn viðurkenndur og vel stæður poppkóngur og segir það sem auðvaldinu hentar, en í umbúðum komma og jafnaðarmanna um leið, enda er þetta allt orðið sama súpan, fjórflokkurinn.

Það verða engar byltingar lengur.

Ég sé eftir því að hafa verið of feiminn þegar ég náði vinsældum sem tónlistarmaður.

Ég veit ekkert hvort ég næ því takmarki að gefa út eitthvað sem selst og kemur mér uppúr fátækt, en það er frekar takmark en að leita að sannleikanum.

 

Það er göfugt að vera kapítalisti og listamaður.

Dr. Gunni hjálpaði mér mikið að fá viðurkenningu á sínum tíma, og hann er jafnaðarmaður, bauð sig fram fyrir Samfylkinguna fyrir nokkrum árum. Auk þess er pabbi fyrrverandi Alþýðuflokksmaður og Samfylkingarmaður núna.

Ég hef ekki mikla trú á sjálfstæði þjóðarinnar lengur, en ég er viss um að við förum inní Evrópusambandið, það passar alveg við rolueðli þjóðarinnar, rollueðli þjóðarinnar.

Eru vinstrimenn sáttir við svona okur ofurríkra banka?

Bankar sem hirða 70% af arðinum komast upp með það á meðan enn er ekki komin kreppa. Búsáhaldabyltingin var gerð þegar fólk fékk nóg og fann fyrir þjáningu óréttlætisins. Það er ekkert samsærishjal að þeir ríku hafa orðið miklu ríkari á heimsvísu, sjálfur Jón Baldvin Hannibalsson fjallaði um þetta fyrir um það bil 3 árum á Útvarpi Sögu, og hann er jafnaðarmaður með báða fætur á jörðinni, en raunsær og segir hlutina hreint út.

Hann á að vísu erfitt með að viðurkenna að jafnaðarmenn eru innsti koppur í búri þegar kemur að alþjóðavæðingunni og spillingu og auðsöfnun á bakvið hana, og vill kenna Sjöllum um eins og áður.

En það er verið að reyna á þolmörk og áframhaldandi þróun getur varla endað vel. Þessi frétt um bankana er bara eitt dæmi af mörgum sem minna okkur á aðdraganda hrunsins 2008.

Samvinna Samfylkingarinnar og Sjálfstæðisflokksins fyrir hrunið 2008 réttlætti þöggun og spillingu, undirbjó hrunið. Samvinna Vinstri grænna og Sjálfstæðisflokksins í síðustu tveimur ríkisstjórnum gerir það sama. Vinstrimenn í heild í stjórnarandstöðu og stjórn vilja síður rugga bátnum þegar skarpar línur á milli vinstri og hægris eru ekki lengur til staðar.

Sigmundur Davíð Gunnlaugsson lýsti þessari ríkisstjórn vel, hún snérist um eiginhagsmunagæzlu og kyrrstöðu, en afrek síðasta umhverfisráðherra finnst mér að vísu nokkuð sem hægt er að telja merkilega arfleifð, og sömuleiðis hæfileika Bjarna Benediktssonar sem fjármálaráðherra, að halda þjóðarskútunni á floti í gegnum heimskreppuna.

Bankinn tók 70% af arðinum

Ísland þarf í Evrópusambandið til að sjá því fyrir hreinni orku, nú þegar þeir hafna Rússum.

Ég var að horfa á Silfrið. Já, það er auðvitað skynsamlegast að heyja sem harðast efnahagsstríð við Rússa, því auðvitað tekst þannig að gera þá lýðræðislega. Við Íslendingar ættum auðvitað einnig að ganga í Evrópusambandið núna með það meginmarkmið að sjá Evrópu fyrir orku, hreinni orku, svo þeir verði síður háðir Rússum, Þjóðverjar.

Ekki gengur Pútín of vel í þessu stríði, og hafa sumir talið afl og stríðsæsing Azov herjanna ástæðuna. Finnst mörgum það skjóta skökku við að vesturlönd styðji Úkraínu sem er með Azovherina til aðstoðar, sem aðhyllast hreinan og kláran nazisma, sem þó flestir reyna þó að andmæla og níða niður. Þversagnakennt er það mjög.

Sumir gera mikið úr því að Joe Biden tókst að stynja upp nokkrum orðum án þess að mismæla sig eða teljast kalkaður, og er það mikið afrek. Já, hann er mikil hetja.

Verður það Evrópusambandinu til hagsbóta að hervæðing sé þar að aukast að miklum mun og að útgjöld til hernaðaruppbyggingar, sem nefnd er varnarmál, séu að aukast mjög?

Ísland getur ekki staðið eitt og sér, og sjálfstæði okkar þjóðar er mjög orðum aukið, þar sem við erum auðvitað taglhnýtingar Bandaríkjanna og hins frjálsa heims. Eðlileg þróun í þá átt er að við göngum í Evrópusambandið og stuðningur við Evrópusambandið sem nú eykst á Íslandi er ekki tilviljun og mun ekki ganga til baka endilega. Vel má vera að hann haldi áfram að aukast þar til þjóðin gengur inní Evrópusambandið, sem gerist auðvitað fyrr eða síðar, og nú eru Vinstri grænir síður mótfallnir aðild að Evrópusambandinu, finnst mér af málflutningi Katrínar Jakobsdóttur forsætisráðherra, og ekki er Framsókn hörð í andstöðunni, en sjálfstæðismenn eru það enn margir, að vísu.

Rétt er það að lýðræðisbaráttan er í hættu víða, og efnahagurinn líka. Það er að sjá og heyra á spekingum sem spjalla að ekki komi annað til greina en hart efnahagsstríð við Rússa, þótt mér finnist að það þurfi að ræða betur, og er sammála Ólafi Ragnari um að vandfarin er sú leið.

Einfaldlega er málið þetta að það vantar allan raunverulegan áhuga Íslendinga á sjálfstæði. Úr því að Frelsisflokkurinn kemst ekki inná þing eða Íslenzka þjóðfylkingin er alveg eins gott að kjósa Viðreisn eða Samfylkingu og ganga í ESB. Það mun auðvitað gerast.

Pútín mun aldrei vinna auðveldan sigur á Azovmönnum eða öðrum Úkraínumönnum. Ef hann sigrar, sem ég er farinn að efast um æ meira, verður sigur hans ætíð beizkjublandinn og vafasamur, ósigur að hluta til. Hann getur ekki haldið Úkraínu auðveldlega.

Úkraínustríðið hefur sýnt að nýnazistar eins og Azovmenn eru allt að því ósigrandi þegar bardagahugurinn er svona mikill og þjóðerniskenndin, eða allt að því, og geta kannski sigrað ofureflið, og fengið stuðning næstum allra á vesturlöndum einnig.

Valdatími Pútíns styttist, og þetta stríð hefur stytt hann augljóslega, og minnkað hans vinsældir, en hvað og hver tekur við þegar hann hrekst frá völdum? Verða það Úkraínumenn eins og hörðustu stríðsmennirnir þarna eða friðsamlegir lýðræðisflokkar eða eitthvað allt annað? Kannski kommúnistar af gamla skólanum með endurreista stefnu Stalíns?

 

Rússar að missa takið á Kerson

Misvísandi fréttir um árangur harðra sóttvarnaraðgerða víða

Ég vil leitast við að taka mark á sem flestum, ekki bara þeim sem ég hef tilhneigingu til að vera sammála. Í þessari viku var umfjöllun á Hringbraut, þar sem blaðamenn Fréttablaðsins fá tækifæri til að kynna sína Viðreisnar/Samfylkingarhlið á fréttum, en fréttin vakti athygli hjá mér, og var sett fram sem staðreyndaupptalning, sem hún sennilega er.

Hún fjallaði um hvaða áhrif Covid-19 faraldurinn hefur haft á meðalaldur á Norðurlöndunum, og er þá til marks um alvarleika faraldursins, því þar sem hann hefur verið verstur hefur meðalaldur þjóðanna lækkað, þar sem þeir elztu hafa horfið af sjónarsviðinu mest og látizt af völdum hans, eða samkvæmt opinberum skýringum, sem reyndar eru dregnar í efa.

Niðurstöðurnar voru þær að meðalaldurinn á Norðurlöndum hafi aðeins lækkað í Svíþjóð og á Grænlandi. Ekki veit ég skýringarnar á þessu með Grænland, en ekki kemur mjög á óvart að meðalaldur hafi lækkað í Svíþjóð, því þeir hleyptu veirunni lausri snemma, eða allt að því, þannig hafa ýmsir túlkað þetta, en auðvitað er það einföldun. Allavega, þar komst veiran inní sjúkrastofnanir og mannfall var mikið. Svíar misstu tökin að einhverju leyti á smitvörnum.

Þegar Ómar Geirsson kallaði Anders Tegnell sóttvarnarlækni Svíþjóðar fjöldamorðingja átti hann við þetta, að þar hafa tiltölulega flestir dáið í kófinu á Norðurlöndunum.

Ég hef áhuga á samsæriskenningum, en þessi tölfræði er sannfærandi. Við Íslendingar hljótum að vera þakklátir Þríeykinu, en sennilega voru það ekki bólusetningarnar sem björguðu heldur einangrunin á meðan skæðustu bylgjurnar gengu yfir, en Ómikronbylgjan sem nú hefur geisað eftir afléttingu er mun skárri eins og menn vita, og hefur þó tekið toll.

En það að meðalaldur hafi ekki lækkað á Íslandi, í Noregi, í Danmörku eða Finnlandi staðfestir kannski það sem sumir hafa sagt að faraldurinn hafi í þessum löndum verið eins og kvef, eða venjuleg flensa, þar sem lokanir voru viðhafðar og smitvarnir.

En það er að segja af fólki sem ég þekki og veit af, að verstu veikindin í kófinu hafa verið hjá þríbólusettu fólki, sem flest var þó fílhraust fyrir. Ég hef alls ekki trúað því auðveldlega að bólusetningarnar eyðileggi ónæmiskerfið í fólki, en þetta bendir til þess samt.

Mér finnst það skrýtið að fólk sem yfirleitt hefur ekki verið að fá árlegar flensur verður virkilega veikt af Covid-19 EFTIR þrjár bólusetningar, en ekki í fyrstu bylgjunni.

Skyldi eitthvað vera ósagt eða undarlegt við þessar tölur sem birtar voru á Hringbraut í vikunni, í þessari frétt?

Svo var reyndar önnur frétt í Fréttablaðinu um að harðar lokanir sóttvarnaryfirvalda hafi ekki haft áhrif yfirleitt þegar tekin eru saman lönd, þannig að þetta er skrýtin farsótt, eða kannski öllu heldur skrýtinn sýklahernaður, eða efnavopnahernaður, sem kannski er réttasta skýringin.

Álagið hefur skilað sér í langvarandi veikindum

Femínisminn er helstefna, dauðadómur Vesturlanda

Lýðræðisfasismi. Hvernig útskýrir maður það orð? Jú, að vilja þröngva öðrum þjóðum inná helstefnubraut femínismans, að vilja ekki viðurkenna ríkisstjórnir sem stuðla ekki að kvenréttindum. Að vera sama þótt lýðræðisfasisminn fækki fólki.

Jafnaðarfasismi Vesturlanda. Hvernig er hann? Fólk sem er á móti helstefnu flestra flokka fær síður vinnu, vini, maka og önnur tækifæri.

Úkraínumenn og aðrir sem eru stríðshrjáðir eiga sér viðreisnarvon, en ekki og aldrei þeir sem búa á Vesturlöndum, okkur fækkar vegna stjórnmálaástandsins í okkar löndum, þegar friður kemst á í stríðshrjáðum löndum heldur þeim áfram að fjölga.

Hverjir eru flóttamenn? Af hverju flýja svo margir Íslendingar til útlanda? Kúgun af völdum kennivalds sem setur útópískar kenningar ásamt valdi ofar skynsemi, réttlæti og mennsku?

Hvernig væri að háskólasamfélagið þyrði að viðurkenna Talíbana eða aðra sem ekki eru samkvæmt jafnaðarfasismanum? Á þar ekki að ríkja vizka og umburðarlyndi allra skoðana?

Talíbanar loka aftur framhaldsskólum stúlkna

Náttúrulegur sigur á örplasti - gleðileg frétt

Þetta er gleðileg og jákvæð frétt í öllu því sem gerir mann dapran í fréttum nútímans. Þessi frétt fjallar um sigur á mengun með náttúrulegum aðferðum, en það er hinn eini rétti sigur. Örplast er skelfileg mengun. Guð hefur yfirgefið manninn á þessari jörð og hér leika púkar lausum hala við að tæla, spilla og eyðileggja, og mannfólkið gerir sér ekki grein fyrir því að langflestir eru andsettir, því miður, eða geimverur í raun, ekki lengur mennskar verur.

Fyrrverandi umhverfisráðherra, Guðmundur Ingi Guðbrandsson, vann þrekvirki með plastpokabanninu, og í því ráðuneyti hefði hann haldið áfram að gera góða hluti, en er því miður í öðru ráðuneyti nú.

Margt kristið fólk veit að það á að sýna náttúrunni aðdáun og auðmýkt. Það má segja að það viðhorf sé einnig hluti af heimsmynd margra heiðinna manna, en þeir eru ekki eins á okkar tímum og þeir voru fyrr á öldum. Margur heiðinginn hefur spillzt og orðið andsetlingur vegna bágborins ástand mannkynsins allt, sem sagt tekið inní sig sál sem ekki er heiðin, en í andstöðu við skaparana og lífstefnumannkynin.

Með því að viðurkenna að púkar eru allsráðandi á jörðinni á okkar tímum erum við að færast einu skrefi nær lausninni, að læra af speki liðinna alda, trúarbrögðum og mannkynssögunni.

Slímugt grænmeti vinnur á örplasti

Það þarf að fjalla um sölu ríkisins á stórum hlut í Íslandsbanka í gær betur

Stundum flakka ég á milli útvarpsstöðva. Núna í dag var Reykjavík síðdegis á Bylgjunni með áhugavert viðtal um söluna á hlut ríkisins í Íslandsbanka sem átti sér stað í gær. Viðtalið minnti mig á viðtölin fyrir hrun 2008 um bankabraskið þá. Sem sagt, þessi stóri eignahlutur, 22, 5%, var seldur undir markaðsverði en sá sem talaði lofaði það og sagði það hafa verið gott, en ég skildi ekki rökin sem hann kom með. Ég er svo sem með enga menntun í þessu, en þetta þarf að fjalla um betur og skilgreina með gagnrýnum hætti.

En sumt sem hann sagði fannst mér hálf ógnvekjandi í ljósi sögunnar og því sem gerðist fyrir hrunið 2008. Hann sagði að gríðarlegar breytingar væru að eiga sér stað á fjármálamörkuðum heimsins nú um þessar mundir og eftir 5 ár verði bankaumhverfið allt annað, og skildist mér á því sem sagt var að risafjárfestar væru að eignast sífellt meira á heimsvísu. Þetta rímar alveg við það sem menn hafa verið að fjalla um hér á blogginu um New World Order, The Great Reset og allt það. Skuggalegt. Þeir ríku verða miklu, miklu ríkari á þessum tímum, og voru þó ógeðslega ríkir fyrir! Hvað er að gerast? Hvað er á seyði?

Ríkið á nú minnihluta í bankanum og viðmælandinn sagði að það væri gott og gleðilegt, mikið fagnaðarefni, en ég skildi ekki rökin, þótt sagt væri að viðtalið væri á mannamáli. Eitthvað var þarna óljóst og lítt útskýrt.

En hann talaði um verðbólguna á heimsvísu, og varla er það fagnaðarefni, þótt viðmælandinn hafi talað eins og allt væri þetta hið bezta mál.

Af hverju er verið að selja bankana á slikk? Af hverju sagði maðurinn að það væri hið bezta mál? Út af verðbólgunni? Það verður að setja þetta í eitthvað samhengi, heildrænt, þannig að hægt sé að vita hvað er á seyði.

Þessir viðmælendur eru svo oft með fagurgala, en lýsa ekki nema hluta sannleikans.

Helzt var hægt að skynja á honum að hann hræddist bankahrun, annaðhvort alþjóðlegt eða innlent, eða hvort tveggja, en talaði um að lífeyrissjóðir væru að kaupa mikið af þessu, og það væri gott, og heppilegra á Íslandi en í útlöndum. Samt sem áður er þetta allt eins og latína fyrir venjulegt fólk, og þarf að útskýra betur.

 

Ísland hefur misst mikinn stjórnvitring, Jóhannes Björn Lúðvíksson

Snillingurinn Jóhannes Björn Lúðvíksson er fallinn frá, einn frægasti samsærisáhugamaður Íslands. Mjög saknaði ég þess að hann skyldi ekki fenginn í Silfur Egils undanfarin ár, þar sem æskudýrkunin er farin að ráða frekar en vizkan.

Maður fylltist af aukinni aðdáun á honum þegar hann varaði við kreppunni fyrir 2008, auk þess sem hann var einn af rithöfundahetjum bernskuáranna, en bókin hans, Falið vald, var til á mínu æskuheimili, og las ég hana eins og margt annað fróðlegt og áhugavert.

Ég er viss um að hann hefði verið fær um að hrista upp í brestum skeknum samtíma okkar, ef hann hefði verið fenginn í Silfrið, en ekki áherzla lögð á þá sem kafa ekki djúpt í þjóðmálin og heimsmálin.

Til hvers er að vita af svona snillingum ef þeir fá ekki að láta ljós sitt skína í fjölmiðlum á meðan þeirra nýtur við og þeir eru á lífi? Hann var sorglega hógvær þessi síðustu ár sem hann lifði og skrifaði ekki jafn mikið í vefritin, því miður. Ég las þó stundum eftir hann færslur á Fésbókinni, og voru þær frábærlega skrifaðar, af þekkingu og innsæi, eins og við var að búast frá honum.

Vonandi að hann njóti góðrar uppskeru í framlífinu á framlífshnetti. Þessu tengt er að frétt vakti athygli mína í RÚV eða Stöð 2, um að einhver tók sig til og auglýsti störf sem aðeins væru fyrir 50 ára og eldri. Frábært framtak til að vinna gegn æskudýrkuninni skaðlegu.

Klikkun þarf til að skilja og útskýra klikkun nútímans og hliðar-raunveruleikana opinberu, sem eru boðaðir sem sannleikur meginstraumsfjölmiðlanna

Ég er sáttur við pistil Björns Bjarnarsonar sem birtist í gær, "Málsvarar hliðar-raunveruleika". Hann kemur með túlkun á samsæriskenningum sem er áhugaverð. Hann er nógu skynsamur til að kalla samsæriskenningar hliðarveruleika frekar en bull, og nær hann þar að hitta í mark. Það er að segja, eitt sérstakasta einkenni nútímans er einmitt að fólk hefur ekki sömu upplifun á veruleikanum, en þar með er ekki sagt að samsæriskenningar séu allar rangar, en þær eru hluti af mismunandi upplifunum og skoðunum.

En hvað geta svokallaðir hægriöfgamenn annað en beitt sömu aðferðum á vinstriöfgamenn og þeir beita með góðum árangri á annað fólk, til dæmis í borgarstjórn Reykjavíkur? Eins og góðir heimspekingar hafa bent á er nútími okkar klikkaður og sturlaður, og aðeins þeir geðveiku geta skilið hann og útskýrt, hvort sem þeir eru opinberlega stimplaðir klikkaðir eða ekki.

Hefur Björn Bjarnason gert sér grein fyrir því að vinstriöfgamenn (sem nú eru normið og hafa étið upp aðrar stjórnmálahreyfingar) hafa með góðum árangri búið til hliðar-raunveruleika sem nú hefur verið í lög leiddur, þess efnis um að kyn manna séu ekki tvö, eins og er líffræðilega raunsætt, samkvæmt sköpuninni, heldur eins mörg og andleg sköpunargáfa býður?

Þessar breytingar á veruleikanum, þessi vinstrisinna hliðar-raunveruleiki er ekki samsæriskenning heldur staðreynd sem fólk verður að temja sér, hvort sem það er auðvelt eða erfitt fyrir viðkomandi. Séu einhverjir meistarar til í því að búa til hliðar-raunveruleika eru það jafnaðarmenn og vinstrimenn, húmanistar, mannréttindafrömuðir og mannúðarsinnar, en ekki hægriöfgamenn eða hægrimenn, sem aðeins svara fyrir sig með því að túlka og skilgreina veruleika flestra jarðarbúa sem er kominn út fyrir öll venjuleg mörk.

Opinbera túlkunin á Covid-19 í alþjóðasamfélaginu, sem risalyfjafyrirtækin stjórna, er síðan talin skáldskapur og hliðar-raunveruleiki af mörgum sem hafa rannsakað þetta í grunninn og þekkja klækjabrögð billjóneranna.

Eins er það með einhliða afstöðuna gegn Rússum, það er nú farið að tala um hana sem sömu fjölmiðlahysteríuna, að málið sé upp of einföld mynd í spilltu meginstraumsfjölmiðlunum, allt í þágu elítunnar. Skrímslavæðing Rússa og Pútíns er kommúnískur, jafnaðarstefnufasískur hliðar-raunveruleiki húmanistanna sem eru svo áhrifamiklir í dag.

Björn Bjarnason hefur stillt sér upp nálægt miðjunni, sem málsmetandi maður, og hefur vit á því að halda sér þar, jafnvel þótt sú sama miðja færist til stjórnmálalega.

En af skrifum hans má stundum lesa að hann gerir sér grein fyrir því að sýndarveruleikarnir eru margvíslegir, og koma ekki allir frá hægrinu.