Sænsk stjórnmál og RÚV

Er RÚV aðdáendaklúbbur Stefan Löfven og annarra sænskra jafnaðarmanna eins og mig minnir að Gústaf Skúlason hafi réttilega bent á?

Björn Zoega í drottningarviðtali á RÚV, sem einhver mikilsháttar maður. Hér vaknar upp spurningin hvort Karolinska sjúkrahúsinu hafi verið ætlað að græða peninga eða bjarga mannslífum. Í viðleitni Boga Ágústssonar á RÚV til að hrinda gagnrýni á sænska og skandinaviska jafnaðarmenn finnst honum í lagi að hunza þá gagnrýni sem sænsk sóttvarnaryfirvöld hafa fengið fyrir að bregðast þjóðinni og valda gríðarlegum dauðsföllum í Covid-19 farsóttinni og jafnvel hafi sparnaðurinn einnig valdið öðrum vanda.

 

Á sama hátt leyfist Gísla Marteini að halda úti einhliða stjórnmálaáróðri til vinstri í RÚV í þætti sínum, en Gísli Marteinn kemur út sem hinn harðasti krati þótt einhverntímann hafi hann verið í borgarstjórn fyrir Sjálfstæðisflokkinn.

 

"Eftirlit með hlutleysi RÚV", er það alveg gufað upp?

 

Vitna ég hér í frétt sem Útvarp Saga hefur birt, jafnvel Moderatar krefjast úrbóta og benda á að 169 voru drepnir síðan 2018, og að ástandið er ólíðandi í Svíþjóð og fer versnandi.

 

Gísli Marteinn virðist einn af mörgum sem vilja að Ísland fari í sömu átt og Svíþjóð.

 

RÚV var ekki stofnað til að vera með einhliða stjórnmálaáróður fyrir kratísk öfl í landinu.

Madonna má teljast meiri poppdrottning en Britney

Þegar ég minntist á Britney Spears og hennar tónlist í síðasta pistli gleymdi ég því að Madonna er vissulega stærri í poppinu sem poppdrottning. Það er kannski vegna þess að þegar hún var að slá í gegn var ég uppteknari af tónlist áttunda áratugsins en þess níunda.

Hún var vissulega á undan Britney Spears sem ein áhrifamesta tónlistarkonan. Auk þess samdi Madonna hluta af sínum lögum mjög snemma.

En Britney hefur samt verið mjög áberandi síðan hún kom fyrst fram. Um það má deila hver er poppdrotting, en Madonna hefur oft verið kölluð því nafni eftir að hún sló í gegn.

Madonna stendur í flutningum

"Gleymd" eftir Avril Lavigne af plötunni "Under My Skin", þýðing og túlkun.

Mér finnst áhugavert að fjalla um söngtexta sem ljóð einstaka sinnum, athuga hvort þeir standast slíka rýni og séu nógu vandaðir til þess. Bob Dylan er verðugur enda búinn að fá Nóbelsverðlaunin.

Textarnir sem Britney Spears var látin syngja í upphafi eru taldir með því versta af dægurlagatextum frá upphafi, en eitthvað er hún farin að semja í seinni tíð sem sannar að hún er ekki jafn einföld og talið var. Þeir eru samt engin snilld, en alveg bærilegir sem kveðskapur, svona miðað við dægurlagatexta almennt.

Margar söngkonur herma eftir henni, eða eru taldar hafa notað hana sem fyrirmynd. Avril Lavigne er talin ein af þeim, þótt hún hafi komið fram fyrst um svipað leyti. Öfugt við Britney Spears samdi hún yfirleitt sína söngtexta sjálf og gerði bærilega vel og gerir enn.

 

Avril syngur um sjálfa sig, sína ást, sitt hatur eins og næstum allir popparar. Hún yrkir líka um sjálfa sig að því er virðist, en gerir það þokkalega vel. Textar hennar eru ekki fullir af líkindamáli eins og góð ljóð eiga helzt að vera, en þeir eru sjálfstjáning nokkuð heiðarleg og einlæg, og hún hefur því frá upphafi sýnt að hún er meiri pælari og vitsmunavera en til dæmis Britney Spears hefur gefið sig út fyrir að vera.

 

Í upphafi sungu konur og stelpur lög eftir karlmenn en sömdu lítið sem ekkert sjálfar. Nú orðið eru þær farnar að standa jafnfætis, að einhverju leyti, að minnsta kosti orðnar mun meira áberandi en áður og fjöldi söngkvenna jafnvel orðinn meiri, en þó er enginn kvenkyns Bob Dylan til, en Joni Mitchell kemst kannski næst því, eða Kate Bush, en samt ekki. Þar eru margar býsna hæfileikaríkar, en engin ein sem er drottning hæfileikanna. Okkar ágæta Björk er mjög framúrstefnuleg og hæfileikarík, en ekki slíkur ljóðasnillingur eins og Bob Dylan.

 

Svona er þýðingin:

 

"Æ, æ, æ. Ég er að gefast upp á öllu af því að þú ruglaðir mig í ríminu. Þú veizt ekki hversu mikið þú gerðir mig klikkaða. Þú hlustaðir aldrei á mig, það var bara ekki nógu gott, af því að ég tek næstu skref áfram. Ég mun ekki gleyma því að þú hafðir rangt fyrir þér. Ég veit að ég þarf nauðsynlega að stíga uppúr þunglyndi mínu og vera sterk. Ekki tala niður til mín. Jamm, jamm, jamm, jamm. Ertu búinn að gleyma öllu sem ég vildi? Gleymirðu því núna? Þú náðir því aldrei. Skilurðu það núna? Jamm, jamm, jamm, jamm. Ætla að koma mér í burtu. Það er tilgangslaust að hugsa um gærdaginn. Það er orðið um seinan núna, það verður aldrei samt aftur. Við höfum breyzt svo mikið núna. Jamm, jamm, jamm, jamm. Ég veit að ég vil flýja, ég veit að ég vil flýja... flýja. Ég sagði þér hvað ég vildi, ég sagði þér hvað ég vildi, hvað ég vildi, en ég var gleymd. Ég mun ekki gleymast... aldrei aftur... gleymd... jamm, jamm, jamm... gleymd... jamm, jamm, jamm."

 

Svo mörg voru þau orð.

 

Sennilega ort í flýti, þarna eru andstæðar kenndir, og ólíkar setningar allt í hrærigraut, en samt merking í þessu sem skilst nokkurnveginn.

 

Það er ekki bundið við kvensöngvara og konur að popparar vandi ekki til textanna. Það er almennt vandamál og hefur verið býsna lengi. Gömlu dægurlagahöfundarnir höfðu textana yfirleitt á vönduðu máli, en samt voru þeirra textar oft ekki háleitur skáldskapur, en þeir gátu verið góðir hagyrðingar, eins og sagt var.

 

Með pönkkynslóðinni varð þetta oft öskur með ekkert eða lítið innihald, og enn finnst poppurum oft slíkt sæma sér vel. Mættu þeir margir vanda sig betur.

 

Eitt er gott við þennan texta, að hann gefur manni innsýn inní líf kvenna og heimsmynd allavega býsna margra á aldri við Avril og yngri, jafnvel eldri. Ég held að þetta séu bara mjög almennar tilfinningar sem eiga við um stráka og karlmenn líka, svona pirringur með makann eða þann sem maður er með.

 

Samt er annað merkilegt við þetta líka, það er kynslóðabilið. Eldri konur voru af sómakærari kynslóðum, sem gerðu kannski meiri kröfur til sín, að standa með karlkyninu, þarna er talsvert mikil eigingirni, sem ekki er til bóta eða talin mikið þroskamerki.

 

"Þú hafðir rangt fyrir þér" syngur Avril, þetta endurómar í pólitíkinni í dag.

 

Svona dægurlagatexti varpar ljósi á það líka hvað pólitíkin er á lágu plani í dag, ekki er talað um prinsipp endilega, heldur verið að skammast út í persónur út af einhverju öðru oft.

 

Ekki þarf að túlka þennan enfalda og auðskilda texta neitt sérstaklega, frekar að draga út aðalatriðin og benda aðeins betur á þau, eða það sem gæti skipt mestu máli.

 

"Þú gerðir mig klikkaða"... syngur hún.

 

Þetta eru ýkjur og þekkt stílbragð. Frekar má umorða þetta og segja að hún hafi ekki haft þroska til að takast á við breytta heimsmynd sem birtist henni í samskiptum við makann sem var ólíkur henni. Hún var ekki nógu þolinmóð, eða hann var með skapbresti, sem ekki koma fram í textanum, eða þau bæði jafnvel.

 

"Ertu búinn að gleyma öllu sem ÉG vildi?"... syngur hún. Þarna kemur eigingirnin, hún spyr ekki hvað hann vildi, heldur hvað hún sjálf vildi. Þetta er ekki til að lengja líf sambandanna.

 

"Þú náðir því aldrei". Jæja, kannski var það satt, kannski var hann ekkert sérlega skarpur, en "sjaldan veldur einn þá tveir deila", segir máltækið. Að minnsta kosti lýsir hún vel og greinilega samskiptavandanum sem sýnir þroska hennar sem manneskju, og þá fer maður að halda að strákurinn hafi verið enn yfirborðskenndari en hún sjálf, og kannski ekkert reynt að skilja hana.

 

Þetta er sorglegur texti, og vissulega hefur maður meiri samúð með henni en stráknum eftir að hafa lesið hann, því hún reynir vissulega en það ber engan árangur.

 

Hann virðist vera skúrkur og tilfinningalega þunnur. Að vísu heyrir maður ekki hans hlið á málinu, þannig að þetta er ekki alveg hlutlaus lýsing hjá henni.

 

Það sem mér finnst lýsa veikleika í hennar persónuleika er að hún skuli kvarta yfir að hann hafi "ruglað sig í ríminu"... því það er engin afsökun. Það er einmitt áhugavert að vera í samskiptum við maka sem er ólíkur manni sjálfum, kennir manni eitthvað nýtt.

 

Sennilega er þessi persóna þó tillitslaus sem hún lýsir, og það er alls ekki kostur.

 

Það er nú eiginlega tilgangslaust að fjalla meira um þennan texta. Hann hefur vissulega ágætan boðskap. Hann er ekki vandaður, en innihaldsríkur, upp að vissu marki.

 

Sennilega eru langflestir dægurlagatextar svona, þokkalegir, en ekkert spes.

 

Ég vil sýna það að þó ég haldi mikið upp á Bob Dylan sýni ég söngkonum og kvendægurlagahöfundum einnig athygli, eins og þessari, til dæmis, og Britney Spears.

Árásarmaður á fyrrverandi stjórn KSÍ iðrast - segir kröfu sína um afsögn stjórnarinnar "heimsku" og "algjörlega ómaklegt". Merkilegt hvernig stemmningin breytist til batnaðar stundum.

Það er greinilegt að vopnin eru farin að snúast gegn femínistunum sjálfum loksins, og þetta er enn eitt dæmið um það hvernig almenningsálitið getur sveiflazt, eða sviptivindar í þjóðfélaginu. Einhver fólska varð þess valdandi að fáir höfðu kjark til að mótmæla Bleika fílnum og Öfgum, eitthvað fáránlegt kúgunarástand í þjóðfélaginu þar sem dómgreind margra hvarf, og víða, hjá alltof mörgum er hún ekki mætt á svæðið ennþá.

 

Nú segir árásarmaðurinn: "Þetta fólk hefur starfað af heilindum og ósérhlífni fyrir knattspyrnuhreyfinguna, flest í áratugi". Já, tímabært að iðast, en fráleitt að allir femínistar geri það, ef nokkrir.

 

En árangurinn er augljós, búið er að skemma fyrir árangri strákanna á næstunni, og hver veit hversu lengi sá skaði mun vara.

Sendi fráfarandi stjórn KSÍ afsökunarbeiðni

Ráðum við sjálf ferðinni eða elítan?

Þessar sprautur gætu haft afleiðingar seinna, ekki er vitað um það, og hversvegna er þá verið að leggja útí eitthvað sem er jafn óþarft og að sprauta börn sem mjög ósennilegt er að þurfi á því að halda, mynda náttúrulegt ónæmi hvort sem er?

Það á algjörlega rétt á sér að segja að vafasamt sé að kalla Covid-19 faraldur, miðað við aðrar veirur sem gætu blossað upp með miklu hærri dánartíðni eða alvarlegri veikindaeinkenni. Það er ótrúlega margt sem sannfærir mann um að hér sé samsæri á ferðinni og alþjóðleg tilraun með fólk eða lýðstjórnun.

Enn vakna spurningar um sjálfstæði þjóðarinnar og ráðamanna okkar.

 

Jafnvel geta sprauturnar haft afleiðingar fyrir krakka sem ekkert finna fyrir þessu eða veikjast ekki, þegar ekki er búið að fullrannsaka það sem sprautað er í krakkana.

 

Menn eru ekki tilraunadýr eða ættu ekki að vera tilraunadýr.

Tilkynnt um alvarlegar aukaverkanir hjá sex börnum

Þessi frétt í DV er mjög áhugaverð, sem heitir "Kærastinn minn er eigandi minn".

Kynjafræðingar og femínistar (eða fólk sem fordæmir feðraveldið) ætti að hugsa sig tvisvar um eftir að hafa lesið þessa frétt í DV. Hún sýnir að nútíminn með öllum sínum fjölmörgu kynjum og fjölbreytileika er ekki endilega að útrýma ofbeldi úr samböndum. Fréttin lýsir konu sem segir sig vera kynsegin og hán, en er engu að síður háð ofbeldisfullum sambýlismanni sem er gagnkynhneigður maður og sem er hrottafenginn.

 

Málið er ekki einfalt, að feðraveldið feli í sér ofbeldi og mæðraveldið ekki. Þessi frétt varpar ljósi á margbreytileika tilverunnar, og losar fólk út úr staðalímyndum sem kynjafræðingar og femínistar setja fram og búa til, innræta fólki, því miður, um að gamli tíminn hafi verið vondur en ekki nýi tíminn, að hefðir séu slæmar en ekki nýjungar. Það er nefnilega ekki allt sem sýnist eða svarthvítt í þessum efnum, að konur losni útúr ofbeldi og ofbeldissamböndum með femínismanum og umburðarlyndi í garð nýjunga eins og fjölbreytilegrar flokkunar í kynferðismálum og umbera nýjungar. Þessi frétt sýnir og sannar að nútímaskilgreiningar á manneskjunni og kynhneigð hennar eru allt eins líklegar til að gera konur háðar ofbeldi og ofbeldismönnum.

 

Heldur er ekki rétt að fólk af gömlu kynslóðinni eða með karlrembuskoðanir sé verra sambýlisfólk í samböndum. Þetta býr í mannseðlinu, bæði grimmdin, undirgefnin, ofbeldið, eins og kærleikur, ást, vinskapur og margt annað.

 

Lana, sem fréttin fjallar um, segist vilja ofbeldið sjálf, og að hún kjósi að vera honum eftirlát og undirgefin, láta hann ákveða daginn fyrir sig og allar þær athafnir sem hún tekur sér fyrir hendur. Hún kippir sér ekki upp við ofbeldið sem hún er beitt og segist kjósa það.

 

Lana segir:"Það er ég sem vil gera þetta og þetta er mjög merkingarbært fyrir mig".

 

Hann ræður í hvaða föt hún fer, hvað hún borðar í morgunmat, og gerir yfir daginn.

 

Ef þessi þrýstingur frá femínistum væri ekki til staðar myndu unglingar ekki vera svona ráðvilltir með líf sitt margir hverjir. Sköpunin fylgir ákveðnum reglum og leiðbeiningum, en menning og tízka öðrum.

Valdataka einræðisherra og vondra stjórnvalda er oftast undir yfirskini mannréttinda, mannúðar eða einhvers sem er í tízku hverju sinni

Réttlætið fyrir hverja og með hvaða aðferðum? Greinin "Brotaþoli verður brotlegur" eftir Tómas Ibsen Halldórsson tekur vel á þessu. Þetta snýst einmitt um fyrirgefningu, hvort hún sé ekki hyggileg í þessum tilfellum.

 

Allir þessir peningar sem fást fyrir þessar lögsóknir og svo þetta félagslega vald, er það manninum til góðs eða konunni eða mannkyninu í heild eða þjóðinni íslenzku? Það má rekja femínismann aftur til syndafallsins, þegar Höggormurinn taldi Evu trú um að hún gæti fengið vald Guðs, að hún þyrfti ekki að hlýða feðraveldinu en gæti drottnað, jafnvel meira en Guð yfir sköpunarverkinu. Það má lesa útúr þeirri sögu.

 

Til að fyrirgefa og iðrast þurfum við að vera auðmjúk og viðurkenna að æðri máttarvöld eru til en við sjálf. Þá þarf einnig að viðurkenna að félagsleg völd, staða í þjóðfélaginu eða peningar, sérstaklega illa fengnir með fjárkúgunum eru ekki uppspretta hamingjunnar.

 

"Allir hafa syndgað" stendur í Rómverjabréfinu og það er rétt. Í því felst einmitt kjarni málsins, einn hópur syndara að ásaka aðra samkvæmt mannlegum lögum, mannlegum skilgreiningum um rangt og rétt.

 

"Laun syndarinnar er dauði".

 

Þetta má túlka víðar. Sú útrýming sem nú stendur yfir er þessi refsing fyrir syndina. Það er ekki aðeins aðskilnaður frá Guði, heldur að kjánalegar mannverur útrýma sér.

 

Jónas Gunnlaugsson er einnig með ágætan pistil þar sem hann vitnar í trúmál. Þar er djúp speki.

 

Hvernig er hægt að samræma orð Jesú:"Ég er kominn til að uppfylla lögmálið, ekki einn stafkrókur fellur úr gildi", og svo "Nýtt boðorð gef ég yður, þú skalt elska náungann eins og sjálfan þig?"

 

Jónas skrifar ennfremur:

 

"Þú skalt ekki halda að þú getir framið óhæfuverk  í trausti þess að þú getir á eftir sagt, ég fyrirgef öllum allt, eins og að fá aflátsbréf".

 

Aflátsbréf eru nú aftur gefin út í formi þess að styðja öfgafemínista. Það er aflátsbréf Satans.

 

"Þá skoðum við, sá sem fyrirgefur öllum allt, verður fyrirgefið allt".

Hatur eða reiði getur verið réttlætanleg tilfinning til að ná fram réttlæti, en stundum er ekki um reiði að ræða heldur valdabaráttu kynjanna eða annarskonar valdabaráttu. Peningagræðgi, valdafíkn, þetta eru einhver viðbjóðslegustu og djöfullegustu fyrirbæri alheimsins, og hluti af dauðasyndunum sjö.

 

Það er ekki hægt að sætta sig við það að brotið sé niður það sem virkar vel, eins og feðraveldið, fyrir eins djöfullega kennd og valdafýsn, löngun í hærri félagslegri stöðu, eins og mér virðist femínisminn ganga útá, því miður.

 

Hver er náunginn? Náunginn er sá sem næst manni stendur. Þannig er orðið upp byggt og það er upphafleg merking orðsins. Nálægur náungi, samfelling þessara tveggja orða er náungi. Náunginn er ekki endilega hver sem er, einhver sem maður þekkir ekki í öðru landi.

Orð Jesú um að elska náungann eins og sjálfan sig geta alveg eins þýtt að maður eigi að elska meira það fólk sem er manni dýrmætt, maka, börn, fjölskyldu vini, en leita réttlætis engu að síður, auga fyrir auga og tönn fyrir tönn eins og lögmálið býður, ef hvort tveggja er í gildi.

 

Það er búið að forrita ungar konur til að eyða sjálfum sér og sinni menningu. Þær eru sjálfar fórnarlömb valdhafa sem skipuleggja fjarri. Femínistar eru fórnarlömb en ættu að elska þjóð sína og einstaklinga hennar sem hafa reynzt þeim vel í öllum tilfellum, en samskipti eru yfirleitt aldrei slétt og felld, ekki til lengdar.

 

Hversu mikil alvara er á bak við þetta hjá Öfgum og Bleika fílnum? Oft er hægt að fá óþroskaða einstaklinga til að fremja hræðilega verknaði, þannig hafa mörg verstu hryðjuverk sögunnar verið framin, saklausir og óþroskaðir einstaklingar, bernskir voru verkfærin, en aðrir skipulögðu og töldu þeim trú um hvað væri rangt og hvað rétt.

 

Takið eftir andlitum kvennanna á myndinni. Flestar eru þær glottandi, ein er reiðileg og ein lítur áhugalaus í allt aðra átt eins og þetta sé allt grín. Þetta minnir á mótmæli gegn brottvísun flóttamanna, enda segja þeir sem þekkja til að þetta sé sama fólkið sem stendur í svona mótmælum, með sömu sannfæringuna, oft yzt á vinstrikanti stjórnmálanna.

 

Vel má telja líklegt að þær hafi ekki vænzt að fá brautargengi og árangur, að hræðslupúkarnir myndu láta undan þeim. Atvinnumótmælendur berjast áfram þótt árangur sé enginn. Það er búið að þjálfa þessar konur og fleiri vinstrisinna til að berjast gegn landi og þjóð, samvizkan er engin, en leikgleðin mikil, eins og títt er um ungt fólk sem hefur ekki fengið fullan siðferðisþroska ennþá.

 

Öll þessi framganga hefur sett spurningamerki við hverjir séu gerendur og hverjir  þolendur í þessum endurteknu stjórnmálauppþotum, sem eru til þess ætluð að breyta valdahlutföllum fyrst og fremst, og frasar og klisjur notaðar sem baráttutæki, án þess að mikil sannfæring sé á bakvið.

 

Hanna Björg Vilhjálmsdóttir mismælti sig í einu sjónvarpsviðtali og sagði að þetta "hefði gengið vonum framar", en leiðrétti sig svo og kom með hlutlausara orðalag.

 

Sá sem viðurkennir opinberlega að árás hafi gengið "vonum framar" upplýsir ýmislegt um að stríðsáætlun miskunnarlaus sé í gangi frekar en eitthvað mannúðlegt. Var það þá vonin að fella KSÍ og valda ómældum skaða fyrir eitthvað sem var pólitísk aðgerð frekar en réttlætismál?

„Landsliðsþjálfari smætti reynslu þolenda“

600 tilkynningar um grun um aukaverkanir er ekkert smáræði

Þær aukaverkanir sem hér eru taldar upp geta talizt með verstu mannréttindabrotum sem til eru, eins og að gera fólk ófrjótt gegn þess vilja. Slíkt gerðu einræðisstjórnir við óæskilega þegna fyrrum og gera kannski enn. Engar tíðablæðingar í amk 1 ár??? Þetta er skelfilegt, eða blæðingar í meira en 3 vikur eða lengur???

 

Ef fólk er hætt að verja frjálsan vilja sinn eða möguleika til að eignast börn, hvert erum við þá komin?

 

Annað verður að athuga sem er nokkurnveginn pottþétt. Opinber yfirvöld sem standa að slíkum rannsóknum eru ekki óvilhöll. Þau tóku þátt í aðgerðinni frá upphafi. Að öllum líkindum segja þau "að ekkert óeðlilegt hafi komið í ljós" eða eitthvað í þá veruna, jafnvel þótt svo verði. Við vitum hvernig þetta er, ekki í fyrsta skipti sem hylmt er yfir ef mistökin eru á nógu stórum skala og almennt samþykkt.

Hefur móttekið 600 tilkynningar um grun um aukaverkun

Þolendur, gerendur?

Litlir sem engir möguleikar að komast á lokakeppni HM 2022 samkvæmt spá Gracenote tölfræðisíðunnar. Svona er hægt að fara með öll svið þjóðfélagsins. Hverjum dettur í hug að hræðast stelpuskjátur sem kalla sig Bleika fílinn eða Öfga? Síðan hvenær eru ungir og óreyndir stjórnmálamenn teknir fram yfir gamla og miðaldra stjórnmálamenn með þekkingu og reynslu?

 

Síðan hvenær eru stjórnmálin orðin fegurðarsamkeppni? Börn á ráðherrastóli segja sumir, en afrek þessarar ríkistjórnar felast aðallega í því að hafa hlýtt fagmönnum og að Bjarni Benediktsson er mjög fær sem fjármálaráðherra. Aðrir ráðherrar hafa verið gagnrýniverðari í störfum sínum og sumir afleitir algjörlega, og fleiri afleitir en virðist í fyrstu.

 

Fegurðin og æska eiga að vera þar sem slíkt er til bóta en reynsla og þroski þar sem þörf er á slíkum eiginleikum, í stjórnsýslu, menningu og þar sem útlit er ekki aðalatriðið.

Hafa enga trú á Íslandi

Kveðja til Stormskers á 58 ára afmælinu (Í dag, 6. september 2021).

Fjölgar dögum, ung er önd

eins og kýrskýrt barnið,

oftar mætti opna sig

okkar Stormskersskarnið,

bíðum eftir bókum fleiri,

bara ef plötur kæmu í röðum,

Stormsker lýsir mannlífshauginn upp nú enn,

ættu að vakna menn!

 

Stormskersguðspjöll stilltu mig

strax á hægrileiðir

vizkutextar, vísdómsorð,

vargstönn myrkri eyðir.

Vond er öldin, vinur góði

víst sem fyrri myrkuraldir.

Svör þín gætu æst upp kvenkynsöfga á ný,

alldrjúg nauð á því.

 

Þegar landans miðjumoð

marga var að pína,

skýr var túlkun skurðgoðs þess

skilning náði að sýna.

Fjöldans hneykslun fyndin aðeins

fannst mér, Stormsker sýndi veilur!

Enn er sama yfirborðsins hræsni rík,

en auðmjúk sannleiks flík.

 

Snilligáfa er ekki allt,

andann þarf að temja.

Strit það kostar, störfin mörg,

stífni þarf að lemja.

Agaleysi er allra vandi,

einnig margra er víst skal lofa.

Láttu aftur ljós þitt skína þjóðarrós!

Lof þér ber og hrós!

 

Líta vil á ljósa hlið:

lýsa heim upp slíkir,

sem hafa kjark og hugrekki,

er haugsins spilling ríkir.

Bók þótt kæmi ein ár ári

eftir Stormsker, meira þyrfti!

Til að hreinsa og bæta lýð og land sem fyrr,

lokast annars dyr.