Vesturlönd eru að deyja úr femínisma, talíbanisminn í Afganistan er móteitrið sem allar þjóðir þurfa að taka inn

Ég er aðdáandi Talíbana að þessu leytinu til. Ég var ekki sáttur við það hvernig þeir eyðilögðu Búddalíkneskjur árið 2001, en ég tel að stefna þeirra með því að hafa konur helzt aðeins heimavinnandi sé rétt og fyrirmynd fyrir öll önnur ríki.

Sú var tíðin að ég taldi trúarbrögð slæm og ættu ekkert erindi við stjórn landa og að blandast við pólitíkina. Þá hafði ég næstum ekkert álit á múslimaríkjum af þessu tagi.

Menningin er hrunin, eins og Guðjón Hreinberg segir. Ástæðan er fyrst og fremst femínismi, agaleysi, upplausn og vitleysa á öllum sviðum. Bækur koma út fyrir jólin og þær falla í tvo flokka eingöngu: Þvaður um ekki neitt og eyðsla á pappír eða rangfræði eins og Keltabók Þorvaldar Friðrikssonar. Ég fékk hana í jólagjöf og hef verið að blaða í henni. Í henni er sumt sem ég tel að geti hugsanlega passað, í lausamálsköflunum, en orðsifjakaflinn er langur og er einsog... "Þetta orð minnir mig á þetta orð," frekar en að hann sé fræðilegur.

Í orðunum sem hann telur af kelteskum uppruna tel ég að fæst sé rétt í því. Það er hægt að finna líkingar við erlend orð í næstum öllum tungumálum, og stór hluti af "keltneskum" orðum sem hann telur upp eru alþjóðaorð sem eiga sér uppruna í indóevrópska frumtungumálinu og koma þaðan inn í okkar mál frekar en í gegnum Papa og Papakenninguna, sem er ósönnuð, þótt sennilega hafi einhver byggð hér verið fyrir eiginlegt landnám. En kristnir og írskir einsetumenn og munkar? Það gætu hafa verið aðrir líka.

Um Talíbana segir Theódór Norðkvist að þeir séu snarbrjálaðir hellisbúar. Fullyrðing hans um að ekkert land fái meira í þróunaraðstoð held ég að hljóti að vera röng. Það er búið að vera stöðugt í fréttum RÚV og Stöðvar 2 að aðstoð við þá hafi strandað á því skilyrði að þeir leyfi jafnrétti, og vitað er að fátæktin þarna er gífurleg.

Það sem hann er að vitna í held ég að sé sagan, það hafa verið ýmis yfirvöld í Afganistan og Bandaríkjamenn hafa reynt að kenna þeim vestræna og úrkynjaða dauðasiði. Í fortíðinni hefur Afganistan þannig verið stutt af mörgum þjóðum, en árangurinn minni en enginn, þeir eru enn með sína siði.

Konum meinað að starfa annars staðar en hjá ríkinu

Athugasemdir

[Theódór Norðkvist, 26.12.2022 kl. 19:51]

Nú verðurðu tekinn á beinið. Ekki af mér, ég ætla að sneiða framhjá jafnréttismálunum, þó mig gruni að femínistar séu alveg horfnir héðan af Moggablogginu, eða bloggi aðallega um ketti og önnur slík alvarleg mál.

Samkvæmt þessum tengli þá er Afganistan í 3. sæti yfir þau lönd sem fá mesta alþjóðlega aðstoð.

https://www.wristband.com/content/which-countries-provide-receive-most-foreign-aid/

Þá var það rangt að þeir fá mesta aðstoð, en það breytir ekki því að aðstoð við þá er gríðarleg. Ef þeir ætla alveg að dr*lla yfir allt velsæmi og fjötra almenning enn meir við steinöld, þá finnst mér alveg ástæða til að endurskoða aðstoð við þá.

Ef þeir eru svona klárir að þeir vita betur en allir aðrir hvernig á að koma fram við kvenfólk og alla aðra, þá ættu þeir að geta brauðfætt þjóðina án utanaðkomandi aðstoðar. A.m.k. gengur ekki að þeir komi með betlistaf til Vesturlanda, en hrauna yfir alla siðferðisstaðla okkar. Þó ég sé að mörgu leyti sammála þér um vinstri úrkynjunina.

Þetta eru mínar tvær krónur í þessu máli og þú ræður hvort þú kaupir þær.

[Theódór Norðkvist, 26.12.2022 kl. 19:53]

Rétt að bæta við, að trúarbræður hellisbúanna eru ekki einu sinni sammála Talíbönunum í túlkun þeirra og á þeim bænum er nú staðallinn ekki hár. A.m.k. ekki í samskiptum kynjanna.

[Theódór Norðkvist, 26.12.2022 kl. 22:34]

Þó konur á Vesturlöndum hafi almennt risið upp gegn Guði (karlmenn líka) þá er ekki þar með sagt að frummennirnir í Afganistan með alla sína villimennsku, séu bara flottir gæjar. Ein vitleysa gefur ekki annarri (enn verri?) vitleysu gæðastimpil.

[Ingólfur Sigurðsson, 27.12.2022 kl. 06:30]

Theódór, það er gott hjá þér að rökstyðja þitt mál með því að benda á þessar upplýsingar. 

Ég lýsti skoðun í þessum pistli. Þetta mál er eitt af mörgum málum sem þarf að fjalla hlutlaust um. 

Skoðun mína byggi ég á því að Vesturlönd eiga sér vandamál. Til dæmis að fólki fækkar hér og það finnst mér vega þyngst.

Margt í því sem þú skrifar byggist á tilfinningum og um þær verður varla rökrætt. 

Eftir stendur þó þetta hvernig stendur á fátæktinni þarna? Er það þeim að kenna eða öðrum?

Í þínum svörum kemur ekki fram nákvæmlega það sem sannfærir mig um að þetta sé allt þeim að kenna. Til að vera sannfærður um slíkt þarf að fá hlutlausar upplýsingar um aðstæður og ástæður, en samkvæmt Wikipediu og því sem ég veit eru margþættar ástæður fyrir fátækt þarna, trúarlegar ástæður, styrjaldir, pólitískar ástæður, spilling, vítahringur sem myndast þegar þjóðir verða háðar hjálparstarfi og margt fleira.

Þórdís Kolbrún Reykfjörð Gylfadóttir hefur verið með yfirlýsingar sem þú virðist sammála, um að talíbanar séu verstu menn. 

Fyrir mér vakti að sýna að ekki eru allir sammála henni. 

Guðmundur Örn Ragnarsson finnst mér útskýra margt vel í sínu svari. Jafnvel betur en ég reyndi að gera það.