Þögnin um skaðsemi tæmdra úraníumhleðsla á RÚV og víðar. Ástæða fyrir ungt fólk til að mótmæla, sem er umhugað um framtíð sína og barnanna sinna.

Til að komast að sannleikanum um skotvopn úr tæmdum úraníumhylkjum sem Bretar hafa sent Úkraínu las ég frétt um þetta á BBC. Nú er auðvitað hægt að deila um hvort það sé hlutlaus fréttaveita, en RÚV hefur talið hana gilda og vitnað í hana, svo ekki er hægt að segja að maður sé að vitna í andstæðinga Vesturlanda með því að vitna í BBC.

Hér er þýðing úr BBC.

"Þegar vopn gert úr tæmdu úraníumhylki lendir á hörðu yfirborði eins og skriðdreka fer oddurinn beint í gegn, enda 1.7 sinnum harðari en blý og getur farið í gegnum brynjur og stál. Vopnið fer í gegn, springur og myndar ský af brennandi eiturefnum og gufu. Gufan sezt til jarðar sem ryk sem er banvænt fólki og er lítillega geislavirkt."

Pútín hefur sakað Vesturlönd um að stigmagna stríðið með þessu og eitra úkraínska jörð. Hann er sakaður um að dreifa falsfréttum, en af lýsingunni að dæma er þetta mjög alvarlegt mál.

Utanríkisráðherra Rússlands, Sergei Lavrov hefur sagt að þetta "jafngildi broti á mannréttindalögum eins og Bretland gerði árið 1999 í Júgóslavíu."

Bandarískur Pentagon fulltrúi sagði að slík geislavirk vopn yrðu ekki send til Úkraínu frá Bandaríkjunum.

UNEP, umhverfisverndarsamtök Sameinuðu þjóðanna sögðu þetta skapa mengunarhættu í Úkraínu. Hafa þau bent á hættu á margskonar sjúkdómum, krabbameinum, nýrnabilunum, húðkláða, og fjölmörgu öðru.

"Eitrunaráhrif tæmdra úraníumhylkja eru talin mun meiri og víðfeðmari en sem nær til áhrifanna af geislavirkni þeirra", kemur einnig fram í tilkynningunni frá UNEP.

RÚV hefur EKKI sagt frá þessu alvarlega máli í kvöldfréttum, og heldur man ég ekki eftir því að Stöð 2 hafi gert það eða Hringbraut. Þar á þó að starfa "góða fólkið" sem er svo upptekið af mannréttindamálum allan sólarhringinn!!!

Hallur Hallsson hefur sagt frá þessu, og Arnar Loftsson hér á blogginu. Þeir eiga hrós skilið að vekja athygli á þessu.

Í athugasemdum undir merkilegum greinum Gunnars Rögnvaldssonar kom fram sú afstaða hjá honum að hann væri ekki viss um skaðsemi þessara tæmdu úraníumhylka, en af orðum hans mátti dæma að ég þyrfti að afla mér upplýsinga um þetta sjálfur og hann hefði ekki nægar upplýsingar um það. Ég hef nú oft tekið mark á honum, enda margt frábært komið frá honum hér á blogginu um langt skeið. Ég ákvað því að leita mér "hlutlausra" upplýsinga um þetta.

Það sem er virkilega gagnrýnivert er að RÚV og aðrir meginstraumsfjölmiðlar skuli gjörsamlega þegja um þetta, og sýnir það kannski betur en annað hverskonar áróðursstöðvar meginstraumsfjölmiðlarnir á Íslandi og víðar eru!!!

Allavega, öllum ber saman um að þetta er ekki til bóta og í raun segir það sig sjálft að svona tæmd úraníumhylki ætti að banna, bæði vegna mannréttindasjónarmiða og umhverfisverndarsjónarmiða. Hvar eru mótmælin á Íslandi og annarsstaðar útaf þessu?

„Úkraínumenn munu aldrei fyrirgefa“

Þegar hugvísindafólk Háskólans mótmælir Áslaugu Örnu má segja að hún sé á réttri braut og vinni gegn þjóðfélagsverkfræði menningarmarxista.

Ég er ánægður með Áslaugu Örnu iðnaðar og nýsköpunarráðherra núna. Það var frétt um það 28. þessa mánaðar á Stöð 2 að hún ætli að móta Háskólann meira að þörfum atvinnulífsins. Það sýnir að hún er sér meðvituð um að skólar eru uppeldisstofnanir fyrir marxista og að þjóðfélagsverkfræðin sem þar er ástunduð er búin að vinna mikinn skaða, í átt frá sjálfstæði í átt að sofandi alþjóðavæðingu.

Það sem sannfærði mig um að hún væri að gera rétt með þessu var að viðmælandinn kvartaði um að eðlilegt háskólastarf væri í hættu útaf þessu. Gott er að gleyma því ekki að neitandi forskeyti þarf framanvið ýmis svona orð vinstriaflanna.

Þegar vinstrimenn brjálast útí hægrimenn þá fyrst eru hægrimenn eitthvað að gera rétt. Það sést bezt á fjaðrafokinu í kringum Jón Gunnarsson.

Um áratugaskeið hefur allt skólakerfið frá fyrsta skólastigi til hins hæsta verið í gíslingu þjóðfélagsverkfræðinga kommúnismans, og hefndarhugur þeirra hefur verið miskunnarlaus eftir hrun kommúnismans 1991. Eftir það hefur verið stefna þeirra að láta reiða og beizka femínista leggja kapítalismann í rúst.

Þar hefur barninu verið fleygt út með baðvatninu, skemmst er frá því að segja.

Fréttin á Stöð 2 var byggð á háðsgrein sem Geir Sigurðsson forseti Mála og menningardeildar á Hugvísindasviði Háskóla Íslands skrifaði á Vísi, "Leggjum niður hugvísindi."

Fréttakonan tók viðtal við hann í fréttinni. Þar komu þessar setningar: "Óhugnanleg aðför að akademísku frelsi", "í anda nýfrjálshyggju", "útungunarvél fyrir atvinnulífið", "hygla tilteknum greinum sem eru góðar fyrir atvinnulífið en vanrækja greinar sem stuðla að heilbrigðri menningu". "Við megum aldrei láta Háskólann verða útungunarstöð fyrir atvinnulífið, þá held ég að við séum að fara í mjög varasama átt."

Allt sem þessi háskólamaður sagði var í andstöðu við skemmtilega og fróðlega pistla Guðjóns Hreinbergs þar sem hann hefur skrifað um marxískt skólakerfi sem er útungunarstöð fyrir öfgavinstrifólk sem vill stjórna öðrum og vinna við mannfjandsamlega þjóðfélagsverkfræði, sem réttast er að flokka sem kúgunarkerfi og ekkert annað, undir fínlegu yfirborði húmanisma og mannréttindastefnu.

Það er svo margt lýsandi og skemmtilegt við þessar setningar sem Geir sagði, sem er einu ári eldri en ég, fæddur 1969. Sérstaklega þegar hann lýsti heilbrigðri menningu í háskólunum að hans mati. Það eru víst firna margir ekki sammála þeirri skilgreiningu hans.

Það er nú svo að þetta akademíska frelsi er mjög umdeilt fyrirbæri, og margir sem halda því fram að það sé einmitt ekki frelsi, heldur niðurnjörvað kerfi sem fylgir klásúlum og kennisetningum erlendra fræðimanna, Woke mannkynsfrelsara einkum og sér í lagi.

Ég gæti trúað því að Áslaug Arna hafi lesið fræðandi og góða pistlana eftir Guðjón Hreinberg, eða þá svipað efni, enda eru auðvitað margir sammála, en taka bara efnið misjöfnum tökum og stíllinn er ekki sá sami hjá fólki.

Þingmenn Sjálfstæðisflokksins koma manni skemmtilega á óvart. Þrátt fyrir sundurleita ríkisstjórn gerólíkra afla er lífsmark með Sjálfstæðisflokknum. Flokkur fólksins veldur manni hinsvegar vonbrigðum, að taka þátt í aðförinni að Jóni Gunnarssyni. Það virðist manni vera hefnd gagnvart honum að standa sig vel og vinna gegn botnlausri skammsýninni í vinstriflokkunum.

 

Segir gagnrýni á fjármögnun misskilning

Vestrænt lýðræði er ekki gallalaust

Fleiri en ein fjöldaskotárás á dag í Bandaríkjunum. Það segir sína sögu og er svo sláandi að rétt er að vekja athygli á því. "Meira en" í þessu sambandi er orðið viðurkennt orðalag, en er enskusletta samt, það er þýðing á "more than", en eðlilegra er í íslenzku að segja fleiri en, þar sem fjöldaskotárásir er hægt að telja.

Þetta er hið vestræna "lýðræði" sem reynt er að verja með vopnavaldi gegn Pútín og slíkum svonefndum einræðisherrum, sem víkja útfrá því á einhvern hátt.

Fréttirnar af þessu sorglega máli hafa verið lýsandi fyrir hvað fréttamenn eru ráðvilltir þegar kemur að afbrotafólki úr vel skilgreindum minnihlutahópi. Fyrst var sagt að kona hefði verið að verki, síðan að gerandinn hafi verið transmaður, og nú er farið að segja að karlmaður hafi verið að verki, eða bara árásarmaður. Í fréttinni "Keypti sjö skotvopn í aðdraganda árásarinnar" má lesa:"Hale sem var 28 ára gamall"... "að hann ætti skotvopn", "She was armed with these 3 guns" í meðfylgjandi mynd. Hvað er rétt og hvað er í samræmi við það sem transfólk vill láta segja um sig?

Helga Dögg Sverrisdóttir vakti fyrst athygli á þessu, en hún hefur fjallað um þetta efni og sýnt hliðar sem sjaldan er fjallað um.

Í sumum löndum er nú farið að efast um hvað sé rétt að gera í þessum málum eins og hún hefur skrifað um. Er þetta einn eitt dæmið um það þegar Íslendingar verða fyrstir í breytingum sem reynast síðan eitthvað varhugaverðar eða tízkufyrirbæri? Við áttum fyrsta samkynhneigða forsætisráðherrann, Jóhönnu Sigurðardóttir.

Hollywood er miklu meira en afþreyingarframleiðslustöð. Það er trúboðsmiðstöð gilda sem eru að renna sitt skeið og gallarnir á þeim gildum eru allsstaðar að koma í ljós. Jafnaðarfasismi er rétta orðið yfir ástandið í okkar heimshluta, og jafnaðarmennirnir á Alþingi Íslandinga ekki lengur að tala úr hásæti heilagleikans eða einhvers sem er gagnrýnilaust viðurkennt heldur hnignandi heimsveldi.

Menningin er hrunin, skrifaði ágætur bloggari. Eftirminnileg orð og rétt.

 

Meira en ein fjöldaskotárás á dag

Sérfræðingar enn að blekkja þjóðina? Á að virkja til að græða sem mest?

Í Silfrinu síðast var fjallað um umhverfismál meðal annars. Þar kom fram að næstum 80% orkunnar fer í virkjanir, að stórum hluta fyrir erlend fyrirtæki. Hér er meira en næg orka framleidd innanlands fyrir fólkið, en henni er ekki ráðstafað þannig.

Ómar Ragnarsson er sá eini hér á blogginu sem hefur verið staðfastlega að fjalla um áhrif virkjana á ásýnd landsins, og mengunina útaf þeim.

Hvaða þversögn er það að orkuskipti kosti tvöfalt meiri orku? Vindorkuver á þessu landi passa varla betur en þær virkjanir sem eru fyrir. Vindur er ótryggur, annað hvort of mikill eða of lítill víða.

Ísland getur verið sjálfbært, en oft býr annað á bak við svona málflutning, sem sagt að vilja komast í ESB, og selja orkuna í gegnum sæstreng eða reisa hér gagnaver eða slíkt til að græða sem mest. Óafturkræf náttúruspjöll eru fórnarkostnaðurinn.

Gæti þurft að tvöfalda raforkuframleiðsluna

Hreinar vinstristjórnir og afrek þeirra. Hrein vinstristjórn með Sjálfstæðisflokki og Framsókn þar með talin, núverandi.

Kemur það á óvart að ríkisstjórnin boði aukna skattheimtu og niðurskurð? Hver eru afrek ríkisstjórnarinnar? Fyrsta hreina vinstristjórn sögunnar sem Jóhanna Sigurðardóttir stýrði fyrir rúmlega 10 árum byrjaði vinsæl en endaði sem hrakin í burtu af óvinsældum, en átti að sýna og sanna að konur stjórnuðu betur en karlar. Ekki gekk það upp og landsmenn kusu Sigmund Davíð sem sinn bjargvætt næstu árin, þartil öfund vinstraliðsins felldi hann.

Katrín Jakobsdóttir byrjaði stjórnarsamstarfið sem vinsælasti stjórnmálamaður landsins, 2017, en nú eru þær vinsældir orðnar fátæklegar eins og hjá Jóhönnu Sigurðardóttur forðum tíð eftir fyrstu hreinu vinstristjórnina fyrir rúmlega 10 árum. Eitthvað virðist það ætla að ganga erfiðlega fyrir femínista að sanna að konur stjórni betur en karlar.

Katrín hefur þó ýmsa hæfileika eins og að geta skrifað góðar og vinsælar glæpasögur. Hún ætti að snúa sér að því.

Einnig er hún skemmtileg í fjölmiðlum í þáttastjórnun eða slíku, glaðlynd er hún að eðlisfari og kærulaus, eins og Gísli Marteinn Baldursson sem heldur úti sínum þætti með glaðværð og kjánaskap.

En það er víst ljóst að henni er ekki bezt gefið að stjórna landinu eða vera í pólitíkinni. Í Silfrinu í gær í drottningarviðtali var hún spurð að því hvort hún hefði íhugað að segja af sér vegna hrunins fylgis flokksins en hún svaraði því loðið eins og öðru.

Hvað hefur ríkisstjórnin afrekað? Fóstureyðingalöggjöfin var rýmkuð, þannig að þjóð sem er að deyja út getur dáið enn hraðar út. Gagnslaus eða skaðlaus bóluefni voru keypt og fólk var lokað inni. Ekki var hlustað á bólusetningarandstæðinga, sem kom í ljós að höfðu rétt fyrir sér. Að síðustu á að banna fólki að tjá sig sem segir sannleikann eða gagnrýnir spillinguna. Komið er nýtt dómsstig sem nefnist Landsréttur, en tilgangur hans virðist helzt vera að dæma í samræmi við Dómsstól götunnar, en aðrir helztu dómarar hans eru virkir í athugasemdum í DV og Heimildinni og víðar, og fá greitt í velvild öfgafemínista sem víða hafa komið sér í góðar stöður.

Faglegir dómar heyra sögunni til, og Ísland er nú opinberlega bananalýðræði eða skrílræði, og ætti að vera skrásett sem slíkt.

Yfirvöldin vinna hryðjuverk en þeir sem gera gagn eru ofsóttir. Þetta er verra en versta dystópía.

Jafnvel þótt við fengjum ríkisstjórn næst sem hefði það eina markmið að vinda ofanaf mistökum ríkisstjórna síðustu áratuga myndi það ekki duga. Fólk hefur ekki lengur skynbragð á rétt og rangt. Fólkið er heilaþvegið og andsetið, enda hluti af nýju ólögunum að börnin í skólunum heyri bara mannskemmandi áróður og fái ekkert andrými til að þroskast eða mynda sér eigin skoðanir.

Það er búið að rústa íslenzku þjóðinni og vestrænni menningu eins og hún leggur sig.

Boða aukna skattheimtu og niðurskurð

Metum fortíð, sköpum ró, ljóð frá 29. janúar 2017.

Ef þau rífa ríkið þitt,

rýrnar þeirra gildi,

þeirra sigur, þróttur, vit.

Þú hinn góði, mildi.

Hugsjónir sömu allt þá hófu upp úr ryki,

hafnir þú einstaklingsgildinu spilaborg fellur.

Afi minn, og allt þitt strit

er sem heróp, krákan gellur.

Selja hýrir herragarð?

Heldur skammæ gleði ef sviki

sál og sinni, skarð,

svona er líka tapið mitt?

 

Hótel byggja á helgum reit,

helzt á Dagga slóðum.

Mammon, Schengen, miðjupóll,

magn á degi góðum.

Sjálfstæðið vex upp af verkstæði þínu,

verkamannslundin sem grundvöllinn altæka skapar.

Fellur oft sá fremdarstóll

er framarlega stendur, hrapar.

Daggi og Manni dýrka vald

og drottna yfir skrumsins pínu.

Ekki heilagt hald,

heldur fátt ég samt enn veit.

 

Verkleg mennt er virt ei nóg,

vilja sumir reisa

safn á þínum sælureit,

syndir aðrir feisa.

Kristilegt hugarfar kenna þarf börnum,

kóngsríki fortíðar skínandi langbezt það sýna.

Enn er ræðan úti heit,

æskuherir marki týna.

Blint er fórnað sögu og sál,

svo ei kemur fyr nú vörnum,

æskan, mannsins mál.

Metum fortíð, sköpum ró!

 

Skýringar á orðum og hvata til að yrkja þetta ljóð. Þetta var ort þegar ég vildi að verkstæðið hans afa fengi að standa og verkmenntasafn yrði gert úr því og húsinu, að Digranesheiði 8, en ekki voru allir ættingjar sammála því. Vinur minn Þorgils var vanur að tala um Dagga og Manna á þessum tíma, Dag B. Eggertsson borgarstjóra í Reykjavík og Ármann sem var þá bæjarstjóri í Kópavogi, og þeir höfðu svipaða stefnu, Borgarlínu síðar og uppbyggingu, sýndu litla sem enga virðingu gömlum húsum, eins og kemur fram í ljóðinu. Takið ekki orð eins og hýrir bókstaflega í nútímaskilningi sem samkynhneigðir endilega, það er nefnilega aukamerking nútímans sem ég nota ekki alltaf þegar ég nota orðið, því ég er oft hrifnastur af fyrstu merkingu orðanna, og hér merkir orðið, glaðir, "ligeglad" eins og á dönsku, einhver sem lætur sér sumt í léttu rúmi liggja og kannski flest.

Fremdarstóll þýðir valdastóll, eða nútímavald byggt á tízkunni.

"Enn er ræðan úti heit", þarna var ég að vísa í þegar styttur voru teknar niður af Woke-fólki í útlöndum, og fornri menningu sýnd lítilsvirðing að öðru leyti einnig.

Að öðru leyti skýrir þetta sig allt sjálft, nema fólk þarf að pæla í svona hefðbundnum ljóðum, því á milli línanna eru pælingar ósagðar, auk þess sem lesandanum er ætlað andrými til að koma með eigin túlkanir einsog oft í ljóðagerð.

Vinstriöfgar

Hvað þarf til að breyta lögum og reglum á þessu landi? Hægrimenn þegja og þora lítið  tjá sig og nenna aldrei að mótmæla og því má greinilega brjóta á rétti þeirra hægri og vinstri.

Búsáhaldabyltingin var skipulögð af harðlínuvinstrinu og Wintrismótmælin einnig.

Einu breytingarnar sem verða á pólitíkinni í þessu landi er að við stefnum lengra og lengra til vinstri. Ein örflaga á mann svo sjálfstæður vilji hverfi endanlega.

Ætli það sé ekki rétt að hlýða því sem Guðjón Hreinberg hefur hamrað á: "Flýið - lifið, menningin er hrunin?"

Ég hef tekið mark á Sigmundi Davíð og Miðflokknum, þar sem sagt er að Ísland sé eitt opnasta land í heimi þegar kemur að flóttamönnum. Að taka bara mark á No Borders fólki þýðir að landið verður gjaldþrota og þrýstingur eykst á öll kerfi.

Það er ekki hægt að hafa pólitíkusa við völd sem svíkja öll stefnumál sín og vilja bara halda völdum.

Slaka á reglum fyrir hælisleitendur

Frakkar eru til fyrirmyndar í að vernda mál sitt

Háttsettur embættismaður í Reykjavík sagði í fréttum í fyrra að farið yrði í það átak að fyrirtæki yrðu með íslenzku nafni í framtíðinni. Það var í kjölfarið á því að fjölmiðlakona tjáði sig opinberlega um lélega stöðu íslenzkunnar og fólk var almennt sammála, allir sem einn.

Því miður er það þannig að góðar heitstrengingar af þessu tagi gleymast oft þegar fréttaholskeflur af öðru tagi taka athyglina.

Þessi frétt fyrir neðan lýsir því hvað Frakkar eru í miklu betri málum en Íslendingar, hvernig þessu er betur fylgt eftir hjá þeim. Þannig held ég að þetta sé líka í Þýzkalandi, og ábyggilega miklu víðar.

Mér finnst að vísu sem Lilja Alfreðsdóttir og Guðni forseti og fleiri hafi staðið sig vel í að koma íslenzkunni í snjalltæki. Róðurinn er bara býsna þungur þegar að því kemur að viðhalda gullaldarmálinu óspilltu.

Það segir kannski alveg nóg að minna á það að lesskilningur íslenzkra barna er skelfilega lélegur miðað við nágrannalöndin.

Mér finnst að staðfestu vanti. Í stað þess að eltast við tízkumálefni ættu fjölmiðlamenn og stjórnmálamenn landsins að hafa þetta mjög ofarlega á sínum forgangslista.

Vilja ekki gefa enskunni aukinn byr

Náttúrulegt ónæmi gegn Covid-19 í Svíþjóð?

Tegnell í Svíþjóð sagði fólki: Spyrjum að leikslokum. Ástæðan fyrir því að Svíþjóð er með lægstu dánartíðnina - ef tölur eru réttar - gæti verið sú að með því að leyfa fólki að fá náttúrulegt ónæmi hafi fleirum verið bjargað en með óhollum og vafasömum sprautum sem aðallega voru genabreytandi en veittu litla sem enga vörn, og voru kannski skaðlegar.

Þetta með umframdauðsföllin eftir bólusetningarnar breytir öllu. Mér finnst það lítt fyrirgefanlegt af Ölmu Möller landlækni að taka það ekki í mál að bólusetningarnar hafi verið mistök og skaðlegar, þegar það blasir svona augljóslega við, og að umframdauðsföllin séu öll reiknuð á Covid-19 en ekki bólusetningarnar, opinberlega, hér á Íslandi og almennt á Vesturlöndum þar sem áróðurinn var massífur og án afláts á mikilvægi nýju efnanna. Dæmi Svíþjóðar sýnir þó að yfirvöldin í hverju landi höfðu svigrúm til að hegða sér öðruvísi, og það hefðu íslenzk yfirvöld svo sannarlega getað gert líka.

Tegnell starfar nú hjá Alþjóðaheilbrigðismálastofnuninni, og spurningin er hvort hann meti ekki vænar fúlgur í laun dýrmætari en persónulegan metnað eða hæfni í starfi eftir að vera kominn í slíkt starf.

WHO varar við fleiri farsóttum, sennilega af því að þær hafa verið hannaðar og eru tilbúnar. Búast má við að þjóðaleiðtogum verði skipað að haga sér eins ef (og þegar samkvæmt WHO) fleiri farsóttir breiðast út, sem hluti af Endurræsingunni miklu.

Svíar með lægstu dánartíðnina í faraldrinum

Konur feðraveldisins, ömmurnar og langömmurnar fá jákvæða umfjöllun í nýlegum fréttum í DV og Heimildinni. Er bylting í góða átt að verða í femínískum fræðum og akademíunni, eða meðal almennings?

Frétt á Heimildinni styður það sem ég hef skrifað um í sambandi við að femínisminn sé aðalástæðan fyrir minnkandi frjósemi og fæðingum á Íslandi eins og annarsstaðar. Fréttin heitir:"Móðurhlutverkið stofnun sem ungar konur vilja síður ganga inn í."

Það er gott þegar konur fjalla um neikvæðar hliðar femínismans, "byltingin étur börnin sín" er orðtak sem á hvergi eins vel við eins og þegar femínisminn er annars vegar.

Þessi frétt á Heimildinni fjallar um rannsóknir tveggja kvenna sem hafa leitt þessa niðurstöðu í ljós, önnur er nýdoktor í félagsfræði og hin er meistaranemi í félagsfræði.

Ég komst að minni niðurstöðu einungis eftir að hafa lært félagsfræði í Menntaskólanum í Kópavogi, með nokkuð góðum árangri, án þess að vera útskrifaður þaðan, því fjórða árið lauk ég ekki við. Hinsvegar hef ég Nýalsfræðin mér til aðstoðar, sem fjalla um allar fræðigreinar sem til eru, sé vel að gætt.

Þær heita Hlédís Maren Guðmundsdóttir og Sunna Kristín Símonardóttir.

Greinin fjallar að miklu leyti einnig um að feðurnir þurfi að taka eins mikinn þátt í uppeldinu og mæðurnar til að þetta gangi upp og konur verði tilbúnar að eignast 2.1 börn hver, eða meira, til að viðhalda jafnvæginu, að ekki deyi fleiri en fæðast. Já, það má taka undir það, ef maður hefur trú á jafnréttishugtakinu yfirleitt og því sem nútíminn gengur útfrá að þessu leytinu til.

Annars var frétt á DV nýlega sem vakti athygli mína, þýdd eftir erlendri frétt, en hún stakk í stúf við annan áróður sem oft er á þessum vefmiðlum, DV og Heimildinni, þar sem reynt er oft að skrímslavæða feðraveldið og upphefja kvenréttindakonur hvað sem það kostar, og vinstrisjónarmið.

Fréttin á DV fjallaði með jákvæðum hætti um konur fyrri tíma, konur feðraveldisins, ömmurnar, langömmurnar. Þar var gerður samanburður á konum nútímans og konum feðraveldisins. Sú frétt var stutt en mjög góð. Þar kom fram að ömmurnar gátu saumað föt, bætt sokka og önnur föt, þær gátu allar búið til mat á heimilunum, og þær gátu kynnzt öfunum án þess að þurfa snjallsíma eða aðstoð tækninnar að öðru leyti. Þetta gátu þær allt án þess að hafa gengið í skóla, án þess að vera með háskólapróf í þessum eða öðrum greinum.

Eitt af því sem fólk verður að gera sér grein fyrir er að væntingastjórnun er önnur í nútímanum en hún var meðal kvenna feðraveldisins. Þær voru raunsæjar, þær vissu að karlmenn eru ekki draumaprinsar, heldur gallagripir, eins og þær sjálfar, þær vissu að sumir eru ofbeldishneigðir, drykkfelldir, og með allskonar öðruvísi lesti, og þær vissu að þjóðfélag fyrri tíma gerði ekki ráð fyrir skilnaði, heldur að leysa úr vandamálunum á heimilinu, með aðstoð ættingja og vina, ef hægt var.

Ég held að orðið væntingastjórnun sé lykilorðið í samskiptum kynjanna. Nú eru ótalmargar stofnanir, opinberar og hálfopinberar eða á opnum markaði sem "hjálpa" konum, og rugla þær í ríminu, og morar allt í kvenfrelsunarkenningum, þannig að þær hafa varla tíma til að lifa lífinu fyrir uppáþrengjandi "frelsunarfólki" femínismans, sem eru Vítisenglar ranghugmynda og eiginhagsmunasemi þegar betur er að gáð, hafa atvinnu af því að "hjálpa" konum.

En það sem einum finnst bakslag í "kvenréttindabaráttunni" (Satansríkinu í raun og veru) er fyrir öðrum merki um að konur og karlkyns femínistar séu að nota skynsemi sína aðeins meira og umbreyta úreltum og stöðnuðum kennisetningum "kvenfrelsara" í örlítið skárri fyrirbæri.

En samt sem áður dugar þetta ekki. Þetta er alveg eins og mengunina og baráttuna gegn hamfarahlýnuninni. Fólk gerir sér grein fyrir vandanum, en of mikil eyðilegging hefur átt sér stað til að hægt sé að snúa á rétta braut auðveldlega.

Engu að síður, þetta vekur vonir um að umbætur geti átt sér stað, jafnvel þar sem eyðileggingin er orðin algjör.

Instagram: Gellur gelluðu yfir sig