Hinn kúgaði Egill sem ekki stjórnar Silfrinu lengur en skammast útí pólitíkusa á Fésbókarsíðu sinni í staðinn

Ekki fannst mér það trúverðugt þegar Egill lýsti því yfir í viðtali í fyrra eða þar um bil að RÚV væri svo góður vinnustaður að þar væri honum ekki ritstýrt, heldur hafi það frekar gerzt á Skjá einum eða Stöð 2. Hversvegna stjórnar hann þá ekki lengur Silfrinu heldur bara Kiljunni, og verður lélegri með hverjum þætti þar? Eitthvað við þetta gengur bara ekki upp, og segir manni að hann hafi ekki verið hreinskilinn í þessu viðtali þar sem hann lýsti RÚV sem fyrirmyndarvinnustað og engri kúgun eða ritstýringu.

Annað svipað fyrirbæri er þegar sem flestir fyrrverandi og núverandi áhrifamenn (og konur) innan Samfylkingarinnar afneita því að þetta sé einhver stefnubreyting hjá Samfylkingunni, og Kristrún sjálf vill nota orðið stefnumótun, sem jú er nákvæmara orðaval, en er jafnan undanfari stefnubreytingar, sé eitthvað mark á þeim takandi í Samfylkingunni, sé þetta annað og meira en tímabundið og ómarktækt lýðskrum í þeim.

Egill Helgason er stundum mjög leiðinlegur vinstriíhaldspjakkur og hræddur um að vera kallaður rasisti þegar hann ræðst á aðra fyrir slíkt, eins og Ingu Sæland. Enda er það algengt að þeir sem ala í brjósti sér leyndan rasisma saki aðra um það af mestum ákafa.

Skemmtilegustu viðtölin í Silfrinu hafa verið þegar hann hefur espað fólk til að tjá sig á öfgafenginn hátt. Ég man efnislega þegar hann sagði í Silfri Egils fyrir meira en 10 árum að áhugi hans á öfgastefnum í pólitík (hægriöfgum og vinstriöfgum) væri fyrir honum jafn mikil fíkn og klám er fyrir öðrum. Hann sagði þetta vissulega í einum þætti í lok viðtals, þótt orðalagið hafi ekki verið nákvæmlega svona. Það er einmitt þessi áhugi sem gerði hann að góðum þáttastjórnanda sem fór ekki nákvæmlega alltaf eftir pólitískri rétthugsun, heldur ýtti fólki lengra, lengra, lengra.

En aftur að spurningunni, hversvegna er Egill ekki með Silfrið lengur?

Er það ekki augljóst að reynt hefur verið að milda Silfrið og eyðileggja það allan þann tíma sem það hefur verið á RÚV?

Er það ekki augljóst að dagskrárstjórarnir á RÚV eru með eitraða vinstriöfga yfir sér hangandi sem skemma vinnubrögð þeirra?

Sigmundur Davíð ætti kannski aftur að verða forsætisráðherra, hann virðist með fæturna fasta í raunveruleikanum öfugt við marga aðra sem hafa völdin

Stefnubreyting Samfylkingarinnar kemur ekki á óvart ef þessi frétt er að lýsa því að Ísland sé að verða eins og önnur Norðurlönd með svipuð eða sömu vandamál og sömu tegundir af flokkum sem berjast gegn upplausn í samfélaginu þar af leiðandi.

Margir höfðu bent á þetta en fengu bágt fyrir að miklu leyti.

Ég tel svona fréttir eiga erindi við fólk. Hér með er ekki sagt að allir palestínskir flóttamenn séu svona, en varlega þurfi að fara í flóttamannamálunum eins og til dæmis Sigmundur Davíð hefur sagt. Fréttir eiga að lýsa því sem gerist án því að fela, fegra eða ýkja atburðina. Mér virðist þessi frétt lýsa veruleika, sem þó þarf ekki að vera orðið normið. Málið er að ef Ísland tekur á móti einhverjum flóttamönnum sem önnur lönd taka ekki við er vel hægt að búast við að þar sé misjafn sauður í mörgu fé, þótt ekki sé nú meira sagt. Sumir stjórnmálamenn hafa talað um stjórnleysi í þessu, og ef það er rétt er þetta ekki skrýtið.

En ef hræðsluumræða skapast eigum við nóg af fólki sem vill segja að allt sé vondum rasistum að kenna og ekkert þeim sem fremja verknaðina, því það séu bara vondar félagslegar aðstæður sem valdi þessu.

Ennþá er Ísland ekki orðið eins og Svíþjóð eða slík lönd. Til þess að forðast slíkt þarf að taka meira mark á þeim sem vara við - slíkt eru ekki fordómar ef það er rökstutt, en mikið ber á því eins og í Vikunni hjá Gísla Marteini að hinir fái aðeins að tjá sig sem vilja sem mesta alþjóðahyggju.

Athugum það að aldrei hefði komið til þess að ungir menn hefðu skipulagt hér hryðjuverk ef umræðan hefði ekki verið að skapast um að stjórnvöld ynnu gegn rótgrónu skipulagi.

Báðir stungumennirnir palestínskir flóttamenn

Allskonar öfgar sig hefja, ljóð frá 1. janúar 2009.

Ég efast meðan aðrir hrópa og kalla,

ég áður sá og heyrði skrílinn tapa.

Bráður kappi fer að falla,

forsjálnin slíkum er gleymd.

Gildrurnar úti þig gleyptu,

geðinu upp víða hleyptu.

Spyrðu þig að grunnsök glapa,

gráðug var þjóðin í rökleysu teymd!

 

Nú logar þetta land í reiði og gremju,

og lætin mikil, pottar eru barðir.

Virðulegur vill þó hemju,

vaknar nú baráttan týnd.

Allskonar öfgar sig hefja,

enginn vill stríðshrópin tefja.

Hægrisinnar hrópa skarðir:

"Heyrið ei þjóðrækniskylduorð brýnd?"

 

Reiðin er líka í mér, rauð eru blómin,

réttlæti vil ég sem hinir.

Nazíska byltingin, klanska og klára,

kemur ei hingað án baráttu og tára.

Oft eru viðsnúnir vinir.

Vargarnir umsnúnu brýna svo róminn!

 

Þeir kúga margir, drepa og dæma úti,

menn dreymir um að fátt sé þannig nærri,

og þókt ég ófætt ennþá súti,

aðrir það skilja lítt, vei!

Valdir þá vegferð og liðið?

Víst kemur líka þar ryðið...

Verður ekki af því stærri,

eftir slík vonbrigði kveða þau: Nei!

 

Úrkynjuð menning vill ekki sig bæta,

með upphlaupi slíku hvar skortir mark.

Því er víða þræta,

þjark...

 

Hvað falið bíður fæstir vilja um ræða,

og flóttaleiðir ríkis, þegna duldar,

en annar guð vill engan hræða,

allt er þar sannleikur skír.

Fótboltaleikurinn fúli,

fletin þókt margskemmdu spúli,

óskir kvenna allar muldar,

ekki var þetta, fljóð dagur manns nýr.

 

Kristrún Frostadóttir færir Samfylkinguna nær Sjálfstæðisflokknum í landamæramálum og flóttamannamálum - að evrópskri fyrirmynd jafnaðarmannaflokka nútímans

Samfylkingin er stærsti flokkur landsins samkvæmt könnunum, með 31% fylgi. Kristrún Frostadóttir var gestur í hlaðvarpinu "Ein pæling" hjá Þórarni Hjartarsyni og þar kom þetta fram sem RÚV sagði frá í seinni kvöldfréttum í gær. Eiríkur Bergmann stjórnmálaprófessor útskýrði hversu markvert þetta er.

"Klár og skýr stefnubreyting", sagði hann. "Vill herða tökin á landamærunum", "takmarka frekar fólkið sem kemur", "gera umhverfið strangara, meira í takt við til dæmis það sem gerist í Danmörku", sagði hann ennfremur.

Með þessum orðum má vera að Kristrún innsigli gott samstarf með Sjálfstæðisflokknum og Framsóknarflokknum þegar næst verður kosið, hvenær sem það nú verður. Einnig er ljóst af þessari stefnubreytingu að Samfylking nútímans er að fiska á sömu miðum eftir kjósendum og Sjálfstæðisflokkurinn, og nú eru öfgavinstrisinnaðir andstæðingar þessarar rökréttu stefnu í landamæramálum hættir að tala um að "fiska í gruggugu vatni" þegar svona er talað, því ljóst er að allur almenningur er nokkurnveginn á þessari skoðun, þótt það sé orðað með misjöfnum hætti.

Þetta eru góð tíðindi fyrir Sjálfstæðisflokkinn, að því leyti að þarna er samstarfsflokkur sem ætti að vera nokkuð auðvelt að vinna með. Fátt skilur á milli þegar hér er komið sögu, nema fyrrverandi áhugi á aðild að Evrópusambandinu, sem enn er til staðar, en ofaní skúffu að mestu leyti.

Þetta kemur ekki á óvart, því vaxandi þungi er í almenningi að þessu leytinu til, sérstaklega núna þegar verðbólgan er vandamál og kjörin í lakari kantinum. Þá er vitað að atvinnuleysið bítur og kostnaður af þessu tagi er ekki það sem margir telja gott fyrirbæri, við flóttamenn.

Það eru Vinstri grænir sem verða illa úti eftir þetta stjórnarsamstarf, því nú er ljóst hvert fylgi Sjálfstæðisflokksins fór, til Samfylkingarinnar, sem komin er jafnvel með svipaða afstöðu í landamæramálum. Gleymum því ekki að skiptar skoðanir eru um þetta líka innan Sjálfstæðisflokksins, þannig að samstarfið ætti að ganga vel.

Píratar, Vinstri grænir og Sósíalistaflokkurinn, þetta eru þeir flokkar sem stilla sér upp sem andstæður við borgaraleg gildi af þessu tagi. Viðreisn sveiflast sennilega til eins og Samfylkingin eftir því sem vindar blása og eftir því hverjir eru áhrifamestir þar inni.

Með þessari stefnubreytingu Samfylkingarinnar höfum við Íslendingar færzt 5-10 ár nær norrænu flokkunum í Skandinavíu og er það gott mál, en það neikvæða er að við höfum einnig færzt nær Skandinavíu hvað varðar vandamál í undirheimunum, aukna tíðni á sumum afbrotum, miðað við fréttir, eða tilkynningar á þeim, um hitt má deila.

En skoðanakannanir hafa einnig sýnt að Íslendingar eru opnari fyrir því að ganga í ESB, og það kæmi mér ekki á óvart að það yrði ofaná eftir 10 ár eða svo, því ef það kemur vel við efnahaginn og budduna þá vilja Íslendingar það einatt.

Gömlu kynslóðirnar hafa æ minni áhrif, sem héldu í prinsipp eins og sjálfstæði, eins og afi minn og amma sem bæði eru látin. Reyndar er mamma þannig líka og margir aðrir sem ég þekki á ýmsum aldri.

En pabbi og margir í föðurætt minni eru jafnaðarfólk, og ég hef oft deilt við þau um þetta. Ef ég þekki þau rétt þá sætta þau sig við stefnubreytingu síns forystufólks. Ég var bara á undan samtímanum.

En ég hef oft tjáð mig um það að kannski muni þjóðin fara í ESB að lokum.

Eitt það skemmtilegasta við Samfylkingu nútímans er að óþolandi femínískar áherzlur fortíðarinnar eru ekki í forgrunni, heldur kjör almennings og hagfræði, efnahagur og réttlæti, hvernig svo sem verkin verða, þegar þau loksins komast í ríkisstjórn, sem ég efast ekkert um að gerist næst þegar verður kosið, sennilega með Sjálfstæðisflokknum.

Þetta eru frábærar fréttir fyrir norrænt og evrópskt samstarf og aukinn skilning á milli landanna og betri samskipti. Evrópusambandið er mjög gott að mörgu leyti. Samt eru gallarnir þar líka gígantískir. Ef danskar áherzlur fá að ráða eykst ánægja mín með Evrópusambandið.

Nú er jafnvel svo komið að innan tveggja meginstoðanna er farið að bera á stefnubreytingu í landamæramálum. Þýzkaland og Frakkland standa á þeim tímamótum að þar eru stórir flokkar sem ýta á þær breytingar.

Ef Evrópusambandið kemst þannig í innra jafnvægi við evrópskar og menningarlegar rætur sínar getur verið að áherzlan á einstaklingsfrelsið aukist einnig og áherzla á minna regluverk.

Þá gæti ESB orðið almennilega fýsilegur kostur fyrir Íslendinga.

En þetta er óvíst.

Kristrún: „Það eru verkin sem tala“

Ekki hægt að réttlæta það sem gerist á Gaza

Hvað er tilfinningaklám? Er það þegar tilfinningar eru notaðar sem vopn gegn fólki? Tilfinningahernaður? Þannig hafa fréttir RÚV verið um áraraðir.

En fréttir RÚV í gærkvöldi af særðum palestínskum börnum á Gaza náði til mín. Mér blöskrar að gerðar séu slíkar árásir.

Ísraelsstjórn ætlar sér að útrýma Hamassamtökunum, en það hlýtur að kosta skelfilegt mannfall á Gaza, og svo óhóflegt að heimsbyggðin sætti sig ekki við það.

Alveg eins og með Úkraínustríðið, af hverju er ekki reynt að leita lausna við samningaborðið, eins og að finna Palestínumönnum annað land, tveggjaríkjalausn eins og Bandaríkjamenn vilja?

Þvermóðskan ríkir, heift og hatur.

Það eru voldug öfl sem stjórnast af trú, og þar er engin skynsemi, engin mannúð, aðeins blind hernaðarhyggja. Þau öfl eru víða.

Íslendingar bera ábyrgð á stofnun Ísraelsríkis að nokkru leyti, við sem þjóð berum meðal annars ábyrgð á því að Ísraelar eru í mun sterkari stöðu en fólkið sem var þarna fyrir, Palestínumennirnir. 

Úr því að gyðingar fengu þarna sitt landsvæði ættu Palestínumenn að fá landsvæði sem þeir geta sætt sig við. Vesturlönd hljóta að finna betri lausnir. Þessar þjáningar og stöðuga blóðbað er óréttlætanlegt.

„Hættulegasta svæði í veröldinni“

Menningin á í vök að verjast, og innlend fyrirtæki.

Lilja Alfreðsdóttir hefur lofað að gera sitt bezta til að hjálpa fjölmiðlum á Íslandi, og bæta samkeppnisstöðu þeirra sem ekki eru ríkisreknir. Inní því áttu kannski að vera einhverskonar sektargreiðslur erlendra fjölmiðlarisa og fyrirtækja á Alnetinu sem hirða auglýsingatekjur útum allan heim. Þetta mun vera erfitt og þungt í vöfum, og því hefur árangurinn verið takmarkaður.

Fjölmiðlum hefur fækkað á Íslandi. Fréttablaðið var kannski ekki öllum harmadauði, en fleiri dæmi mætti nefna.

Eitt verður að athuga í þessu sem hlýtur að vekja upp spurningar og furðu: Þessi síðastliðnu ár eru ár alþjóðavæðingar og fjölmenningar, en ekki efnahagskreppa eða hruns, fyrir utan Covid-19 faraldurinn sem nýverið reið heimsbyggðinni á slig, og svo eru áhrifin af Úkraínustríðinu og Gazavoðaverkunum margvísleg, vopnaframleiðendur græða á meðan einhverjir tapa, og fjölmargir lífinu, því miður.

Sjálfstæð þjóð hlýtur að gera þá kröfu að innlendir fjölmiðlar lifi góðu lífi, og samkeppnin sé til staðar. Það er eitthvað að ef fjölmiðlar deyja út í stórum stíl og aðeins ríkið verður eftir, einokun og svo erlend samkeppni tröllvaxinna fyrirtækja sem eru útum allan heim.

Stöð 2 hefur barizt fyrir lífi sínu og átt erfitt á mörgum tímaskeiðum. Ýmsir aðrir fjölmiðlar líka. Útvarp Saga hefur rýrnað af fátækt, og er það þó einn bezti fjölmiðillinn á Klakanum.

Öllum Íslendingum ætti að vera það ljóst að við lifum ekki á uppgangstímum, heldur annaðhvort stöðnunartímum menningarinnar eða niðursveiflu hennar. Það er óþolandi að alþjóðahyggjan og fjölmenningin hafa tært og rýrt menningarsamfélög útum allan heim. Facebook hefur einfaldað heiminn, en drepið líka margt niður og gert fólk forheimskara og einfaldara, trúrra málstað rugludalla, meirihlutans sem lætur mata sig, þannig að fólk hefur minna orðið það sjálft og orðið meiri hópsálir, sem ekki var nú þörf á, nema síður væri.

Það er býsna hart ef menntamálaráðherra, hvort sem það er Lilja Alfreðsdóttir eða eftirmenn hennar verða að beita hörkulegum aðferðum eins og Kínverjar til að verja innlenda menningu og innlend fyrirtæki.

Gróðahyggjan virðir sífellt færri takmörk og landamæri. Gegn henni verður að sporna mun ákveðnar. Hluti af þessari þróun er harka í undirheimunum sem vex.

Eða vilja Íslendingar breytast í sljóa sauði sem verða með símana ígrædda í sjálfa sig og þurfa ekkert annað en ígrædda snjallsíma í skrokkum sínum, sem sjá fyrir dópi og öðrum boðefnum, jafnvel gervimat?

Sýn sendir frá sér afkomuviðvörun

Pistlar Guðbjörns Guðbjörnsonar á Facebook vekja mikla athygli

Pistlar Guðbjörns Guðbjörnssonar á Facebook, en hann er fastur gestur á Útvarpi Sögu, hafa vakið mikla athygli, og hefur hann verið sakaður um rasisma en hann hefur einnig fengið mikla öldu fylgjenda, þannig að það má með sanni segja að þarna sé kominn fram maður sem ætti mikla möguleika í stjórnmálaflokki að láta vel til sín taka. 

DV fjallar um þennan mæta mann og þjóðleg skrif hans, og eins og venjulega skiptast lesendurnir í tvo hópa, með og á móti.

Allt þetta er þekkt, að hægrafólk og vinstafólk rífst og skammast hvert útí annað. Nema hvað, að sú athugasemd sem hefur fengið flesta þumla (læk), er hægrisinnuð, (55 stykki þegar þessi pistill er skrifaður).

Hann segir að loka eigi landinu fyrir ÖLLUM innflytjendum í 5 ár vegna neyðarástands út af náttúruhamförum. FÓLK TEKUR UNDIR ÞETTA.

Þeir sem eru sammála Guðbirni Guðbjörnssyni um mikilvægi þjóðerniskenndarinnar eru fleiri en þeir sem eru ósammála honum, miðað við virka í athugasemdum á DV. Það gæti verið merki um að tími svona stjórnmálaflokks sé upp runninn núna. Kannski, kannski ekki.

Eitt sinn þótti þetta mjög rasískt, að vilja hafa Ísland fyrir (norræna) Íslendinga, en það er þó inntakið í hans athugasemd, sem fær FLESTA ÞUMLA, (LÆK). Tveir aðrir sem taka undir með honum fá einnir áberandi mikinn stuðning lesenda DV.

Nú ætla ég að spyrja: Er þetta rétti tíminn fyrir Íslenzku þjóðfylkinguna, Miðflokkinn, Frelsisflokkinn, Flokk fólksins og Sjálfstæðisflokkinn, í mesta öfgahægrigírnum sem hann getur verið í? Allir vita að Sjálfstæðisflokkurinn sveiflast í margar áttir eftir því hvaða vindar blása, það er eitt af því sem hefur gert hann að stærsta flokki landsins um langt árabil (hvað sem kannanir sýna núna, að Samfylkingin sé stærri).

En mér finnst þetta heldur betur fréttaefni og tíðindi, vegna þess að ef þetta er rétt, að almenningur sé sammála þessu, þá hefur RÚV fullkomlega mistekizt að innræta þjóðinni alþjóðahyggju og fjölmenningu, eins og hefur verið þeirra keppikefli lengi.

Litlir flokkar hafa leitað án árangurs að andliti útávið sem getur verið boðberi þjóðernishyggju. Maðurinn er fundinn, og sá maður heitir Guðbjörn Guðbjörnsson, ef marka má þá athygli sem hann fær.

Ég hef hlustað á hann á Útvarpi Sögu, og ég held að lykillinn að velgengni hans sé að hann er bæði mælskur og hóflegur, en á sama tíma fylginn sér og ákveðinn. Hann hefur ríka þjóðerniskennd, en rökstyður það sem hann segir vel, og er frekar hóflegur miðað við suma sem ganga miklu lengra en hann.

Þetta sýnir ennfremur að það getur verið eins áhrifaríkt að skrifa pistla á Facebook og í tímarit eða dagblöð.

Þessi leið er þrautum stráð, ljóð frá 9. október 2017.

Þessi leið er þrautum stráð,

þótt ég myndi reyna,

ekki fyndi annað ráð,

aðeins hvað hún vildi meina.

 

Þókt ég hitti hana á bar,

höfum glatað vonum.

Tölum ekki um þrána þar,

þú ert jafnvel bundin honum.

 

Ekki bara unglingsgrey,

efast, vil ei girnast.

Segi jafnvel núna nei,

nóttin þarf í burtu að spyrnast.

 

Horfir út en ekki á sig,

ást sér varla mína.

Talar hann við trén og þig,

tímarúnu hélt þó fína.

 

Ránfugl kemur, kvenkyns mjög,

klærnar ennþá brýnir.

Varla lengur duga drög,

drósin góðum þokka týnir.

 

Taranis er styrkur stór,

stendur, falla hinir.

Ekki gleymdur, eða hór,

áfram fæðast slíkir synir.

 

Meðan fellur veröld víð,

verða hinir stærri,

þjóta inní þessi stríð,

því er Tonor mikli nærri.

 

Mistök allt og mennskan slík,

meyjar, engin gæfa.

Kemur upp að túnum tík,

tök þeim varla nokkur hæfa.

Hagvöxtur í Bandaríkjunum fyrir forsetakosningarnar er það sem kemur ekki á óvart. 1% sem á 99% ræður því. Klassísk hagfræði heyrir sögunni til. Elítan sér um að láta Joe Biden líta vel út.

Það er staðreynd að örfáir einstaklingar eiga 99% af öllum peningum mannkynsins. Ekki hafa allir áttað sig á hvað það þýðir.

Það getur ekki þýtt annað en að þessir einstaklingar sem eiga nær allt eru ofmetnir svo svakalega að þetta séu 99% loftbólupeningar sem þeir hafa ekki unnið fyrir heldur rænt með "löglegum" hætti. Sem sé, verðbólgufé, matadorpeningar og ofurþenslugróði. Sem þýðir að allar aðstæður fyrri efnahagskreppa eru þráfaldlega ýktar núna, en einnig hæfileikinn til að regúlatora, stýra efnahagskerfi heimsins.

Raunhagkerfið er því dverghagkerfi en elítuhagkerfið gnæfir yfir allt og dælir fé í það sem snýr að pólitík, í það sem kemur elítunni vel.

Einnig hlýtur þetta að þýða að allar venjulegar hagfræðikenningar hljóta að vera óvirkar.

Hagvöxtur í Bandaríkjunum fyrir forsetakosningarnar 2024 þýðir ekki endilega raunverulegur hagvöxtur á þessu ári, heldur sennilega peningainnstreymi frá elítunni sem eiga 99% alls fjármagns sem er til. Jú, Joe Biden styður elítuna og elítan styður Joe Biden. Á sama tíma býr elítan til uppdiktaðar sakir á Donald Trump og fær hann dæmdan sekan um risafjárhæðir, með hjálp spillts embættismannakerfis. Allt liggur þetta svo í augum uppi að öðruvísi getur þetta ekki verið. Aðeins ein staðreynd útskýrir þetta allt, að 1% mannkynsins á 99% allra peninga sem eru til. Það gerir þetta mögulegt og ekki neina samsæriskenningu.

Þetta er nákvæmlega það sama og í barnabókinni "Palli var einn í heiminum". Elítan hefur ýtt öllum ógnum í burtu. Þeir ofurríku hafa rænt svo af alþýðunni að hún skiptir engu máli lengur, þeir ofurríku komast upp með allt, engin lög stjórna þeim, því þeir búa til lögin, eða réttara sagt, láta lögfræðinga á sínum vegum gera það, Evrópusambandið og viðurkenndar stofnanir, því næstum allir stjórnast af peningum.

Þannig er femínisminn tilbúningur og klikkun, borgað úr vasa elítunnar, til að skekkja raunveruleikann og veikla feðraveldið, sem ógnar þeim, þar sem siðferðislögmál fylgja því úr fortíðinni, Biblíunni og Frímúrurum og allskonar leynifélögum og trúarhópum.

Það er aðeins eitt sem ógnar Elítunni. Náttúruhamfarir eða byltingar sem ekki verður ráðið við. Þó er búið að dópa fólk niður og þjóðfélagsverkfræðin nær að bæla börn og unglinga eins og fullorðna.

Það er í raun merkilegt að maður eins og Donald Trump skuli hafa einusinni verið kosinn. Það þýðir að gríðarlegur fjöldi fólks hefur fengið meira en nóg af þessu og veit af þessu fullkomlega.

Miðað við snilld elítunnar er alveg eins líklegt að Joe Biden verði endurkjörinn. Kerfisbundið er búið að vera að útrýma stuðningsfólki Trumps, kristnu fólki af germönskum uppruna. Stöðugt innflæði af mexíkönum og há fæðingartíðni hjá þessum hópum er að fjölga kjósendum demókrata en fækka kjósendum repúblikana.

Þó gerist eitt merkilegt, og það er að svartir, asískir, mexíkóskir og aðrir innflytjendur fá nóg af elítunni og kjósa frekar Donald Trump, því þetta er svo augljóst og mun aldrei enda vel.

Þannig að kosningarnar verða bæði tvísýnar og spennandi, eða kannski. Maður veit það ekki. Elítan er svo snjöll að ráðskast með fólk, lýðstjórnun er þeirra sérfag og klækjabrögð. Þannig að allt eins líklegt er að Joe Biden verði endurkjörinn.

Trump nýtur ekki friðhelgi

Andstæðar fylkingar sem berjast andlegri og félagslegri valdabaráttu. Samúð er vopnið sem notað er.

Palestína á sér marga stuðningsmenn á Íslandi eins og sjá má á þessum mótmælum. Það er ískyggilegt að á þessu landi þurfi að myndast svona andvígar fylkingar, því ég veit að hér á landi er einnig mjög stór hópur sem styður Ísraelsmenn, eins og til dæmis margir höfundar blogggreina hér vitna um.

Þetta er upptaktur að uppþotum á milli ólíkra hópa eins og gerist í útlöndum, þar sem ofbeldi er beitt í mótmælum andstæðra fylkinga. Þar er algengt að rasistar og andrasistar berji hverjir á öðrum, eins og í evrópskum borgum.

Það eru tugir eða hundruðir atvinnumótmælenda sem hafa samúð með fólki af erlendum uppruna, en hversvegna er lélegri orkustefnu ekki mótmælt fyrir framan atvinnuhúsnæði embættismanna sem standa sig afleitlega í störfum sínum?

Hvað er það annað en léleg orkustefna hér á Íslandi að hafa ekki undirbúið það betur sem hefur verið að gerast að undanförnu? Margir góðir menn og fróðir hafa bent á að orkustefnan hefur verið í molum lengi, þörf á viðhaldi og nýjum virkjunum fyrir almenning en ekki stórnotendur, eða öllu heldur áherzlu á heimili í stað stórnotendur orkunnar. Enda er víst framleitt meira en nóg af orku, en hún fer að langmestu leyti í stórnotendur.

Þessu mætti gjarnan mótmæla og það ættu hundruðir einstaklingar að gera fyrir framan atvinnuhúsnæði embættisfólksins og ráðuneytin, þar sem ráðherrar og ráðfrýr vinna við að stjórna þessu.

Í raun er ástæða til að mótmæla fjölmörgu, einsog lélegum kjörum ellilífeyrisþega og annarra undirmálshópa, eða verðbólgu og dýrtíð í landinu, og mörgu öðru.

Þetta eru hinsvegar skipulögð "mannúðarmótmæli" að erlendri fyrirmynd. Woke-liðið erlendis er með erindreka sína hérlendis. Það fer inní skólana og er þar með áróður sinn. Kennarar vinstrisinnaðir taka þátt og fleiri, Píratar, til dæmis.

Stór mótmæli fyrir utan lögreglustöðina við Hlemm