Sigríður Á. Andersen stóð sig vel í Silfrinu, moðreykur stjórnarandstöðunnar virkaði ekki

Sigríður Á. Andersen sagði í Silfrinu þau orð sem ættu að fá mesta athygli. Hún svaraði Sigmari á þá leið að andstæðingar Jóns dómsmálaráðherra hafi fengið gögnin, en á öðru formi en þeir vildu og um það snérist þetta. Sigmar Guðmundsson mótmælti þessu nefnilega ekki, og þögnin var svo sannarlega samþykki í þessu tilfelli, því þau áttu í eldheitum samræðum, ef ekki rifrildi um þetta, og hann hefði svo sannarlega leiðrétt hana ef hann hefði vitað þetta rangt eða ekki samkvæmt sinni vitneskju.

Enda leið ekki á löngu áður en vinstrisinnaður þáttastjórnandinn, Sigríður Hagalín kaus að skipta um umræðuefni, enda virtist áhugi hennar í þættinum mjög mikið snúast um að finna veika punkta á íhaldinu. Eitraður femínisminn hefur lagt RÚV í rúst. Byrjað var á málum sem voru hönnuð til að sýna Karl Gauta og Jón Gunnarsson í neikvæðu ljósi. Það bara tókst ekki, enda Sigríður Á. Andersen mikil ræðumanneskja og gat svarað fyrir sig og Sjálfstæðisflokkinn vel í þættinum.

Þögn Sigmars Guðmundssonar gefur það sterklega til kynna að andstæðingar Jóns Gunnarssonar hafi logið uppá hann.

"Þið vilduð ekki fá gögnin á því formi sem stóð til boða", eru orð Sigríðar Á. Andersen sem Sigmar Guðmundsson mótmælti ekki. Þá voru 46 mínútur liðnar af Silfrinu.

Jón Gunnarsson er frábær ráðherra. Hann nær að kveða stjórnarandstöðuna í kútinn og koma málum úr kyrrstöðu. Hann minnir á kempurnar í gamla daga í Sjálfstæðisflokknum, sem stjórnuðu landinu af dugnaði og snilld, þannig að vinstrimennirnir höfðu ekki roð í þá, sundraðir og ósammála.

Einnig er ánægjulegt að Sigríður Á. Andersen er aftur farin að sýna hæfileika sína og blómstra.

 

Gagnrýnir skipun Karls Gauta

Donald Trump er langt frá því að vera dæmdur úr leik þótt búinn sé að fá á sig ákæru. Þetta er uppfærsla á glæpavæðingu allra á Vesturlöndum og versnandi siðgæði almennt.

Ég tel að hinn ákærði Donald Trump hafi aukið líkur sínar á að verða forseti. Þróun vestrænnar menningar stefnir öll í þá átt að gera alla að glæpamönnum, með Metoomálum, með því að gera það að glæpum sem áður þóttu dyggðir, karlmennska og sjálfsagt mál og þróun vestrænnar menningar er í þá átt að gera þannig dómskerfið máttlaust siðferðilega, þannig að eftir standi að það sé aðeins vopn sem beitt er til að auka félagslega kúgun, og þá beita bæði hægrimenn vinstrimenn slíku dómsmálaofbeldi og enn frekar vinstrimenn sem beita hægrimenn slíku dómsmálaofbeldi þegar þeir eru við völd. Þetta er helstefna augljós, eins og dr. Helgi Pjeturss fjallaði um í bókum sínum að myndi sigra, ef hans kenningar yrðu ekki vinsælli en öll trúarbrögðin samanlögð, og ný jarðöld hæfist í kjölfarið. Nei, helstefnan sigraði en ekki hans kenningar.

Hér á Íslandi sjáum við augljós dæmi um sömu þróun. Frægir hægrimenn fá dóma sem eru litaðir af sterkri pólitík og óréttlæti, Margrét Friðriksdóttir, Páll Vilhjálmsson, áberandi hægrifólk sem hefur verið að standa vörð um lýðræði, mannréttindi og tjáningarfrelsi. Fleiri dæmi mætti nefna úr Metoovítishjörðinni, af nógu er að taka.

Ekki er ég samt viss um að Donald Trump verði næsti forseti, þótt ákæran á hendur honum hafi aukið líkur hans á að verða aftur forseti sennilega. Samt er þetta reiknisdæmi. Demókratar verða aldrei líklegir til að kjósa hann og nóg er af þeim, með eða án ákærunnar. Repúblikanar fáeinir gætu hætt við að kjósa hann út af þessu, kannski.

Samt eru margir sem munu frekar kjósa hann núna, sem sjá hverskonar skollaleik demókratar eru að leika. Það virðist regla að eftir því sem demókratar eða aðrir vinstrimenn í öðrum löndum verða umdeildari þá svara þeir með því að ákæra hægrimennina, repúblikana eða aðra, og oft jafnvel á veikum grunni.

Almenningur hlýtur að sjá í gegnum þetta. Endanleg niðurstaða úr kostningum er samt aldrei ljós, nema svindl komi við sögu eins og Trump telur að hafi verið beitt gegn sér.

Gjáin dýpkar á milli hópa og einstaklinga. Það er sérlega slæmt uppá friðarhorfur að gera, ekki bara í Úkraínu heldur miklu víðar.

Donald Trump ákærður fyrstur forseta

Að telja kranana og önnur merki um uppgang í þjóðfélaginu, til að sjá hvenær kreppa nálgast

Ekki þarf nema að rifja upp hrunið 2008 til að sjá hliðstæður við það sem er að gerast núna. Í Silfri Egils 2007 eða 2008 kom einhver erlendur spekingur og sagði að það væri hægt að merkja að kreppa væri að koma þegar of margir kranar væru sjáanlegir, byggingaframkvæmdir og slíkt. Það gekk nú svona heldur betur eftir, að kreppan kom 2008, og telja mátti óvenju marga krana um það leyti og uppgangurinn í atvinnulífinu eftir því.

Sautján hæða hótelturn í Reykjavík? Það er eftir öðru. Fólk hagar sér eins og skepnur eða vélmenni en ekki sjálfstæðar verur. Fréttablaðið orðið gjaldþrota ásamt Hringbraut, en fólk staldrar ekki við samt.

Mútuþægni er innbyggð í kerfið. Hin gamla spilling Framsóknar og Sjálfstæðisflokksins var skárri en nútímaspillingin, því sú tveggjaflokkaspilling var þjóðleg og hófleg, þessi nútímaspilling er stærri og hrikalegri.

Kenningin um Endurræsinguna miklu er ekki lengur kenning heldur staðreynd. Fólk gengur sér meðvitað inní hana.

Það er sérstaklega áberandi í sambandi við gjaldþrot Fréttablaðsins. Allt fólkið sem vann þarna mátti vita að það væri að vinna fyrir sömu öfl og skipulögðu Covid-19, Endurræsinguna miklu og hörmungar sem eru framundan.

Það er kaldhæðnin í þessu öllu. Blaðamennirnir á Fréttablaðinu reyndu af veikum mætti að segja að allir trumpistar og pútínistar væru samsærisfífl og vont fólk, en það fólk féll á eigin bragði, því í samsæriskenningunni um Endurræsinguna miklu kemur fram að yfirjafnaðarmennirnir sem telja sig "jafnari en aðra", eins og Orwell lýsti svíninu sem var tákn fyrir Stalín, Lenín og aðaljafnaðarmennina, vilja ekki þjóðlegt vald eða þjóðlega fjölmiðla, heldur skal lepja úr sömu skálinni í sömu svínastíunni.

Munu nú blaðamennirnir sem störfuðu á Fréttablaðinu læra að eina leiðin til að fyrirbyggja svona atvinnumissi og gjaldþrot eins og varð á Fréttablaðinu er að styðja þjóðlegt vald og þjóðlega flokka, helzt Miðflokkinn eða enn þjóðlegri flokka, sem eru ekki komnir fram ennþá?

Með því að gera fjármagnskerfið sem allra mest sjálfstætt og öll kerfi, þannig er hægt að búa til stöðugleika sem er meiri en utanlands.

Með því að þurrka út vinstriflokka og jafnaðarflokka og hægriflokka og endurnýja flokkakerfið, þar sem flokkar eins og Frjálslyndi lýðræðisflokkur Guðmundar Franklíns, Frelsisflokkurinn, Íslenzka þjóðfylkingin, Flokkur fólksins og Miðflokksins fá öll atkvæðin, og hinir svikaflokkarnir 0 atkvæði, þá rís upp frjálst Ísland og nýtt Ísland, eins og það átti alltaf að verða. Og ef fer að bera á sömu svikum við landsmenn og mútuþægni við erlenda eða innlenda spillingu, þá þarf að losna við þá flokka og búa til aðra, nýrri og skárri.

Þannig að endurnýjun, kröfuharka og virkni almennings er það sem sigrar spillinguna og annað ekki.

Þegar Guðmundur Franklín reyndi að verða forseti og þegar hann kom fram með Frjálslynda lýðræðisflokkinn risu varðhundar valdsins upp allir sem einn og mótmæltu honum og sögðu hann vera EINRÆÐISHERRA, áður en hann fékk tækifæri til að sanna sig!

Hvað lýsir betur fordómum? Bubbi Morthens var meðal þeirra sem réðust á hann í kommentakerfi DV, enda er hann gerspilltur eins og aðrir sem tilheyra þeirri mafíu sem kýs stóru flokkana.

Guðmundur Franklín benti betur á spillinguna erlendis og innanlands heldur en Sigmundur Davíð. Ef hann hefði verið kosinn forseti eða orðið forsætisráðherra, þá væri ástandið án efa miklu betra á landinu.

Það að maður eins og Guðmundur Franklín skuli ekki fá fjöldafylgi, 60% eða meira þýðir ekki að hann sé lélegur stjórnmálamaður. Það þýðir að almenningur er lélegur og fullur af þvættingi valdhafanna sem kúga. Endurræsingin mikla er ekki lengur kenning heldur veruleiki.

Byggja sautján hæða hótelturn í miðborginni

Þögnin um skaðsemi tæmdra úraníumhleðsla á RÚV og víðar. Ástæða fyrir ungt fólk til að mótmæla, sem er umhugað um framtíð sína og barnanna sinna.

Til að komast að sannleikanum um skotvopn úr tæmdum úraníumhylkjum sem Bretar hafa sent Úkraínu las ég frétt um þetta á BBC. Nú er auðvitað hægt að deila um hvort það sé hlutlaus fréttaveita, en RÚV hefur talið hana gilda og vitnað í hana, svo ekki er hægt að segja að maður sé að vitna í andstæðinga Vesturlanda með því að vitna í BBC.

Hér er þýðing úr BBC.

"Þegar vopn gert úr tæmdu úraníumhylki lendir á hörðu yfirborði eins og skriðdreka fer oddurinn beint í gegn, enda 1.7 sinnum harðari en blý og getur farið í gegnum brynjur og stál. Vopnið fer í gegn, springur og myndar ský af brennandi eiturefnum og gufu. Gufan sezt til jarðar sem ryk sem er banvænt fólki og er lítillega geislavirkt."

Pútín hefur sakað Vesturlönd um að stigmagna stríðið með þessu og eitra úkraínska jörð. Hann er sakaður um að dreifa falsfréttum, en af lýsingunni að dæma er þetta mjög alvarlegt mál.

Utanríkisráðherra Rússlands, Sergei Lavrov hefur sagt að þetta "jafngildi broti á mannréttindalögum eins og Bretland gerði árið 1999 í Júgóslavíu."

Bandarískur Pentagon fulltrúi sagði að slík geislavirk vopn yrðu ekki send til Úkraínu frá Bandaríkjunum.

UNEP, umhverfisverndarsamtök Sameinuðu þjóðanna sögðu þetta skapa mengunarhættu í Úkraínu. Hafa þau bent á hættu á margskonar sjúkdómum, krabbameinum, nýrnabilunum, húðkláða, og fjölmörgu öðru.

"Eitrunaráhrif tæmdra úraníumhylkja eru talin mun meiri og víðfeðmari en sem nær til áhrifanna af geislavirkni þeirra", kemur einnig fram í tilkynningunni frá UNEP.

RÚV hefur EKKI sagt frá þessu alvarlega máli í kvöldfréttum, og heldur man ég ekki eftir því að Stöð 2 hafi gert það eða Hringbraut. Þar á þó að starfa "góða fólkið" sem er svo upptekið af mannréttindamálum allan sólarhringinn!!!

Hallur Hallsson hefur sagt frá þessu, og Arnar Loftsson hér á blogginu. Þeir eiga hrós skilið að vekja athygli á þessu.

Í athugasemdum undir merkilegum greinum Gunnars Rögnvaldssonar kom fram sú afstaða hjá honum að hann væri ekki viss um skaðsemi þessara tæmdu úraníumhylka, en af orðum hans mátti dæma að ég þyrfti að afla mér upplýsinga um þetta sjálfur og hann hefði ekki nægar upplýsingar um það. Ég hef nú oft tekið mark á honum, enda margt frábært komið frá honum hér á blogginu um langt skeið. Ég ákvað því að leita mér "hlutlausra" upplýsinga um þetta.

Það sem er virkilega gagnrýnivert er að RÚV og aðrir meginstraumsfjölmiðlar skuli gjörsamlega þegja um þetta, og sýnir það kannski betur en annað hverskonar áróðursstöðvar meginstraumsfjölmiðlarnir á Íslandi og víðar eru!!!

Allavega, öllum ber saman um að þetta er ekki til bóta og í raun segir það sig sjálft að svona tæmd úraníumhylki ætti að banna, bæði vegna mannréttindasjónarmiða og umhverfisverndarsjónarmiða. Hvar eru mótmælin á Íslandi og annarsstaðar útaf þessu?

„Úkraínumenn munu aldrei fyrirgefa“

Þegar hugvísindafólk Háskólans mótmælir Áslaugu Örnu má segja að hún sé á réttri braut og vinni gegn þjóðfélagsverkfræði menningarmarxista.

Ég er ánægður með Áslaugu Örnu iðnaðar og nýsköpunarráðherra núna. Það var frétt um það 28. þessa mánaðar á Stöð 2 að hún ætli að móta Háskólann meira að þörfum atvinnulífsins. Það sýnir að hún er sér meðvituð um að skólar eru uppeldisstofnanir fyrir marxista og að þjóðfélagsverkfræðin sem þar er ástunduð er búin að vinna mikinn skaða, í átt frá sjálfstæði í átt að sofandi alþjóðavæðingu.

Það sem sannfærði mig um að hún væri að gera rétt með þessu var að viðmælandinn kvartaði um að eðlilegt háskólastarf væri í hættu útaf þessu. Gott er að gleyma því ekki að neitandi forskeyti þarf framanvið ýmis svona orð vinstriaflanna.

Þegar vinstrimenn brjálast útí hægrimenn þá fyrst eru hægrimenn eitthvað að gera rétt. Það sést bezt á fjaðrafokinu í kringum Jón Gunnarsson.

Um áratugaskeið hefur allt skólakerfið frá fyrsta skólastigi til hins hæsta verið í gíslingu þjóðfélagsverkfræðinga kommúnismans, og hefndarhugur þeirra hefur verið miskunnarlaus eftir hrun kommúnismans 1991. Eftir það hefur verið stefna þeirra að láta reiða og beizka femínista leggja kapítalismann í rúst.

Þar hefur barninu verið fleygt út með baðvatninu, skemmst er frá því að segja.

Fréttin á Stöð 2 var byggð á háðsgrein sem Geir Sigurðsson forseti Mála og menningardeildar á Hugvísindasviði Háskóla Íslands skrifaði á Vísi, "Leggjum niður hugvísindi."

Fréttakonan tók viðtal við hann í fréttinni. Þar komu þessar setningar: "Óhugnanleg aðför að akademísku frelsi", "í anda nýfrjálshyggju", "útungunarvél fyrir atvinnulífið", "hygla tilteknum greinum sem eru góðar fyrir atvinnulífið en vanrækja greinar sem stuðla að heilbrigðri menningu". "Við megum aldrei láta Háskólann verða útungunarstöð fyrir atvinnulífið, þá held ég að við séum að fara í mjög varasama átt."

Allt sem þessi háskólamaður sagði var í andstöðu við skemmtilega og fróðlega pistla Guðjóns Hreinbergs þar sem hann hefur skrifað um marxískt skólakerfi sem er útungunarstöð fyrir öfgavinstrifólk sem vill stjórna öðrum og vinna við mannfjandsamlega þjóðfélagsverkfræði, sem réttast er að flokka sem kúgunarkerfi og ekkert annað, undir fínlegu yfirborði húmanisma og mannréttindastefnu.

Það er svo margt lýsandi og skemmtilegt við þessar setningar sem Geir sagði, sem er einu ári eldri en ég, fæddur 1969. Sérstaklega þegar hann lýsti heilbrigðri menningu í háskólunum að hans mati. Það eru víst firna margir ekki sammála þeirri skilgreiningu hans.

Það er nú svo að þetta akademíska frelsi er mjög umdeilt fyrirbæri, og margir sem halda því fram að það sé einmitt ekki frelsi, heldur niðurnjörvað kerfi sem fylgir klásúlum og kennisetningum erlendra fræðimanna, Woke mannkynsfrelsara einkum og sér í lagi.

Ég gæti trúað því að Áslaug Arna hafi lesið fræðandi og góða pistlana eftir Guðjón Hreinberg, eða þá svipað efni, enda eru auðvitað margir sammála, en taka bara efnið misjöfnum tökum og stíllinn er ekki sá sami hjá fólki.

Þingmenn Sjálfstæðisflokksins koma manni skemmtilega á óvart. Þrátt fyrir sundurleita ríkisstjórn gerólíkra afla er lífsmark með Sjálfstæðisflokknum. Flokkur fólksins veldur manni hinsvegar vonbrigðum, að taka þátt í aðförinni að Jóni Gunnarssyni. Það virðist manni vera hefnd gagnvart honum að standa sig vel og vinna gegn botnlausri skammsýninni í vinstriflokkunum.

 

Segir gagnrýni á fjármögnun misskilning

Vestrænt lýðræði er ekki gallalaust

Fleiri en ein fjöldaskotárás á dag í Bandaríkjunum. Það segir sína sögu og er svo sláandi að rétt er að vekja athygli á því. "Meira en" í þessu sambandi er orðið viðurkennt orðalag, en er enskusletta samt, það er þýðing á "more than", en eðlilegra er í íslenzku að segja fleiri en, þar sem fjöldaskotárásir er hægt að telja.

Þetta er hið vestræna "lýðræði" sem reynt er að verja með vopnavaldi gegn Pútín og slíkum svonefndum einræðisherrum, sem víkja útfrá því á einhvern hátt.

Fréttirnar af þessu sorglega máli hafa verið lýsandi fyrir hvað fréttamenn eru ráðvilltir þegar kemur að afbrotafólki úr vel skilgreindum minnihlutahópi. Fyrst var sagt að kona hefði verið að verki, síðan að gerandinn hafi verið transmaður, og nú er farið að segja að karlmaður hafi verið að verki, eða bara árásarmaður. Í fréttinni "Keypti sjö skotvopn í aðdraganda árásarinnar" má lesa:"Hale sem var 28 ára gamall"... "að hann ætti skotvopn", "She was armed with these 3 guns" í meðfylgjandi mynd. Hvað er rétt og hvað er í samræmi við það sem transfólk vill láta segja um sig?

Helga Dögg Sverrisdóttir vakti fyrst athygli á þessu, en hún hefur fjallað um þetta efni og sýnt hliðar sem sjaldan er fjallað um.

Í sumum löndum er nú farið að efast um hvað sé rétt að gera í þessum málum eins og hún hefur skrifað um. Er þetta einn eitt dæmið um það þegar Íslendingar verða fyrstir í breytingum sem reynast síðan eitthvað varhugaverðar eða tízkufyrirbæri? Við áttum fyrsta samkynhneigða forsætisráðherrann, Jóhönnu Sigurðardóttir.

Hollywood er miklu meira en afþreyingarframleiðslustöð. Það er trúboðsmiðstöð gilda sem eru að renna sitt skeið og gallarnir á þeim gildum eru allsstaðar að koma í ljós. Jafnaðarfasismi er rétta orðið yfir ástandið í okkar heimshluta, og jafnaðarmennirnir á Alþingi Íslandinga ekki lengur að tala úr hásæti heilagleikans eða einhvers sem er gagnrýnilaust viðurkennt heldur hnignandi heimsveldi.

Menningin er hrunin, skrifaði ágætur bloggari. Eftirminnileg orð og rétt.

 

Meira en ein fjöldaskotárás á dag

Sérfræðingar enn að blekkja þjóðina? Á að virkja til að græða sem mest?

Í Silfrinu síðast var fjallað um umhverfismál meðal annars. Þar kom fram að næstum 80% orkunnar fer í virkjanir, að stórum hluta fyrir erlend fyrirtæki. Hér er meira en næg orka framleidd innanlands fyrir fólkið, en henni er ekki ráðstafað þannig.

Ómar Ragnarsson er sá eini hér á blogginu sem hefur verið staðfastlega að fjalla um áhrif virkjana á ásýnd landsins, og mengunina útaf þeim.

Hvaða þversögn er það að orkuskipti kosti tvöfalt meiri orku? Vindorkuver á þessu landi passa varla betur en þær virkjanir sem eru fyrir. Vindur er ótryggur, annað hvort of mikill eða of lítill víða.

Ísland getur verið sjálfbært, en oft býr annað á bak við svona málflutning, sem sagt að vilja komast í ESB, og selja orkuna í gegnum sæstreng eða reisa hér gagnaver eða slíkt til að græða sem mest. Óafturkræf náttúruspjöll eru fórnarkostnaðurinn.

Gæti þurft að tvöfalda raforkuframleiðsluna

Hreinar vinstristjórnir og afrek þeirra. Hrein vinstristjórn með Sjálfstæðisflokki og Framsókn þar með talin, núverandi.

Kemur það á óvart að ríkisstjórnin boði aukna skattheimtu og niðurskurð? Hver eru afrek ríkisstjórnarinnar? Fyrsta hreina vinstristjórn sögunnar sem Jóhanna Sigurðardóttir stýrði fyrir rúmlega 10 árum byrjaði vinsæl en endaði sem hrakin í burtu af óvinsældum, en átti að sýna og sanna að konur stjórnuðu betur en karlar. Ekki gekk það upp og landsmenn kusu Sigmund Davíð sem sinn bjargvætt næstu árin, þartil öfund vinstraliðsins felldi hann.

Katrín Jakobsdóttir byrjaði stjórnarsamstarfið sem vinsælasti stjórnmálamaður landsins, 2017, en nú eru þær vinsældir orðnar fátæklegar eins og hjá Jóhönnu Sigurðardóttur forðum tíð eftir fyrstu hreinu vinstristjórnina fyrir rúmlega 10 árum. Eitthvað virðist það ætla að ganga erfiðlega fyrir femínista að sanna að konur stjórni betur en karlar.

Katrín hefur þó ýmsa hæfileika eins og að geta skrifað góðar og vinsælar glæpasögur. Hún ætti að snúa sér að því.

Einnig er hún skemmtileg í fjölmiðlum í þáttastjórnun eða slíku, glaðlynd er hún að eðlisfari og kærulaus, eins og Gísli Marteinn Baldursson sem heldur úti sínum þætti með glaðværð og kjánaskap.

En það er víst ljóst að henni er ekki bezt gefið að stjórna landinu eða vera í pólitíkinni. Í Silfrinu í gær í drottningarviðtali var hún spurð að því hvort hún hefði íhugað að segja af sér vegna hrunins fylgis flokksins en hún svaraði því loðið eins og öðru.

Hvað hefur ríkisstjórnin afrekað? Fóstureyðingalöggjöfin var rýmkuð, þannig að þjóð sem er að deyja út getur dáið enn hraðar út. Gagnslaus eða skaðlaus bóluefni voru keypt og fólk var lokað inni. Ekki var hlustað á bólusetningarandstæðinga, sem kom í ljós að höfðu rétt fyrir sér. Að síðustu á að banna fólki að tjá sig sem segir sannleikann eða gagnrýnir spillinguna. Komið er nýtt dómsstig sem nefnist Landsréttur, en tilgangur hans virðist helzt vera að dæma í samræmi við Dómsstól götunnar, en aðrir helztu dómarar hans eru virkir í athugasemdum í DV og Heimildinni og víðar, og fá greitt í velvild öfgafemínista sem víða hafa komið sér í góðar stöður.

Faglegir dómar heyra sögunni til, og Ísland er nú opinberlega bananalýðræði eða skrílræði, og ætti að vera skrásett sem slíkt.

Yfirvöldin vinna hryðjuverk en þeir sem gera gagn eru ofsóttir. Þetta er verra en versta dystópía.

Jafnvel þótt við fengjum ríkisstjórn næst sem hefði það eina markmið að vinda ofanaf mistökum ríkisstjórna síðustu áratuga myndi það ekki duga. Fólk hefur ekki lengur skynbragð á rétt og rangt. Fólkið er heilaþvegið og andsetið, enda hluti af nýju ólögunum að börnin í skólunum heyri bara mannskemmandi áróður og fái ekkert andrými til að þroskast eða mynda sér eigin skoðanir.

Það er búið að rústa íslenzku þjóðinni og vestrænni menningu eins og hún leggur sig.

Boða aukna skattheimtu og niðurskurð

Metum fortíð, sköpum ró, ljóð frá 29. janúar 2017.

Ef þau rífa ríkið þitt,

rýrnar þeirra gildi,

þeirra sigur, þróttur, vit.

Þú hinn góði, mildi.

Hugsjónir sömu allt þá hófu upp úr ryki,

hafnir þú einstaklingsgildinu spilaborg fellur.

Afi minn, og allt þitt strit

er sem heróp, krákan gellur.

Selja hýrir herragarð?

Heldur skammæ gleði ef sviki

sál og sinni, skarð,

svona er líka tapið mitt?

 

Hótel byggja á helgum reit,

helzt á Dagga slóðum.

Mammon, Schengen, miðjupóll,

magn á degi góðum.

Sjálfstæðið vex upp af verkstæði þínu,

verkamannslundin sem grundvöllinn altæka skapar.

Fellur oft sá fremdarstóll

er framarlega stendur, hrapar.

Daggi og Manni dýrka vald

og drottna yfir skrumsins pínu.

Ekki heilagt hald,

heldur fátt ég samt enn veit.

 

Verkleg mennt er virt ei nóg,

vilja sumir reisa

safn á þínum sælureit,

syndir aðrir feisa.

Kristilegt hugarfar kenna þarf börnum,

kóngsríki fortíðar skínandi langbezt það sýna.

Enn er ræðan úti heit,

æskuherir marki týna.

Blint er fórnað sögu og sál,

svo ei kemur fyr nú vörnum,

æskan, mannsins mál.

Metum fortíð, sköpum ró!

 

Skýringar á orðum og hvata til að yrkja þetta ljóð. Þetta var ort þegar ég vildi að verkstæðið hans afa fengi að standa og verkmenntasafn yrði gert úr því og húsinu, að Digranesheiði 8, en ekki voru allir ættingjar sammála því. Vinur minn Þorgils var vanur að tala um Dagga og Manna á þessum tíma, Dag B. Eggertsson borgarstjóra í Reykjavík og Ármann sem var þá bæjarstjóri í Kópavogi, og þeir höfðu svipaða stefnu, Borgarlínu síðar og uppbyggingu, sýndu litla sem enga virðingu gömlum húsum, eins og kemur fram í ljóðinu. Takið ekki orð eins og hýrir bókstaflega í nútímaskilningi sem samkynhneigðir endilega, það er nefnilega aukamerking nútímans sem ég nota ekki alltaf þegar ég nota orðið, því ég er oft hrifnastur af fyrstu merkingu orðanna, og hér merkir orðið, glaðir, "ligeglad" eins og á dönsku, einhver sem lætur sér sumt í léttu rúmi liggja og kannski flest.

Fremdarstóll þýðir valdastóll, eða nútímavald byggt á tízkunni.

"Enn er ræðan úti heit", þarna var ég að vísa í þegar styttur voru teknar niður af Woke-fólki í útlöndum, og fornri menningu sýnd lítilsvirðing að öðru leyti einnig.

Að öðru leyti skýrir þetta sig allt sjálft, nema fólk þarf að pæla í svona hefðbundnum ljóðum, því á milli línanna eru pælingar ósagðar, auk þess sem lesandanum er ætlað andrými til að koma með eigin túlkanir einsog oft í ljóðagerð.

Vinstriöfgar

Hvað þarf til að breyta lögum og reglum á þessu landi? Hægrimenn þegja og þora lítið  tjá sig og nenna aldrei að mótmæla og því má greinilega brjóta á rétti þeirra hægri og vinstri.

Búsáhaldabyltingin var skipulögð af harðlínuvinstrinu og Wintrismótmælin einnig.

Einu breytingarnar sem verða á pólitíkinni í þessu landi er að við stefnum lengra og lengra til vinstri. Ein örflaga á mann svo sjálfstæður vilji hverfi endanlega.

Ætli það sé ekki rétt að hlýða því sem Guðjón Hreinberg hefur hamrað á: "Flýið - lifið, menningin er hrunin?"

Ég hef tekið mark á Sigmundi Davíð og Miðflokknum, þar sem sagt er að Ísland sé eitt opnasta land í heimi þegar kemur að flóttamönnum. Að taka bara mark á No Borders fólki þýðir að landið verður gjaldþrota og þrýstingur eykst á öll kerfi.

Það er ekki hægt að hafa pólitíkusa við völd sem svíkja öll stefnumál sín og vilja bara halda völdum.

Slaka á reglum fyrir hælisleitendur