Sanna hin finnska og Katrín okkar, og svo Trump og aðrir pólitískir andstæðingar sósíalista.

Það er gott að Katrín okkar viðurkennir að Sanna hin finnska er bara mennsk og að of hart geti verið gengið gegn sumum ráðamönnum. Er hægt að beita þessu sama umburðarlyndi á pólitíska andstæðinga eins og til dæmis Trump?

Í samræmi við það vægi sem Trump hefur þegar kemur að ásökunum um spillingu jafnaðarmanna, demókrata og fjölmenningarátrúenda er reynt að finna á hann sem þyngstar sakir. Þó ætti demókratastjórnin í Bandaríkjunum að eyða kröftunum í annað, eins og að reyna að hressa við efnahagslífið eftir Covid-19 og nú Úkraínustríðið.

Sanna Marin er meðlimur í sósíal-demókrata flokki í Finnland, og því má segja að Katrín forsætisráðherra hafi öll skilyrðin til að hafa samúð með henni, þær eru báðar konur á svipuðum aldri, báðar í sömu stöðu og í svipuðum flokkum. En geta svona vinstrisinnar haft samúð með hetjum eins og Donald Trump sem borinn er þungum sökum af einmitt pólitískum andstæðingum af svipaðri tegund og þær tvær tilheyra?

Allur ferill Trumps sem forseta hefur einkennzt af svona hneykslunarmálum eins og það sem nú skekur Finnland, nema í hans tilfelli hafa ásakanirnar verið harðari og möguleg lögbrot komið inní, enda verknaðir hans mun grófari en Sönnu og hvernig hann hefur farið frjálslega með embættisvald sitt eða reglur og hefðir.

Donald Trump hefur vissulega slegið öll met hvað varðar að fara út yfir mörk hefðanna, og yfir á það svið sem gæti verið ólöglegt, en áhuginn á að sakfella hann er líka í hámarki meðal hans pólitísku andstæðinga útum allan heim, því hann er stórmenni og fær ásakanir í samræmi við það.

Það er allt uppi á borðum hvað varðar Trump og allir vita hvernig hans verk eru umdeild eins og hann sjálfur.

Hans hreyfing mun þó ekki stöðvast ef hann fer í tugthúsið, en hversu mikið hún mun skerðast og lamast er spurning. Sýnir ekki hvernig demókratar reyna að setja fæturna fyrir hann að allt bendi til þess að hann verði næsti forseti, og að þeir vilji hindra það hvað sem það kostar? Þarf óttinn við endurkjör Trumps að vera svona mikill? Hvað er verið að fela? Einhverja spillingu, eða að samsæriskenningarnar sem hann hamrar á séu réttar og sannar?

Jæja, bara að vinstrimenn eins og Katrín Jakobsdóttir útum allan heim geti lært eitthvað af þessu máli Sönnu Marinar í Finnlandi. Þeir eru að minnsta kosti breyzkir og mennskir eins og aðrir, sem er ágætt að kom í ljós.

Má ekki læra af máli Sönnu Marinar að minni dómharka hentar oft betur og er í samræmi við kristilegt umburðarlyndi?

Styðja forsætisráðherrann í dansi

Athugasemdir

[Helga Kristjánsdóttir, 23.8.2022 kl. 15:47]

Andstæðingar hans hafa viðurkennt uppspunann um að Donald hefði espað til innbrots i þinghúsið; Man ekki hvar ég las það. -- En hlustaði á viðtal á útvarpi Sögu Arnars Þórs,lögmanns við vel þekktan bloggara hér Þorstein Sigurlaugsson hagfræðing.Svo merkilegt að hver læs Islendingur ætti að hlusta,Arnar tók fram að viðtalið sé aðgengilegt á Spotify og auðvitað loka á Ú.S. bestu kveðjur.

[Helga Kristjánsdóttir, 23.8.2022 kl. 15:51]

Leiðrétt í hvelli LÍKA Á SÖGU- ég er orðin svo stirð bið Arnþrúði og Pétur afsökunnar.

[Guðmundur Ásgeirsson, 23.8.2022 kl. 19:01]

Munurinn er kannski sá að ***** beinlínis þrífst á því að vera umdeildur. Um leið og hann myndi hætta því væri hann búinn að tapa.