Falsfréttir = sannleikur - í langflestum tilfellum.

Ég er nú farinn að skrifa sjaldan um eitthvað sem er merkilegt eða skiptir máli, en það er nú vegna þess að sannleikurinn er orðinn að því sem yfirvöldum þóknast ekki að heyra. Þó verður maður að fá útrás fyrir gremjuna stundum og þá hreyfir maður við einhverju sem skiptir máli en er ekki bara froða, eins og maður á helzt bara að fjalla um samkvæmt föntunum sem flest eiga.

Síðast þegar ég átti vitrænar samræður hér á blogginu var þegar Guðjón Hreinberg fjallaði um siðrof og fleira og ég kom með athugasemd þar sem þurfti meira en vit í leggjum.

Ég hefði gjarnan viljað svara honum betur og fara dýpra í málin, en það kemur margt til að maður gerir það ekki. Alveg eins og elítan er með sín alvöru, grimmu stjórnunarfræði fyrir luktum dyrum þannig finnst mér að dýpri speki okkar efasemdarmannanna eigi að vera það líka, þótt öðruhverju verði ekki hjá því komizt að reyna að hreyfa við sem flestum.

En hann skrifaði um sundrunarsálfræðina í svari sínu og komst þar ótrúlega nærri sannleikanum, fannst mér. Hann skrifaði um máttvana reiði sem er látin kurra og krauma í sálunum unz uppúr sýður. Allt svo dásamlega satt og rétt að maður fyllist lotningu og vill frekar þegja en að snerta á kýlunum of mikið.

Og þó. Eftir að hafa horft á þátt Gísla Marteins enn einusinni, svona eins og bara til að vita hverskonar froðumenningu er boðið uppá þessa vikuna, þá finnst manni ástæða til að koma með smá rannsóknarniðurstöðu úr mannfræðiathugun, svona eins og Berglind Festival gerir mest í gamni, en pínulítið í alvöru sennilega líka hjá henni.

Þegar gestir þáttastjórnandans komu inná hinsveginmálefnin annarsvegar og síðan hvalafriðunarmálefnin hinsvegar fannst mér ástæða til að tjá sig um það. Reyndar var við því að búast að þetta yrði tekið fyrir, þetta eru ein mestu áróðursmálefni RÚV. Það gefur auga leið að Hera Hilmarsdóttir er hvalaverndunarsinni úr því að hún er Hollywoodleikkona. Hópþrýstingurinn gerir það að verkum, en ég þó 100% viss um að hún hefur meiri vitsmuni en svo að hún skilji ekki að á því máli eru fleiri en ein hlið, og maður getur ekki verið 100% viss um aðra hliðina án þess að vera hræsnari eða að þykjast til að næla sér í vinsældir og samfélagsstig hjá ákveðnum hópi, eins og Hollywoodleikurum, sem þykist vera "albezta fólkið", ekki bara góða fólkið. Þar er almenn dyggðaflöggun ekki nóg, þar dugar ekkert minna en dagleg dyggðaflöggun á sterum og ritskoðun og sjálfskoðun á milljón kílómetra hraða.

Síðan er þetta eilífa tal um hinseginmálefni eins og á því máli séu ekki margar hliðar líka, eins og til dæmis hin kristilega og íhaldssama og eins og engar framfarir hafi orðið í þeim málaflokki (eða breytingar allavega).

En Berglind Festival rannsakar fólk eins og pöddur, og það gera vísindamenn líka eins og mannfræðingar.

Mér finnst það svo augljóst að þjóðfélagsverkfræði húmanistanna er fyrirbæri sem hægt er að skrúfa til baka með mótvirkum aðgerðum og nota sömu aðferðirnar en gagnvirkar. Húmanismi er jú andheiti við kristindóminn þegar hann er orðinn vélrænn húmanismi sem afneitar sálunum, og allri speki nema sinni eigin þjóðfélagsverkfræði Marxismans.

Þannig að boðskapur minn í þessum pistli er þessi: Ef fólk vill "lækna" aðra af vinstrihneigð, flóttamannasamúð, trúleysi, samkynhneigð eða hvalafriðunarfirrum eða veganisma, eða einhverju öðru, þá þarf að líta á aðstæðurnar sem gerðu fólk svona, það þýðir lítið að þræta við fólk maður á mann.

"Galdurinn er hvernig þetta er virkjað", skrifaði Guðjón, og það er rétt. Þetta er ekki ósvipað og að forrita tölvur. Hann hefur þekkingu og reynslu úr þeim fræðum sem er ómetanlega dýrmætt fyrir speking sem rannsakar bilað samfélag og hálfeyðilagt.

Freud og Jung vissu jú ýmislegt, en ekki allt. Ég hef lesið eitthvað eftir þá og finnst þeir báðir takmarkaðir, en sérstaklega Freud. Þó finnst mér þeir báðir hafa kafað dýpra í sumt sem ég hef lítt gert, og útskýrt margt betur en aðrir.

Þó er það rétt að þeir náðu mjög langt í að kenna hvernig stjórna eigi fólki, en ég er nokkuð viss um að ýmsir fleiri hafa bætt við þeirra starf, og óþekktir aðilar jafnvel sem stjórna í leynum, eða komu fram með kenningar sem aðeins elítan veit um og stjórnar eftir.

Núna held ég áfram með þann sérlega góða þráð sem þarna var kominn.

Ég tek undir eiginlega allt sem hann kom inná. Hatrið er virkjað og triggerað af elítunni eða fólki á hennar vegum, og lömb eru leidd til slátrunar, sífellt eru bakarar hengdir fyrir smiði, (þótt smiðir séu bezta fólk, svona er nú orðtiltækið bara).

En það sem ég vil bæta við þetta er að það skiptir ekki máli hvaða orð eru notuð eða hvaða setningar eru notaðar. Elítan notast við annað, en það er hinn stöðugi heilaþvottur frá vöggu til grafar, sem þýðir að setningar skipta ekki máli, heldur síbyljan, sífelldar og stanzlausar lygafréttir og lygaáróður og ekkert hlé, frá foreldrahúsum til elliheimilis.

Að "spellbreaka" er svo sem ekki íslenzka en þegar enskan hefur sterkari skírskotun en íslenzkan er hið bezta mál að slangra eins og meistari Megas hefur alltaf gert, til dæmis, til að bæta við orkukryddi í boðskapinn. Að afdáleiða er gott orð sem þýðing á "spellbreaka".

Ég er nefnilega að komast á þá skoðun að djöflastjórnunin gangi út á einfalda dáleiðslu frekar en endilega andsetningu, eins og maður skrifaði um stundum áður.

Þá felst galdurinn í að aflétta bölvuninni, eða að rjúfa dáleiðsluna, hópdáleiðsluna í þessu tilfelli.

Á venjulega og dáleidda elítusauði duga kannski einföld triggeraorð eða triggerasetningar. En til að rjúfa dáleiðsluna þarf eitthvað annað.

Skipti maður út orðinu falsfréttir fyrir orðið sannleika þá er hægt að hlusta á fréttir og fréttaskýringar elítufjölmiðlanna án þess að brjálast. Maður þarf að vita að dáleidd hjörð notar alltaf röng orð og rangar setningar, útá það gengur allt ruglið.

Þessvegna er það vaxandi áhyggjuefni meðal glæpahyskis og meðvirknigreyja að brotabrot af sannleikanum kemst uppá yfirborðið, og er skiljanlega nefnt falsfréttir ranglega, rétt eins og fólk er ævinlega dæmt ranglega, það fylgir bara með í djöflaríkinu. Ég tek það fram að sumt af því ERU falsfréttir, en elítusauðir myndu aldrei kvarta nema vegna þess að heimsmyndinni röngu er ógnað af alvöru sannleikakornum sem fljóta með og fara í taugarnar á viðkomandi.

Nokkur orð um vitfirringavakninguna sem Katrín kallar eftir.

1) Vitundarvakning er BÚIN að eiga sér stað hvað varðar málefni hinseginfólks og það er ekki vandamálið, heldur að hún er gengin útí öfgar, og þegar svo er komið fær almenningur nóg og rís upp og snýst gegn þannig yfirstrekktum vitundarvakningum.

2) Vitundarvakningin raunverulega ER AÐ EIGA SÉR STAÐ, með "falsfréttunum", (les:Sannleikskornunum).

3) Hinar fordæmanlegu árásir sem hinseginfólk lendir í núna eru alveg sama fyrirbærið og versnandi ástandið sem er ríkjandi í Svíþjóð. Semsagt: Ástæðan er OF MIKIÐ, OF HRATT. Það er rangt að lausnin felist alltaf í því að jaðarhópar eigi að verða sífellt meira áberandi, eða að viljandi eigi að reyna að fá sem flesta í þá jaðarhópa. Það er tryggasta leiðin til að fólk í þeim jaðarhópum lendi í mótlæti, þegar almenningur fær nóg og finnst sér ógnað. Það á almennt að ástunda kærleika og reyna að skilja sem flesta, en samt eru ákveðin lögmál í gangi sem ekki verða hunzuð án afleiðinga, eins og að meirihlutinn skilgreinir sig á ákveðinn hátt, og meirihlutanum er hægt að ógna með ýmsum hætti, og stjórnvöld hafa verið dugleg við það nokkuð lengi á Íslandi og Vesturlöndum almennt. Þau uppskera nú samkvæmt því, sérstaklega í Svíþjóð.

Katrín hefur valdið ómældum skaða á þjóðfélaginu og misvitrir stjórnmálamenn af hennar tagi. Hinir einu sönnu hryðjuverkamenn eru fávís stjórnvöld sem eyðileggja og rústa hvar sem þau stíga niður fæti því þeir eru troðfullir af ranghugmyndum og firrum, sumir vita hvaðan.

Það er ömurlegt að átök skuli magnast í okkar fyrrum friðsæla þjóðfélagi. Það var þó búið að vara við bæði of miklum innflutningi fólks að utan, sem enn hefur að vísu ekki valdið sjáanlegu tjóni, en einnig að fara of hratt í ákveðnar vinstriáttir þannig að venjuleg miðjustjórnmál eru hunzuð, eins og þau sem Miðflokkurinn talar um, eini alvöru miðjuflokkurinn á Íslandi, hitt eru allt vinstriöfgaflokkar.

 

Vitundarvakning þolir enga bið

Athugasemdir

[Sigurður Kristján Hjaltested, 30.9.2023 kl. 03:22]

Frábær pistill og svo sannur.

Spurning hvenær Kata litla áttar sig á því að það er hún sem þarf á

vitundarvakningu að halda. Þessi VG flokkur, (vinstri geðveikir) eru búnir

að valda þjóðinni ómældum skaða. Siðblindan hjá henni er slík að hún er

stórhættuleg og þyrfti að víkja hið fyrsta og fá sér lækningu.

Kjarninn er sá, að fólk er búið að fá upp í kok af þessum átroðning hjá fáum og

umburðarlyndið er að snúast upp í viðbjóð í þeirra boði.

[Jóhann Elíasson, 30.9.2023 kl. 04:56]

Tek undir með Sigurði Kristjáni að þessi pistill er alveg frábær.  Það er orðið nokkuð langt síðan ég hætti að ergja mig á að horfa á Gísla Martein enda fannst mér hann safna í kring um sig "VINSTRA ÖFGALIÐI" og ansi fátt af viti sem var talað um.  Það hefur komið í ljós að flestar þessar svokölluðu "SAMSÆRISKENNINGAR" hafa ræst og byggir það undir gamla góð máltækið "SJALDAN LÝGUR ALMANNARÓMUR"......

[Ásgrímur Hartmannsson, 30.9.2023 kl. 16:42]

Vitund er vissulega að vakna meðal margra um hversu miklir skúrkar Kata og hennar hjörð er.

[Rúnar Már Bragason, 30.9.2023 kl. 16:43]

Er nú óssammála að mannfræðingar rannsaki fólk eins og pöddur. Hins vegar margt gott í pistlinum. Það má undirstrika sem þú segir með orðum eins og menningarstríð þá er verið að setja fólk með eða á móti. Í raunveruleikanum þurfum við ekkert að vera með eða á moti þótt við séum þátttakendur. Nasistarnir komust að því að lokum að það voru ekkert svo margir með eins og þeir héldu. Það sama á við í dag, það eru ekkert svona margir sem eru með í menningarstríði ákveðinna aðila.

[Ingólfur Sigurðsson, 30.9.2023 kl. 23:06]

Mjög góð athugasemd Sigurður, tek undir þetta.

[Ingólfur Sigurðsson, 30.9.2023 kl. 23:08]

Jóhann, já það er ákveðinn masókismi að þola Vikuna hans Gísla Marteins og ádeilur hans á sjálfstæðismenn, eða skítkast stundum. Tek undir þetta hjá þér.

[Ingólfur Sigurðsson, 30.9.2023 kl. 23:09]

Einmitt Ásgrímur, og þessvegna geisar stormur um stjórnina og óvinsældirnar sjaldan meiri. Vel orðað, takk fyrir innlitið og athugasemdina.

[Ingólfur Sigurðsson, 30.9.2023 kl. 23:20]

Rúnar, ég skal segja þér að ég tók þetta orðalag úr Agöthu Christie reyfara, að einhver kona leit á fólk eins og pöddur, held ég að það hafi verið orðað nokkurnveginn svoleiðis. Get samt ekki verið viss um hvaða bók, þær eru svo margar. En þetta var þýtt einhvernveginn þannig samt. Ja, orðalagið er ekki virðulegt, en lýsir því að rannsakandinn þarf fjarlægð á viðfangsefnið og má ekki láta glepjast af of mikilli samkennd.

Tek annars undir þetta. Fólk vill helzt ekki fara í leðjuslag. Mér finnst það ekki gaman en nauðsynlegt ef eitthvað vantar í umræðuna. 

Vandinn er sá að gremjuorð breyta litlu. Þó breyta þau einhverju. Almannarómi þarf að breyta og almenningsálitinu þannig að svona flokkar þurrkist út sem ekki gera gagn og stjórnmálamenn fái ekki að vera á alþingi sem bara vilja bæta eigin hag.

Við þurfum vissulega að taka afstöðu, og almenningur þarf að hreinsa af höndum sér þessa óværu.

Rétt er að þetta eru fáir aðilar í þessu menningarstríði, en í RÚV er halelújakór með þeim. Viðkomandi vinstriöfgamenn fá ekki andstöðu sem mark er tekið á.

Of lengi hefur fólk yppt öxlum og leyft öfgafólki að ráða, og talið það í lagi. Um leið og það kemur niður á efnahagnum breytist eitthvað.