Sænska leiðin á öllum sviðum?

Ég held að fjölmiðlafólk á Íslandi ætti að rétta kúrsinn hvað varðar minnihlutahópa sem verða fyrir mestu hnjaski, samkvæmt nýrri könnun. Til dæmis fólk með óvenjulegar skoðanir og meiri líkamsþyngd en fjöldinn. Á sama tíma kemur frétt um að kynsegin einstaklingum fjölgaði um 75% árið 2022, sem er meira en helmingsfjölgun, og það virðist ekki koma fólki á óvart. Kvarta þeir mest sem hafa það verst? Gaman var að sjá Uglu Stefaníu hjá Gísla Marteini, hamingjusöm manneskja og hún lýsti Íslandi sem fordómalausri paradís fyrir kynsegin fólk að mestu leyti, þótt seint yrði baráttunni lokið. En maður hlýtur að spyrja sig hvernig standi á 75% aukningu í þessum hópi aðeins á einu ári.

Annað sem vekur athygli í nýjum fréttum er að lögreglan býst við aukningu í öllum málaflokkum, meira fé er sett í alla málaflokka og bætt í mannskapinn á öllum sviðum.

Er Ísland á réttri leið að fylgja sænsku leiðinni á fleiri en einn veg?

En það sem hjálpar langflestum Íslendingum er að laga kjör þeirra fátækustu, og vinna gegn verðbólgunni. Ég verð að vera sammála þeim mörgu sem æstir rita í DV undir fréttirnar athugasemdir, að gefa mætti Sjálfstæðisflokknum frí og prófa vinstristjórn, til að athuga hvort slík stjórn geri eitthvað fyrir þá verst settu eins og talað er um í þeim flokkum.

Nú held ég að sé tækifærið fyrir vinstriflokkana, þegar vinstrisveifla er í landinu. Spákonur á Útvarpi Sögu hafa margsinnis spáð því að þessi ríkisstjórn falli, og núna telja þær að hún falli í vor. Það kemur allt í ljós.

„Ljótir hlutir sagðir um mig“

Athugasemdir

[Helga Dögg Sverrisdóttir, 11.3.2023 kl. 11:24]

Ástæðan fyrir fjölgun hinsegin einstaklinga er sá gengdarlausi áróður á samfélagsmiðlum að þetta sé hið eina rétta fyrir unglinga og börn sem efast um kyn sitt. Kallast translestin á öðrum Norðurlöndum. Við eigum að stíga varlega til jarðar, leyfum börnum að vera börnum. Styðjum þau sem halda þessari hugmynd sinni til streitu. Sérfræðingar segja að um 80% af börnum og unglingum sættast við eigin kyn séu þau látin vera ekki stýrt inn á translestina. Í Danmörku er stúlkur í miklum meirihluta þeirra sem vilja vera hitt kynið (það finnast bara tvö kyn), óeðlilega mikið. Sérfræðingar um málaflokkinn benda á að oft liggja aðrar raskanir undir, s.s. einhverfa, átröskun, þunglyndi, hjá barni sem vill vera hitt kynið.

Ég var bara barn og stelpa eftir mínu eigin höfði - formannslif.blog.is

[Loncexter, 11.3.2023 kl. 19:02]

Mér var bent á mynd sem heitir; Hvað er kona. Hef ekki séð hana enn, en bæti brátt úr því.

En mikið væri gaman að sjá rúv fólkið vitkast og sýna þessa mynd á besta tíma.

[Ingólfur Sigurðsson, 12.3.2023 kl. 02:57]

Takk fyrir ykkar innlegg, Helga Dögg og Loncexter. Mér finnst gott að þið eruð sjálfstæð og gagnrýnin á samtímann. Sérstaklega hefur þú Helga Dögg staðið þig vel að skrifa um það mörgum finnst en þora ekki að tjá sig mikið um.

[Loncexter, 12.3.2023 kl. 12:17]

Ég efast um að fólk sem er að ,,hjálpa" fólki að komast í rétt kyn, sé uppfullt af einhverri góðmennsku.

Held að þetta snúist frekar um að koma á fót bissness sem allskonar sérfræðingar og geðlæknar eru að skapa handa sjálfum sér.