Margt fer til spillis á okkar tímum

Það var í fréttum um helgina að bingósalurinn Vinabær væri að loka endanlega. Þetta minnir mig á hana ömmu, sem var svo einstaklega góð. Hún naut þess að fara í bingó, ég held í Glæsibæ og einhversstaðar annarsstaðar líka. Hún vissi um sögu bíóanna, en Tónabíó var vinsælt þarna á undan. Trípolíbíó þar á undan annarsstaðar í bænum í eigu sömu manna, og það var áður en ég fæddist, en mamma og hennar kynslóð sótti þann stað.

 

Verkstæðið hans afa var líka nokkurskonar félagsheimili fyrir karla. Þar var rætt um pólitík og allt mögulegt. Ég er viss um að femínisminn átti sinn þátt í því að það var rifið, á þessum kvenréttindatímum, þegar reynt er að rífa niður sögu feðraveldisins og karlavinnustaðanna, því miður, þar fer mikil auðlegð til spillis, reynsla og tæki.

 

Það er ekki erfitt að sjá það að öll menningin stefnir beint niðurávið, og öll lönd dragast með í fallinu, en mismikið.

 

Stríð eru hræðileg, en aðeins eitt helstefnueinkenni af mörgum.

Hér tekur þú þátt í bingói kvöldsins í beinni!

Er góða fólkið svo gott þegar allt kemur til alls, eða hvað?

Þegar DV fjallar um Útvarp Sögu er það alltaf á neikvæðum nótum. Nú er þar ein slík frétt og vinstrihaturskórinn tekur undir að sjálfsögðu. Það eina góða við þessa frétt um Útvarp Sögu er að talað er um vefmiðilinn Fréttin.is, sem ég vissi ekki um áður, og er öfugt við það sem vinstrihaturskórinn segir, að sjálfsögðu, sem sagt fréttaveita sem gefur öðruvísi og skárri fréttir en mykjumokstursblaðamennskan úr Sorosarfjósinu.

 

Annars kemur það manni alltaf jafn mikið á óvart að einhverjum skuli hafa dottið í hug að kalla þetta fólk gott sem er vinstramegin í pólitíkinni, hvernig það getur hraunað yfir pólitíska andstæðinga með ennþá ógeðslegri fúkyrðum en svonefndir rasistar og þjóðernissinnar eða kapítalistar og frjálshyggjumenn leyfa sér.

 

Hvernig er hægt að búast við því að heimurinn sé friðsamur? Málefnaleg umræða er ekki stunduð af "góða fólkinu" svonefnda (sem er kannski verra en annað fólk), nema örsjaldan.