Reglur sem torvelda sambúð Evrópusambandsins og Facebook

Hér er frétt sem sýnir sum vandamál sem fylgja Evrópusambandinu. Hún er merkileg, og fjallar um það hvernig írsk persónuverndarlög og Evrópudómstóllinn gætu stöðvað starfsemi Facebook í öllu Evrópusambandinu.

 

Hvernig datt mönnum það í hug að hægt væri að steypa öllum þessum ólíku þjóðum Evrópu í eitt og sama mótið með sama gjaldmiðilinn? Nú er það svo að lönd Evrópu eru rík af merkilegri og dýrmætri menningu í fortíðinni, en hún hefur visnað eftir samrunann, enda þjóðarstoltið þorrið víða, sem verður að teljast drifkrafturinn í þjóðlegri menningu og menningu yfirleitt.

 

Sumir halda því fram að fjölmenningin auðgi þjóðmenninguna. Magn er bara ekki það sama og gæði. Rapp, teknó, og þessar nýju tónlistarstefnur, þetta má teljast nýstárlegt, en þetta snýst meira um að vera hipp og kúl en að búa til eitthvað djúpt.

 

Þessi hnignun evrópskrar menningar innanfrá er einmitt ein helzta ástæðan fyrir því að múslímsk menning verður öflug sem menningarbrot sem ryður sér til rúms. Það sem er mönnum heilagt, það verður öflugt, það hefur áhrif. Það er við hina innfæddu að sakast sem ekki virða sína menningu, og telja hana ekki heilaga.

 

Hvort mun gróðahyggjan eða almenn skynsemi hafa betur innan Evrópusambandsins og landanna innan þess? Ef það verður ekki leyst upp og löndin þar frelsuð undan áþján báknsins mun það koðna niður sem rotin jurt, og þá verður Evrópa nýlenda flóttaþjóðanna sem þangað leita, blómstra og taka forystu.

Facebook gæti þurft að loka í Evrópu

Athugasemdir

[Guðjón E. Hreinberg, 29.9.2020 kl. 16:25]

Tek undir að Evrópa er rík að fjölskrúðugri og merkilegri menningu. Byrjaði í fyrra á að setja saman skáldsögu sem byggir á því að taka saman dularfræði í bland við ýmsa sagnfræði frá mörgum stöðum Evrópu í gegnum margar aldir og hnýta inn í söguþráð manns sem ferðast um álfuna á meðan síðari heimsstyrjöldin geisaði. Reikna með að það taki mig næstu tvö árin að hnýta alla flækjuna inn í eitthvað heildsætt. Söguþráðurinn er í aðalatriðum tilbúinn og ég hef sett útlínurnar á eina vefsíðu svo ég eigi tímastimpilinn á hugmyndinni. Þarf að grúska mikið í heimildum og gleymi mér heilu dagana við að finna nýja hluti á bak við sumt sem ég finn.

Er aðallega að segja með þessari athugasemd, að það er mjög gaman að grúska í menningu, sérstaklega ef grúskið er óháð samfélagsverkfræðinni.