Er hægt að kenna trúarofstæki um að bandarísk móðir drepur börnin sín, eða eru ástæðurnar aðrar?

Nú er það orðið algengara að fréttir komi um konur sem fremja glæpi, eins og að drepa börnin sín. Skyldi kvenréttindakonum hafa dottið í hug að þessar yrðu afleiðingar baráttu þeirra umfram það sem þær sögðu og fullyrtu? Skyldi engum hafa dottið í hug á þeim tíma að neikvæðar afleiðingar yrðu af þessum þjóðfélagsbreytingum, sem kalla má mjög miklar?

Trúarofstæki er talið upp sem ein helzta ástæða fyrir þessum voðaverkum. Erfitt er að meta það til móts við persónuleika konunnar, en það kann að hafa spilað inní. Heimsendabækur sem byggja lauslega á trúarkennslu mormóna eru taldar hafa hvatt hana til verknaðarins.

Ef tölfræði yrði tekin saman um glæpi kvenna í nútímasamfélaginu og svo feðraveldissamfélaginu kæmi mér það ekki á óvart að þeir séu orðnir fleiri og verri í nútímaþjóðfélaginu. Miðað við margar nýlegar fréttir á DV um óvenjulega glæpi af þessu tagi, þá kæmi það ekki á óvart.

Ef konur voru betri og friðsamlegri innan feðraveldissamfélagsins og tölfræði almenn styður það, hlýtur það að vera hörð gagnrýni á vestrænt samfélag nútímans.

 

Dæmd sek fyrir að myrða börnin sín

Athugasemdir

[Jóhann Elíasson, 14.5.2023 kl. 10:01]

Þarna er komið verðugt rannsóknarefni fyrir þetta lið sem er í "kynjafræðigreinunum" í Háskóla Íslands...... 

[Guðmundur Örn Ragnarsson, 14.5.2023 kl. 12:09]

Katrín æðsti prestur, hofgyðja, Loftlags-sértrúarsafnaðarins stendur í þeirri trú að nauðsynlegt sé að leyfa í landslögum dráp barna í móðurkviði fram að fæðingu.

Trúarofstæki hofgyðjunnar og safnaðar hennar leiðir til útrýningar þjóðarinnar ef ekki verður tekið í taumanna.

En í Speki Salómons 12. kafla segir:

3 Þú hataðir hina fornu íbúa þíns heilaga lands 4 sakir viðurstyggilegra verka þeirra. Þeir iðkuðu forneskju og særingar, 5 miskunnarlaus barnamorð og neyttu mannakjöts, innyfla og blóðs í blótveislum.

6 Þessum foreldrum, sem myrtu hjálparlaus börn sín, ákvaðst þú að tortíma með hendi feðra vorra 7 til þess að landið, sem er þér dýrmætast alls, byggðist maklegum landnemum, börnum Guðs.

[Ingólfur Sigurðsson, 14.5.2023 kl. 19:19]

Sælir, bæði Jóhann og Guðmundur. 

Í athugasemd Guðmundar felst eiginlega vísbending til Jóhanns. Kynjafræðingarnir í Háskóla Íslands munu nefnilega seint eða aldrei iðrast eða rannsaka þetta, heldur finna útskýringar í anda fræðanna. Það er hyldjúp gjá á milli kristninnar og Háskólans í svo mörgu.

Ég er sammála Guðmundi Erni með það að ég efast mjög um að Katrín snúi frá villu síns vegar með fóstureyðingar og aðra öfga. 

Fyrir kynjafræðingum vakir að halda vinnunni og gera sem flesta ánetjaða kenningunum, hafa tök á þjóðfélaginu.

Það væri bara óskandi að einhver kæmi með einhverjar skoðanir eða spurningar til leiðtoganna í Hörpu á þriðjudaginn, til að stuðla að friði og öðru en einstefnunni í ESB.

Ég tel að ástæður fyrir svona voðaverkum séu þjóðfélagslegar. Það er streitan, húðflúrin, innstreymið frá helstefnuhnöttum og helstefnuáhrifin margvíslegu.