Barátta á milli kynjanna er nokkuð sem aldrei hefði átt að líðast

Þegar ég segi að geimverur hafi gert árás á jörðina í formi femínista er það ekki líkingamál. Ef til eru ósýnilegar geimverur, og fleiri geimverufrásagnir styðja það en frásagnirnar um efnislegu geimverurnar, þá myndu þær frekar yfirtaka huga helmings mannkynsins, vinstrisinna og flestra kvenna og láta fólk berjast innbyrðis frekar en að leggja sjálfar lífið í sölurnar með því að berjast við menn á jörðinni.

Eiginlega allt sem femínistar hafa gert á 20. öldinni og á þeirri 21. hefur stuðlað að útrýmingu mannkynsins. Það er de facto skilgreiningin á óvinveittum geimverum, að þær stuðla að útrýmingu mannkynsins. Björn Bjarnason sem hefur gríðarlega þekkingu á varnarmálum ætti að athuga þetta, en ég býst við að hann sé of jarðbundinn fyrir svona pælingar og telji þetta ekki sannað.

Stríðið í Rússlandi er í grunninn sama heimsstyrjöld og annarsstaðar, femínisminn að rústa mannkyninu og jörðinni. Pútín er í formi hefðarinnar, feðraveldisins, og Vesturlönd í gervi femínismans, því andkristilega, sem fer gegn sögunni.

Þeir sem huga að varnarmálum innanlands eða utan ættu að huga að þessu, að verjast femínistum og vinstrisinnum.

En þannig er nú með vísindin í dag eins og hefur alltaf verið að þegar kominn er sennileiki sem nær talsvert yfir 50% er talað um sönnun á vísindakenningu í mörgum tilfellum. Sérstaklega í þeim vísindagreinum þarsem ómögulegt er að viðhafa áþreifanlega sönnun, og líkindin verða að nægja. Þannig að þetta er ekki eins langsótt og valdakerfi femínista vill vera láta, sem hefur smeygt sér hægt og rólega inní önnur valdakerfi. Þó ekki alveg, enda væri þá allt líf á jörðinni dautt, en við stefnum þangað.

Fóstureyðingar, Metoohatur á karlmönnum og strákum, hin fjölmörgu kyn sem eiga að vera til í staðinn fyrir líffræðilegu kynin tvö sem ákvarðast af kynfærum, og allskyns frávik frá ástum karla og kvenna sem stuðla að minnkandi kynhvöt hjá konum og körlum, þetta miðar allt að fólksfækkun á Vesturlöndum. Þó er listinn ekki tæmandi, þessi upptalning er aðeins toppurinn á ísjakanum þegar kemur að afrekum femínista, ef afrek skyldi kalla.

Þjóðin heldur sér ekki lengur eins fast í Biblíuna og ofbeldisverk eru orðin tíðari. Ætli það sé eitthvað tengt því að virðingin fyrir Boðorðunum tíu fer þverrandi, og jafnvel því sem segir að ekki eigi að drepa fólk?