Helstefnan eykst, dystópían verður meiri, völd almennings minnka sífellt

Útkoma þessara kosninga í Bandaríkjunum er í hæsta máta grunsamleg og ótrúleg. Joe Biden hefur sjaldnar verið óvinsælli og þó vinna demókratar varnarsigur! Sérfræðingar töldu sigur repúblikana næstum vísan. Enda er það samkvæmt hefðinni, að flokkur sitjandi forseta tapi en andstæður flokkur vinni.

Niðurstöður þessara kosninga virðast kjaftshögg á Trump en er það trúverðugt? DeSantis gæti orðið eftirmaður hans, og þó er hann litlausari en Trump. Er hægt að trúa því að bandaríska þjóðin vilji þetta í alvöru, eða meira af stjórnarháttum demókrata, með eða án Joe Biden?

Nei. Samsæriskenningar þær sem Trump hélt fram eru margar sannar. Sú staðreynd að heill herskari hakkara á vegum elítunnar og allskonar sérfræðinga hefur tekið niður það sem kallað var í Silfrinu falsfréttir og slíkar vefsíður sýnir og sannar að þar var sannleikurinn sagður sem hitti í mark! Elítan hræðist sannleikann en ekki lygina.

Er almenningur bara hræddur eða trúir almenningur falsfréttastofum heimsins, elítuáróðrinum?

Aldrei hefur það verið eins trúverðugt og nú eftir niðurstöður þessara kosninga að Trump hafi í raun sigrað fyrir tveimur árum en ekki Joe Biden. Þessar niðurstöður hljóma ótrúlega, og því ekki þær niðurstöður þá líka? Fólk á ekki að sannfæra sig eftirá, heldur að nota rökvísi sína.

Ekki er hægt að treysta niðurstöðum neinna kosninga lengur í heiminum, því sérfræðingavaldið hefur aukizt svo mjög, búrakrasían. Tæknin er til staðar, viljinn.

Þegar Trump var við völd var blómatími samsæriskenningasmiða og áhangenda þeirra. Valdamesti maður heimsins, Donald Trump, hélt fram samsæriskenningum opinberlega og allt í einu var það í tízku að trúa samsæriskenningum. Gerspillt elítan ofsótti Trump og eitraðar strengjabrúður hans á heimsvísu, gegnumsýrðar af skólakerfi Andskotans.

Nú er ellihrumur maður valdamesti maður heimsins, Joe Biden, sem sumir segja að hafi komið af stað Úkraínustríðinu, annaðhvort fyrir slysni vegna orðalags eða með vopnaframleiðendur á bakvið sig sem stjórna honum.

Ég vitna ekki hér í neinar vefsíður samsærlinga, enda búið að taka þær beztu niður býst ég við, og ætti það að sanna fyrir efasemdafólki að hér er alvörumál á ferðinni en ekki lygar og blekkingar. Þetta er ekki barátta gegn falsfréttum heldur sannleikanum og hinum raunverulega veruleika. Sumar samsæriskenningar eru rangar, ekki allar. Annars væri ekki ástæða fyrir elítuna að hafa áhyggjur af þeim eða að þær taki völd frá elítunni.

Ef sérfræðingar eru spurðir hvort hægt sé að hafa áhrif á niðurstöður kosninga verða svörin margvísleg, en þó fer mikið eftir því hver spyr og hvort sérfræðingarnir eru í vasanum á einhverju valdi eða ekki.

Nú skalt þú lesandi góður spyrja þig nokkurra spurninga:

Ef Rússar geta haft áhrif á niðurstöður kosninga af hverju geta þá ekki demókratar gert það líka, í sínu eigin landi, miklu nær en Rússar og ekki síður tæknivæddir og ríkir, sem hafa mestra hagsmuna að gæta að halda völdum?

Af hverju er aldrei talað um að aðrar þjóðir hafi áhrif á niðurstöður kosninga þegar demókratar eru sagðir vinna sigur?

Hversu öruggar eru hátæknilegar kosningar þar sem allri nútímatækninni er beitt?

Myndu sérfræðingar frá háskólum á Íslandi í RÚV segja nokkuð annað en að ómögulegt sé að svindla í svona kosningum, einfaldlega vegna þess að þeir styðja allir Joe Biden, enda er næstum allt Ísland demókrataríki, kommúnistaríki, jafnaðarstefnuríki?

Lýðræði var mögulegt fyrir 50 árum og 100 árum þegar nokkurt jafnvægi var á milli hægriafla og vinstriafla í heiminum. Nú er staðan allt önnur. Svonefndir hægriflokkar eru vinstriflokkar líka, bara með örlítið önnur blæbrigði, þeir elska Mammon meira en Samael, en dýrka báða svipað mikið.

Raunverulegir hægriflokkar hafa engin völd lengur neinsstaðar, nema kannski í Rússlandi. Þar er reyndar fámennisklíka við völd og ekki frjálshyggja raunveruleg. Á Ítalíu er heldur ekki hægristjórn, heldur fálmkennd tilraun til að afeitra vinstrimennskuna, sem getur varla annað en runnið útí sandinn, einsog í Svíþjóð, því jafnaðarmennskan er búin að drepa og eitra þessi lönd svo að þau komast ekki uppúr nornapotti jafnaðarmennskunnar.

Lýðræði er ekki mögulegt þegar ein hugsun ræður allsstaðar, að leyfa örfáum aðilum að eiga allt, löndin, ríkisstjórninar, alþjóðafyrirtækin, samvizku þegnanna, menningunni... nefndu það...

Þessi sama elíta eignast sífellt meira í þessum orðum. Möguleikar fólks til að ráða eigin lífi minnka stöðugt, já og möguleikar til að hafa sjálfstæða skoðun eða tjá hana.

Lýðræðið er ekki í hættu af hendi Donalds Trump, þvert á móti. Það er í hættu af hendi elítunnar, jafnaðarmennskunnar, ESB, demókrata, búrókratanna, alþjóðahyggjunnar...

Demókratar hafa sigrað, jafnaðarmenn hafa sigrað. Tími Donalds Trump er liðinn og líkurnar á að hann verði aftur forseti minnka sífellt.

En þótt almenningur missi áhugann á samsæriskenningum verða þær ekkert minna sennilegar en áður.

Elítan hefur alveg jafn mikla þörf fyrir að upphefja sjálfa sig og kalla alla samsærismeistara sem koma með öðruvísi sýn á málin, og kalla það allt falsfréttir sem þó hugsanlega, já hugsanlega lýsir betur því sem gerist en opinberu fréttastofurnar sem allar eru samhæfðar meira og minna.

Silfur Egils var áður þáttur ólíkra skoðana, eins og nafnið gaf til kynna. Egill Skallagrímsson dreifði silfri sínu sér til skemmtunar til að vekja upp deilur. Í dag heitir þátturinn bara Silfrið, og er í undanskilið í nafninu "Satans", Silfur Satans, Silfur peningaaflanna, kapítalsins, elítunnar. Já, þátturinn sem eitt sinn var framúrskarandi góður er nú orðinn skuggamynd af sjálfum sér, andstæða þess sem hann var í upphafi.

Einstaka sinnum er lífsmark í Silfrinu, en það gerist æ sjaldnar.

Við erum ekki með fjölmiðla lengur, heldur síbylju, eitt gegnumgangandi suð þvælu.

Donald Trump var ekki einstakur forseti vegna þess að hann væri sérstakt góðmenni, þvert á móti óviðfelldinn með eindæmum eins og ég viðurkenni, nei, vegna þess að þrátt fyrir galla sína var hann óvenjulegur, sameinaði gríðarstóra hópa, snerti hug og hjörtu, bæði til haturs og ástar, en fjallaði um nokkuð sem aldrei áður hefur verið fjallað um á æðstu stöðum, samsæriskenningar sem aldrei fyrr, og vann sigur vegna þeirra.

Með þessum pistli viðurkenni ég að tími Donalds Trump er sennilega liðinn, en ég er einnig að segja það að það sem hann sagði er allrasízt afsannað. Andstaðan sem hann mætti og mætir enn ætti að sannfæra fólk um mikilvægi erindis hans og annarra með þannig málflutning, gagnrýni.

Hættum að standa með sigurvegurum "afþvíbara".

 

Biden kátur

Athugasemdir

[Helgi Viðar Hilmarsson, 14.11.2022 kl. 11:28]

Jeffrey Sachs er hægfræðiprófessor og var ráðgjafi Clinton stjórnarinnar í málefnum Austur-Evrópu. Hann er farinn að tjá sig þessa dagana fyrst og fremst vegna Úkraínustríðsins. Í einu af erindium sínu sagði hann BNA hefðu sitt lifibrauð af því að ljúga. Umræðan í dag er full af áróðurshugtökum eins og "samsæriskennig" sem er einfaldlega dannað orð yfir ímyndanir og vitleysu. Með því að slengja þessu orði fram þarf ekkert að ræða málið neitt frekar.

[Birgir Loftsson, 14.11.2022 kl. 12:10]

Góð grein.

[Guðjón E. Hreinberg, 14.11.2022 kl. 21:55]

Takk fyrir fín orð.

Við erum að upplifa endi á sjö sýnum, í tuttuguogeinni útgáfu: í kjölfarið uppgötvar fólk gildi og kraft Endurreistra Þjóðelda. Þegar þú gengur út, og þú reisir upp lögmæti, án þess að streitast gegn ólögmætu valdatökufólki sem kýs inn ómerk lög, þá missir elítan fótanna (nyttland.is).

Þetta er þegar hafið, en það fer hljóðlega með veggjum eins og skugginn í ljósaskiptunum.

[Guðjón E. Hreinberg, 14.11.2022 kl. 21:56]

Afs. "Endurreistra Þjóðvelda."

[Ingólfur Sigurðsson, 14.11.2022 kl. 23:07]

Takk fyrir góðar athugasemdir og innlitið. Ég vil hvetja þig Guðjón til að gefa út bók um þetta, fá álit hjá öðrum þannig að hún falli frekar í kramið hjá fjöldanum. Beztu rithöfundarnir eru án efa óútgefnir, allavega á okkar hryllilegu tímum, en svona speki myndi seljast eitthvað, og þá er til mikils unnið. En maður þarf þolinmæði til að sinna skriftum sem geta orðið söluvænlegar, maður skrifar drasl og þarf að endurskrifa.

Takk Helgi Viðar, þú ert vakandi fyrir lýðræðinu. 

Takk Birgir einnig, þú hefur skrifað mjög góða pistla núna lengi, sem mér finnst að mættu fá meiri athygli.

[Guðjón E. Hreinberg, 15.11.2022 kl. 11:54]

Takk fyrir góðu orðin. Nei, öllum predíkunum og skrifum varðandi Þjóðveldið er lokið af minni hálfu. Eyddi hverri stund í það árin 2012 til 2017 og er kominn í frí.