Samsæriskenningar sannaðar gegn AstraZeneca

Ég trúi ekki hvaða samsæriskenningum sem er, en þessi finnst mér sönnuð, að eitthvað er bogið við bóluefnið frá AstraZeneca. Nú ætti fólk að hætta að hafa skömm á samsæriskenningum og samsæriskenningasmiðum. Frá þeim geta sem sagt komið viðvararnir sem koma ekki annarsstaðar frá og eru mikilvægar, jafnvel nauðsynlegar.

 

Takið eftir því sem kemur fram í fréttinni. "Annað dauðsfall af sama meiði í Noregi á aðeins örfáum dögum"... "heilbrigðisstarfsmaðurinn var undir fimmtugu og við góða heilsu"...  samt "ekkert samhengi milli andláts viðkomandi og bólusetningarinnar"... Alþjóðaheilbrigðisstofnunin segir "ekkert benda til skaðsemi AstraZeneca"... getur þetta verið skýrara? Trump, sem hefur talað gegn Alþjóðaheilbrigðisstofnuninni og samsæriskenningaáhangendur af því tagi hafa mjög svo augljóslega mikið til síns máls. Yfirlýsingar WHO eru greinilega úr takti við veruleikann og mjög svo varhugaverðar.

 

Hættum að tala um falsfréttir og upplýsingaóreiðu. Opinberar stofnanir geta haft rangt fyrir sér eins og samsærisfólkið. Samsærisfólkið hefur heldur alls ekki alltaf rétt fyrir sér, en stundum að minnsta kosti.

 

Hér er svo mikið í húfi að allt í sambandi við svona hluti verður stórmál. Ef verið er að sprauta fólk með hættulegum efnum kallar það á hrikaleg skaðabótamál og margar aðrar breytingar. Ekki er skrýtið þótt WHO og fleiri reyni að stunda yfirklór og afneita hlutunum, því reynt er að komast hjá múgæsingu, reiði fjöldans, og öðru slíku. Er það ekki orðið um seinan? Er ekki eitthvað bogið við þetta?

Norskur heilbrigðisstarfsmaður látinn