Hver tekur mark á fræðingum með opinbera titla eins og dr. Embarek?

Strax árið 2020 komu fréttir sem sögðu allt um þessa veiru, sem markvert er. Ein fréttin sagði frá því að sumir vísindamenn fundu vísbendingar um að hún hafi verið búin til í vísindastofu. Önnur frétt sagði frá því að veiran væri margfalt meira smitandi en venjulegar veirur. Svo kom frétt sem sagði frá því að veiran dræpi frekar fólk á vesturlöndum, með Neanderdalsmannagen, Indverja, Indóevrópumenn, bleiknefja, en síður aðra. Loks kom frétt sem sagði frá því að vísindamenn töldu hana samsetta úr mörgum veirum.

Núna kemur dr. Peter Embarek með þá kenningu að starfsmaður á tilraunastofu hafi sýkzt af leðurblöku. Ekki er hægt að draga þá augljósu niðurstöðu að veiran hafi verið búin til með sérstakt markmið í huga og verið sleppt út með sömuleiðis sérstakt markmið í huga.

 

Bent er á Kínverja og hversu ósamvinnufúsir þeir eru. Það bara segir ekki alla söguna.

 

Viðbrögð dr. Embarek eru til komin vegna þess að hann tekur tilfinningalega afstöðu, vill trúa á kerfið, vill ekki trúa á samsæri, enda er hann sennilega alinn upp af kerfinu eins og flestir skólagengnir menn, og kerfishugsun kemur ofar frjálsum niðurstöðum af þeim gögnum sem liggja fyrir hjá slíku fólki, og ætti því að endurskilgreina þá hættu sem börn lenda í með skólagöngu, að missa hæfileika til að draga rökréttar ályktanir.

 

Sem sagt, þessir fræðingar spyrna við fótum, vilja ekki viðurkenna hið augljósa. Kemur ekki á óvart, en hver lætur blekkjast núorðið? Hver situr eins og barn og trúir fullyrðingum fræðimanna, erlendra eða innlendra, sérstaklega ef fréttirnar koma frá RÚV og risafjölmiðlunum erlendu, sem eru tregir eins og uxar til að endurmeta viðhorf og annað, nota frekar fjölmenningarhrákadallinn til að lepja uppúr vitleysuna, eða "opinberu" útgáfuna  af sannleikanum (sem er lygin, og staðreyndirnar þegar búið er að þvo sannleikann af þeim).

 

Ég get svo sem alveg tekið undir það hjá mönnum sem ég ber virðingu fyrir segja að þetta sé sönnun þess að menningin sé hrunin, en ég tel fleiri vísbendingar hægt að finna.

Líklegt að veiran hafi lekið af rannsóknastofu

Skelfilegar fréttir um mengun, heimsendauggur í mörgum

Ég bjó til umhverfisverndarlög sem unglingur og varð þekktur fyrir að syngja þau á skólaskemmtunum, og um þrítugt gaf ég út nokkra tóndiska, meðal annars þetta efni, um umhverfisvernd.

Árni Waag var líffræðikennari í Digranesskóla þegar ég var unglingur, og hann náði að tendra áhuga hjá mér og mörgum jafnaldra minna um þessi mál. Hann talaði um bókina "Raddir vorsins þagna" og margt slíkt.

Allt sem hefur gerzt á undanförnum 40 árum eða svo hefur ræzt, af því sem hann spáði, eða vitnaði í að aðrir höfðu spáð fyrir um. Ég bjó til lagið "Engar umbúðir" árið 1984 í frímínútum í Digranesskóla, og marga slíka texta, fyrir mér var þetta bara leikur, að finna mikilvægt efni til að setja í texta.

Að gera jörðina að logandi víti brennandi trjáa og gróðurs er ekki hægt. Það verður að taka í bremsuna af meiri hörku en gert hefur verið.

Ég verð að hrósa Degi. B. Eggertssyni fyrir að vilja efla Strætó og almenningssamgöngur. Hægt væri að samnýta einkabíla miklu meira, bjóða fjölskyldumeðlimum og kunningjum far frekar en að svona margir séu einir í bíl, og svo myndast umferðaröngþveiti sem engum er að skapi í ofanálag!

Það hefur svo margt breyzt í þessum efnum á síðastliðnum áratugum. Áður fyrr áttu fæstir efni á að eiga bíl. Þegar afi minn eignaðist Oldsmobílinn, árgerð 1926, árið 1943, þá var frekar sjaldgæft að fólk ætti bíla. Alveg fram til 1980 eða lengur létu menn gera við hálfónýta bílana sína því dýrt var að kaupa notaða bíla, hvað þá nýja bíla. Kaupmátturinn var líka miklu minni á þeim árum, þar til allra síðustu áratugina, eftir aldamótin 2000.

Bílaflotinn hefur orðið svona gríðarlega mikill á frekar skömmum tíma, á síðastliðnum 40 árum eða svo. Það er hægt að vinda ofanaf þessu á fleiri vegu en með rafbílaendurnýjun, bara ef fólk fengi meiri áhuga á að nota Strætó, hlaupahjól, eða hvað það nú er sem mengar ekki.

Hægt er að beita viðskiptaþvingunum þau lönd sem menga of mikið og skrifa ekki undir alþjóðasamþykktir.

Í sambandi við rusl og heimilissorp mætti koma upp matarmörkuðum eins þeir eru í Kína. Ég hef litla trú á að þessi Wuhan-veira hafi komið upp í þessum matarmörkuðum, myglaðar leðurblökur eða ekki. Það er búið að upplýsast að sennilega hafi þetta komið úr tilraunastofum.

Með því að vera með opna matarmarkaði er hægt að fækka umbúðum. Amma vafði fiskinum í dagblöð sem hún fékk hjá fisksalanum. Hún notaði yfirleitt töskur undir mjólkurflöskurnar. Skrýtið hvernig þetta fer allt í hringi, hvernig við neyðumst til að læra af eldri kynslóðum.

„Einhversstaðar verður að rigna“

Hvað gerist þegar herliðið er dregið burt?

Hafa Bandaríkjamenn gleymt árásinni á Tvíburaturnana? Er það ekki glapræði af Joe Biden að draga burt herliðið frá Afganistan, og í kjölfarið eflast talibanar og ná meiri völdum?

Þarna eru þessi skörpu skil. Aðeins sjálfstæðismenn hafa skýra stefnu í þessu, sumir hverjir, (fyrir utan þá sem kjósa litla flokka sem sennilega komast ekki inná þing) og Sósíalistaflokkurinn er kannski mest fyrir að vilja opna landamærin.

Þessir atburðir í Afganistan hafa áhrif á alla heimsbyggðina.

„Ofboðslega erfitt að horfa upp á þetta“

Hringbraut fær nýja rós, nýjan þátt

Fyrsti stjórnmálaumræðuþáttur Páls Magnússonar á Hringbraut kom skemmtilega á óvart. Bæði Katrín og Sigmundur voru einlæg. Með því að leiða þau tvö saman varpaði hann ljósi á þá skrýtnu þróun að sennilega hefur fylgi farið frá Miðflokknum yfir til Vinstri grænna um leið og vinstrafylgið hefur farið af Vinstri grænum til Sósíalistaflokksins.

Hér er kominn þáttur sem keppir við Silfur Egils, ef framhaldið verður eins gott.

Það sem var þættinum var hróss var til dæmis að þau gripu ekki fram í hvort fyrir öðru, eins og oft gerist í Silfrinu. Þau reyndar þekkjast ágætlega þannig að þau hafa æft slík samskipti.

Er hægt að kalla Vinstri græna Hægri græna núna? Ekki er ósennilegt að eitthvað af óákveðnu hægrifylgi hafi farið á þennan umdeilda flokk, Vinstri græna.

Ef Hringbraut býður upp á nýja dagskrá á hverju kvöldi en ekki bara endurtekningar verður hún sennilega feikivinsæl meðal landsmanna.

„Heilbrigðisstefna Marteins Mosdals“

Þar til upp úr sýður

Grein í DV fjallar um þessi mál. María Rut Viðreisnarkona sem þekkt hefur verið fyrir ýmislegt áður fullyrðir að ofbeldi hafi aukizt í kófinu, sem rímar við tölur og það sem kemur fram hjá lögreglunni.

Taóisminn er ævaforn kínversk speki, sem er fyrir þessari stórþjóð, Kínverjum, svipað og Hávamál eða boðorðin tíu fyrir okkur, býst ég við. Þar stendur í 18. kafla:

"Þegar land er á fallanda fæti, verður konungshollusta og hlýðni efst á baugi".

 

Bókin um veginn - sem er að minnsta kosti jafn merkileg og Biblían - fjallar öll um þetta, þessar þversagnir tilverunnar, sýndarmennskuna, hræsnina og hvernig veruleikinn er annar en látið er í veðri vaka. Halldór Laxness hélt mikið upp á þessa speki, og bætti sínar bókmenntir þannig fyrir vikið.

 

Ef við hugsum út fyrir orðin og þetta dæmi sem er rétt og satt má heimfæra þetta uppá annað. Það má orða þannig:

 

"Lögregla sem setur alla sína orku í að berjast gegn ofbeldi eykur ofbeldið í landi sínu".

Já, eykur það beinlínis. Þráhyggjan verður þess valdandi að það sem barizt er gegn eflist.

Það er ekki bara á einum stað sem börnin stjórna.

Ofbeldið verður ekki sigrað, það er eins og kúgunin, verður alltaf til, í einni eða annarri mynd. Með því að hatast útí náungann eykst hatrið þegar á heildina er litið. Lögreglan er látin sinna þessu, hatast útí karlmenn. Annað er látið sitja á hakanum.

Hvernig er hægt að ímynda sér að ofbeldi verði útrýmt með því að reyna að útrýma heimilisofbeldi? Það er til félagslegt ofbeldi, andlegt ofbeldi, kynferðislegt ofbeldi, líkamlegt ofbeldi og fleiri gerðir, flokkunarfræði er margvísleg.

Félagslegt ofbeldi er útskúfun til dæmis. Andlegt ofbeldi getur fólgizt í skömmum eða svívirðingum, kynferðislegt ofbeldi er nauðgun, líkamlegt ofbeldi eru barsmíðar.

 

Ef maður hefur lesið "Bókina um veginn" sér til gagns og skilið hana þá finnst manni margt vera fánýti sem talið er ótrúlega mikilvægt og auðvelt að framkvæma, eða mikið réttlætismál.

 

Hvað verður um alla þessa pirruðu karlmenn og reiðu sem missa vinnuna vegna reiðra metookvenna? Hvort eru þeir minna eða meira líklegir til að beita ofbeldi? Meira líklegir, virðist liggja í augum uppi.

 

Nei, það er ekki bara hægt að bæla vandamálin með því að setja pottlok á allt saman þar til uppúr sýður.

Femínistar og jafnaðarmenn nútímans gefa sér það að allt sé ónýtt sem er í fortíðinni. 100% ónýtt allt þetta gamla og hjólið þarf að finna upp aftur. Það hjól er kynjafræðin, og bara að vera á móti til að vera á móti.

 

Hrun menningar hefur nú byrjað af minna tilefni en þessu, býst ég við. Kínverska og austræna menningin byggist á VIRÐINGU fyrir hefðum og því gamla, ekki að ýta því öllu í burtu og berjast gegn því.

Eins og eitthvað annað (ljóð)

Fyrstu árin

eins og eitthvað annað.

 

Mátturinn með þér og vinir í hrönnum.

Svo eru allir settir inní hólf, læstir þar inni.

Samskiptin takmörkuð við bergmálshella fangelsi andlegu samfélagsmiðlanna.

Við lifum andlegu lífi á þessum hnetti hvað sem hver heldur.

Hver hefur nægileg völd til að breyta þessu?

Hefur enginn nægileg völd?

Æ, það er gott þegar ástin er manni eftirlát

en stundum fer hún útúr herberginu

og kýs annað frelsi.

 

Þú reynir að kalla til fyrstu áranna

en þau eru ekki viss, er það draumur eða alvara?

 

Stundum ertu ekki viss

í ljósi breyttra aðstæðna

hvort orð eða setningar virka sem þá

eða það sem hún kunni vel að meta.

Hún metur það nú eftir rimlanna lögmáli.

 

Ef ég leita að öðrum...

regnið bylur á rúðunni

og þú skilur ekki neitt...

var ekki til þess ætlazt?

Sársaukafullt lífið sem var ljúft...

Elskarðu þau of mikið?

 

23. október 2014.

 

Leita þarf leiða til að efla lífsgleði og líforku frekar en að dæla fleiri eiturefnum í líkamana

Menn velta vöngum yfir veiru sem sumir efast um að sé til eða sé eitthvað allt annað og hvernig hægt er að komast í gegnum faraldurinn á réttan hátt. Fyrir það fyrsta að setja meira fjármagn í spítalana. Það er talað um það fyrir hverjar kosningar, en svo fer orkan í fóstureyðingalöggjöf og önnur gæluverkefni úr fortíðinni, eða einhverja vitleysu eins og að vilja leggja niður íslenzka mannanafnanefnd.

Í fullri alvöru, hvernig væri að leyfa súludansstaði aftur á Íslandi? Það er sannað mál að allt sem eflir kynhvöt og lífsviljann eflir ónæmiskerfið - einmitt það sem þarf á forheimskandi miðaldartímum metooheimskunnar.

Ef vinstrimenn væru ekki alltaf að skjóta af sér og öðrum lappirnar með því að berjast gegn nauðsynlegum vindmyllum mennskunnar og sköpunarinnar þá kysi ég þá frekar.

Það er ýmislegt sem ég kann vel við hjá vinstriflokkunum, en ekki allt. Endanlega niðurstöðu tekur maður á grundvelli summunnar, margra málefna.

Farin að horfa inn í veturinn

Hér er komin viðurkenning frá Kára Stefánssyni á því sem boðendur samsæriskenninga hafa haldið fram. Flestir orðnir sammála?

Þetta er tímamótaviðtal við Kára, hann felst á sameiginlegan boðskap. Allir sáttir, þeir sem koma með samsæriskenningar og líka vísindamenn, Kári Stefánsson viðurkennir að bólusetningar eru ekki alfa og ómega. Til þess að sannfæra þá lesendur mína sem telja mig frekar velja samsæriskenningar fram yfir einfaldar skýringar segi ég það nú, að sá Kári Stefánsson sem tjáir sig í þessari frétt virðist fullkomlega nota sína eigin skynsemi en ekki vera andsetinn af djöflum. Stundum eru einföldustu skýringarnar réttar en stundum ekki. Sá sem elskar samsæriskenningar hefur ekki alltaf rangt fyrir sér, bara stundum eins og aðrir. Sá sem viðurkennir að samsæriskenningar eiga við stundum en ekki alltaf ætti að nálgast það að fá viðurkenningu á sínum samsæriskenningum.

Ég finn það að hvernig þessu kórónuveirufaraldur hefur þróazt þar sem bilið á milli vísindalegra fullyrða og kenningasmiða fáránleikans hefur minnkað, samsæriskenningasmiðanna og vísindamannanna, að fleiri og fleiri hafa áttað sig á því að sumar "kerlingabækur" og hjátrú fortíðarinnar geta átt við rök að styðjast eða andleg fræði, ekki alltaf, en kannski stundum.

Ég tek undir það sem Kári segir í þessari frétt. Ég tek hann fullkomlega í sátt ef hann heldur áfram að tala svona, ekki maður sem vill endilega koma bóluefni í sem flesta fyrir lyfjarisana heldur halda fólki á lífi, bjarga mannslífum.

Ég segi bara: Góður Kári, á meðan þú stuðlar að þeim mannréttindum að óbólusettir og bólusettir njóti sömu virðingar og mannréttinda, og að hlustað sé á þá sem aðhyllast samsæriskenningar, þá ertu að tala máli fjöldans.

Hér talar manneskjan Kári Stefánsson en ekki verkfæri lyfjarisanna, "það næst ekkert hjarðónæmi með bólusetningu", það sem almennt er talið núorðið.

 

Ég er sammála boðskap hans í greininni, þessi veira á eftir að fara marga hringi í kringum jörðina á næstu árum, smita alla af allskonar afbrigðum, og verkefnið er að verja líf, ekki að sprauta fólk með bóluefnum sem kannski hafa hættulegar aukaverkanir, nema í algjörum neyðartilfellum.

 

Hitt er önnur umræða og alvarlegri, veiran var sennilega manngerð og hefur hún sjálf eiturverkanir umfram þær veirur sem grassera í náttúrunni? Er það ekki næsta verkefni að rannsaka það mál allt?

„Það næst ekkert hjarðónæmi með bólusetningu“

Þórólfur Ragnar Reykás...

Er misræmið í skilaboðum Þórólfs hans eigin klaufaskapur eða fær hann skipanir sem hann hlýðir? Hann mun seint viðurkenna að hafa skipt um skoðun vegna skipana utanfrá.

Í vikunni segir hann að með bóluefni náist ekki hjarðónæmi með góðu móti. Á Sprengisandi um morguninn segir hann að "kominn sé tími til að ná fram hjarðónæmi með því að láta kórónuveiruna ganga áfram á milli manna". Um kvöldið, allt er breytt. Í símaviðtali í kvöldfréttum RÚV segir hann að nú sé stefnan að bólusetja í þriðja sinn til að ná fram hjarðónæmi:"Takmarkið er að ná hjarðónæmi á einn eða annan hátt með bólusetningu og við höfum reynt það...ekki hægt að gera það öðruvísi en að bólusetja með þessum þriðja skammti..."

 

Fréttakonan spyr hann um misræmið og hann svarar meðal annars:

 

"Hvort sem ég hef sagt þetta ekki nógu skýrt eða tilvitnunin eitthvað skrýtin. Auðvitað er þetta ekki þannig að veiran verði bara látin geisa hérna yfir allt, það hefur aldrei verið stefnan".

En forsendur eru ekki breyttar svo vitað sé. Fékk hann símtal frá yfirmanni um að skipta um skoðun?

 

Fyrir nokkrum dögum sagði hann þetta, 4. ágúst 2021:"Það þýðir bara að þetta svokallaða hjarðónæmi sem við erum búin að ræða um margoft, að því verður ekki náð með bólusetningu - með góðu móti".

 

Er það furða þótt sagt sé að menningin sé hrunin?

 

Ég vil minna á ágæta pistla um helgina frá Tómasi Ibsen Halldórssyni og fleirum. Maðurinn sem ber einna mesta ábyrgð á þessum málum, Þórólfur, lætur annað hvort stjórnast af öðrum, eða þá að hann er óskýr í tali, eða þá að hann skiptir um skoðun, en hvers vegna, fyrst smitum fer fækkandi frekar í dag en síðustu daga?

 

Er það ekki augljóst að heimurinn er flóknari en einföldustu skýringar gefa til kynna? Er ekki hægt að leggja trúnað á andavald og margt undarlegt sem geti átt sér stað?

Hvað sagði Þórólfur?

Álfar eru til og geta hjálpað

Hvað gerir almenningur sem yfirþyrmist af vantmetakennd yfir ástandi sem ekki verður við ráðið? Hann afneitar öllu saman, dregst inní skel fánýtis og einfaldleika og reynir ekki að skilja. Sjálfum finnst mér það ekki í boði. Ástandið batnar ekki með gervikæti eða gömlum "opinberum" skýringum. Það þarf að takast á við það sem er í gangi og reyna að skilja það.

Segja má að ég hafi verið í nábýli við álfa og huldufólk allt mitt líf á meðan ég bjó hjá afa og ömmu, og þar til afi dó fyrir nokkrum árum. Það hefur kennt mér ýmislegt og mér er alveg sama þótt "upplýstir" nútímamenn geri grín að þeim sem telja álfa og huldufólk enn vera til, eða hafa verið til nokkrusinni.

Ég hef engan sérstakan áhuga á að sökkva mér ofaní "rugl" eins og sumir kalla þetta, en það er skemmtilegra að gera ráð fyrir því yfirnáttúrulega heldur en að lifa í flatneskju þeirri sem gerir ráð fyrir engu nema ferköntuðum heimi, annað hvort sköpuðum af tilviljun eða einhverju sem leyfir engin frávik dulvitundarinnar.

Ég lít þannig á að ekkert af þessu sé sannað, en maður hefur ástæðu til að ætla að heimurinn sé ekki bara allt sem vísindin viðurkenna.

Bróðir hans afa var og er dulmagnaður maður. Hann dó af jörðinni árið 1996, og gaf mér óljóst loforð um að hafa samband við mig frá öðrum hnetti sem hann hefur gert. Á meðan afi var á okkar hnetti og hann farinn í framlífið fékk ég mínar mögnuðustu vitranir og skrifaði margt niður af því.

Eitt sinn fáeinum klukkutímum áður en suðurlandsskjálftinn varð í júní 2000 fékk ég mjög eftirminnilega vitrun og sýn. Þá kom Ingvar frændi til mín og Sigurður Þórarinsson jarðfræðingur, sem ég hafði aldrei séð en hann kynnti hann fyrir mér. Þeir sögðu að reynt yrði að hafa skjálftann sem minnstan, en hann kæmi, sem gerðist.

En ég ætla hér í þessum pistli að fjalla um álfa og reiði þeirra eða blessun þegar þeir eru sáttir. Það er grófasta móðgun við álfa að telja þá einhverja barnatrú, því þeir eru til, og það er líka hin mesta vitleysa að þessir steinar séu einhver hús. Þeir eru þarna því þeir neyðast til þess að stilla af orku jarðarinnar og okkar vitleysinganna og skal það þakka þeim.

Til þess að halda minningu afa og ömmu á lofti fyrst erfingjarnir höfðu ekki efni á að halda eign þeirra og hún var rifin, þá ákvað ég að skrifa sögu þeirra, sem ég gerði, og á í handriti. Ég er samt enn að snyrta það til, endurskrifa og umorða, einstaka sinnum.

Það sem ég vissi ekki vel fyrr en ég hafði skrifað um hvert ár fyrir sig var að vandræði urðu bæði á meðan húsið var byggt og fyrstu árin, eða til 1955. Amma trúði á álfana og taldi þá eiga sök á því, þar sem miklir steinar voru þarna og sennilega forn helgistaður.

Svo virðist sem álfar séu lengi að taka fólk í sátt sem er að þvælast nálægt þeim, byggja nálægt þeim eða hreyfa steina og hvað þá stórgrýti. Sé brotið á álfum skiptir máli hver gerir það og hvaða hugur býr að baki, eru það einstaklingar eða samfélagið allt? Vel má vera að Íslendingar hafi notið verndar álfa lengi, og þess vegna hafi sumt gengið betur en hefði mátt ætla og ákveðin blessun hafi fylgt þjóðinni þrátt fyrir allt, en þó minni en ætla mátti vegna mistaka og heimskupara.

Álfar á einum stað eru í samskiptum við þvílíkan fjölda hér og annars staðar að þeir eru oft ekki að gera nokkurn skap þótt eitthvað fari í taugarnar á þeim eða menn hagi sér óskynsamlega eða á þeirra hlut. Samt eru víst til nokkrir í þeirra hópi sem geta tekið það upp hjá sjálfum sér að hegða sér öðruvísi, og eru stundum nefndir svartálfar.

Stundum geta litlir atburðir hrint af stað stórri atburðarás ef eitthvað þarf að kenna bjánum eða þegar aðrar leiðir eru ekki færar, til dæmis út af mengun eins og þeirri sem farin er að herja á jörðina og valda gróðurhúsaáhrifum óhóflegum og hætta er á að hafstraumarnir raskist og ísöld komi að nýju. Það er raunveruleg hætta. Mér er alveg sama hvar ég stend í pólitíkinni, hægramegin stundum, vinstramegin stundum, sannleikur er bara sannleikur - eða það sem manni er tjáð þannig af öðrum og á að koma til skila.

Ég er hræddur um að þeir sem eru andsetnir hrindi oft af stað atburðarás sem kemur sér illa fyrir miklu fleiri en sökudólgana.

Það merkilega er að það er fullt af góðu fólki á þessu landi hverju var ætlað hlutverk, en sem var ekki þegið. Tímasetningar eru því ekki á valdi okkar peðanna í þessu, en taka verður tillit til margra þátta.

Covid-19 tilraunin er ekki sú fyrsta sem gerð er til að auka hlýðni tegundar sem þegar er kengbogin af kúgun og illri meðferð. Minna en 10 árum fyrir aldamótin 2000 fór af stað herferð sem kallaðist X-2000 og fólst í því að koma af stað unglingatízku. Ætlunin var meðal eigenda mannkynsins, sem löglega höfðu fest kaup á múgnum, (ýmsum tegundum en sjaldgæfum eintökum tókst ekki að stjórna frekar en áður) að klára dæmið, koma af stað refsingunni sem beðið hafði verið með. Harmageddon er slíkt víst nefnt og ýmsum öðrum nöfnum í öðrum trúarbrögðum. Ef skoðuð eru spádómsrit ýmis var búið að spá heimsendi fyrir aldamótin 2000 og þessir atburðir voru þeir, en þeim var afstýrt. Nokkrir mennskir menn fóru inní andaheiminn sálförum og gerðu samninga um að bjarga mannkyninu í nokkurn tíma, gegn því að húðflúrin og lokkarnir myndu ekki virka á "venjulegan" hátt sem loftnet fyrir heljargeisla beint, en reynslutíminn myndi skera úr um hvað yrði, í sambandi við loftslagsmálin og fjöldamörg önnur atriði. Eftir sem áður yrði tízkunni steypt yfir jörðina, en eigendurnir vissu ekki af þessu og héldu áfram að bæta í, því fjarstýringarnar virkuðu misvel hjá þeim eftir þessa samninga. Mikið var um bilaðar fjarstýringar á fólki.

Það skal tekið fram að ALLIR eru með X-2000 í líkömum sínum, það kemur í gegnum kynslóðirnar og hefur verið að safnast saman á löngum tíma. Ekki er hægt að finna þetta svo auðveldlega á mælitækjum því þetta vinnur með ákveðnum boðefnum og dylst þannig sem náttúrulegt efni, en kemur fram í víxlverkun ólíkra boðefna.

Það sem mér skilst að hafi gerzt núna 2018 eða svo að þá hafi það komið fram á mælitækjum þeirra sem meira vita og kunna en hér á skrælingjajörðinni að við mennirnir myndum ekki snúa við, og jörðinni var búið að lofa til annarra tegunda í framtíðinni svo ekki mátti eyðileggja hana.

Eftir því sem mér skilst er þetta atburðarás í mörgum liðum og felur í sér sýklaárásir, jarðhræringar, eldgos, loftsteina, samskipti við geimverur, breytingar á hafstraumum og segulsviði, og margt annað. Endanlega útkoma er ekki ákveðin, því eigendur sitja á rökstólum og sénsar eru veittir út af hinum smávægilegustu jákvæðu atriðum í þeirra augum. Nokkuð ljósar áætlanir og tímasetningar eru þó til sem ekki verður vikið frá.

Fimmvídda hugsun er hugsun þar sem tímavíddin er augljós. Þá er hægt að sjá nákvæmlega útkomu af einhverju sem gert er í nútíðinni, enginn minnsti efavottur, rétt eins og þegar maður leggur frá sér glas eða bíll ekur niður brekku.

Okkar tilvera og okkar jörð er einnig í flóknu samskiptamynstri. Ég býst við að fæstir myndu skilja það ef ég færi útí þetta. Nema hvað að það er ekki hægt að þurrka út eina svona jörð án afleiðinga, auðveldara þó að stroka út nokkra skrælingja en skilja skepnurnar eftir, en samt er farið eftir öllum "eðlilegum" náttúrulögmálum af ýmsum ástæðum.

Sprauturnar drepa ekki fólk var mér sagt í upphafi, en þær eru frekar eins og rofi sem hægt er að kveikja og slökkva á. Ég veit ekki nákvæmlega hvort þær gera fólk ófrjótt, en hætt er við því. Það kann vel að vera, ég hef ekki spurt um það og vil helzt sem fæst um þetta vita, nema eitthvað svona smávegis sem mér er sagt.

Veröldin sturlaðist ekki 2018 út af kófinu, hún var löngu orðin sturluð. Það átti bara eftir að ýkja dæmið svolítið. Ennþá er þetta ekki búið, og alls ekki víst að okkur verði "fórnað" þrátt fyrir bólusetningarnar, það fer víst eftir ýmsu.

Vondu fréttirnar eru þær að andlegt og líkamlegt frelsi minnkar, og heilsan versnar, sama hvað hver segir. Með þessa veiru í skrokknum og svo 5G tæknina vomandi yfir minnkar mótstöðuafl líkamanna og við verðum háðari lyfjarisunum.

Mér skilst að þegar svona fólksfækkun sé hrint af stað muni verurnar koma með aðrar aðferðir ef bóluefnin virka (og fækkunin er minni en til var stefnt), og láti sér ekki lynda að fjölmennustu, fátækustu þjóðirnar sleppi þar sem fólksfjölgunin er mest. Ég hef samt ekki spurt um það í smáatriðum, og vil ekki vita það. "Fyrstu plágurnar eru auðveldastar", þannig voru skilaboðin, og "ekki hægt að gefa upp á hversu löngum tíma". Sem sagt, kannski verða hlé á milli, en ef þetta er brýnt er varla hægt að búast við því. Þetta eru spennandi tímar. Þeir sem telja sig hafa stjórn á öllu, ríkir eða fátækir gera það oftast ekki.

 

Hægt er að orða þetta á einfaldari hátt: Vesturlönd "hjálpuðu" fátækari þjóðum til að fyllast af heimtufrekju og orkuþörf, og gjalda þess núna. Sama þótt margir afneiti mengun og slíku, hættupunktar eru margir til staðar og alls ekki allir af mannlegum ástæðum. Orsök og afleiðing. Við erum peð. Heimskulegar gjörðir kalla á refsingar. Það er búið að lofa jörðinni fyrir aðrar verur. Fólk hefur verið að haga sér samkvæmt röngum upplýsingum og fólki hefur verið refsað fyrir að hjálpa, koma með réttar upplýsingar og frelsa undan hættulegum villum. Það er ekki endalaust hægt að afstýra því óhjákvæmilega. Giordano Bruno var sendur fyrir rúmlega 300 árum, hans blessun dugar varla lengur. Ég veit ekki hvort góðu öflin nenna að senda svona frelsara lengur. Þeir eru alltaf krossfestir, brenndir, drepnir, pyntaðir, ofsóttir eða hunzaðir, og því fer sem fer.

Það var aldrei rétt að allir dræpust af sprautunum. Það eru engin fífl sem standa fyrir þessu. Allt er þetta gert á "náttúrulegan" hátt (eins mikið og hægt er, þótt búið sé að uppgötva plottið að hluta til), eða eins mikið og fyrri drepsóttir sem einnig voru planaðar.

Það er ekki hægt að hanka aðilana sem standa fyrir þessu, en jarðnesku leppana vissulega og dómsmál gegn þeim geta vissulega gengið upp, en það lýtur allt öðrum lögmálum, og kannski fara málin ekki í þann farveg. Ég vil ekki taka afstöðu til þannig deilna.

 

Að lokum, það er allt mögulegt. Ótrúlegustu hlutir geta gerzt bæði slæmir og góðir.

 

Sérhver dagur færir mannkynið nær glötun og endalokum, það er bara staðreynd, ekki annað. Einstaklingarnir þurfa samt ekki að örvænta nema eins og venjulega, hver uppsker eins og viðkomandi sáir, í andlegu eða líkamlegu.

Það er samt verra að þegar heilt samfélag steypir sér í glötun hefur það afleiðingar á einstaklingana, og mjög svo hörmulegar.

Fyrr á öldum var fólk guðhræddara, auðmjúkara. Fólk sem fer af jörðinni fullt af þeirri vissu að ekkert framlíf sé, engar afleiðingar af gjörðum og að eigingirnin sé æðsta dyggðin getur lent í vanda.

 

Svo er það rétt að þessi nýjasta afskiptasemi með erfðamengi mannsins er afleit. Ef ekki væri búið að minnka líforku einstaklinganna með "metooárásum" væri þetta eins og hvert annað kvef.

Hætt er við því að margir valmöguleikar séu teknir frá börnum og unglingum sem verða bólusett til fulls. Sú framtíð er ekki sú bezta, frekar sú versta, þar sem frelsi er ekki til staðar, eða næstum því alls ekki.

Jafnvel sakleysingjar sem reyna að hjálpa þurfa að gjalda fyrir slæmt ástand sem einhversstaðar ríkir útaf stillilögmálinu, það er það ömurlegasta af öllu. Þessvegna var sagt um frelsarann Krist, steig niður til Heljar, fyrir hjálpsemina við fólk sem ekki þáði hjálpina.

 

Ef flókið mál er stytt og einfaldað skilur enginn bofs.

 

Finni fólk einhverjar setningar við sitt hæfi í svona miklum graut er það til einhvers og hjálpar til.

 

Ég fór í afmæli til vinar míns um helgina og hann sagði að "heimskan væri verst", ekki gáfnaskorturinn, heldur fólkið sem fær ekki að vita sannleikann. Við ræddum um guðfræði, goðafræði og margt annað.

Það eru svo örfáir sem skilja þetta að í stóra samhenginu breytir þetta ósköp litlu. Einhverjum er kannski ætlað að vera ekki í sama plógfarinu alltaf, og leggja saman tvo og tvo samkvæmt öðrum heimildum einnig.

Rétt eins og þegar Atlantis sökk voru sífellt fleiri sálir orðnar upplýstar áður en það gerðist og vísindaþekking orðin almenn.