Kreppa framundan segir Alþjóðagjaldeyrissjóðurinn

RÚV felldi lítið viðtal við Jón Daníelsson prófessor í hagfræði inní frétt um yfirvofandi dýpri kreppu á næstunni í heiminum.

Ef þessi kreppa verður ekki móðir allra kreppa verður það bara vegna þess að ofurglæpamennirnir sem hafa náð valdi á heiminum telja það ekki sér í hag. Kvenréttindi og Metoomál hafa rústað efnahag landanna, stöðvunin útaf kófinu, og svo flóttamannahjálp og fjölmargt annað.

Jóhannes Björn Lúðvíksson hafði fjallað um þetta lengi, sem nú er nýlátinn, á þessu ári.

Það kom fram í fjölmiðlum um helgina að MH mótmælin voru vel skipulögð einsog vinstrisinna mótmæli eru einatt. Mótmæli nú til dags eru bara til að auka helstefnuna, eyðileggja menninguna, stuðla að sigri geimveranna, útrýma mannkyninu endanlega.

Hversvegna er ekki heimurinn uppfullur af mótmælum núna þegar elítan er búin að arðræna mannkynið og þetta er niðurstaðan?

Lýðræðið er ekki til, það er brandari, það er yfirskyn. Almenningur er heilaþveginn, fólki er stjórnað eins og sauðfé.

 

Það kemur ekkert á óvart við rússneskar kosningar og þær eru bara skemmtilegar og augljósar. 

Vesturlönd nota aðra aðferð til að búa til úrslit og falsa niðurstöður, með innrætingu, heilaþvotti, með fullkominni stýringu á samfélaginu, með innrætingu barna allt frá fæðingu til grafar, Frankfurt skólinn, þar sem vísindi og tækni eru notuð sem stjórntæki elítunnar.

 

Niðurstöður í kosningum á Vesturlöndum eru nær alltaf rangar og ekki í samræmi við raunverulegan vilja fólks, þegar fólk VEIT EKKI HVAÐ ÞAÐ VILL OG GETUR EKKI TJÁÐ SIG, er fangi í eigin huga og eigin líkama.

 

Einu skiptin þegar vilji fólks fær að ráða í kosningum er eins og á Ítalíu nýlega eða í Svíþjóð nýlega, þegar fólk vaknar af vímunni sem falsmiðlarnir bjóða uppá og kommúníska skólakerfið, menningarmafían vinstrisinnaða. 

 

Arðránið á alþýðunni heldur áfram. Hvernig eiga vinstrimenn að berjast gegn því úr því að búið er að múta þeim næstum því öllum?

 

Ég er sammála Gunnari Smára Egilssyni í svo mörgu. Hann er einn af örfáum Íslendingum sem hefur þorað að gagnrýna vinstriflokkana og hægriflokkana til jafns, eins og hann hefur margsinnis gert í viðtölum á Útvarpi Sögu og víðar. Eini feillinn sem hann gerir er að stofna vinstriöfgaflokk í staðinn fyrir hægriöfgaflokk. Vinstriöfgaflokkar eru dæmdir tilað samlagast spillingunni, alltaf, sama hversu góður ásetningurinn er.

Húðflúr er frá Helvíti, og ástæðan fyrir því að klikkun samfélagsins er orðin fullkomin er árás geimveranna á jörðina, sem hafa ekki líkama, eru andlegar geimverur og hafa yfirtekið sálir næstum allra kvenna og sífellt fleiri karlmanna, en eyrnalokkar og annað líkamsskraut hafa fylgt konum lengi, og aukið X-2000 magnið í líkama þeirra, en sérstaklega eftir aldamótin 2000.

 

Ég tel að Gunnar Smári Egilsson og aðrir í Sósíalistaflokknum geti komið að uppbyggingu landsins, en aðeins ef flokkar einsog Íslenzka þjóðfylkingin, Frelsisflokkurinn, Miðflokkurinn, Flokkur fólksins og Lýðræðishreyfing Guðmundar Franklíns komast einnig að völdum og fá mikið fylgi.

 

Gunnar Smári Egilsson og annað gott vinstrifólk verður að horfa í gegnum hægri/vinstri ásinn og að samvinnu gegn elítunni og gegn fjórflokknum, stöðnuninni sem skilar aldrei öðru en sama arðráni á alþýðunni.

 

Í Evrópu, til dæmis í Svíþjóð og á Ítalíu er fólk farið að henda fordómunum gegn hægriöfgaflokkunum útum gluggann og farið að vinna með þeim.

 

Íslendingar hafa ekki sýnt mikinn forystuvilja, þessi þjóð er eins kúguð og hún var undir Dönum og Danakóngi, ef ekki kúgaðri. Dr. Helgi Pjeturss hélt því þó fram að við ættum að verða forystuþjóð. Vonandi verður það.

 

 

Hefur fengið stuðning í forsetaframboð

Persónuleiki Pútíns er það sem gleymist, hann hefur aldrei viðurkennt að tapa, og því mun hann hugsanlega frekar sprengja heiminn í tætlur að lokum en að tapa.

Ég hlustaði á kostulegt viðtal í kvöldfréttum Stöðvar 2 við Kolbrúnu utanríkisráðherra. Hægt er að finna þetta á Vísi, en það sem mér þykir svo kostulegt við þetta er að hún talar um stigmögnun stríðsins sem er rétt ályktun, en svo kemur ranga ályktunin að "Vesturlönd þurfi að bregðast við", en þeirri setningu felst "sama af sömu viðbrögðum", fleiri vopnasendingar, meira blóðbað í Úkraínu, meiri stigmögnun stríðsins, enda útskýrði hún þetta þannig í kvöldfréttum Stöðvar 2. Eða með hennar eigin orðum úr fréttinni er það svona orðað: "Svo þurfum við í rauninni að láta engan bilbug á okkur finna vegna þess að fórnarkostnaður vina og bandalagsþjóða er sáralítill í samanburði við það sem að úkraínska þjóðin er að ganga í gegnum".

Enn fremur segir Þórdís Kolbrún Reykfjörð Gylfadóttir utanríkisráðherra í þessu sama viðtali:

"Því miður þá erum við bara enn þá á leið í kolranga átt og það er svona þessi stigmögnun bara í hverri einustu viku og það sem gerðist í nótt og í morgun var mjög hrikalegt,", segir Þórdís. Fréttakonan Fanndís Birna hefur svo eftir henni efnislega með eigin orðum:

Vesturlönd þurfi nú að bregðast við, standa með Úkraínu og verða við ákalli þeirra um auknar vopnasendingar og aðstoð. Á meðan svo er ekki gjaldi Úkraínumenn fyrir það.

Sumt er rétt í þessu og annað ekki. Þetta með stigmögnun stríðsins er því miður rétt, það blasir raunar við öllum sem fylgjast með, en utanríkisráðherrann færir þetta í orð og hún er ein valdamesta kona landsins og því eru orð hennar veigameiri en margra annarra.

Vandinn er þessi að lausnin sem þarna er stungið uppá er gölluð og framvinda stríðsins er til marks um það, lausnin að hjálpa Úkraínumönnum með þessum hætti, láta þá berjast fyrir Vesturlönd og fórna sér þar með felur í sér aukna stigmögnun, þannig að þetta er vítahringur sem þarf að losna úr.

Persónuleiki Pútíns er það sem oft gleymist í þessu. Ævisaga Pútíns er vel þekkt og hafa þættir verið sýndir til dæmis á RÚV sem hafa gert persónuleika hans góð skil. Hann átti frekar erfiða æsku og lærði að berjast og slást við götustráka og að drepa rottur, til dæmis, og síðan sem KGB njósnari lærði hann lymsku, hörku og að taka fljótt ákvarðanir, jafnvel miskunnarlausar.

Í Téténíustríðinu sýndi hann einstakt vægðarleysi og sigraði að lokum eftir langvinnt og blóðugt stríð. Nú er reyndar stundum talað um fyrra Téténíustríðið og seinna Tsjetsjeníustríðið, það fyrra í stjórnartíð Borisar Jeltsín.

Sumir hafa talið hann standa á bakvið hreinsanir á fólki eins og Stalín, samkvæmt heimildamyndinni í RÚV að minnsta kosti. Allt þetta sýnir mann sem vílar ekki margt eða mikið fyrir sér, mann sem kom Rússlandi uppúr ákveðinni niðurlægingu eftir stjórnartíð drykkjurútsins Borisar Jeltsíns og upplausn Sovétríkjanna.

Í Téténíustríð Pútíns var borgin Grozníj í Téténíu nánast lögð í rúst. Nánast lögð í rúst, ég endurtek þetta svo það síist inn hjá fólki.

Ef Vesturlönd vilja setja baráttu gegn mannréttindabrotum Rússa skör ofar en líf Úkraínumanna halda þeir áfram að vígvæða þá og nota sem fallbyssufóður fyrir mannréttindaelskandi Vesturlandabúa sem ekki vilja berjast sjálfir.

Það er raunveruleg hætta á því að Úkraínumenn hljóti sömu örlög og gyðingar í seinni heimsstyrjöldinni, því Pútín gæti sent á þá gereyðingarvopn þegar örvæntingin nær yfirhöndinni, eða haldið áfram að stráfella almenna borgara eins og nú er farið að bera meira á en áður. Aukinn vígbúnaður alltaf lausnin?

Reynslan úr Téténíustríðinu hefur enn fremur fyllt Pútín af vissu þess efnis að grimmilegri hernaður muni skila árangri að lokum og að uppgjöf komi ekki til greina.

Pútín er hættulegur maður, á því leikur enginn minnsti vafi og slíka menn er alþjóðasamfélagið að egna og espa af miklum hroka og barnaskap í senn.

Mínir pistlar fá litla sem enga athygli þessa dagana og ekki telur Þórdís Kolbrún Reykfjörð Gylfadóttir sig nokkuð geta lært af þeim eða öðrum sem hafa svipaðar skoðanir á stríðinu og þessa sem ég lýsi hér í þessum pistli.

Helzt vildi ég sleppa við að skipta mér af svona leiðindamálum og öðrum leiðindamálum sem ég neyðist stundum til að skipta mér af, ef mér finnst umfjöllunin svona arfavitlaus og slæm annarsstaðar.

Það er bara þegar manni finnst ákveðið viðhorf skorta sem maður reynir af veikum mætti að benda á örfá atriði.

En ef maður hugsar alveg til enda þennan leik sem verið er að leika þá minnir þetta á taflborð og síðasti leikurinn gæti verið leikinn af Rússum og Pútín einhverntímann í framtíðinni ef svo fer fram sem horfir og enginn vægir eða hefur meira vit en mótaðilinn. Ef hann, Pútín, verður króaður af úti í horni og Úkraína lýsir yfir sigri, og hann býst við uppreisn heimafyrir af sínu fólki og persónulegu tapi og tapi Rússlands, þá gæti hann gripið til þess ráðs að fyrirskipa gjöreyðingu heimsins, en talið er að Rússland eitt eigi svo miklar kjarnorkuvopnabirgðir að það geti gjöreytt heimsbyggðinni mörgum sinnum, og Bandaríkin svo sem líka. GAGA kallar Ómar Ragnarsson það, og það er líka alveg rétt, gjöreyðing fullkomin af beggja hálfu.

Ég ætla ekki að endurtaka fyrri pistla um þetta.

Þórdís utanríkisráðherra getur sjálf notað skynsemi sína sem hún á nóg af, held ég, enda trúi ég á vizku kvenna þegar á herðir, en hún vill hlýða alþjóðaumhverfinu sem hefur annarlegar hvatir hugsanlega.

En mér finnst orðið tímabært að heyra annan tón í henni og að hún viðurkenni að Vesturlönd séu ekki almáttug og geti kannski ekki stjórnað atburðarásinni í þessu máli fullkomlega.

Ég ætla að vitna í Albert Einstein að lokum:"Geðveiki er að gera sama hlutinn aftur og aftur og eiga von á nýrri niðurstöðu". Getur það átt við að senda Úkraínumönnum vopn og vita ekki að það þýðir stigmögnun stríðsins?

Þó má einnig minna á gott viðtal á Hringbraut sem var í gærkvöldi við annan Albert, Albert Jónsson fyrrverandi sendiherra á sjónvarpsstöðinni Hringbraut, en eins og venjulega sýndi hann mikla þekkingu á þessu, og taldi Vesturlönd vera að ýta Rússum í fang Kínverja, sem varla væri markmiðið.

 

Guterres harmi sleginn vegna árásanna

Líður úr greipunum, ljóð frá 14. ágúst 2018.

Kaldgeðja, dauflynd við gluggann hún bíður að birti,

brunnhvítu ljósin úr djúpinu andann að soga.

Hann sem var brottvikinn armæðu einsemdar virti,

nú æhljómar rökkrið og brjóstin af sorginni loga.

 

Eitthvað þau hindraði, kenndir hann nennti ekki að nefna,

njósn barst um sviksemi, fráhvarf úr dýrðanna ljóma.

Kaldlyndan finnur hún mann sinn en margs þarf að hefna,

meyjar sem eltust við strákana fengu þá dóma.

 

Nú er sú fjallganga fullhugum trauðla enn að skapi,

félagsleg velsæld er takmarkið, síður hans ástir.

Miskunnin brottsogin, henni finnst hart ei þótt tapi.

hornið er autt því, og jafnlítilsvert hverjir skástir.

 

Sumarið líður og senn kemur haustið með vonum,

Satan í vínglasi? - öldurhús bjóða upp á kynni.

Málæðið kaffærir málefnin, vart þar með honum,

mjakar sér hljóðlega að punktinum, þótt slíkt ei finni.

 

Líður úr greipunum, oft er hið dýrslega drýgra;

drekktu því skálina í niðurlægð, guð þeirra orti.

Hún þetta sér ekki en hittir á markastund vígra,

holdið er jarðar á blettinum, traustið þau skorti.

 

Fitufordómar, fréttir, gróðabrask og veiðileyfin

Stundum er fréttaflutningur þannig að þversagnirnar þar æpa á mann. Þannig var það í gær á Stöð 2 í kvöldfréttum. Berghildur Erla var með frétt um "sjúkdóminn offitu" en um leið var í fréttinni talað um að ekki mætti vera með fordóma gegn þeim sem þjást af offitu. Meiri verða þversagnirnar varla í einni frétt.

Síðan var talað um það í fréttinni að stjórnvöld væru búin að skipa starfshóp sem hefur það markmið að leggja fram lýðheilsustefnu í málaflokknum. Minnir á aðdraganda margra ljótra hluta í sögunni.

Miklar áhyggjur eru af offitunni en ekki er skrýtið að fólk í heilbrigðiskerfinu hafi miklar áhyggjur af þessu þar sem þetta er ein þeirra stærsta gróðabrasklind, að græða á aðgerðum tengdum offitu, varningi, töflum, líkamsrækt og öllu því dæmi.

Þetta orðalag í fréttinni er farið að minna á annað vandamál sem var talið vandamál í Þriðja ríkinu, gyðingavandamálið svonefnda. Fyrst í stað var minna um aðgerðir, en það endaði með gasklefalausninni frægu.

Það er ekki veiðileyfi á marga hópa í þessu samfélagi. Friðhelgir falla undir marga hópa, og eiginlega alla sem voru ofsóttir fyrr á tímum. Örfáir fordómahópar fá að grassera óáreittir áfram, offitusjúklingar, geðsjúklingar, karlmenn, ofbeldisdrengir, hægriöfgamenn og vafalaust einhverjir fleiri. Síðan er auðvitað í grasrótinni grasserandi fordómaflóra sem líðst ekki opinberlega einsog alltaf.

Munum eftir því að alltaf þegar koma fréttir um ofbeldi og hryðjuverk er talað um geðsjúklinga og nú í seinni tíð oft um hægriöfgamenn. Þegar grunur vaknar um hryðjuverk, hverjum er reynt að kenna um? Jú, hægriöfgamönnum, hvort sem það passar við raunverulegar upplýsingar og staðreyndir eða ekki. Fordómar í sinni tærustu mynd.

Glæpamenn geta eiginlega aldrei verið glæpamenn á Íslandi nema þeir séu kallaðir geðsjúklingar líka. Það hlýtur jú alltaf að vera skýringin í hinu fullkomna og útópíska ríki sem við tilheyrum.

Stjórnlaus innflutningur á útlendingum er svo bara til að bæta málin og veldur aldrei neinum vandamálum, reyna yfirvöldin svo að segja.

Minnir svolítið á stjórnvöldin í Svíþjóð sem grófu hausinn í sandinn eins og strúturinn þar til ástandið var orðið verra þar en víðast hvar annarsstaðar.

Offita getur ekki verið sjúkdómur frekar en smæð eða hæð. Dvergum getur verið hættara við ákveðnum sjúkdómum útaf vextinum og eins þeir sem eru yfirmáta háir.

Það eru ýmis gen sem tengjast offitu og ýmsum sjúkdómum aukalega. Alvöru vísindamenn vita að samspil erfðaþátta og umhverfis skiptir öllu máli.

Í staðinn fyrir að vinna með orsökina, genin sem valda sjúkdómum og stundum en ekki alltaf offitu, eða mengandi umhverfisþætti er bent á afleiðinguna sem ástæðu. Kjánalegt í hæsta máta.

Ef að kjánalegir fréttamenn fá að búa til fordómafréttir minnka ekki fordómarnir heldur aukast. Ef peningagráðugir heilbrigðisstarfsmenn fá að sjúkdómavæða allan fjandann fá þeir að skapa sér atvinnutækifæri á kostnað borgaranna. Hvort tveggja fyrir neðan allar hellur.

Holdugir hafa verið ein mesta gróðalind hinnar svonefndu heilbrigðisstéttar í áratugi, á 20 öldinni varð til mikill iðnaður í kringum þetta og hann vex aðeins í veldisvexti.

Áður fyrr var viðhorfið jákvæðara til offitusjúklinga svokallaðra. Orðið þriflegur merkir upphaflega sá sem þrífst vel, er hraustlegur, en hefur oftast verið notað um bústna einstaklinga samt og lýsir jákvæðu viðhorfi til aukakílóa. Hraustlegur er einnig orð sem hefur verið notað um bústna einstaklinga.

Hvar eru nú Samtök um líkamsvirðingu? Þau þurfa reglulega að minna gróðabraskara og fréttamenn á að halda sér á mottunni.

Enn eiga lyf að vera ráðið og hjálpin en ekki friðarviðræður

Bandarísk stjórnvöld haga sér eins og þau búist við því versta, heimsendi og kjarnorkustyrjöld. Gerir fólk þar á bæ sér ekki grein fyrir að ábyrgðin liggur hjá þeim sjálfum að miklu leyti að stigmagna þetta stríð með því að gefa Úkraínumönnum þessi ógrynni af vopnum?

Fyrirbyggjandi aðgerðir og friðarumleitanir eru það eina sem dugar, svona lyf myndu líka aðeins vera ætluð elítunni, og duga skammt ef gereyðingarstríð hefst.

Það er mjög furðulegt að nokkrum detti það í hug að eitthvað eftirsóknarvert sé að reyna að lifa í veröld sem hefur verið sprengd í tætlur, þar sem kjarnorkuvetur er kominn, náttúran farin úr skorðum, dýralíf horfið og jurtalíf að miklu leyti, byggingar rústir einar, himininn öskugrár og varla mögulegt að draga fram lífið, veikt fólk og deyjandi allsstaðar. Þetta er vitað að er framtíðarsýn eftir kjarnorkustyrjöld.

Ef þessi styrjöld væri ekki háð myndi Pútín ekki drepa Úkraínumenn. Ef hann vill nýta landgæði Úkraínu verður stríðið að hætta. Hættulegasti stríðsherrann er sá sem er að tapa.  Ábyrgð Vesturlanda fer vaxandi eftir því sem hættan á kjarnorkuslysi, kjarnorkustyrjöld eða sýklavopnaárás eða efnavopnaárás eykst.

Nú þegar er það ljóst að Úkraínumenn og Rússar munu ekki sættast í náinni framtíð, og enn síður á meðan Pútín og Selenský eru við völd.

Vestrænir leiðtogar verða að skjóta hefnd á frest og reyna að líta á þetta raunsæjum augum.

Hvaða hryðjuverkahópar sprengdu upp Nordstream 1 og 2? Einhverjir sem vilja stríð en ekki frið, eða græða peninga á óförum Rússa og breytingum sem verða útaf stríðinu.

Nóg er af skaðvöldum. Framtíðarhugsunin hjá vestrænum stjórnmálamönnum á að vera að byggja upp Nordstream 1 og 2, og að bjarga Evrópu þannig frá orkukreppu. Áframhaldandi hryðjuverk, stríð og eyðilegging leiðir ekkert nema ömurleika og hrun af sér.

Ég veit að Katrín Jakobsdóttir vill vera samtaka öðrum vestrænum leiðtogum, en öll stigmögnun á hræðilegu ástandi bætir olíu á eldinn. Ólafur Ragnar Grímsson talar af reynslu og þekkir alþjóðasamskipti kannski betur en nokkur annar núlifandi Íslendingur.

Í gegnum alla sögu þessa Úkraínustríðs frá 2014 og kannski lengra aftur má sjá hvernig kynt hefur verið undir ófriði og reynt að koma Pútín frá.

Menn mega berjast mín vegna þegar búið er að útrýma gereyðingarvopnum. Það sem meira er, þau gera þjóðirnar latar og værukærar sem eiga þau og treysta á þau.

Maður á ekki að þurfa að hafa áhyggjur af gereyðingarstyrjöld. Leiðtogar sem koma af stað gereyðingarstyrjöld eru ekki verðir þess að hræðast þá. Þá er lífið einskisnýtt og pólitíkin þar sem slík vopn eru til. Menning af þessu tagi er hrunin. Þá aðeins byggja menn hana upp að nýju ef þeir stefna að friði og uppbyggingu, samvinnu, skapa von, grundvöll lífs en ekki eyðileggingar.

Kaupa lyf gegn geislunarskaða fyrir 41 milljarð

Speglabyltingin, klósettbyltingin

Nýjasti angi Metoobyltingarinnar er það sem nemendur framhaldsskólanna kalla sjálfir "Klósettbyltinguna", samkvæmt því sem þau sögðu sjálf í fréttum Stöðvar 2 í gær, en kallað var "Speglabyltingin" á Fréttavaktinni á Hringbraut.

Nafnið lýsir því að slagorð voru máluð á speglana á klósettunum. Unglingar eru áhrifagjarnasti hluti mannkynsins, og þetta er fræðsla sem unglingar hafa lært úr þáttunum "Fávitar" á Stöð 2 og í samnefndum bókum sem slógu í gegn eftir Sólborgu Guðbrandsdóttur.  Hún er nokkurskonar forystusauður unglinganna, eins og þetta er í dýraríkinu, þegar einn sauður stjórnar hjörðinni.

Maður fylgist með þessu af athygli. Til að reyna að eiga sem bezt samskipti við konur sem aðhyllast femínisma, sem maður er ekki endilega sammála nema að hluta til og vera samtaka breytingum þarf maður að vita hvað er að gerast.

Ég velti því fyrir mér hvaða nemendur það eru sem eru nauðgarar eða meintir gerendur. Ætli það séu sömu týpurnar og skinu skærast í félagslífinu þegar maður var hluti af skólakerfinu sjálfur? Ætli það séu ekki bæði synir ríkra foreldra og fátækra foreldra sem beita ofbeldi? Ætli það séu stelpur líka? Hlýtur það ekki að vera, þó í minnihluta séu?

Nú hlýtur þetta að vera angi af stærra vandamáli sem er aukið ofbeldi í öllu samfélaginu, ef miðað er við fréttir af fleiri skotárásum að undanförnu en oft áður og alvarlegum ofbeldismálum ef ekki hryðjuverkum, hvernig svo sem það er nú skilgreint.

En að láta lítinn hluta ofbeldisnemenda ganga í sérstaka ofbeldisskóla og fá sérkennslu eða læra í fjarnámi það gæti ýtt undir að þeirra vandamál versni og ofbeldishegðun þeirra, þannig að þetta er ekki svo einfalt.

Það er margt merkilegt við þetta. Unglingarnir virðast ljóma af ánægju að fá loksins athygli og að láta rödd sína heyrast og hafa áhrif. Hætt er þó við að stúlkurnar gangi á rétt strákanna ef þetta er gert af fljótfærni og aðeins tekið tillit til sumra. Þetta má ekki snúast uppí hreina baráttu kynjanna, strákar gegn stelpum, það leysir þetta ekki heldur gerir erfiðara.

Ég efast ekki um að "þolendur" fá sitt framgengt gegn "gerendum".

En í sögulegu samhengi er þetta áhugavert viðfangsefni félagsfræðinga.

Vissuð þið að það voru ungar konur og jafnvel á unglingsaldri sem komu Adolf Hitler til valda á sínum tíma? Ég á fræðirit eftir enskan fræðimann sem fjallar um þetta meðal annars. Hann lofaði þeim að hann myndi útrýma atvinnuleysi ungra, þýzkra karlmanna á bezta aldri, losna við ríka gyðinga og aðra útlendinga sem tækju tækifæri frá innfæddum Þjóðverjum ásamt vinstrimönnum, en koma öllum konum og stúlkum inná heimilin aftur. Þetta féll ungmeyjunum svo gríðarlega vel í geð að þær kusu Adolf Hitler í stríðum meginstraumum og komu honum til valda, ásamt öðrum fjölmennum hópum sem hann talaði beint inní og sannfærði.

Svona er tíðarandinn að breytast. Svona getur hann breyzt aftur, farið 90 gráður eða 180 gráður þessvegna og hvenær sem er, erfitt er um það að segja eða spá.

En að vissu leyti er það gleðiefni að við lifum á tímum lýðskrums og þegar lýðskrum virkar, og hópefli. Það minnir líka á Bítlatímann, þegar strákum leyfðist það sem þeim mun ekki leyfast öllu lengur, samkvæmt þessu. Þá var líka hópefli sem snérist í þveröfuga átt við Metoobyltinguna, en svona er tíðarandinn sérstakur og mismunandi hverju sinni.

Eitt er alveg á hreinu. Þetta unga fólk verður ekki stöðvað og það mun fá sitt fram. Það sést á því hversu fjölmenn þessi mótmæli eru og samstaðan mikil hjá þessum kynslóðum sem munu erfa landið.

En kapp er bezt með forsjá. Eins og ég fjallaði um í nýlegum pistli hefur kúgun og ofbeldi í garð kvenna viðgengizt í gegnum alla mannkynssöguna. Ekki þýðir að snúa þessu við og að strákarnir finnist á sér brotið.

Ég leit upp til þessara stráka og karlmanna sem í dag eru sennilega kallaðir brotamenn af þessum kynslóðum. Þeir komust upp með hvað sem var og fengu allar þær sem þeir vildu, fannst manni. Mér fannst þetta afskaplega gott kerfi, en ég naut mín ekki sem skyldi, hafði ekki fullt sjálfstraust, enda ólst ég upp á of kristnu heimili hjá ömmu og afa þar sem skólaböll voru talin uppspretta syndarinnar og mamma var haldin stjórnunarfíkn og kúgaði mig með neikvæðni, boðum og bönnum.

Í dag eru það greinilega konurnar og stelpurnar sem ráða öllu og þær geta sett strákunum mörk.

En þetta eina prósent sem beitir ofbeldi, eða meira, það gæti nú orðið stærra því ég held að þeir sem berjast í þessum málum hafi ekki fulla stjórn á þróuninni eða ástandinu.

Það er svolítið skrýtið að "skóli án aðgreiningar", þar sem allir eiga að láta sér lynda saman skuli ala af sér svona kröfur, þar sem venjulegir strákar eru gerðir að úrhrökum, þeir sem áður stóðu sig bezt í félagslífinu, sennilega, eða ábyggilega sumir þeirra sem hér er barizt gegn.

Hvað er þetta stór prósenta? Hvaða sögu eiga þessir ofbeldisdrengir? Eru þeir allir meðfæddir fantar eða er þetta lærð hegðun? Mörgum spurningum er ósvarað.

 

Ung jöfn styðja framhaldsskólanemendur

Lyfjasala var ein af stóru stoðunum undir Spectre-mafíuna í James Bond mynd

Ég var að horfa á gamla James Bond mynd á DVD spólu, eða frá 2015. Fimm árum áður en Covid-19 skall á var hún gerð, en í henni voru ekki Rússar óvinirnir heldur Spectre mafían, sem eins og Bill Gates seldi og framleiddi lyf í myndinni. Eitt af því sem Spectre alþjóðlegu glæpasamtökin ræddu um í myndinni var sala á lyfjum til að valda og viðhalda fíkn í fólki - bæði læknadópi og venjulegu götudópi.

Þetta sýnir hvað lyfjarisarnir veltu háum fjárhæðum þegar myndin var gerð, að glæpasamtök voru talin fara inná þann markað ekkert síður en inná markað vændis, morða og götudópsölumarkaðinn.

Þegar veruleikinn er orðinn eins og samsuða úr James Bond myndum, og klikkaðir kjarnorkubrjálæðingar í spennumynd frá 1964 farnir að minna á vinstrisinnaða Íslendinga sem segja í DV spjallþráðum að ekkert mál sé að nota kjarnorkuvopn til að stöðva Pútín, þá veit maður að Guðjón Hreinberg ætti að vera forseti Íslands eða slíkir menn, hann sem hefur skrifað um sturlun menningarinnar og hrun hennar.

Annaðhvort gjörbreytir mannkynið um kúrs í umhverfismálum og fleiri málum eða ferst. Því miður er erfitt að komast að annarri niðurstöðu.

Þegar veruleikinn er farinn að minna á allar James Bond myndirnar er eitthvað gruggugt á seyði, hlýtur að vera. Ekki er Guð í slíkum veruleika og ekki er mikil góðmennska í slíkum veruleika.

10 milljón Moderna skammtar í vaskinn

Sigmund Freud og móðursýkin - rándýrin eru femínistar

Jón Baldvin er af hneykslunargjörnum femínistum kallaður rándýr, en hegðun hans var og er í fullkomnu samræmi við boðskap Biblíunnar og siðferði aldanna eins og það hefur verið árþúsundum saman. Litið hefur verið á konur sem söluvörur, og orðið brúðkaup lýsir þessu svo vel, hvernig konan er keypt af eiginmanninum, brúðurin. Öfugar skoðanir femínista eru pervertismi, miðað við náttúruna og Guð.

Gyðingurinn Sigmund Freud sálgreindi konur allar á þann hátt að móðursýki herjaði á þær næstum allar og þeirra sálarlíf stjórnaðist af reðuröfund, og því væri sálarlíf þeirra með öðrum hætti en karla og að næstum öll óánægja í þeirra lífi væri til komin vegna móðursýki og öfundar á stöðu karla og líkamsbyggingar þeirra en yrði að draga úr minningum æskuáranna og að rannsaka ætti minningar úr bernsku til að koma þeim til hamingju og rannsaka ætti minningar karla og drengja en útskýra með öðrum hætti.

Um langt skeið var Freud talinn mestur og merkastur allra fræðimanna í sálfræði. Í seinni tíð hefur femínisminn kannski of mikið varpað rýrð á hann og kenningar hans.

Allur nútíminn er undirlagður af móðursýki og þetta eru afleiðingarnar af því að konur eru komnar í æðstu stöðurnar. Ein allsherjargeðveiki herjar á næstum alla. Rétt eins og sagan í Biblíunni sýnir, um svínahjörðina sem Jesús Kristur neyddi illu andana í og sem hlupu fyrir björg og drápu sig þannig, er hægt fyrir heilt mannkyn að þjást af geðveiki. Menningin í heild, hin femíníska er geðveik og búin að vera.

Það sem Freud sagði um móðursýkina lýsir nútímanum fullkomlega.

Segir Jón Baldvin haga sér eins og rándýr

"Hvenær munum við nokkrusinni læra?" söng Pete Seeger, það á enn við.

Á okkar tímum eru mannréttindi meiri en nokkrusinni fyrr, þó blasir möguleg gereyðingarstyrjöld við og hvorugur stríðsaðili vægir. Hvers virði eru þá mannréttindin sem barizt var fyrir á 20. öldinni og sem Vesturlönd leggja svona mikið í sölurnar fyrir, ef óttinn við að missa þau kemur af stað gereyðingarstyrjöld og heimsendi?

Það sem er merkilegt við rannsóknir á geimnum er að hvergi hefur fundizt líf nema á þessari plánetu, sem sýnir hvílíkt kraftaverk lífið er. Samt leika stórveldin sér að fjöregginu eins og allt sé þetta grín og ekkert annað.

Gamlir draumar um að stækka Rússland í sömu stærð og á tímum kommúnismans eru hluti af heimsmynd fyrri alda, þeir passa allrasízt við okkar öld gereyðingarvopna og hámenningar.

Að sama skapi eru draumar Evrópusambandsins og Bandaríkjanna um yfirburði Vesturlanda jafn hættulegir þegar ekki er hægt að sveigja af braut þeirra um stundarsakir, á meðan Pútín er við völd, ef nauðsynlegt er í óvenjulegum aðstæðum eins og núna.

Fermis þversögnin vekur upp spurninguna hvers vegna samskipti hafi ekki komizt á við geimverur svo vitað sé, miðað við fjölda þeirra stjarna í geimnum sem talið er að gætu hýst líf, og gera það sennilega eða gerðu einhverntímann.

Ef miðað er við Úkraínustyrjöldina sem stríðsaðilar hugsanlega færa uppí gereyðingarstríð, þá er lausnin augljós: Enginn guð er til, enginn verndandi kraftur, og í hvert sinn sem tilviljun skapar líf eins og á þessu hnetti eyðir heimskan því aftur með kjarnorkustyrjöld.

Ekki er hægt að segja að hugsjónir um mannréttindi séu annað en hræsni í þessu ljósi. Þegar þrjózkan verður skynseminni yfirsterkari verður öll menningin að barnaskap og sandkassaleik stríðsins.

Nær ómögulegt að ljúka stríðinu

Opinberar skýringar

Í Félagsriti Nýalssinna frá 1972 eða þar um bil kom viðtal við vísindamann, eða erindi sem flutt var á ráðstefnu, þar sem kom fram að mengun í heiminum myndi valda aukningu á sjúkdómum á næstu áratugum, og aukin geislavirkni í höfunum og á allri jörðinni vegna kjarnorkutilrauna og slysa var nokkuð sem vísindamaðurinn taldi sérlega að myndi fjölga krabbameinstilfellum og öðrum sjúkdómstilfellum í framtíðinni.

Nú eru 50 ár liðin síðan þetta tímarit kom út og pistill í Pressunni og DV eftir Kristján Kristjánsson kallast á við það sem þarna kom fram og lætur það rætast, Kristján Kristjánsson skrifaði í DV í gær, sunnudaginn 2. október 2022: "Mikil fjölgun krabbameinstilfella hjá fólki undir fimmtugu".

Norska ríkisútvarpaði skýrði frá þessu og hefur það út tímaritinu: "Nature Reviews Clinical Oncology".

Í stuttu máli sagt kemur fram í þessari grein í DV að æ yngra fólk fær krabbamein og hættan eykst með hverri kynslóð.

Nýlega var einnig í fréttum að niðurstöður komu úr rannsókn sem gerð var á Suðurnesjum á tengslum milli mengunar af völdum hersins í Keflavík og fjölda krabbameinstilfella á þessu svæði.

Það sem er mjög ótrúlegt eru niðurstöðurnar úr öllum þessum rannsóknum. Fólki er sagt að þetta sé því sjálfu að kenna, að það drekki of mikið áfengi, reyki of mikið og sé of feitt. Engin önnur skýring sé á þessu.

Þetta er nú eins og með Covid-19, þeir sem eru á móti bólusetningum telja að þar sé um inngrip í heilsu fólks sem hafi mjög slæm áhrif. Nei, opinberlega er því neitað.

Frænka mín ein sem hefur um langt árabil verið í Facebook hópum þar sem fólk berst gegn farsímum og hátækni, 4G og 5G fjarskiptakerfunum og ýmsu slíku. Hún hefur haldið því lengi fram að tæknin sé að drepa okkur og mengunin, og að ástæðan sé ekki að fólk drekki of mikið áfengi, reyki of mikið eða sé of feitt, heldur aðrir umhverfisþættir eins og mengun og tækni.

Hvað er sett í matinn og drykkinn ef maturinn er svona hættulegur? Það er ekki alltaf hægt að kenna fólki um allt, "þetta er bara ykkur að kenna sjálfum"... matur er lífsnauðsynlegur fyrir fólk.

Mér finnst mjög grunsamlegt hvernig þessar rannsóknir firra tæknifyrirtækin ábyrgð og firra stórfyrirtækin ábyrgð, lyfjarisana þar með.

Þessi grein sem ég las í DV og margt slíkt sannfærir mig ekki um niðurstöður vísindamannanna, að allt sé fólki að kenna sjálfu. Niðurstöðurnar eru ekki endilega réttar um ástæður sjúkdómanna, en þar er þó bent á að vandinn eykst.

Ég held að Pútín og Selenský ættu að athuga þetta, hætta stríðsrekstri og fara að byggja upp í staðinn, því nógu margar eru hætturnar sem steðja að mannkyninu.

Vill ekki verða sendur í stríð