Hörmulegir tímar, og kannski eru púkar að stjórna mannkyninu, valda þessu

Gamlir kommúnistar eiga kannski erfitt með að tala gegn Rússum og Pútín, eða þeir sem eru ánægðir með eitthvað í stjórnsýslu Rússa á Pútínstímanum. Það á hann sameiginlegt með Hitler að hafa gert góða hluti áður en til svona stríðs kom. Þetta sem kemur fram í fréttinni er nokkuð sem margir eru sammála um, að rússneskur almenningur getur ekki allur verið sáttur við þetta, og hann styttir valdatíma sinn ábyggilega með stríðinu.  Ég komst að svipaðri niðurstöðu og fjallaði um það í nýlegri færslu, að þetta stríð myndi sennilega verða til að stytta valdatíma hans, og búast megi við því að fyrr eða seinna minnki vinsældir hans í heimalandinu þessvegna.

Annað sem vert er að minnast á. Í kvöldfréttum RÚV kom fram að andlegir erfiðleikar hrjá landsmenn sem aldrei fyrr, en Guðjón Hreinberg sem oft spáir rétt sagði fyrir um það að eftir 2. febrúar á þessu ári yrði allt vitlaust. Ætli það eigi þá við um þjóðhöfðingja heimsins líka, eins og þann rússneska?

Verður ekki stundum að leita dulspekilegra, trúarlegra og andlegra skýringa á því sem erfitt er að útskýra?

Innrásin mun stytta valdatíma Pútíns

Eflist Framsókn eða minnkar?

Þessi könnun sýnir uppsveiflu Framsóknar fyrir það umdeilda mál sem nú þekkja allir. Það er einnig eftirminnilegt að Miðflokkurinn græddi á Klaustursbarsmálinu, fylgið var mikið þá. Vont umtal er skárra en ekkert segir enda máltækið.

Ekki er auðvelt að útskýra hversvegna Miðflokkurinn er í lægstu lægðum og dölum ennþá. Annars eru það mikil tíðindi ef hinn tandurhreini kommúnistaflokkur, Sósíalistaflokkurinn fær allt að tíu prósenta fylgi í næstu kosningum.

Hreinn kommúnismi hefur alltaf lent í árekstri við veruleikann. Kannski eru Íslendingar svona vitlausir upp til hópa að vilja slíkt stórslys.

Framsókn á miklu flugi

Vonbrigði að hann leyfi ekki fólki að vita hvernig orðalagið var

Ég tel líkurnar aukast á að Framsóknarnautið mikla verði hrakið úr fjósinu. Er það skárra að þjappa lokinu á pottinn þegar er að fara að sjóða uppúr eða leyfa gufunni að leika lausri og lyfta lokinu þar sem þrýstingurinn er undir? Mér finnst hann komast mjög klúðurslega frá þessu. Hvað var það sem hann sagði, vilja allir vita, en enginn fær að vita. Hlýtur að vera eitthvað hræðilegt fyrst hann getur ekki endurtekið það.

Hvernig væri að leyfa fólki að deila um þetta í smáatriðum í staðinn fyrir að Gróa á Leiti þurfi enn einusinni að eiga sviðið? Hann mun ekki græða á þessu, klaufabárðurinn sem opinberaði sinn innri mann.

Það vita það allir að þrýstingur í ýmsum málum er mikill en þöggun ríkir. Þetta er ekki eini málaflokkurinn. Ég held að það bæti ekki samfélagið að auka þöggunina. Gott og vel, kannski situr hann áfram og kannski ekki.

Kannski springur bara ríkisstjórnin útaf þessu klaufamáli manngarmsins. Hvort sem mikil alvara var á bakvið það sem fólk má ekki heyra eða ekki, þá heldur áfram að krauma í pottinum þangað til hann springur eða sýður uppúr endanlega. Einhverju er verið að leyna. Er það virkilega ljótt eða bara smávegis ljótt? Það er stóra spurningin.

Ríkisstjórnin gæti sprungið útaf þessu. Hann er einn af þremur sem myndaði ríkisstjórnina. Ef hann fer, þá losnar um límið sem heldur hinum saman.

Sér mikið eftir orðum sínum

Áróðursfréttir innan og utan járntjalds

Býsna góður var pistill Geirs Ágústsonar um helgina, "Er markmiðið að skipta heiminum í tvennt?" Ekki voru athugasemdirnar síðri raunar. Niðurstaðan er sú að við sem tilheyrum Vesturlöndum erum sífellt að verða veigaminni.

Óstjórnin í vinstrimálefnum vill banna allt klám nema tilfinningaklám. Allar fréttir skuli vera undirlagðar af tilfinningaklámi, öll viðhorf eiga að vera þannig, og rökvísin á ekki að ráða. Við stefnum fram af bjargbrúninni og konur eru ábyrgðar fyrir því, þær stjórna og þetta er einkenni kvennamenningarinnar eins og hefur verið um aldir. Þróunin er stöðugt í þá átt að Evrópa og Bandaríkin minnka en Indland, Asía, Afríka, og Rússland eflast. Þetta með Rússland er óljósara, en þrátt fyrir viðskiptaþvinganir og auðræði hefur þeim tekizt býsna vel að fjölga þjóðinni og halda uppi lífskjörum.

Rauði krossinn og þessar alþjóðastofnanir, er tími þeirra liðinn með minnkandi vægi þeirra þjóða sem töldu sig siðmenntaðar? Í kommentakerfi DV má enn sem fyrr lesa athugasemdir vinstriöfgafólks sem telur íslenzk stjórnvöld ekki siðmenntuð því þau láta ekki undan villimannlegum kröfum um landamæraleysi og regluleysi. Siðmenning mun ekki fylgja stjórn Pírata og slíkra stjórnleysingja, heldur upplausn.

Borgaralegir flokkar með kristileg viðhorf hafa stjórnað hinni siðmenntuðu Evrópu, bæði jafnaðarstjórnirnar í Svíþjóð hafa verið þannig og annarsstaðar þar sem kapítalisminn hefur ráðið. Píratar berjast gegn þessum borgaralegu gildum og telja sitt réttlæti betra, en það hefur þau einkenni að ganga sífellt lengra.

Nú þegar er það ljóst að jafnvægi náttúrunnar er að raskast, en af lestri margra góðra pistla má maður vita að önnur jafnvægi eru komin að þrotum einnig, svo sem hið efnahagslega.

Joe Biden lætur stjórnast af konum. Þessvegna er hann vinsæll meðal vinstrimanna í Bandaríkjunum og í mæðraveldinu Íslandi. Nema hvað, að stór hluti heimsins er á annarri vegferð, og ný efnahagsbandalög Indverja, Kínverja og Rússa grafa undan hinum vestræna heimi. Sagt hefur verið að Kínverjar ógni Bandaríkjunum miklu meira en Rússar. Nema hvað Kínverjar eru svo öflugir að Bandaríkjamenn voga sér ekki að gagnrýna þá mikið, hvað þá að vinna gegn þeim, eins og gert hefur verið við Rússa. Jafnvel ekki eftir Kínakvefið, farsóttina sem aldrei gleymist.

Það er mjög augljóst að RÚV og Stöð 2 koma með kranafréttir að utan. Þær eru teknar og fluttar með krana og hlammað niður í hráum stíl. Síðan á fólk að trúa þeim.

Ætli ungu kynslóðirnar séu líka að fatta að þær fréttir gefa ekki endilega rétta mynd, þær eru áróður, ekkert síður en áróðurfréttirnar innanvið hið nýja járntjald í Rússlandi?

Vandi tónlistarmanna í dag, lítil plötusala, slaufunarmenning og fleira

Halldór Bragason úr Vinum Dóra segir að ekki seljist nema 300 eintök í mesta lagi af nýjum, útgefnum vinylplötum og því sé tap á útgáfunni hjá langflestum. Þetta kom fram í nýjum þætti af "Slappaðu af", sem er tónlistarþáttur á Útvarpi Sögu, en Rúnar Þór stendur sig betur en margir í að kynna tónlistarmenn í þætti sínum. Það er afleitt ástand í tónlistarmálum á Íslandi. Þó er það nú svo eins og Lilja Alfreðsdóttir hefur sagt eins og fleiri, að tónlistin er stór útflutningsgrein í menningunni, og því rétt að stuðla að sem mestri útgáfu og fjölbreyttastri.

Tónlistarmenn í dag verða ekki endilega margir ríkir af tónlist sinni, heldur af því að vera áhrifavaldar og samfélagsstjörnur og því er þetta ekki lengur eins spennandi og áður, og þá aðeins í útlöndum. Íslenzkir tónlistarmenn hafa víst aldrei orðið ríkir af list sinni hér á landi, nema kannski í mesta lagi Bubbi Morthens, sem alltaf nær að fanga þjóðarsálina og á sér stærri fylgjendahóp en flestir, ef ekki allir, nema auðvitað Björk og aðrir slíkir tónlistarmenn sem hafa sezt að í útlöndum.

En væri ekki hægt að banna niðurhal þannig að fólk neyddist til að kaupa aftur vinylplötur, spólur eða geisladiska? Tónlistarmenn eru sammála um að ástandið er ekki gott.

Úr því að metoohreyfingin og slaufunarmenningin hefur bannað tónlistarmenn með mjög hæpnum og óréttlátum hætti, mætti halda að nútímafólk væri farið að elska boð og bönn.

Leiðin út úr þessum ógöngum er einhver fjölmenning í því tilliti, að upp rísi hópur sem hunzi slaufunarmenninguna og niðurhalið og sæki í það gamla og góða sem virkar, að kaupa afurðina af tónlistarmönnum, eins og þetta á að vera.

Hvað verður nú um Borgarlínuna?

Strætó neyðist til að draga úr þjónustu samkvæmt þessari frétt. Borgarlínuþráhyggjan gengur þó útá að útrýma einkabílnum og láta sem flesta nota almenningssamgöngur, hvað sem það kostar.

Ekki má gleyma því að leiðinlegur rauður fýlukall hefur verið að hrella "klapp-kerfis-notendur" strætó að undanförnu, oft eru tækninýjungar til baga en sízt til bóta.

Áætlanirnar um Borgarlínuna eru draumórar. Við erum ekki erlend stórborg, heldur eru hér séríslenzkar aðstæður eins og til dæmis Vigdís frá Miðflokknum hefur hamrað réttilega á.

Það er ekki hægt að spá fyrir um samgönguhegðun stórreykjavíkurborgarbúanna fjölmörgu í framtíðinni og heldur er ekki með góðu móti hægt að neyða þá til að velja bíllausan lífsstíl, þótt vinstrimenn vilji það margir.

Það sem réttast væri að gerðist er að Borgarlínan hljóti verðuga andspyrnu og gagnrýni og verði helzt aflögð, nema hægt sé að sýna fram á að hún borgi sig og verði notuð með haldbærum rökum.

Takið eftir upplýsingunum í fréttinni, eftirsóknin í strætó er svo lítil að þessi minnkaða ferðatíðni er talin spara stórfé, rúmar 200 milljónir.

Hvernig tekst Borgarlínufólkinu að tala sig frá þessum aðstæðum, að ekki er hægt að gera ráð fyrir að meirihlutinn muni nota strætó og Borgarlínuna?

Er þá kannski lýðræðið verra nú en það var fyrir 40 árum þegar feðraveldið var allsráðandi?

Strætó neyðist til að draga úr þjónustu