Spámenn eða ekki?

Ef heimsendir verður ekki á næsta ári er gæti mannkynið þurft á skrifum Guðjóns Hreinberg að halda. Get ég því ekki skilið að sá guð sem öllu ræður leyfi honum að taka þetta allt niður, en það fer eins og það fer.

 

Ég er talsvert meira farinn að hallast að því hann geti verið þessi spámaður sem hann telur sig vera, eftir að hafa lesið vefsíður hans betur, ef það er rétt túlkað hjá mér, það er að segja. Ég er samt lengi að sannfærast. Fullkomin sannfæring er ekki til staðar, en spekingslegt er þetta og sannfærandi. Það vantar alveg svona bækur á markaðinn eins og það sem hann skrifar.

 

Þetta er eins og með skólalærdóminn. Ég vildi læra eitthvað allt annað en kennt var, og pirraðist á að kennarar reyndu að troða sinni þekkingu í mann.

 

En falsspámenn, kristnir spámenn, sannir spámenn... hver er munurinn? Boðskapurinn skiptir máli, ef þetta er sannleikur eða boðskapur sem á erindi er það nóg.

 

Útvelji maður sjálfan sig spámann er maður talinn trúður. Útvelji maður sjálfan sig sem eitthvað auðmjúkt fyrirbæri sem fólkið kallar spámann er maður spámaður í augum fólksins, hvort sem það er rétt eða ekki.

 

Maður horfir á heiminn og sér það óréttlæti að glæpir borga sig en heiðarleiki ekki, og dyggðir sízt. Fyrir mig er það ekkert svo mjög erfitt að sætta mig við það, sem lengi hef trúað Sverri Stormsker, sem söng á Stormskersguðspjöllunum: "Ef Guð er til þá eiga menn að hata hann".

 

En okkar gallaði heimur finnst mér sönnun þess að betri heimar séu til. Maður sér ófullkomleikann, þar af leiðandi hlýtur að vera til fullkomleiki.

 

Ég komst að þeirri grunnniðurstöðu fyrir löngu að við værum tröllabeita.

 

Þetta eina orð er djúphugsað og útpælt. Þór sjálfur stjórnar þessu. Tröllin eru heilög og þau ber að tigna og trúa á, nema guðirnir eru enn heilagri, tel ég að sé líklegt. Ekkert er víst í þessu, en mér finnst þetta sennilegasta tilgátan sem ég kemst að.

 

Guðjón Hreinberg er einn fárra leiðtoga og forystusauða sem til eru. Kannski er hann hinn eini sanni spámaður, en hvernig ætti Guð þá að leyfa honum að eyða verkum sínum?

 

Ég er ekki sannfærður um að þetta séu eitursprautur. Heimspekilegar greiningar á nútímamenningunni held ég að séu þó langflestar réttar hjá honum, hvernig blekkingar eru allsráðandi, til dæmis.

 

Ef sagan endar ekki á næstu árum getur verið að konur muni enduruppgötva allt sem núna liggur í skúffum eða á netinu og fæstir veita athygli, en er satt og rétt, eða hefur verið fjarlægt af jafnaðarfasistum. Ég segi konur, því verið er að fjöldamyrða karlmenn eða ýta þeim til hliðar og í skuggann.

 

Ég hef oft verið þunglyndur á ævi minni en "Ferli hins jákvæða vilja" var nokkuð sem ég þekkti ekki fyrr en ég las hluta af því á síðum spámannsins okkar íslenzka. Nema það, að ég hafði fattað stóran hluta af því sjálfur og notfært mér án þess að lesa nokkra sjálfshjálparbók.

 

Ég er vanur að lesa örfáar setningar í bókum og henda þeim svo frá mér, læt það nægja, það kennir mér nóg, svo spinn ég upp innámilli og fatta.

 

Nema það að ég trúi ekki lengur á eyðinguna, hvorki heimsendi né eitursprautur. Jafnvel einhver hörmuleg niðurstaða af þessu öllu er bara nýtt upphaf á sama eða öðrum grundvelli. Þannig er allt hringrás eins og Ragnarök kenna. Og fjöldasjálfsmorð mannkynsins virðist mér ekki Ragnarök heldur eitthvað allt annað. Kannski Nóaflóðið nýja eða eitthvað svoleiðis. Vonandi í smáum stíl.

 

Þunglyndið er blekking eins og annað. 

Poppmenningin

Elítan hefur húmor og eigendurnir sömuleiðis. Vísbendingarnar eru í poppmenningunni engu síður en trúarritunum. Í nýjustu James Bond myndinni eru nanóörverur og nanóörþjarkar í aðahlutverki sem árásarvopn. Mikil ástæða er til að ætla að efnavopnahernaður en ekki sýklahernaður sé í gangi víða.

 

Sagan um Kain og Abel er táknsaga sem hefur fleiri merkingarlög en komið hafa fram enn. Hún segir fleira en menn vita.

Að vita hvað einhver er að fara

Maðurinn sem fréttin fjallar um er vissulega að fara úr flokki, og því má segja að hún viti ekki hvert hann er að fara, ef hann hefur ekki tilkynnt í hvaða flokk hann fer næst. Hins vegar segir maður:"Ég veit ekki HVAÐ einhver er að fara, ef maður skilur ekki hvað einhver er að segja.

 

Að vita hvað einhver fer, ekki hvert, nema um ferðalag sé að ræða.

 

Í íslenzkri orðabók frá 1993 stendur:

 

"Hann veit hvað hann fer, það er, hann veit hvað hann er að segja (gera)."

„Veit ekki hvert maðurinn er að fara“

Helgi Seljan, Landsréttur og RÚV

Lesi maður þessa frétt þá kemst maður að því að ekki bara konur geta kvartað undan dómstólum og að tapa þegar deilur kynjanna fara fyrir dóm.

 

Það hlýtur að vera erfitt að vera Helgi Seljan og femínískur aktvivisti, og skapa sér óvinsældir stórra hópa. Ætli það sama gegni ekki um að vera Sóley Tómasdóttir, Öfgakvendin, eða aðhyllast grimmdarfemínismann almennt?

 

Áhugamenn um þessi vandræði finna hér eitthvað til að kjammsa á.

 

Það er ótrúlegt hversu lengi öfgafemínisminn hefur ríkt. Árið 1997 samdi ég lagið "Jafnréttið er eina svarið", þar sem orðið "jafnaðarfasismi" kemur fyrst fram, held ég hjá mér. Þannig að í meira en 20 ár hefur fólk haft tilfinningu fyrir því að jafnréttið sé komið útí öfgar, hjá kynjafræðingum.

 

Nú eru komnir brestir í sannfæringuna og sannfæringarkraftinn. Á sama tíma og jafnaðaröfgarnar aukast verður gagnrýnin háværari gegn kynjafræðinni. Ekki aðeins karlrembusvín hljóma klikkuð, ekki síður kvenrembusýr.

 

Síðasti Kveiksþáttur var hið bezta skemmtiefni, á við góðan Spaugstofuþátt, þar sem aðeins Sóley Tómasdóttir var mjög fyndin, en aðrir farnir að draga í land og hljómuðu nokkuð eðlilega, þrátt fyrir allt.

 

Ég gat sálgreint hana á svipstundu. Hún hefur átt góðan pabba sem aldrei var ósammála henni og aldrei veitti henni föðurlegan aga.

 

Einu sinni ólust næstum allir karlmenn upp í feðraveldinu. Þeir áttu góðar mæður sem kenndu þeim að vera góð karlrembusvín og það væri þeirra skylda að kúga konur og komast áfram í lífinu.

 

Nú er öldin önnur og næstum allar konur allast upp í mæðraveldinu þar sem þeim er kennt að hata og kúga karla, og að þær eigi að vera góðar, litlar kvenrembugyltur, en að lenda annars í stóra, vonda úlfinum, sem er gamla feðraveldið í ýmsum myndum og á sér enn marga fylgjendur, mest þó í leyni.

 

Já, við mennirnir erum eins og litlir strumpar, alltaf jafn fyndnir.

 

En í sambandi við fréttina sem hér um ræðir, ætli svona meiðyrðamál kenni flestum að hætta svívirðingum í athugasemdakerfum og víðar? Ekki sízt þarf að kenna "góða fólkinu" aðeins betri hegðun í þeim efnum. Sennilega öllum, eða flestum.

Sex ára meiðyrðamál í Landsrétti

Að læra af Jónasi Hallgrímssyni

Burtséð frá allskonar deilumálum hef ég á tilfinningunni að raunveruleg þekking eða menntun sé ekki að aukast heldur minnka. Um leið og menntunin hefur færzt á Alnetið má segja að stöðlun hafi aukizt, því flestir sækja í sömu fræðslusíðurnar, Wikipediu og vinsælar eða viðurkenndar meginsíður. Það er langt frá því að búið sé að skanna allar bækur sem til eru, eða að nema lítill hluti af því efni sé aðgengilegur.

 

Ungt fólk sem ég kannast við eða þekki er ekki eins og margt fólk sem var sérviturt hér einu sinni, og hafði viðað að sér miklum bókasöfnum. Það getur verið kostur að vera sérvitur.

 

Það er ekki bara íslenzkan sem er í hættu heldur mennskan eins og hún leggur sig. Dystópískar skáldsögur geta alveg eins orðið að veruleika.

 

Íslendingar ættu að sýna sjálfstæði, og ráðherrar að hafa dýpri skilning á vandamálum sem þeir kljást við. Maður er þó auðvitað ánægður með það sem vel er gert.

 

Hnignun samfélagsins er ekki hraðari en svo að eyðileggingaröflin ná ekki nema á talsvert löngum tíma að valda stórskaða.

 

Samt væri það tiltölulega auðvelt að hefja stórsókn til úrbóta. Skilgreina hvað maður eins og Jónas Hallgrímsson stóð fyrir og fylgja þeirri forskrift. Það er ágætt að tigna hann sem persónu, en enn betra að læra af honum.

 

Dagur Jónasar var haldinn nýlega. Það er ekkert flókið að tileinka sér endurreisnarstarf hans, ef vilji er fyrir hendi.

Rómantíkin er meira en gott fegurðarskyn og listastefna áhrifarík

Ég mæli með þætti á RÚV á mánudaginn sem fjallaði um áhrif rómantísku stefnunnar allt til dagsins í dag, hvernig forkólfar hennar urðu að þjást og þola ofsóknir ríkjandi valds, skáldið Shelley, William Blake og fleiri. Þátturinn var frábær, því hann viðurkenndi byltingarafl rómantísku stefnunnar, allt frá frönsku byltingunni til gulvestungamótmælanna í nútímanum. Eitt sinn var rómantíkin kölluð óraunsæ sveimhugastefna, en byltingarafl stefnunnar var algjört, eins og kom fram í þættinum.

 

Eins og kom fram í þessum þætti er erfitt að ímynda sér stjórnmálastefnur 20. aldarinnar og 19. aldarinnar án rómantísku stefnunnar. Willam Blake hóf að berjast gegn rökhyggjustefnunni, með því að leggja áherzlu á hið dulda. Þar með kom einnig viljinn til að upphefja mátt fjöldans, því allt var mjög fast í skorðum stéttaskiptingar á þessum tímum.

Fjölgar mismælum og villum þegar fréttir um bólusetningar eru?

Nokkrar villur urðu í málfari sérstaklega á Stöð 2 í einum nýlegum fréttatíma, sérstaklega eftir að talað var um hve margir mættu í þriðju bústbólusetningu í Laugardalshöll. Kannski ekki tilviljun, ef það er rétt að fólk verði sljórra af þessum sprautum.

 

"Hún er ekki að gera bæði", hvort tveggja hefði verið betra.

 

"Að fólk geti sótt réttar síns" var sagt (réttar þíns), en þar er verið að slá saman leitað réttar síns og sótt sinn rétt.

 

Svo kom þessi setning:"Laugardalshöllin komið í gagnið," væntanlega mismæli, því "komin í gagnið" er almennt mál, og kannski fylgdi einhver streita þessum fréttaflutningi af bólusetningum sem hafa verið gagnrýndar eða einhver annarleg andleg áhrif hafi þarna verið á ferðinni.

 

"Tölurnar færast hærra", en réttara er "tölurnar hækka" eða "færast ofar".

 

Svo kom setningin:"Fjögurra vikna prócess", í staðinn fyrir "fjögurra vikna ferli", óþarfi að nota slangur hér í svo almennri setningu.

 

Enn kom setning með slanguryrðum:"Það er plan núna", skelfilega mikið um slangur þarna á stuttum tíma, "áætlun núna" er sjálfsagt að nota.

 

Oftast er maður ánægður með metnað og gott málfar í sjónvarpinu og blöðunum. Því miður er nauðsynlegt að benda stundum á svona villur, til að brýna alla til að gera betur.

DV frétt sem læra má af, "Athyglisverðar tölur".

Kristján á DV skrifar um að fleiri deyi óbólusettir í Trumpfylkjum en bólusettir í Bidenfylkjum Bandaríkjanna. Ef það er rétt styður það kenninguna um að kófið hafi verið sett af stað til að drepa niður þjóðernisvakningu í heiminum meðal trumpista og fleiri hópa útum allt, eða til að láta Biden sigra og slíka leiðtoga í öðrum löndum.

 

En athugasemdirnar undir sýna ekki mannkærleika:

 

"Gott mál að Trumpistum fækki umfram aðra."(Fréttastofa fáránleikans).

 

"Það hækkar þá greindarvísitalan í Trumfylkjunum." (Þorsteinn Jóhannsson).

 

Það sem þarf að athuga í þessu er siðfræði "góða fólksins". Það titlar sig sjálft gott fólk en lætur svona útúr sér - þetta er vissulega sama fólkið og talar gegn rasistum, því það telur þá tengjast Trumpistum.

 

Annað sem þarf að athuga hér er að svona hugarfar leiðir til óhæfuverka. Fólk sem er svona þenkjandi er alveg trúanlegt til að búa til veiru og dreifa henni til að ná pólitískum markmiðum. Þetta er sama hugarfar og Þjóðverjar höfðu sem töldu það "gott mál" að fara svona með hópana sem þeir reyndu að útrýma.

 

Ef við værum í skáldsögu eftir Agöthu Christie væri hér fundinn grunsamlegur, hugsanlegur sökudólgur að farsóttinni. Fólkið sem elskar alþjóðavæðinguna og kallar sig gott, eða nokkrir úr þeirra hópi.

 

Mér finnst það alveg með ólíkindum að Evrópa sé enn á ný þungamiðja faraldursins. Þar hefur fólk verið bólusett langmest og ætti því að vera laust við faraldurinn að langmestu leyti.

 

Enn er rétt að minna á þær niðurstöður vísindamanna að þessi veira er talin ráðast sérlega mikið á gen Neanderdalsmanna, sem eru helzt í germönsku fólki, í Evrópu.

 

Mikið er verið að líkja Hitler við það sem er að gerast núna, en þessir hópar sem fara verst útúr farsóttinni eru ekki hóparnir sem hann vildi ráðast á heldur vernda og passa uppá, þannig að andstæðingar hans eru frekar sökudólgar.

 

Hvað sem síðar verður.

 

Er nú eitthvað farið að snúast við að fjölmenningarpostular séu "góðir"?

Að þjálfa sig til að verða vinstrimaður og jafnaðarmaður

Mér finnst sem ég ætti að geta þjálfað mig í því að verða vinstrisinnaðri en ég er. Ég gæti alveg orðið ágætur vinstrimaður og jafnaðarmaður. Það er bara eitt atriði sem ég stranda á, það er þjóðrækni mín og þjóðerniskennd. Svo er það afstaðan til kvenréttinda og femínisma, mannúðar og mannréttinda.

 

Ég er sammála um loftslagsvána, og er þannig ekki sammála mörgum hér á blogginu með það.

 

Í laginu "Engar umbúðir" eftir mig frá 1984 eru þessar línur:

 

"Já ætíð dýrka gyðju þessa eina

þá aldrei mun þig kvelja nokkur él".

 

Þessi gyðja er Jörðin, móðir Þórs. Hún hefur mörg heiti í heiðnum trúarbrögðum.

 

Ef mér tekst að sannfæra mig um þessa mæðradýrkun aftur get ég trúað öllu sem vinstrimenn og jafnaðarmenn segja eins og nýju neti.

 

Fyrir mér vakir að ég vil ná vinsældum sem tónlistarmaður. Ég vil verða eins og Bubbi Morthens, og það tekst mér ekki nema ég verði vinstrisinnaður almennilega.

 

Að selja sál sína Djöflinum er kannski allt í lagi fyrst næstum allir gera það. Auk þess hefur maður engar sannanir fyrir þessu sem manni var kennt í æsku. Það eru bara orð og fullyrðingar sem standast kannski ekki, og eru kannski ekki sannleikur.

 

Maður á ekki að nota rökhyggjuna þegar maður ræðir samfélagsmál eins og femínisma. Maður á að hlýða og trúa í blindni. Annars verður maður útskúfaður. Allir hafa eitthvað á samvizkunni og geta bætt hegðun sína, og það er annað í þessu.

 

Mér er sama um hvaða keisarar eru naktir og hverjir ekki eða hvað er rétt og satt eða rangt eða ekki. Það sem máli skiptir er að þroskast félagslega, og að samlagast fjöldanum, vera ekki alltaf einfari.

 

Nú þegar maður veit að maður verður að selja sál sína Djöflinum fer maður kannski eitthvað að gera í því í alvöru. Maður hefur allt að vinna og engu að tapa, því heimurinn er tapaður fyrir löngu, það er ljóst.

 

Það er enginn sem getur sannfært þig nema þú sjálfur. Hafir þú hvorki sjálfsbjargarviðleitni né dómgreind verður þér hvorki bjargað né hjálpað. Þú getur hlustað og upplifað, en þitt er að taka afstöðu, ákvörðun.

 

Mín afsökun er að ég var aldrei lengi í leikskóla. Mér leiddist þegar ég var settur í leikskóla 5 ára svo amma tók mig úr honum aftur. En getur maður þroskast félagslega svona löngu seinna? Maður getur reynt, að minnsta kosti.

 

Það er varla neitt nýtt sem ég læri meðal frjálshyggjumanna. Það er þó ánægjulegt að eiga slík samskipti á jafningjagrundvelli þegar maður þekkir um hvað málið snýst og lærði það ungur.

 

Ég dáist að því hvernig jafnaðarmenn stjórna heiminum, og hvernig kommúnistum tókst að snúa öllu sér í vil, eftir fall kommúnismans um 1990.

 

Niðurstaðan er sú að ég held áfram að vinna í mínum fordómum og göllum. Mér finnst rétt að reyna að sýna auðmýkt og finna sína eigin galla.

 

Samt er ég á því að það hafi gildi að fá útrás og tjá sig um allt mögulegt sem er kannski bull og samsæriskenningar. Það er liður í þróun hjá manni, vonandi.

 

Nei, það kemur aldrei nein kreppa aftur og stjórnvöldin gera aldrei nein mistök, neinsstaðar. Það er synd að gagnrýna, nema sjálfan sig.

Mannlegur máttur máttlaus gagnvart vandamálum og rangar áherzlur

Nýjasta umhverfisráðstefnan veldur vonbrigðum kom í kvöldfréttum. Hversu margar svona ráðstefnur hafa skilað verri árangri en til var stefnt undanfarna áratugi? Allar? Reykspúandi flugvélar og sjálfumglaðir ráðherrar, gaman fyrir elítuna?

 

Einnig kom í fréttum og var fyrsta frétt sumsstaðar að ofbeldi hefur harðnað í Reykjavík nákvæmlega á sama tíma og lögreglan ásamt femínískum félögum margvíslegum leggja megináherzlu á að útrýma ofbeldi í öllum þess myndum!!! Hvar er Spaugstofan núna? Hvar eru Geir og Grani?

 

Annað markvert í fréttum þessu tengt, leiðtogar kvennaráðstefnunnar krefjast þess að yfirvöldin útrými því ofbeldi sem hefur aukizt, að sögn vegna Covid-19 undanfarin ár, bæði hérlendis, en ekki sízt í öðrum löndum, enda er þetta alþjóðlegt vandamál.

 

Er hægt að taka þetta sama og fá niðurstöður og ályktanir af þessu?

 

Hvað minnir þetta okkur á?

 

Jú, kommúnistar í Sovétríkjunum trúðu á reglur og almætti mannlegra lagasetninga, trúðu því að með því að skipa fólki að vera svona eða öðruvísi kæmist allt í lag. Sú tilraun bjó til helvíti á jörð.

 

Maðurinn hefur ekkert lært, hvað þá konan.

 

En þetta er allt tengt og hluti af sömu klikkuninni, sem hægt er að kalla fasisma eða ofurtrú á regluverk.

 

Mín lausn er einföld. Mannkynið þarf að stíga nokkur skref til baka, hafna tækninni og þeirri framþróun sem hefur orðið undanfarin 30 ár eða svo, fara aftur til náttúrunnar.

 

Í stað þess að "hjálpa" íbúum Afríku (með trúboði og hámenningarsiðatrúboði) áttum við að læra af þeim og lifa í sátt við náttúruna eins og þeir gerðu, og aðrir sem voru óspilltir af "siðmenningunni", og eins og við Vesturlandabúar gerðum einnig áður.

 

Þetta er ekki flókið, en kannski skilur Gréta Thunberg þetta, og á hana er hlustað, hún er talin marktæk. Það þarf meira en lítið til að bjarga jörðinni og mannkyninu. Það þarf einhverjar svona stórar lausnir.