Lokalausnir fyrr og síðar

Ég vil minna á frétt á Vísi, Guðmundur Hálfdánarson prófessor í sagnfræði við Háskóla Íslands segir: "Nýjasta útspil Ísreaela á Gasa minni á lokalausn nasistanna".

Þessi sagnfræðingur hefur oft komið í fjölmiðlum og lízt mér vel á hann, hefur mikla þekkingu og ekki hlutdrægur að ráði.

Já eins og hann lýsir þessu þá er þetta verra ástand á Gaza en í Úkraínu, meiri mannúðarkrísa.

7. október árásin 2023 gerði þessa lokalausn mögulega og bæði Trump og Netanyahu byggja á henni sín viðbrögð eins og Guðmundur sagnfræðingur kemur inná.

Ekki segir Guðmundur Hálfdánarson það berum orðum, en sú ályktun liggur í loftinu eftir að maður les viðtalið við hann, að Ísraelsmenn hafi haft hag af árásinn 7. október, nánar tiltekið öfgamenn sem vildu fá ástæðu til að hreinsa Gaza af Palestínumönnum með svona aðgerðum, hvað sem það kostar.

Það hefur verið fjallað um grunsamlega litlar varnir Ísraelsmanna áður en árásin var gerð. Grunur leikur á samsæri. Sá grunur virðist vel rökstuddur, og ekki held ég að með neinum hætti sé hægt að kalla sagnfræðinginn í Háskólanum samsærisnörd.

Ég ætla ekki að segja að ég sé viss um svona samsæriskenningar. En þær þurfa að berast víða, þær virðast passa.

Skorið á böndin á fánum Úkraínu og Palestínu

Ég er ekki sannfærður um framlíf, en þó finnst mér það örlítið sennilegra en tómið sjálft og ekkineitt sem margir virðast hylla og trúa mest á

Látið fólk er eins og lifandi, það er að segja maður setur það ekki á stall, ekki endilega, kostir og gallar þeir sömu, fátt breytist.

En hvað sönnun varðar þá finnst mér það merkilegt þegar maður talar við dána ömmu sína, og á ég þá við þessa í föðurættinni sem ég hafði alltaf minni samskipti við, og hún sýnir að hún hefur lítið sem ekkert breyzt. Mér þótti þó mjög vænt um að tala við hana, einnig að finna að þetta er ekki allt ímyndun í mér, því þegar hún kallaði mig veikan á geði fyrir "talibanaskoðanir um konur" og að ég "ætti að fá mér konu sem gæti haft vit fyrir mér", fannst mér það virkilega sannfærandi um að þetta væri hún í raun og veru en ekki nein ímyndun í mér.

Fanney Gísladóttir heitir hún eða hét. Hún er nú á annarri stjörnu eins og aðrir framliðnir.

Ég móðgast ekki við svona orð, veit hvaða holli hugur og hreinskilni býr að baki, eins og hjá henni. Ég hefði síður kunnað við einhverja hræsni frá henni og hefði þá efazt um að þetta væri hún.

Hún var góð við mig samt, en hún er sennilega enn sami kratinn og hún var og veit að mínar skoðanir eru öndverðar hennar.

Þetta var eins og að koma í heimsókn til hennar áður en hún veiktist af Alzheimersjúkdómnum, en hann var orðinn áberandi síðustu árin.

Já hún var ung og hress.

Þegar hún sá að ég lét ekki haggast sagði hún setningu sem í felst hrós og kærleikur frá henni, hún sagði að ég minnti á afa minn sem ég var nefndur eftir. Hún sagði að ég ætti að tala við hann.

Mér fannst það að sumu leyti eins og hún leyfði mér að fletta myndaalbúmi, en frekar eins og almynd eða skyndimynd.

En ég náði ekki að tengjast honum eða tala við hann, en fann áhrif frá honum samt.

Hann mun vera ánægður með mig og mínar skoðanir. Hann var og er frímúrari og í merkilegu starfi þarna fyrir handan.

En ég talaði við eina langömmu mína sem ég kynntist aldrei í lifanda lífi. Hún þusaði mikið um fólk sem ég þekki ekkert, en áhugaverð manneskja fannst mér hún vera. Sterkur persónuleiki, af gamla skólanum. Það var eins og hún leystist upp í móðu, en ég fann nú samt kærleika og velvild frá henni eins og frá ömmu.

En það er annað sem er merkilegt. Og það var að annan mann þurfti til, einnig látinn, til að koma okkur ömmu Fanney til að tala saman aftur.

Hún var nefnilega orðin ósátt við mig og mínar skoðanir áður en hún lézt.

Það er góður maður þarna fyrir handan sem ég læt eiga sig að segja hver er. Nema hann tengist mér vissulega, er skyldur mér í gegnum Jón afa og ættina á Ströndum. Afskaplega góður maður. Það er hluti af vinnu hans á annarri stjörnu að huga að svona málum.

Dóttir hans særði mig. Hann kom til mín nýlega og sagðist ætla að bæta fyrir það. Hann sagðist "taka ábyrgð á henni og þeim sársauka". Ég sagði við hann að hann yrði að standa við það og sýna það. Þá sagði hann að ég yrði sjálfur að vera tilbúinn að taka við tilmælum og gagnrýni frá sér eða öðrum. Ég féllst á það, en sagðist vera þrjózkur og lofaði engu um að breytast.

Fyrr í vetur sagði hann að "við ættum ekki saman", ég og eldri dóttir hans og ég ætti að láta hana hafa frumkvæðið að að kynnast mér og ekki reyna það sjálfur, ef hún vildi.

En hann allavega stóð við orðin sín, hann talaði við ömmu Fanney og kom á þessum fundi okkar. Mér fannst það merkilegt.

Hann er yndislegur maður, og amma Fanney á sína góðu punkta líka, stundum, einstaka sinnum.

En eins og ég segi, ég hef haft samskipti við látna svo lengi að ég tek því sem sjálfsögðum hlut. Þessvegna segi ég það, að þegar ég kynnist mannkostum, þegar ég læri að treysta fólki, þá er ég tilbúinn að eiga slík samskipti og eignast vini.

Það er nóg af skíthælum í öllum veröldum og aumingjum sem þora ekki að sýna aga eða fylgja prinsippum kristinnar trúar eða öðru.

En hann sagði við mig að ég hefði hrakið marga frá mér með ákveðnum skoðunum. Ég veit ekki hverju það breytir að tala við hinn og þennan.

Mér fyndist verra að þetta gleymist. Ég gæti sagt frá þessu í meiri smáatriðum, en læt það eiga sig.

Það er dýrmætt að eiga fullvissu eða von um að framlíf sé til og réttlæti sem þessi veröld býður ekki uppá.

Það er ekkert merkilegt í fréttum. Ég var mjög á báðum áttum hvort þetta kæmi nokkrum við en mér. En maður vill tjá sig, og manni finnst þetta merkilegt.

Það vantar svo mikinn kærleika í veröldina í dag.

Mér finnst eins og svona frásögn gefi fólki tilefni til að trúa á það góða og eitthvað réttlæti. Það er tilgangurinn með þessari frásögn, sem mér er ekki ljúft að segja frá í smáatriðum, því nógu margir hæðast að öllu sem er andlegt.

Ég hef sleppt úr mörgum atriðum með stríð sem geisa á öðrum hnöttum, og eru andleg ef svo mætti segja en einnig meira og miklu meira en það.

Aldingjar lesa á milli línanna og það er allt í lagi því næstum enginn trúir þeim.

En rétt er fyrir samhengið að segja fleira og halda aðeins meira áfram.

Mér skildist vegna þessa sem mér þarna lærðist að þetta sem Guð Biblíunnar er að gera, að það hafi stytt líf sumra ættingja minna og líf afa míns líka því mikið tekur það á.

Mér fannst vissulega sárt og leitt að afi minn sem ég heiti eftir skuli ekki hafa sýnt sig betur í návist minni. En ég sá hann þarna á bakvið skrifborð brosandi viðurkennandi en fjarlægan. Það var allt og sumt. Það hefur allt sinn tíma.

En mér var sagt að hann hefði ýmsu ráðið um það hverskonar sál kom í heiminn með mínum getnaði. Ég hef kennt pabba um það og mömmu og verið ósáttur við að hafa komið í þennan heim.

Síðan getur verið að þetta sé plott í karlinum sem ég kynntist aldrei og dó áður en ég fæddist. En ég hef talið að maður sjálfur velji sér foreldra á milli lífa. Það kann að vera einhver blekking, að ég hafi verið vélaður og blekktur til að fæðast inní þennan heim. Maður má ekki vera of viss, en maður þarf að halda möguleikum opnum og vera tilbúinn að læra og fræðast um þetta.

Maður getur rakið þræðina til ömurlegra persónuleika sem eru foreldrar manns og svo lengra.

Tengiliðurinn sem ég minntist á hér á undan, faðir vinkonu minnar, hann er eins og sálfræðingur. Hann reynir að fá mig til að sættast við tilveruna með því að rekja upp hvert lag af ranghugsun eftir aðra, og rökræða til gagns.

Hann hlýtur að hafa lært sálfræði þarna fyrir handan.

Hann finnur hvenær mér líður ekki vel.

En af hverju hleypi ég honum þá að mér frekar en öðrum?

Það er vegna þess að hann þekkir ákveðna leyndardóma sársauka míns frá árinu 1991 þegar taugaáfall vegna ástarsorgar var mér sérlega þungbært.

Og hann er ekki að hæðast að mér fyrir þetta eða telja viðbrögð mín ýkt.

Sá sem viðurkennir þannig sársauka sem aðrir telja bera vott um klikkun á traust manns og trúnað.

Róandi íslenzk gospelhljómplata frá tímum feðraveldisins

Guðný og Elísabet Eir - manstu stund er kristileg gospelplata. Hún var ókeypis í Góða hirðinum við innganginn og ég þáði það. Hún var gefin út 1985.

Eitt sinn fannst mér gospell þreytandi og allt eins. Nú finnst mér það róandi eins og góð slökunarpilla.

Nú kann ég að meta svona gospell þar sem sungið er um guð sem kærleiksríkan föður en ekki konu.

Í einu lagi er ádeila á mæðraveldi að því er virðist, og það ljóð er eftir konu, sem er merkilegt. Lagið heitir "Manstu stund", titillagið, lag H. Brander, ljóð Kristín Sæmundsdóttir.

Svona er þetta erindi sem virðist ádeila á Evu, sem er holdgervingur syndarinnar samkvæmt ýmsum:

"Móðurdraumur drýgstur sveik,

dró þig synd og frá þér veik:

Barnatrú og bænamál,

best er verndar mannsins sál."

Ég vildi eiga þessa plötu því fallegar konur prýða umslagið, þessar söngkonur. En svo þegar ég hlustaði á hana þá fannst mér hún miklu betri en ég hélt.

Femínistar hafa breytt kirkjunni. Ekki vilja kvennakirkjuprestynjur lengur syngja um guð sem föður, því það eru áhrif frá valdasjúkum körlum sem beittu konur ofbeldi í gegnum tíðina.

En falleg er þessi tónlist og róandi.

Neyðarástand á Landspítalanum er eitt af því sem segir okkur að stjórnvöldin eru ekki trúverðug

Góða fólkið er ekki gott. Það lætur veikasta fólkið fá verri þjónustu og lagar ekki biðlista Landspítalans. Grimmdin í þessu er sú að sjúklingar hafa ekki mikinn mátt eða samstöðu eða hópefli í baráttusamtökum og geta fátt gert til að breyta þessu. Ekki er Samfylkingunni kennt um þetta, hún hefur mesta fylgið og fer með himinskautum.

Þetta virðist sama grimmd og víða kemur í ljós þegar fólk í minnihlutahópum er beitt ofbeldi og óréttlæti, og stundum undir því yfirskini að það tilheyri forréttindahópi.

Þetta er eins og með fjölgun ofbeldisverka sem dómsmálaráðherra vill koma í veg fyrir með því að þyngja refsingar.

Jafnvel fréttakonan á RÚV var gáfaðri en dómsmálaráðherra og spurði hana hvort það myndi nægja til að redda málunum. Já, þá kannaðist dómsmálaráðherra við að fleira þyrfti til, en að ekki mætti láta yfirfull fangelsin stöðva það að refsingar þyrfti að herða.

Ég segi það með vissu að Samfylkingin mun missa fylgi aftur. Jafnvel er mögulegt að Samfylkingin fari niður fyrir 5% fylgi eins og gerðist með Vinstri græna. Saga vinstriflokkanna og miðjuflokkanna er einmitt þannig. Sjálfstæðisflokkurinn var allavega eini flokkurinn sem alltaf var stór, en kannski er það orðið breytt líka.

Ef það er breytt, þá spái ég því að "hægriöfgaflokkar" muni líka komast yfir 10% í vinsældum og koma fram á þessu landi. Sterkur hægrimiðjuflokkur er eitt það helzta sem hindrar slíkt.

Hin íslenzka þjóð er haldin örvæntingu. Þessvegna er haldreipið að treysta Samfylkingunni og kjósa Samfylkinguna.

Kristrún Frostadóttir fyllti uppí það skarð sem myndaðist þegar Katrín Jakobsdóttir féll af stalli sínum sem lýtalaust góðmenni eða eitthvað slíkt í augum flestra einfeldninga landsins, sem virðast samanstanda af meirihluta þjóðarinnar.

En Kristrún Frostadóttir er hvorki fullkomin né óskeikul frekar en Katrín Jakobsdóttir.

Almenningsálitið virðist sveiflast öfganna á milli þessa dagana. Þessvegna var það rétt sem Gunnar Rögnvaldsson sagði í athugasemdum undir pistli hjá sér þegar við skeggræddum um þetta, að fylgi Samfylkingarinnar væri loftbólufylgi.

Hvað er annað mögulegt?

En þetta loftbólufylgi gæti þó enzt til að koma okkur inní ESB, það held ég að sé ljóst. Ef ekki kemur upp meiriháttar hneyksli sem sprengir blöðru Kristrúnar þá gæti verið að þjóðin í stundarbrjálæði samþykki að ganga inní ESB.

Eins og ég fjallaði um í pistlum áður þá gekk Katrínarstjórnin sem framdi harakiri í tvö kjörtímabil í gegnum ferli gullgerðarlistarinnar.

Ég á bók um Carl Gustav Jung þar sem fjallað er um kenningar hans um gullgerðarlist. Þar eru magnaðar myndir úr gömlu latnesku verki, nokkur hundruð ára gömlu, og myndirnar sýna hvað gullgerðarlist gengur útá.

Hún gengur útá það í stuttu máli sagt að bræða saman úr tveimur eða fleiri efnum gull, og fara með særingar og formúlur stundum.

En það sem er eftirtektarvert er að kona og karl eru látin sameinast, bræðast saman í keri, svo úr verður nokkurskonar Bafótmet. Það er að segja, kyneinkenni bæði konunnar og karlsins hverfa, og svo deyja þau, en í staðinn kemur einhver óskapnaður sem á að vera gullið.

Fólk kannast við þetta úr okkar menningu útaf öðru. En það er kannski vegna þess að okkar nútími gengur útá þessa gullgerðarlist meira og minna, en kannski var það hún sem felldi kirkjuna á sínum tíma og Upplýsingin sigraði - satanisminn.

Mín kenning gengur upp að nokkru leyti. Í gullgerðarlistinni hverfa bæði karlinn og konan. Ef konan var Vinstri grænir, þá passar það, og ef Sjálfstæðisflokkurinn var karlinn og sá flokkur nær ekki fyrra fylgi, 30%-50%, þá rættist það líka.

En raunverulegar orsakir fyrir eyðileggingu vinstriflokka og hægriflokka liggja í öðru. Þær liggja í spillingu. Hitt er heimspekileg kenning um þróun þjóðfélags og menningar, en gæti passað að einhverju leyti líka.

Þegar vinstriflokkar ganga ekki lengur útá að bæta kjör til dæmis sjúklinga og að stytta biðlista Landspítalans, heldur femínisma fyrir yfirstéttarkonur en ekki almennar konur, þá auðvitað fá vinstriflokkar 5% eða minna.

Þegar hægriflokkar hafa ekki sterka karlforystu sem kúgar alla aðra flokka, eins og gerist með Trump í Bandaríkjunum, þá missa þeir fylgi, og kellingamenningin verður þar allsráðandi eins og í vinstrinu og miðjunni.

Eini möguleikinn á því að Samfylkingin haldi 30% fylgi er ef Sjálfstæðisflokkurinn hefur minnkað til frambúðar og rís ekki aftur til dáða.

Þá myndi ég halda að Samfylkingin þyrfti að færa sig meira til hægri, til að rúma miðjuna betur.

 

Biðtími á Landspítala: „Þetta er óásættanlegt“

Vill þjóðin fara í ESB og er Samfylkingin þessvegna stór?

Ég var innan við fermingu þegar ég vildi verða tónlistarmaður og fékk gítar þegar ég fermdist. Afabróðir minn benti mér á skáld eins og Davíð Stefánsson og að yrkja rétt. Hann sagði að söngur yrði klaufalegur ef söngtextinn lyti ekki hrynjandi eins og kvæði. Ég var tregur að taka við þessari tilsögn, því andinn kom svo oft og mikið yfir mig að ég nennti ekki alltaf að njörva þetta sem ég söng niður í stuðlanna þrískiptu grein.

En eitt af því sem ekki allir skilja, það er að til er svonefndur ljóðmælandi í kvæðum sem teljast góð, það er að segja að skáldið er ekki að túlka eigin skoðanir með kvæðinu - eða söngtextanum.

Ég held að margir höfundar hraðsoðinna söngtexta séu ekkert að pæla í þessu, og velja orð af handahófi, eitthvað "Ælovjú" drasl. Ég hef notað allskonar aðferðir og þessa líka.

En ég hef gert það viljandi að hleypa að mér öndum til að fá andann yfir mig og yrkja.

Í mér eru þessi átök á milli skoðana pabba og svo afa, annar er Samfylkingarmaður, hinn var Sjálfstæðismaður.

Mér finnst innganga í Evrópusambandið ekki jafn óhuggulegur kostur og áður. Ég fann gömul lög eins og "Ljúf er mín innganga í Evrópusambandið" frá 2003 og kannski verða þau lög notuð í endurútgáfunni, hvenær sem ég fæ fjármagn og stuðning í það.

Maður hlýtur að fyllast ógeði á íslenzkum pólitíkusum. Hugsjónir eru seldar á spottprís og hrossakaupin það sem á endanum ræður hverskonar lög verða til.

En það er líka annað í þessu, það er að fólkið ræður. Ágætt það sem Jón Steinar Gunnlaugsson sagði í sjónvarpsviðtali, að á endanum er það meirihlutinn sem ræður, um málþófið.

Hvað er það sem fólkið vill? Ristir stuðningurinn við Samfylkinguna svo djúpt að þar sé raunverulegur vilji meirihlutans að ganga í ESB? Þá beygir maður sig undir það.

 

Vilja reisa 167,5 m háar vindmyllur

Breytingin frá jafnaðarstefnu nær einnig til Evrópu

Þýzkaland með kanzlarann Friedrich Merz er vissulega að færast nær Bandaríkjunum og Trump stjórninni, en þó ekki mjög mikið, en svolítið samkvæmt þessari frétt.

Já tímar Angelu Merkel eru liðnir, það er augljóst. Þýzkaland hefur vægi og vigt í heimsmálunum, ekki spurning með það. Þetta rímar við fréttir frá Bretlandi þar sem dómstólar hafa breytt kúrsinum frá því öfgafrjálslyndi sem talið var ákjósanlegt.

En þó nær þessi stefnubreyting ekki til utanríkismála, ekki til afstöðunnar til stríðsins í Úkraínu og "hjálpar" handa Úkraínumönnum, til að fækka þeim enn meira í þessu stríði. (Slátrun).

Þessi stefnubreyting nær heldur ekki til ólíðandi ástands á Gaza.

Þýzkaland er eins og önnur lönd. Þegar almenningsálitið breytist og reiðin beinist að frjálslyndum öflum, þá komast önnur stjórnmálaöfl til valda, svo einfalt er nú það.

En ég er ekki ánægður.

Ég spyr þessarar einföldu spurningar:

Af hverju þurfa alltaf erfiðir tímar að gera fólk raunsætt og vekja það af svefni útópíunnar um Paradís á jörð, sem aldrei verður í þessu lífi - samkvæmt Biblíunni. "Í heiminum hafið þér þrenging." Þetta er í Biblíunni, og orð Krists, en flestir Íslendingar eru enn í Þjóðkirkjunni, þótt það sé kannski enn að breytast og fólki að fækka þar.

Engir pride-fánar: Þingið ekki sirkustjald

Sláandi myndefni frá RÚV

Ég hef reynt að tjá mig ekki mikið um það sem gerist á Gaza. Ég þekki marga persónulega sem eru mjög kristnir og standa með Ísrael. Augljóst er að margir hér á blogginu eru þannig líka. Fréttir eru mjög í ólíkar áttir og það er skrýtið.

Ég skrifa þennan pistil aðeins út af einni ástæðu. Það eru fréttirnar á RÚV. Þær eru ÆPANDI af sársauka, blóðug börn og sundurskotin hús. Síðan keyrir um þverbak þegar sveltandi fólk er skotið til að dreifa mannfjöldanum og þetta minnir mest á gasklefana, Helförina og slíkt.

Ja, kannski eru þetta falsfréttir í RÚV. En eitt er víst, manni rennur kalt vatn milli skinns og hörunds yfir miskunnarleysinu sem allavega er reynt að telja manni trú um að þarna sé á ferðinni.

Síðan kemur í fréttunum að flest fórnarlömbin séu konur og börn.

Þetta er eiginlega úr takti við okkar nútíma, og minnir á tíma þegar svona var algengara. Það má vel vera að þetta gerist enn einhversstaðar í heiminum, en sem betur fer fækkar svona atburðum.

Ég er kominn á þá skoðun að Pútín vilji ná allri Úkraínu á sitt vald, og að mannslíf séu aukaatriði.

Það sama virðist gilda um Netanyahu og Gazabúa. Það er varla mikið meira sem þarf að segja um það.

En það sem er þó æpandi ósamræmi, það er að við sem kristin þjóð byggjum trú okkar, við fermumst og skírumst flest, á Biblíunni, en gyðingar og þeirra trú er grunnurinn, Gamla testamentið.

Þar er ósamræmið.

Við sem kristin þjóð sem þykjumst betri en aðrir siðferðislega, hvernig getum við samþykkt að það sem nazistar voru fordæmdir og hataðir fyrir, að fórnarlömb þeirra hegði sér með keimlíkum hætti, þó með þá afsökun að verið sé að útrýma Hamas?

Nú ætla ég ekki að vera of hlutdrægur og reyni að líta á þetta með sanngjörnum hætti.

Það er að segja, ég held að það sé rétt að Ísrael hefur byggt upp ímynd sem þjóðfélag að vestrænum stíl og að innan Arabaheimsins sé meira um grimmd og kvenhatur.

En hlýtur ekki öllum sjónvarpsáhorfendum að bregða við myndirnar frá RÚV?

Spyr maður sig ekki: Er hér verið að kasta öllu þessu á glæ sem reynt var að telja fólki trú um?

Maður trúir ekki að ómögulegt sé að finna friðsamlega lausn. Að eina lausnin sé að hrekja alla Palestínumenn frá Gaza, og að mannslíf þeirra séu lítil virði, það er erfitt að sætta sig við.

Getur það verið rétt sem sumir halda fram, að Zíonistar aðhyllist yfirburðahyggju?

Eða eru þetta bara Hamasliðar sem skjóta á fólk sem vill þiggja hjálp Vesturlanda?

Ekki samkvæmt fréttum RÚV að minnsta kosti.

En það góða í kristinni trú og gyðingdómi, það er dýrmætt.

En hvað er rétt í þessu? Í ljósi þess að bæði Sýn og RÚV fjalla um málin á þennan hátt, að Ísraelsmenn beri ábyrgð á þessum hryllilegu atburðum, hlýtur maður að halda að traustar heimildir séu þar á bakvið.

Heitir því að útrýma Hamas

Gervigreindarhljómsveitir slá í gegn og ýta lifandi fólki útí kuldann - því miður

Velvet Sundown er AI-hljómsveit, eða gervigreindarhljómsveit, sem nýtur gríðarlegra vinsælda, sem fara vaxandi. Spotify er gróðavöllurinn mikli þar sem gervigras þetta grær sem aldrei fyrr.

Ég mun sennilega aldrei fá álíka hlustun á mína tónlist, enda er ég ekki gervigreind og ég geri mistök, mannleg mistök, markaðsfræðilega og á öllum sviðum.

AI-Band getur hæglega feykt venjulegum böndum af markaðnum. Þegar ég hélt því fram að Jesús Kristur væri gervigreind, aka Hrungnir, þá gerði ég einmitt ráð fyrir slíkri fullkomnun - það sem  verður í framtíðinni, að vélvit og vélhreysti verður meiri en mennsk eða lífræn. Kannski er það orðið nú þegar.

Já allt gerir fólk fyrir gróða og einnig að úrelda sjálft sig. Slík er heimska mannkynsins, að sjá ekki fram fyrir nefið á sér og sjá bara stundargróða næstu daga.

Bubbi Morthens var að selja katalóginn sinn fyrir stórfé væntanlega, en hann er sammála þessu, og hélt því fram í viðtali í gær að gervigreindin gæti drepið tónlistina, gert listamenn óþarfa, tónlistarmenn.

Hvað ætla ráðherrar og valdamenn að gera? Á að setja lög gegn gervigreindinni, eða láta hana gleypa okkur?

Bandið sem aldrei var til slær í gegn

Mikill er missir að Magnúsi Þór Hafsteinssyni sem afrekaði margt

Það er mjög sorglegt og sárt að missa Magnús Þór Hafsteinsson í þessu hörmulega slysi. Hann var gegnheill gæðamaður get ég sagt þótt ég hafi ekki þekkt hann vel, en það var augljóst af hans verkum.

Slíkir menn eins og hann ættu að koma að stjórnun landsins, en svo er ekki, annað er í tízku þessa dagana, að láta konur vera í næstum öllum embættum.

Það sem hann varaði við hefur eiginlega allt ræzt, hvað varðar aukna glæpatíðni og upplausn í samfélaginu vegna stjórnmálanna. Frjálslyndi flokkurinn var bezti flokkurinn um tíma en komst ekki í stjórn.

Þó studdi ég Vinstri græna um skeið, en fékk svo áhuga á Frjálslynda flokknum.

Ísland er miklu fátækara eftir brotthvarf Magnúsar.

Og þjóðarskútan siglir kannski í strand. Hefði hann fengið að ráða væri nú margt betra.

Magnús Þór Hafsteinsson lést er báturinn sökk

Stöðnunarland, afturfararland, þróunarland?

50 ár síðan Ísland var skilgreint sem þróunarland sagði Þorgerður Katrín í fréttum, eða það held ég að hún hafi sagt.

En er þetta neikvætt orð, að vera þróunarland? Ég var fæddur fyrir 50 árum, og mín skoðun er sú að ástandið hafi verið gott á Íslandi þá. Mamma og stjúppabbi minn keyptu sér íbúð við Álfhólsveg 145 árið 1975, þar sem Sema Erla býr víst núna á efri hæðinni, en þar bjó Alli rakari og kona hans, þegar við bjuggum þarna, og ég hef hugleidd hversu skondið það er að nafn hans minnir á Allah, en sennilega hét hann Aðalgeir, Aðalsteinn eða eitthvað slíkt.

Mamma og hennar maður keyptu sér neðri hæðina og samt voru þau ekki rík, hún kennari í barnaskóla og hann kennari við Stýrimannaskólann.

Allir eru sammála um það að í nútímanum er MIKLU erfiðara að kaupa sér þak yfir höfuðið og eignast íbúð heldur en fyrir 50 árum, árið 1975. Hvað er Þorgerður Katrín þá að láta líta út fyrir að það hafi verið verri tímar á Íslandi fyrir 50 árum? Hvaða mark er á slíku takandi? Fólk er nú ekki alveg að gleypa það svona hrátt þegar margir muna eftir þeim tímum.

Flest Evrópulönd eru núna STÖÐNUNARLÖND EÐA AFTURFARARLÖND!

Fólk slær um sig með hugtökum, en hvað býr á bakvið hugtökin?

Er það úreltur veruleiki eða okkar íslenzki veruleiki?

Þegar orðið þróunarland var saman sett fyrst á Íslandi, kannski einmitt fyrir 50-60 árum, þá var það fegrunarorð yfir "vantþróuðu löndin", "fátæku löndin", "fátæku börnin í Afríku".

Þá var nefnilega Evrópa ekki á fallandi fæti, í þessari miklu afturför.

Ég segi, í ljósi þessa ástands Evrópu, þá er BETRA AÐ VERA ÞRÓUNARLAND EN STÖÐNUNARLAND OG AFTURFARARLAND!!!