Júróvisjón (Evrusýnarkeppnin) snýst ekkert um tónlist lengur, bara um pólitík.

Þetta var bezta auglýsingin fyrir Íslendinga í Evrusýnarkeppninni, bæði að fólk vill draga okkur úr keppninni og að hafa Palestínumanninn Bashar Murad í forkeppninni, gengur fullkomlega í þá sem stjórna keppninni og pólitíska rétthugsunina sem keppnin stjórnast af. Hann er sigurstranglegur.

Fyndið er að Ágústa Eva var sögð klikkuð af sumum lesendum DV, en hún held ég að fyrst hafi komið með uppástunguna um að senda palestínskan keppanda fyrir landið okkar. Hún veit bara hvað virkar sem vinningsframlag, það snýst ekkert um tónlist og allt um pólitík, rétt þjóðerni sem vekur samúð nútímans.

Mér þykir þetta sérlega skemmtilegt að því leytinu til að þetta sannfærir mig og aðra um að hæfileikar skipta engu máli í listum lengur, heldur skiptir pólitíkin öllu máli, að vera í samræmi við pólitíska rétthugsun. Verið minnug þess sem ég skrifaði um í vetur, að list nútímans er kerfislist, stalínsk.

Bara það eitt að Palestínumaðurinn verður einn af keppendum kemur okkur meðal efstu þjóðanna í veðbönkum, ekki neitt lag sem búið er að frumflytja og kynna. Þetta segir alla söguna, að listin skiptir engu, pólitíkin öllu, pólitísk rétthugsun/ranghugsun, í nútímanum.

Ég spái því hér með að Bashar Murad sé sigurstranglegastur, ekki vegna tónlistarhæfileika heldur þjóðernis og uppruna.

Ég var efins um að þjóð okkar ætti að taka þátt núna, en þátttaka þessa manns sannfærir mig um að við ættum að senda slíkt framlag út og vinna loksins, eða eiga miklu meiri möguleika á því en nokkrusinni fyrr.

Þetta sannar ennfremur að lögin okkar hafa oft verið miklu betri en draslið sem hefur unnið. Þetta sannar fullkomlega að þessi Júróvisjonkeppni hefur alltaf gengið útá pólitík og ekkert annað, pólitíska rétthugsun.

Evrusýnarkeppnin verður æ fáránlegri og menningin vestræna öll. Ég mun skemmta mér eins og venjulega yfir henni, en þetta þarf að verða til þess að fólk fari að endurmeta hvort listin eigi að skipta máli eða pólitíkin ein og skrumið, umbúðirnar.

Ekkert lát á flugi Íslands

Athugasemdir

[Guðjón E. Hreinberg, 25.1.2024 kl. 23:34]

Eurovision er það versta sem gerst hefur í Íslenskri "tónlistarsögu" og þessu skrímsli - sem líklega er dímon í feluham - hefur tekist að drepa Íslenska tónlist með öllu. Að nokkur maður líti við þessum tónafótboltaleik, er mér óskiljanlegt með öllu.