Menningin rifin niður í óðaönn.

Þau eru falleg þessi gömlu hús og synd að það sé krotað svona á þau. Það er meira en nóg landrými á okkar landi, og óþarfi að klessa öllum á Stórreykjavíkursvæðið. Það er beinlínis óskynsamlegt miðað við hættuna á stórum jarðskjálftum hér á þessu svæði og eldgosum tíðum, einmitt nú þegar nýtt virknitímabil er hafið sem getur staðið í nokkur hundruð ár þessvegna, og bæði valdið manntjóni og eignatjóni gríðarlegu.

Umhverfisóráð og skipulagsmistakaklíkur ráða hér of miklu. Dagur B. Eggertsson á sér þann draum heitastan að Reykjavík breytist í erlenda stórborg með tilheyrandi glæpum og menningu, eða það er auðvelt að halda. Þeir ráðamenn sem þrá að búa í erlendum stórborgum ættu að flytjast þangað en leyfa Reykjavík að hafa sín sérkenni.

Útlendingar koma ekki til að sjá eftirlíkingar af erlendum stórborgum. Þeir koma til að sjá allt hið séríslenzka og skrýtna, eða flestir að minnsta kosti, eða það kemur fram þegar þeir eru spurðir að þessu.

Ferðamenn koma ekki til að sjá stórhýsi heldur kofa og sérstakt mannlíf, eitthvað sem er gamalt og þjóðlegt.

En Íslendingar eru sveitamenn með minnimáttarkennd sem er að drepa þá.

Íslendingar rífa niður eigin menningu, hús og annað og leyfa aðeins froðusnökkum að fá athygli í RÚV, og útrýma sér með femínisma og sjálfsfyrirlitningu pólitískri úr vinstriflokkunum. Fyrir hvern er verið að byggja þessi ferköntuðu risaháhýsi? Innfæddum Íslendingum fækkar stöðugt en þeim aðfluttu fjölgar æ meira.

Það er verið að byggja þessi stórhýsi á Íslandi fyrir umhverfisflóttamenn framtíðarinnar, þegar önnur lönd verða óbyggileg vonast menn til að Golfstraumurinn verði ekki kominn úr skorðum og næsta ísöld ekki komin þannig að hægt sé að fylla landið af þeim sem verða að flýja náttúruhamfarir annarra landa.

Hvaða hópar frá útlöndum skyldu nú helzt sækja í að búa á þessu litla skeri í framtíðinni eftir nokkra mannsaldra ef jafnaðarþróunin sænska heldur áfram? Jú, einstaklingarnir sem fá ekki vist annarsstaðar, þar sem Píratar og aðrir jafnaðarmenn vilja hafa lægsta þröskuldinn á Íslandi. Hvað merkir það á mannamáli? Hvað gerist ef Ísland verður með frjálslyndustu innflytjendalöggjöfina? Ísland verður nýlenda þeirra sem fremja glæpi, og fá ekki að búa í öðrum löndum af þeim ástæðum. Allavega ef frjálslyndasta fólkið fær að ráða, en ekki er mikið viðnámið hjá Sjálfstæðisflokknum eða öðrum flokkum hér þrátt fyrir allt. Svíþjóð verður þá hátíð miðað við ástandið hér, eða svo gæti allavega farið að minnsta kosti.

Bjöguð enska verður töluð á skerinu og allt fótum troðið sem áður var hampað, kirkjan og kristnin orðin að sérvizku örfárra.

Nema þá að sú þróun haldi áfram sem hófst með kjöri Donals Trump í Bandaríkjunum og Borisar Johnsons í Bretlandi, og með stórsigri Svíþjóðardemókrata í Svíþjóð á þessu ári, hvort sem þeir fá lítil völd eða mikil í kjölfarið.

Það er ljóst að margt ólíklegt getur skeð, og einnig að allt snúist á haus sem núna er talið gott og gilt.

 

Sagan víkur fyrir stórhýsi

Athugasemdir

[Þorsteinn Briem, 16.9.2022 kl. 11:31]

Mikið rýkur nú moldin í logninu hefði hún amma mín á Baldursgötunni sagt.

Gömlu húsin í Skuggahverfinu eru langflest enn á sínum stað, svo og gömlu húsin í Þingholtunum og Gamla vesturbænum.

Þar að auki hefur fjöldinn allur af gömlum húsum á þessu svæði verið gerður upp, til að mynda af Þorsteini Bergssyni í Minjavernd en við erum þremenningar.

Minjavernd

Og íbúðarhúsin á þessu svæði, póstnúmeri 101, þar sem ríflega 16 þúsund manns búa, eru með þeim dýrustu á landinu, bæði nýju húsin og þau gömlu.

Þar sem nú er Hafnartorg við Tollhúsið var stórt bílastæði og heljarinnar rampur, þannig að hægt var að aka upp á Tollhúsið og leggja átti hraðbraut í gegnum Grjótaþorpið.

"Grjótaþorpið var í niðurníðslu og Reykjavík með það á prjónunum að valta yfir þorpið, leggja hraðbraut í gegn og byggja fleiri Moggahallir."

Og Sjálfstæðisflokkurinn með Davíð Oddsson, þáverandi borgarstjóra í broddi fylkingar, lét árið 1985 rífa þar Fjalaköttinn, elsta uppistandandi kvikmyndahús í heiminum.

Fjalakötturinn

"Torfusamtökin voru stofnuð á fjölmennum fundi í Sigtúni 1. desember 1972 í þeim tilgangi að knýja á um verndun Bernhöftstorfunnar, húsalengju ofan við Ingólfsbrekku, á milli Lækjargötu og Skólastrætis í miðborg Reykjavíkur.

Þá hafði í nokkur ár staðið til að rífa húsin til að rýma fyrir nýrri stjórnarráðsbyggingu."

Torfusamtökin

Hér í Reykjavík bjuggu um 136 þúsund manns um síðustu áramót en á landinu öllu um 376 þúsund manns, fjölgaði því um 2% á milli ára, og Reykjavík eða höfuðborgarsvæðið hér á Klakanum verður nú seint kallað stórborg.

Í Reykjavík býr meira en þriðjungur landsmanna (36%), íbúum Reykjavíkur hefur fjölgað um meira en heila Akureyri síðastliðna tvo áratugi og væntanlega hafa þeir sjálfir valið að búa í Reykjavík.

Margra hæða hús eru við norðurströnd Reykjavíkur, allt frá Seltjarnarnesi að Mosfellsbæ.

15.5.2015:

"Framkvæmdir eru hafnar við Tollhúsið í Reykjavík en þar verða reistar áttatíu íbúðir, auk verslunar- og skrifstofuhúsnæðis."

Seðlabankinn er eina húsið við Kalkofnsveg, sem heitir eftir kalkbrennsluofni sem þar var og notaður til að brenna kalk til sementsgerðar.

Þar var einnig sænska frystihúsið, fyrsta frystihúsið á landinu sem sérstaklega var byggt sem slíkt, og stærsta hús á landinu þegar það tók í fyrsta skipti á móti fiski til frystingar árið 1930.

Og næstu hús við byggingarnar sitt hvoru megin við Geirsgötuna eru stórhýsi á íslenskan mælikvarða, Harpa, Seðlabankinn og Tollhúsið.

Nú er bílakjallari fyrir um eitt þúsund og tvö hundruð bifreiðar undir Hafnartorgi og neðanjarðar við tónlistar- og ráðstefnuhúsið Hörpu.

Og þar sem nú er íbúðarhúsnæði, verslanir, hótel og nýtt húsnæði fyrir Landsbankann og fleira var stór vöruskemma og geymslusvæði sem Hafskip hafði til umráða fyrir margt löngu.

Í Gömlu höfninni í Reykjavík er langmestum botnfiskafla landað hér á Íslandi, ríflega 71 þúsund tonnum í fyrra, um 20 þúsund tonnum meira en í Grindavík, sem er þar í næsta sæti.

Landanir í íslenskum höfnum árið 2021

Erlendum gjaldeyri er því mokað á land í 101 Reykjavík, bæði í Gömlu höfninni og fjölmörgum hótelum, gistiheimilum, veitingastöðum og verslunum.

Ferðaþjónustan er orðin stærsti atvinnuvegur landsins, bæði hvað snertir mannafla og gjaldeyrisöflun.

Og gjaldeyristekjur af erlendum ferðamönnum hér á Íslandi eru um ein milljón króna að meðaltali af hverri fjögurra manna fjölskyldu.

Útflutningsverðmæti ferðaþjónustunnar rúmlega fimm hundruð milljarðar króna árið 2017 - Um þrefalt meira en útflutningsverðmæti sjávarafurða

"Störf í ferðaþjónustu og tengdum greinum eins og veitingarekstri eru yfir 22% allra starfa á Íslandi."

Ferðaþjónusturit Landsbankans - Mars 2015

[Þorsteinn Briem, 16.9.2022 kl. 11:36]

Meirihluti sveitarstjórnarmanna í öllum sveitarfélögum á höfuðborgarsvæðinu og nær allt Alþingi styður Borgarlínuna.

Byggð verður þétt við Borgarlínuna, til að mynda á Vatnsmýrarsvæðinu og flugvöllurinn fer af svæðinu, enda er landið undir norður-suður flugbrautinni nær allt í eigu Reykjavíkurborgar.

Brú verður lögð yfir Fossvoginn og mikilvægt er að sem flestir búi sem næst sínum vinnustað.

Landspítalinn er með um sex þúsund starfsmenn, Háskóli Íslands með um sextán þúsund nemendur og kennara og Háskólinn í Reykjavík um fjögur þúsund nemendur og kennara, samtals um 26 þúsund manns.

Eignarrétturinn er friðhelgur samkvæmt stjórnarskránni og Reykjavíkurborg getur því krafist þess að ríkið afhendi henni það land sem borgin á núna á Vatnsmýrarsvæðinu.

"Eignarréttur er réttur einstaklings, fyrirtækis eða annars lögaðila til að nota hlut, selja eða ráðstafa á annan hátt og meina öðrum að nota hann."

Innviðaráðherra virðist hins vegar halda að skoðanir hans séu æðri stjórnarskránni.

Og höfuðstöðvar Icelandair verða fluttar af Vatnsmýrarsvæðinu á Flugvelli í Vallarhverfinu í Hafnarfirði, sem byggt er á gömlu hrauni.

13.9.2022 (síðastliðinn þriðjudag):

"Nýju höfuðstöðvarnar rísa við þjálfunarsetur Icelandair við götuna Flugvelli og verða í fimm þúsund fermetra viðbyggingu, sem áætlað er að verði tilbúin í árslok 2024."

10.10.2005:

"Nú eru til kynningar tillögur að deiliskipulagi fyrir nýja áfanga í Vallahverfi í Hafnarfirði. Kostir hraunsins eru látnir njóta sín.

Þetta verður stórt hverfi með um sex þúsund íbúum þegar það er fullbyggt."

Ný íbúðar- og atvinnuhverfi á suðursvæðum Hafnarfjarðar

Nú er verið að þétta byggð á öllu höfuðborgarsvæðinu og íbúum svæðisins mun fjölga um tugi þúsunda næstu áratugina.

Í Reykjavík einni hefur til að mynda meira en heil Akureyri bæst við íbúafjöldann síðastliðna tvo áratugi.

Og ef ekki ætti að leggja flugvöll við Hafnarfjörð vegna hugsanlegs hraunrennslis hefði og ætti að sjálfsögðu ekki heldur að reisa þúsundir nýrra húsa fyrir hundruð milljarða króna á gömlum hraunum í Hafnarfirði og Garðabæ.

Hefur til að mynda Sjálfstæðisflokkurinn, sem er þar í meirihluta bæjarstjórna, talað um að flokkurinn ætli að hætta því?

15.5.2021:

Áform um byggingu yfir 2.300 íbúða í Garðabæ

Kom Sigurður Ingi Jóhannsson innviðaráðherra í veg fyrir að Vegagerðin, sem er í eigu ríkisins, flytti í nýtt stórhýsi í Suðurhrauni í Garðabæ? Og hafa fjármálaráðherra og forsætisráðherra talað gegn því að fleiri hús yrðu reist á gömlum hraunum í Garðabæ og Hafnarfirði?

18.3.2021:

Vegagerðin flytur í maí í Suðurhraun 3 í Garðabæ (á móti Ikea og Costco)

7.12.2021:

Lóðir fyrir um fjögur þúsund íbúðir í boði í Hafnarfirði

Og ætlar ríkisstjórnin að flytja í burtu strax i fyrramálið alla 4.400 íbúa Vestmannaeyjabæjar, sem er við hliðina á eldfjalli sem gaus fyrir 49 árum?

Leiðigarðar geta til dæmis beint hraunrennsli út í sjó, eins og Þorvaldur Þórðarson, prófessor í eldfjallafræði, hefur bent á.

Og að sjálfsögðu er hægt að reisa varnargarða vegna flugvallar við Hafnarfjörð en ef það væri ekki hægt væri heldur ekki hægt að reisa varnargarða við Vestmannaeyjabæ, Grindavík, Voga á Vatnsleysuströnd, Garðabæ og Hafnarfjörð.

4.3.2021:

Hægt að verja Suðurnesjalínu gegn hraunrennsli með varnargarði og kælingu

Varnargarðar gegn snjóflóðum og skriðuföllum hafa verið reistir fyrir milljarða króna á Vestfjörðum, Norðurlandi og Austfjörðum til að verja þar nokkur íbúðarhús.

mbl.is 6.10.2021:

"Tóm­as Már [Sig­urðsson for­stjóri HS Orku] seg­ir aðspurður að eld­gosið í Geld­inga­döl­um hafi komið upp á besta stað fyr­ir HS Orku.

Hugs­an­legt sé að þar verði jarðhita­svæði í framtíðinni og gæti svæðið því orðið orku­lind í tím­ans rás."

Nú er sem sagt í góðu lagi að leggja nýja Suðurnesjalínu og virkja úti um allar koppagrundir á Reykjanesskaganum, jafnvel í Geldingadölum. Og einnig reisa ný íbúðarhús og aðrar byggingar fyrir hundruð milljarða króna í Hafnarfirði og Garðabæ, sem byggðir eru á gömlum hraunum.

En alls ekki megi leggja flugvöll við Hafnarfjörð vegna þess að hraun gæti runnið yfir flugvöllinn.

[Ingólfur Sigurðsson, 16.9.2022 kl. 13:49]

Að þessu sinni eru upplýsingar þínar mjög hughreystandi, Steini, Þorsteinn Briem og þakka ég því fyrir innleggið og er sammála því sem þú kemur fram með, að langflest húsinu í Skuggahverfinu eru enn á sínum stað og minjavernd hefur skilað árangri. Það eru vissulega huggandi tíðindi.

Samt sem áður, þú getur ekki neitað því að tölfræði um lýðfræðiþróun á Íslandi segir þetta, að menntaðir Íslendingar af Víkingauppruna flytjast til útlanda og setjast þar að oft til frambúðar, og þeir sem eftir eru fjölga sér minna en innfluttir, sem vissulega hafa lagt mikið af mörkum til samfélagsins ennþá, samt gæti þessi spá ræzt, ef Píratar fá að stjórna.

Mengun fylgir stórborgum og líka glæpir. Það er óhjákvæmilegt. Nú síðast í fréttum í dag var talað um svifryk, jafnvel af rafbílum. Af hverju má ekki stuðla að dreifðari byggð? 

Ómar Ragnarsson hefur rétt fyrir sér með flugvöllinn, Hvassahraun og aðrar staðsetningar sem menn deila um og vilja flytja hann, hraun gæti vissulega runnið þar yfir.

Þótt þetta gos hafi komið upp á bezta stað, hvað með framtíðina? Er hægt að vonast til að heppnin verði alltaf með þjóðinni hvað það varðar?

En í innleggjum þínum eru margir góðir punktar sem hægt er að velta vöngum yfir. Þeir sem vilja frekar að Sjálfstæðismenn stjórni borginni verða þó ekki sannfærðir.

[Magnús Sigurðsson, 16.9.2022 kl. 16:00]

Góður pistill að vanda Ingólfur. Minnimáttar mikilmennskubrjálæðið virðist tröllríða íslenskri húsagerðar list og sögu.

[Ingólfur Sigurðsson, 16.9.2022 kl. 19:02]

Takk fyrir það Magnús. Ég vona einnig að þér hafi líkað umfjöllun mín um að ég tel að Helja hafi verið tignuð á ísöldunum og Baldur sem sólarguð áður en Víkingaöldin náði hámarki. Ég er ekki hámenntaður fræðimaður úr Háskólanum, en ég lærði sitthvað í menntaskóla og þó aðallega hjá Ingvari frænda, afabróður mínum, sem hafði sínar hugmyndir og var mikill grúskari. Alþýðufræðimenn geta líka haft sitt að segja, og Háskólafólkið er lengi að viðurkennta slíkar alþýðumenntir.

Ég hef nefnilega lesið margt gott eftir þig um þetta.

[Magnús Sigurðsson, 16.9.2022 kl. 19:55]

Ég hafði gagn og gaman af þeirri umfjöllun þinni Ingólfur, og kom til hugar eyktir, dúsín og eilífðin. Er enn að melta umfjöllunin þína um Helju ásamt landvættunum sem mættu þess vegna kalla móðir jörð.

Annars er það svo merkilegt með menninguna að nú um mundir virðast flestir vilja dvelja sem lengst köldum körum Heljar frekar en endurnýjast, og virðist þá hverju sem er vera kostað til í transhúmanismanum.

[Ingólfur Sigurðsson, 17.9.2022 kl. 04:29]

Já það er rétt Magnús. Þakka fyrir skynsamlegt svar. Einmitt þess vegna kom mér þetta til hugar að skrifa um Helju og þessar ævafornu trúarhugmyndir. Það útilokar ekki að vítin séu til, vítishnettir og lífstefnuhnettir, þótt jákvæðar trúarhugmyndir hafi verið um móður jörð í fyrndinni sem síðan umhverfðust. 

Kannski þetta verði þér innblástur í enn betri pistil.