Þjóðin stóð sig vel í smitvörnum um jólin og Þríeykið líka

Það er nú svo að fólk hefur ekki vald til að koma til leiðar breytingum á þjóðfélaginu því það gefur sér ekki það vald, eins og kom fram í máli Sighvats Björgvinssonar á Útvarpi Sögu í viðali við Kolfinnu Baldvinsdóttur. Því er það sama hvaða sannleikur kemur fram, hann hreyfir ekki við fólki. Það tekur aðeins við því sem forystusauðirnir leggja til, og það má ekki vera of róttækt. Nema þeir séu vinstrisinnaðir, því það er í takt við alheimsstillilögmálið frá öðrum löndum. Við erum á ákveðinni þróunarbraut.

 

Þess vegna ætla ég í þessum pistli að hrósa okkar þjóð og Þríeykinu. Við höfum staðið okkur vel í sóttvörnum yfir jólin og er það ánægjuefni.

 

Ég hafði áhyggjur af því eins og Þórólfur að mikil smitbylgja kæmi í ljós eftir jólin vegna eðlis mannfagnaða um hátíðirnar. Það gerðist ekki. Það er því hróssvert, hvort sem það er þjóðinni eða Þríeykinu að þakka er það bara mesta furða að ekki skyldi verr fara í því efni.

 

Það er kostur við okkar þjóð hvað hún getur verið hlýðin. Það er kostur stundum, að minnsta kosti. Það fer eftir aðstæðum. Meira mark mætti þó taka á ýmsum aðilum sem flytja öðruvísi boðskap en meginstraumselítan.

Ekki lausn að læsa fréttatíma Stöðvar 2

Aðalástæðan fyrir tapi Stöð 2 eru vefmiðlafyrirtækin risastóru erlendu sem sjúga til sín auglýsingatekjur. Er ekki orðið tímabært að íslenzk stjórnvöld geri eitthvað í þeim málum? Er ekki hægt að setja reglur um það?

Annars er sjónvarpsdagskráin almennt á niðurleið eins og kvikmyndir. Þess vegna var aðsókn í kvikmyndahúsin orðin minnkandi löngu fyrir kófið. 

Pólitísk rétthugsun/ranghugsun heldur menningunni í heljargreipum og hindrar tjáningu. Sífellt koma fleiri ástæður til að setja lög um erlend stórfyrirtæki.

„Ekki stætt á að gefa fréttatímann“

Nýir fjölmiðlar koma fram og eflast í kjölfar atburða þar vestra

Á hættulegum tímum í mannkynssögunni er ekki úr vegi að reyna að koma fram við þá af virðingu sem ekki eru á sama stað og maður sjálfur í pólitíkinni. Ekki af ótta heldur þörfinni fyrir samstöðu. Það er nóg að mannkynið hafi kórónuveiruna að kljást við, svo ekki þurfi að vekja upp ógnarstjórnir úr fortíðinni.

 

Það er reynt að réttlæta þetta sem gerist í Bandaríkjunum með því að Trump eigi sér ekki málsbætur eða Repúblikanar almennt. Forsagan er samt auðvitað sú að miðjan í stjórnmálunum hefur færzt til vinstri, og þá aðallega í Evrópu, og við á Íslandi erum hluti af sömu menningu. Trumpisminn er tilraun til að stilla þetta af, mjög stór hópur er ósáttur við þetta. Með því að glæpavæða Repúblikana eða trumpismann er verið að kalla á kúgun og ofbeldi, erfitt að túlka þetta á annan hátt. Vissulega verður hægt að neyða marga inná miðjuna aftur, en þetta býður uppá það að raunverulegt kynþáttahatur eflist, því ofbeldi elur af sér ofbeldi, og reiði magnar reiði.

 

Þetta kallast samfélagslegt ofbeldi og samfélagsleg kúgun, þegar stór hópur manna er gerður að annars flokks þegnum. Þetta er það sama og gerðist í Þriðja Ríkinu, þegar réttindi voru tekin af gyðingum, eða í Palestínu síðar á Gasa svæðinu, eða í Rússlandi þegar óþekkir þegnar voru settir í Gúlagið. Það sem gerist í Bandaríkjunum í upphafi þessa árs gæti verið undanfari miklu ljótari hluta.

 

Manni verður hugsað til Pírata á Íslandi. Í upphafi virtust þeir ferskir og vilja frjálsræði, jafnvel héldu margir að þeir væru hægriflokkur. Síðar kom í ljós mikil löngun til stofnanavæðingar, kommúnisma.

 

Hvað veldur því að ungu borgarbörnin verða stækir kommúnistar? Hvaða náttúrulögmál ræður því?

 

Það er sú spurning sem mér finnst áhugaverðust á þessum tímapunkti. Ég held að þetta sé eðli borganna, sérstaklega þéttbýlu stórborganna. Þar er það síður einstaklingsfrelsið sem færir manni lífsbjörgina og frekar þýlyndið, undirgefnin við valdið, sem ekki kemur frá einræðisherrum heldur klíku, kerfislægri.

 

Skólakerfið er allt einhvernveginn beygt undir þetta. Þróunin skólakerfisins hefur orðið enn meira í þessa áttina. Það er útungungarvél fyrir andstæðinga Trumps.

 

En eins og fleiri vita, þetta getur ekki endað vel. Bandaríkin eru gríðarlega öflug og það var orðið tímabært að klofningur yrðu á samfélagsmiðlum, því meginstraumstímarit og stjónvarpsstöðvar voru komin langt til vinstri og eins vefmiðlarnir.

 

Við erum að sjá fram á nýja fjölmiðla, nýtt sjónvarpsefni, en aukin átök líka, hjá því verður ekki komizt. Þetta mun færa nýtt líf í gamlar öfgastefnur. Þetta er endurræsing á grasrótinni, en einnig samþjöppun neydd inná miðjuna.

Viðbrögð glóbalistanna staðfesting á ásökunum Trumps

Atburðarás undanfarinna daga hefur verið með ólíkindum. Mótmælin við þinghúsið voru tiltölulega friðsamleg, en viðbrögð elítunnar ofsafengin. Það segir nú að ekki er allt í lagi í Bandaríkjunum og í heiminum, og víðar en hjá Trump og hans fólki raunar.

 

Hvað er verið að fela? Staðfestingu á að kosningaúrslitin hafi í raun og veru verið Donald Trump í vil en ekki Joe Biden? Hvað á maður að halda? Það er eitthvað mjög brenglað við að koma Trump úr embætti skömmu fyrir valdaskiptin, að banna hann á samfélagsmiðlum og bregðast svona við atvikinu í þinghúsinu, sem var fyrirsjáanlegt, miðað við tilkynningar um þetta fyrirfram og persónuleika forsetans. Hann er enn forseti. Hvað hræðast andstæðingar hans? Þetta er með ólíkindum.

 

Þvert á það sem sagt er af mörgum eru viðbrögð glóbalistanna meiri ógn við lýðræðið heldur en rausið í Trump. Það er miklu meiri ógn við lýðræðið að stunda ekki bara ritskoðun af þessu tagi, heldur opinberar ofsóknir á hendur valdamesta manns í heimi. Árás á níðræðið, ekki lýðræðið, höfum það í huga. Níðræðið hefur byggzt upp lengi, eða lýgveldið, eins og Guðjón Hreinberg nefnir það einnig réttilega.

 

Trump er eins mikill gallagripur og hægt er að ímynda sér. Hann hefði þó ekki komizt til valda í konungsríki jarðarinnar ef ekkert væri hæft í málflutningi hans, gagnrýni á fjölmenninguna og margt annað.

Verði að koma Trump frá völdum þegar í stað

Ástandið í Svíþjóð ætti að vekja reiði. Hversu lengi getur sænska þjóðin verið í sjokki?

Fréttirnar frá Svíþjóð ættu að vekja okkur til umhugsunar um gjörbreytta heimsmynd.

 

Er það meira tilefni til mótmæla lýðsins ef svartur Bandaríkjamaður er drepinn en bleiknefji í Svíþjóð? Lögreglan í Svíþjóð fær jafnvel ekki fjármagn til að rannsaka svona mál.

 

Nokkrar setningar í þessari frétt vöktu athygli mína. "Ekki er talið að um hryðjuverk eða glæpsamlegt atvik sé að ræða".

 

"Samkvæmt talsmanni sænsku lögreglunnar lézt maður á fertugsaldri í slysinu".

 

"Enn er óljóst hvað olli sprengingunni að sögn lögreglunnar."

 

Nú vitum við hvernig viðhorf sænsk yfirvöld hafa til þeirra sem vitað er að standa fyrir langstærstum hluta af svona sprengingum.

 

Sænsk yfirvöld hafa þá yfirlýstu stefnu að láta þetta yfir sig ganga, að vera "umburðarlynd" en ekki fordómafull. Merkilegt er að þeim finnst ekkert vera til þarna á milli, einsog hugtakið þjóðvernd og landvernd.

 

Út um allan heim er þessi stefna að útrýma innfæddum og fjölga þeim sem aðkomnir eru.

 

Svona fréttir eru augljóslega bjagaðar. Það er vissulega greint frá atvikunum, en þau eru túlkuð á þann veg að fólk þurfi ekki að hræðast að þetta geti gerzt annarsstaðar. Það er talað niður til fólks, einsog það geti ekki sjálft dregið ályktanir eða tekið afstöðu, eða einsog það megi það ekki. Pólitísk rétthugsun er fasismi okkar tíma, sem drepur, og þjóðernishreinsanir eru stundaðar á hennar grundvelli.

 

Ef við berum þetta saman við drápið á George Floyd æpa andstæðurnar á okkur.

 

Vel má vera að þessi Svíi hafi látizt í sprengingunni af slysni.

 

Þá er komið að seinni setningunni sem vekur athygli: "Enn er óljóst hvað olli sprengingunni að sögn lögreglunnar". (Hlægilegt, grátlegt, grátbroslegt, skortur á viðleitni, fjármagni og áhuga).

 

Þessi setning segir jafnvel enn meira.

 

Við vitum að lögreglan í Svíþjóð er undirmönnuð og ræður ekki við þessi hryðjuverk. Opinberlega er þetta ekki kallað hryðjuverk, því Löfven vill frekar fórna sinni þjóð en að taka sjálfstæðar ákvarðanir.

 

Vítin eru full af fólki sem er fast í sjálfsblekkingu, að þar sé ástandið gott, eða ekki svo slæmt. Það versta sem hægt er að gera fólki til að kúga það er að telja því trú um að ömurlegt ástand sé gott ástand eða ásættanlegt ástand.

 

Hverjum sem um er að kenna hvernig ástandið er í Svíþjóð hvað varðar þessar sprengingar og annað er það ekki ásættanlegt og breytinga er þörf.

 

Ef Íslendingar hugsa um mannréttindi utan landsteinanna ættu þeir að hugsa um mannréttindi Svía sem búa við ömurlega ríkisstjórn.

Sprenging í Gautaborg

Angelína eftir Dylan, þriðja erindi, túlkun.

Þetta kvæði er svo torskilið að rétt er að fjalla um eitt erindi í einu. Hér kemur túlkun á þriðja erindinu. Þýðingin er svona:

 

"Augu hans voru tvær rifur sem hefðu gert hvern snák stoltan, með andlit sem sérhver málari hefði málað þegar hann gekk í gegnum mannþvöguna. Svo dýrkaði hann guð (gyðju) með líkama vel vaxinnar konu og haus hýenu."

 

Margir enskir túlkendur hafa hér bent á eitt vandamál af mörgum við að útskýra kvæðið, að ekki er útskýrt hver þessi "hann" er sem skyndilega birtist í þessu þriðja erindi fyrirvaralaust, en áður var um fyrstu persónu frásögn að ræða. Margar ágizkanir hafa komið fram og margir telja Dylan lýsa einhverskonar mannpúka, eða Satan sjálfum, en um það eru skiptar skoðanir, en kannski er það "Höfðingi heimsins" (sem er ákveðin túlkun á Satan sem táknmynd nútímamannsins og mörgu sem hann stendur fyrir) sem fær þessa lýsingu, eða nútíminn, kannski er þetta holdgervingur syndsamlegs nútímalífernisins, sem þarna fær þessa ógnvekjandi villidýrslýsingu, en að hálfu leyti þó mennska.

 

Rétt er að staldra hér við og reyna að fá þetta á hreint, ef þess er nokkur kostur, en það er auðvitað ekki hægt, en eitthvað er þó hægt að komast nær því.

 

Fyrst ber að nefna að sumir telja þetta einfalt ástar/haturs kvæði og hér sé aðeins verið að lýsa þriðja aðilanum, þeim sem stal konunni frá ljóðmælandanum. Hér sé því um þríhyrning að ræða. Það er þó of einföld skýring, finnst mér, eins og býsna mörgum sem hafa reynt að túlka verkið.

 

Samt, ef maður þekkir til aðferða Dylans er þetta mjög algeng vinnuaðferð hjá honum. "Man in The Long Black Coat" frá 1989 er annað slíkt dæmi. Þar virðist hann jafnvel vera að endurvinna þetta erindi og gera úr því heilt nýtt kvæði, nýtt dægurlag.

 

Erindið hefur þó á sér aðrar hliðar. Þetta tilheyrir auðvitað trúartímabilinu kristilega hans Dylans, 1979 - 1981, og verður að skoðast í því samhengi. Ekki er tilviljun að hann vísar í hugmyndir um Djöfulinn, í fornri og nýrri list, og að Höggormurinn er eitt nafn Satans. Það virðist því af öllu samhenginu að dæma að hann sé að lýsa "Höfðingja heimsins", Satan í þessu erindi, freistaranum, sem freistaði Krists í eyðimörkinni.

 

Ef menn muna túlkanir á fyrri erindum kvæðisins kemur þetta heim og saman. Ljóðmælandinn er engill, riddari eða forn guð úr heiðnum trúarbrögðum. Hann er einhver sem er kominn til að vernda fólk eða bjarga mannkyninu.

 

Í öðru erindinu kemur fram að ljóðmælandinn er með blóðugt, ljóst hár. Grunur vaknar að andstæðingur hans hafi veitt honum þetta sár, jafnvel með sverði, eiginlegu eða óeiginlegu, kannski er þetta líkingamál og kannski ekki, kannski bert mál, ber lýsing. Í þriðja erindinu sem hér er til umfjöllunar er þessum umrædda andstæðingi hans því lýst.

 

Líkamlegur glæsileiki hefur oft verið tengdur við Satan og efnisleg dýrð, kvenhylli og annað slíkt. Lýsing Dylans á Satan í erindinu er þessvegna hefðbundin að því leytinu til og varla fer margt á milli mála, hafi maður kynnt sér kristilegar bókmenntir og túlkanir um þetta.

 

Síðan kemur lýsingin á gyðjunni sem þessi óvinur dýrkar og trúir á. Merkilegt er að orðið "god" er notað en ekki "goddess", og bendir það til að um tvíkynjaða veru sé að ræða, nýlegt upphlaup kirkjunnar íslenzku kemur uppí hugann, Transjesúinn frægi. Þetta er annað minni úr kristnum fræðum, að Djöfullinn sé hið afskræmda holdi klætt í sumum slíkum lýsingum. Dylan fer því aðeins í hefðirnar í sinni lýsingu.

 

Nafn kvæðisins er Angelína, sem hægt er að þýða sem Kvenengill, eða Engillína. Allt myndmálið minnir því á aldirnar kristnu, þegar englar, púkar og menn léku stórt hlutverk.

 

Hýenuhausinn sem gyðjan er með þarf frekari umfjöllunar við.

 

Hýenan er afrískt rándýr og kjötæta, frægt í þjóðsögum og menningunni, hatað og fyrirlitið, en virt einnig og dýrkað af frumstæðum samfélögum.

 

Hýenan var talin geta breyzt í menn, skipt hömum og rænt börnum eða búfénaði, rænt grafir og haft áhrif á anda manna, eða yfirtekið hann. Líkamshlutar hýena hafa verið notaðir í afrískri heiðni og galdratrú. Hýenan sjálf er jafnvel talin göldrótt í sumum svona trúarbrögðum.

 

Af öllu þessu sést að myndin sem Bob Dylan dregur upp er mjög öflug og skýr; hún er yfirfull af táknum, ef svo má segja.

 

Klókur er þessi óvinur, því snákar eru taldir undirförlir og lymskulegir, ekki aðeins í kristinni hugmyndafræði heldur víðar. Við skulum því ekki festa okkur of mikið í hinni kristilegu túlkun á kvæðinu, það fer út yfir mörk kristninnar og yfir í hið samtrúarbragðalega.

 

Þessi óvinur er grunnhygginn, hann sér aðeins yfirborðið en ekki það sem undir býr, því hann elskar fegurðina yztu, ekki þá sem dýpra býr, það sést á lýsingunni.

 

Hann gengur gegnum mannþröngina, og lýsingin minnir á diskótek þessa tíma, og veiðiaðferðirnar notaðar þá til að ná sér í maka eða bólfélaga. Áherzla er lögð á trúvilluna, að okkar menning er ókristileg og komin af réttri braut, ef Angelína er mannkynið, eins og mér finnst sennilegt.

Ég tel að þetta þriðja erindi lýsi nútímanum, að Satan er mitt á meðal okkar í nútímanum og hann er allsráðandi, ef svo má segja, það er tekið meira mark á honum en þeim sem eru kristnir, hann er táknmynd fyrir vísindin og vísindatrúna, húmanismann, femínismann, demókrata, jafnaðarmenn og vinstrimenn, og hægrimenn sem svíkja lit.

 

Þessi óvinur Guðs er trúverðugur í nútímanum, það er ekki efazt um hann. Þegar því er lýst hvernig hann nær sér í kvenfólk eins og hendi sé veifað er því á sama tíma lýst hvernig hann beygir samfélagið undir sinn vilja, fær sitt fram með milljónum, óendanlegum auði og fjármagni, ef svo má segja. Þetta er SIGURVEGARI nútímans.

 

Samt er hann fallinn engill og fordæmdur eins og af lýsingunni má ráða. Hann á ekki vísa vist í Himnaríki heldur Helvíti eftir dauðann, augljóslega. (Ef notuð er hin kristilega túlkun).

 

Þessi aðili er einnig táknmynd fyrir rökin sem duga á fjöldann, þá hyggju sem nýtur mestrar hylli en er samt Guði andstyggileg. Þessi aðili eða andstæðingur Guðs er hugsanlega Andkristur.

 

Það finnst ekkert á hann og hann kemst upp með svik og pretti. Það er ekki hægt að kveða hann í kútinn, hann er ósigrandi andstæðingur, í bili að minnsta kosti.

 

Sögusviðið er mótað, og við bíðum spennt eftir framhaldinu.

Gallup viðurkennir að Trump er vinsælastur

Þessi frétt gleður alla stuðningsmenn Trumps á heimsvísu. Jafnvel óvinir Trumps treysta Gallup fyrirtækinu sem gerði þessa könnun. 

Hvers vegna sigraði hann þá ekki í forsetakosningunum úr því hann er miklu vinsælli en Joe Biden samkvæmt þessari könnun, og vinsælli en Barack Obama? Getur það verið vísbending um að virkilegt kosningasvindl hafi farið fram? 

Póstgreidd atkvæði eru auðvitað annað mál en hefðbundin í kjörklefum, og svo allar kosningavélarnar, rafræn meðhöndlun þar sem hægt er að beita brögðum, ef kunnátta og vilji eru fyrir hendi.

Var Djúpríkið þarna á ferðinni?

Stórmerkileg frétt að Donald Trump skuli njóta fylgis meirihluta Bandaríkjamanna þrátt fyrir stöðugan áróðurinn gegn honum.

Hvað Íslendingar gefa upp er ekki alltaf marktækt. Hér ríkir nefnilega mikil vinstrislagsíðuhjarðhegðun, svo það hálfa væri nóg. 

Trump hefur breytt heimsmyndinni. Hann er maðurinn sem reynt hefur að berjast gegn spillingu af meiri hörku en aðrir. Kannski var hann sendur af Guði til að bjarga mannkyninu.

 

 

Trump dáðasti maður Bandaríkjanna

Ótrúleg orsakatengsl?

Hvað er svona ótrúlegt við það að sumir þoli ekki að fá nýtt efni inní sig, mRNA? Það er svo augljóst að reynt er að komast hjá panik svo fólk fyllist ekki af hræðslu gagnvart bóluefninu. 

Annars er sú barátta töpuð. Aldrei í mannkynssögunni hefur nokkuð bóluefni verið eins umdeilt og þetta, held ég að hægt sé að fullyrða, ekki hingað til. 

Samfélagið er orðið svo undarlegt. Gagnstæðar skoðanir fá hljómgrunn og verða vinsælar. Hvað er sannleikurinn? Erfiðara að vita það en oft áður. 

Þrír nú látist eftir bólusetningu hér á landi

Stjórn Kamölu Harris

Tel ég líklegt að klækjakvendið Kamala Harris stjórni á bakvið tjöldin þegar öldungurinn Joe Biden sezt að völdum í Bandaríkjunum. Þá vaknar spurningin, hverjar eru hennar áherzlur og hvernig verður hennar stjórn?

 

Hún er ekki mikið eldri en ég og af blönduðum uppruna. Hún fæddist þegar Dylan var að segja skilið við þjóðlagatónlistina og umfaðma rokkið, 1964. Hún hefur grunn sem lögfræðingur og stjórnmálamaður. Ferill hennar sem stjórnmálakonu er píratízkur ef svo má segja, hún vill lögleiða kannabis og hjálpa innflytjendum, stuðla að kvenréttindum og jafnrétti í hvívetna. Hún er sem sagt dæmigerður evrópskur jafnaðarmaður með sérstakan áhuga á því að lyfta sínu fólki til valds og áhrifa, af óamerískum ættum og þeim sem tilheyra öðrum minnihlutahópum.

 

Burtséð frá því hvað Trump hefur gert eða ekki gert eða sagt eða ekki sagt verður megináherzlan hjá henni að ofsækja hann og allt sem hann stendur fyrir. Það skiptir engu hvort pólitískir andstæðingar séu sekir heldur bara að klekkja á þeim með öllum ráðum.

 

Eins og þægur krakki eða máttlaust gamalmenni mun Biden hlýða og fara sömu slóð á meðan kraftar hans endast og heilsan.

 

Í forsetatíð Kamölu eflist Kína sem heimsveldi án efa, og Indland ásamt Afríku og öðrum austurlöndum. Alþjóðasamningar verða undirritaðir sem koma þessum rísandi risum til góða en ekki Bandaríkjunum. Hún hefur áhuga á mannréttindum þegnanna í landinu sínu en stoðirnar mega morkna hennar vegna.

 

Það jákvæða er að hún mun án efa stuðla að umhverfisvernd eins og hægt er í þessu flókna og margslungna hagkerfi margra hagsmunaaðila þar vestra.

 

Á meðan munu Repúblikanar sleikja sárin og ná vopnum sínum aftur og vonandi mæta sterkir til leiks eftir 4 ár og koma forseta til valda sem hefur sömu áherzlur og Trump, nema hraðvirkari, skilvirkari og hagstæðari, forseta sem hefur kosti Trumps en ekki skapbresti, eða þá að Trump verði þá aftur kjörinn, verði hann á lífi og við fulla heilsu, sem auðvitað er óvíst. Trump er orðinn heilt heimsveldi og vörumerki, og þrátt fyrir öll sníkjudýrin í kringum hann og óvinina, málareksturinn og vandamálin mun minning hans lifa og arfleifðin hans. Fangelsisvist, andlát hetjunnar eða annar opinber ósigur breytir því ekki. Hann hefur öðlazt orðstírr, þetta sem sózt var eftir framar öllu öðru þegar Ísland byggðist.

 

Orðstírinn hennar Kamölu er að byggjast upp. Hann getur annaðhvort orðið neikvæður eða jákvæður. Orðstír jafnaðarmanna á heimsvísu verður endurmetinn og dæmdur ógildur eða gildur á sama tíma, á þessum næstu fjórum árum.

 

Næstu 4 ár verða án efa tími jafnaðarstefnunnar og vinstristefnunnar á heimsvísu. Þá mun það koma í ljós hvort jafnaðarmenn vilji í raun koma á jafnrétti og réttlæti eða hvort þeir efli stórfyrirtækin sín enn meira, George Soros, Bill Gates og aðra auðmenn sem frekar flokkast sem jafnaðarmenn eða vinstrimenn en hægrimenn. Þeir eru forríkir kommúnistar og fjölmenningarböðlar.

 

Ef ójöfnuðurinn eykst á næstu 4 árum og almenningur gerir ekkert í því hlýtur að vera hægt að fullyrða að við lifum ekki lengur í lýðræðisríkjum heldur fasískum ríkjum, þar sem jafnaðarfasisminn ríkir.

Rangt að gera Íslendinga að tilraunadýrum lyfjafyrirtækja

Stórlega varasamt að bólusetja 92% þjóðarinnar með sama tilraunalyfinu - skárra að nota fleiri tegundir

 

Fólk er teymt, því er stjórnað. Það er ekki frjálst nema að nokkru leyti, þegar það lætur að stjórn. Allir vita að þessi veira er fæstum hættuleg, og hvaða ástæða er þá fyrir 92% þjóðarinnar að þiggja eitrið hans Bill Gates sem enginn veit hvað er í eða hvernig virkar til lengdar? Vöknum við öll sem grænar geimverur með þreifara eða verðum við zombíar með sama útlit, sem hlýða öllu sem yfirvöldin segja, enn frekar en núna? Eða fáum við enn sterkari mótmælavitund? Engin breyting kannski?

 

Mér finnst þetta svo makalaust hvernig fólk er teymt, hvernig búið er að afsanna það 100% að konur (eða karlar) hafi stjórn á sínum líkama, þótt þau fáránlegu rök sé notuð til að leyfa fóstureyðingar.

 

Af hverju vildu tiltölulega fáir bólusetningu fyrir stuttu? Eins og ég segi, fólk lætur teyma sig eins og sauði, þessvegna er það bölvað 100% kjaftæði að fólk hafi stjórn á eigin líkama, það er hægt að láta fólk skipta um skoðun á nóinu, og það er ekkert annað en fjöldadáleiðsla eða fjöldasefjun. Það á að sjá í gegnum slíka frasa að fólk hafi stjórn á líkama sínum og vita að þeir eru innihaldslausir, alltaf.

 

Svona í fullri alvöru, hvaða samsæriskenningar eru líklegastar sem sannar, ef einhverjar um bóluefnin? Ég er alveg viss um eitt, ef þetta er eitur eða hefur aðra virkni en sagt er verður það falið, ekki látið koma í ljós. Þessir aðilar kunna of mikið til að láta hanka sig á einhverjum sýnilegum útlitsbreytingum eftir bólusetningarherferðina.

 

Bill Gates myndi aldrei láta hanka sig á því að fólk breyttist í grænar geimverur með þreifara eftir bólusetningarnar. Hinsvegar ef fólk yrði sljórra, hlýðnara, leiðitamara, með veikara ónæmiskerfi eða eitthvað slíkt sem erfitt yrði að sanna, það gæti gengið fyrir hann og verið trúlegt sem niðurstaða af bólusetningunum.

 

Mannfræðilegar ályktanir má margar draga af bólusetningunni og hjarðhegðuninni í sambandi við hana, hvernig hægt er að telja fólki trú um eitthvað í nafni vísinda.

 

Svo að vilja gera Íslendinga alla að tilraunadýrum í tilraunastofu, eins og nóg sé ekki um slíkt? Að nota sama tilraunalyfið á alla þjóðina, og ef hún drepst eða veikist, þá bara sjitt happens, þá geta aðrar þjóðir lært af því. Gott, ekki satt? Undarleg sóttvarnaryfirvöld sem vilja slíkt, að þjóðin sé ekki dýrmætari en svo að rétt sé að gera tilraunir á henni, og skítt með niðurstöðuna.

 

Hvers vegna voru konur látnar skreyta sig í gegnum aldirnar, með eyrnalokkum og öðru skrauti? Með því að stjórna konum var hægt að stjórna mannkyninu, körlum og börnum. Þetta vissu eigendur okkar frá upphafi, og þeir sem hafa barizt um okkur í gegnum tíðina á þessum hnetti. Hvers vegna voru frumstæðir menn kúgaðir á sama hátt, með líkamsskrauti sem færðu X-2000 inní líkamana? Jú, vegna þess að verið var að gera tilraunir á þeim, með X-2000 efninu, stýriefninu sem samlagast taugaboðum, hormónum og slíku og finnst ekki.

 

Hversvegna gengu drepsóttir og útrýmdu ákveðnum hópum manna? Vita menn nákvæmlega hvaða hópar dóu út í ákveðnum farsóttum og drepsóttum? Vita menn hvernig ljóshærður stofn norrænna manna dó út í ákveðnum farsóttum fortíðarinnar og hvernig þetta var skipulagt og framkvæmt af nákvæmni, miklu meiri nákvæmni en Helförin í seinni heimsstyrjöldinni, og með miklu betri árangri?

 

Kúgararnir hafa ævinlega lagzt á konur sérstaklega, því þeir vita að þær stjórna stillilögmálinu, og að karlar hlýða þeim. Þessvegna voru konur látnar bera eyrnalokka og annað skraut í gegnum tíðina, engar tilviljanir eru í þessu efni, allt nákvæmlega skipulagt og framkvæmt svo útkoman verði aldrei röng eða tilviljanakennd (þótt slíkt geti gerzt og hafi gerzt stundum í sögunni).

 

Femínisminn og Metoohreyfingin er misskilningur á þessum miklu sannindum. Konum er stjórnað eins og rottum í búri, þær látnar ráðast á maka sína eða bara hitt kynið allt í heild sinni í stað raunverulegra óvina, enda hafa þær ekki vit á öðru. Hugsunin nær ekki útfyrir hnöttinn og heimsmyndin er of þröng tilað vera kúgurunum ógnun.

 

Menn sjá hversu snilldarlegar og fullkomnar þessar áætlanir eru. Við erum notuð sem hýslar, okkar líkömum er breytt hægt og rólega. Geimverurnar geta ekki lifað í andrúmslofti jarðarinnar, en þess í stað er okkur fjarstýrt, og veirur sendar til jarðarinnar sem breyta líkömum okkar og lífhvolfinu hægt og rólega í að verða hagstætt þessum geimverum.

 

Það eru andar geimveranna sem yfirtaka okkur. Þannig ná geimverurnar heimsyfirráðum. Útlitslega breytumst við ekki fyrren á síðustu stigum yfirtökunnar.

 

Ef menn væru ekki samdauna ruglinu gerðu þeir sér grein fyrir því að við heyrum öfugmæli frá fólki sem er tekið mark á alla daga stöðugt, af því að það fólk veit ekki betur og vegna þess að geimverur tala í gegnum þetta fólk, og talið er því órökrétt, án skynsemi.

 

Dæmi um öfugmæli er þegar sagt er að við lifum í lýðræðisríki, ekki einræðisríki eða klíkustjórnendaríki. Fólkið ræður engu um líf sitt sjálft, ekki í stóra samhenginu, kannski örfáum smáatriðum, það er allt og sumt.

 

Annað öfugmæli er þegar sagt er að framfarir hafi bætt heiminn svo allt sé nánast fullkomið. Hversvegna eru þá svona mörg þunglyndislyf notuð? Hversvegna fjölgar þá sjálfsmorðum?

 

Það er ekki hægt að mæla hamingjuna. Það er rangt þegar sagt er að eitthvað samfélag sé hamingjusamara en annað, mælikvarðinn er huglægur og matið þessvegna alltaf afstætt og umdeilanlegt.

 

Nú er þessi sannleikur fram kominn og þá hefst hin nýja öld. Dr. Helgi Pjeturss sagði að ný öld hæfist í sannleika þegar hans sannindi fengju brautargengi. Allt ber þetta að sama brunni, stjörnuspáspekin hefur þennan boðskap verið að færa núna um nokkuð langt skeið og það er stórmerkilegt. Talað er um að öld Vatnsberans sé loksins að hefjast, og er það fagnarefni og gleðitíðindi.

 

Andleg sannindi og sannindi almennt munu betur og meira eiga uppá pallborðið í framtíðinni. Bara núna á þessu ári er þetta farið að breytast, en fæðingarhríðir nýrrar aldar hafa staðið yfir um nokkuð langt skeið og endalaus runa af misgáfulegum spillingamálum hefur hneykslað þjóðirnar trekk í trekk.

 

Svo er það góðmennskan og náungakærleikurinn. Það er ekki nóg að ríghalda í þannig setningar og umvefja sig þannig sýndarmennskuheilagleika. Það verður að felast í því að láta af sínu egói, að gleðjast yfir því í hjarta sínu innilega að öðrum gangi vel, að sjá að velfarnaður okkar minnstu bræðra er okkar velfarnaður einnig.

 

Maður getur fagnað yfir einhverju sem maður hefur sjálfur áunnið, en margt slíkt á það til að fölna með tímanum og sumt býsna fljótt.

 

Til dæmis núna í kófinu. Hvers virði er það að standa framar öðrum peningalega, valdalega, félagslega, frægðarlega... eða hvað sem hægt er að nefna, ef ættingjar og vinir hafa það ekki gott, ef maður fréttir af andláti eða veikindum þeirra sem maður elskar, eða ef manns eigin heilsa bregzt, eða ef félagsleg samskipti eru ekki eins og bezt verður á kosið?

 

Ég hef mikið spá í hvað þessir spádómar um aldaskipti í stjörnuspáfræðinni eiga að þýða og í hverju þessi aldaskipti geta falizt. Því má svara á margan hátt.

 

Til eru guðir og til eru djöflar. Sumar æðri verur hjálpa okkur og bíða með útréttar hjálparhendur. Trúarbrögðin eru farvegur fyrir þessar andlegu hreyfingar.

 

Við erum vissulega efniskenndar verur en einnig andlegar verur. Til að kærleikur okkar nái að verða algjör og meiri en hann er nú þegar verðum við að þiggja þessa hjálp frá dulspeki, trúarbrögðum og öðru slíku.

 

Við erum að verða upplýstari. Það hræðast kúgarar okkar. Ennþá er meirihlutinn hlýðnitamur, en ekki er allt sem sýnist í því efni. Fólk gefur ekki alltaf upp réttar skoðanir eða viðhorf í könnunum.

 

Breytingin getur komið skyndilega. Allur fjöldinn getur skyndilega orðið kærleiksríkari, samstilltari, skynsamari og upplýstari. Rétt eins og unglingur á mótþróaskeiði getur skyndilega hætt að gera uppreisn gegn foreldrum sínum og kosið hefðbundið líf.

 

Það sem ég veit er þetta, að þrátt fyrir að þetta sé helstefnumannkyn og helstefnujörð þá verður jafnvæginu ekki raskað til muna með svona bólusetningum eða bólusetningaherferð, þannig virkar bara ekki þróun mannkynsins, í aðrahvora áttina. Nei, breytingarnar eiga sér stað á lengri tíma. Svona bólusetning er aðeins varði, ein lítil breyting af mörgum. Kannski þó stærri en margir halda, en til góðs eða ills, það er ekki gott að segja.

 

Í heildina má segja að margt hefur breyzt í lífstefnuáttina, en ekki allt. Þessvegna er ekki gott að segja hver áhrif, ef nokkur, bóluefnið hefur, fyrir utan þau sem gefin eru upp.

 

Kúgandi aðilar vilja þó sízt gefa völd sín af hendi. Frelsun eða helsun mun þó fara fram með andlegri vakningu, upplýsingabyltingu frekar en lyfjafræðiblöndubreytingu, finnst mér líklegt.

 

Hitt er næstum alveg víst, að geimfarið sem féll niður í Roswell í Nýju Mexíkó árið 1947 var gildra, eða veira, umbreytingarafl, og að næstum öll nútímatæknin er þaðan komin, og þessvegna erum við að breytast í þessar geimverur, meðfram því að hafa þegið tækni þeirra.

 

Þór er hinsvegar ekkert ómögulegt, en mjög fáir þiggja hjálp hans. Svo fáir að einungis þessvegna kann helstefnan að sigra á okkar jörð. Margt bendir í þá átt.

 

Ég vil ekki gera lítið úr þessari bólusetningu, það var lengi stefnt að henni, en hún er ekki endapunkturinn í þeirra áætlunum með okkur, öðru nær.

 

Það er á andlega sviðinu sem úrslitin ráðast. Heldur fólk áfram að fjarlægjast, eykst fjandskapurinn á milli einstaklinga og hópa, eða finnum við það sameiginlega og förum við að elska hvert annað meira og hvort annað, í frjósömum samböndum eða verða leiðindamálin til að drepa niður allt það jákvæða og uppbyggilega?

 

X-2000 hefur verið hluti af mannkyninu lengi, og þótt magn þessi hafi aukizt í vesturlandabúum hefur ekki orðið heimsendir enn, þannig séð, nema 2012, þegar frelsið var tekið að miklu leyti, en það er of langt að tala um það hér.

 

Ennþá er allt mögulegt, en gluggarnir geta lokazt til lífstefnuáttarinnar. Ekki þó fyrir alla, en fjöldann.

 

Fyrir flesta er þó ekki ósennilegt að 2021 verði mun skárra ár en 2020. Hægt og rólega siglum við útúr brotsjónum. Vonandi að bóluefnið sé skárra en verstu spár gera ráð fyrir.

 

92% Íslendinga telja líklegt að þeir þiggi bólusetningu