RÚV er skárra, góður heimildaþáttur þar í gær sem kom jafnvel inná merkilegar samsæriskenningar. Vonandi að RÚV haldi áfram á þessari braut og komi með fleiri slíka heimildaþætti.

Er RÚV að taka sig á og bæta dagskrána? Í gær var fróðlegur þáttur hjá þeim sem fjallaði meðal annars um samsæriskenningar. Minnir á þá góðu dagskrá sem áður var þegar engir fordómar voru fyrir samsæriskenningum á RÚV, og komið var inná þau mál feimnilaust í heimildaþáttum erlendum.

Þátturinn í gær fjallaði um hveiti og glútenóþol og skylda hluti. Þar kom fram þetta sem er merkilegt, að hveitið í dag er ekki sama hveiti og forfeður okkar neyttu. Nútímahveitið er erfðabreytt eins og svo margt í okkar samtíma.

Þeir sem eiga risastór fyrirtæki stjórna lífi okkar meira en stjórnmálamenn að því er virðist. Betur og betur kemur það í ljós að elítan stjórnar heiminum einsog mafíuleiðtogar stjórna eiturlyfjamarkaðnum.

Matvælaiðnaðurinn er eins og stundaglas. Efst eru firnamargir framleiðendur sem fá frekar lágt verð. Í miðjunni eru örfáir auðrónar sem hirða gróðann og selja almenningi. Síðan fyrir neðan þá er almenningur og heildsalar, mikill fjöldi, mikið okur, þar safnast ekki gróði.

Um síðustu áramót kom það í fréttum að 1% mannkynsins hafði grætt 99% af öllum gróða á lyfjasölunni í kófinu og orðið enn ríkara. Þessar tölur eru svo háar og sjúklegar að fólk staldrar við eða fattar þær ekki.

Á góðri íslenzku er hægt að segja að þetta fólk er ofmetið, þetta 1% sem á 99% allra peninga í heiminum. Þetta fólk er ekki bara ofmetið, heldur fáránlega ofmetið. Það gerir sjálfa sig að guðum, eða djöflum öllu heldur. Raunverulegir guðir skaðast ekki af goðlasti, heldur þeir sem beita því.

Hægrimenn eru alveg jafn fastir á klafa eigenda mannkynsins og vinstrimenn. Þeirra villur koma vel í ljós á okkar tímum, þegar þeir geta ekki tekið rétta afstöðu og láta trúmálin blinda sig og hefta.

Ef maður lítur á fjárhagskerfi mannkynsins þá sér maður að það er froða að langmestu leyti. Þessi auðævi auðrónanna eru því upplognir peningar, matadorpeningar, eða rafmynt, og þó gild á meðan almenningur óttast og tekur þátt í leiknum (enda fátt eða ekkert annað í stöðunni því allir eru í sömu snörunni).

Fyrir 70 árum var uppi stjórnmálamaður með lausn á þessu. Hann fór ekki aðeins gegn skipulögðum stjórnmálum heldur skipulögðum trúarbrögðum einnig. Enda hefur það komið í ljós að skipulögð stjórnmál eru skipulögð glæpastarfsemi og skipulögð trúarbrögð einnig. Ekki skrýtið að Elítan notar þennan stjórnmálamann sem Grýlu og hefur reynt af öllum mætti að útmála hann sem slíkan. Þeir sem ekki eru fífl sjá þó strax í gegnum það.

Tap þessa stjórnmálamanns var ekki tap heldur sigur. Jesús Kristur tapaði líka í augum umheimsins þegar hann var krossfestur. Það tók áratugi og aldir fyrir hann að rísa upp að nýju þannig að hann varð sterkari en nokkrusinni fyrr, í andanum, vel að merkja og að trúarbrögð yrðu kennd við hann.

Íhugum og athugum afleiðingarnar af því sem kom fram í heimildamyndinni á RÚV í gær. Ef það er satt að risafyrirtækin séu viljandi að nota meindýraeyði sem veldur krabbameini, hjartasjúkdómum, offitu, ofnæmi, og fjölmörgum kvillum og sjúkdómum, svo mörgum að þá væri erfitt að telja alla upp, þá breytir það afstöðu okkar til vestrænnar menningar, ekki satt?

Ef þetta er satt sem kom fram í þessari heimildamynd í RÚV í gær þá vill Elítan okkur ekki vel, heldur notar okkur bara sem þræla, tilraunadýr og féþúfu.

Ef þetta er satt með meindýraeyðingu óþarfa og skordýraeitur sem notað er að óþörfu þá má segja að samsæriskenningarnar um Covid-19 og bóluefnin verði trúverðugri í kjölfarið, því ef Elítan notar óþarft eitur á matinn er hitt trúlegt með bóluefnin skaðlegu eða gagnslausu.

Ég er þeirrar skoðunar að allar byltingar hefjist og fái réttmæti fjöldans þegar konur fara að taka þátt í þeim og leiða þær. Það er nú þannig að áhugi kvenna á heilsurækt er meiri en áhugi kvenna á heilsurækt og því leiða þær þessa heilsuræktarbyltingu miklu frekar en við karlarnir.

Þessi heilsuræktarbylting er komin á mikinn skrið og heyra má drunurnar í henni ef svo má segja.

Því má segja að ég sé bjartsýnn um að sigur vinnist á annarri spillingu einnig, en það bara tekur tíma.

Um flókna tilurð lagsins Jokerman eftir Bob Dylan, þó ekki túlkun á kvæðinu að þessu sinni, tengsl við nútímaatburði.

Ég hef gaman af að túlka kvæði eins og til dæmis David Weir hefur gert býsna vel á ensku, það er að segja söngtexta Dylans, sem hann túlkar á vefsíðu sinni sem venjuleg kvæði, og gengur vel, þótt hann leggi út frá þeim á of kristilegan hátt, eða svo finnst mörgum sem gagnrýna túlkanir hans á ensku.

Ég er ekki með túlkun á textanum við Jokerman á reiðum höndum, kem kannski síðar með ljóðskýringar við það merkilega verk. Þó má segja að þessi pistill minn sé nokkurskonar inngangur að skilningi á verkinu, því ég kem með nokkra fróðleiksmola sem hjálpa til við að skilja verkið betur.

Jokerman er upphafslag plötunnar "Infidels" eftir Bob Dylan frá 1983. Það orð getur þýtt "Villutrúarmenn", "Trúleysingjar" eða "Ótraustsverðugur einstaklingur". Fidelity er þó traust, og tel ég infidel komið af þeim rótum, en orðið hefur trúarlega merkingu nær eingöngu, í algengustu notkuninni.

Umfjöllun mín um þessa hljómplötu Bob Dylans er ekki úr lausu lofti gripin, núna þegar átök Palestínu og Ísraels magnast enn á ný, og að þessu sinni með grófum hætti,  því það var talið af mjög mörgum að hann hefði sæzt við gyðingatrúna sína með plötunni, sem hann var fæddur inní, þar sem hann er af gyðingaættum, kemur úr þannig fjölskyldu, en hefur sýnt þeirri trú mismikinn áhuga á ævi sinni, og stundum ekkert viljað með hana hafa. Það er þó ljóst að á þessu tímabili hneigðist hann eitthvað til gyðingatrúarinnar.

Allt sem Bob Dylan gaf út á þessum tíma skiptir mig mjög miklu máli, því ég var að uppgötva hann á þessum tíma, þegar jafnaldrar mínir lágu yfir Wham og Duran Duran.

Það má því segja að ég hafi velt fyrir mér dularfullum vísunum þessarar plötu fyrir mér nær alla mína ævi. Öðru máli gegnir um "Empire Burlesque", frá 1985, á yfirborðinu er hún auðskilin, en fjallar þó um Armageddon þegar betur er að gáð, eins og ég fjallaði um í pistli fyrir ári síðan, eða einhverntímann fyrir allnokkru. "Knocked Out Loaded" frá 1986 var hinsvegar gerð til að klára plötusamning, og hefur tæplega dýpri merkingu en safn misgóðra laga bæði eftir Dylan og aðra.

Í viðtali sem Bob Dylan veitti blaðamanni einum fimm mánuði eftir útgáfu plötunnar, sem var 27. október 1983, og viðtalið hefur þá birzt í marz 1984 samkvæmt því, kemur ýmislegt fram, upplýsingar sem meistari Dylan gefur blaðamanninum. Rétt er að taka það fram að Bob Dylan er frægur fyrir það að gefa sjaldan færi á viðtölum við sig.

Í umræddu viðtali var hann spurður að því hversvegna hann hefði kallað plötuna:"Trúleysingjar". Hann svaraði að upphaflega hafi hann viljað kallað hana "Surviving in a Ruthless World", sem á íslenzku myndi kallast:  "Að lifa af í grimmum heimi," en síðan hafi hann hætt við þá nafngift þar sem margar plötur á undan hafi byrjað á stafnum "S" og hann hafi viljað rjúfa þá hefð.

Í frekari svörum hans kemur þó fram að hann fyrirlítur fólk almennt og telur það trúleysingja, hvort sem það er frá sjónarhóli gyðings, kristins manns eða tónlistarmanns. Það má túlka útúr því að hann spyr hvort fólk hefði viljað að hann hefði kallað plötuna "Skepnur", "(Animals)". "Hvað vill fólk að maður kalli það?" spyr hann. Af þessum svörum er það alveg ljóst að það er trúmaðurinn Bob Dylan sem svona lýsir samtíma sínum, sem syndurum og trúleysingjum.

Fleira merkilegt má segja um plötuumslagið. Í staðinn fyrir að birta texta á nærbuxnablaðinu, (þessu sem umlykur plötuna sjálfa og verndar fyrir ryki og rispum), þá birtir hann þar mynd af sjálfum sér tekna í Ísrael af fyrrverandi eiginkonu sinni, Söru.

Umrædd mynd á nærbuxnablaðinu er tekin á Ólífufjallinu fyrir utan Jerúsalem, og krýpur þar Bob Dylan og tekur upp stein, eða er í þann mund að gera það.

Á plötunni er einnig hið mjög svo umdeilda lag "Neighborhood Bully", sem eiginlega allir túlka sem stuðningsyfirlýsingu í garð Ísraels í deilu þeirri við Palestínumenn. Hafa mjög margir verið á móti því lagi, en hlynntir flestum öðrum lögum plötunnar.

Lag sem komst ekki á plötuna en var þó tekið upp fyrir hana fjallar um gyðingahjónin Júlíus og Ethel Rosenberg, sem voru tekin af lífi fyrir njósnir, og er það frægt mál og umtalað.

Annað umdeilt lag á plötunni er "Union Sundown", (Sólarlag verkalýðsfélaganna), þar sem Bob Dylan kemur fram með stæka þjóðerniskennd, að hann vilji ekki sjá erlenda framleiðslu í Ameríku, að Bandaríkjamenn eigi að framleiða fyrir sig sjálfir. Þetta er sami boðskapur og Donald Trump kom fram með, og Joe Biden og demókratar eru andvígir, því þeir vilja frekar alþjóðavæðinguna.

"Man of Peace" er nú kannski merkilegasta lag plötunnar, þar sem hann gagnrýnir friðarhreyfinguna grimmt og húmanismann, að Satan komi oft fram sem húmanistinn mesti, og standi þar einatt á bakvið, þar sem er mannúð og mannréttindi vinstrimanna og jafnaðarmanna, að Guð einn sé góður má lesa útúr þeim texta, eins og var boðskapur Jesú Krists, þótt ekki sé það sagt alveg svo berum orðum í textanum, en þó gefið skýrt í skyn, vissulega.

Af allri þessari upptalningu má merkja það að þarna sættist Bob Dylan við sínar gyðinglegu rætur og umfaðmaði gyðingdóminn, að svo miklu leyti sem honum var unnt, þar sem hann er flókinn persónuleiki, og efagjarn í eðli sínu, gleypir helzt ekkert hrátt, og sízt það sem kemur frá fjölskyldunni eða hans nánast umhverfi, kannski. Það sama má kannski segja um mig og fleiri svo sem.

Um leið og hann missti hina kristnu trú öðlaðist hann trú feðra sinna, gyðingdóminn, en á næstu plötu er hann orðinn fullkomlega veraldlegur, að mestu leyti, að vísu.

Hvað um það, lagið Jokerman er að öllum líkindum elzta lag plötunnar. Bob Dylan sagði það sjálfur að það hefði orðið til eftir svipaðar pælingar og birtust í "Carribean Wind", sem var hljóðritað 1980 og 1981.

Þó má leiða að því líkum að í grunninn hafi það verið samið svo snemma sem 1977 eða jafnvel 1976. Það vita Dylanfræðingar að hljómplatan "Street Legal" frá 1978, sem var samin sumarið 1977 á búgarði að mestu leyti, fjallar um Tarot-spil að miklu leyti.

Þessi lína er úr Jokerman, útgáfu sem ekki var notuð og er eldri:

"So drunk, standing in the middle of the street

Directing traffic with a small dog at your feet."

Þetta er eiginlega mjög svo í samræmi við Fíflið í Tarotspilunum, eða Trúðinn.

Ég ætla ekki að rekja atriði textann frá atriði til atriðis. Það yrði of mikið af smáatriðum til að fjalla um.

Hinsvegar er þetta vegvísir að því að skilja hvernig Dylan býr til texta. Hann raðar saman atriðum eins og púsluspilum, ekki endilega í rökréttri röð.

Sumir hafa talið þetta lag vera um Ronald Reagan, sem þá var forseti Bandaríkjanna. Það er ekki fullkomlega ljóst. Kvæðið er margslungið og flókið. Það er einnig fullt af Biblíutilvitnunum. Kannski fer ég seinna útí að reyna að túlka það almennilega.

Þetta nægir að sinni, til að vísa fólki á áhrifin sem Dylan varð fyrir þegar hann samdi plötuna.

Hraðinn eykst í samfélaginu og hraðinn í tækninni einnig. Hvað þola líkamarnir mikið af breytingum?

Ég hef úttalað mig um heimsmálin í bili, ég skrifaði stutta og fremur hlutlausa grein um þau mál og finnst hún nægja. Þó er alltaf af nógu að taka. Í löngum pistlum fræðimanna og þeirra sem eru grúskarar eru gullkorn sem getur verið gaman að skoða betur og fjalla um, hafi maður eitthvað um slíkt lesið.

Í langri grein meistara Hreinbergs minntist hann á að "5G sendarnir fínstilla tíðnina eftir því hvernig tilfinningar séu æskilegar meðal fólks hverju sinni." Það vill nú þannig til að ég hef tiltölulega nýlega keypt mér bækur sem ekki voru um þetta eingöngu, en þar sem höfundarnir koma inná þetta, og tengja saman kófið og ýmislegt annað við þetta.

Ég ætla ekki að þykjast vita sannleikann um þetta, 5G tæknina eða annað, en, þó vil ég segja að mér finnst full ástæða til að taka mark á þeim sem telja hér að einhver mörk séu á þessu og hvort þetta sé heilsusamlegt fyrir fólk eða önnur of þróuð tækni, óþarflega, það er að segja, gjörsamlega.

Vandinn við samsæriskenningarnar um 5G tæknina er að þær eru frekar fjölskrúðugar. Sumir halda því fram að hún skipti miklu máli í að rífa niður mótstöðuþrek fólks gegn sjúkdómum og pestum, aðrir halda að hún sé hluti af múgstjórnun og múgsefjun.

Ein áhugaverðasta kenningin kom fram um 2020, sem fjallaði um það að Covid vírusinn og 5G tæknin ynnu saman að því að gera fólk veikt, og vísað var í að mestu útbreiðslustaðir veikinnar voru þar sem nýjum 5G sendum hafði verið komið fyrir, þá í Wuham í Kína og á Ítalíu, og svo víðar. Tilviljun? Kannski ekki, en það er ekki gott að segja.

Bylgjur geta gert fólk þreytt, að minnsta kosti, og kannski veikt. Þær dynja á fólki eins og létt högg. Ég á frænku sem oft hefur frætt mig um þetta og hún telur rafbylgjur kannski aðalástæðu fyrir því að hún er ekki eins hraust og hún óskar sér. Hún er því skiljanlega mjög andsnúin 5G kerfinu og öðrum áformum af því tagi.

Núna í sumar eignaðist ég bók eftir ótrúlega mikinn samsærisnörd á ensku, og hann fléttar saman geimverufræðum og 5G, en reyndar hafa margir gert það. Telur hann að annaðhvort hafi geimverur yfirtekið jörðina eða muni gera það og 5G tæknin sé hluti af því, og kófið.

Síðan á ég aðra bók sem er eldri, og þar er fjallað á svipaðan hátt um þetta. Sá höfundur er mun jarðbundnari, en kemst að svipaðri niðurstöðu. Það er líka fremur stutt síðan ég eignaðist þá bók, en hún er meira um breytingar sem höfundurinn telur væntanlegar.

Síðan má ekki gleyma þeim sem fjalla um Endurræsinguna miklu, Elítuna og svipuð atriði. Þar er oft þessu fléttað inní líka.

Það er mjög furðulegt hvernig fólk telur sig nauðsynlega þurfa tækninýjung sem er tízkubylgja, þótt það sem fyrir er dugi alveg. Jens Guð poppfræðingur kom með stórkostlega góða grein í gær um lýtaaðgerðir og áhrifagirni, það er bara fyrirbæri sem tengist þessu líka, svona hegðun.

Eins og ég kom inná áðan, það er engin leið að vera viss um þetta, þegar opinberlega þessu er öllu hafnað, en mýgrútur samsærisnörda fjallar um þetta.

Þó er það alveg víst að fólki er ekki sjálfrátt og það þeysir áfram eins og andsetin svínahjörð, eins og þessi sem Kristur setti vondu andana í, samkvæmt Biblíunni, frekar en yfirvegað og rólegt fólk sem tekur sjálfstæðar ákvarðanir alltaf.

Ég er hættur að kynna mér samsæriskenningar að ráði, og hættur að nenna að lesa bækur í gegn, renni yfir þær á hundavaði. Ég hef reyndar sjaldan verið fyrir mikinn bóklestur, var það heldur ekki í skóla. Þó eru til bækur sem ég hef sýnt þá virðingu að lesa þær spjaldanna á milli. En þegar maður hefur lesið einhvern slatta af "góðum" bókum þá þarf maður ekki að lesa mikið meira, þá skilur maður þetta allt og fátt kemur manni á óvart í raun.

Ég held þó að fólk ætti að vera meira á varðbergi gagnvart 5G og öðrum tækninýjungum. Að minnsta kosti er ekki rétt að telja alla ómarktæka sem búa til samsæriskenningar um þetta eða fjalla um þær.

Eðlilegt er að ráðherrar deili á aðra ráðherra í ríkisstjórn. Hér er sjálfstæðiskona að sýna styrk sinn og flokksins, og er samhljómur með þessum boðskap víða.

Áslaug Arna stóð sig vel. Pólitík snýst um deilur og völd en ekki um rjómabros við andstæðingana. Áslaug Arna er vaxandi stjórnmálamaður og hún sagði ekkert sem hún þarf að skammast sín fyrir, aðeins það sem margir eru sammála um.

Þegar Sjálfstæðisflokkurinn var sem stærstur og voldugastur báru andstæðingarnir óttablandna virðingu fyrir honum og ráðherrum hans. Hið öfgafulla RÚV hefur síðastliðna áratugi lagt hægrimenn í einelti, og þessvegna var þetta gert að fréttaefni, sem er alveg sjálfsagt og eðlilegt að ráðherrar séu ekki sammála í ríkisstjórn.

„Ég skil vel að henni sárnaði þetta“

Friður hefur ekki komizt á í Palestínu hingað til með því að fordæma annan aðilann

Þessi árás var ekki gerð í tómarúmi. Sú var tíðin að vinstrimenn stóðu með Palestínumönnum en hægrimenn með Ísraelsmönnum. Mannfallið er miklu meira hjá Palestínumönnum og þeir eru verr vopnum búnir, fyrir utan að stöðugt er verið að þrengja að þeim á Gaza ströndinni. Það virðist því ekki vera mannúð sem vakir fyrir Þórdísi Kolbrúnu utanríkisráðherra, heldur eins og svo oft áður samstaða með Bandaríkjamönnum og þeirra áherzlum.

Stjórnin sem nú er komin til valda í Ísrael er af flestum talin harðlínustjórn og jafnvel öfgastjórn, jafnvel af stórum hluti landsmanna sem eru þar. Í því ljósi þarf einnig að athuga þetta. Það hlýtur að auka spennuna og reiðina hjá mótaðilanum.

Alveg eins og þegar Þórdís Kolbrún tekur afstöðu í Úkraínustríðinu þá lítur hún hér á aðra hlið málanna og telur að unnt sé að leysa þetta bara með því að standa með öðrum aðilanum, sem Bandaríkjamenn styðja.

Svona stjórnmálamenn eins og Þórdís Kolbrún eru ekki þroskaðir stjórnmálamenn, þeir taka ekki eigin afstöðu, heldur bergmála hæsta öskrið sem kemur frá Bandaríkjunum, sem eru enn eitt voldugasta herveldið í heimi, ef ekki það voldugasta, þótt efasemdaraddir séu komnar fram um það líka.

Ísland fordæmir hryðjuverk Hamas

Fortíðin skal rifin fyrir þá framtíð sem þau kjósa

Ísland skal rífa til grunna fyrir fangelsi Satans segja Sjóræningjar og Samspilltir. Ekki skal eiga neinar minningar frá sómakærri tíð þegar menning ríkti á landinu, né leyfa ömmum og öfum að ala upp börnin, það skal gert á stofnunum ríkisins.

Hér skulu djöfulóðir og eigingjarnir andar ráfa um götur í holdi mannvera. Skulu þeir fyllast af æ verri og fáránlegri firrum til að gleðja samskonar anda í útlöndum hinna mannúðugu húmanistaríkja.

Ekki skal leyfa bókmenntir þar sem vitnað er í tímann fyrir Umbyltinguna miklu. Rífa skal hús þar sem gamaldags fólk bjó með gamaldags skoðanir byggðar á kristni, Biblíu eða hefðum, íhaldi og siðum, venjum.

Ísland er hin nýja fanganýlenda heimsins eins og Svíþjóð. Botníuflói Ástarlíu hefur gegnt sögulegu hlutverki sínu. Slíkar fyrirmyndir gylla þjóðina sem er haldin masókisma.

Rétt eins og innfæddir fangar Svíþjóðar sem kjósa pyntingameistara sína yfir sig eru SÍSlendingar ófærir um að skilja örlög sín. Framsóknargenið ræður, grautargrámyglan og moðið.

 

Þetta gæti verið upphafið á sögulegri framtíðarskáldsögu byggði á reynslunni á því að vera SÍSlendingur.

 

Mér er nokk sama hversu mikið verður rifið á menningarsnauðu landi hruninnar menningar.

Makleg málagjöld krefjast þess að þar sem mistök eru gerð verði afleiðingar í samræmi.

Borgin hissa á tillögu borgarinnar

Forræðishyggjan, að banna reykingar og fleira.

Ég verð að segja að ég hef takmarkaða trú á þessari hafta og bannastefnu sem er svo víða í tízku. Rishi Sunak vill útrýma reykingum fullkomlega í Bretlandi. Minnir mig á bannárin í Bandaríkjunum þegar útrýma átti áfengisbölinu. Það fór heldur betur á annan veg og glæpir þrifust og spruttu upp á hverju götuhorni.

Jafnvel hægrimenn eru farnir að herma eftir vinstrimönnum í þessari banna og haftastefnu.

Enginn unglingur verður brátt fær um að kaupa sígarettur löglega ef þetta gengur eftir. Unglingar ná sér í það sem þeir vilja, hafa alltaf gert, með aðstoð fullorðinna þá ef þörf er á.

Ég held að minnkandi reykingar í nútímanum hafi með eitthvað annað að gera en boð og bönn. Húðflúr og lokkar eru eyðilegging líkamans sem ungt fólk kýs frekar nú á dögum.

Reykingar eru einfaldlega tákn um gamla tíma. Þær voru svo algengar á 20. öldinni að slíkt dettur úr tízku þessvegna, því þannig er tízka unglinganna, ekki að herma eftir síðustu kynslóð, heldur finna eitthvað annað sem þeim fer að finnast flott.

Auk þess hafa harðari fíkniefni komið í staðinn fyrir reykingar. Þannig er líka nútíminn, ekki að stytta sér leið, ef fólk vill setja svona efni inní sig vilja fleiri eitthvað virkilega sterkt.

"Vill banna ákveðnar bragðtegundir", stendur í fréttinni einnig. Þetta er alveg dásamlegt. Alveg í samræmi við dystópískar skáldsögur um afvegaleidd mannkyn á vítishnöttum.

Hvílíkir beturvitar og forræðishyggjufasistar sem ganga lausir í nútímanum og fá að sýna vald sitt án þess að almenningur setji pólitíkusana af í kosningum! Ekki var Boris Johnson svona að minnsta kosti, en hneykslisöldurnar sviptu undan honum fótunum, eins og þær væru hluti af Metoo og slíkum bylgjum, þótt á öðrum sviðum væru, eins og að gæta ekki að sóttvörnum með Partygate og hegða sér ekki í samræmi við opinbera sóttvarnarstefnu.

Almenningur ber ábyrgð á því að gera svona hegðun óvinsæla með því að kjósa í burtu svona fólk. Almenningur hlýtur að ráða með því að segja skoðun á fasískum aðgerðum og kjósa í samræmi við aðdáun eða andúð á fasisma, bannastefnum, sem auðvitað mega flokkast undir hann.

En kannski vill fólk forræðishyggju almennt.

Hyggst banna reykingar alfarið í Bretlandi

Í frétt í DV í dag kemur fram að Rússar búast við að beita kjarnorkuvopnum ef í nauðirnar rekur. Þá eru sýklavopnin skárri, sem aðeins drepa fólk.

Ég vil vekja athygli á því sem hefur framhjá mörgum - eða flestum, "Rússar undirbúa stjórstyrjöld," er DV frétt sem birtist í dag, en það sem kemur fram í fréttinni snertir alla jarðarbúa. Heimska Vesturlanda hefur nú náð nýjum hæðum því Rússar eru farnir að gera ráð fyrir því að beita kjarnorkuvopnum, og tala nú um opið stríð gegn Vesturlöndum öllum. Með því að sjá Úkraínu fyrir vopnum er búið að valda þvílíku mannfalli í Rússlandi að þeir neyðast til að stigmagna stríðið svona.

Vitfirringar og stríðsglæpamenn búa nú í hverjum manni á Vesturlöndum sem aðhyllist femínismann og jafnaðarfasismann.

Í kalda stríðinu var talað af skynsemi um að aldrei mætti magna upp þessa hættu á kjarnorkustyrjöld. Það er ekkert launungarmál að fávitar á Vesturlöndum, (femínistar, sem eru eiginlega allir á Vesturlöndum) telja það hættulegra að lúta valdi feðraveldisins heldur en að deyja í kjarnorkustyrjöld. Þetta er alfullkomin vitfirring Vesturlandabúa sem drepa sig úr dópi frekar en að aðhyllast réttar stjórnmálaskoðanir, sem eru kallaðar hægriöfgar núorðið.

Nú er hart látið mæta hörðu. Selenskí sem er forríkur orðinn og gjörspilltur af vestrænum fjármunum býr sig undir langvinnt stríð, (meiri gróða, meiri spillingu).

"Sjúkt þjóðfélag" skrifar Björn nokkur undir, spurningin er þessi: Eiga þau orð við Úkraínu, Vesturlönd, eða Rússland, eða öll þessi lönd?

Ef það er ekki til of mikils mælzt, lærið af Agli, þið góða fólk sem tókuð við þættinum hans.

Áhugalítill horfði ég á Silfrið. Skárra en ekkert segi ég um þann þátt, en glötuð tækifæri, ekki farið djúpt í málin, bara fleytt rjómanum ofanaf eins og í Kastljósinu.

Eins og ég hef skrifað um áður hafði Egill Helgason hæfileika til að fara á dýptina í málin á örskömmum tíma fyrir Hrunið 2008.

Við hann er ekki að sakast. Það er búið að binda hann og kefla bókstaflega, setja heftiplástur fyrir munninn á honum.

Ég kann nokkuð vel við nýja þáttastjórnendur, þau gera þetta faglega, allt er þetta áferðarfagurt og smurt, en léttvægt þó um leið.

Heimurinn er bara öðruvísi en fyrir Hrunið. Hrunið var skipulagt af Elítunni og Elítan telur sig vera í umboði ákveðinna máttarvalda, hefur vissulega til þess völd og rænda fjármuni, eða réttara sagt uppspunna fjármuni, froðupeninga, sem eru loftbólur, en segið ekki frá, þá kemur annað hrun, eða ekki.

Það er ekki skrýtið að heimurinn sé öðruvísi en fyrir Hrunið. Allt hluti af áætlun. Sú staðreynd að heimurinn ER öðruvísi en fyrir Hrunið SANNAR að Hrunið var planað, því var hrint í framkvæmd til að fá ákveðnar niðurstöður, óhagstæðar fyrir suma, hagstæðar fyrir aðra.

Galdur Egils Helgasonar var einfaldur. Hann hrúgaði saman ólíku fólki og lék leikbrúðumeistara sem veifaði höndunum, þess sem togar í spotta.

Auk þess sagði hann stikkorð sem æstu upp púkana í ólíku fólki. Þannig kom hann því til að rífast. Setningar voru sagðar sem innihéldu sannleika en ekki aðeins hið æfða leikrit réttlætisveruleikans.

Hið æsta fólk í Silfri Egils fyrir Hrunið sagði setningar sem geymdu gullkorn sannleikans. Sá sem horfði á imbakassann hló eða svitnaði og vaknaði til umhugsunar eins og eftir gott leikrit.

Annað snilldarlegt sem Egill Helgason gerði, sem arftakarnir gætu gert, ef þau hafa metnað í meira en yfirborðsmennsku, hann var sífellt að skipta um fólk í settinu og leyfði því mjög mörgum að taka, var sjaldan með drottningarviðtöl, en reyndi að fá flesta til að segja eitthvað virkilega krassandi.

Enn eitt snilldarlegt sem Egill Helgason gerði var þetta: Hann hafði ekki andúð á ólíkum skoðunum. Hann las eitthvað öfgakennt á bloggsíðum eða í athugasemdakerfum DV og LEITAÐI UPPI þetta fólk með öfgafullar skoðanir til vinstri eða hægri sem vakti athygli, og bauð þessu fólki að koma í þáttinn og eiga sitt augnablik af frægð, í 10 mínútur, áður en því var skipt út fyrir annað fólk.

Auk þess fékk hann útlendinga frá öðrum löndum með sérsvið sem mjög fáir Íslendingar þekktu og talaði jafnvel á frönsku, þýzku, ensku eða öðrum tungumálum. Þannig varð þátturinn enn meira spennandi og áhorfandinn varð að einbeita sér meira. Nú er Silfrið framhald af Kastljósinu. Því miður lítill metnaður, því miður sóun á hæfileikum og fjármunum skattgreiðenda.

Snotrar dömur af báðum kynjum gera þetta allt faglega. (Karlkynið er dautt og bannað, athugum það, og syndsamleg ósannindi að halda öðru fram). Ef það var þó áberandi að viðmælendur voru leikbrúður fyrir Hrunið þá er það enn meira áberandi núna.

Það er sumt sem er slæmt við það að vera með svo rýra stjórnmálaþætti. Nýtt Hrun fær ekki almennilega umfjöllun. Fólkið í landinu heldur áfram að vera fórnarlömb, þolendur en ekki gerendur.

Af hverju er farið aftan að öllum? Af því bara!!!

Það þarf ekki mikið til að gera þáttinn svolítið hvassari og dýpri. Spyrjið frá hjartanu en ekki út frá hræðslu pólitískrar rétthugsunar. Fáið viðmælendur sem hafa ekki svipaðar eða sömu stjórnmálaskoðanir, til vinstri.

Auk þess er búið að stytta þáttinn! Æ, hvílíkt metnaðarleysi!

Helstefnan er ríkjandi á jörðinni sem aldrei fyrr

Helstefnan er eins og röng gata sem var valin í fortíðinni. Lífstefnan er sú braut sem leiðir að lindum lífsins og farsældarinnar. Í heiðnum trúarbrögðum er mikið fjallar um lífgefandi lindir og gyðjur tengdar þeim oft og einatt og gyðjudýrkun.

Í Nýalsfræðunum er manni gert það ljóst að helstefna endar oft ekki fyrr en seint og um síðir. Þar er manni einnig gert það ljóst að sjálfsblekkingin einkennir púkana í vítunum, sem í mörgum tilfellum eru nákvæmlega eins og fólk þessarar jarðar, sem fallið hefur ofaní slíka gryfju.

Swedenborg fjallar um svipaða hluti í slíkum ritum. Hann taldi sig ræða við engla um vítin og himnaríkin, lífstefnuhnetti og helstefnuhnetti eins og dr. Helgi Pjeturss orðaði þetta.

Swedenborg fjallaði um það að púkarnir í vítunum afneita þeim erfiðleikum sem við þeim blasa oft, telja sig gera rétt, segja rétt og aldrei gera nein mistök.

Til að leiðrétta helstefnuna þarf að leita til baka, átta sig á því hvar hin ranga braut var valin, og hinar fjölmörgu röngu brautir.

Gætum þess að þótt útlitsfrítt geti kvenfólk verið, og hér á Íslandi geti það heitið gyðjunöfnum, þá bregða djöflynjur og púkynjur spilltar slíkum gervum yfir sig einnig oft og einatt.

"Leggið er ekki nafn Guðs við hégóma." Það á einnig við um þetta.