Viðvaranir um næstu heimsfaraldra frá samstarfsfólki Bill Gates

Í DV er sú merkilega frétt að samstarfsaðili Bill Gates varar við þrennskonar nýjum vírusheimsfaröldrum, og spurning hvort sú viðvörun er hótun í dulbúningi, eða eins og kunnugt er var búið að vara við einhverju svipuðu og gerðist með Covid-19 af Bill Gates og fólki á vegum lyfjafyrirtækja hans lengi. Að þessu sinni er það Mads Krogsgaard Thomsen, forstjóri Novo Nordisk sjóðsins sem vinnur með Bill Gates og gefur yfirlýsingu af þessu tagi.

Á sama tíma og verið er að vara við er hugsanlegt að bæði sé búið að framleiða veirurnar til að valda sjúkdómunum og bóluefnin. Slíkt er alveg mögulegt innan vísindaheimsins.

En eins og kunnugt er hefur Joe Biden Bandaríkjaforseti gefið það út að ekki sé hægt að útiloka að Covid-19 sé manngerð veira. Þessi yfirlýsing hans, sem andstæðings Donalds Trumps, sem hélt þessu fram lengi, er í raun viðurkenning á að þannig sé þetta frekar en að úldnar leðurblökur hafi valdið veikindunum.

Nú er sú breyting orðin að staðreynd í heiminum að um það bil 80% mannfjöldans lætur allt yfir sig ganga og gerir ekki uppreisnir, fyrst þetta er vitað en flestir láta sér standa á sama. Með einhverjum hætti hefur tekizt að þrælka mannkynið og gera það sljótt, hlýtt og eftirgefanlegt, kúgað. Raunar var búið að spá því að George Soros og aðrir billjónamæringar hefðu þetta að markmiði, Frankfurt skólinn um áratugi, The Great Reset og allt það. Er búið að ná því markmiði núna þannig að fólk hugsi bara um fánýt málefni og láti kúga sig? Skuggalegt ef rétt er.

Frankfurt skólinn byrjaði um 1920, þannig að þetta er þá 100 ára kommúnísk áætlun, menntamanna og afreksmanna þess tíma, og segja má að heimsmynd þeirra lifi nú öflugri en nokkrusinni fyrr í æskufólki nútímans.

Ég tek það fram að samsæriskenningarnar um Bill Gates eru auðvitað ekki sannaðar. Þó er hægt að fullyrða sumt. Það er hægt að fullyrða að fólk sé sljótt og eftirgefanlegt. Engin búsáhaldabylting á Íslandi þótt vitað sé með næstum algerri vissu að Covid-19 var manngerð veira. Hversvegna engin meiriháttar mótmæli útaf því, og öllu tapinu sem af faraldrinum hlauzt, og fólkinu sem hefur dáið þessvegna? Hversvegna þessi sljóleiki? Af því að hægrimenn frekar en vinstrimenn eru talsmenn gagnrýni af þessu tagi?

Stefnan virðist vera að bíða faraldurinn af okkur

Ólafur Ragnar segir Vesturlönd bera mikla ábyrgð á stríðinu í Úkraínu.

Nú þegar hafa myndazt andstæðar fylkingar manna í afstöðu til Rússa og Úkraínumanna. Það sem maður veit fyrir víst er að hrottaskapur Rússanna er mikill, eða þannig eru fréttirnar, en hvort stríðinu var komið af stað af Vesturlöndum er spurning, en sumir hafa haldið því fram, og að minnsta kosti að einhverju leyti má segja það, bæði orð Bidens, en þó ekki sízt andstaðan við Pútín lengi frá Vesturlöndum, sem hefur vakið upp ótta hans við að Úkraína væri að verða óvinaríki Rússa, og Natódaður Úkraínu, og áhugi þeirra á vestrænni menningu, sem er augljós.

Það sem Ólafar Ragnar fyrrverandi forseti Íslands sagði í Silfrinu var kjaftshögg á elítustjórnmálin á RÚV, og Egill var hálf kauðalegur með skökku gleraugun sín í lok þáttarins, eins og hann hafi ekki náð að veiða stórfiskinn sinn, Ólaf Ragnar, til að tala Rússahatandi elítunni til ánægju nægilega mikið.

Ólafur Ragnar Grímsson, fyrrverandi forseti Íslands, vildi sem sagt alls ekki kannast við það að Pútín væri klikkaður fjöldamorðingi að upplagi, heldur hefðu aðstæðurnar rekið hann til að gera þetta, og rússnesk menning, tíðarandinn hefði breyzt svona í Rússlandi öllu.

Sennilega veit hann hvað hann er að segja, hann þekkir rússneska menningu og Rússa almennt. Orð hans vega þungt í umræðunni að minnsta kosti, og hann er miklu skynsamlegri en margir í málflutningi sínum, og þroskuð eru ráð hans.

Áhugavert var að hann sagði Vesturlönd bera mikla ábyrgð á þessu og stækkun Nató, sem hefði ögrað Pútín útí þennan hrylling, sem stríðið er.

Með þeim rökum ætti að minnka Nató með skipunum frá yfirstjórn þess, til að það haldist sem friðarbandalag, en ekki vitlaus jafnvægisstöng í heimspólitíkinni sem ögrar Rússum og hræðir þá útí svona skelfileg stríð. Ólafur Ragnar vitnaði í sjálfan Henry Kissinger, 99 ára öldunginn, fyrrverandi stjórnmálamenn og stjórnvitring úr bandarísku stórskotaliði utanríkisþjónustunnar. Orð hans hljóta einnig að vega þungt og vera merkilegt innlegg í umræðuna.

Hver er ábyrgð Íslendinga og annarra sem viðurkenndu sjálfstæði þjóðarbrotanna sem urðu til eftir upplausn Sovétríkjanna? Var sjálfstæði þeirra byggt á draumórum? Samkvæmt þeim sem vilja leysa upp þjóðríkin, en sú hugmyndafræði er vissulega sterkust innan vinstrisinnaðra fjölmenningarsinnanna útum allan heim, og því stangast þetta allt á, að styðja sjálfstæði Úkraínu og hata Rússa en vilja fjölmenningu og útrýma þjóðahugtakinu, landamærum og öllu sem aðskilur og hvetur til stríða eða deilna.

Hvernig getur fjölmenningarfólkið vinstrisinnaða hatað rasista og nazista ef satt er að þannig fólk sé í Úkraínu að berjast fyrir sjálfstæðinu þar? Hverskonar þversögn og rugl er það í góða fólkinu sem vill fjölmenningu og frið?

Alla vega, misvísandi er margt í þessu.

Fréttirnar um fjöldamorð Rússa eru ógeðslegar og verða ógeðslegri með hverjum deginum sem líður, bæði frá RÚV og öðrum, og þær eru augljóslega valdar til að efla andúð á Pútín og Rússum. Skil ég ekki hver græðir á því að sprengja upp spítala, elliheimili og annað, eins og rússneski herinn vilji efla andúðina á Rússum sjálfum. Það er óskiljanlegt. Varla er þó hægt að trúa því að allt séu þetta falsfréttir í RÚV, eða hinum meginstraumsmiðlunum, því sagt er að myndir eða kvikmyndir ljúgi ekki og séu ætíð sannleikurinn.

En í gegnum fréttaflutninginn á RÚV skín þó þetta, að aldrei eru sýndar fréttir um hörmungarnar í Rússlandi vegna efnahagsþvingananna, særða rússneska hermenn eða þeirra hlið á málinu. Það segir allmikið um hverskonar áróður er sendur út frá RÚV, og fleiri meginstraumsmiðlum. Samúðin er þó með Úkraínumönnum, nema maður skilur ekki hversvegna Rússar eru að sprengja spítala, elliheimili og slíkt.

Kasta heimagerðum sprengjum í skriðdreka

"Fæ mér aðra" eftir Megas frá 2001, túlkun.

Þetta er lokalag plötunnar "Far þinn veg", frá þessu ári með Megasi. Ljóðið fjallar um samskipti kynjanna, á yfirborðinu að minnsta kosti. Ég hafði áhuga á að kynna mér hvað Megas segði um ljóðið, og spurði hann þessvegna að því. Hann sagði að þetta fjallaði um meðferð mannsins á jörðinni en ekki samskipti kynjanna, og ekki er hægt að rengja hann með það, höfundinn, þótt ég hafi nokkuð efazt fyrst þegar hann sagði þetta, því mér fannst ekki augljósar vísbendingar í þá átt, en það má þó vel vera, því hægt er að túlka ljóðið þannig.

Ég var ósáttur við ýmislegt í ljóðinu og skal ég telja það upp. Fyrir það fyrsta í fyrstu setningunni:"Það er eitthvað meira en lítið dauft hljóð í dísum".

Hann er greinilega að fjalla um vafasamar manneskjur skemmtanalífsins, en ekki dísir sem slíkar. Það á ekki að upphefja það sem mannlegt er. "Þú skalt ekki leggja nafn Drottins Guðs þíns við hégóma, því að Drottinn mun ekki láta þeim óhegnt, sem leggur nafn hans við hégóma" fjallar um þetta, en upphaflega merkingin á eingyðishugtakinu Guð er að margra áliti margir guðir og mörg goð, og það nær því yfir heiðin goðmögn einnig, eins og til dæmis dísir, og því brot á þessu boðorði að telja þessar manneskjur sem fara í taugarnar á manni dísir.

Reyndar kemur önnur skemmtileg líking í þessu sama erindi, sem sannar að skáldið hafði það sama í huga, og kann því notkun orðsins að vera háð í þessu sambandi, en yfirleitt á allsekki að nota goðatengd nöfn nema í æðri tilgangi til að afhelga ekki þessar heilögu verur.

"Það er ekki von að hátt fljúgirðu án fjaðra", er sú setning sem ég á við að sé skemmtileg líking. Eins og vitað er þá eru púkur (kvenkyns púkar) Vítis taldar í mynd leðurblaka stundum, og því ekki fiðraðar eins og englar og englur, og því má segja að þessi sami skilningur komi fram hjá Megasi, að skemmtanalífsviðföngin sem um er ort séu vítisættuð en ekki himnaríkisættuð.

Síðan kemur í öðru erindinu orðalag sem fór í taugarnar á mér þá, en ég skil núna betur og er sáttari við. "En þú varst aldrei meir en ein uppblásin blaðra", ég býst við því að löngu tímabært sé að tippa á aðra", er þessi setning.

Þannig var að ég bjó til hljómdisk sem heitir "Svo þung og þægileg", sem er óútgefinn enn, frá þessu ári, og þar lýsi ég áhuga á svona feitlögnum konum, en mér fannst í þessari setningu vera hefðbundnir fitufordómar sem ég hafði fengið nóg af hjá öðrum og taldi, eða vonaði að Megas væri yfir þá hafinn. Svo sagði hann að þetta væri um jörðina og egó mannkynsins, og ég taldi það raunar góða skýringu, en átti svolítið erfitt með að sannfærast þá, en er örlítið sannfærðari núna.

Í þriðja erindinu lýsir skáldið því hvernig "allt sem hann meikaði ekki" væri í viðfangsins líki, semsagt síblaðrandi, þriflegrar konu, með margvíslega og óþolandi lesti, sem lýst er í kvæðinu.

Í fjórða erindinu kemur síðan fram ákveðið viðhorf, um að valdið sé karlsins að hafna, sem er vald beggja, en ef þetta er undirmálskona af ákveðnu tagi getur það átt rétt á sér. Síðan kemur þar fram þessi trúarlega tilvísun enn og kristilega, að það fari bara viðfanginu að daðra við djöfulinn, og má segja að álit ljóðmælandans verði æ minna eftir því sem lengra líður á ljóðið á viðfanginu, hvernig sem rétt er að túlka það.

Þetta er margslungið ljóð, sem vísar fram í tíma, og segja má að það eigi miklu betur við okkar nútíma en þann tíma þegar það kom út, 2001, því hatrið á milli kynjanna er að minnsta kosti orðið miklu meira áberandi nú en áður, með Eddu Falak og sífellt fleiri opinberum aftökum og smánunum á hinu kyninu.

Í fimmta erindinu er viðfanginu lýst með orðinu geðveiki, sem á mjög vel við um femínista og þeirra heimsmynd, þar sem eigingirni og sjálfhverfa leika aðalhlutverk, og ranghugmyndir almennt að öllu leyti.

Í sjötta erindinu er svo minnzt á vélráð í þessu sambandi, og það einnig vel við. Baráttan um samfélagsvöld, áhrif og heilagleika innan samfélagsins er full af vélráðum, og samtakamáttur kvenna meiri og hefur alltaf verið í gegnum aldirnar í vélráðabeitingu og plottum slíkum. Án opinbers yfirvalds karlkynsins er því hægt að segja að alvald kvenkynsins sé að verða að raunveruleika með hræðilegum afleiðingum.

Í sjötta erindinu kemur þetta vel fram, að viðfangið sem ort er um, er einhverskonar tegund af kvenréttindabrjálæðingi, því orðið "fólskuplott" gefur það til kynna að vænisýki, ofsóknarbrjálæði femínistans sé það sem um er ort. Því er spádómseinkenni á þessu ljóði Megasar, það vísar fram í versnandi helstefnutíma og haturstíma nútímans, niðurrifs og eyðileggingar menningarinnar sem blasir við.

Í sjöunda erindinu er enn klykkt á þessu sama. Þar kemur þetta fram hjá Megasi, að áhugaleysið á kynþokka viðfangsefnisins sé tilkomið vegna vondrar sálar og mannhaturs, eða lasta og galla andlegra. Þar má því gera ráð fyrir stigmögnun stríðsástandsins, stríðsins á milli kynjanna.

Í áttunda erindinu er því svo lýst að föt og skartgripir og slíkt "færi ekki klukkuna til baka", og það er opinberun í ljóðinu, og því ljóst er að ort er um eldri konu, en ekki unga, sem reynir að hylja hrukkur og ellimerki með snyrtivörum, sennilega.

Svo er það níunda og síðasta erindið. Það er andlegast og djúpspekilegast. Þar yrkir skáldið sem svo: "Það er falskur tónn sem bjagar allt það sem bezt er búandi í þér, útí hött að taka séns".

Þetta er nokkuð óljóst orðalag að vísu, en gefur þó til kynna að ástæðurnar fyrir áhugaleysinu af kveðandans hendi séu flóknari en útlitslegar, og fitufordómar eða feitt útlit því aðeins afsökun eða toppurinn á ísjakanum á því sem honum finnst að og óaðlaðandi.

Eiginlega má lesa útúr þessum orðum, að konan sem ort er um, eða viðfangið, hvert sem það nú er, sé ekki í tengslum við tilfinningalíf sitt eða rökhyggju, og sé fíkill, að daður hennar sé ekki gert af einlægum áhuga á honum, heldur búi eitthvað annað undir, von um vímu af einhverju tagi.

Þarna nær kvæðið hápunkti sínum í margræðni og skáldlegri dýpt, en kannski of miklu púðri eytt í að lýsa löstum viðfangsins, en það er auðvitað smekksatriði, svo sem. Það hversu mikið efni fer í að lýsa löstunum gefur þó til kynna þráhyggju skáldsins og hversu erfitt hann á með að sleppa og segja henni upp, sem ort er um.

Síðan er þarna í níunda og síðasta erindinu fjallað um "sjúklega noju eitrandi frá sér og fláttskap", og "ekki rúm fyrir minnsta sens". Þessi orð eru góð lýsing á kvenréttindakonum sem sjá körlum allt til foráttu og græða á þeim á allan hátt.

Í heildina litið er þetta einnig góð lýsing á okkar vestrænu menningu, hvernig hún er útblásin peningahyggja og efnishyggja, hrunin í raun, þótt hún hangi enn starfandi með herkjum, vegna þess að innflæði fjármagns frá ofurríkum billjónamæringum er til "hjálpar", samkvæmt þeim sem bezt vita um þessi efni.

Ég var svolítið ósáttur við Megas þegar ég ræddi við hann um þetta ljóð á þessum tíma, en hann sagði að hann fengi alltaf verstu gagnrýnina fyrst þegar eitthvað væri nýútkomið, og síðan sæi fólk það í öðru og betra ljósi, og núna rúmlega 20 árum síðar fellst ég á að hann hafði rétt fyrir sér. Þetta ljóð er miklu merkilegra og flóknara en í fyrstu virtist. Maður sér það sem maður vill sjá og túlkar allt útfrá sínum takmörkunum - en möguleikum og kostum, skoðunum og viðhorfum um leið, fordómum jafnvel, sem allir hafa, þeir eru bara misjafnir.

Ef borinn er saman kveðskapur vinanna og félaganna Bubba Morthens og Megasar kemur það samstundis í ljós að kveðskapur Bubba Morthens er einhliða og einfaldur, tjáning, þar sem lært ljóðmál er þó oft notað, en kveðskapur Megasar er dulvitaður, meistarastykki sem sífellt koma á óvart í margræðni sinni.

Þessi túlkun mín getur kannski hjálpað einhverjum til að sjá fleiri hliðar á kveðskap Megasar en í fyrstu virðast augljósar. Skáldskapur hans er snilld, þótt eitthvað fráhrindandi geti stuðað í fyrstu, það er misjafnt eftir því hvaða skoðanir og viðhorf maður hefur eða samfélagið hefur kennt manni.

 

Viskastykki

Þessi frétt er um hvernig eigi að djúphreinsa "vizkustykki", sem amma reyndar kallaði viskastykki, minnir mig, frekar en vizkustykki.

Orðið  viskastykki er talið leitt af sögninni að viska, þurrka af, frá 18. öld, frekar en nafnorðinu visk, sem merkir vöndull eða knippi, og allrasízt af vizku, og því orðmyndin vizkustykki mjög hæpin.

Þetta er eitt af þeim orðum sem sýna og sanna hvað zetan er nauðsynleg til að bæta málvitund fólks. Þegar maður notar zetu dettur manni sízt í hug að skrifa eða segja vizkustykki, því lítil vizka er í þessum tuskum. En báðar orðmyndirnar eru til, viskastykki og viskustykki eða vizkustykki.

Meistari Sverrir Stormsker gaf annars út ljóðabók fyrir mörgum árum sem hét Vizkustykki, og gerði hann þar grín að þessari orðmynd.

Auk þess gerði Þórarinn Eldjárn stórskemmtilega smásögu eitt sinn sem heitir "Lífheimur borðtuskunnar", þar sem hann gerir stólpagrín að vísindaheiminum í heild sinni fyrir að beina stundum athygli sinni að fánýtum viðfangsefnum, að því er virðist.

Erfiðara er að hreinsa menn af synd og Metooskömm en borðtuskur, en álit kvenna á nútímamönnum er þó ekki meira en á borðtuskum almennt, séu þær grimmdarfemínistar með enga sjálfstæða skoðun umfram kennivald sitt.

En hvort hægt er að hreinsa konur af Metoomannhatri og femínisma, eitruðum kvenleika, er því jafnvel brýnni spurning en hvort hægt sé að hreinsa eitraða karlmennsku, vizkustykki eða viskastykki.

Svona djúphreinsar þú viskustykki

Er Evrópusambandið eins almáttugt og voldugt og maður les um í Fréttablaðinu?

Sigmundur Ernir fer mikinn gegn í leiðara Fréttablaðsins og upphefur ESB mikið, og segir það "líklega vera stærsta pólitíska afleik Sjálfstæðisflokksins frá upphafi" að standa gegn ESB, "hunza helzta efnahagsbandalag álfunnar", og svo framvegis. Setur hann Úkraínustríðið í þetta samhengi, enda nota ESB fíklar hvert tækifæri til að koma dýrkun sinni á því á framfæri.

Ég hef stundum í kaldhæðni minni en hálfvegis alvöru daðrað við þá hugmynd að úr því að Íslenzka þjóðfylkingin, Frelsisflokkurinn og aðrir raunverulegir þjóðernisflokkar fá sáralítið fylgi sé eins gott að ganga í ESB og hætta sjálfsblekkingardraumum um sjálfstæði landsins. Þetta hef ég sagt í uppgjöf, þegar mér hefur fundizt skorturinn á þjóðernisstolti og þjóðernishyggju slíkur að eins gott sé að gefast upp og ganga í ESB.

En þvert á marga sem sjá styrk í ESB á þessum tímum finnst mér örvæntingarfull viðbrögð þeirra við Úkraínustríðinu ekki bera vott um afl.

Þeir sem hafa verið að benda á að ESB, Natóríkin og aðrir sem berjast með viðskiptaþvingunum við Rússa séu að skjóta sig í fótinn hafa auðvitað margt til síns máls.

Það er undarlegt að ESB fólkið sé svo draumlynt að það hafi verið að átta sig á alvöru kaldastríðsstaðreyndanna núna fyrst, þegar einræðisherrann í Rússlandi sýnir grimmd sína fyrir alvöru.

Alvara kaldastríðsstaðreyndanna er auðvitað sú að allt tal um lýðræði er hlægilegt þegar til eru kjarnorkuvopn og önnur gereyðingarvopn. Fyrst þarf að útrýma öllum gereyðingarvopnum, og þá fyrst er hægt að tala um samtakamátt voldugra þjóða gegn einræðisherrum, brjálæðingum og ólýðræðislegum öflum. Á meðan kjarnorkuvopn eru til er alltaf hættan fyrir hendi að þau komist í óvandaðra hendur. Það hefur nú gerzt, Pútín er ekki sá sakleysingi sem óskhyggjufólkið hefur haldið hann vera.

Málflutningur jafnaðarfasistanna kemur allur úr Disneymyndum þar sem hið góða sigrar að lokum, og að þessvegna beri að hleypa vonda úlfinum inn til ömmunnar og leyfa honum að gleypa hana, því það sé hægt að breyta sál hans, eins og gerist í framhaldsþáttunum og bíómyndunum svo oft.

Sigmundur Ernir fullyrðir að ESB sé voldugt friðar og efnahagsbandalag. Ja, ESB sambandið hefur úrkynjað þjóðirnar í Evrópu sem aldrei fyrr, þannig að hún er nú varnarlaus á öllum sviðum, löndin eru fátækari og máttlausari hvert fyrir sig, fólksfækkun og minnkandi frjósemi er afleiðing femínismans sem þar eyðileggur allt, efnahagurinn í ESB er heldur ekki eins glæsilegur og Sigmundur Ernir reynir að telja lesendum trú um. Fyrir utan augljósar kröggur og erfiðleika sumra ríkja í efnahagsmálum, þá má færa fyrir því rök að ef löndin í Evrópu stæðu öll sjálfstæð gætu þau stuðlað að meiri hagvexti ein og sér en ekki bundin á klafa einokunarbandalagsins ESB. Reglufarganið í ESB er allt og alla lifandi að drepa og siðferðisklafinn svo þungur að konur sem hata karlmenn fá völd.

ESB er því löngu, löngu úrelt fyrirbæri, og nú í Úkraínustríðinu fór til fjandans síðasta röksemdin fyrir tilvist þess, að það gæti stuðlað að friði í Evrópu til eilífðar.

Það er ekki lengur friður í Evrópu, og Evrópusambandið er næsta máttlaust í stríðinu við Rússa og Pútín. Sjálf undirstaða Evrópusambandsins er brostin.

Þegar það gerist kemur áróðursdeildin yfirleitt og reynir að halda öðru fram. Sú áróðursdeild er meðal annars í Fréttblaðinu.

Ég þarf ekki að vera vinstriöfgamaður eða gamaldags kommúnisti til að vilja afvopnun gereyðingarvopna. ESB er ágætt fyrirbæri þegar allt annað þrýtur, en sjálfstæði þjóðanna og þjóðríkjastefnan er betri fyrir þá sem hafa trú á mannskepnunni og vilja frelsi og sjálfstæði til að fólk megi sjálft brjótast til valda og áhrifa, koma sér áfram í vel launaða vinnu, eða úr hverskyns hamlandi kringumstæðum.

Íslenzka þjóðfylkingin ætti til dæmis að fá helming atkvæða Íslendinga og Frelsisflokkurinn helming atkvæða. Vinstriflokkarnir ættu ekki að vera til. Inga Sæland og Flokkur fólksins vinna að þeim málum miklu betur, enda er munurinn á vinstriflokkunum og hægriflokkunum sá, að vinstriflokkarnir búa til skuldir og lofa öllu fögru, en hægriflokkarnir eins og Flokkur fólksins framkvæma loforðin og búa til hagvöxt sem vinnur gegn skuldasöfnun.

Ef Íslendingar væru með réttu ráði og ekki dáleiddir, andsettir og ekki með sjálfum sér, myndu þeir kjósa Flokk fólksins, Frelsisflokkinn og Íslenzku þjóðfylkinguna. Sjálfstæðisflokkurinn fengi kannski einhver atkvæði, en honum yrði refsað fyrir að hafa verið undanlátur vinstriflokkunum og farið frá upphaflegri stefnu sinni.

Ég hef ennþá þá trú að við munum upplifa þessa framtíð hér á Íslandi eins og annarsstaðar, að gömlu flokkarnir hverfi alveg, sérstaklega vinstriflokkarnir, og að þjóðernisflokkar nái til frambúðar völdum og geri allt betra.

En, það er aðeins hægt að höfða til skynsemi fólks og rökhyggju. Sú aðdáun sem ég hafði á Pútín Rússaforseta og einræðisherra er nú óðum að dvína og þverra, því ofbeldisbeiting hans er veikleikamerki, hann finnur að Vestrið er að éta af hinu mikla Rússlandi, og þetta eru hans viðbrögð. Ef hann hefði reynt þetta 2014 hefði honum kannski tekizt betur til, kannski, kannski ekki. Það er greinilega öflug þjóðernishreyfing í Úkraínu hvort sem það er rétt að nazistar séu þar eða ekki, en öðruvísi myndi þeim ekki ganga svona vel að standast rússnesku stríðsvélina, sem er ógnaröflug.

Úkraínumenn eru sigurvegarar Úkraínustríðsins, hvernig þeim tekst að halda ofureflinu í skefjum. Jafnvel þótt þeir tapi landi sínu endanlega, verður þess lengi minnzt, hvernig þeir börðust hetjulega.

Biden og Xi Jinping ræða saman á morgun

Eigum að vera löt (ljóð frá 9. janúar 2022).

Hann sem hún í tómi.

Við verndum það,

en skelfing skríður inn...

hvað ef... það er búið,

og veruleikinn annar.

Þér finnst það aðeins.

 

Það eru græn grös á þeim völlum,

en grá steinsteypa í þeim sálum,

þessvegna eru þau geimverur,

en ekki mennsk,

og það er augljóst.

 

Ég vil ekki frægðina lengur,

ég hef hafnað henni,

og ef kvenhatur og karlhatur er þeirra leið

og heimshatur líka...

Við eigum að vera löt,

og gera ekkert.

 

Hann mun ekki reyna,

því egóistar þurfa sitt ljós,

og munu alltaf sigra

á þeim vígvelli.

Leyfum þeim að skína eða myrkvast og myrkva allt.

Forræðishyggja enn, mun hún virka?

Sífellt fleiri þjóðir eru farnar að meðhöndla nikótín og sígarettur sem eiturefni eins og hörð vímuefni. Sérstaklega þó þegar kemur að aðgangi yngri kynslóða að sígarettum og öðru tóbaki. Það er svolítið erfitt að sjá það fyrir að hægt sé að hindra að þeir nái sér í tóbak sem vilja með þessu.

Ég man nú eftir því að fullorðnir voru (og eru sennilega enn) keyptir til að kaupa sígarettur fyrir unglingana. Hvernig verður þetta þá í framtíðinni? Verður helzta gróðalind fólksins á elliheimilunum að kaupa tóbak fyrir yngri kynslóðirnar?

Fáránleikinn í þessu er algjör. Á svo að banna allar matvörur sem eru fitandi, og áfengi nema í vissum tilfellum? Fólk heldur áfram að veikjast og deyja samt, og þá koma bara önnur mengandi efni til sögunnar sem flýta fyrir dauða, eins og kjarnorkuúrgangur, efni eftir efnahernað og sýklahernað, og þannig mætti lengi telja. Þetta er allt svo flókið, og enginn endir á ógnum þeim sem mæta fólki. Sízt í brjáluðum heimi.

Danir íhuga kynslóðabann við nikótíni

Reynt er að nota Úkraínustríðið sem ESB-áróður, ekki allir sammála því.

Fréttablaðið er ókeypis málgagn ESB-sinna, Viðreisnar og Samfylkingarinnar. Þetta hefur verið á allra vitorði frá því útgáfan hófst fyrir um það bil 20 árum, það hefur fólk séð bara með því að lesa ESB-hlynntar fréttir þeirra. Eigendaskipti hafa svo bara fest þessa stefnu enn meira í sessi, ef eitthvað er.

Bakþankar Péturs Georgs Markan í dag eru þessu marki brenndar, að vera ESB áróður. Hann hrósar orðum Ingibjargar Sólrúnar Gísladóttur, hins gamla kvenréttindaskörungs með meiru í Silfrinu á RÚV síðasta sunnudag, þar sem hún sagði að varnarmál væru alþjóðleg skuldbinding um "styrkingu frelsis, lýðræðis og mannréttinda. Í þessu ljósi væru ESB-mál ekki bara komin á dagskrá, heldur væru akút umræða í dag".

Evrópusambandið er af mörgum talið Sovétríki nútímans. Það er alls ekki talið lýðræðisklúbbur eða sérstakur mannréttindaboðandi, og sízt frjálst fyrirbæri, eða það sem boðar frelsi fyrir þjóðir og lönd.

Vinstrimenn eru vanir að afvegaleiða umræðuna með því að saka andstæðinga sína um það sem þeir gera og nota falleg orð yfir sín skelfilegu verk.

Það má spyrja sig að því hvort Fréttablaðinu hafi verið dreift ókeypis í yfir 20 ár á Íslandi vegna þess að Evrópusambandið hafi staðið straum af þeim gífurlega og stanzlausa ESB-áróðri sem dunið hefur á landsmönnum með þessu blaði?

Það er jú vel þekkt að kommúnistaflokkurinn í Sovétríkjunum stóð á bakvið menningarútgáfu bóka og tímarita um vinstrimálefni mjög lengi. Varla neitt nýtt í þessu, Íslendingar eru ginkeyptir eins og venjulega, komi áróðurinn frá allsterku valdi.

Er Evrópusambandið eitthvað friðarbandalag? Samsæriskenningar voru uppi um það að Evrópusambandið hefði staðið á bakvið Covid-19 farsóttina. Angela Merkel hafði verið á fundi einmitt í Wuhan í Kína skömmu áður en ósköpin dundu yfir. Fólkið sem fundaði með henni hafði ýmis tengsl við verksmiðjur, lyfjarisa og auðhringi. Síðan var netið hreinsað á löngum tíma af flestöllu sem ekki studdi við meginstraumsmiðlana og þeirra boðskap, Joe Biden, Evrópusambandið og virtar stofnanir.

Mjög, mjög grunsamlegt allt saman, þótt ekki sé nú meira sagt.

Síðan hvarf Angela Merkel af sjónarsviðinu. Ætli hún sé ekki búin að láta ýmislegt hverfa sem getur bendlað hana við Covid-19?

ESB-friðarbandalag fullkomið þar sem ekkert er að, ekkert gagnrýnivert, ekkert misjafnt... nú þarf hver og einn að gera það upp við sig.

Þrír forsætisráðherrar heimsækja Kænugarð

Hnignun og hrun siðmenningarinnar hefur mörg andlit nú til dags

Siðmenning og dómstóll götunnar fara ekki saman. Villta vestrið eða fallaxaómenning frönsku byltingarinnar eru ekki siðmenntuð fordæmi til að herma eftir.

Slaufunarmenning er félagslegt ofbeldi og ætti ekki að taka mark á slíku. Vandinn við nútímafólk er hversu mikið það lætur stjórnast af ótta. Ótta við almenningsálitið, ótta við kófið, og svo framvegis.

Fólk getur verið ósátt við dómskerfið, en það eru til betri leiðir til að bæta það en að falla ofaní gryfju villimennsku, sem fylgir dómstól götunnar.

Eiríkur Örn Norðdahl á skilið hrós og virðingu fyrir að þora að taka á þessu máli með gagnrýnum hætti, þannig að vandi nútímans kemur í ljós og reynt er að skoða margar hliðar málsins.

Skyldi þetta vera ein afleiðing af mörgum af fjölmenningunni, minnkandi kirkjusókn, kvenréttindabaráttunni og almennri upplausn í samfélaginu? Kristnir menn hafa lengi haldið því fram að veiklun þjóðkirkjunnar hefði svona áhrif.

Það vantar skilgreiningu á slaufunarmenningu

Þeir sem bjuggu til Covid-19 veikina jafnast á við stríðsglæpamenn 20. aldarinnar.

Fullsprautuð þjóðin af gagnslitlum og kannski skaðlegum Covid-19 sprautum veikist sem aldrei fyrr af Covid-19. Hverskonar farsi er þetta eða fangabúðahryllingur a la útrýmingabúðir á okkar kostnað til að láta erlenda lyfjarisa græða?

Ég veit dæmi þess að fullhraustir menn sem sjaldan veiktust af flensum eru farnir að veikjast af flensum og taka Covid-19 og veikjast mikið af þeirri veiki sem sprauturnar áttu að verja fyrir EFTIR BÚSTIÐ - þriðju sprautuna, vel að merkja, sem átti að fyrirbyggja að minnsta kosti alvarleg veikindi og smit. Passar vel við þá kenningu sem kom fram meðal sumra að sprauturnar væru að skemma ónæmiskerfin í fólki og gera meiri skaða en gagn. Ekki er ég fullviss um það, en hægt er að draga þær ályktanir af fullbústuðu fólki sem margveikist af Covid-19 og ýmsu öðru, jafnvel verr en fyrir "bólusetningarnar," (erfðabreytingarnar í raun).

Nýja bústið í Frakklandi, skammtur fjögur. "Við fengum hjarðhegðun en ekki hjarðónæmi" sagði ágætur bloggari í vetur og hafði rétt fyrir sér.

Willum Þór tekur öðruvísi á málunum en Svandís Svavarsdóttir. Hann er mjög tregur að skella öllu aftur í lás og setja allt á fullt í takmörkunum, en viðurkennir að það komi til greina samt.

327 starfsmenn Landspítala í einangrun