Hitabylgja í Evrópu, spár hafa ræzt

Hvernig er hægt að efast um hamfarahlýnunina eftir svona fréttir? Jafnvel þótt gripið yrði til harkalegra aðgerða nú þegar er vafasamt að það bjargaði málunum, svo illa er mannkynið statt. Útlitið er ekki bjart og þetta sýnir betur en margt annað að "menningin er hrunin", eins og Guðjón Hreinberg hefur fjallað um, jafnvel þótt hann sé ósammála mér í loftslagsmálum eru þessi orð hans mjög fleyg og eiga vel við um margt.

Ég er vinstrimaður að svo mörgu leyti, eins og hvað þetta varðar, en auðvitað er þetta mál sem næstum allir láta til sín taka núorðið. Ég ætti að fá meiri viðurkenningu fyrir að hafa fjallað um náttúruvernd í mörgum dægurlögum eftir mig, eins og á hljómdisknum "Blóm, friður og ást", frá 2000.

Enn langar mig að gefa út bók sem heitir "Engar umbúðir", en grunndrögin að henni voru gerð 1984, þegar ég gerði lag með því nafni í Digranesskóla. Slíkt þarf þó að endurrita, en þetta frekar en annað ætti erindi við nútímalesendur og ætti eitthvað að seljast.

Plastpokabannið var merkilegt hér á Íslandi og nauðsynlegt, en hvernig er hægt að fá stórþjóðirnar til að stórdraga úr plastframleiðslu og hætta því næstum alveg?

Hitabylgja í Evrópu „háalvarlegt mál“