Margt bendir til að loksins takist Sjálfstæðisflokknum að fá útlendingafrumvarp sitt samþykkt, að vísu útþynnt, eins og Sigmundur Davíð segir. Fréttir utanúr löndum benda í sömu átt, að Jón Gunnarsson sigli í takt við alþjóðlegan vind í þessu efni

Forsætisráðherra Írlands vill nú skýrari löggjöf í útlendingamálum landsins, og fljótvirkari. Forsætisráðherra Írlands, Leo Varadkar, er nú kominn í hóp þeirra sem tala eins og Jón Gunnarsson, Jón Magnússon, þeir sem stjórna í Danmörku og sjá má að þessi hópur er sístækkandi. Úreltir kratar á Íslandi segja þetta fordóma, en í raun er þetta hluti af sjálfstæði og réttindum frjálsra ríkja og þjóða.

Hvað er það annað en lýðskrum hvernig Píratar tala og sumir í Samfylkingunni, um þessi mál? Þar er verið að höfða til barnaskaparins og einfeldninnar í fólki, og verið að hunza rökhyggju og skynsemi.

Margir hægrimenn láta hugfallast og hætta að nenna að reyna vera rödd skynseminnar vegna hatursáróðurs jafnaðarmanna, vinstrimanna og nú síðast yfirvaldsins í landinu. Þar með verður samfélagið stjórnlaust, enginn við stýrið og þjóðarskútan fer beint á næsta borgarísjaka.

Þessvegna er gott að fá svona fréttir utanúr heimi, að óskhyggjustjórnmálin láta undan síga og skynsemistjórnmálin komast þar aftur í tízku, annaðhvort vegna þess að það er nauðsynlegt eða að fólkið kýs þannig erlendis og vill aftur slíkar breytingar í rétta átt.

 

Vill að fólksflutningar verði teknir fastari tökum

Athugasemdir

[Jóhann Elíasson, 19.2.2023 kl. 13:57]

Ekki má gleyma því að einstaka þingmenn innan Viðreisnar hafa talað ákaft gegn því að gerðar verði nokkrar breytingar á útlendingalögunum svo stemma megi stigu við stjórnlausum innflutningi hælislitenda (við nefnum engin nöfn en fyrsti stafurinn er Sigmar Guðmundsson).  En það virðist vera að skynsemisröddunum í þessum málum sé aðeins að fjölga enda eru þar síðustu forvöð ef ekki á illa að fara....................

[Ingólfur Sigurðsson, 19.2.2023 kl. 23:40]

Já Jóhann. Kominn tími til að taka þetta úr flokkspólitískum farvegum og fara að ræða þetta í alvöru eins og Jón Gunnarsson reynir. 

Takk fyrir gott innlegg, og þínir pistlar eru góðir sem fyrr.