Evrópu hefur verið nauðgað af Satan, Húmanismanum, og Úkraínu einnig. Enn á að krjúpa fyrir Satan, og Ísland notað til þess.

Svefndrukknum augum lítur Evrópa í kringum sig eftir að hafa sofið þyrnirósarsvefni í marga áratugi, og prinsinn sem vakti hana af byrlunareitursvefninum heitir Vladimir Pútín. Ráðstefna er haldin á Íslandi, en Evrópa skilur ekki hvar ógnin er og hvar björgunin er.

Evrópu var ekki nauðgað af Seifi að þessu sinni heldur af Satan, sem á okkar tímum kallar sig Húmanisma og Jöfnuð. Þáði hún völd yfir heiminum og í staðinn féll hún fram og kraup fyrir Satan.

Það er alger firra að önnur lönd þurfi að skipta sér af Úkraínustríðinu. Litlar líkur eru til þess að Pútín hafi áhuga á að gera árás á fleiri lönd, og nú eftir mikið mannfall og eyðileggingu vopna má segja að möguleikar og áhugi á slíku séu núll í Rússlandi, og fyrir ráðamönnum þar vaki að sigra þetta stríð, eða ljúka því sem ætlunin var, ná einhverjum héruðum og nota það til heimabrúks til að hreykja sér af og sleikja sárin, og losa Úkraínu undan vestrænum áhrifum eins og hægt er.

Móðursýkileg viðbrögð Vesturlanda hafa sýnt og sannað, staðfest svo enginn efi er á því lengur að fyrir "lýðræðisríkjum" Vesturlanda vakir aðeins að komast yfir auðlindir Rússlands og Úkraínu, knésetja ríkin og kúga, með menningarlegum og efnahagslegum hætti, troða inn vestrænni helstefnumenningu hvað sem það kostar.

Í Silfri Egils í gær dró Katrín forsætisráðherra örlítið í land með það að eini tilgangur fundarins á þriðjudaginn sé að senda Rússum reikninginn fyrir eyðileggingu í Úkraínu og skrímslavæða Rússland enn frekar. Hún lét í veðri vaka að mörg mál væru á dagskrá. Hún gerir sér grein fyrir því hversu tildurslegt þetta er og prjálkennt.

Ég tók eftir því að einn frasa hefur Katrín oft notað þegar hún talar um þetta stríð, hún segir að lýðræðinu sé ógnað á okkar tímum af mönnum eins og Donald Trump og Vladimir Pútín. Ekki minnist hún á það að áður en Giorgia Meloni komst til valda á Ítalíu voru margir í svipuðum flokkum og Katrín er í tilbúnir að kalla hana fasista, hægriöfgamann og slíkum nöfnum, og jafnvel fleiri stjórnmálamenn sem nú eru komnir til valda í Evrópu.

Nei, lýðræðinu er ógnað af hræsnurum eins og Katrínu og öðrum sem ráða öllu í flokkakerfinu á Íslandi. Þetta fólk er komið svo langt frá hugsjónum sínum að það hefur breyzt í myndahreyfistyttur sem hreyfast fyrir vald og vilja leikbrúðumeistara sinna, eða er fullt af eiginhagsmunasemi.

Það er lítil von til þess að gagnlegar friðarviðræður verði efni Evrópuráðsfundarins í Hörpu á þriðjudaginn, en vonandi þó.

Selenskí virðist drengur sem ólst upp við bandarískar bíómyndir og gerir sér draumkenndar hugmyndir um að verða hetja á Vesturlöndum. Sá draumur hans hefur að vísu ræzt, því hann er hetja á Vesturlöndum, en þó er brosað að honum á bakvið tjöldin, því það sést að hann er leikbrúða sem dansar eftir pípu stríðsherranna og vopnaframleiðandanna á Vesturlöndum, sem Bob Dylan fjallaði um í laginu Masters of War á fyrstu plötu sinni sem sló í gegn, "The Freewheeling Bob Dylan" árið 1963. Þar hellir hann bölbænum yfir vopnaframleiðendur og stríðsmangara, nokkuð sem hann forðast yfirleitt að gera í textum sínum.

Frægð Selenskís er mjög umdeilanleg, því hann er með blóð þjóðarinnar á höndunum, hann er hetja, en hetja í leikriti sem var hannað á Vesturlöndum af þeim sem fundu upp Covid-19 og drápu fleiri til samans en í báðum heimsstyrjöldunum, ef við gerum ráð fyrir því að veiran hafi verið fundin upp á tilraunastofu, sem eru meiri líkur til en minni.

Selenskí er aðalleikarinn í leikriti auðjöfranna sem eru einræðisherrar og einræðisfrúr jarðarinnar. Þetta er mikið glys og mikill fjölmiðlasirkus, en það er búið að leggja svo mikið undir að heimsendir verður ef kjarnorkuslys verður eða kjarnorkustyrjöld eða efnavopnastyrjöld eða sýklavopnastyrjöld.

Að ýta undir þjóðir og menningu sem eru bæði á spillingarbraut og hnignunarbraut það getur aldrei verið gott, sama hvort sigur vinnst í einhverju stríði eða ekki. Evrópa er á spillingarbraut og hnignunarbraut og öll Vesturlönd. Úkraína er eins og kúguð eiginkona sem er meðvirk ofbeldismanni sínum, sem eru Vesturlönd. Úkraína er eins og Viðreisn sem styður Samfylkinguna og Dag B. Eggertsson til valda í Reykjavík þrátt fyrir óvinsældir Reykvíkinga.

Jafnvel þótt Rússar tapi þessu stríði þá er það skammgóður vermir fyrir lönd sem eru með ónýtan áttavita og fara eftir ónýtri pólitík, þar sem innfæddu fólki fækkar og sífellt færri börn fæðast, og mengun eykst, þrátt fyrir allar tilraunir og fundi ráðamanna til að minnka mengun.

Katrín fundar með forsætisráðherra Portúgal

Athugasemdir

[Magnús Sigurðsson, 15.5.2023 kl. 06:15]

Víðfeðmur pistill Ingólfur, -ég horfi reyndar aldrei á sjónvarp en eftir átfittinu á Eourovision sigurvegaranum og þeim sem vermdi annað sætið samkvæmt myndum á mbl, þá er greinilegt að söngvakeppnin hefur breyst í uppvakningasamkomu djöfladýrkenda í tímans rás.

Já og vel á minnst, þvílík samheldni á rétttrúnaðinn að það skyldu vera tvær nýju Nato þjóðirnar sem skipuðu tvö efstu sætin. Egill og Katrín hafa ekkert komið inn á það er það?

[Jónatan Karlsson, 15.5.2023 kl. 07:13]

Sæll Ingólfur.

Ég óttast að þú hafir mikið til þíns máls og er reyndar í fyrsta sinn farinn að gefa aðvörunum Guðmundar Arnar úr m.a. Opinberunarbókinni gaum, sem ég hef nú aldeilis ekki lagt í vana minn hingað til.

Þetta er að byrja að verða ansi skuggalegt, eins og þú bendir á.

[Jóhann Elíasson, 15.5.2023 kl. 08:04]

Flottur pistill Ingólfur og vert að fólk fari nú aðeins að hugsa hvað er raunverulega í gangi.  Ég hef haldið því fram, alveg frá upphafi stríðsins í Úkraínu að Úkraína og Rússland séu eiginlega ekki í stríði HELDUR SÉ UM AÐ RÆÐA STRÍÐ BANDARÍKJANNA OG ESB VIÐ RÚSSLAND Í ÚKRAÍNU.  Og eins og þú segir þá kóa nokkrir SMÁAÐILAR með Vesturlöndum, aðilar sem vilja láta taka eftir sér og vera stórir (eins og Kata litla og Utanríkisráðherra Íslands og fleiri svona "smápjakkar" sem í raunina skipta engu máli í stóra samhenginu, en þetta lið skammtar sér ótakmarkað fjármagn svo eftir þeim verði tekið).  Evrópuráðsfundurinn er ekkert annað en SÝNDARMENNSKA og ekki neitt sem getur komið út úr þessu "floppi".  Ég held að það eigi margt etir að koma í ljós varðandi Zelenski, sem á eftir að "sjokkera" heimsbyggðina............

[Sigurður Kristján Hjaltested, 15.5.2023 kl. 10:51]

Frábær pistill hjá þér og tek undir allar athugasemdir hér að ofan.

Sorglegt að litla hlutlausa Ísland skuli vera komið að fullu í stríðsrekstur.

Er ekki næst á dagskrá hja Kötu (vinstri geðveik) að herkvæða hér unga

menn til slátrunar í Úkraníu..? Tilgangurinn helgar meðalið ekki satt.?

Ætli allir yrðu jafn ánægðir þá og tilbúnir að styðja þennan geðveika

stríðsrekstur. Við sem þjóð erum nú þegar með blóð á höndum okkar,

bæði Rússnenskt og Úkraínskt.

Þvílík skömm.

[Guðmundur Örn Ragnarsson, 15.5.2023 kl. 12:02]

Þú ferð nærri um hlutina Ingólfur.

Femínistinn Eva steypti mannkyninu í glötun, þegar hún lét að vilja Höggormsins í Paradís forðum.

Í útlegðinni, brottrekin frá Paradís, tók Adam völdin eða þar til fyrir skömmu.

Eva hefur aftur að loknu feðraveldi Adams í árþúsundir, tekið stjórnina, eða svo heldur hún.

Hún er mætt í Hörpu fífluð af Djöflinum til að fylgja eftir glötunarstefnunni sem hún hóf í Paradís.

Þegar Adam slakar á og gefur eftir af rétti sínum og skyldu til að stjórn og leiðbeina, hleypur Höggormurinn aftur í skarðið og tælir Evu, sem heldur að hún stjórni, sem hún gerir aldrei því hún hefur aldrei verið hæf til þess.

Til þess var Eva ekki sköpuð.

[Ingólfur Sigurðsson, 15.5.2023 kl. 14:53]

Ég þakka ykkur öllum góðar og merkilegar athugasemdir og innlitið. Nei, Katrín og Egill komu ekkert inná að tvær nýjustu Natóþjóðirnar plöntuðu sér í efstu sætin í Evrusöngkeppninni, en kæmi mér ekki á óvart að spilling dómnefnda hafi áhrif í þau átt.

Katrín er mjög þjálfuð í því að tala utanum hlutina, og svo mjög utarlega að hún fjalli ekkert um málefnin, heldur eitthvað allt annað.

Jónatan, það er rétt, spillingin er orðin svo augljós og víðtæk að minnir þar á frægar lýsingar í Opinberunarbókinni.

Jóhann, þar er ég þér sammála, þarna hittir þú alveg á það rétta. Eins og Hallur Hallsson skrifar um í nýjum pistli, hægt er að rekja þræðina til Joe Bidens og Obamastjórnarinnar.

Sigurður, þakka þér fyrir. Já það er skömm að Ísland taki þátt í þessu, við sem vorum stolt af því að vera friðelskandi og herlaus þjóð. Nú fer það að nálgast að hér komi kannski íslenzkur her, og samvinna við ESB og Nató. Allt vekur það athygli Rússa og því stóreykst hættan á árásum frá þeim eða öðrum þjóðum.

Guðmundur Örn, nákvæmlega rétt. Femínisminn virðist ein fyrsta syndin, og með því að vinna gegn honum og sigra þennan femínisma væri hægt að bæta þjóðfélagið mikið.

En ég vil trúa að hægt sé að biðja fyrir því að skárri útkoma komi af þessari ráðstefnu en virðist. Jafnvel í hinu versta og spilltasta fólki er yfirleitt eitthvað gott, sem þarf að reyna að virkja og höfða til, og láta það koma á yfirborðið.

Takk fyrir góðar athugasemdir.