Áður fór Róm þessa leið.

ljóð: 2.október 2017.

 

Myrkur hellist yfir byggðir.

Leið honum vel, eða henni

í þessum hræsnuga leik?

Oflof yfir skellur, fellur...

dynjandi, drynjandi, stynjandi fellin.

 

Þá verður okkur sama.

Aðrir koma yfir.

Áður fór Róm þessa leið.

 

Ekki í gegnum hitt kynið vildu þær lifa,

ekki lengur...

og Róm var ekki byggð á einum degi

frekar en venjulega.

Getum við sogaðzt inní svelginn

eins og aðrir?

 

Ég hlusta á bardagagnýinn,

bráðum stendur mér á sama

því kastalinn tapast eins og annar,

draumar og vonir fortíðarinnar

allt saman troðið undir fótum

í drullunni.

 

Ef hún hefur tíma og er ekki orðin of gömul

mun hún reyna

annars verður allt við það sama.

 

 

Skýringar. Ég bjó til lýsingarorðið hræsnugur, sem merkir að hrósa of mikið. Hræsinn merkir sá sem hrósar, og er hræsni dregið af því orði upphaflega.

Guð er góður, kristinn söngtexti eftir mig

Í tilefni jólanna er hér kristinn söngtexti sem hefði átt að birtast á plötunni "Ég er laus undan losta og synd" sem kom út 2010, en var eitt af mörgum afgangslögum. Þetta er samið 13. marz 1999, eins og mörg önnur kristileg lög og ljóð eftir mig. Þá var ég á kristilegu skeiði, eins og Dylan. Á sama tíma kom ég frá mér nýölskum lögum sem urðu vinsæl, enda fannst mér þetta tvennt fara vel saman, sem það gerir.

 

Viðlag:

 

C/G   Am/G   G

Guð er góður,

C/G  Am/G  G

gæðasjóður.

C/G   Am/G  G

Ef virðistu vegamóður,

F              G

varla þar tjóður.

 

Gbm7           Am

Myrkur sækir mér að,

E                      G

muntu guð oss vægja?

E                 G

Líka veðrin lægja?

G

Angurværa tófa og tægja

C

talaðu við mig í dag.

 

(Viðlag):

 

Efinn æðir nær,

ef þú gefur höggstað.

Vissulega víst er það.

Ertu að brjóta blað,

bleyða svona vær?

 

(Viðlag):

 

Oft mig angrið skar,

eftir raunir slíkar.

Vargur vélun flíkar.

Hórur hefðarríkar,

hún eitt slíkt mér bar.

 

(Viðlag):

 

Sannfærður vil ég vera,

víkja af syndabrautum,

og þungum mannsins þrautum,

hafna hatursnautum,

á heljarbandið skera.

 

(Viðlag):

 

Taktu trúarskref,

tíminn ekki bíður,

áfram aðeins líður,

skuggum framhjá skríður,

skrattar segja:"Ef..."

 

(Viðlag):

 

Fæ ég friðinn þinn

faðir ef ég játa,

og vil af geði gráta,

af löstum öllum láta

og líka komast inn?

 

(Viðlag):

 

Þarf maður að útskýra þessar líkingar og þetta ljóðmál? Kannski. Komast inn í himnaríki, að sjálfsögðu, er þarna átt við seinast. Svo er í þessu kaþólskur tónn, í sjötta og síðasta versinu, skriftarstóllinn kaþólski og allt það.

 

Þriðja erindið er sérlega áhugavert til túlkunar. Ég man ekki lengur hvaða innblástur ég fékk eða hver upphafleg merking var, en get reynt að túlka það svona löngu seinna eins og þetta sé eftir annað skáld.

 

Hvaða raunir? "Raunir slíkar?" Það er ekki útskýrt. "Vargur vélun flíkar"? Á skáldið við sig eða aðra? Hvort tveggja? "Hórur hefðarríkar?" Alþjóðahyggjuhórur, andlegar eða líkamlegar? Merkingin getur verið andleg, sá sem heldur sig ekki við rétta trú og réttan boðskap. "Hún eitt slíkt mér bar." Laungetið barn eftir samhenginu að dæma. Allt hefur þetta á sér fornan blæ og gæti verið frá fyrri öldum, eða nýlegt.

 

Í fyrsta erindinu er nokkuð sem ég vil aðeins fjalla um betur einnig. Þar kemur fyrir orðalagið "Angurvæfa tófa og tægja". Tægja merkir taug eða tágakarfa og því hlýtur merkingin að vera sértæk og ekki endilega sé vísað í fylgikonu. Það er samt mögulegt, því í skáldskap eru orð notuð á annan hátt en í daglegu máli eða óbundnu, rituðu. Tófa er refur, kvenrefur eða almennt lastyrði um konu. Af samhenginu að dæma kann sú að vera merkingin.

 

Þegar öll erindin eru skoðuð í samhengi fjallar kvæðið um tilfinningar til konu ekki síður en til guðs, eins og næstum öll kvæði Bob Dylans hafa verið túlkuð. Skáldið yrkir til barnsmóður sinnar sem er fjarstödd og hefur við hana lítið samband, en þráir að auka það samband, sennilega.

 

Í viðlaginu kemur fyrir setningin "Varla þar tjóður", og er hún merkileg. Tjóður er band sem skepna er bundin með við staur eða híbýli, tjóðurband er sennilega þekktara orð sömu merkingar. Þarna er skáldið að mótmæla því að guð kristninnar vilji tyfta manninn, minnka frelsið, þótt andstæðingar kristninnar haldi því fram.

 

En í orðinu "varla" kemur samt fram efinn, ljóðmælandinn er ekki fullkomlega viss, en hallar sér þó að trúnni einlæglega.

 

Ef ég endurútgef þennan disk og þá helzt í hljómplötuformi kemur þetta lag sterklega til greina, ef ég vel lög sem urðu afgangs á sínum tíma í stað einhverra sem þarna eru inni. Of mikið er þar um blúsa, sennilega, og löng lög.

Persónuverndarlög brotin í faraldrinum af Íslenzkri erfðagreiningu

Að Íslenzk erfðagreining hafi brotið persónuverndarlög er nógu slæmt, en fjölmargir halda því nú fram að bæði íslenzk og erlend stjórnvöld hafi brotið á réttindum fólks í þessum faraldri almennt.

 

Persónuvernd er að minnsta kosti viðurkennd stofnun, en ennþá er margt ekki viðurkennt í þessu sem fólki finnst borðleggjandi.

 

Þetta er svo sem alveg nógu merkilegt, en er ekki fyrsta frétt á RÚV. Það bendir margt til að fróðlegir tímar séu í vændum. Annað hvort kemst mannkynið útúr þessari menningarkreppu og eykur frjálslyndi á öllum sviðum aftur, eða eitthvað skuggalegra gerist, fasískt í hæsta máta, eða kommúnískt. Mótmæla er þörf.

 

RÚV, Stöð 2 og fleiri ættu að taka meira mark á samsærisáhangendum. Kannski er þeirra tími að koma loksins.

Persónuverndarlög brotin í rannsókn á Covid-19

Hægri grænir, Miðju fjólubláir?

Örlögin eru einkennileg. Guðmundur Franklín stofnaði Hægri græna fyrir nokkrum árum en komst ekki á þing, komst ekki að sem forseti né inná þing með nýjan flokk í haust. Engu að síður svífur andi fyrsta flokksins hans yfir vötnunum í þessari nýju ríkisstjórn, flokksins sem nefndist Hægri grænir. Guðlaugur Þór, sá mikli frjálshyggjumaður er orðinn umhverfisráðherra og Vinstri grænir gætu kallazt Hægri grænir, ef marka má ramakvein margra fyrrverandi og núverandi kjósenda þess flokks.

 

Þannig að allir flokkarnir þrír gætu sameinazt undir nýju nafni, Miðju fjólubláir, eða hvað?

 

Eitthvað segir mér að örlögin hafi meiri mátt en við mennirnir og séu að tala við okkur, að við þurfum flokk sem heitir Hægri grænir, umhverfisverndarflokk sem ekki hefur verið lagður í rúst af jafnaðarlýðskrumi og vinstrilýðskrumi sem tröllríður háskólum, menntasamfélaginu og menningarsamfélaginu á heimsvísu.

 

Guðmundur Franklín var langbeztur sem innhringjandi og fræðimaður á Útvarpi Sögu í Danmörku. Þá talaði hann frjálslegast um allt mögulegt, þorði að tjá sig möglunarlaust. Sérstaklega fyrir þessar kosningar í haust fannst mér hann vera farinn að draga í land og verða litlaus útgáfa af sjálfum sér. Kannski ekki skrýtið að flokkur hans fékk minna fylgi en hans persónufylgi sem forsetaframbjóðandi.

 

Hvenær ætla stjórnmálamenn að læra að það er ekki vænlegast til vinsælda að gefa afslátt af hugsjónum og baráttumálum, og að það laðar ekki endilega kjósendur að að allir komi með sama boðskapinn?

Mannabreytingar í brúnni á löskuðu skipinu

Ef hægt væri að fjölfalda þessa snillinga af gamla skólanum og koma þeim í öll embætti yrði framför. Annars er eitt merkilegt við þá sem mótmæla að Willum sé orðinn heilbrigðisráðherra. Það eru frekar litlar líkur á því að hann afkalli breytingar Svandísar á fóstureyðingalöggjöfinni. Það styður það sem annar góður bloggari hefur skrifað um, að menningin er hrunin, að eyðileggingar og hryðjuverk framin á öllum sviðum verða ekki tekin til baka fyrr en miklu grunntækari breytingar verða á hugarfari, ekki til hins verra, eins og alþjóðasinnarnir vilja, heldur til góðs, í átt til þess sem virkaði í gegnum aldirnar og hélt öllum á lífi.

 

Nei, í raun og veru býst ég ekki við breytingum á þessu kjörtímabili. Ráðherrarnir eru þarna uppá punt, og Willum er settur þarna í þetta embætti til að smyrja yfir þá óánægju sem ríkir með Svandísi Svavarsdóttur, fóstureyðingarfrumvarpið, klúðrið með kvennaskimanirnar og klúðrið með að efla ekki bráðamóttökuna og spítalana enn meira.

 

Það á að sigla löskuðu skipinu í gegnum brimskaflinn ef hægt er, það er málið. Annars verður fróðlegt að fylgjast með því hvort alþýðan geti fagnað vel unnu verki hjá þessu fólki eftir fjögur ár.

 

Annars virðist mér af ráðherralistanum að þetta sé ekki alveg svo afleitt hjá þeim, að hér sé valinn maður í hverju rúmi. En lengi má manninn reyna, og ég á alveg von á því að sumir ráðherrar valdi sárum vonbrigðum en einhverjir reynist skárri en talið var.

Willum verður heilbrigðisráðherra

Tímabært að kalla þetta annað en samsæriskenningar

Er Gúndi forseti, Guðmundur Franklín eða Guðni? Er meirihlutinn marktækur, fyrst hann hefur þolað marxíska dáleiðslu og innrætingu í áratugi? Var ekki Gúndi kjörinn með réttu forseti, af þessum 10 prósentum þjóðarinnar sem voru með réttu ráði þótt 90 prósent þjóðarinnar sem höfðu misst eigin vilja hafi kosið Guðna?

 

Er ekki Donald Trump því frekar forseti en Joe Biden? Var ekki kosningasvindlið í Bandaríkjunum þetta sama, að allur hinn vestræni heimur hefur þolað þessar árásir frá marxísku menningarmafíunni?

 

Þetta vesen núna eftir kosningarnar vekur fólk vonandi til umhugsunar um það hvers vegna andlegt frelsi er að hverfa og hverskonar innræting hefur átt sér stað undanfarin 100 ár eða svo, frá því að sósíalisminn varð til. Þetta vesen eftir kosningarnar er bara smáatriði, miðað við hvernig búið er að fara með okkar þjóð og aðrar þjóðir um langt skeið, og hvernig kosningaúrslit í langflestum löndum fara þvert á það sem er þjóðunum fyrir beztu, vegna dáleiðslu þeirra sem kunna að stjórna þjóðum og einstaklingum.

Píratar smeykir við uppkosningu

Sjálfstæðisbarátta nauðsynleg, gegn ESB og fleiri valdaöflum

Að þessu sinni er fátt fréttnæmara en upplýsandi pistill Björns Bjarnasonar um Evrópumál. Eru þar nokkrar setningar sem vekja manni ugg um hverskonar ofríkisbandalag ESB er að verða.

 

Hér eru nokkur kjarnrík atriði sem hreyfa við manni:

 

Stefnt er að því að neitunarvald einstakra ríkja verði afnumið.

 

Að ESB þingmenn verði óbundnir af landamærum, kosnir af sérstökum listum.

 

Að utanríkisráðherrar ESB landa geti tekið ákvarðanir um utanríkismál þvert á landamæri.

 

ESB muni eignast eiginlegan utanríkisráðherra.

 

Stefna skuli að evrópsku sambandsríki með breytingum á sáttmála ESB.

 

Þetta þýðir í raunheimum að sú martraðakennda sýn verður að veruleika sem margir hafa varað við, að yfirstjórnin að ofan ræður öllu, ekki einstök ríki. Þar með rætast orð Péturs á Útvarpi Sögu að reynt er að leggja þjóðríkin niður. Það er auðvitað brot á stjórnarskrám og sjálfstæðisyfirlýsingum og frelsisviðleitni mannkynsins undanfarnar aldir og alþjóðaglæpur.

 

Tökum eftir að þetta gerist þegar þrengir að, þegar hugmyndin um alþjóðahyggjuna er á undanhaldi og þjóðernishyggjuframboð og flokkar breyta jafnaðarhugsjóninni og slíkum flokkum.

 

Ekkert dýr er eins hættulegt og það dýr sem er króað af og upplifir áhættu. Sú skepna sem nefnd er fjölmenning er þar engin undantekning og þau sem halda dauðahaldi í hana.

 

Það er alþekkt að alræðisþjóðfélög ganga í gegnum nokkra fasa, fasisminn gengur í gegnum nokkur stig. Fyrst er framsetning hugsjóna, svo er skipulag byltingarleiðtoga, í þriðja lagi bylting, í fjórða lagi góðæri og valdatími, í fimmta lagi þjóðernishreinsanir og drápfýsn, í sjötta lagi stöðnun og afneitun, í sjöunda lagi gríðarleg hnignun og loks í áttunda lagi hrun og upplausn skipulagsins, og eitthvað annað tekur við, eða eitthvað svipað. Þetta þekkist úr Sovétríkjunum, en nú er Evrópusambandið að þróast lengra í fasísku áttina greinilega.

 

Það sem einkennir þessar samsteypustjórnir er að allir eða flestir vinna saman og gegn þjóðernissinnum. Það sýnir einnig að þar er styrkurinn og lífið, í þjóðernishyggjunni, þar er samheldnin, kærleikurinn í raun, þótt þau öfl hafi verið barin niður áratugum saman og misgáfuleg alþjóðalög sett til að banna allt slíkt.

 

Ef svo fer fram sem horfir verður MammaMerkel hátíð miðað við jafnaðarfasistana sem taka við.

 

En niðurstaðan verður aðeins ein: Erfiðleikar fyrir Evrópu og áframhaldandi niðurlæging á öllum sviðum.

 

Sanyo GXL-7015UM, hljómtækjastæða framleidd af Crown fyrir Sanyo fyrirtækið

Ég er áhugamaður um gömul hljómtæki og hef gaman af að gera við gömul tæki. Í dag fann ég Sanyo GXL 7015UM stæðu í Góða hirðinum á mjög hagstæðu verði og keypti hana til að gera við.

 

Crown fyrirtækið framleiddi tæki fyrir önnur fyrirtæki um langt árabil, vegna þess að þau seldust betur undir öðrum merkjum, því Crown merkið þótti tákna lítil gæði. Ég er ekki sammála því raunar.

 

Ég skoðaði segulbandstækið áður en ég keypti það, og þar sannfærðist ég um að þetta tæki merkt Sanyo væri í raun framleitt af Crown. Ég þarf ekki nema að sjá fáein atriði til að láta sannfærast um þetta.

 

Öll segulbandstæki frá Crown frá 1975 til 1980 voru með sömu vélhluti, eða mjög svipaða. Hafi maður langa reynslu af því að laga svona tæki þekkir maður þau samstundis þótt þau séu merkt öðrum fyrirtækjum. Snertipinninn sem gengur upp í gúmmídrifhjólið er af sérstakri gerð, og auk þess ýmis önnur stykki í tækinu.

 

Annars er þetta merkilegt tæki, hljómurinn er mitt á milli Crown tækis og Sanyo tækis. Talsvert miklar viðgerðir á því á ég eftir að klára, en ég tel að það séu allgóðar líkur á að ég geti lagað þetta tæki, vonandi.

 

Garggrýlur, gólgenglar og gorgönur? - þýðingar á merkilegum fyrirbærum

Gólem er uppvakningur í hebreskri dulhyggjutrú, (dulspeki) en góð þýðing á þessu orði gæti verið gólgengill, sá sem er leiddur af góli annars óvættar.

 

Gargoyle hefur verið þýtt sem ufsagrýla, held ég af Spaugstofumanninum Karli Ágústi Úlfssyni. Það orð væri hægt að þýða sem garggrýla. Gargugla myndi þó væra nær samstöfuninni, því y samsvarar oft g-i í okkar máli. Einhverskonar óvættur er þetta augljóslega. Garg-forliðurinn er ekki útí loftið, bæði er hann samhljóða alþjóðlega orðinu og eins er talað um að gala galdur, og garg er svipað fyrirbæri. Auk þess fer nútímamenningin fram með gargi og hávaða, þannig að það á vel við.

 

Gorgon eða gorgóna er svo skrímslið sem hreppir í álög, dáleiðir, (sem tákngervingu fyrir Medúsu) en það vill svo til að bæði gor og gan eru góð og gild íslenzk orð með merkingu sem er nálæg þessu orði. Gor getur þýtt blóðrefjar eða eitthvað slíkt sem við tengjum við hryllingsmyndir. Gan getur svo þýtt töfra, eða að æða áfram í blindni, að flana áfram vitstola.

 

Gorgana er því ágæt þýðing á gorgon, skrímsli sem breytir öðrum í stein, eða dáleiðir, rænir eigin vilja.

 

Ég hef haft samband við aðra áhugamenn um góða íslenzku. Þeir eru sammála því að költ sé gott nýyrði, hvorugkynsorð, og rímar við brölt, tölt, og skölt til dæmis. Það fellur vel að íslenzku beygingarkerfi sem er mikilvægt.

Hlutdrægur, ekki hlutlægur forseti Guðni, og hans ræður

"Frelsi til að sýkja aðra er rangsnúinn réttur" sagði Guðni forseti við setningu Alþingis. Ef Kristján Eldjárn hefði haldið ræðu við þetta tilefni og verið á lífi hefði hann sennilega sneitt framhjá deiluefnum nútímans, hann var þekktur og elskaður fyrir hlutleysi sitt í stjórnmálum. Orð Guðna forseta eru heldur til vinstri en hægri og því stuðningur við alla sem segja hann kostaðan af vinstriflokkunum.

 

Á Hringbrautarvefnum er hann sagður "jarða samsæringakenningasmiði" með þessum orðum. Sumir hér á blogginu og víðar hafa sagt að kenningin sem Guðni aðhyllist sé einmitt samsæriskenning, að þessi svonefnda veira sé sökudólgur þessara dauðsfalla. Er hann þá að jarða sjálfan sig? Þá á ég við þá sem segja að veiran hafi ekki verið einangruð og fullskýrð og að tilvist hennar sé skáldskapur, samsæriskenning og allt sé það málum blandið.

 

Nýlega var það haft eftir Kára Stefánssyni að yfirvöld ættu að fara að íhuga að neyða alla í sprautu, þótt komnir væru með mótefni betra en sprauturnar veita, af náttúrulegum orsökum, eftir að hafa gengið í gegnum veikindin. Þar er hann vafalaust að lepja upp skipanir Alþjóðaheilbrigðisstofnunarinnar, sem búið er að lýsa hvernig er mönnuð af fólki með tengsl við lyfjafyrirtækin að allmiklu leyti, spillingu þar með, segja margir.

 

Í athugasemdum um þetta á vefnum má lesa um það hvernig andstæðingar bólusetninga lýsa því hvernig til dæmis víða í Afríku hefur verið lítið um dauðsföll af völdum faraldursins, en einnig miklu minna bólusett en annarsstaðar.

 

Í Japan er veiran að hverfa nú um stundir og Ituro Inoue sérfræðingur í erfðarannsóknum telur að veiran sé orðin úrkynjuð og það sé ástæðan, að slíkt sé óhjákvæmilegt.

 

Þeir sem styðja Alþjóðaheilbrigðisstofnunina og bólusetningar reddi öllu segja að grímunotkun og sprauturnar séu ástæðan. Sérfræðingurinn er ekki sammála því.

 

Andstæðingar bóluefna undir fréttinni segja að Ivermectin sé ástæðan, að talsvert mikið hafi verið gefið af því lyfi í Japan, og eins á Indlandi þar sem þetta lyf snarfækkaði smitum og dauðsföllum út af veirunni.

 

Pfizer vill 50 ára leynd yfir samningi sem heimilaði neyðarleyfi og að ekkert annað lyf yrði notað sem virkar. Þetta er orðið viðkvæmt mál.

 

Það er óábyrg afstaða og einföld að hafa ofurtrú á bóluefnunum. Guðni forseti ætti að vita betur og vera hlutlausari.

 

Af hverju fá ekki Vesturlönd Ivermectin? Er þar einhver myrk ástæða á bakvið?

 

Önnur frétt í DV þessu tengd. Lyfjafyrirtækin græða 130.000 ÍSLENZKAR KRÓNUR Á SEKÚNDU á þessu ári á faraldrinum!!!

 

Þessi fyrirsögn er einföldun, eins og kemur fram í fréttinni sjálfri, því hagnaður af öðrum lyfjum er inni í þessum tölum líka, en samt er gróðinn ógurlegur, og næstum allir í athugasemdum ósáttir við það, og tala um svona einkaleyfi og einkokun sem hið versta mál.

 

Að lokum til að hrekja Guðna forseta og Kára Stefánsson, þetta er ekki svo einfalt að sprautur jafngildi ónæmi. Það vita það allir núorðið að fólk greinir á um þetta, hvort sprauturnar veiti almennilega vörn, að minnsta kosti veikjast og smitast þeir bólusettu einnig. En því er haldið fram að síðasti skammturinn muni duga, hvað sem kemur í ljós síðar.

 

Sumir hér á blogginu hafa haldið því fram að betra ónæmi myndist þegar fólk myndar náttúrulegt ónæmi og veikist. Að taka þann rétt af fólki að takast á við þessa hættu þannig er fyrir neðan allar hellur. Auk þess sem sú hætta er fyrir hendi að afleiðingar bóluefnanna komi fram miklu seinna, og þá er forkastanlegt að bólusetja nokkra þjóð 100% með bólusetningarskyldu. Sem betur fer hafa íslenzk stjórnvöld EKKi verið á þeirri línu.

 

Svo verð ég að hrósa Katrínu Jakobsdóttur forsætisráðherra í lokin. Hún sagði HVORT TVEGGJA í kvöldfréttunum (á Stöð 2 frekar en RÚV), enda Íslenzkufræðingur, frábært hjá henni, að endurvekja þetta orðasamband sem hefur aðeins verið að láta undan síga á síðustu 10 árum eða svo, of mikið er um orðið bæði þar sem það á ekki við, eða síður. Vonandi að sem flestir rifji þetta upp, fjölbreytilegra og vandaðra móðurmál.