Snilldargrein sem gefur innblástur og dulhyggja

Löngu hugleiðingarnar vekja sérstaka athygli mína. Einn af mínum uppáhaldsbloggurum er með eina slíka í dag. Ja, menn hafa eitthvað að segja ef þeir nenna að lýsa því í löngu máli.

Það er ekki hægt að afskrifa verk svona höfunda, sem aðhyllast eingyðistrú, en eru lausir við að vera í hönnuðu aldingörðunum. Þegar hann nefnir Jesús Jósúa Maríuson og fjallar um sviksemi postulanna ellefu sem Júdas reyndi að bjarga honum frá finnst mér öll ástæða til að veita því athygli, þótt fjölmargt annað sé áhugavert í þeim pistli.

Það sem mér hefur þótt einna áhugaverðast í seinni tíð er að komast að því sem ekki er hægt að komast að, eins og hvaða heimspeki og trúarbrögð það voru sem Júlíus Sesar lagði í rúst þegar hann lagði Gallíu undir sig. Mér hefur vissulega tekizt að komast að því að þessi fjölmenni hópur en sundraði átti að minnsta kosti einn guð sem ógnaði rómverska heimsveldinu og var ástæða fyrir því að Júlíus Sesar, einn þeirra mesti fjöldamorðingi, herforingi og snilldarstjórnandi þeirra, á við Klaus nokkurn í dag, lagði þeirra ríki í rúst og innlimaði í Rómarveldi, þannig að þeir misstu tungumál sitt með tímanum og trúarbrögð, urðu málaliðar Rómverja og urðu að gjalda þeim skatt, korn og náttúruauðlindir, rétt eins og Vesturlönd vilja nota Úkraínu í og svo Rússland og helzt allan heiminn.

Ég tel að ein af meginástæðunum fyrir því að kristni varð svo vinsæl og útbreidd sé guð sem nú er flestum gleymdur, Esus var hann nefndur og um hann ekkert skrifað af drúíðunum sjálfum, enda bönnuðu þeir að nokkuð væri niður skrifað af sínum fræðum og vísindum, og það eina sem eftir þá liggur eru veraldleg rit um viðskipti og tölur, en Júlíus Sesar skrifaði þó í einni bóka sinna að fáir eða engir jöfnuðust á við drúíða, sem hann þó réðst á. Þessi þversögn er mjög áhugaverð og sýnir að trúarbrögð Gaulverja og Kelta ógnuðu rómverska heimsveldinu að hans áliti, og Júlíus Sesar var snillingur andans, ekki aðeins fjöldamorðingi og herforingi. Af þessu má álykta að týnd trúarbrögð Gallanna voru fremri trúarbrögðum Grikkja og Rómverja, sem eru notuð sem sniðmát fyrir margt í fornum og heiðnum trúarbrögðum, sem þó höfðu áhrif á kristnina eitthvað.

Lucan var rómverskt skáld og fræðimaður sem dó 65 eftir Krist. Allt bendir til þess að 99% af öllum helgigripum og bókum um Esus hafi verið eyðilögð, ekki bara af Sesari heldur öðrum. Allavega eru örfáar línur eftir Lucan eitt af því fáa sem til er á prenti um Esus.

 

"Grimmileg skrín Teutatesar, Esusar og Taranisar, og ölturu, jafn skelfileg og þau sem elskuð eru af Díönu, hverri Scýþíanir dýrka, (hirðingjaþjóð suður Rússlands fyrir Krists burð sem geymdi menningarverðmæti), öllu hefur því verið eytt í stríði..."

 

Sumir þeir sem dulhyggju stunda vita að Íraksstríðið 2003 snérist ekki um Saddam Hussein heldur annað. George W. Bush var á kafi í kristinni öfgahyggju og dulhyggju og lét stjórnast af ráðgjöfum sínum. Íraksstríðið snérist um áframhaldandi tilraun til að þurrka út aría og þeirra menningu á þessum hnetti, og víðar, (þótt sjálfur George W. Bush tilheyri þeirri tegund, trúin er skynseminni æðri og sterkari eins og menn vita).

 

Úkraínustríðið snýst um eyðileggingu aðra og meiri en menn halda. Fer ekki útí það hér. Það verður að hafa sinn gang.

En um Íraksstríðið get ég sagt að það snérist um að finna geimskip í eyðimörkinni í Írak. Það mun eiga að gegna veigamiklu hlutverki í Armageddon styrjöldinni, hvort sem hún er nú hafin eða ekki. Það mun skera úr um hvaða aðilar sigra, hugsanlega. Hvort það fannst eru skiptar skoðanir um og hverjir geyma það.

 

Gáfaðir menn geta sagt sér það sjálfir að það sem reynt er að eyðileggja svo ítarlega opinberlega hlýtur að vera verðmætt og verðmætara en orð fá lýst. Athugum það að Vatikanið á gríðarlegar hirzlur fullar af heiðnum ránsfeng, þar sem helgimunir og allskyns rit eru og enginn fær að skoða, nema útvaldir gæðingar. Má gera því skóna að þarna sé eitthvað til af ritum um Esus, þótt þau séu talin glötuð af flestum.

 

Launhelgar á launhelgar ofan, og dularfélög inní dularfélögunum sjálfum.

 

Það sem finnst um Esus á netinu er sumt áhugavert, en flest allt skortir, og annað rangt.

 

Um heilaga þrenningu Galla er fátt sagt og vitað. Esus, Taranis og Teutates.

Eitt af því sem fræðimenn margir reyna að halda fram er að engar fornminjar bendi til þess að einn af þessum þremur guðum hafi verið álíka voldugur og Jahve gyðingdómsins og Abrahamstrúarbragðanna. Sem er ekki skrýtið miðað við það sem Lucan skrifaði, að því var kerfisbundið eytt.

Einnig er reynt að halda því fram að nafnið Esus eigi lítið eða ekkert skylt við Jesúm Krist. Síðan eru það íslenzkir og alþjóðlegir fræðimenn sem ekkert kannast við skyldleika Ásanna við þennan guð, og Æsir ekkert taldir hafa fengið nafn sitt af þessum guði, heldur er fáránleg skýring Snorra í formálanum af sumum talin gild, um að eitthvað sé þetta tengt Asíu.

En aðalmálið er þetta að næstum ekkert er vitað með vissu um goðsagnirnar sem þessum guðum liggja til grundvallar.

Ég hef komizt að ýmsu, en mundi ég græða eitthvað fjárhagslega á útgáfu bókar um slíkt eða fá enga athygli? Það er nú spurningin.

Dr. Helgi Pjeturss, hinn íslenzki snillingur og fyrsti heimspekingurinn okkar raunverulegi, komst að því að ekkert glatast í raun. Hann útskýrði hvernig hægt er að nálgast allar upplýsingar með miðilshæfileikum. Ingvar frændi kenndi mér þetta þegar ég var ungur og um gildi heiðinna trúarbragða en hann var þó ekki andvígur kristninni, en varaði mann við að taka þar öllu bókstaflega eða sem hinum eina sanna sannleika.

Þegar ég komst að því hver Esus er í raun og veru og fyrir hvað hann stendur fór ég að gefa kristninni aftur séns. Því öfugt við það sem haldið er fram af núverandi fræðimönnum opinberum var hann guð kærleikans og fyrirgefningarinnar eins og Jesús Kristur, ásamt öðru.

Það sem meira er. Trúarbrögð og heimspeki drúíða og Galla voru jafnvel fyllri af vöxtum en annað. Nú er ekkert eftir af því, opinberlega. Orðið skaði nær ekki einusinni hvað það þýðir.

Og ég get sagt meira. Drúízkan var ekki í andstöðu við fornar heimildir að sunnan sem kristnin styðst við. Nema þar voru upplýsingar sem settu ýmislegt í nýtt ljós. Guðir Rómverja og Grikkja urðu hlægilegir í því ljósi og almennur átrúnaður á Esus og fleiri gallversk goð var svo mikill að Júlíus Sesar taldi ekki mögulegt að sigra alla Gallíu án þess að leggja trúarbrögð þeirra í rúst í leiðinni.

Heimurinn er í hættu á okkar tímum. Hvernig skyldi standa á því? Aðalhættan felst í því að böðlar vilja frekar leggja þennan aldingarð í rúst með atómsprengjum en að sannleikurinn frelsi fólkið. Þó var það ekki upphaflega planið, heldur að hér yrði áframhaldandi helvíti, kvalastaður fyrir okkur sem eru syndug og getum ekki verið öðruvísi.

En eins og spakir menn vita þá er þetta aldrei einfalt og ekki einn vilji sem ræður. Þessvegna er talað um takmarkaða gjöreyðingu þannig að litlar kjarnorkusprengjur komi af stað krabbameinum og öðrum sjúkdómum svo lífið murrkist úr mannkyninu á sem ógeðslegastan hátt.

Vitfirringin eykst, ekki vafi á því. En það er sama hvernig á þetta er litið, það er ekki hægt að fara til baka af gjöreyðingarbrautinni, einmitt nú þegar velmegunin er sem mest, mannréttindin eru mest og mannúðin á jörðinni. Talið svo um framfarir, jafnrétti og bræðralag.

Hvernig á að vera hægt að fá leiðtoga nútímans til að efla afvopnunarviðræður og útrýmingu gereyðingarvopna þegar siðferðið er eins og á steinöldinni en tæknivæðingin eins og á 21. öldinni?

Jú við þurfum trú, vitnisburð, iðrun og bæn. Þetta eru öflug fyrirbæri fyrir einstaklingana. En fyrir mér vakir annað og óeigingjarnara, ef hægt er.

Við erum föst í Groundhog's Day endurtekningum í alvöru, þessi alheimur, sem réttnefndur er búlgur, efni sem afmarkast af heimsku og þröngsýni okkar sem honum tilheyra og ómöguleika til að fá almennilegar upplýsingar, hvort sem hann kólnar eða springur eða endurskapast innanfrá, sem vísindamenn deila um, en nóg um það af sinni.

Endurtekningarnar eru í smáatriðum. Þeir sem iðka það að rifja upp fyrri líf í smáatriðum, og það er hægt, rifja upp hvernig hin smæstu atriði geta skipt máli, hvað er ákveðið hverju sinni, hvaða fólki maður kynnist, hvað mistekst og hvað ekki.

Nóg að sinni. Það eru ekki mjög margir sem nenna að lesa til enda langa pistla, en hvernig er hægt að útskýra allt í smábútum?