Opinber afneitun á sannleikanum?

Ósigur fyrir lýðræðið, sigur kosningavélanna frá Dominion. Nú er hart sótt að Donald Trump fyrir smáatriði, vegna þess að hann ógnar spilaborg sem gæti hrunið. Þöggunartilburðir gegn trumpistum, virka þeir traustvekjandi fyrir bidenista?

Það verður nú ekki þaggað svo auðveldlega niður í vinsælum fjölmiðlamanni eins og Tucker Carlsson. Hann sagðist hata Trump af ástríðu, en það dugði bara ekki til, það sem hann sagði áður um að Trump hefði sigrað en ekki Biden ógnaði valdhöfum samt. Pétur afneitaði líka Kristi þrisvar, og þó útnefndi Kristur hann sem steininn sem kirkjuna skyldi byggja á, og kaþólskan miðar við páfadóminn. Jafnvel hinir stærstu menn trúarinnar snúast gegn henni stundum og eru þó steinar sem byggt er á.

Brottrekstur Tucker Carlsson virkar fyrir suma eins og staðfesting á því að hann hafi sagt sannleikann, að Donald Trump hafi unnið síðustu forsetakosningar, en stafrænt misferli hafi látið líta út fyrir að Joe Biden hefði sigrað. Kosningafyrirtækið Dominion Voting Systems hefur væntanlega á bakvið sig moldríka menn eins og Bill Gates. Samkvæmt orðabók Sverris Stormsker merkir moldríkur sá sem er dauður og sem orðinn er að mold. Já, og ef við heimfærum þetta uppá kristna trú má segja að allt hold sé mold, og sá sem eigi milljónir sé of tengdur því jarðneska.

Hvernig er það hægt spyrja einhverjir. Jú, heiminum er stjórnað af örfáum einstaklingum sem eru moldríkir, og með peningum er hægt að stjórna heiminum, bæði hvaða skoðanir þú hefur og hvernig þú hegðar þér, hvað þú telur rangt, hvað þú telur rétt, og svo framvegis. Hjörðin fylgir valdinu og valdið er skapað af billjónum, og billjónerum, sem eru fáir.

Fox sjónvarpsstöðin hefur þurft að greiða 787 milljónir að auki sem bótagreiðslur til Dominion kosningavélanna, vegna meiðyrðamálsins sem Dominion sigraði en Fox tapaði.

Enn einu sinni þarf almenningur að spyrja sig hvort hann eigi að trúa því sem opinberlega er sagt.

Bloggarinn Inga Halldórsdóttir skrifaði nýlega um það í pistli að Bill Gates ætti um það bil helming allra jarða í Bandaríkjunum!!! Hann vinnur að fólksfækkunaráætlun ásamt mörgum öðrum. Bill Gates og George Soros hafa keypt tugmilljónir eignasafna þrotabúa banka, og Bill Gates á Open Border Society, Rauði krossinn alþjóðlegi þar undir, þrýstihópasamtök glóbalista og flóttamannaiðnaðar, Evrópusambandið, fréttaveitur, menntastofnanir, útlendingastefnur, og fleira.

Halda menn virkilega að svona réttarhöld gegn Fox, sem hefur oft staðið með Trump og komið með annan vinkil en Reuters/Rúv dæmið hafi komið úr lausu lofti og að pólitík óréttlætisins komi þar ekkert við sögu, pólitík valdanna gegn sannleikanum?

Reynt er að láta fólk trúa yfirlýsingum sem hafa kostað milljónir á milljónir ofan í réttarsölum. Hafa menn heyrt um hugtakið að trúa keyptum sannleika? Hversu dýr var þessi "sannleikur?"

Sættir í máli Fox News og Dominion

Athugasemdir

[Guðmundur Örn Ragnarsson, 29.4.2023 kl. 20:28]

Þetta er nú sá besti pistill sem ég hef lesið eftir þig, Ingólfur. Þessi færsla þín er að mínu viti frábær, og ég álykta sem svo, að þú sért hér leiddur af Heilögum anda.

Tucker Carlsson sagði einmitt að þeim mun oftar sem þú talar út SANNLEIKANN til heimsins verður þú frjálsari og óhræddari og gerir það því aftur og aftur.

En það er einmitt það sem þú ert að gera hér, Ingólfur.

31 Þá sagði Jesús við Gyðingana, sem tekið höfðu trú á hann: Ef þér eruð stöðugir í orði mínu, eruð þér sannir lærisveinar mínir 32 og munuð þekkja SANNLEIKANN, og SANNLEIKURINN mun gjöra yður frjálsa. (Jóh. 8.)

Því næst talar Jesús til andstæðinga SANNLEIKANS líkt og þú og Carlsson gerið:

40 Nú leitist þér við að lífláta mig, mann sem hefur sagt yður SANNLEIKANN, sem ég heyrði hjá Guði. Slíkt gjörði Abraham aldrei.

41 Þér vinnið verk föður yðar. Þeir sögðu við hann: Vér erum ekki hórgetnir. Einn föður eigum vér, Guð.

42 Jesús svaraði: Ef Guð væri faðir yðar, munduð þér elska mig, því frá Guði er ég út genginn og kominn. Ekki er ég sendur af sjálfum mér. Það er Hann, sem sendi mig.

43 Hví skiljið þér ekki mál mitt? Af því að þér getið ekki hlustað á orð mitt.

44 Þér eigið Djöfulinn að föður og viljið gjöra það, sem faðir yðar girnist. Hann var manndrápari frá upphafi og aldrei í SANNLEIKANUM, því í honum finnst enginn sannleikur. Þegar hann lýgur fer hann að eðli sínu, því hann er lygari og lyginnar faðir.

45 En af því að ég segi SANNLEIKANN, trúið þér mér ekki.

46 Hver yðar getur sannað á mig synd?

Ef ég segi SANNLEIKANN, hví trúið þér mér ekki?

47 Sá sem er af Guði, heyrir Guðs orð. Þér heyrið ekki, vegna þess að þér eruð ekki af Guði. (Jóh. 8.)

[Ingólfur Sigurðsson, 30.4.2023 kl. 01:10]

Þakka þér kærlega gott innlegg Guðmundur Örn og hrósið. Mér finnst þú einmitt sá guðsmaður og prestur sem er hvað virðingarverðastur að þora að standa við þannig túlkanir á Biblíunni sem ég kannast við.

Tucker Carlsson hefur mátt þola margt af hinni bandarísku þjóð. Nú hefur ríkisstjórn Joe Bidens komið með sífellt þyngri árásir á Repúblikana og mér fannst mál að linni og að maður þyrfti að lýsa skoðun sinni á því.

Það er Repúblikönum og Donald Trump að þakka að stór hluti bandarísku þjóðarinnar er aftur farinn að vita að fóstureyðingar eru synd. Þetta er því mikil andleg barátta í Bandaríkjunum.

Vissulega finnst mér þessir ritningastaðir eiga vel við. Það eru þessi mál sem hér er verið að berjast um, líf og dauði, siðgæði og skortur á því.

Þakka þér kærlega fyrir. Ég er sammála því að þessi ritningarstaður passar vel við.