Villandi sérfræðingaelíta og útrásarflón

Það er margt líkt með Silfri Egils/Fanneyjar Birnu nú þar sem Jón Kaldal og fleiri mæra fjölmenninguna, flóttamennina og alla þá vitleysu og viðtölunum við bankamennina fyrir hrunið 2008 sem fullyrtu að íslenzkir bankar stæðu einstaklega vel og gætu ekki hrunið, sem svo gerðist á því sama ári.

 

Fjölmiðlafólk sem gerir ekkert annað en að blaðra um ekki neitt, afneitar staðreyndum, snýr öllu á hvolf, eins og vinstraliðið gerir svo oft, það hefur ekki mikið erindi við almenning. Þetta eru atvinnuþvaðrarar sem þvæla málin unz allur skilningur og skýr rökvísi er fokin útí veður og vind. Svona sérfræðingaelíta var alveg jafn hættuleg og útrásarflónin í aðdraganda hrunsins 2008.

 

Þegar sjónvarpsþættir, sjónvarpsstöðvar verða jafn afleitar að gæðum eins og RÚV og margt sem þar er gert, þá er líka mjög auðvelt að skynja hvernig sjónvarp á að vera, einmitt ekki þannig.

 

Það er kerfisbundið verið að blekkja fólk þegar ekki er fenginn að minnsta kosti einn viðmælandi í Silfrið með viti, það er að segja, ekki innmúraður spillingarkjáni í Lýgveldið, svo ég vitni í annan bloggara, Guðjón Hreinberg, sem oft kemur fram með eitthvað bitastætt.

 

Hvaða nýju Nüremberg réttarhöld geta hafizt yfir fjölmenningarfólkinu og jafnaðarmönnunum sem hafa gerzt sekir um að frjósemi hefur dvínað svo í ríkum löndum að þjóðirnar eru að útrýma sér?  Enginn, ekki einn einasti maður ætti að kjósa Samfylkinguna, Viðreisn, Pírata, eða aðra flokka sem styðja við femínisma sem er lífsfjandsamlegur og karlfjandsamlegur eins og þessi femínismi sem tröllríður samfélaginu á slig hér eins og í öðrum vestrænum löndum. Þetta er þjóðfélagsrýni og á ekkert skylt við kvenhatur, því femínistar eru af báðum kynjum.

 

Ég er að kalla eftir nýjum Nüremberg réttarhöldum, yfir Evrópusambandinu og öllum þeim sem stutt hafa útrýmingarstefnu mannkynsins sem birtist í fækkandi fæðingum, og er mesta hættan sem steðjar að mannkyninu, ásamt loftslagsvandanum.

 

Þetta er stórt mál, og þetta er mál framtíðarinnar ásamt umhverfisvandamálunum. Hvernig er hægt að bjarga mannkyninu og efla frjósemi þess, ekki þetta innihaldslausa þvaður í Silfrinu síðast þar sem málum var drepið á dreif eins og venjulega.

Samsæriskenningar um of hörð viðbrögð

Það er skrýtið hvernig málin leggjast í flokkslínur og sóttvarnarmálin ekki síður, en ég hallast nokkuð á sveif með Ómari Geirssyni um að meiri varfærni sé þörf. Hans pistlar eru ágætt mótvægi við alla þá sem eru ósammála honum. Þó er ég á móti bólusetningum og tel að náttúruleg leið til ónæmis virki ein, nema um ónáttúrulegar pestir sé að ræða, en kannski er kóvíð þannig, búin til af mannavöldum, hver veit. Um það fjalla ýmsar merkilegar samsæriskenningar, sem kannski eru réttar.

 

Raunar er ein samsæriskenning orðin nokkuð útbreidd og jafnvel svo útbreidd að sóttvarnarlæknir virðist taka mark á henni, en það er kenningin um það að þetta sé svo saklaus veira að í gangi sé samsæri um að ná heimsyfirráðum með því að valda efnahagskreppu, að viðbrögðin séu hættulegri en veiran sjálf, og ýmsar útfærslur af þessari samsæriskenningu eru settar fram. Svo eru menn ekki sammála um það hvort vinstriöfl eða hægriöfl ætli að hagnast á þessu samsæri og heimskreppu, en algengt er að tengja Illumati, George Soros og Bill Gates við þessar samsæriskenningar.

 

Samsæriskenningar verða fjölskrúðugri og flóknari með hverjum deginum sem líður. Að ætla að banna þær eða einhverjar skoðanir á netinu virkar ekki. Ef áhuginn er fyrir hendi lifa þær af og dafna sem aldrei fyrr. Einhverjar þeirra hljóta að vera sannar, en ekki allar.

Vinstripólitískur fnykur af málinu

Hægt er að samgleðjast Khedr-fjölskyldunni með þessa niðurstöðu, en ýmsar spurningar vakna um stefnufestu og völd þrýstihópa í okkar samfélagi. 

Getur það verið að Katrín forsætisráðherra hafi togað í spotta vegna þess að hún óttist að þetta mál geti valdið sundrungu í hennar eigin flokki, þar sem margt fólk er mjög vinstrisinnað og upptekið af svona mannréttindamálum í þeim flokki?

Annars finnst mér fyndið að lesa sum blogg vinstrimanna hér á þessum vettvangi og allskyns fyndin nýyrði eru bara til skemmtunar.

Mér virðist sem prestastéttin sjálf sé hætt að dæma menn, almenningur hefur tekið við því hlutverki, og dæmir þá hver og einn náungann til Helvítis hver eftir sínum smekk. Greinilegt er að heimsmynd manna er misjöfn, en að lesa vel skrifaðan texta er ánægjuefni hvort sem maður er sammála eða ekki.

Ég hef áhyggjur af því að ístöðuleysi sem þetta geti leitt til stjórnleysis. Mér finnst Áslaug Arna hafa sýnt að hún hefur reynt sitt bezta, en það er eins og hin nýja valdastétt sé anarkistaflóran unga á vinstrivængnum og að allir hræðist þá, ekki aðra, unga né gamla með allskonar öðruvísi skoðanir og hefðbundnari.

 

 

 

Khedr-fjölskyldan fær dvalarleyfi

Er Evrópusambandið að skána?

Gamla og góða kenningin um að hentugast sé að hjálpa fólki að lifa í eigin landi virðist loksins vera orðin eitthvað viðurkennd innan Evrópusambandsins. Þessar nýju tillögur eru svo sem mjög fumkenndar, en þær sýna þó að menn eru að reyna að feta sig í átt að einhverri slíkri lausn.

 

Það að svonefndir "flóttamannasérfræðingar " setji sig upp á móti þessum nýju tillögum er eins og góð meðmæli. Sérfræðingaveldið í svona málum er svo innmúrað í spillinguna að það hugsar helzt um að græða meira. Mannúð er hluti af okkur öllum, en þegar búið er að gróðavæða mannúðina og spenna fyrir vagn Mammons er hún orðin allt önnur skepna sem lýtur öðrum lögmálum.

 

Ekki lízt mér á að stjórnvöldin í hverju landi fyrir sig þurfi að borga fyrir að senda fólk til baka, en frelsið til að gera það er auðvitað nauðsynlegt. Þessi tillaga er sennilega aðeins millikafli í lengri þróun, vonandi í rétta átt.

Taki við flóttamönnum eða hjálpi til

Reglur sem torvelda sambúð Evrópusambandsins og Facebook

Hér er frétt sem sýnir sum vandamál sem fylgja Evrópusambandinu. Hún er merkileg, og fjallar um það hvernig írsk persónuverndarlög og Evrópudómstóllinn gætu stöðvað starfsemi Facebook í öllu Evrópusambandinu.

 

Hvernig datt mönnum það í hug að hægt væri að steypa öllum þessum ólíku þjóðum Evrópu í eitt og sama mótið með sama gjaldmiðilinn? Nú er það svo að lönd Evrópu eru rík af merkilegri og dýrmætri menningu í fortíðinni, en hún hefur visnað eftir samrunann, enda þjóðarstoltið þorrið víða, sem verður að teljast drifkrafturinn í þjóðlegri menningu og menningu yfirleitt.

 

Sumir halda því fram að fjölmenningin auðgi þjóðmenninguna. Magn er bara ekki það sama og gæði. Rapp, teknó, og þessar nýju tónlistarstefnur, þetta má teljast nýstárlegt, en þetta snýst meira um að vera hipp og kúl en að búa til eitthvað djúpt.

 

Þessi hnignun evrópskrar menningar innanfrá er einmitt ein helzta ástæðan fyrir því að múslímsk menning verður öflug sem menningarbrot sem ryður sér til rúms. Það sem er mönnum heilagt, það verður öflugt, það hefur áhrif. Það er við hina innfæddu að sakast sem ekki virða sína menningu, og telja hana ekki heilaga.

 

Hvort mun gróðahyggjan eða almenn skynsemi hafa betur innan Evrópusambandsins og landanna innan þess? Ef það verður ekki leyst upp og löndin þar frelsuð undan áþján báknsins mun það koðna niður sem rotin jurt, og þá verður Evrópa nýlenda flóttaþjóðanna sem þangað leita, blómstra og taka forystu.

Facebook gæti þurft að loka í Evrópu

Dökkrauð áróðurssjónvarpsstöð, RÚV

Til hvers eru settir upp leikþættir reglulega um flóttamenn á RÚV? Til að dreifa athyglinni frá raunverulegum fréttum. Fréttastöð sem byggist á pólitískum vinstriáróðri frekar en hlutlausum fréttaflutningi þarf að sannfæra eigin starfsmenn, samvizkuna og helzt meðvirkan almúgan um ákveðna heimsmynd, með því að tala illa um alla stjórnmálamenn sem eru hægrisinnaðir, og stjórnir sem ekki falla að flokkslínunni. Ef þetta væri séríslenzkt vandamál væri hægt að uppræta það, en þetta er alþjóðlegt vandamál sem á upptök sín í Evrópu, í Frankfurtskólanum, antifa og öðrum hryðjuverkagrúppum, sem hafa það að markmiði að kollvarpa vestrænu samfélagi og búa til kommúnistaútópíu sem hvergi hefur virkað nema á pappírunum, í skáldsögum eða fræðiritum.

 

Ég kalla þetta leikþætti, eins og handvaldar séu fjölskyldur sem gætu nú vakið fram vorkunnsemi og tár hjá ákveðnum einstaklingum, að minnsta kosti vinstrisinnuðum. Síðan er talað um mannréttindabrot, rasisma og hvað eina og ungir einfeldningar teknir tali sem hafa rétta skoðun, eða fólk á öllum aldri. Lögð er áherzla á að börnin útlendu hafi nú fest hér rætur, sem gerist raunar yfirleitt alltaf þar sem fólk dvelst um einhvern tíma. Kokteillinn er svo fullkomnaður með tilfinningaorðum, og setningum, þar sem höfðað er til tilfinningasemi og væmni áhorfenda, og barnslegu einfeldninnar í sál hvers og eins.

 

Silfrið, sem orðið er algjör kommúnismaþáttur núna, er á svipuðum nótum, því miður. Hvergi örlar á heimspekilegri hugsun, efasemdum um að stefnan sé rétt sem boðuð er. Kveikur er jú á dýptina, en bara á kommúnísku jafnaðarstefnudýptina, og því er hallærisgangurinn skelfilegur í þessu öllu hjá þeim á RÚV. Árásin á Samherja er enn eitt dæmið. Hvort sem þar er farið rétt með eða ekki ætti sjónvarp allra landsmanna ekki að vera dökkrauð áróðurssjónvarpsstöð.

Refsing guðs sem kallar á ný eða gömul gildi

Hvort afleiðingar þessarar þriðju bylgju verða hörmulegar er óvíst, en mörgum finnst mannkynið syndugra en nokkrusinni fyrr. Femínismi er upphafning á egói kvenna og jafnaðarstefna er upphafning á góðmennsku manna sem sjálfir vilja gera jörðina að paradís, telja æðri goðmögn ófær um það, ef verk þeirra mega tala. 

Margar samsæriskenningar gætu útskýrt kórónuveiruna. Eru geimverur að leggja undir sig jörðina og eru helztu leiðtogar Evrópusambandsins geimverur í mannsholdi? Er ekki femínisminn allur til sönnunar um það hvernig geimverur veikja mótstöðuafl manna áður en að innrás kemur með því að etja saman konum og körlum, búa til hatur á milli kynjanna?

Helstefnan er augljós, og þrátt fyrir alla bjartsýni sem byggist á því að mannúð hafi aukizt og almenn lífsgæði er hnignun náttúrunnar ekki eina dæmið um að stefnubreytingar er þörf. 

Kórónuveiran er að hluta til afleiðing af Metoobylgjunni, og færa má fyrir því rök. Líforka mannkynsins hefur minnkað mikið með auknu hatri á milli kynjanna, og þegar mótstöðuafl fjöldans minnkar er auðveldara fyrir helstefnumannkynin að hrinda svona árásum til framkvæmda eins og kóvíðfaraldrinum. 

Það er að vísu rétt að dauðsföll hafa ekki alltaf haldizt í hendur við fjölgun smita, en allt er þetta óljóst enn, veiran getur stökkbreyttzt til hins verra, og við erum í miðjum storminum og mikil þörf á að komast að réttri niðurstöðu.

Það er kærleikurinn sem er lausnin á þessu, því ástin eflir líforkuna, og líforkan er það afl sem eflir ónæmiskerfið hjá fólki. Við eigum að reyna að fyrirgefa ófullkomleika annarra og okkar eigin ófullkomleika, en ekki gera viljandi rangt, syndga eða annað. Þannig hygg ég að kjarninn í kristninni sé og sennilega flestum trúarbrögðum.

 

19 ný innanlandssmit: mesti fjöldi frá 9. apríl

Dyggðaflöggun

Þetta nýyrði er sérlega lýsandi og gott. Kommentakerfin í DV og víðar eru samansafn af rusli og gersemum inn á milli. Eitt gullkornið um þessa frétt þar er orðasambandið "eigingjörn dyggðaflöggun", sem lýsing á hegðun góða fólksins svonefnda, sem lætur tilfinningarökin bera sig ofurliði í þessum málefnum útlendingastofnunar sérstaklega. 

Annars eru háskólarnir oft gróðrastía fyrir öfgavinstrimennsku, sem svo eldist af mörgum, sem betur fer. Það er erfitt að rökræða við fólk sem lætur tilfinningarnar bera sig ofurliði. 

Annars er það rétt að nauðsynlegt er að minnka bilið á milli karlamenningarinnar og kvennamenningarinnar, nema það er ekki hægt að gera það allt á kostnað karlamenningarinnar þótt margir öfgafemínistar vilji hafa þetta þannig. 

Nú er það svo að margir Íslendingar þekkja það af eigin raun að sem börn voru foreldrarnir sífellt að flytjast á milli hverfa, landa eða landshluta. Ekki gátu þau börn neitt við aðstæðurnar ráðið, og ekki upphófust mótmæli út af slíku. 

Ég hef alltaf haft þá tilfinningu gagnvart svona mótmælum að fiskur liggi undir steini, að verið sé að blekkja almenning til að hafa samúð. Skilyrt viðbrögð, að búa til samúð með ákveðnum fréttum. Nú þegar vitað er að George Soros og fleiri starfa kerfisbundið með þessum hætti, að stjórna hugsanahætti og menningu jarðarbúa, er það sannað að ekki er allt sem sýnist í þessum efnum.

 

Fjölskyldan fannst ekki

Úrelt öfgajafnaðarstefna innan kirkjunnar

Eins og Björn Bjarnason bendir réttilega á er Ísland ávallt nokkrum árum eða áratugum á eftir þegar kemur að innflytjendamálum og vandamálum í þeim efnum. Fréttafólkinu á RÚV mun ábyggilega ekki finnast það fréttaefni þegar stjórnvöldin í Svíþjóð vakna loks upp af vondum draumi eða veruleika og segja sannleikann um hvernig hryðjuverkaöfl eru þar í landi að ná tökum, vegna sofandaháttar í innflytjendamálum. Þess vegna býst ég síður við frétt um stefnubreytingu Svía, nema einhver rangsnúin fréttaskýring fylgi.

Það kemur mér ekkert á óvart að valdafólk innan kirkjunnar hafi samúð með flóttabörnum og flóttafólki, enda er nú umburðarlyndið eitt helzta tákn kirkjunnar. Hins vegar er loksins komin meiri umræða um það þegar glæpagengi senda inn heilu fjölskyldurnar til að umbylta þjóðfélögunum innanfrá. Flóttamenn eru sumir kostaðir af pólitísku öfgafólki og þetta hefur verið lengi vitað, en ekki ratað mikið í víðlesna eða víðheyrða fjölmiðla. 

Það kemur mér ekki á óvart að kjánalegt kirkjuþing sem fjallar um málefni síðasta árs álykti svona. Hvað er þá fréttnæmt við þann kjánaskap? Áslaug Arna er kjarkmikil kona, og loksins núna er ég aftur farinn að fá trú á femínistum og konum við völd. 

Kirkjuþing álykti um brottvísanir

Elskum hvert annað

Mikið hefur verið fjallað um þessa auglýsingu, en ég vil benda á hvaða skilaboð er verið að senda út í samfélagið með því að slíta ákveðna texta Biblíunnar úr samhengi, eins og setninguna: "Elskum hvert annað!". Þetta er í 1. Jóhannesarbréfi eins og kemur fram í fréttinni.

 

En aðaláhrifin verða önnur, og þegar dyr vagnsins að aftan eru kallaðar "Gullna hliðið" er verið að færa myndmál Biblíunnar í allt annað samhengi en fólk hefur vanizt.

 

Ungu kynslóðirnar sem hafa alizt upp við fjölmenningu, frelsi til ásta í sem víðustum skilningi og andúð á hefðbundnum kristilegum gildum leggja þá merkingu vafalaust í þennan sirkus allan að verið sé að hvetja til lauslætis, vegna þess að sögnin að elska getur haft margvíslega merkingu á íslenzku, holdlega jafnt sem andlega. Þarna er búið að búa til listrænan gjörning sem hefur margvíslega veraldlega skírskotun, en hefur gjörsamlega snúið út úr boðskap Biblíunnar um þetta efni.

 

Það má segja að kirkjunni hafi tekizt að hrista upp í fólki. Var það markmiðið? Það verður fróðlegt að vita hvort færri eða fleiri verða í þjóðkirkjunni eftir öll þessi ósköp.

 

Í þessari frétt kemur fram að þessari herferð er ekki lokið, heldur verður haldið áfram á sömu braut, svo öllum verði það ljóst að kirkjan sé að reyna að sækja í kirkjuna sérstaklega þessa einstaklinga sem helzt hafa gagnrýnt kirkjuna upp á síðkastið. Það er ágætt hvað Geir Waage sagði í viðtali við útvarp Sögu, hér er verið að leitast eftir því sértæka á kostnað hins almenna.

Brjóstgóður Jesús á götum borgarinnar