Fjöldabólusetningar, Pfizer, Moderna, Sputnik 5 og samningar við stórfyrirtæki

Ég var að horfa á Silfur Egils. Hvers vegna er ekki gerður samningur við Rússa og þá sem framleiða Spútnik V bóluefnið? Það er gert með hefðbundnum aðferðum en mRNA bóluefnin frá Pfizer og Moderna fá mesta athygli, sem Bill Gates, sá umdeildi maður stendur á bakvið og alþjóðlegir lyfjarisar.

 

Spútnik V er eina bóluefnið, ef ég hef tekið rétt eftir, sem er hefðbundið og með yfir 90% virkni. Allt mælir því með notkun þess frekar en annarra bóluefna. Þar fyrir utan ætti aðeins að þurfa að bólusetja áhættuhópa, aldraða og fólk með undirliggjandi sjúkdóma. Annað er siðferðilega rangt, og brýtur í bága við reglugerðir, þannig að stjórnvöld fara að beita sömu aðferðum og nazistar Þriðja Ríkisins í meðhöndlun á fólki, eða sjúklingum. Þær aðferðir hafa verið bannaðar. Er hægt að fara á svig við þannig reglugerðir og bönn út af mildri farsótt?

 

Það er mjög varhugavert að bólusetja stóran hluta þjóðarinnar með einhverju tilraunalyfi. Einnig er það varhugavert að fara að nota þetta G5 netkerfi, og fólk fær ekki um það að ráða.

Angelína eftir Bob Dylan frá 1981, túlkun á sjöunda erindinu.

Þá er komið að því að túlka sjöunda erindi kvæðisins Angelína, eftir Bob Dylan. Þar er eina dæmið um nútímalega vísun, það er að segja eitthvað sem bendir til að ljóðmælandinn eða höfundurinn eða skyngjafinn sé nútímamaður en ekki fortíðarpersóna, sem var til eða ekki. Þar sem ég er búinn að túlka tíunda og síðasta erindið enda ég á því að túlka níunda erindið síðast og kem þá með yfirlit um leið um efnið og samantekt umfjöllunarinnar.

 

Svona er þýðingin:

 

"Þar er svartur Mercedes Benz sem spólast um stríðssvæðið. Þjónar þínir eru hálfdauðir, þú hefur verið skorin niður við trog. Segðu mér hávaxni maður, hvar myndir þú vilja að þér verði steypt niður? Kannski niðri í Jerúsalem eða í Argentínu?"

 

Eins og áður er þetta erindi fullt af ríkulegu ljóðmáli sem gefur margvísleg tilefni til túlkana, eins og í góðum kveðskap almennt. Rétt er þó að halda sig við kristilegar túlkanir, ekki sízt í ljósi þess að þarna var Dylan að fara útúr kristilega tímabilinu sínu, og höfundarverk hans litaðist og mótaðist því af þesskonar viðhorfum og kenningum.

 

Athygli vekur það að þarna er minnzt á svartan Benz, en áður í ljóðinu er hvergi minnzt á neitt nútímalegt, sem gæti tengzt 20. öldinni, hvað þá þeirri 21, nema ef vera skyldi einmitt stjórnmálaástandið sem hægt er að túlka á heimsendalegan hátt í anda kvæðisins og slíkra spádóma almennt, en reyndar ekki í eina skiptið í mannkynssögunni, svo sem.

 

Allt skiptir máli í þessu kvæði, hvert smáatriði, og þessvegna hef ég einsett mér að fjalla ítarlega og nákvæmlega um hvert smáatriði. Hvað merkir þá þessi Benz sem þarna kemur við sögu? Hvað táknar hann yfirleitt?

 

Liturinn skiptir máli og bílategundin einnig. Benz var og er tákn um stöðu, ríkmannlega stöðu, ekki kannski eins og Rolls Royce, en allt að því. Benzar voru tákn um kaupsýslumenn, auðuga menn, en Rolls Royce konungborið fólk. Svarti liturinn er yfirleitt tákn um ógnir, dauða og mannvonzku, svik og undirferli, eitthvað ógnvænlegt og neikvætt. Svartur Benz er því í þessu sambandi tákn um óheiðarlegan auðmann, aðila sem selur vopn eða eiturlyf, braskara, þann sem kemur úr öðru umhverfi og stjórnar, þann sem kemur úr vestrinu inn í austrið, inn í fátæklegra umhverfi jafnvel. Sögusviðið minnir á miðausturlönd þess tíma og vopnasölusamninga þar til stríðandi fylkinga.

 

Minnzt er einmitt næst á stríðssvæði og það er lykilatriði. Að vitum okkar kemur lykt af púðurreyk og sprengingum, almenningur sem berst, borgarastyrjaldir, hinir fátæku líða og þurfa að berjast, þeir njóta ekki verndar hinna ríku og verða að sjá um sig sjálfir. Palestína kemur upp í hugann og átökin fyrir botni Miðjarðarhafs sem standa enn yfir. Endalaus átökin á milli múslima og gyðinga virðast fyrirmyndin, eða meginstefið, hafa verður í huga að Bob Dylan er af gyðingaættum þótt ekki hafi hann nema á sumum skeiðum ævi sinnar rækt einmitt þau trúarbrögð og verið leitandi og frjáls andi mestan part. Einhverja samúð hefur hann samt með siðvenjum ættar sinnar og forfeðra. Það er sýnilegt ekki bara af þessu kvæði heldur mörgum öðrum, og heimsmynd hans er talsvert mótuð af þannig stefnu og viðhorfum, en ekki algerlega, að vísu.

 

Það er þó skyngjafinn sem skiptir mestu máli, draumgjafinn, ljóðmælandinn á annarri jarðstjörnu, sá sem fær að tala og langmest kemur frá honum, eða um 99% kvæðisins, og gera verður greinarmun á því litla sem kemur frá skynþeganum Bob Dylan og skyngjafanum á öðrum hnetti, en frá honum kemur augljóslega langmest. Eins og í öðrum leiðslukvæðum sem góð eru er höfundurinn aðeins ósjálfráður skrifari eða miðill, sambandsmaður við veru frá öðrum hnetti, mann á öðrum hnetti.

 

Þótt þetta með svarta Benzinn sé komið frá Dylan sjálfum sem túlkanda áhrifanna sem hann verður aðnjótandi, þá er hér um að ræða kærkomið, nauðsynlegt og mikilvægt innslag frá honum, sem sýnir þetta himneska stjörnustríð í öðru ljósi - en stjörnustríðin eru óendanlega mörg eins og allir þeir vita sem fróðir eru um þessi mál. Kvikmyndirnar frægu sem bera það heiti eiga aðeins að opna augu okkar fyrir því, ekki einskorða okkur við þær frásagnir.

 

Þjónar Angelínu eru hálfdauðir. Almennur lesandi skilur hér enn sem fyrr lítið sem ekkert, því mikla þekkingu þarf til að ráða þetta almennilega.

 

Angelína er mannkynið, að öllum líkindum. Þjónar mannkynsins eru þá hverjir? Angelína er ekki bara mannkynið, heldur yfirvöldin á hverjum tíma. Þjónar Angelínu er því stilliaflið, og fólkið á jörðinni sem deyr fyrir það hverju sinni eftir því sem menningin breytist. Þjónar Angelínu, almenningur.

 

Ég verð að vitna í meistara Megas. Í "Vinaminni" eftir hann kemur þessi setning:"... lifir hægum dauða, deyr fögru lífi..."

 

Í vítunum, og jörðin er víti, ekki aðeins frumlífsjörð, er ekki lifað heldur lifað dauða, lifað í ranghugmyndum, lygum og blekkingum, sem hindra að fólki njóti sinna möguleika.

 

Almenningur er því hálfdauður í vítunum einsog á jörðinni, andinn er dauður, ekki til, búið að kæfa hann og berja niður. Lífið er ekki líf heldur tór, skrölt. Helja er eitt risastórt sjúkrahús. Aðeins með sannleika og umsnúningi til hreinlyndis tekst að nýta þá möguleika sem okkar jarðlíf býður uppá.

 

Enn fremur á þessi setning við Satan. Mannkyn sem hlýðir Satani hefur samsamazt honum, er eitt með óvini lífsins og Guðs. Enda sagði Kristur við mannkynið: "Þér eigið djöfulinn að föður og viljið gjöra það sem faðir yðar girnist. Hann var manndrápari frá upphafi og aldrei í sannleikanum, því í honum finnst enginn sannleikur. Þegar hann lýgur fer hann að eðli sínu, því hann er lygari og lyginnar faðir. En af því að ég segi sannleikann, trúið þér mér ekki.". (Jóhannes 8-44-45). 

 

Með þessum orðum er Jesús Kristur að segja það að mannkyninu sé það eðlislægt að kjósa lygar og blekkingar fram yfir sannleikann. Hvað eftir annað sannast orð hans í kosningum þegar lýðskrumarar sem svíkja allt eftir kosningar komast til valda. Sjálfsblekkingin er í eðli mannkynsins, því miður, og það er eitt helzta vandamál okkar sem tegundar, sem takast þarf á við á fleiri en einn veg.

 

Þetta er því stórkostleg lýsing á mannkyninu, stöðu þess og hvað einkennir það, sérstaklega á þessari helstefnubraut femínismans og jafnaðarstefnunnar. Fólk er hálfdautt, nýtur líforkunnar sífellt minna og þarf utanaðkomandi hjálp til að tóra, hvort sem hún kemur frá lyfjum, orkuránum, valdaránum í stjórnmálum og tæknisamfélagi sæborganna og dystópískra vélmenna eða geimverum, eða með öðrum aðferðum.

 

"Segðu mér hávaxni maður hvar þú myndir kjósa að þér yrði steypt niður, kannski niður í Jerúsalem eða í Argentínu?"

 

Þannig endar þetta erindi á öflugan hátt eins og annað í kvæðinu.

 

Þessi hávaxni maður er auðvitað enginn hávaxinn, venjulegur, jarðneskur maður, án efa er hér átt við risana, nefilímana, sem nefndir eru risar ranglega í seinni tíma þýðingum, til dæmis þeirri íslenzku, sem þekkt er að minnsta kosti.

 

Allt táknmál þessa kvæðis kemur meira og minna úr Gamla testamentinu og það væri því ekki við hæfi að túlka þetta öðruvísi, í samræmi við annað í textanum.

 

Að sumu leyti er hér átt við "manninn sem Angelína leitar að", Satan, eða höfðingja heimsins, hinn fullkomna mann, lýðskrumarann sem nær alltaf völdum, verður ríkur, veður í kvenfólki, sigrar á öllum sviðum.

 

Að hinu leytinu til er hér átt við risana fornu, nefilímana, sem voru og eru geimverur, utanjarðarkynstofn. Einnig er hugtakið "fallinn engill", notað hér, Ezekíel ritaði um slíkt, sem þekkt er einnig. Nefilímar eru af sumum taldir "þeir sem fella mannkynið í synd", eða "þeir sem eru fallnir í synd - eða niður til jarðarinnar".

 

Hér erum við komin að þessum mikilvægu fræðum, "Voru guðirnir geimfarar" eftir Erich von Däniken, og önnur skyld fræði. Einna mikilvægast og réttast í þessum fræðum er kannski sú tilgáta að okkar mannkyn sé afkomendur flóttafólks frá öðrum hnöttum, eða flóttategundar frá öðrum hnöttum, og að geimskip þeirra hafi hrapað á jörðinni í öndverðu, áður en mannkynið öðlaðist andlega hæfileika og var genafræðilega kynbætt af þessu utanjarðarfólki, risunum, nefílunum.

 

Fleira er í þessum texta sem þarfnast útskýringar við. Þessir risar, með tæknilega yfirburði, þeir eru nútímamannkynið einnig, við höfum öðlazt sömu stöðu í sköpuninni og þessir risar, andlegu risar, afkomendur guða og dýra. Þessir nefilímar eru vísindamenn nútímans með sínar erfðabætur og önnur tæknivísindi, og almenningur sem ekki spyrnir við fótum þegar þessar breytingar og tækniframfarir verða, sem eru neyddar uppá almenning í raun.

 

Við höfum því samsamazt syndinni og Satan, þar til hlutirnir breytast til batnaðar.

 

Orðalagið "hvar viltu að þér verði steypt niður hávaxni maður" er einnig eftirtektarvert og lýsandi. Sá sem gnæfir yfir sýnir hroka. Þarna er átt við hrokann, hvernig vísindum og syndamenningunni verður steypt niður. Engillinn gefur ekkert val, nema hvar það verður, í hvernig víti syndarinn kýs að fara. Eftirtektarvert er einnig að engillinn metur Jerúsalem og Argentínu til jafns, Argentína sem griðastaður fyrir fyrrverandi nazista var og er tákn í kvæðinu fyrir Sódómu og Gómorru nútímans, en Jerúsalem einnig, sem tákn fyrir kristna trú almennt, sem höfundur telur afvegaleidda, samkvæmt þessu, eða kirkjuna, að minnsta kosti í þeirri mynd sem hún birtist í nútímanum.

 

Þetta er því gríðarlega öflugt og innihaldsríkt erindi, sem krefst langrar yfirlegu og skoðunar, túlkunar, eins og hér er gert, eða reynt að koma þessu til skila.

Erum við tilraunadýr 5G tækninnar?

Mun Covid-19 tilfellum fjölga á Íslandi í kjölfar innleiðingar 5G-tækninnar? Það eru til kenningar um að ónæmiskerfi manna skemmist með þessari 5G-tækni og fólk verði fljótara að næla sér í pestir. Allt á það eftir að koma í ljós, en óskemmtilegt (ef ekki ólöglegt) að gera fólk og þjóðir að tilraunardýrum.

Aldrei rétt að afskrifa kenningar fyrirfram, þótt þær geti virzt ótrúlegar. Ég segi, ég veit þetta ekki með vissu, en er opinn fyrir möguleikum.

5G í boði fyrir iPhone

Kerfisbundin aðför að karlmönnum og karlamenningunni

Hafi maður sálfræðiþekkingu og innsæi í mannlegt eðli og samlíðun með öðrum einstaklingum skilur maður að einstaklingurinn sem grunaður er um skotárásirnar á stjórnmálaflokkana og bíl Dags borgarstjóra hafi talið sig haft engu að tapa, og að hann hafi talið mannorð sitt í rúst og því verið sama um afleiðingar gjörða sinna. Kom það fram í fréttum RÚV að þar sé á ferðinni fyrrverandi lögreglumaður með barnaníðsdóm á bakinu og byssuleyfi þar að auki. Það segir ýmislegt um aðstæður hans og beizkju gagnvart samfélaginu, að öllum líkindum.

 

Það má segja að það geti rústað einstaklingnum að fá á sig útskúfun og fyrirlitningu frá samfélaginu. Kerfisbundið er reynt að gera karlmenn að glæpamönnum, og nýir glæpir skilgreindir og búnir til bara til að koma þeim frá völdum, láta þá fremja sjálfsmorð, missa æruna, virðinguna og fjármuni sína. Allt er þetta gert í pólitískum tilgangi, til að gera konur virðulegar, ríkar og allsráðandi, hlýðnar konur sem fara eftir Sorosi í einu og öllu.

 

Á sama tíma er þjónusta aukin við útlendinga alveg stöðugt. Það eru hin vestrænu stjórnvöld sem stunda hryðjuverk og glæpamenningin er orðin viðurkennd, opinber. Menningin er hrunin til grunna og ekkert nema rústirnar einar eftir. Þau öfl eru ofsótt sem gætu hjálpað og þeir einstaklingar sem gætu hjálpað og gert gagn. Niðurrifsstarfsemin tekur sífellt meira pláss.

 

Kínverjar og aðrar þjóðir í austrinu sýna af sér miklu virðulegri menningu en við hér í vestrinu sem látum glepjast af niðurrífandi femínisma og jafnaðarstefnu. Ég er sammála Ólafi Ragnari fyrrverandi forseta, að Kína er vel að því komið að taka forystuna í heimsmálunum.

 

Þar er íhaldssemi ekki talin löstur heldur dyggð. Framtíðin er því þeirra.

Sem aðeins er froða (ljóð).

Sem aðeins er froða:

 

Ef þau fengu ekki framgang

hverjum er um að kenna?

 

Í gegnum of þröngar leiðir

með vara á sér,

en svo er að hrósa sigri

& beita nýjum aðferðum

einsog löngunin gefur til kynna

sem fer í einhvern flokk

 

get ég kropið fyrir hræsninni

& tekið á mig slíka skikkju

tilað öðlast eitthvað

sem aðeins er froða?

eða hver fyllist af ógeði þessvegna

& hver mun gera uppreisn gegn hverjum?

 

hún sem býr þar líka...

minningar, veruleiki...

láttu það rætast

& ýttu á það

undz það gerist

sem þú vilt að gerist

 

9. maí 2017.

Vill almenningur banna og haftastefnu?

Kommúnísk banna og haftastefna læðist aftan að þjóðum og samfélögum eins og þjófur að nóttu, með sakleysislegum frumvörpum og lagabreytingum í fyrstu, en síðan vaknar fólk upp við þá martröð að samfélagið er allt í einu orðið orwellskt, og allt gert í góðri trú. "Leiðin til Vítis er vörðuð góðum ásetningi", eins og málshátturinn segir.

 

Staða konunnar er inni á heimilinu og konum henta aðeins heimilisstörf. Þessari skoðun vex fiskur um hrygg á meðan stjórn kvenna er almennt gjörólík stjórn karla, og miklu meira er um bannastefnu, haftastefnu og forsjárhyggju (forræðishyggju) þegar konur fá að ráða. Það sjáum við bara á þeim þjóðfélagsbreytingum sem orðið hafa síðastliðin 30 ár eða svo, með auknum femínisma og kvennaguðfræði í staðinn fyrir hefðbundna guðfræði, sem dugði um hundruð ára þar á undan.

 

Hefur þessi ríkisstjórn Katrínar Jakobsdóttur gert góða hluti eða vonda? Það eina sem stendur eftir sem hróssvert er, það eru viðbrögðin við farsóttinni, en slíkt hefðu skynsamir karlkyns ráðherrar að vísu verið færir um á sama hátt.

 

Vill fólk þetta virkilega? Ég get ekki trúað því að ungt fólk sé svona andlega gelt, að það þrái ekki frelsi og valmöguleika.

 

Hvar er dómgreindin? Af hverju þarf fólk að byrja að reykja þótt það sjái sígarettur á myndum? Er ekki minna um reykingar nú en nokkrusinni áður?

 

Hvaða hrópandi tvískinnungur er það að kalla Pútín einræðisherra og fasista en kalla svo yfir sig fasisma hér á vesturlöndum með boðum og bönnum að hætti kommúnista, femínista og jafnaðarmanna?

 

Það sorglega er að femínistar og aðrir jafnaðarfasistar fá þessu framgengt. Við lifum á tímum þar sem jafnaðarfasisminn er vinsæll, virtur og elskaður.

 

Góð var greinin eftir Tómas Ibsen í gær, "Vakna þú sem sefur!". Fáeinar Biblíutilvitnanir vil ég endurtaka, þær eiga svo vel við okkar nútíma: "Dagarnir eru vondir", "En allt það, sem ljósið flettir ofan af, verður augljóst". "Eigið engan hlut í verkum myrkursins, sem ekkert gott hlýzt af, heldur flettið miklu fremur ofan af þeim".

 

Eða eins og Bob Dylan kvað 1981, og sennilega út frá svipuðum versum úr Biblíunni: "Dead man, dead man, when will you arise?"

 

Þarna átti hann við sljóleika, að sjá ekki syndina, að þykjast ekki sjá syndina.

 

Það er ekki gott að reykja og það er svo margt sem ekki er gott í heiminum, en það eina rétta er að þroskast, fá dómgreind, og hafna því slæma, synd og öðru vondu.

 

Bönnin ala á sljóleika. Þau búa til spillt samfélag þar sem annað á sér stað undir niðri, slægvitrir menn hagnast á einfeldni lýðsins.

 

Það er skuggalegt hvernig þetta er. Fólk ætti að vera frjálsara, og sjálfstæðisstefnan öflugri. Hætt er við því að Satan leiki lausum hala.

 

Hvar endar þessi banna og haftastefna? Hefur mannkynið ekkert lært af sögu kommúnismans og hruni hans? Eða er Kína fyrirmyndin? Viljum við verða eins og Kína, eða láta Kína eða Evrópusambandið stjórna okkur?

 

Er það fyrirmyndarríkið?

Breyta umbúðum Lofts

Verkefni fyrir Vinstri græna, hvar eru herstöðvaandstæðingarnir núna?

Hvernig stendur á því að Vinstri grænir hafa ekki beitt sér í þessu máli, að láta Ísland samþykkja þennan samning um bann við kjarnorkuvopnum? Innan þeirra raða veit ég að eru helztu herstöðvarandstæðingar landsins, sem byggja á gömlum grunni frá Alþýðubandalaginu.

 

Virðist mér sem sú þunga gagnrýni sem Vinstri grænir hafa fengið fyrir að linast á sumum sviðum hugsjónamála sinna eigi við rök að styðjast, allt nema femínisminn er þar umsemjanlegt. Að vísu reyna þeir eitthvað að gera í umhverfismálum, en það vilja líka flestir aðrir gera, bara áherzlurnar misjafnar og aðferðirnar.

 

Eina vitið fyrir mannkynið er að banna kjarnorkuna bæði í iðnaði og hernaði. Hún er eitt af því sem aldrei átti að vera fundið upp.

 

Vinstri grænir ættu að standa fastir á þessu og sem flestir aðrir.

Hættan sjaldan eða aldrei jafn mikil