Hvernig ætti köngulóarmaðurinn að geta snúið aftur?

Kóngulóarmaðurinn er ekki nema svipur hjá sjón eins og aðrar ofurhetjur. Pólitísk rétthugsun hefur svipt ofurhetjurnar öllu sem gerði þær heillandi, og nú lúta þær pólitík nútímans, eru ekki spennandi, og munurinn á réttu og röngu er eiginlega horfinn í þessum myndum.

Eftir að Metoobylgjan hófst um 2017 dó kvikmyndaiðnaðurinn og menningin endanlega, sérstaklega í Hollywood. Harvey Weinstein bjó til skemmtilegar kvikmyndir og var hamrammur að afli.

Vinstrimenn heyja stríð við hægrimenn í heiminum um völd. Samkvæmt Biblíunni er kynlíf nauðsynlegt og fólki er skipað að uppfylla jörðina af Guði Biblíunnar, og karlar eiga að hafa völd yfir konum. Það voru djöfullegir áhrifavaldar innan kirkjunnar sem gerðu kynlíf syndsamlegt, einsog Ágústínus kirkjufaðir. Metookonur notfæra sér slíkt til að ná völdum.

Mannanna lög eru ekki heilög og þeim má breyta. Það á við um Metoolöggjöf af ýmsu tagi líka, að sjálfsögðu.

Í Biblíunni er samkynhneigð kynferðisglæpur, en ekki það sem nútíminn flokkar sem slíkt. Biblían hefur lengur ríkt en Metoo og femínismi, og hennar lögbækur og lögmál. Því ætti frekar að telja þau lög hjálpa fólki en mannasetningar sem eru búnar til fyrir sérhagsmunahópa, þótt annað sé látið í veðri vaka.

Konur lifa það af þótt þær séu undir stjórn karla og leikföng þeirra. Það er einmitt glæpur að stöðva eðlileg samskipti kynjana einsog femínistar gera, ekki það sem er hefðbundið í samskiptum kynjanna, feðraveldið og karlremban blessuð, sem virkar vel og hefur hjálpað fólki í gegnum aldirnar.

Femínistar hafa eyðilagt Hollywood og bandaríska menningu. Til að bæta fyrir það reyna demókratar að ræna af Rússum peningum með stríði. Stríð til að græða og fyrirbyggja kreppur, það er gamla ráðið sem enn er notað, því miður.

Köngulóarmaðurinn snýr aftur

Athugasemdir

[Guðmundur Örn Ragnarsson, 19.5.2023 kl. 20:03]

Það er sannarlega rétt hjá þér Ingólfur að Köngulóamaðurinn snýr ekki aftur.

Jesús kemur hins vegar aftur. Hann var og er sá superman sem bregst aldrei þeim sem á Hann treysta.

Enginn friður án réttlætis, sagði konan.

Hvað skyldi hún meina með réttlæti?

Höggormurinn sagði við Evu í Paradís forðum: Það er ekkert réttlæti í því að Guð fái að hafa allt eftir sínu höfði.

Og hann sagði við hana: Guð veit að jafnskjótt og þið etið af honum (ávexti Skilningstrés góðs og ills), munu augu ykkar upp ljúkast og þið munuð verða eins og Guð og vita skyn góðs og ills. (Gen. 3:5).

Femínistanum Evu þótti réttlætistilboð Djöfulsins girnilegt og þegar hún lét að vilja hans, steypti hún mannkyninu í glötun.

Femínistar eru nornirnar sem ríða um á kústsköftum í erindagjörðum fyrir Djöfulinn.

Brottrekin frá Paradís, tók Adam frumkvæðið eins og honum bar og drottnaði yfir Evu í árþúsundir þar til fyrir skömmu að hann fór að hlusta á jafnréttishjal kvenna sem runnið er undan rót Satans.

Það hefur á síðustu árum gengið af Feðraveldinu dauðu.

Eva hefur tekið stjórnina, eftir því sem hún heldur. Hún sem norn, var mætt á fund í Hörpu fyrir skömmu, fífluð af Djöflinum, líkt og í Paradís forðum, til að fylgja eftir glötunarstefnu hans, sem hún trúir enn að sé hið sanna réttlæti.

Synd Adams var að slaka á og gefa eftir af rétti sínum og skyldu til að stjórn og leiðbeina.

Þess vegna hleypur Höggormurinn í skarðið og tælir Evu til að láta að vilja sínum, en hún heldur sig vera við stjórnvölin.

Eva var sköpuð sem meðhjálp fyrir Adam, en honum er ætlað að ráða og ríkja yfir jörðinni.

Nú er kominn tími til að Adam setjist aftur í sæti stjórnandans? Líklega gerist það samt ekki fyrr en hinn síðari Adam, Jesús Kristur, kemur til jarðarinnar sem sigurvegari yfir hinum gamla höggormi og dreka.

Jesús Kristur mun krýndur veða Konung konunga.

[Ingólfur Sigurðsson, 20.5.2023 kl. 00:02]

Takk fyrir þetta Guðmundur Örn. Ég er sammála að mestu leyti. Nornasamkunda var þetta því miður í Hörpu, og það sem fólk áttar sig ekki á er að það fórnar eilífri sál sinni og ekki er það framtíð sem hægt er að hlakka til, ætti það að vita.

Því miður er gatan til glötunar alltaf breið og auglýst vel.