Strax upp úr vatninu birtast þeir nennar, ljóð, 21. október 2017.

Oft þau tala, allt er fast í skorðum,

áður höfðu fest þar lit með borðum.

Hlusta ekki, fyrri frasar gilda,

fer hann varla að kynnast henni.

Skoðanir ólíkar, ekki það gengur.

Erfitt að samrýma þesskonar spil.

Ekki nálgast skoðun skilda,

skyndilega er horfinn fengur.

Ekki jafnvel allt það vil.

Uppfærðu gildin þín hóglífismenni!

 

Barinn samt þér kennir eitt og annað.

Ýmsar kenndir, síðan holdið tannað.

Kenndi pabbi þetta, þú mjög pælir...

það er óljóst, löngun vaknar...

Það sem hún segir er fullkomin firra,

fæst þetta mótrekur, talar hún ein.

Þannig lengi þokkinn tælir,

þó er horfin verumyrra,

og upp vart þessi gengur grein,

gjáfastur vanaþræll fjölmargs því saknar!

 

Eins og barn þú aðeins djúpt munt lofa,

annars heldur truflað vafa í sofa.

Samt er eins og ekki vel það gangi...

einhver villa, firra hennar...

Skurðpunktur samnándar, skortur á kjarki?

Skjallandi yfirborð, persóna vart?

Á ég raunar fullt í fangi...

fer að venjast kvenna þjarki.

Þurfum kannski stríðsins start?

strax upp úr vatninu birtast þeir nennar!

 

 

Orðaskýringar: Mótraka:Mótmæla með rökum.

Nennir: Þjóðsagnahestur. Hér er hann notaður sem líkingamál yfir það sem kemur á óvart. Margir nennar koma því meira á óvart en einn.

Kvenna þjarkur: Vélrænt atferli kvenna, skortur á hugsun út fyrir boxið.

Stríðsins start: Byrjun á heiðarleika í samskiptum þar sem komizt er nálægt því sem er ólíkt og veldur deilum.

Verumyrra: Það sem er framandi og heillandi í fyrstu kynnum.

Lit (hvk, flt) fest með borðum: Álit fest með minnisvörðum eða atvikum í bernsku í fastar skorður skoðana, nokkuð sem mætti hrófla við með samtali.

Samnánd: Andlegur skyldleiki.

Skilgreiningar á heimsfaröldrum, eru þær réttar eða rangar, og hvort WHO hefur alltaf rétt fyrir sér.

Margir andstæðingar Covid-19 "bóluefna", erfðabreytingaglundurs, voru búnir að vara við því að ónæmiskerfið yrði lélegt í fólki og því gætu aðrir sjúkdómar herjað á það að sprautunum loknum. Það var enginn apabólufaraldur nema apakattafaraldur heimskunnar, eða hvað, samkvæmt þeim skýringum. Apakattafaraldur heimskunnar var að þiggja bóluefnin, erfðabreytingaglundrið, og þótt ég hafi nú oft efast um þá skýringu finnst mér hún verða líklegri með tímanum.

Það er erfitt að skilja afhverju sjúkdómar ættu að herja á einn þjóðfélagshóp frekar en aðra, bara homma og enga aðra. Eða var þetta allt í kommúnistafjölmiðlunum, elítufjölmiðlunum einhverskonar áróðursstríð gegn þessum minnihlutahópi sem þó er áberandi í sinni réttindabaráttu?

Ég ólst upp við AIDS hræðsluáróðurinn í fjölmiðlum þegar ég var unglingur. Síðan komu fram lyf sem gerðu fólki kleift að lifa einkennalausu með sjúkdóminn. Þegar ég ólst upp á 9. áratugnum sem unglingur var þetta einskonarkonar bölvun Guðs samkvæmt hræðslunni í fjölmiðlum, sjúkdómur sem væri ólæknandi og myndi drepa alla.

Kommafjölmiðlarnir, elítufjölmiðlarnir gera það að verkum að mannfólkið verður eins og ein hjörð og alltof fáir taka mark á þeim sem eru utan hjarðarinnar.

Apabólufaraldurinn á niðurleið

Dimmist sær, ljóð frá 7. nóvember 2018.

Ekki brotnir sama sinnis,

situr þar á skafli og hlær.

Meðan frúin kumlakynnis

krefur þá um annan ná.

Þreyttir vikna þá.

Þegar ljóst er hvert þau stefna

ekki má svo augljóst nefna

angurmál, enn dimmist sær.

 

Ein er þarna útlitsfögur,

ekki mun hann veiða þær.

Meira veit hinn lygni lögur,

lítið vill þeim segja þó.

Suma dreymir sjó.

Sorgarvilla eitt að reyna.

Flestir munu kvarta og kveina,

komin þangað, dimmist sær.

 

Þótt hann reyndi það á borði,

þessi myndi ei veiðast skær.

Leikur meyja í Loka orði,

lensa talar, ríkir þögn.

Greina frá því gögn.

Gotnesk boðorð, vitar skrýddir,

þrímagnsdrangar norðurs níddir,

nálgast eymdin, dimmist sær.

Hættan á gjöreyðingu sjaldan verið meiri en á okkar tímum.

Þær fréttir komu í vikunni sem létu mér ofbjóða framferði Rússa og Úkraínumanna, að kjarnorkuverið í suðurhluta Úkraínu var án rafmagns í sólarhring og ef ekki hefði komið til vararafstöð hefði þarna orðið mesta umhverfisslys sögunnar, miðað við að Tjsernobyl slysið 1986 er oft talið versta umhverfisslys sögunnar, og þó er hitt mun stærra, það stærsta í Evrópu.

Í frétt kemur fram að "innviðir kjarnorkuversins hafa skemmzt, hætta er á vetnisleka og leka geislavirkra efna, eldhættan er mikil."

Bjarni Jónsson lýsir því í nýjum pistli hvernig heimsvaldastefna Rússa kemur beint úr fortíðinni, og passar ekki við nútímann. Áherzla þeirra á kjarnorku kemur einnig beint úr fortíðinni, og að neita að skrifa undir afvopnunarsamning kjarnorkuvopna, og að byggja kjarnorkuver í Ungverjalandi.

Það sem mér finnst þó einna bezt við pistil Bjarna Jónssonar er hvernig hann gagnrýnir ESB harðlega þar einnig og hvernig stefna þess er orðin fasísk, gengur þvert á réttindi og sjálfstæði ríkjanna, landanna.

En hvað er hægt að gera í sambandi við Rússa? Þeir eru orðnir að stórhættu ekki aðeins fyrir lýðræði og frelsi heldur tilveru allra jarðarbúa. Að vísu verður maður þá einnig að viðurkenna ábyrgð Úkraínu og Vestursins sem hefur espað upp þetta stórhættulega vopnaveldi sem Rússland er og gereyðingavopnaveldi, því miður, sem það er.

Þó hefur Pútín leyft að eftirlitsaðilar skoði kjarnorkuverið í Úkraínu. Frétt kom um það, og fannst mér undarlegt að ekki fannst mér þeir nógu fljótir á staðinn, töldu það tæki nokkra daga, en fyrst leyfin eru fyrir hendi ætti það ekki að þurfa að taka langan tíma.

Þótt að mér sé farið að ofbjóða drápin á Úkraínumönnum og sprengingar nálægt kjarnorkuverum af Rússa hálfu og einnig hvernig þeir brenna gasi sem annars hefði hjálpað Þýzkalandi að komast í gegnum veturinn þá er ég ekki sammála að lausnin til friðar sé að senda hergögn og annað til Úkraínu.

Ég er ekki sannfærður um að Pútín haldi áfram að gera árás á fleiri lönd þrátt fyrir allt, ef hann næði Úkraínu. Það er mögulegt en ekki fullvíst.

Framferði Rússa er fullkomlega forkastanlegt, að hætta á kjarnorkumengun af þessari stærðargráðu, að fórna mannslífum heldur gróflega í tvísýnu stríði, að brenna gasi, og margt fleira. Engu að síður stendur það eftir að stríð eru ekki háð nema báðir aðilar séu ósveigjanlegir, og Úkraína hefur öll Vesturlönd sem bakhjarl, og að egna mann eins og Pútín, það er ábyrgðarhluturinn sem er ófyrirgefanlegur hvað Vesturlönd varðar.

Ég hef oft skrifað um það og geri það hér enn. Kjarnorkuslys eða kjarnorkustyrjöld verður ekki aftur tekin. Slíkt þurrkar út stóran hluta mannkynsins ef ekki mannkynið allt. Miðað við brjálæðislegt framferði Pútíns gæti hann verið líklegur til að beita kjarnorkuvopnum sem hann á meira en nóg af, sýklavopnum eða efnavopnum þessvegna.

Að Úkraína falli öll undir vald Rússa verður aftur tekið þegar Pútín fer frá völdum og einhver friðsamari kemur í hans stað. ÞETTA ER EITT AÐALATRIÐIÐ. 

Að semja við brjálaðan einræðisherra eins og Pútín getur verið skynsamlegra en að stefna öllu á tæpasta vað, og enda kannski með tapað spil að lokum, eða einhverja skelfilega atburði sem munu gjörbreyta öllu lífinu á jörðinni.

Yrði það rökréttur endapunktur á lífi mannkynsins og syndum þess að gjöreyðing verði afleiðing þessa stríðs?

 

Stórslysi af völdum geislunar afstýrt

Er Einar í Framsókn að fara ofaní óvinsældahít Dags B. Eggertssonar?

Þessi frétt um gífurlegt tap Strætó á þessu ári, meira en áður, varpar ljósi á draumóra Dags. B. Eggertssonar um Borgarlínuna sem komin er í framkvæmdaáætlun, en segir ekki þetta að Borgarlínuna þurfi að endurskoða?

Síðan er það þetta skelfilega Klapp-app dæmi, og að hætta að nota mánaðarkortin, gulu kortin, grænu kortin, að skylda fólk til að kaupa fullkomna snjallsíma til að kaupa fargjöld á afslætti... hverjum í ósköpunum dettur í hug að þetta fjölgi strætóferðum, láti fyrirtækið græða eða verði til hagsbóta fyrir Borgarlínuþráhyggjuna í Samfylkingunni og þeim sem gangast inná Borgarlínuna, Sjálfstæðismenn, Framsóknarmenn jafnvel?

Samfylkingin í Borginni hefur tapað undanförnum kosningum en komizt til valda með hjálp hækja, flokka eins og Viðreisnar og Framsóknar, sem ekki hafa endilega grætt á því samstarfi. Er nú Framsókn í borginni búin að fórna góðu gengi sínu í síðustu kosningum fyrir femínismann og Borgarlínuna hjá Samfylkingunni?

Ef þeim tækist að gefa frítt í strætó fyrir alla tækist að snúa þessari óheillaþróun við, og ég er fylgjandi þeirri hugmynd. Dagur og aðrir jafnaðarmannaforkólfar ættu að stefna að því takmarki.

 

Strætó tapaði 600 milljónum á hálfu ári

Gagnrýni á elíturnar má ekki þagna

Hvað er að gerast með Moderna og Pfizer? Er ekki nóg að hafa grætt billjarða á faraldrinum, þarf að auka gróðann enn meira með því að reyna að knekkja á keppinautunum?

Önnur frétt þessu tengt er að Fauci hættir störfum á þessu ári. Ef samsæriskenningarnar þessu tengdar eru réttar, ef sannanir óyggjandi finnast um að veirunni var hleypt útí andrúmsloftið, hún búin til á tilraunastofum og bóluefnin skaðleg eru þetta stærstu fjöldamorð sögunnar og mestu þjóðernishreinsanir allra tíma, þá verður Hitler eins og saklaus kórdrengur við hliðina á Fauci og öðrum sem stóðu að baki þessu, og hans herveldi lítilvirkt miðað við þetta. Ef glerharðar sannanir finnast verða glóbalistar, femínistar og jafnaðarmenn dæmdir sekari en nazistar Þriðja ríkisins eða kommúnistar Stalíns með sín gúlög. Þörfin fyrir að þagga niður í Trump og hans hreyfingu fær ákveðna réttlætingu og skýringu í því ljósi.

Þá verður orðið fjölmenning eða jafnaðarstefna sama skammaryrði og nazismi eða kommúnismi eða fasmismi.

Enda kæmi það vel á vonda. Fjölmenning hefur lagt Evrópu í rúst og allan heiminn, sérstaklega Svíþjóð. Gjaldþrota hagkerfum er haldið gangandi með ofurdigrum sjóðum ofurríkra einstaklinga eins og George Soros. Við vitum það að menn verða ekki ríkari en þjóðir og lönd án þess að vera ræningjar. Fjármálakerfi sem býður uppá ofurgróða sem ekki hefur verið unnið til öðru vísi en með klækjabrögðum, það er ræningjakerfi og kúgunarkerfi á almenning. Þetta veit Jón Baldvin til dæmis og hefur tjáð sig um.

Kreppur koma þegar eigendum þjóðanna hentar það. Kreppan 2008 beindist að frjálsum fjárfestum einsog útrásarvíkingunum íslenzku, sem ógnuðu fjármálaspillingarkerfinu sem lýst er í bókinni Falið vald eftir Jóhannes Björn, blessuð sé minning hans, þess mæta manns og snjalla.

Ég á frænku hverrar eitt helzta aðaláhugamál eru samsæriskenningar. Hún lýsti því eitt sinn hvernig hún kynnti sér samsæriskenningar um stórlyfjafyrirtækin, og hvernig þau héldu fólki veiku með ónýtum eða skaðlegum lyfjum. Einnig vitnaði hún í bandarískan jaðarsérfræðing sem taldi að með rafbylgjum væru ákveðnir aðilar í vinnu hjá risafyrirtækjunum færir um að gera alla veika, af misalvaralegum sjúkdómum, sumum banvænum og sem draga flesta til dauða.

Þannig að samsæriskenningar eru ekkert að koma mér mikið á óvart, hún hefur fjallað um þetta á sínu heimili lengi, löngu áður en Covid-19 byrjaði, og þannig eru margir sem leita sér réttu upplýsinganna, sem kallaðar eru falsfréttir. Kannski er þetta allt þvæla svo sem, ekki get ég verið viss um það. En ég varpa þessu ekki frá mér sjálfkrafa eins og margir, ég viðurkenni að þetta er mögulegt og mér finnst þetta áhugavert.

Margir samsæriskenningasmiðir halda því fram að þeir séu sérstakt skotmark enda hafa margir þeirra fallið frá eftir Covid-19 eða í Covid-19. Hvað veit maður svo sem á tímum ofurtækni þegar drónar á stærð við flugur eru notaðir til að drepa fólk með eitursprautum, að því er sagt er?

En burtséð frá mjög sértækum samsæriskenningum um þetta allt sem erfitt er að sanna ef ekki ómögulegt þá eru nokkur almenn atriði sem eiga við og þarf ekki nema normal kommon sens að sjá og skilja, eða almenna skynsemi, svo notuð sé góð íslenzka.

Það fólk sem helzt hefur dáið eða veikzt alvarlega af Covid-19 er eldra fólk, komið yfir miðjan aldur eða fólk með bælt og veiklað ónæmiskerfi.

Samsæriskenningasmiðir og samsæriskenningaáhangendur eru ekki hvaða fólk sem er.

Í mjög mörgum tilfellum, en ekki öllum, er þetta fólk sem þekkir þjáninguna á eigin skinni, einhverskonar erfiðleika eða veikindi. Þetta er því fólk sem eru líklegri fórnarlömb af heimsfarsótt eins og Covid-19, hvort sem hún var fundin upp í tilraunastofu eða ekki.

Þannig að ef glóbalistar og jafnaðarmenn fundu upp Covid-19 var það gert til að útrýma fólki í stórum stíl, fylgismönnum Trumps, þá var Covid-19 fundið upp til að framfylgja mun stefnuvirkari og róttækari þjóðernishreinsunum en óvinir glóbalistanna urðu frægir fyrir í seinni heimsstyrjöldinni.

Þjóðernishreinsanir eru ekki gerðar bara í gasklefum af hægriöfgamönnum sem stunda gæsagang. Þeim er einnig hrint í framkvæmt af glóbalistum og jafnaðarmönnum. Enda þarf ekkert nema réttlætingu, sannfæringu og tækni, sem allt er til staðar á okkar tímum.

Ýmsir mætir menn og konur eru ekki lengur jafn öflug í umfjöllun um þetta en áður. Ég veit ekki hvort það sannar þessar samsæriskenningar eða ekki. Það kann að vera.

En hitt er alveg víst að nauðsynlegt er að koma með aðra hlið en sigurfréttir lyfjafyrirtækjanna stöðugt, og sigurfréttir elítunnar.

Svo sterk og sannfærandi eru rök þeirra sem gagnrýnt hafa þessi fyrirtæki og elíturnar í kringum þær að þau mega aldrei þagna á meðan efinn er til staðar og möguleiki á að þar sé sannleikurinn frekar en í málflutningi peningaaflanna.

 

Moderna í mál við Pfizer vegna Covid-19 bóluefnis

Að láta Úkraínumenn berjast fyrir sig

Selensky er sannfærður vestrænusinni og leikari að atvinnu upphaflega eins og Jón Gnarr. Almenningur í Úkraínu hefur verið beggja blands í afstöðu til Rússa og Vesturlanda, samkvæmt fregnum, en hefur væntanlega snúizt gegn Rússum eftir innrásina meira. Ekki eru það rangar fréttir að stór hluti þeirra stríðandi fylkinga sem harðastar eru gegn Rússum í Úkraínuherjunum eru öfgamenn, hægriöfgamenn og harðlínuþjóðernissinnar, en þannig eru margir í Rússlandi einnig, og skoðanirnar ekki allar eins, menn halda með sínu móðurlandi, og sinni ríkisstjórn.

Í bloggfærslum Einars Björns Evrópufræðings er margt fróðlegt. Í færslum frá marz 2014 er hægt að fræðast um það að hann kemst að þeirri niðurstöðu að búast megi við því að Rússar reyni að komast yfir Donetsk og Luhansk, jafnvel Odessa, sem gerðist 8 árum síðar, nú 2022.

Það má spyrja sig hvort Úkraína væri nú öll rússnesk ef Pútín hefði gert innrásina 2014 eða 2015 í staðinn fyrir 2022? Ljóst er að hernaðarundirbúningur og varnarundirbúningur Úkraínumanna hefur gert þeim mótspyrnuna mögulega ásamt vestrænni hjálp, gríðarlegum fjármunum og vopnasendingum, í pólitískum tilgangi, til að vestræn gildi vinni á en tapi ekki.

Hallur Hallsson, sagnfræðingur og fyrrverandi fréttamaður á RÚV var í mjög áhugaverðu viðtali á Útvarpi Sögu fyrr á árinu þar sem hann lýsti því hvernig NATÓ væri með staðgengilsstríð í Úkraínu, að úkraínskir hermenn væru notaðir sem fallbyssufóður fyrir vestræn gildi. (Fallbyssufóður er líkingamál, þarsem ekki eru fallbyssur notaðar lengur).

Svona skarpa stríðslýsingu þarf oftar, þar sem aðalatriðin eru dregin fram, hvernig mismunandi hugmyndafræði liggur til grundvallar þessum skelfilegu átökum.

En það sem ég hef alltaf sett spurningamerki við er þetta, hversvegna eru Natóþjóðir að skipta sér af þessu? Þetta minnir því miður á upphaf heimsstyrjaldanna, þegar þjóðir skipuðu sér í fylkingar.

Úkraínubyltingin 2014 sýndi svart á hvítu hvernig úkraínska þjóðin er klofin í stuðningi við Vesturlönd og Rússland. Það er mikið hættuspil fyrir Vesturlönd að taka svona þátt í þessum átökum með vopnasendingum og gríðarlegum fjáraustri.

Við vitum hvernig stríðsátök og hernaðaríhlutun Bandaríkjamanna í Afganistan lauk, með sigri Talíbana. Víetnamstyrjaldirnar eru einnig minnisstæðar, en aftur og aftur rekur maður sig á það að verið er að troða vestrænum gildum inn, verja vestræn gildi, eða beina athyglinni frá vandamálum innanlands með stríðsrekstri eða stuðningi við stríðsrekstur utanlands.

Eins og það séu til einhver ein vestræn gildi. Eins og ekki sé nóg að einbeita sér að átökum innanlands. Trump var með þá friðsamlegu stefnu að einbeita sér að hagvexti innanlands, og uppskar miklar vinsældir margra, en einnig fjandskap fjölmenningarbrjálæðinganna og öfgafemínistanna, sem sjá rautt við slíkan boðskap.

Mér finnst að Úkraínumenn og Rússar ættu að slíðra sverðin og semja frið. Pútín ætti að átta sig á því að hann rekur ekki út öll vestræn áhrif í Rússlandi með innrás í Úkraínu og Selensky sem dýrkar og þráir Vesturlönd ætti að átta sig á því að fullkominn sigur Úkraínumanna er mjög hæpinn, á meðan stríðið geisar. Hann ætti að átta sig á því að samkomulag við Rússa og málamiðlun er eina skynsamlega lausnin.

En Joe Biden og demókratar ættu að slaka á þeim ótta sínum að vestræn gildi séu að tapa í heiminum. Eins og Trump mætti hann beina athyglinni meira að vandamálum innanlands.

421 milljarður í aðstoð til Úkraínu

Sjálfsblekkingar mannkynsins á öllum sviðum, sjálfseyðilegging mannkynsins

Vestræn menning er byggð á lygum og blekkingum, trúarbragðahöfundanna í grunninn og síðan njóta kynin sín í mismunandi sjálfsblekkingum kynjanna. Kapítalistar eiga erfitt með að feisa það að okkar lífsstíll gengur ekki upp og sízt þegar búið er að gera allar þjóðir að kapítalistum. Dæmið gengur ekki upp.

Þeir sem bezt þekkja sögu kristninnar, vita og hafa skrifað um það hvernig þeir "guðir" sem nefndu sig Jahve og Krist og það sama á við um fleiri vinsæl trúarbrögð, bæði kúguðu mennina í upphafi, og það er upphaf kúgunar og ofbeldis gegn konum og náttúrunni, og hörmungarsögu okkar mannkyns og jarðar, og svo hafa mennirnir með sama viðhorfi mengað jörðina og stefnt að sömu eyðileggingu og þessi "guðir/djöflar" ollu á sinni heimaplánetu, nibiru. Jahve Biblíunnar er talinn sama goð og Enlil.

Hvað einkennir djöflana í mannsmynd, þessar andsettur verur? Jú, blekkingin er það eina sem þeim er heilagt, ekki sannleikurinn eða það sem tilheyrir guðdómnum. Menn eru tilbúnir að deyða sig og aðra fyrir lygar og (sjálfs)blekkingar en síður fyrir sannleikann eða það góða. Lýðskrumið, nútímamenningin, brotin á gömlum hefðum og siðum, eða því sem stendur í trúarritunum og er heilagt, er til vitnis um þetta, en í trúarritunum er margt satt og gott eins og það sem misfært er og aðeins fyrir kúgandi valdhafa.

Femínistar ruddu brautina til skilnings á þessu. Þótt oft hafi ég verið ósammála þeim finnst mér þetta brautryðjendastarf þeirra mikils virði, á trúarbrögðunum og feðraveldinu sem að sumu leyti er gagnrýnivert.

Eina leiðin til að stöðva hamfarahlýnunina, bjarga mannkyninu og jörðinni, er að hverfa til fortíðarinnar, til einfaldari lífshátta. Kapítalismi, jafnaðarstefna og fleiri stjórnmálastefnur okkar tíma eru úreltar, losnunin heldur áfram sem aldrei fyrr, sérstaklega í stærri ríkjum eins og Kína og Bandaríkjunum eða Indlandi, og plastframleiðslan eykst sem aldrei fyrr. Kína hætti samstarfi við Bandaríkin nýlega. Það sýnir hversu hörmulegt ástandið er, meðal annars.

Loftslagsráðstefnur iðnríkjanna eru bara fyrir þeirra eigið egó og sjálfsblekkingu. Það þarf miklu róttækari aðgerðir til að bjarga jörðinni og mannkyninu.

Jöklar í Sviss minnkað um helming

Sanna hin finnska og Katrín okkar, og svo Trump og aðrir pólitískir andstæðingar sósíalista.

Það er gott að Katrín okkar viðurkennir að Sanna hin finnska er bara mennsk og að of hart geti verið gengið gegn sumum ráðamönnum. Er hægt að beita þessu sama umburðarlyndi á pólitíska andstæðinga eins og til dæmis Trump?

Í samræmi við það vægi sem Trump hefur þegar kemur að ásökunum um spillingu jafnaðarmanna, demókrata og fjölmenningarátrúenda er reynt að finna á hann sem þyngstar sakir. Þó ætti demókratastjórnin í Bandaríkjunum að eyða kröftunum í annað, eins og að reyna að hressa við efnahagslífið eftir Covid-19 og nú Úkraínustríðið.

Sanna Marin er meðlimur í sósíal-demókrata flokki í Finnland, og því má segja að Katrín forsætisráðherra hafi öll skilyrðin til að hafa samúð með henni, þær eru báðar konur á svipuðum aldri, báðar í sömu stöðu og í svipuðum flokkum. En geta svona vinstrisinnar haft samúð með hetjum eins og Donald Trump sem borinn er þungum sökum af einmitt pólitískum andstæðingum af svipaðri tegund og þær tvær tilheyra?

Allur ferill Trumps sem forseta hefur einkennzt af svona hneykslunarmálum eins og það sem nú skekur Finnland, nema í hans tilfelli hafa ásakanirnar verið harðari og möguleg lögbrot komið inní, enda verknaðir hans mun grófari en Sönnu og hvernig hann hefur farið frjálslega með embættisvald sitt eða reglur og hefðir.

Donald Trump hefur vissulega slegið öll met hvað varðar að fara út yfir mörk hefðanna, og yfir á það svið sem gæti verið ólöglegt, en áhuginn á að sakfella hann er líka í hámarki meðal hans pólitísku andstæðinga útum allan heim, því hann er stórmenni og fær ásakanir í samræmi við það.

Það er allt uppi á borðum hvað varðar Trump og allir vita hvernig hans verk eru umdeild eins og hann sjálfur.

Hans hreyfing mun þó ekki stöðvast ef hann fer í tugthúsið, en hversu mikið hún mun skerðast og lamast er spurning. Sýnir ekki hvernig demókratar reyna að setja fæturna fyrir hann að allt bendi til þess að hann verði næsti forseti, og að þeir vilji hindra það hvað sem það kostar? Þarf óttinn við endurkjör Trumps að vera svona mikill? Hvað er verið að fela? Einhverja spillingu, eða að samsæriskenningarnar sem hann hamrar á séu réttar og sannar?

Jæja, bara að vinstrimenn eins og Katrín Jakobsdóttir útum allan heim geti lært eitthvað af þessu máli Sönnu Marinar í Finnlandi. Þeir eru að minnsta kosti breyzkir og mennskir eins og aðrir, sem er ágætt að kom í ljós.

Má ekki læra af máli Sönnu Marinar að minni dómharka hentar oft betur og er í samræmi við kristilegt umburðarlyndi?

Styðja forsætisráðherrann í dansi

Útrás og paradísir, ljóð frá 11. marz 2007

Almennt var ekki talið að hætta steðjaði að bönkunum 2007. Þó voru erlendir sérfræðingar eitthvað að ræða það að horfur væru tvísýnar. Þetta ljóð er frá þessum tíma þegar bilið milli fátækra og ríkra var orðið mjög áberandi, og í fréttum voru útrásarvíkingarnir reglulega en þeir höfðu þá jákvætt orðspor eingöngu, hvað sem síðar varð.

Hér eru þessi eilífu umfjöllunarefni, græðgi, spilling og syndafall, og hvað veldur því.

 

Em7

Já, ég hef fengið nóg af ýmsu,

því er ekki hægt að neita,

en einhver segir að heimskan sé eilíf og algjör

í gryfjunni þar sem svínin rýta.

 

Mildin verður svo hörð,

en í hlæjandi gullkistunni eru auðugir uppar.

Það verður víst ekkert hægt að gera

til að breyta því.

 

Skattaparadísir er svo sem eitt,

og svo er það margt annað gagnrýnivert

sem mætti minnast á.

 

Bjartsýnin er algjör,

peningafíknin er algjör,

auðokunin er algjör,

millaokunin er algjör,

glæpafélögin fá öll völdin,

auðhringirnir,

en við stöndum eftir hissa.

Paradísir þeirra sem sitja á sólarströndum útum víða veröld.

 

Nei - það verður víst enginn endir á þessu,

svo mikið er víst.

Þetta getur ekki tekið neinn enda,

því þetta er leikur fjöldans,

og þetta er spilling fjöldans sem er kristinn,

og stefna kirkjunnar er að pynta alla

undir yfirskini gæzkunnar og kærleikans.

Umburðarlyndisins leikur er margvíslegur,

og ekki allt á yfirborðinu.