Líf plánetunnar er svo sannarlega að veði, kannski er hægristefnan allsstaðar að tapa

Það er mikil blessun fyrir hnöttinn að Joe Biden skuli hafa verið kosinn, því áherzlur demókrata eru mun skárri en áherzlur repúblikana í umhverfismálum. Að því sögðu tel ég það ekki hafa verið blessun fyrir efnahag Bandaríkjamanna að hafa fengið Joe Biden sem forseta. Ég get séð kosti Bidens og galla einnig, það sama á við um Trump, ég get viðurkennt hans kosti og galla einnig.

En ég hef verið umhverfissinni lengi. Nú virðist manni af kosningunum í Bandaríkjunum til þingsins að Trump muni ekki verða endurkjörinn, að annaðhvort verði Joe Biden endurkjörinn, eins ótrúlegt og það nú er miðað við háan aldur hans og óvinsældir nú um þessar mundir, eða einhver annar demókrati eða repúblikani annar en Trump.

Þegar ég var 14 ára skrifaði ég fleira en lagið "Engar umbúðir". Þá byrjaði ég á bók um umhverfisvernd. Sú bók á sennilega frekar erindi til útgáfu en einhverjir textar eða annað sem ég hef gert.

Ég vil ganga lengra en að banna plastpoka. Það þarf að hugsa þetta alveg upp á nýtt, og umhverfisverndin þarf að ná inná öll svið. Það þýðir að snúa aftur til náttúrunnar og sveitalífsins, þannig að fólk geti orðið sjálfbjarga aftur eins mikið og hægt er án iðnvæðingarinnar eða hátækninnar.

Það þýðir líka að þétting byggðar er ekki málið, heldur grisjun eða dreifing byggðar, þá erum við aftur komin í dreifbýlið og dreifbýlishugmyndina, dreifbýlislifnaðarhættina.

Það er eins gott að ég get glatt mig við það góða sem vinstrimenn gera og hafa gert fyrir umhverfismálin og í öðrum málum raunar líka.

Kannski er tími repúblikana endanlega liðinn og annarra hægrimanna. Þá er bara að sætta sig við það og laga sig að breyttum veruleika og breyttu mannkyni.

„Líf plánetunnar að veði“

Upptökulisti úr hljóðveri Fellahellis þann 26. febrúar 1998, þegar Kanadamaðurinn Adam Wright var hljóðmaður.

Ég hafði ekki tíma til að mæta í Dómkirkjuna á þriðjudagskvöldið til að hlusta á fræðslufund um Bob Dylan og flutning á nokkrum lögum hans, en þó var ég að spá í að mæta þangað.

Hljóðmaðurinn og Kanadamaðurinn  Adam Wright hvatti mig mjög til dáða og var einn af þeim sem hjálpuðu mér að fá réttan hljóm þegar ég gaf út fyrsta hljómdiskinn minn árið 1998, í mjög litlu upplagi. Hér á eftir er lagalistinn úr hljóðverinu þennan dag, þann 26. febrúar árið 1998, en flest lögin á disknum voru tekin upp þennan dag, eða þessa kvöldstund, frá klukkan sex um kvöld til miðnættis um það bil. Adam Wright hrósaði mér fyrir dugnaðinn, að spila stöðugt í marga klukkutíma án þess að slá af. Hann sagðist aldrei hafa tekið upp svona mikið á svona skömmum tíma. Það fannst mér gott hrós. Þetta voru bara mínar vinnuaðferðir, að reyna að koma hlutunum í verk.

Ástæðan fyrir því að ég valdi ábreiðurnar eftir Dylan og Bítlana til útgáfu var sú að ég hafði ekki efni á að eyða miklum hljóðverstíma í að velja eigin lög, þegar kom að hljóðblöndun. Ástæðan var raunar margþætt, ég vildi herma eftir Bob Dylan, en fyrsta hljómplatan hans var einnig mestmegnis með ábreiðum eftir aðra.

Ástæðan var einnig sú að þessar upptökur voru fullkomnar, spilamennskan óaðfinnanleg og flutningurinn, en það sem heillaði mig mest var hljómurinn sem Adam Wright fékk með mixernum, nokkuð sem hinum hafði mistekizt á undan honum. Hann kenndi mér almennilega hvernig ætti að vinna í hljóðveri, rétt fjarlægð þegar hljóðnemar eru notaðir og annað slíkt. Einnig kenndi hann mér að syngja undir eða yfir hljóðnema, ekki beint í þá.

Ég kynnti marga nýja blúsa þennan dag eftir mig, sem voru flestir samdir árin 1996 og 1997, en styttir 1998, beztu erindin valin úr. Jafnréttisdiskarnir þrír - eða sex - eða níu - (það var óákveðið) voru þarna í vinnslu, en ekki þó komnir í fasta mynd og endanlega.

Adad spólur voru notaðar, myndbandsspólur með stafrænni tækni. Þar sem ég notaði aðeins tvær rásir notaði hann hverja spólu fjórum sinnum, átta rásir á einni spólu. Þannig fann ég mig knúinn til að vinna þetta mikið í hvert sinn sem ég fór í hljóðverið.

Síðar komst ég að því að upptökurnar sem ég gerði heima, demó eða ekki demó voru fullgóðar, en ég hafði ekki sjálfstraust til að meta þær að verðleikum þá.

Stundum eru fyrstu tökurnar nothæfar. Upphaflega voru þetta lögin sem ég hitaði upp með 1996 í Fellahelli, en þá voru tökurnar ónothæfar, bæði flutningslega og upptökulega. Enda voru þessi lög ekki ætluð til útgáfu, en ég vildi fá almennilegar upptökur 1998, og tók lögin aftur upp eftir Bob Dylan til að athuga hvort ég yrði sáttur við útkomuna.

Eitthvað óútskýranlegt fylgir þeim tökum sem eru nothæfar. Þær eru afslappaðar en vel spilaðar um leið. Ég var auðvitað búinn að æfa lögin eftir Bob Dylan mjög lengi, frá 1983 eða fyrr, þannig að eðlilegt er að þau hafi komið auðveldlegar fram á þessum degi hljóðritana, en frumsamda efnið hafi verið útsett á óljósari hátt.

Ég átti þó eftir að gefa út blúsana um jafnréttið og karlrembuna árin 2001 til 2003, á diskunum "Jafnréttið er eina svarið", 2001, (Einnig um kvenhatur og allskonar kynhneigðir), "Við viljum jafnrétti", 2002, (Einnig um sársauka í samskiptum, lagið Varúð er þar), "Jafnréttið er framtíðin", 2003, (Einnig um ádeilu á nútímamenninguna).

Ég átti mér fyrirmyndir að jafnréttisblúsunum og karlrembublúsunum sem voru samdir 1996 og 1997, en styttir 1998, það var hljómplatan "Í góðri trú", með Megasi. Ég var 16 ára þegar hún kom út og hún hafði mikil áhrif á mig. Grunnur þeirrar hljómplötu er ryþmablús frekar en hefðbundinn blús, svipaður og fyrstu rokkararnir komu með. Ég reyndi að herma eftir þeirri plötu í þessum blúsum mínum.

 

1. Blowing In The Wind (Bob Dylan) (Fyrsta taka notuð í útgáfu 1998).

2. Only A Pawn In Their Game (Bob Dylan) (Fyrsta taka notuð í útgáfu 1998).

3. Gotta Serve Somebody (Bob Dylan) (Fyrsta taka notuð í útgáfu 1998).

4. I Threw It All Away (Bob Dylan) (Fyrsta taka notuð í útgáfu 1998).

5. I Believe In You (Bob Dylan ) (Þessi taka ekki notuð).

6. I Believe In You (Bob Dylan) (Taka númer tvö, notuð í útgáfu 1998).

7. Oh Sister (Bob Dylan/Jacques Levy) (Þessi taka ekki notuð).

8. Oh Sister (Bob Dylan/Jacques Levy) (Taka númer tvö, notuð í útgáfu 1998).

9. Like A Rolling Stone (Bob Dylan) (Þessi taka var ekki notuð í útgáfunni heldur sú sem er frá 4. marz 1998, nokkrum dögum síðar).

10. She Loves You (John Lennon/Paul McCartney) (Þessi taka var ekki notuð í útgáfunni heldur sú sem er frá 2. martz 1998, nokkrum dögum síðar).

11. Jafnréttið er framtíðin (Blús/Taktur og tregi) (Fyrsta taka, ekki notuð).

12. Jafnréttið er framtíðin (Blús/Taktur og tregi) (Önnur taka, ekki notuð).

13. Jafnréttið er framtíðin (Blús/Taktur og tregi) (Þriðja taka, ekki notuð).

14. Jafnréttið á að ríkja (Blús/Taktur og tregi) (Fyrsta taka, ekki notuð).

15. Jafnréttið á að ríkja (Blús/Taktur og tregi) (Önnur taka, ekki notuð).

16. En sérð þú ekki eymdina? (Blús/Taktur og tregi) (Fyrsta taka, ekki notuð).

17. En sérð þú ekki eymdina? (Blús/Taktur og tregi) (Önnur taka, ekki notuð).

18. Þú trúir á fréttirnar (Blús/Taktur og tregi) (Fyrsta taka, ekki notuð).

19. Þú trúir á fréttirnar (Blús/Taktur og tregi) (Önnur taka, ekki notuð).

20. Sannleikurinn er ekki í blöðunum (Blús/Taktur og tregi) (Önnur taka, ekki notuð).

21. Jafnréttið er takmarkið (Blús/Taktur og tregi) (Fyrsta taka, ekki notuð).

22. Jafnréttið er takmarkið (Blús/Taktur og tregi) (Önnur taka, ekki notuð).

23. Ég vil jafnrétti  (Blús/Taktur og tregi) (Fyrsta taka, ekki notuð).

24. Ég vil jafnrétti  (Blús/Taktur og tregi) (Önnur taka, ekki notuð).

25. Ég vil jafnrétti  (Blús/Taktur og tregi) (Þriðja taka, ekki notuð).

26. Ástandið  (Blús/Taktur og tregi) (Fyrsta taka, ekki notuð).

27. Ástandið  (Blús/Taktur og tregi) (Önnur taka, ekki notuð).

28. Ástandið  (Blús/Taktur og tregi) (Þriðja taka, ekki notuð).

29. Trúðu ekki á menninguna  (Blús/Taktur og tregi) (Fyrsta taka, ekki notuð).

30. Trúðu ekki á menninguna  (Blús/Taktur og tregi) (Önnur taka, ekki notuð).

31. Stelpur stinga (Fyrsta taka, ekki notuð). (Þriðja taka í raun, miðað við fyrri ár).

32. Sumar í Helvíti (Fyrsta taka, ekki notuð).

33. Það er okkar starf að bjarga jörðinni  (Blús/Taktur og tregi) (Fyrsta taka, ekki notuð).

34. Það er okkar starf að bjarga jörðinni  (Blús/Taktur og tregi) (Önnur taka, ekki notuð).

35. Það er okkar starf að bjarga jörðinni  (Blús/Taktur og tregi) (Þriðja taka, ekki notuð).

36. Stelpur stinga (Önnur taka, ekki notuð). (Fjórða taka í raun, miðað við fyrri ár).

37. Ég bið þig (Donaggio/Pallavicini - Ómar Ragnarsson)  (Fyrsta taka, ekki notuð).

38. Dagný (Sigfús Halldórsson - Tómas Guðmundsson)  (Fyrsta taka, ekki notuð).

39. Hvert örstutt spor (Jón Nordal - Halldór Laxness)  (Fyrsta taka, ekki notuð).

40. Hvert örstutt spor (Jón Nordal - Halldór Laxness)  (Önnur taka, ekki notuð).

 

Hér síðast eru lög sem ég ólst upp við og voru spiluð í útvarpinu og sjónvarpinu. Silfurtunglið eftir Halldór Laxness var menningarviðburður mikill sem hafði áhrif á alla landsmenn, og Vilhjálmur Vilhjálmsson í uppáhaldi á mínu heimili, en þarna eru lög sem hann söng á sínum ferli, eitt áður en ég fæddist, "Ég bið þig", frá 1968, með prýðilegum texta eftir Ómar Ragnarsson, en ég var aldrei viss um að textinn væri réttur, en ég skrifaði hann upp eins og mér heyrðist hann vera, þá voru engin textablöð inni í hljómplötuumslögum.

Næstum allir tónlistarmenn nota ábreiðulög líka. Þannig er fræg platan "Self Portret" með Bob Dylan frá 1970, árið sem ég fæddist, eða þá hljómdiskurinn "Good as I've been to you", frá 1992, einnig með Bob Dylan, þar sem hann syngur mjög gömul lög, sum frá upphafi 20. aldarinnar jafnvel, þjóðlög og annað slíkt.

Flóttamannamálin fyrsta frétt dag eftir dag.

Flóttamannamálin eru enn fyrsta frétt á Bakkabræðraþursinum þríhöfða, RÚV, Hringbraut og Stöð 2. Ekki endilega lýsing á brýnustu fréttum samtímans, heldur því að þarna finnst þeim helzt vera veikur punktur hjá hægrimönnum, ríkisstjórninni, hjá samvizku þeirra sem stjórna landinu, að hún sé svört og slæm, en ekki í samræmi við hvernig þetta er erlendis. 

Flóttamannamálin eru uppáhaldsumfjöllun fjölmiðlanna, þannig er hægt að sýna ríkisstjórnina í neikvæðu ljósi

Eins og menn muna eftir voru Bakkabræður svo vitgrannir að þegar einn sagði einhverja vitleysu löptu hinir það upp og endurtóku. Eða þannig var þetta í sögunni um blöndukútinn. Þegar þeir fóru til fiskveiða gjörðist faðirinn þyrstur og kallaði á blöndukút (vatn til að svala þorstanum), þá sagði sá fyrsti:"Faðir vor kallar á kútinn". Síðan endurtók sá næsti setninguna án þess að skilja hana, því næst sá þriðji, og svo aftur sá sem sagði fyrst setninguna og svo koll af kolli útí hið endalausa þartil karlgeyið gaf upp öndina af þorsta.

Hvernig er hægt að rökstyðja að þetta sé mikilvægasta fréttin fyrir Íslendinga, dag eftir dag, í viku, hefðbundnar brottvísanir? Þetta vekur tilfinningaviðbrögð, en það er greinilega það sem Rúv, Hringbraut og Stöð 2 sækjast eftir. En með tímanum sljóvgast almenningur, og þessir sem eru lengst til vinstri og mótmæla mest jafnvel líka.

Einnig rataði það í fréttirnar um helgina að aldraðir eru í erfiðri stöðu margir hvað varðar þjónustu og hjúkrunarrými. Verkamenn, öryrkjar, aldraðir, fólk í lægstu stéttunum, í yfirstandandi kreppu koma þessir hópar verst út, og kjararýrnunin er mest þarna.

RÚV fjallar um þetta eins ár eftir ár, sjálfstæðismenn mæta einhverjum úr vinstriflokkunum í sjónvarpsviðtölum, en engin niðurstaða fæst eftir þau rifrildi, nema þáttastjórnendur reyna að koma þeirri skoðun inn hjá almennum áhorfenda að samvizkuleysi ríkisstjórnanna hverju sinni sé algjört, og þeirra sem bera ábyrgð í málaflokknum.

Í gær deildu Sigmar frá Viðreisn, fyrrverandi Rúv fréttamaður og altmúligmaður og Birgir Þórarinsson frá Sjálfstæðisflokki um flóttamannamálin. Sigmar reyndi að stjórna viðtalinu sem þaulvanur fréttamaður, en honum brást bogalistin, því Birgir bauð honum að koma með sér og hringja til Grikklands, sem Sigmar þáði ekki og hunzaði orð Birgis. Þar með kom það skýrt í ljós að Sigmar var ekki að leita að sannleikanum, heldur áróðri til að knekkja á andstæðingnum, ekki í samræmi við veruleikann endilega.

Kom það einnig fram í viðtalinu að Birgir, sem Sigmar reynir að útmála sem fordómafullan, hefur farið til Grikklands og kynnt sér aðstæður, en ekki Sigmar, sem notar klisjurnar.

Sigmar og félagar tala í upphrópunum. Fordómar byggja á þekkingarleysi er sagt, en "góða fólkið" notar skoðanafordóma óspart í sínum málflutningi, það reynir að útmála andstæðingana sem hið versta fólk, og notar klisjur, upphrópanir og hneykslunarorð og hneykslunarsetningar sem sín vopn.

Á Hringbraut í þessari viku hefur verið nokkuð vel fjallað um þetta mál. Sæmilega ítarleg er þar umfjöllunin, en einhliða, aðallega talað við "góða fólkið", og því ekki alveg rétt mynd dregin endilega upp. Þar skildist manni að Grikkir hefðu mikinn metnað í að sinna þessum málum vel, en fjármagn skorti.

Þá rifjast upp það sem Grikkland hefur gengið í gegnum eftir fjármálahrunið 2008. Það var nefnilega Alþjóðagjaldeyrissjóðurinn ásamt ESB sem settu þungar klyfjar á Grikki vegna bankahrunsins, en án ESB og evrunnar hefðu þeir sennilega farið íslenzku leiðina með sínum eigin gjaldmiðli og væru mun betur staddir núna.

Píratar og Samfylkingin eru systurflokkar hvað skoðanir varðar. Nýkosin forysta Samfylkingarinnar reynir að milda þá ásýnd og gera hana líkari Vinstri grænum.

Það sem ég er að reyna að segja með þessum pistli er það, að mér finnst furðulegt að umræðunni á RÚV og Stöð 2 og Hringbraut sé stjórnað af Pírötum, Samfylkingunni og þannig flokkum, þessum sömu öflum og Grikkland var ofurselt, ESB og Alþjóðagjaldeyrissjóðnum.

Grikkland væri sennilega betur í stakk búið að sinna flóttamönnum ef það væri ekki í ESB.

Viðreisn vill koma okkur í ESB, og Samfylkingarfólk enn, þótt slíkt sé ekki predikað lengur í hverju einasta viðtali.

Rúv eða hinar sjónvarpsstöðvarnar benda ekki á þessa þversögn, að flokkarnir sem vilja koma okkur í ESB eru þeir flokkar sem þykjast styðja mannréttindin mest, og afleiðingin yrði minni fjármunir til að sinna flóttamannamálum, ekki krónan lengur til að gengisfella í fjármálalægðum.

Tæknin til að stjórna fólki með tilfinningasemi er velþekkt. Eins og Guðjón Hreinberg hefur fjallað um og fleiri er þetta innbyggt í skólakerfið, Frankfurt skólinn, sósíaldemókratisminn er í eðli sínu svona, þjóðfélagsverkfræði, fræðikenningin um það hvernig hægt er að kúga fólk og kalla það samfélagsbætur.

Hvað þurfa þingmenn Viðreisnar og Pírata að verða vitni að til að standa með öldruðum og öðrum láglaunahópum frekar en flóttamönnum, annaðhvort þeim sem reyna að bæta stöðu sína almennt með því að flytjast á milli landa eða flýja stjórnmálin heimafyrir? Hversu mikil þarf almenn fátækt að vera á þessu landi til þess?

Mannleg eymd er auður sem barizt er um. Það sem vakir fyrir góða fólkinu er að koma vonda fólkinu frá völdum, og fá þannig betri þjóðfélagsstöðu sjálft og hærri laun.

Annars trúi ég því að fólk sé allt eins í grunninn. Það er hvorki betra né verra sama hvað það segir eða gerir, það eru aðstæðurnar sem skapa viðbrögðin og skoðanirnar yfirleitt. Fólk er tækifærissinnað og þannig má lýsa góða fólkinu svonefnda. Þetta er allt spurning um endalaust fleiri kommúnískar byltingar undir allskonar nöfnum, þar til öll hægrimennska er dauð, en hún hefur verið að veikjast í gegnum áratugi síðustu aldar og allt til nútímans.

Þeir sem boða ómengaðan kapítalisma segja að Grikklandi myndi vegna betur án ESB. Kannski er það rétt. Kannski væri þá Grikklandi ríkara og betur fært um að sinna flóttamönnunum sem þangað flýja.

 

Kenningar Þorvaldar Friðrikssonar um keltneskan arf á Íslandi í tungumáli og ætterni

Þorvaldur Friðriksson fornleifafræðingur hefur haft það að keppikefli sínu lengi að sannfæra fólk um keltnesk áhrif á Íslandi og keltneskan uppruna Íslendinga, að minnsta kosti að hluta til. Nú er að koma út eftir hann bók um þetta. Bókin heitir "Keltar - áhrif á íslenska tungu og menningu", og hefur hann greinilega unnið að henni lengi.

Hann hefur fjallað um þetta mál í að minnsta kosti 40 ár, miðað við að 1982 skrifaði hann ritgerð um keltneska húsgerð sem er að finna á Íslandi.

Belja telur hann dregið af gelísku, bail, ær af oi, ýsa af iasag, hurð af urradh, spýta af spitheag, og strákur af strácair.

Uppruni Gela (Gael) sem töluðu gelísku er indó-evrópskur, þannig að um sama kynstofninn aríska er að ræða í grunnatriðum. Keltar voru víðar í Evrópu, og eiga sér langar rætur allt til daga Júlíusar Sesars og Rómaveldis, og enn aftar í söguna raunar. Þeir áttu mikið blómaskeið á bronzöldinni.

Étienne Ljóni Poisson segir í athugasemdafærslum að aðblástur sé ekki til á írsku en í gelísku, (Skotlandi), og telur að sá aðblástur geti verið tilkominn vegna áhrifa frá forníslenzku en ekki öfugt. Segir hann að aðblástur sé afgerandi og merkingargreinandi fyrirbæri á norðursamísku og öðrum samískum tungumálum sem hafa áherzlu á fyrsta atkvæði. Segir hann að sennilega hafi þetta lengi verið í samísku og íslenzku einnig.

Einn annar í athugasemdum segir rangt að tala um málskipti, að einfaldlega hafi málið þróazt svona, íslenzkan. Það finnst mér vel orðað.

Einn segir í athugasemdum: "Ekki alveg einhlítt að þessi orð séu ekki til a.m.k. í norsku, eða hvað með hyse (ýsa), hurd (lágar dyr á bjálkahúsi), og gutt-strik (strákur)."

Anna Pétursdóttir: "Svo eru það mállýzkurnar, til dæmis á Kiruna svæðinu í Norður-Svíþjóð - þar hafa þeir mörg svipuð orð og við yfir til dæmis könguló. Eða mállýzkusvæðin í Noregi."

Einn segir: "Mér sýnist þetta vera eitt af þessum málum þar sem menn gefa sér niðurstöðuna fyrst og búa svo til rökin til að styðja hana".

Þetta tengist öðru efni, eins og Anna Pétursdóttir bendir á í þessum athugasemdum, það er að segja að nýjar rannsóknir á Bretlandseyjum sýna að Danir voru komnir þangað miklu fyrr en talið hefur verið. Það er að segja, að minni eru áhrif víkinga frá 800 í erfðaefni Breta en erfðaefni Engla og Saxa, sem mestmegnis komu með bylgju árása og fólksflutninga til Bretlands um 400 eftir Krist til Bretlands, frá Danmörku að miklu leyti. Þeir vísindamenn segja víkingaöldina hafa hafizt miklu fyrr en talið var, að minnsta kosti svo snemma sem 400 eftir Krist en ekki nokkur hundruð árum seinna.

Margir sammælast þarna um að byggð hafi verið á Íslandi löngu fyrir hið eiginlega landnám, og að líkindi séu til þess að það hafi verið keltar, Írar, Skotar, eða Gelar, og jafnvel einhver blanda, bæti ég við frá Norðurlöndunum.

Þessi tengsl sem bók Þorvaldar fjallar um hafa lengi verið þekkt. Ekki er deilt um að þau eru til staðar og einhver keltnesk áhrif. Um það er deilt hversu mikil þau voru og eru.

Íslenzk erfðagreining kom með þá niðurstöðu að um helmingur erfðaefnisins kæmi frá Bretlandseyjum, keltum, og konurnar frekar en karlarnir. Síðan væri algengara að karlmennirnir hefðu verið Norðmenn, eða rúmlega helmingur þeirra. Þetta passar nokkuð vel við það sem Þorvaldur heldur fram.

Orðsifjafræðilega gæti hann þó verið á villigötum, enda segir orðsifjabók Ásgeirs Blöndal aðra sögu og kemur einatt með aðrar skýringar en hann, og Ásgeir Blöndal var vissulega sérmenntaður í orðsifjafræðum og verður að taka mark á honum, þótt vissulega hafi hann gert mistök.

Ég hef haft áhuga á svipuðum fræðum lengi og hef gert nokkrar athuganir. Rakst ég á mörg orð í gaulversku, tungumálinu sem Ástríkur gallvaski, Steinríkur og þessir kappar áttu að hafa talað fyrir Krists burð sem minna á íslenzku. Einnig eru til orð í öðrum tungumálum sem eru til í íslenzku en ekki í öðrum norrænum tungumálum. Þetta segir ekki að þetta séu tökuorð í íslenzkunni úr þessum tungumálum, heldur er um sameiginlegan arf að ræða úr frumtungumálinu, indó-evrópskunni.

Dr. Helgi Pjeturss hélt því réttilega fram að íslenzkan væri forntungumál eins og gríska, latína og sanskrít. Hann sagði að tilgangur íslenzku þjóðarinnar væri að rétta við framsókn aríska kynstofnsins, og að það ætti að gera með því meðal annars að kenna íslenzku í Svíþjóð, Noregi og Danmörku, þar sem íslenzkan væri upprunalegra og betra tungumál en hin norðurlandamálin, sem er rétt og sérfræðingar taka undir þetta.

Beygingar eins og tíðkast í Þýzkalandi og á Íslandi voru til á hinum norðurlöndunum og í Bretlandi. Þær þurfa að verða endurvaktar, sem víðast.

Við getum verið stolt af íslenzkunni, okkar merkilega tungumáli. Störf sem tengjast menningunni mættu verða fleiri, og atvinnutækifæri fleiri ætti að vera hægt að skapa í tengslum við þau. Ungt fólk ætti að nýta sér þessa sérstöðu í auknum mæli, að hafa aðgang að einu elzta norræna tungumálinu frá barnæsku, frá foreldrum sínum, ömmum og öfum. Einnig ætti þetta að hvetja kynslóðirnar á skólaaldri til að rækta tengsl sín við eldri kynslóðir. Íslenzkan má ekki deyja út, eða menning okkar, sem felst einnig í orðforða, siðum, hefðum og þekkingu.

Það er ekki slæmt að vera skyldur keltum og Gelum. Margt bendir til þess að þeir hafi jafnvel verið enn meiri hörkutól en víkingarnir, miðað við meiri áhrif þeirra á Bretlandi en áhrif víkinganna, sem þó eru heimsfræg.

Ljóst hár, blá augu og norrænt útlit kemur ekki bara frá Norðurlöndum, þannig var keltum einatt lýst, þessum þjóðflokkum sem lifðu í Frakklandi, Þýzkalandi og víðar fyrir Krists burð.

Þetta er löng og mikil saga. Sífellt verður myndin fyllri, en nútímamaðurinn stendur þessum þjóðum langt að baki hvað varðar hugrekki og afrek. Svo mikil er hnignunin í nútímanum á ýmsum sviðum að hún ógnar þeim framförum sem þó verða, og þá helzt á hátæknisviðinu. Sumir segja í mannréttindamálum líka, en um það má deila.

Ég fagna bók Þorvaldar Friðrikssonar og jafnvel þótt ekki þurfi allt að vera rétt í þeirri bók eru á þessu sviði mörg tækifæri til frekari rannsókna og uppgötvana. Þetta er langt frá því að vera allt fullunnið enn eða þekkt.

Ekki sízt ætti þessi bók að hvetja leikmenn og áhugamenn í málvísindum, orðsifjafræðum og skyldum greinum að gefa út bækur og tjá sig um þetta.

Önnur sál nú ertu, ljóð frá 25. apríl 2018.

Hingað kem því hún mér gefur

heimsins ástæðu hvern dag.

Íslands bar er indælt heiti,

einnig rætt margt firnagott.

Örmum ekki vefur

ennþá, líf er drulluflag.

Margri mey þótt neiti,

mér finnst þessi raunar flott.

 

Sjóræningjaflokknum fylgir,

finnst mér ekki bezt það ráð.

Svipað gömul og ég er hún,

andinn vitnar, hold tér fátt.

Þótt hið breiða bylgir,

burt er flogin alskreytt náð.

Síðan frá mér fer hún,

fýsnin varla augljós, þrátt.

 

Höllin rís á hæðum gleði,

heimur breytist eftir fall.

Ennþá feimnin minnkar máttinn,

mun ei stíga djarfleg skref.

Það sem skaðsamt skeði,

skilur eftir sorg og gall.

Höfum betri háttinn

hér á, fyrsta boltann gef.

 

Orðin fertug einmitt þessi,

enn þó ljómar fríð og skír.

Reglu lærði:Reyndu ekki,

rétt að tjái þær sig fyrst.

Oft í ungu dressi,

aftur vaknar ljómi nýr.

Vil ei heimskuhlekki,

hennar, virðist sál í þyrst.

 

Ef hún fer þú aðeins særist

eftir svona kynni, þá,

bíddu heldur, viss mjög vertu,

veiðir ekki hér um bil.

Sál í turni tærist,

tel mig yfirborðið fá.

Önnur sál nú ertu,

einnig það ég veit og skil.

Er menntun í landinu í molum? Mótmælandi sem ekki gat beygt orðið trú!

Það er ekki hjá því komizt að einhver hluti Íslendinga sé vinstrisinnaður. Þegar við bættist að einn mótmælandinn í gær sagði við fréttamanninn:"Ég get ekki lifað án trú", þá fannst mér tilefni til að fjalla um það í þessum pistli.

Í fyrsta lagi, hvers vegna þarf alltaf að mótmæla útaf vinstrimálefnum?

En svo er það þetta málfar, að flaska á einfaldri beygingu! Hver veit ekki að rétt setning er:"Ég get ekki lifað án trúar?"

Þegar fólk er hætt að hafa vald á talmáli sínu þá er fokið í flest skjól. Ég skil að fólk getur lítið gert að sinni lesblindu og skrifblindu, hefur mismikla hæfileika til réttritunar. Hitt er annað mál þegar beygingakerfið er farið að riðlast í talmáli.

Þetta er sárgrætilegt á svo margan máta. Erum við Íslendingar svo illa staddir sem þjóð að ekki sé hægt að ala blessuð börnin upp við rétt málfar? Hverskonar skelfileg andleg og menningarleg fátækt er það?

Fólk hugar ekki að sjálfu sér og sínum eigin garði.

Beygingakerfið er eitt það dýrmætasta sem tilheyrir íslenzkunni. Foreldrar sem ekki leiðrétta börn sín eru furðulega skeytingarlausir. Hvernig er þetta með skólakerfið, hefur því farið svona mikið aftur frá því ég var í barnaskóla um 1980? Eru þetta afleiðingarnar af skóla án aðgreiningar, að ekki sé tími eða áhugi á að sinna hverjum nemanda fyrir sig?

Ég verð þó að gleðjast yfir því að nú er Microsoft að koma með sín snjalltæki á íslenzku. Lilja Alfreðsdóttir hefur staðið sig mjög vel í þessu og hennar teymi.

Það mikilvægasta til að vernda íslenzkuna er þó að foreldrar finni ábyrgð sína og metnað sinn, og viti að þetta er mikilvægt efni. Að vera í vafa um hvað sé gott mál er mikilvægt, að spyrja aðra og leita í orðabókum.

Þegar ástin breytist í hatur minnkar ónæmi allra gegn sjúkdómum eins og Covid-19. Ný bylgja kannski í uppsiglingu samkvæmt kvöldfréttum RÚV 5. nóvember.

Nú var það í kvöldfréttum RÚV að Covid-19 smit væru enn á uppleið, sama afbrigðið og dauðsföllum fjölgar. Sagði Guðrún Aspelund sóttvarnarlæknir að ekki yrði gripið til takmarkana nema smitum fjölgaði mikið.

Ástæðan fyrir veikindum og dauða af völdum Covid-19 er skortur á náungakærleika, af völdum Metoobylgjanna sem drepa fólk.

Hvar er allur herskarinn af konum sem trúir þessu, já, öllum þessum andlega sinnuðu konum sem trúa á mátt kærleikans? Þær vita þetta innst inni, að skortur á samfélagslegum kærleika leiðir til aukinna dauðsfalla, pottþétt, ekkert kannski með það. Máttur kærleikans er vísindalega sannaður, til dæmis með lífgefandi áhrifum athygli á blóm, það eru margir áratugir síðan þær rannsóknir voru gerðar og niðurstöðurnar bentu ótvírætt í þá átt að kærleikurinn væri raunverulegt afl en ekki ímyndun.

Hverskonar glæpur er það að ræna kærleikanum frá mannkyninu?

Jón Baldvin Hannibalsson er ofsóttur nú enn á ný af bitrum konum og körlum. Hann er sekur um að boða ranga stefnu, jafnaðarstefnuna, annað ekki.

Annaðhvort í Stundinni eða DV var fréttaumfjöllun á þann veg að fréttakonan efaðist um að nemandinn, þessi unga stúlka, hafi talið sig elska Jón Baldvin, eða hrífast af honum, eins og það sé eitthvað ómögulegt. Slíkt er meira að segja algengt og hefur alltaf verið algengt.

Það er ekki hægt að telja öllum trú um að gagnkynhneigð sé óeðli og perraskapur en ekki það sem áður var fordæmt.

Hatrið á Jóni Baldvin á allt uppruna sinn í móðursýki og bælingu, eins og Sigmund Freud útskýrði. Draumakenning Freuds er ekki rétt, en þarna hafði hann rétt fyrir sér.

Það væri hægt að lækna öll Covid smit og stöðva öll umframdauðsföll ef kærleikann væri hægt að fá til baka sem þjóðin átti fyrir uppgang femínismans fyrir 40 árum, og fyrir meira en 100 árum, áður en rauðsokkurnar fóru á kreik. En því miður, það mun ekki gerast. Femínisminn er drepsótt sem drepur alla að lokum, og það verður aðeins séð eftirá, í andlegum heimi, eða á öðrum hnöttum, ef um eitthvað framlíf verður að ræða, ef svona syndaselir og djöflamannkyn þurrkast ekki fullkomlega út í eitt skipti fyrir öll í þessari sameiginlegu sjálfsmorðbylgju nútímans.

Ég er alveg viss um það sem ég er að skrifa um. Ég hef unnið í andlegum málum lengi og verið næmur. Ég byggi á kenningum sem ég lærði fyrir löngu, og þetta er sameiginlegur skilningur margra.

Algengt var að konur skrifuðu um þetta fyrir 30 árum, og fyrir 20 árum í pistlum og fjölmörgum sjálfshjálparbókum. Síðan drekkti Metooumræðan öllum þessum kærleika og í staðinn kom hatur. Er það eðlilegt?

Vottar Jehóva lentu í sviðsljósinu nýlega. Kona ein sagði það ofbeldi sem þeir héldu fram, fyrrum meðlimur.

Hvernig getur það verið ofbeldi að predika orð Guðs?

Fyrir einni eða tveimur vikum var Gísli Marteinn að gera grín að Vottum Jehóva í þætti sínum á RÚV fyrir myndband sem þeir gerðu um að guð hafi skapað karl og konu til að fjölga sér og búa til börn. Það sem fór mest í skapið á samkynhneigðum og gagnkynhneigðum viðmælendum hans var að þar var tekið fram að samkynhneigðin væri ekki guði Biblíunnar að skapi og að slíkt kæmist ekki til Himnaríkis, yrði að skilja eftir á jörðinni.

Fyrir um það bil 10 árum var frasi algengur í fjölmiðlum sem samkynhneigðir notuðu til að sannfæra fólk, að verið væri að gera ástina að vandamáli, af því fólki sem væri fordómafullt.

En þetta fólk sem agnúast útí gagnkynhneigð og samfélagið eins og það var áður fyrr, það hefur lítið umburðarlyndi og gerir þá ást að vandamáli sem er þannig og samkvæmt hefðinni, og Biblíunni og öðrum trúarbrögðum.

Af hverju ættu ekki Vottar Jehóva að halda sig við Biblíutextana frekar en kattarklórið og yfirklór nútímans?

Þessi pistill er gremjulosun útaf mörgum hlutum. Að síðustu vil ég fjalla um þátt Gísla Marteins nú um helgina. Þar gerði hann stólpagrín að Sjálfstæðisflokknum og næstum öllu sem honum tilheyrir. Hvernig stendur á þessu, maðurinn var borgarfulltrúi Sjálfstæðisflokksins í Reykjavík á sínum tíma?

Ef Sjálfstæðisflokkurinn á svona vini og fyrrverandi eða núverandi borgarfulltrúa eða meðlimi eins og Gísla Martein á RÚV þarf hann enga óvini.

Sjálfstæðisflokkurinn er að minnsta kosti enn sá flokkur sem heldur í heiðri gömul gildi. Kannski mun sá tími koma að ungu kynslóðirnar vilji slíkt aftur og kunni að meta það.

Áróðursfréttir

Einsog RÚV reynir að stýra umfjöllun og skoðunum fólks, þannig eru ábyggilega flestir hræddir um að stöðugleikinn í ríkisstjórninni sé í hættu ef Bjarni verður ekki lengur formaður. Ekki kæmi mér á óvart að hann fengi rússneska kosningu á morgun, fengi 90% atkvæða eða meira, en það er aldrei að vita. Kosningar eru oft óútreiknanlegar.

"Við fengum hjarðhegðun en ekki hjarðónæmi með bólusetningunum", þau orð Jóhanns bloggara eiga enn við.

En að öðru máli. Pistlar Páls Vilhjálmssonar um Samherjamálið/Byrlunarmálið, eða hvað sem á að kalla þetta eru sérlega sláandi núna að undanförnu. Samþjöppun á fjölmiðlamarkaði á Íslandi er mikil.

Ég tel af umfjöllun Kveiks um árið að mögulega sé mikil spilling í Samherja. En pistlar Páls Vilhjálmssonar um þetta eru sannfærandi eins og gengið sé á rétt skipstjórans.

Í gær hafði ég samúð með skipstjóranum sem fær ekki lengur að tjá sig. Ekki ein einasta frétt um þá meðferð sem hann fékk á Hringbraut, RÚV eða Stöð 2, kannski vegna þess að blaðamenn og fjölmiðlamenn þekkjast og vita að verið er að vega að þeim sjálfum.

Það kom fram í því sem Jón Gunnarsson sagði, að það sem er fyrsta frétt, um brottflutning flóttamanna, það gerist í hverri viku.

Margir blaðamenn koma með þessa rangfærslu eins og í DV, "brottvísunarmálið sem hefur skekið þjóðina", réttara er það sem kom fram í Fréttablaðinu í gær í leiðaranum, að langflestum er sama, eða hafa ekki fyrir því að mótmæla.

Kirkjan hefur verið óvinsæl af vinstrimönnum lengi. Biskupinn núverandi reynir að gera kirkjuna vinsælli með því að tala máli flóttamanna. DV segir einnig frá viðbrögðum biskupsins við þessu.

Hins vegar eru undir fréttinni áhugaverð ummæli og athugasemdir. Þar kemur fram að hún ætti að skella sér til Svíþjóðar að skoða ástandið þar, og til landa þar sem mannréttindi eru alls ekki virt.

Einn í DV segir í athugasemdum: "En að biskup tjá sig með tárin í augunum veldur mér ógleði. Samhliða því að gráta stöðu hælisleitenda ætti hún að líta sér nær..."

Sævar Albertsson: "Agnes M. Sigurðardóttir, farðu bara út, Íslendingar vilja örugglega ekki pína þig til að búa í þessu landi sem þú vilt lítið með hafa, góða ferð".

Elín María Hilmarsdóttir:"...Mannkærleikur og hann er vissulega ekki meiri í Svíþjóð".

Í áróðursstríði vinstriafla og hægriafla á Íslandi er allt notað. Fréttir um meinta en umdeilda ómannúðlega meðferð flóttamanna er eitt slíkt vopn, til að reyna að fá almenning til að sýna vinstristefnuskoðanir.

Hefur ekki áhyggjur af úrræðum í Grikklandi

Sandkorn, ljóð 16. apríl 2018.

Allt er eitt,

ekkert skynjar.

Vélrænu ferlarnir, náms ekki nýtur.

Náðin styrkinn brýtur.

Munu nægja mennskar vinjar?

Meyjan sanna deyr burt þreytt.

 

Féll hann frá,

furður sorgar.

Týndur í tröllanna skógum um nætur.

Takmark heimsins grætur.

Þar á bryggju bölsins dorgar,

björgin gleypa litla þrá.

 

Erfitt er

út að brjótast.

Barnæskan, vinirnir, uppeldið eina,

allt má síðan reyna.

Tæling, það sem tryllti ljótast,

tíminn rétti jafnvel fer.

 

Glatast gauð,

gleymist dýrðin.

Stórvirkin fallandi, menningin morkin.

Meyjan reynir storkin.

Aftur þannig reyndu, rýrðin,

ríkin orðin barnsleg, dauð.

 

Hlusta hér

á hana kenna.

Áhugaleysið mun aftur þín vitja.

Ekki þó til nytja.

Eins og sól má afli brenna,

einnig sekkur mannsins sker.

 

Nær þeim nótt,

nöfnin gleymast.

Skólarnir, atvinnan, endurheimt drauma,

undir mun því krauma.

Aftur svo að tröllum teymast,

takmark ekki næst svo fljótt.

 

Segir sér

sízt það rétta.

Vinkonur, vinir og hellirinn þeirra.

(Varla nokkuð fleira).

Því mun saman þursinn flétta,

þú ert sandkorn aðeins hér.

Líklegra er að Bjarni Benediktsson sigri Guðlaug Þór, að sjálfsögðu

Ég hef áhuga á að lifa á listsköpun en það er ekki hægt í hruninni siðmenningu nútímans sem augljós er. Aðeins sósíalísk iðnaðarframleiðsla nær vinsældum í nútímanum, sem kölluð er list. Að þessu sinni finnst mér pistill Björns Bjarnasonar mjög fróðlegur um vinstriöfga Grétu Thunberg. Hann staðfestir það sem mig grunaði, að hún færi í þessa átt. Ég get virt hana sem öflugan talsmann umhverfisverndar, en hún er of ung til að mynda sér sjálfstæðar skoðanir á þessu, hún fer í rudd plógför sem alltof margir í Svíþjóð og víðar fara í.

Vinstrimenn og jafnaðarmenn stunda það að hertaka hugmyndir og ungt fólk. Það er hluti af marxismanum og afleiddum kúgunarkerfum hans.

Það er annars nokkuð víst að Bjarni Benediktsson mun sennilega vinna Guðlaug Þór, það verður tæplega sú endurnýjun að hann verði næsti formaður. Ísland er gjörspillt og það sést á þessu.

Listsköpun í Sovétríkjunum fékk ekki stuðning eða útgáfu nema Stalín væri mærður eða hans heimsmynd. Sjálfstæðisflokkurinn er eini flokkurinn sem hefur hugmyndafræðilegan bakgrunn og nægilega stærð og styrk til að berjast gegn þeim kommúnisma sem nú laumar sér inní öll skot undir allskonar öðrum nöfnum á heimsvísu, en mest á Vesturlöndum.

Þátturinn hans Gísla Martins á RÚV er gott dæmi um gerspilltan menningarþátt. Allir sem þar spila hafa farið í gegnum sósíalíska síu um pólitíska rétthugsun/ranghugsun. Stundum gerist það að hann fær að vísu fólk í viðtöl með aðrar skoðanir en hann bjóst við, og kemur þá á hann vandræðalegur svipur.

Það er enginn metnaður á RÚV lengur nema í marxísku menningaráttina. Reyndar mætti leggja allar sjónvarpsstöðvar af á Íslandi, Hringbraut er hertekin af ESB fasistum, og Stöð 2 siglir á sömu miðum.

Framboðið hans Guðlaugs Þórs er ekki endirinn á umbrotum innan Sjálfstæðisflokksins. Öfugt við það sem margir halda er ekki hægt að halda umbótaöflum í skefjum með því að stöðva einn slíkan frambjóðanda.

Við erum hluti af alþjóðlegri þróun. Ef Sjálfstæðisflokkurinn heldur áfram að þróast í femínískan jafnaðarmannaflokk fáum við bara annan flokk í stað hans til hægri með réttar hugsjónir og stefnu, og gott fylgi.

Kínverjar eru svo gott sem gjaldþrota vegna kommúnisma síns. Það eru Bandaríkin líka undir stjórn Bidens. En kreppur koma ekki endilega aftur. Á meðan eina prósentið sem stjórnar heiminum vill ekki kreppur koma ekki kreppur, nema hjá almenningi. Joe Biden og Kínverjar halda að prentun á peningum leysi allan vanda. Jæja, á meðan eina prósentið sem á þá og mannkynið samþykkir það gengur það upp, en ekki annars.

Hversu mikið er hægt að arðræna millistéttina og lágstéttirnar áður en uppreisnir koma sem ekki eru stýrðar vinstrimannauppreisnir? Þetta er spurningin sem eina prósentið sem á mannkynið spyr sig, hversu langt er hægt að ganga í arðráninu?

Hversu langt er hægt að ganga í að finna blóraböggla eins og útrásarvíkingana?

Coolbet telur Bjarna líklegri