Hvar er gróðinn? (Ljóð)

hvar er gróðinn? (ljóð)

 

sálir líta í kringum sig

& umhverfið breytist

jafnvel ættingjar eiga ekki samskipti

á lokadögum heimsins

svo hvar er gróðinn?

 

fánýtið hefur þann tilgang

að gera það bærilegra

en ég leitaðist ekki eftir hverju sem var

 

allt er gott uppað einhverju marki

en hvernig get ég sýnt henni ást mína

á sífellt magnaðri hátt?

 

3. nóvember 2020.

Að teika Soros og Evrópu

Um 1980 var hugtakið að "teika" þekkt, að hanga aftaní bílum. Þetta "góða" fólk er raunar ekkert svo gott. Það er ekki að gera þetta af góðmennsku, og ekki af skynsemi, heldur til að herma eftir elítunni í Evrópu sem stefnir hraðbyri í glötun. Þar hafa komið fram ýmsar siðareglur og hegðunarmynstur sem eiga ekkert skylt við skynsemi, en margt skylt við sýndargóðmennsku og öfgasamvizkubitshjálpsemi.

 

Swedenborg hinn sænski framlífsfræðingur skrifaði á einum stað um það í sínum bókum að ekki færu þeir til himnaríkis sem gerðu góðverk til að fá hrós eða umbun frá samfélaginu, og til að taka þátt í einhverri tízku. Hann tók það fram að góðverk væru ekki háð duttlungum. Hann skrifaði um það að góðverk yrðu að vera drifin áfram af "ástinni til guðs og sannleikans", eða "ástinni til guðs og náungans". Náungahugtakið var fundið upp fyrir tíma fólksflutninga á milli heimsálfa. Það lýtur að samheldni samfélaganna, og snérist ekki upphaflega um þá sem tilheyra framandi menningu eða menningarheimum, það er alveg fullkomlega 100% á hreinu.

 

Þetta er ein af ástæðunum fyrir því að ég er lítið á Fésbókinni, mér leiðist fólk sem er svo uppfullt af rangfærðu samvizkubiti að það reynir að koma því samvizkubiti yfir á mig með því að spyrja mig á netinu hvort ég styðji ekki hitt eða þetta mannúðarmálið sem ég tel mig ekki færan um að dæma um, og vil að útlendingaeftirlitið sjálft sjái um þau máli, og treysti því fullkomlega til þess.

 

Svona bylgjur fara af stað vegna þess að það er svo mikið til af meðvirkum kjánum á Íslandi. Fésbókin tengir saman kjánana og Instagram, og hvað þetta allt heitir sem fólk er að nota til að kjánast saman í. Svo koma virðulegu listamennirnir og menningarfrömuðurnir inní þetta, til að vera sammála börnunum sínum, til að sanna að þeir séu ekki rasistar, heldur nútímamenn, vel upplýstir, jafnaðarmenn, fjölmenningarsinnar og allt það.

 

Ég mun aldrei gleyma því að samskonar samúðarheimska tröllreið þjóðinni rétt áður en Hrunið skall á 2008, sem sýnir hvernig firringin er í eðli sínu. Fólk sér ekki fram fyrir nefið á sér, en hlýðir einhverjum fyrirskipunum, til að missa ekki félagslega stöðu sína eða fá skamm í hattinn fyrir að vera "vont fólk" (hlýða ekki 100% góða fólkinu).

 

Þegar ég fór að syngja um efasemdir mínar gagnvart jafnrétti og fjölmenningu varð ég ekki vinsæll af öllum, og hef ekki sungið á Melodica Festival tónleikum síðan 2016, kannski einmitt þess vegna. Svavar Knútur sagðist hafa gleymt að hafa haft samband við mig það ár, þegar ég var ekki með, en ég fann það samt að þetta var út af minni pólitísku sannfæringu, sem var ekki alveg á réttum stað. Sem er svolítið leiðinlegt, því menningin er áhugaverðari eftir því sem fleiri skoðanir fá að blómstra.

 

Annars svo rétt sé rétt, ég met margt af þessu fólki mikils, sem ég hef kynnzt, "góða fólkinu" sem kýs til vinstri. Þetta er bara samfélagslegur þrýstingur, sem er óþolandi og órökvís. Jafnvel vinstrisinnaðir Íslendingar eru fórnarlömb en ekki gerendur, því á bak við þetta eru forríku erlendu kommúnistarnir, jafnaðarmennirnir, fjölmenningarfurstarnir, sem ætla sér að rústa menningunni fullkomlega, menn einsog Soros og fleiri.

 

Allir eru mannlegir og geta fyllzt af samúð gagnvart öðrum, útlendingum eða Íslendingum, en þetta er spurning um að taka ákvörðun um að veita einhverju athygli. Þetta er spurning um að taka ákvörðun um að sýna samúð eða ekki. Ef maður hefur nóg að gera við eitthvað og ef maður vill ekki eyða tímanum í hvað sem er vill maður treysta stofnunum eins og Útlendingastofnun, og ekki einu sinni efast eitt andartak um slíkri stofnun sé fullkommlega treystandi og þeim ákvörðunum sem þar eru teknar. Hefur þetta fólk svona mikinn aukatíma að það þurfi að gerast dómarar yfir öðrum sem eru að vinna vinnuna sína, eins og í Útlendingastofnun?

 

Hvað eiga íslenzk stjórnvöld að gera? Eiga þau að láta undan öllum duttlungum? Eða eiga þau að fangelsa mótmælendur eins og gert er í Rússlandi og jafnvel senda úr landi? Hvenær er "allsherjarreglunni" ógnað sem einhversstaðar er minnzt á í lögum?

Afhentu 45 þúsund undirskriftir

Helgi Pétursson bar af í Silfrinu í gær

Það var gott hjá Fanneyju Birnu að fá Helga Pétursson úr Ríó Tríóinu í viðtal í gær í Silfrinu. Hann hafði frá ýmsu að segja. Það voru orð í tíma töluð þegar hann sagði æskudýrkun vera allsráðandi og virðingarleysi fyrir reynslu og þekkingu eldri kynslóða. Undir það er ekki hægt annað en að taka.

 

Afi minn varð 98 ára gamall og vann alla sína ævi við bifvélaviðgerðir, hann var einmmitt með sitt verkstæði nálægt bernskuheimili Helga Péturssonar í Kópavoginum. Afi minn Jón var dæmi um mann sem hafði starfsþrek fram eftir öllum aldri.

 

Annað þessu skylt sem mér finnst nauðsynlegt að minnast á, það er viðhald íslenzkunnar, hvar eiga börnin að læra rétt og gott mál ef ekki hjá foreldrum og forforeldrum, eða stórforeldrum, (sbr grand parent) (ömmum og öfum). Langforeldrar geta þá kallazt langafar og langömmur.

 

Það var afabróðir minn, Ingvar Agnarsson sem kenndi mér mest í íslenzku. Hann var fjölfróður maður sem lærði í Samvinnuskólanum (sem nú er Háskólinn á Bifröst). Mest lærði hann þó í sjálfsnámi eftir að hann fór að vinna fyrir fjölskyldunni sem forstjóri í Barðanum, og stofnaði Gúmmívinnustofuna þar áður.

 

Hann kenndi mér gildi sjálfsagans. Sérhvert barn verður að aga sjálft sig, það þarf að kenna öllum börnum, að efast um rétta stafsetningu, leita í orðabókum, og það sama á við um önnur menntasvið. Maður á alltaf að efast um þekkingu sína og fróðleik, vera auðmjúkur gagnvart þeim sem geta kennt manni betur, eða bókum sem geta leiðbeint manni.

 

Það er líka merkilegt til þess að hugsa nú á tímum þegar fjallað er um ólæsi barna, á þessari miklu tölvuöld og öld ofgnóttar þekkingar, ríkidæmis og annars, að langafi minn var gríðarlega fróður einnig, sveitamaður sem aldrei naut menntunnar nema hjá prestinum sem fór á milli til fermingarundirbúnings. Hann varð næstum blindur með aldrinum, en vann samt sveitastörfin fram eftir aldri, og fluttist ekki suður fyrren hann var orðinn býsna aldraður.

 

Hann kunni Íslendingasögurnar utanað, var mér sagt, ýmis kvæði og var stoltur þjóðernissinni, sem kunni skil á fjölmörgum fræðigreinum, til dæmis stærðfræði, eðlisfræði og verkfræði. Slíkar bækur komst hann í ungur að árum og lærði sjálfur, því lestrarfélag var starfrækt í sveitunum oft.

 

Munurinn á þessum kynslóðum og okkar kynslóð var löngunin til að læra, og áhuginn á að beita þekkingunni. Vandi nútímans felst í fálæti, áhugaleysi, og skeytingarleysi, ekki hvað sízt.

Ekki sama hvað bóluefni er notað.

Skyndilega er slökkt á dómgreind fólks þegar ákveðið yfirvald gefur grænt ljós, hvort sem það er á bóluefni eða annað. Svona grunnt er nú á órökvísinni. Eina afsökunin er að ekkert annað sé í boði - eða hvað? Jú, mörg bóluefni eru á tilraunastigi og í framleiðslu, nú er vitað að rússneska bóluefnið Spútnik 5 er sennilega hættuminnst og virkast, og hví er þá Rússum ekki hjálpað að framleiða meira? Hættum þessum gamaldags skærum við Rússa sem eru úreltar, hvort sem þeir vilja hafa sína sérstöku útfærslu á lýðræði eða ekki sem jaðrar við einræði og ólígarkisma (auðjöfrahyggju). Þannig er lýðræðið í Evrópu, Bandaríkjunum og hér hvort sem er líka. Hvað kemur það okkur við hvort aðrar þjóðir stundi mannréttindabrot eða dansi á þeirri línu? Við stjórnum ekki heiminum, og það er jafn rangt að ætla sér að stjórna heiminum með siðferðisboðskap og höftum leiddum af honum eins og einhverju öðru.

 

Þetta útblásna siðferðisblæti er komið út yfir öll mörk, og birtist helzt hjá vinstriflokkunum.

 

Svo er annað í þessu sem margir hafa bent á. Þessi pest er ekki eins banvæn og til dæmis Spænska veikin. Langflestir komast óskaddaðir frá þessum veikindum að mestu, og hver er þá þörfin á bólusetningum, sem gætu haft enn verri afleiðingar?

Meira um aukaverkanir en búist var við

Angelína eftir Bob Dylan, túlkun á áttunda erindinu.

Ég legg metnað minn í að skrifa eins vandaða pistla og mér er unnt, og verð að sætta mig við að ekki njóta þeir allir mikils lesturs. Stundum hitti ég þó á sæmilega vinsæl viðfangsefni og gleður það mig, en ekki er alltaf hægt að fara eftir því sem vinsælt er. Nú er komið að því að fjalla um áttunda erindi kvæðisins Angelína eftir Bob Dylan. Nokkrir kristilega þenkjandi einstaklingar hafa áhuga á þessu og líka mjög bókmenntalega sinnað fólk, sem eru allmargir.

 

Áttunda erindið er það næstsíðasta sem ég tek fyrir, því það tíunda var búið, ég byrjaði á því, þar sem það vakti athygli mína í sambandi við heimsatburði þá sem hafa verið að gerast, og margt sem hægt er að heimfæra uppá þá úr þessum erindum, eins og ég hef fjallað um í öðrum pistlum mínum um þetta merkilega kvæði eftir Bob Dylan, eða söngtexta. Úr því að aðrir hafa með bókmenntalegum hætti fjallað um kvæði hans taldi ég rétt að segja frá hvernig ég túlka þetta verk.

 

Þýðingin á áttunda erindinu yfir á laust mál á íslenzku er á þessa leið:

 

"Henni var stolið frá móður sinni þegar hún var þriggja daga gömul. Núna hefur hefnd hennar verið fullnægt og auðævi hennar hafa verið seld. Hann er umkringdur af englum Guðs og hún er með bundið fyrir augun, en það á sömuleiðis við um þig, Angelína."

 

Ég hef lent í erfiðleikum með túlkun þessa erindis. Ég hef kynnt mér túlkanir annarra, en þær eru fátæklegar, fáir hafa fjallað um þetta kvæði Dylans og ritrýnt það, þar sem þetta er afgangslag sem kom ekki út fyrr en á "Bootleg series 1-3 1991", ekki á opinberu plötunni 1981, eins og búast hefði mátt við.

 

Aðalvandinn við þetta erindi er tvíþættur að minnsta kosti. Hér er komin ný persóna til sögunnar sem ekki var minnzt á í fyrri erindum, að því er virðist, einhver "hún" sem augljóslega er ekki Angelína, eitthvað annað fyrirbæri. Í öðru lagi er ljóðmálið og líkingamálið mjög almennt og varla endilega kristilegt og því erfitt að túlka það á sértækan hátt, en það verður þó hér reynt í samræmi við annað efni kvæðisins.

 

"Þriggja daga gömul" er kannski fyrsta vísbendingin. Í Biblíunni eru margar vísanir í töluna þrjá og þrjá daga en ég er ekki viss um að þær eigi við hér. Mögulegt er að hér sé verið að vísa í enn eldri talnaspeki, þá sem er heiðin og fyrir daga kristninnar og gyðingdómsins sem trúarbragða, en það er þó alls óvíst, og er eitthvað sem þarf að rannsaka betur og fjalla um.

 

Fyrst er hér nokkuð sem tengist tölunni þrír. Í kristninni ber það kannski hæst að Jónas var þrjá daga í hvalnum og Kristur reis upp frá dauðum á þriðja degi, eða var í Helju í þrjá daga einsog sumir vilja orða þetta.

 

Annars er þetta mjög almennt með töluna þrír. Hér gæti verið átt við heiðna merkingu eða almenna merkingu. Talan þrír er fyrsta tala fullkomleikans að því er talið er, og hins endanlega og fullkláraða. Þessi tala er tenging við dularheiminn og hið ókunna, hún hleypir að því nýja en er einnig tala sköpunar, en óvissu í einhverjum tilfellum.

 

Þetta er auðvitað mjög heilög tala í flestum eða öllum trúarbrögðum og kenningakerfum mörgum, dulspeki og fjölmörgu öðru. Talan tengist vísindum sömuleiðis. Frumlitirnir eru þrír til dæmis, rauður, blár og gulur, eða rauður, blár og grænn í náttúruvísindum.

 

Sumir fræðingar segja að talan þrír merki samræmi, fullkomnun og nýtt líf, algjörleika, og fræðingar í kristilegum málefnum margir sammála því. Í galdramálum var þrítekning talin galdur, annað hvort til að deyða eða lífga við, svo dæmi sé tekið, en slík túlkun er reyndar af flestum talin úrelt í dag og eiga einungis við hjátrú.

 

Að "henni" hafi verið rænt sem ungabarni þriggja daga gamalli hefur raunar nokkuð augljósa merkingu. Rétt eins og Hebrear hinir fornu trúðu því að sá sem í gröfinni lægi væri ekki dauður fyrr en á þriðja degi, og upprisa Krists því ekki gild fyrr en á þriðja degi samkvæmt því, þá var lífið ekki staðfest fyrr en á þriðja degi, með þeim rökum - eða sálin kom í ungbarnið, svo þetta sé orðað á annan hátt.

 

Ævaforn er þessi táknfræði og miklu, miklu, eldri en kristnin. Hún er sennilega jafngömul mannkyninu. Hina heilögu þrenningu, og óhelgu, má finna í nánast öllum trúarbrögðum, heiðnum eða ekki, fjölgyðistrú eða eingyðistrú. Því er erfitt að finna nákvæmlega rétta merkingu hér.

 

Angelína er mannkynið allt, en þessi "hún" er hluti mannkynsins, samkvæmt minni túlkun. Þessi ónefnda manneskja eða kona er sem sagt germanska og heiðna mannkynið, sem tók upp austræn trúarbrögð. Móðirin var og er hin heiðna trú, Ásatrúin, sem okkar norræna mannkyn hefur skilizt við og sem það hefur svikið og sín goð. Loki er sá sem rændi okkur. Móðirin er einnig blessunin, sem er horfin, og erfitt er að fá aftur.

 

Þetta er sú réttláta tegund sem átti blessunina vísa og naut hennar um nokkurt skeið en hefur afsalað sér henni og tekið á sig bölvunina, sem aðeins eykst í nútímanum. Þessi "hún" er því aðalpersóna, það er sameiginleg sál sem var til 1981, en er nú dauð, horfin frá jörðinni. "Hún" er því dauð, fékk tækifæri sem hún notaði ekki, tækifærin voru enn til staðar árið 1981, nema kvæðið kom þá ekki út, sem sennilega hefði engu breytt þótt lagið hefði komið út og kvæðið, þróunin var komin á fullt, helstefnuþróunin.

 

"Hefnd hennar hefur verið fullnægt"? Hvað skyldi það nú eiga að merkja? Það vísar fram í framtíðina. Ekkert óréttlæti á sér stað án þess að þess sé hefnt og að fyrir það sé refsað, þótt sú refsing sé ekki endilega komin fram nú þegar. Allar gjörðir hafa afleiðingar, og skortur á gjörðum engu að síður. Lögmál orsaka og afleiðinga er hér til umfjöllunar. "Hefur verið"... takið eftir orðalaginu, framtíðin er orðin, þetta er búið að gerast þótt það sé óorðið enn að mestu.

 

"Eigur hennar hafa verið seldar (eða auðævi hennar hafa verið seld)". Þetta er í raun margræðrar merkingar. Þarna er verið að fjalla um svikin, líkamarnir seldir, þrælar og ambáttir, zombíar, ekki frjálst fólk með lifandi anda, sálirnar hafa verið drepnar og leiddar til Helvítis, (en ekki allt búið að gerast í því efni) og vil ég í því sambandi benda á Lúkas 12,4: "En ég segi yður, vinir mínir: Hræðist ekki þá, sem líkamann deyða, og geta ekki að því búnu meira gjört. En ég skal sýna yður, hvern þér eiguð að hræðast; hræðist hann, sem eftir að hann hefir líflátið, hefir vald til að kasta í helvíti; já, ég segi yður, hræðist hann." Þetta eru orð Krists, vel að merkja.

 

"Hann er umkringdur af englum Guðs, og hún er með bundið fyrir augun, en það á sömuleiðis við um þig, Angelína."

 

Þetta er mjög auðskilið þegar búið er að lesa skýringar við hin erindin á undan. Það er Satan, sá sem ræðst á mannkynið og jörðina núna og oft áður, höfðingi heimsins, sem er umkringdur af englum Guðs, (í tapaðri stöðu). Fólkið sem ætti að vera frjálst og kjósa rétt það kýs vitlaust og er þrælkað, það veit ekki, þorir ekki að vita, þorir ekki að lifa (með bundið fyrir augun), og allt mannkynið þar af leiðandi í heild. Afleiðingin af því er að englar Guðs hafa umkringt og sigrað allt mannkynið um leið, eins og Satan, fyrst mannkynið tekur sér stöðu með Satan en ekki á móti honum.

 

Eins og ég hef tekið fram hér á undan eru mörg vafaatriði þegar kemur að túlkun þessa erindis og þessa ljóðs alls, en hér hef ég þó að minnsta kosti fylgt sömu túlkunarfræði og í öðrum erindum, þannig að sama merkingin haldist. Að meginstofni tek ég þetta sem kristilegt kvæði, en gef þó möguleika á öðrum túlkunum með, en ætli maður að túlka það alveg með heiðnum eða veraldlegum hætti þyrfti að nota þennan grunn og byggja ofaná hann með annarskonar túlkunum og röksemdum.

Frétt sem gleður fylgismenn Íslenzku þjóðfylkingarinnar og Frelsisflokksins

Boðskapur Trumps hefur komizt á framfæri. Allt stjórnmálalífið er komið á hreyfingu. Ekki bara hægriflokkar sem endurmeta stöðu sína og stefnumál, vinstrimenn og jafnaðarmenn gera það líka, og útlendir hryðjuverkahópar mæta meiri viðspyrnu.

 

Þessa frétt mætti vel túlka þannig að yfirvöldin í Danmörku og Þýzkalandi séu farin að taka mark á málflutningi flokka sem áður voru gagnrýndir, flokka eins og Íslenzka Þjóðfylkingin og Frelsisflokkurinn.

Hin handteku í Danmörku talin tengjast öfgahópi

Réttarhöldin gegn Trump eru einn stór trúðaleikhússsirkus.

Krókódílatár, tilfinningaklám, fjölmiðlasápuópera... öll þessi orð æpa á mann þegar maður horfir á RÚV mjaka sér uppúr fréttunum af hringleikahússréttarhöldunum yfir Trump.

 

Falsið er svo mikið að erfitt er að trúa því að jafnvel verstu Trumphatarar taki þessu öðru vísi en sem fjölmiðlaskemmtun fyrir minnimáttarpúka og spillingargrey demókratískra stjórnmála. Þetta er svo sannarlega fjölmiðlaskemmtun, með sömu leikrænu tilþrifunum og allir þekkja úr Hollywood, tilfinningasemin mikil yfir því að dóttir Trumps vilji ekki koma aftur í Þinghúsið, eins og það sé ekki demókrötum að kenna, og einelti þeirra í garð föður hennar?

 

Ómar Geirsson sagði fleygustu orðin þegar Joe Biden var kosinn, eitthvað á þá leið að það hvernig Obama stjórnin væru svona vakin upp frá dauðum bakdyramegin með því að kjósa "Ekki Trump"... sáttasemjara svo aldurhniginn að næsta víst að Kamala Harris tæki við honum á kjörtímabilinu og hann (Biden) væri aðeins strengjabrúða No Borders liða og Antifa, til að koma þeirra villtustu draumum til framkvæmda, það allt ferli væri meiri móðgun við lýðræðið en þessi útrás sem nokkrir stuðningsmenn Trumps fengu með því að láta í ljós skoðun sína við Þinghúsið.

 

Það er alveg sama hvernig RÚV sýnir myndskeið sem andstæðingar Trumps hafa grafið upp eða falsað eða hvort tveggja, þeir eru aðeins að reyna að breyta sögunni eins og þeir eru alltaf að reyna, með því að þurrka út afrek kristinna bleiknefja og upphefja alla minnihlutahópa sem finnast.

 

Taugaveiklunin er augljós í báðum liðum, ekki er hægt að neita því að hegðun Trumps og hans manna er ekki óaðfinnanleg, en fasísk heift og valdabrjálæði vinstrimannanna er heldur ekki beint eitthvað til að hrópa húrra fyrir. Demókratar haga sér eins og þeir hafi tilkall til valdanna; og að réttlætingin sé fólgin í því að þeir séu siðferðislega æðri en Trump og hans fólk. Demókratar telja sig aðal sem eigi að stjórna. Enda hafa jafnaðarmenn allsstaðar troðið sér inn, í nefndir, ráð og valdastörf, listastörf, menningarmál og hvarvetna. Trump var alltaf utaðankomandi í þeirra ELÍTU. Hann var spillti bissnismaðurinn, sem vildi með einföldum aðferðum lagfæra hlutina, og kom ýmsu í verk sem aðrir hreyfðu ekki við.

 

Að lokum vil ég hér fjalla um pistil Björns Bjarnasonar um þetta sama efni. Þar virðist hann bæði reyna að sannfæra sjálfan sig og lesendur um leið um að réttkjörin stjórn hafi sezt að völdum í Bandaríkjunum, með Joe Biden og hans liði. Það er nú oft þannig að þeir sem efast mest skrifa af mestri sannfæringu, til að hrekja burt eigin efasemdir og annarra.

 

Áhugavert er orðið "skríll", sem notað er í sífellu um þetta fólk, það er merkingarþrungin, niðrandi alhæfing, og á dögum þegar reynt er að sýna öllum virðingu og dæmt í málum þegar það er ekki gert verður það að teljast skrýtið að gefið sé skotveiðileyfi á svona hóp, sem hlýtur að vera samansettur af ólíkum einstaklingum, svörtum sauðum innanum, en svona alhæfing vekur upp spurningar.

 

Síðan kemur önnur bomba sem á að sannfæra lesendur og áhorfendur sjónvarpsstöðvanna... "skríll sem fór rænandi og ruplandi"...

 

Það hefur ekki verið einkennandi af þeim myndum sem hafa verið sýndar af atburðunum að þjófnaðir og slíkt hafi farið fram í þessum atburðum. Þessu er slegið fram sem neikvæðni í garð hópsins án þess að um það sé ýtarlega fjallað. Mjög lýsandi fyrir fréttamennskuna svonefndu.

 

Síðan er þetta sem hamrað hefur verið á "engin rök", en ef kosningaúrslitum var breytt í tölvukerfum er erfitt að sanna það.

 

Svo að lokum er talað um að Trump hafi "hreykt sér af afrekum sínum", og "sigað fólki á þinghúsið". Það myndi kallast að mála atburðarásina með rauðum kommalitum, þetta er eins gildishlaðið kommaorðalag og hugsazt getur. Er þetta sem sagt "fagleg og hlutlaus fréttamennska?"

 

Síðan, "ofbeldi blettur á arfleifð hans"... "svik við stuðningsmenn sína" að neita að segja þeim sannleikann. Hér þyrfti að útskýra betur við hvað er átt. Allt kjörtímabilið talaði Trump inní sína búbblu, og það var allt túlkað sem lygi og þvæla af andstæðingum hans.

 

Ofbeldið, það er ekki vel útskýrt, en að hann hafi átt þátt í ofbeldinu svonefnda, sem til komið var vegna trúarofstækis, hér er enn verið að mála allt með rauðum kommalitum. Eins og Ómar Ragnarsson fjallaði um, allt átti þetta sér aðdraganda og var fyrirsjáanlegt, ekkert sem átti að koma á óvart. Margt sem hægt er að vera ósáttur við, en í ljósi aðstæðna ekki undarlegt. Nornaveiðar, það orð mætti vel nota. Einelti jafnvel. Ef skoðuð er saga Trumps hefur hann ALLTAF neitað að viðurkenna ósigur, ALLTAF, svo þetta átti ekki að koma á óvart. Svo má spyrja sig, var það demókrötum eða repúblikönum að kenna að fólk dó í þessum átökum? 

Jónas frá Hriflu kennir allt (kvæði).

Jónas frá Hriflu kennir allt

 

Ég fann bækur eftir Jónas frá Hriflu á unglingsárunum á fornbókasölum og lærði margt af þeim, orðtök og frasa, og hér er eitt ljóð unnið uppúr hans bókum, ort í menntaskóla. Mér þykir enn vænt um þessi gömlu ljóð mín, í þeim er heillandi þjóðerniskennd eins og vítamín. Margt heimspekilegt í svona kvæðum.

 

Ungmeyjaskarinn hann endalaust heillar,

íslenzki kynstofninn dreifir sér víða.

Náttúruvalið er nauðsynleg framtíð,

nýtast þeir sterkustu, engu skal kvíða.

 

Ekki má festast í skólunum skarinn,

skapferlið heiðna vill bardaga og vígin.

Láttu á það reyna - og legðu allt að veði,

lund þín er mögnuð, svo forn og svo tigin.

 

Kerfislæg hugsun mun koðna öll og daprast;

kvennanna framtíð í náttúru liggur.

Hæfasta fólkið mun erfa þær álfur

sem opnast í frelsi, það gjafirnar þiggur.

 

Fremst er þín skylda að nú fjölgast og magnast;

frævast þá spádómur lífstefnutíma.

Guð ekki vinnur með visnuðum kvistum,

veitist þeim spilltu hin auðuga gríma.

 

Hlustaðu kynslóð, ég hef margt að segja,

hafnaðu skólun sem þrælkar og mýgir:

Fagnaðu hugsanafrelsinu dýra:

Fremstur til þjónustu goðinn þig vígir.

 

Jafnaðarvillan er ginnungagapið,

gæti ég kennt það er markið að nálgast.

Baneitruð útlöndin bjóða þér hættur,

brýni þig skynsemin, gróðafíkn tálgast.

 

Leiðtogar þjóðlegir ungir nú ættu

hér allvíða að birtast og leiðir að sýna,

helstefnan annars mun hertaka þjóðir,

herhvötin réttsýna verður að brýna.

 

Æskunnar leikir þig efla og stæla,

unaðsleg samstilling veitist þér, drengur.

Mikilvæg hlutverk enn mönnunum bjóðast,

mundu, í voninni er dýrmætur fengur!

 

18. september 1993.

Tilraunaverkefni á hæpnum forsendum afstýrt

Vildi Þórólfur sýna sig og vera mikill maður í augum gerspillts risafyrirtækis með vafasaman feril í suðrænum löndum með því að vilja gera alla landsmenn að tilraundýrum? Var raunveruleikaskyn hans ekki í lagi? Er hann loksins kominn niður á jörðina og farinn að viðurkenna að Íslendingar eiga ekki að vera í forgangi í bólusetningum, frekar aftast í röðinni eins og Kári Stefánsson tók fram í nýlegu viðtali? Þar talaði hinn góði Kári Stefánsson, með umhyggju fyrir allri heimsbyggðinni.

 

Það getur verið fróðlegt að horfa á bandarísk myndbönd þeirra sem eru tortryggnir gagnvart bólusetningum. Ég er svo sem ekki mikið fyrir að linka myndbönd og geri það því ekki hér, vegna þess að ég treysti heldur ekki áreiðanleika þeirra allra þeirra sem eru tortryggnir, ekkert frekar en þeirra sem eru opinberlega viðurkenndir, en tek mark á öllu upp að vissu marki, það gæti verið satt og rétt hvað sem öllum áróðri um rangar eða réttar samsæriskenningar líður.

 

Ég held þó að lesendur mínir séu forvitnir og eigi rétt á því að fá örlitla endursögn um efni nokkurra svona erlendra spjallþátta.

 

Á meðan Trumpelítan var sterk og forsetinn enn við völd var til dæmis rætt um það að eitthvað mRNA bóluefni, hvort sem það var frá Pfizer eða Moderna eða eitthvað annað hafi gefið góðar tilraunaniðurstöður í fyrstu hjá dýrum, og þau hafi fengið ónæmi gegn SARS Covid-19 veirunni, og ekki veikzt eða dáið af henni, en svo komu vondu fréttirnar í tilraunum á þessum dýrum. Þau urðu veikari gagnvart öðrum veirum og miklu fleiri dýranna sem höfðu verið bólusett með mRNA dóu úr öðrum veirupestum um það bil 6 mánuðum eftir bólusetningarnar, þegar líkamar þeirra höfðu vanizt nýja bóluefninu. Þetta kom fram hjá sjónvarpsmanninum Del Bigtree, og ef fólk hefur áhuga á að kynna sér þetta nánar getur það reynt að finna vefsíðuna State of the nation. Þar er fullt af svona fróðlegum myndböndum, sem eru ekki fyrir þá sem eru hefðbundnastir.

 

Ef þessar niðurstöður yrðu yfirfærðar yfir á mannfólk væru þær á þessa lund, að lífi fólks væri bjargað um stundarsakir með mRNA bóluefninu frá Pfizer eða Moderna, en svo væri meiri hætta á að þetta fólk dæi úr næstu veirupestum sem skyllu á heimsbyggðina, sem búast má við að verði miklu verri og hættulegri en Covid-19.

 

Auðvitað vonar maður að þetta sé ekki rétt sem þarna var haldið fram, en hver veit? Er það ekki grunsamlegt hvernig Biden stjórnin reynir að þagga þetta niður? Svo mikið er víst, að aldrei er hægt að þagga allar svona raddir niður, því nógu margir eru uggandi og með efasemdir, og einhverjar rannsóknir hljóta að hafa bent í þessa átt úr því að vitnað er í einhverja rannsakendur og vísindamenn sem halda þessu fram, þótt þeir séu að vísu gerðir tortryggilegir af viðurkenndum vísindamönnum og fjölmiðlafólki.

 

Það vekur mér ugg hvernig reynt er að þagga sumt niður. Það bendir frekar til þess að Joe Biden og demókratar, sem reyna að þagga slíkt niður, séu með óhreint mjöl í pokahorninu, en andstæðingar þeirra, repúblikanar.

Ekkert verður af rannsóknarverkefninu

Gjaldþrot Miðbæjarradíós út af kófinu er mjög slæmt

Miðbæjarradíó var ein albezta varahlutaverzlunin á landinu fyrir rafeindasmáhluti og mikið tjón að eigendurnir skuli hafa farið í þrot í fyrra, út af kófinu. Mér finnst það íhugunarefni hvernig margt hefur breyzt í heiminum eins og markaðurinn fyrir tækjaviðgerðir og annað slíkt, því nú er þetta komið í örflögumynd og eiginlega allt framleitt í Kína.

 

Lagerinn hjá Miðbæjarradíói var stórkostlegur og vonandi að það muni opna aftur í einhverri mynd eftir kófið. Fyrirtækið var stofnað árið 1974 af Einari Ólafssyni, og selt nýjum eigendum 2016, eða þar um bil, þegar stofnandinn og eigandinn komst á eftirlaun. Ég byrjaði að kaupa mér þarna varahluti árið 1995, en þá var fyrirtækið við Hverfisgötu 18. Nokkrum árum síðar var verzlunin stækkuð og flutt upp í Skúlagötu 63, en fréttin er um niðurrif Wowair húsanna sem keyptu af Einari og fluttu þangað. Síðustu árin var fyrirtækið við Ármúla 17, eftir að nýir eigendur tóku við.

 

Það vill nú þannig til að áhugi á plötuspilurum er aftur kominn á heimsvísu og nýir gripir af því tagi framleiddir í tonnatali, í Kína að sjálfsögðu, sem er einn helzti framleiðslustaður heimsins núorðið.

 

Ég hins vegar hef lengi dundað mér við að lagfæra gömul hljómtæki. Algengast er að nota þurfi hreinsisprey á stilliviðnám hreyfanleg sem eru undirstaða margra styrkbreytitakka, og annarra rofa. Annars finnst mér hliðræni (analog) hljómurinn unaðslegur og tek hann mjög fram yfir hinn stafræna, og sífellt fleiri komast á þessa skoðun, enda jafnvel segulbandstæki að komast aftur í tízku á heimsvísu á kostnað geislaspilarans, en varla niðurhalsins á Spotify.

 

Það er því undarlegt að ekki vaxi upp ný kynslóð áhugaviðgerðamanna og áhugafólks um svona hljómtæki sem myndi vilja nýta sér þjónustu eins og Miðbæjarradíó var með.

 

Sá sem kann að laga raftæki þarf lítið að kaupa sér ný tæki, það er nú galdurinn. Að minnsta kosti voru hin eldri tæki gerð til að endast árum og áratugum saman. Jafnvel Crown tækin japönsku eru stórkostlega góð, ef maður kann aðeins að lappa uppá þau ef þau bila. Í meginatriðum eru þau sterk og endingargóð, en alltaf þarf að skipta um einhverja varahluti, að vísu.

 

Þau hjónin Einar og Erna unnu í þessu húsnæði um langt árabil, afskaplega samhent hjón og alúðleg við viðskiptavini. Oft var næstum fullt út úr dyrum, frá 2000 - 2009, eða fram að Hruni, þegar margt breyttist í þjóðfélaginu almennt, ekki bara á þessu sviði.

 

Það er ekki gott þegar framleiðsla verður þannig að mannshöndin komi þar hvergi nærri, að allt sé hannað í tölvum, og jafnvel af tölvum. Það er sú þróun sem vísindaskáldsöguhöfundar hafa varað við um áraraðir.

 

Ég sakna þessa gamla tíma sem þessi frétt rifjar upp. Ómanneskjulegra umhverfi fylgir risastórum háhýsum, ekki er hægt að þekkja alla í slíkum ferlíkjum, en manneskjulegra umhverfi fylgir minni einingum.

 

Ég hef grun um að flóttamenn frá útlöndum verði íbúar svona íslenzkra háhýsa með tímanum. Innfæddum Íslendingum fjölgar ekki nóg, og því er það ekki ólíklegt. Hvaða fólk vill í framtíðinni búa á Íslandi? Það fer auðvitað eftir ýmsu, kemur ný ísöld, heldur hamfarahlýnunin áfram um nokkuð langt skeið, hvernig verður efnahagur þjóðarinnar í framtíðinni?

 

Sú stefna sumra sjálfstæðismanna að styðja lítil og meðalstór fyrirtæki er stefna sem ég styð. Slík fyrirtæki eru mjög mikilvæg.

Fornar höfuðstöðvar jafnaðar við jörðu